Жаңалықтар

2023 жылы Астана қаласына 1,6 триллион теңге инвестиция тартылған. Бұл туралы қала әкімі Жеңіс Қасымбек мемлекет басшысы Қасым-Жомарт Тоқаевтың қабылдауында айтты. Президент баспасөз қызметінің хабарлауынша, әкім елорданың әлеуметтік-экономикалық және инфрақұрылымдық дамуы жөнінде мәлімет берген.

Қала басшысының айтуынша, өңдеу өнеркәсібі, білім, медицина, логистика, көлік және басқа да салаларда іске асырылған жобалардың нәтижесінде 1,8 мың жұмыс орны ашылған, Ал биыл жұмыспен қамтылатын азаматтардың санын 2 есе ұлғайту, яғни 12 мың адамнан асыру жоспарланып отыр. Жалпы 2024 жылы 58 мыңға жуық жұмыс орнын ашу көзделген

«Былтыр күзде «Оңтүстік-Шығыс» газ жылу станциясын, «Тұран» газ жылу станциясының бірінші кезегін және үшінші ЖЭО-ны іске...

БҰҰ бақылаушылар тобының үйлестірушісі Эдмунд Фиттон-Браун Мәскеудегі жағдай аясында биыл жазда Парижде өтетін Олимпиада ойындарына алаңдайтынын білдірді. Бұл туралы РБК басылымы The New York Times басылымына сілтеме жасап хабарлайды.

«Мен Париждегі Олимпиада ойындарына алаңдаймын», – деп The New York Times Эдмунд Фиттон-Браунның сөзін келтіреді. «Олар террористердің басты нысанасы айналуы мүмкін».

Олимпиада ойындарының биыл Парижде 26 шілде мен 11 тамыз аралығында өтуі БҰҰ-ның алаңдауына себеп болып отыр. NYT басылымының жазуынша, лаңкестікке қарсы күрес жөніндегі басқа да батыс сарапшылары да осындай пікірде. Олардың пайымдауынша, Мәскеудегі Крокус Сити Холлдағы теракт «Ислам мемлекеті» лаңкестік ұйымының Еуропа елдеріне, әсіресе...

2021 жылдан бастап Қазақстанда кезең-кезеңімен жалпыға бірдей декларациялау бастау алды. 2025 жылдан бастап соңғы кезеңге өтіп, азаматтардың ең ауқымды санатына қатысты болады. Осыған байланысты көптеген адамдарда декларацияны қалай дұрыс толтыру керектігі туралы сұрақтар туындайды. Сонымен қатар жаңа Салық кодексі әзірленуде. Онда не болады және жалпыға бірдей декларациялаудың артықшылығы неде? «Курсив» осы сұрақтарды EY аудиторлық компаниясының серіктесі Владимир Фесенкоға қойды.

— Жаңа Салық кодексі жобасын қалай бағалайсыз? Бизнеске салынатын салықтар тұрғысынан нені өзгертуге болады?

— Бұл сұрақтың жауабы өте оғаш көрінуі мүмкін. Жақында президент Үкіметті, атап айтқанда қаржы және экономика министрлерін өзгертті. Ол іс жүзінде салық реформасына көңілі толмайтынын айтты. Бизнес...

Алматы тауларында екі турист жоғалып кетті. Бұл туралы Төтенше жағдайлар министрлігі хабарлады.

Қазіргі кезде бұл туристер іздестіліп жатыр. Туристерді іздеуге 4 құтқарушы мен 1 кинологиялы есеп кеткен.

«Осы минуттарда Алматы тауларында іздестіру-құтқару жұмыстары жүргізілуде. 4 қызметкер және 1 кинологиялық есеп Медеу ауданына Үлкен Алматы шатқалына бет алды. 19 жастағы екі жігіт ТЖД кезекшісіне олардың орналасқан жері туралы бейне ұсынды. Құтқарушылар іздестіру орнына шықты»,— делінген хабарламада.

