Жаңалықтар

Қазақстан Үкіметі қаулы шығарып 2026 жылдың көктеміне дейін бензин бағасы өспейтін болды. Алайда сол мерзімнен кейін бензин бірден қымбаттап кетпей ме? Мәжіліс кулуарында қойылған бұл сұраққа Ұлттық экономика министрі Серік Жұманғарин жауап берді.

«Біз бензин пен дизельдік отынның бағасын бірден қымбаттатқан жоқпыз. Айына екі теңгеден қосып қымбаттатып отырдық. Бензин бірден қымбаттап кетпеуі үшін осындай шара қабылдадық. Қазіргі таңда алда не болатынын бір жағынан тексеріп, бақылағымыз келіп тұр», – дейді Серік Жұманғарин.

Министрдің айтуынша, Ресей мен Украинаның соғысы салдарынан РФ-да мұнай өнімдері күрт қымбаттап кеткен. Ал баға бәсекелестігі жағынан Қазақстан Ресейден қалып, мұнай өнімдері арзандай...

«Еуразиялық банк» 2024 жылғы қаржы нәтижесі бойынша акционерлерге дивиденд төлемейді. Бұл ақпарат Қазақстан қор биржасы (KASE) сайтында жарияланды. Шешімді банктің жалғыз акционері – «Евразиялық қаржы компаниясы» (ЕҚК) бекіткен.

Компанияның ресми құжатында банктің 2024 жылғы таза пайдасы бөлінбей, меншікті капиталды нығайтуға бағытталатыны мәлімделген. Құжатта:

«Еуразиялық банктің 2024 жылғы пайдасын бөлмей, өткен жылдардың бөлінбеген пайдасына қосу туралы шешім қабылданды. Қарапайым акциялар бойынша дивиденд төленбейді», – делінген.

ЕҚК акционерлері – Патох Шодиев, марқұм Александр Машкевичтің мұрагерлері және Алиджан Ибрагимовтың отбасы. Әрқайсысы компания капиталының 33,3% үлестен иеленеді. Осылайша бұл шешім нәтижесінде банк иелері 2024 жыл үшін дивиденд...

Спортшы Елдос Сметов Париж Олимпиадасындағы жеңісі үшін сыйлаған көлігін сатылымға шығарды. Бұл туралы инстаграм парақшасында жариялаған.

«Сатылымға шықты, жұғысты болсын деп… Алушылар болса, үлгеріңіздер», – деп жазды ол сторисіне. Сметов көлігін хабарландыру сайтына орналастырып, 45 млн теңгеге бағалаған.

Бұл көлікті спортшыға кәсіпкер былтыр қыркүйекте Жұмабек Жанықұлов сыйлаған еді.

Елдос Сметов – Орталық Азиядағы ең көп титут алған дзюдошы. 2024 жылы Франциядағы Жазғы Олимпиада ойындарына қатысып, алтын алды. Жеңісі үшін оған облыс әкімдігі бес бөлмелі пәтер мен Lexus 600 көлігінің кілтін табыс еткен.

Оқу-ағарту министрі Жұлдыз Сүлейменова бұл лауазымға келуге кімнің қолдауы болғанын және саясатқа қалай келгенін айтып берді.

Саясатқа қалай келді

Сүлейменова 2019 жылдан бастап елімізде ең алғаш рет әйел саясаткерлер үшін квота ашылғанын еске салды.

«Сол кезде менен партия (авт-«Аманат») «квота ашылып жатыр келесіз бе?» деп сұрады. Егер осы әйелдердің саясатқа қатысу квотасы болмағанда бәлкім мен саясатқа қадам баспас едім. Бүгінгі таңда мемлекет басшысының елдегі әйелдерді саясатқа қатыстыру және олардың саясатта шешім қабылдауда ықпалын арттыру реформалары негізінде деп атап өткім келеді»,– деді министр мәжіліс кулуарында журналистер сұрағына.

Министр болуына кімн...

Креативті индустрия нарығындағы 133 компания Салық кодексіндегі өзгерістерге қарсылық білдіріп, үкіметке үндеу жолдайды. Олар шағын және орта бизнес арасындағы B2B-әріптестік тізбегін бұзбау үшін корпоративтік табыс салығы (КТС) бойынша шегерім құқығын сақтауды өтінген.

Салық кодексі фрилансерлерге қарсы жұмыс істей ме?

Кодекстегі жаңа норма бойынша, ірі және орта бизнестегі компаниялар жеңілдетілген режимдегі кәсіпкерлердің қызметін сатып алғанда, олардың қызметін «шығынға» жатқыза алмайды. Бұрын банк немесе ірі жарнама агенттігі фрилансер видеографқа қызметі үшін ақша төлегенді, оны «шығын» деп есептеп, салық жүктемесін азайта алатын. Енді жаңа ереже бойынша, ол «шығын» деп есептелмейді. Бұл дегеніміз ірі компанияларға шағын ЖК немесе ЖШС-мен жұмыс істеу тиімсіз...

Жолақыны 500 теңгеге көтеруді ұсынған сарапшы Байділдинов сынның астында қалды. Оған қоғам қайраткерлері мен желі қолданушыларымен қатар, әнші Димаш Құдайберген де пікір білдірген. Депутат Ринат Зайыт та оның әрекетін сатқындыққа теңейді.

Kursiv. Media тілшісінің сауалына жауап берген депутат Байділдиновтің әрекетін сынға алды.

«Бізде қазақта «шіріген жұмыртқа» деген жақсы сөз бар. Ондай теңеу осындай адамдарға қатысты айтылады. Жұмыстан шығару керек деген пікірді қолдаймын. Ана тілі сияқты маңызды патриоттық себептерді айтпағанда, өз мемлекетіңді басқа елдің телеарнасына жамандау – ақылға қонымсыз іс. Мұны сатқындық деп бағалауға болады», – деді ол.

Айта кетейік, Байділдинов бұған дейін жолақы тарифін...

2026 жылдың 1 сәуіріне дейін шағын және бизнесті салық мекемесі тексермейді. Дегенмен Қаржы вице-министрі Ержан Біржановтың айтуынша, тексеріс жүргізілмесе, төленбеген салық кешіріледі деген сөз емес.

Вице-министрдің айтуынша, мемлекет салық берешегін есептен шығармайды. Алайда шағын және микробизнеске едәуір жеңілдік ұсынылып отыр: олардың 2023, 2024 және 2025 жылдардағы жұмысына салық тексерісі жүргізілмейді.

«Бұл – салықтық амнистия емес. Біз салықты кешірмейміз, тек өткен кезеңге тексеріспен бармаймыз», – деді Біржанов.

2026 жылдың 1 сәуіріне дейін негізгі салық қарызын төлеген кәсіпкерлер үшін қосымша жеңілдік қарастырылған:

Бұл қадам бизнесті қысымға алмай...

«Қайрат» футбол клубының басшысы Қайрат Боранбаев командасының келесі ойындары Алматыда емес, «Астана Аренада» өтуі мүмкін екенін айтты.

Боранбаевтың айтуынша, УЕФА клубқа матч өтетін орынды өзгертуге рұқсат берген. Соңғы шешім 5 қараша күні өтетін «Интерге» қарсы ойыннан кейін қабылданады.

«УЕФА тарапынан бізге матч өтетін орынды өзгертуге рұқсат берілді. Шешімді «Интермен» ойнаған соң қабылдаймыз. Уақыт бар, бәрі ауа райына байланысты. Біз, әрине, барынша Алматыда ойнағымыз келеді. Біздің алаң да, ойыншылар да дайын. Бірақ ауа райы жанкүйерлерге қолайсыздық тудыруы мүмкін. Былтыр 12 желтоқсанда «Челсимен» өткен «Астананың» ойынында қатты суық болғанын білеміз. Өзім де сол кезде матчқа бармадым, – дед...

Оқу-ағарту министрі Жұлдыз Сүлейменова Ақтөбе облысы Ойыл ауылындағы 14 жастағы оқушы қыздың босанған оқиғасына қатысты пікір білдірді.