ТЖМ егер тауда адасып қалсаңыз, бірден 112 нөміріне қоңырау шалу қажетін ескертеді.

Бұған дейін ТЖМ Алматы мен Алматы облысындағы тауларда қар көшкіні қаупі жоғары екенін хабарлаған...

Кейінгі кезде қазақстандықтар халықтың барлық санатына арналған жалпыға бірдей декларациялауды енгізуге байланысты салықтық заңнамадағы өзгерістерді жиі талқылайтын болды. Бұл өзгерістер халықтың қызығушылығын тудырып қана қоймай, әртүрлі пікірдің туындауына негіз болып отыр. Бұл мәселе тек ресми БАҚ-та ғана емес, ресми емес ақпарат көздерінде де қызу талқыланып жатыр. Қазақстандықтар декларациялау тақырыбын тереңнен талдау үшін форумдар құрып, ойларын ортаға салып, осы мәселеге қатысты сұрақтар қойып, өздерінің тәжірибесімен бөлісуде. Әлеуметтік желілерде пайдаланушыларда салық заңнамасына енгізілетін жаңашылдықтарға арналған жаңалықтар мен мақалаларды белсенді талдап, пікір білдіріп, ерекшеліктерін түсінуге тырысып бағуда.

Сонымен қатар салық саласындағы сарапшылар мен заңгерлерден кеңес  алуға деген қызығушылық артты. Мұның барлығы халықты...

Астана қаласының әкімі Жеңіс Қасымбек қыс бітіп, көктем келгенде нашар жөнделген жолдардың кемшін тұстары байқала бастайды деп отыр. Қала басшысы бүкіл қаланы аралап, биыл жөнделуі тиіс жолдардың жоспарын бекіткен. Жоспар бойынша, 2024 жылы жалпы ұзындығы 60 км болатын 50-ден астам көше жөнделмек. Бұл туралы ол Instagram парақшасында жазды.

«Қыс мезгілінен кейін нашар жөнделген жолдардың кемшін тұстары көріне бастады. Жауапты басқарма жол жұмысшылармен бірге жөнделетін көшелердің ұзаққа шыдауын қамтамасыз етуі керек. Жұмыс мінсіз, лайықты күйде және сын көтеретін деңгейде орындалуы керек», — дейді әкім.

Қала басшысы елорданың бүкіл ауданын аралап, биылғы...

Осы аптада Жапония орталық банкі сегіз жылдан кейін алғаш рет теріс пайыздық мөлшерлемені тоқтатып, шектен тыс ақша-несие саясатын жұмсартудан бас тартты.

Бұл өз кезегінде 2010 жылдары басталған теріс пайыздық ставкалардың жаһандық дәуірінің аяқталғанын айғақтайтын секілді. Өйткені сол жылдары теріс пайыздық ставка енгізген бірқатар еуропалық елдер COVID-19 пандемиясы және Украинадағы соғыстан кейін оң аймаққа көшіп алған болатын. Дания, Швеция және Швейцария елдері 2008 жылғы қаржы дағдарысынан кейін экономикалық өсімді ынталандыру үшін ставканы нөлден төмендетіп тастаған еді. Швеция 2019 жылы теріс ставкалардың күшін жойса, Дания мен Швейцария бұл қадамға 2022 жылы барды.

Ал Жапония банкі сегіз жыл бойы ақша-несие саясаты бағытында...

Шымкент МӨЗ-інде («ПетроКазахстан Ойл Продактс» ЖШС) жоспарлы алдын алу жұмыстары басталды. Осы кезеңде ішкі нарыққа мұнай өнімдерін біркелкі тиеп жөнелту үшін бүкіл өнім қоры жинақталған. Бұл туралы «ҚазМұнайГаз» компаниясының баспасөз қызметі хабарлады.