Сүлейменова бұл іс бойынша тергеу жұмыстары жалғасып жатқанын мәлімдеді. Сондай-ақ оқушылардың жүктілік мәселесі өршіп тұрғанын, оған мемлекет тарапынан жүйелі жұмыс қажет екенін атап өтті.

«Бұл, әрине, өкінішті жағдай. Ерте жүктілік мәселесі өзекті болып отыр. Осыған байланысты мемлекеттік тұрғыдан жүйелі шешімге келетін болсақ, қазіргі таңда мектептерде акушер-гинеколог маманы жоқ, соны қайтару мәселесін Денсаулық сақтау министрлігімен бастап жатырмыз«, –  деді министр мәжіліс кулуарында.

Министр осы оқиғадан соң кейбір оқушылар психологиялық ауыр жағдайға тап болғанын айтады. Нәрестел...

Оқу-ағарту министрі Жұлдыз Сүлейменова сынып жетекшілердің үстемеақысына қатысты сұраққа жауап берді.

Kursiv. Media тілшісі Оқу-ағарту министрі Жұлдыз Сүлейменовадан сынып жетекшілердің үстемеақысына қатысты сұрақ қойды. Министр бәрі қаржыға тіреліп тұрғанын айтты.

«Сынып жетекшілердің мәселесі бұған дейін қарастырылған екен. Қазір бұл сұрақ қаржылық мүмкіндіктерге байланысты. Сынып жетекшілерден бөлек еден жуушылар, техникалық қызметкерлер бар. Сондықтан бұл мәселенің барлығын қаржының мүмкіндігіне байланысты қарастыратын боламыз. Бірақ бұл менің күн тәртібімде тұр», – деді Сүлейменова.

Айта кетейік, бұған дейін Ғани Бейсембаев қызметтен алынып, оның орнына депутат Жұлдыз Сүлейменова келгенін жазғанбыз.

Түркістан облыстық полициясы 71 жастағы шалдан жүкті болған жасөспірім қыздың оқиғасына қатысты жаңа хабарлама таратты. Онда істің полицияға қалай жеткені туралы айтылады.

Департаменттің Kursiv.Media-ға хабарлауынша, 2025 жылдың қыс айында жәбірленуші Астана қаласындағы медициналық мекемелердің бірінде жүкті ретінде тіркеліп, кейін босанған. Факт полицияға жеткенде, анасы қызының жас жігітімен өзара келісім негізінде байланыста болып, жүкті болғанын айтып, тергеу барысын жаңылыстырған.

«Осылайша олар арыз жазудан және сараптама жүргізуден бас тартқан.
Алайда ағымдағы жылдың 12 қазанында жәбірленушінің анасы күдікті ретінде 70 жастағы туысына қатысты арыз түсіріп, құқық қорғау органдарына жүгінді» делінген полиция хабарламасында.

Осы арыз негізінде Келес аудандық полиция бөлім...

Назарбаев университеті мен мектептері, сонымен бірге «Бөбек» орталығы 2026-2028 жылдары республикалық бюджеттен 261 млрд теңгеден астам қаражат алады. 22 қазанда Мәжіліс бекіткен заң жобасында осындай мәлімет бар.

Назарбаев атындағы мекемелер

Университет

Қазақстанның бірінші президенті Нұрсұлтан Назарбаевтың атымен аталатын білім беру мекемелері тағы үш жыл бойы бюджеттен қыруар қаражат алады. Қаржы министрлігінің ресми сайтында жарияланған құжатқа сәйкес, бір ғана Назарбаев университетінің өзі үш жылда, Ғылым және жоғары білім министрлігі арқылы, шамамен 126 млрд теңге алады.

Атап айтқанда, университет 2026, 2027 және 2028 жылдары 42 млрд теңгеден алып отырады. Салыстырар болсақ, бұл «Болашақ» бағдарламасына қарастырылған ...