«Бұл жұмыс кәсіпорынның технологиялық қондырғыларын одан әрі қауіпсіз пайдалануды қамтамасыз ету үшін өнеркәсіптік қауіпсіздік саласындағы азаматтық қорғау туралы заңды орындау мақсатында және ҚР Энергетика министрлігінің жоспарына сәйкес жүзеге асырылады», — делінген компания хабарламасында.

Ал Павлодар мұнай-химия және Атырау мұнай өңдеу зауыттары штаттық режимде отын өндіруді жалғастырады.

Компанияның мәліметінше, ПҚОП-та жұмылдырылған мердігер ұйымдармен жоспарлы алдын алу жұмыстары бойынша алғашқы жиын...

Синоптиктердің болжауынша, 25 наурызда Қазақстанның 10 облысында жаңбыр, көктайғақ, тұман болады. «Қазгидрометтің» хабарлауынша, республиканың кей жерінде жел екпіні 20 м/с-тан асады.

Астанада және Атырау облысының солтүстігі мен шығысында түнде және таңертең тұман түседі.

Ұлытау облысының шығысы мен орталығында және Қарағанды ​​облысының оңтүстігі мен шығысында түнде және таңертең тұман түсуі мүмкін.

Ақмола облысының оңтүстігі мен шығысында түнде және таңертең көктайғақ болуы мүмкін. Оңтүстікте, батыста және облыс орталығында тұман түседі. Түнде және таңертең облыстың солтүстігінде, шығысында, батысында 15-20 м/с дейін жел күшейеді. Көкшетаудағы желдің жылдамдығы – 15 м/с.

«Ақмола облысында 2024 жылғы 27 наурызда ауа температурасының +5+10°С-қа дейін...

WhatsApp мессенджері тағы да «ертеңнен бастап» кейбір жаңа байланыс ережесі күшіне енетіні туралы фейк тарады. Ол бойынша мессенджердегі айтылған әңгіме мен хат жазылып, әлеуметтік желілердегі қадамдар қадағаланады. Бұл жалған. Бұл туралы StopFake жазды.

«Бұл хабарлама Қазнетте 2022 жылғы қаңтарда тараған. Ол кезде хабарлама Қазақстан Республикасы Ұлттық қауіпсіздік комитетінің атын жамылып тараған еді. Ведомство мұның бәрі өтірік екенін және біздің елде «байланыстың жаңа ережелері» жоқ екенін хабарлаған еді», – делінген хабарламада.

Сонымен қатар бұл хабарлама мәтін түрінде Қазақстан Республикасының Ұлттық қауіпсіздік комитеті аталмай Ресейде де таратылған. Ол елде де ақпарат жалған екенін айтып, теріске...

Ақтауда құны 2,5 млн теңге болатын әткеншек сынды. Бұл туралы Lada.kz хабарлады.

«Тұрғындар хабарлағандай, 11-шағын аудандағы Ынтымақ алаңындағы әткеншектер жарамсыз болып қалды. Ақтау тұрғындары «Трио» әткеншектерінің шынжыры тағы үзілгеніне шағымданды», – делінген хабарламада.

Әткеншектің құны – 2 553 441 теңге.

Жағдайға Ақтау қалалық тұрғын үй-коммуналдық шаруашылық бөлімі түсініктеме берді.

«Осы нысанды қалпына келтіретін мердігерді анықтау үшін конкурс жарияланды», – деп жауап берді департамент.

Тап осы нысан пайдалануға берілмей тұрып та сынған еді. Сәулет нысаны үш жыл бұрын салынған. Ынтымақтың орталық алаңында «Clover media group» ЖШС орнатып...

Астанада құқық қорғау органдарының қызметкерлері рейд барысында 2 тоннадан астам насыбай өнімін тәркіледі. Бұл туралы Астана әкімдігінің ресми сайты хабарлады.

Астанада тыйым салынған темекі қоспасымен белсенді күрес жүріп жатыр. Елорданың барлық ауданында вейп пен насыбайдың заңсыз таралуы мен қолданылуын анықтау бойынша рейдтер жүріп жатыр. Рейдтік іс-шаралар апталығында елорданың бес ауданында 500-ден астам сауда орны тексерілді.

Полиция департаментінің қызметкерлері аудан әкімдіктерімен бірлесіп, шегілмейтін темекі өнімдерін сатудың 70-ке жуық фактісін, оның ішінде насыбай өндірісі бойынша жерасты цехтарын анықтады.

Рейд барысында Байқоңыр ауданында полиция қызметкерлері насыбай өндіретін цехты тапты. Тәркіленген заңсыз өнімнің жалпы сомасы 10 млн теңгеден асады.

РФ президенті Владимир Путин 24 наурызды Ресейде жалпыұлттық аза тұту күні деп жариялады. Бұл қаралы күн Мәскеудегі «Крокус» орталығына қарулы шабуыл жасалғанына байланысты жарияланды.

Ресейдегі барлық мемлекеттік органның туы түсіріліп, салтанатты іс-шаралар тоқтады. Ресейдің шетелдегі елшіліктерінде де ту түсіріліп, халық елшілік пен консулдықтар алдына гүл қойып жатыр.

Кейінгі ресми мәлімет бойынша, терактіден 133 адам қаза болып, 152 адам жараланды. 11 адам ұсталды.

Қазақстан Республикасының Премьер-министрі Олжас Бектенов Астанадағы Ресей Федерациясының елшілігіне барды. Премьер-министр Мәскеудегі «Крокус Сити холл» ойын-сауық кешенінде жасалған лаңкестік әрекетке байланысты көңіл айту кітабына жазба қалдырды.

Мәскеу түбіндегі теракт

Жұма күні кешке...

Бұрын да айрықша маңызға ие Орталық Азияның мәні мен маңызы соңғы төрт жылда тіпті арта түсті. Пандемиядан кейін бұзылған логистикалық тізбектер Еуразиядағы тауар жеткізу мәселесіне әжептәуір әсерін тигізді. Ал 2022 жылы Ресей мен Украина арасындағы соғыстың басталуы геосаяси ахуалды тіпті күрделендіріп жіберді. Осылайша Орталық Азияның рөлі кенеттен күшейіп шыға келді.

Алпауыт елдер өңірдегі бес елге неге қызығады?

Әрине, бұл сауалға жалқы дәлелмен жауап беру қиын. Себеп көп. Ол себептердің шығу, туындау тегі де әр алуан. Ең бірінші кезекте, көп ел Орталық Азия елдерінің жер асты қазба байлығына және энергетикалық әлеуетіне қатты қызығады. Одан кейінгі себеп – өңірдің транзиттік әлеует...

Елімізде А гепатитімен ауыратындан саны артты. Бұл туралы Денсаулық сақтау министрлігі хабарлады.

«2024 жыл басынан бері елде жіті А вирустық гепатитінің 850 дерегі тіркелді. Бұл былтырмен салыстырғанда 1,9 есе жоғары», – делінген министрлік хабарламасында.  

Министрліктің мәліметінше, А вирустық гепатиті лас сумен, ластанған тағаммен және науқаспен байланыста болғаннан кейін кір қол арқылы жұғады. 

Аурудың белгілері – дене температурасының жоғарылауы, бас ауруы, тәбет қашуы, енжарлық, жүрек айнуы, құсу. Инкубациялық кезең – 14-тен 35 күнге дейін.

А гепатитімен ауыратын науқас симптомдар пайда болғанға дейін бір-екі аптадан кейін басқаларға жұқтырады. А гепатитиіне қарсы вакцина аурудан сақтайды...

Заманауи еңбек нарығында бесаспап маманнның бірі — маркетолог. Ол жарнаманы да реттейді, цифрларға да анализ жасайды. Бұл салада бәсекеге қабілетті болып қалғысы келген адам машығын үнемі дамытып отыруы керек. Олай дейтініміз — сұраныс жоғары. Олай болса маркетиң менеджердің түйіндемесі елден ерек болып тұруы үшін қандай скилз керегіне тоқталайық.