Тағайындалғанына көп бола қоймаған оқу-ағарту министрі Жұлдыз Сүлейменова алғашқы іссапарын Жамбыл облысынан бастайды. Ол жасөспірімдерді ұрып-соққан жағдайды, оқушылар төбелесі жайлы ақпаратты бұрмалаған мектептерді аралап көрмек.

«Жамбыл облысына іссапармен бара жатырмын. Бала құқықтары жөніндегі уәкілдің есебі, Бас прокуратураның есебі негізінде сол мектептерге (зорлық-зомбылық фактілерін жасырған мектептер – ред.) барғымыз келеді Одан бөлек Ішкі істер министрлігі, осы жөніндегі депутаттары бірігіп, үйлестіру кеңесін өткіземіз», – деді министр үкімет отырысынан кейін тілшілерге.

Сүлейменованың сөзінше, жергілікті атқарушы органдар министрлік пен бала құқықтары жөніндегі уәкілдің ұсынымдарына жеткілікті көңіл бөлмеген.

Бұған дейін Бала құқықтары жөніндегі уәкіл Динара Зәкиева Жамбыл облысындағы кейбір...

Мемлекет енді «Отбасы банк» салымшыларына жыл сайынғы сыйақы төлеуді тоқтатады. Бұл туралы Қаржы министрі Мәди Такиев мәлімдеді.

Министрдің айтуынша, банк құрылған 12 жыл ішінде мемлекеттік бюджеттен шамамен 900 млрд теңге бөлінген. Ал «2026–2028 жылдарға арналған республикалық бюджет туралы» заң жобасы аясында алдағы үш жылда банкке 210 млрд теңге бөлуді жоспарланып отыр.

«Біз осы бағдарламаның арқасында салымшылар санын 10 есеге жуық арттырдық. Бүгінде олардың саны 2,1 млн адамға жетті. «Отбасы банк» мемлекеттік банк болғандықтан, қазіргі таңда қаржылық тұрақтылығы жоғары. 2024 жылдың қорытындысы бойынша таза табыс 121 млрд теңгені құрады. Сол себепті, сыйлықақыны қаржыландыру енді «Отбасы банкінің» өз қаражаты...

Қазақстанда Орталық Азиядағы ең үлкен Tier IV деңгейіндегі деректерді өңдеу орталығы салынып жатыр. Жобаның бірінші кезеңі келесі жылдың басында іске қосылады деп жоспарланған. Жобаны Akashi Data Center компаниясы жүзеге асырып жатыр. Оның бас директоры Владислав Минкевич «Курсивке» саладағы жаһандық трендтер туралы әрі ДӨО Қазақстанға өңірдегі цифрлық көшбасшылықты нығайтуға қалай көмектесетіні жайлы айтып берді.

Владислав, сіз орталығыңызды «үлкен деректер» аймағындағы өңірлік кластер ретінде позициялайсыз. Бұл стратегиялық таңдау ма?

– Akashi бастапқыда Қазақстанның ғана емес, өңірлік және ғаламдық ойыншылардың бизнес міндеттерін шешу үшін жасалған халықаралық жоба ретінде ойластырылды. Осы тұрғыдан алғанда, біз Орталық Азия мен ғаламдық желі арасында цифрлық көпір болуға тиіс...

Үкімет басшысының орынбасары – Ұлттық экономика министрі Серік Жұманғарин интернет-дүкені бар екінші деңгейлі банктерге әр тауардың нақты бағасын көрсету міндеті қойылатынын мәлім етті.

Kursivmedia тілшісі Серік Жұманғариннен Ұлттық банк базалық мөлшерлемені 18 пайызға көтергеннен кейін де халықтың несие алуы тоқтамаса, ақша массасы көбейе берсе, қандай шаралар қабылдайтынын сұрады. Министр ретінде халыққа қандай кеңес бергісі келетінін білгісі келді.

«Шынында да кейінгі жылдары Қазақстанда тұтынушылық несиелерді беру мөлшері өте жоғары. 1 қазандағы көрсеткішті есептегенде бүкіл банктердің несиелерінің мөлшері 40 трлн теңгеге жеткен. Оның ішінде 40 пайызы тұтыну секторына, 60 пайызы жеке секторға беріледі. Ол қауіпті жағдай деп айта...

Қазақстандағы ең ірі саяси науқандар 2027 және 2028 жылдарға жоспарланған, ал 2026 жылы елде ірі сайлау өтуі екіталай. Kursiv.Media, бюджеттен бөлінетін қаражатқа қарап, президент, парламент және мәслихат сайлауы қашан өтетінін болжауға тырысты.

Сайлау өткізуге бөлінген ақша

22 қазанда Мәжіліс «2026 – 2028 жылдарға арналған республикалық бюджет туралы» заң жобасын бекітті. Құжат Қаржы министрлігінің сайтында жарияланды.

Заң жобасында алдағы үш жылда Қазақстанда сайлау өткізу шығындары да көрсетілген. Үкімет жоспары бойынша, 2026 жылы Орталық сайлау комиссиясы (ОСК) бюджеттен 12,6 млрд теңге алады. 11,2 млрд теңге сайлау өткізуге, соның 4,7 млрд теңгесі сайлау қызметін қамтамасыз етуге жұмсалады.

Мәжіліс 2026–2028 жылдарға арналған республикалық бюджетті қабылдады. Жаңа Бюджет кодексінің талаптарына сәйкес әзірленген құжат Сенатқа жолданды.

Үш жылдық бюджетке сәйкес, мемлекет кірісі жыл сайын өседі деп жоспарланып отыр:

Шығындар да кезең-кезеңімен артады:

Бюджеттің бір бөлігі Ұлттық қордан бөлінетін кепілдендірілген трансферт есебінен толықтырылады. Оның көлемі жыл сайын шамамен 2,8 трлн теңгені құрайды.

Бюджет саясатының негізгі бағыты өзгеріссіз қалды: мемлекет әлеуметтік міндеттемелерді орындауға

Қазақстан экономикасындағы артық ақша елдегі инфляцияны күшейтіп отыр. Ұлттық банк басшысы Тимур Сүлейменовтің айтуынша, қымбатшылықты тоқтату үшін экономикадағы басы артық ақша «шығарылмақ».

«Біздегі инфляцияның басты себебі – экономикада ақшаның көп болуы. Монетарлық агрегаттар шамамен 18%-ке өсті. Бұл экономикаға шамадан тыс ақша құйылып жатқанын көрсетеді. Оның екі негізгі көзі бар: мемлекеттік шығынның көбеюі және тұтынушылық кредит беру», – деді Сүлейменов.

Экономистер мұны экономиканың қызып кетуі деп атайды. Халық пен бизнес қолындағы ақша көбейгенімен, отандық өндіріс сұранысты қамтамасыз ете алмай отыр. Нәтижесінде баға өсіп, импортқа тәуелділік артады, ал бұл өз кезегінде ұлттық валютаға қысым түсіреді.

Инфляцияны тежеу...

«Басқа жанармай бекетінен бензин құйып едім, көліктің дауысы өзгеріп, беріліс қорабы «тебе» бастады». Бұл сөзді талай жүргізуші айтқан болар. Арзан отын құйып, жанармайдан ақша үнемдеу тиімді-ақ. Бірақ тәжірибе көрсеткендей, арзан бензиннің сапасы төмен, салдары қымбатқа түседі. Өйткені қозғалтқыш темір тұлпардың «жүрегі болса», жанармай «күре тамырынан айналатын қаны» іспетті.

Сапасыз жанармай деген не?

Жанармай – бұл жай ғана сұйықтық емес, құрамында оннан аса көмірсутектер мен қосындылар бар күрделі отын. Егер оның құрамындағы тепе-теңдік бұзылып, арзан еріткіштер, су немесе күкіртті қосылыстар араласса, мұндай жанармайдың сапасы өзгереді – ол дұрыс жанбайды, қозғалтқышқа кері әсер етеді.

Сапасыз жанармайдың белгілері:

Дрондар шабуыл жасаған Орынбор газ өңдеу зауыты газ қабылдауды бастады, Қарашығанақтағы өндіру көлемі қайта қалпына келіп жатыр. Энергетика министрлігі осындай хабарлама таратты.

«Орынбор газ өңдеу зауыты қазақстандық кен орнынан шикі газ қабылдауды қайта бастады. Жобаның операторы 19 қазандағы оқиғаға дейінгі штаттық деңгейге жету үшін газ өндіру көлемін біртіндеп арттыруда. Шикізат қабылдаудың уақытша тоқтатылуы мен өндірудің қысқартылуы елдің ішкі нарығын газбен қамтуға кері әсер етпеді. Қазақстандық тұтынушылар алдындағы барлық міндеттемелер толық орындалды және орындалуын жалғастырады», – деп жазылған министрлік хабарламасында.

19 қазанда Ресейдің Орынбор облысындағы газ өңдеу зауытына украиналық дрондар шабуылдаған. Соның салдарынан Қарашығанақ кен...

26 қазан күні сағат 15:00-де Алматының Орталық стадионында маусымның басты ойыны «Қайрат» пен «Астана» ойыны өтеді. Командалар чемпиондық үшін таласады. Дәл осы кездесуде ел чемпионы анықталады.

Билеттер Freedom SuperApp және Kairat SuperApp қолданбаларында сатылымда. Клуб өкілдері жанкүйерлерді билеттерді тек ресми платформалардан сатып алуға шақырады.

Бір электронды поштаға ең көбі екі билет рәсімдеуге болады. Тапсырыс кезінде ЖСН енгізу қажет (екі адам болса — екі ЖСН көрсетіледі). Үшінші тарап сайттарынан алынған билеттер жарамсыз болуы мүмкін.

Еске сала кетейік, кеше 21 қазан күні «Қайрат» өз алаңында «Пафоспен» тең ойнаған еді. «Қайраттың» қақпашысы Темірлан Анарбеков бұл ойында үздік ойыншы атанды.

2026-2028 жылдарға арналған республикалық бюджет жобасы Мәжілісте таныстырылды. Қаржы министрі Мәди Такиевтің айтуынша, 2026 жылғы бюджеттің жалпы шығысы 27,8 трлн теңге көлемінде жоспарланып отыр. Бұл көрсеткіш 2025 жылмен салыстырғанда 2 трлн теңгеге көп.

Ал бюджет кірісі 23,1 трлн теңгені құрамақ, оның ішінде 19,2 трлн теңгесі – салық және өзге де міндетті төлемдерден түсетін табыс. Осылайша, 2026 жылы республикалық бюджет тапшылығы 4,7 трлн теңге болып, жалпы ішкі өнімнің 2,5%-ына теңеседі.

Үкімет келер жылы да әлеуметтік міндеттемелерді толық орындауға уәде беріп отыр. 2026 жылы әлеуметтік салаға 10,7 трлн теңге бөлінеді. Оның ішінде 6,8 трлн теңге әлеуметтік төлемдерге, яғни зейнетақы, жәрдемақы мен басқа...

Мәжілістің әлеуметтік-мәдени даму комитеті ең төменгі жалақы мөлшерін 110 000 теңгеге дейін көтеруді ұсынды. Бұл «2026 — 2028 жылдарға арналған республикалық бюджет туралы» заң жобасының қорытындысында жазылған.

«Халықаралық еңбек ұйымының ұсынымдарын ескере отырып әзірленген ең төмен жалақыны айқындаудың жаңа әдістемесін қабылдауға байланысты Әлеуметтік-мәдени даму комитеті ең төмен жалақының мөлшерін 85 000 теңгеден 110 000 теңгеге дейін ұлғайту жағына қарай қайта қарау қажет деп есептейді», – делінген комитет ақпаратында.

Осыған дейін Еңбек және халықты әлеуметтік қорғау бірінші вице-министрі Асқарбек Ертаев 2026 жылы азаматтық мемлекеттік қызметкерлер үшін ең төменгі жалақы 99 мың теңгеге дейін өсуі мүмкін екенін айтқан ед...