Маркетологтың бойында болуы керек hard skills

Қазақстан президенті Қасым-Жомарт Тоқаев Мәскеу түбінде болған терактіге байланысты қазақстандықтардың атынан Ресей президенті Владимир Путинге көңіл айтты.

«Мемлекет басшысы Ресей Президенті Владимир Путинмен телефон арқылы сөйлесті. Әңгімелесу барысында Қасым-Жомарт Тоқаев Мәскеу облысындағы лаңкестік әрекет салдарынан көптеген адамның қаза табуына байланысты қазақстандықтардың атынан Владимир Путинге және бауырлас Ресей халқына қайғырып көңіл айтты», – делінген Ақорда хабарламасында.

Тоқаев бейбіт тұрғындарға қатысты зорлық-зомбылықты қатаң айыптайтынын, терроризмге қарсы күресте Ресеймен бірге екенін тағы да растады. Өз кезегінде Путин қолдау көрсеткені үшін Тоқаевқа алғыс айтты.

Айта кетейік, кеше болған терактіден бір тәулік өткеннен кейін Ресей президенті отандастарына арнап үндеу жасады. Ол...

Ресей Федералды қауіпсіздік қызметінің басшысы Александр Бортников Владимир Путинге «Крокус Сити Холл» концерт залындағы шабуылға байланысты 11 адамның ұсталғаны туралы хабарлаған.

DW басылымының ақпаратына сүйенсек, Тергеу комитетінің соңғы мәліметі бойынша қайтыс болғандар саны 115 адамнан асқан. 100-ге жуық адам жарақат алып, ауруханада жатыр. Үйінділер астына қаза болған азаматтардың денесі табылып жатыр.

Қазақстанның реакциясы

Президент Қасым-Жомарт Тоқаев Қазақстан Мәскеудегі бейбіт азаматтарға қарсы террористік актіні қатаң айыптайды деп мәлімдеді. Сонымен қатар қажет болған жағдайда Қазақстан көмек қолын созатынын айтты. Тоқаев терроризмді мүлде ақтауға болмайтынын, БҰҰ-ға мүше мемлекеттерді жазықсыз азаматтарға қарсы зорлық-зомбылықтың бұл түріне бірауыздан қарсылық танытуға шақырды.

Осыған дейін президент Қасым-Жомарт Тоқаев Қауіпсіздік...

Президент Қасым-Жомарт Тоқаев Қауіпсіздік кеңесінің шұғыл отырысын өткізіп, терроризмге қарсы күресте Қазақстанның Ресеймен бірге екенін растады.

«Президент Қасым-Жомарт Тоқаевтың төрағалығымен Қазақстан Республикасы Қауіпсіздік кеңесінің шұғыл отырысы өтті. Мемлекет басшысы бейбіт тұрғындарға қатысты Мәскеу облысында болған зорлық-зомбылық әрекетті тағы да айыптай отырып, терроризмге қарсы күресте Қазақстанның Ресеймен бірге екенін растады», – делінген Ақорда хабарламасында.

Жиын барысында құқық қорғау құрылымдары мен жергілікті атқарушы органдардың жұмыс жоспары, сондай-ақ, экстремалды жағдайлардағы олардың қызметін үйлестіру мәселелері қарастырылған. 

Тоқаев ел азаматтарының қауіпсіздігін және терроризмге қарсы күрес мақсатында Қазақстанның басқа мемлекеттермен және халықаралық ұйымдармен ықпалдастығын қамтамасыз етуге бағытталған бірқатар тапсырма берді.

Мәскеу түбіндегі теракт

Жұма...

Өнеркәсіп пен құрылыс, медицина мен электроника, косметика мен тұрмыстық салада айырықша сұранысқа ие өнімнің бірі – полимер. Қазір бұл өнімнің өндірісін ұлғайтуға бірқатар ел құлшыныс таныта бастады. Өйткені онсыз кез келген істі бітіру қиынға соғады. Әсіресе, оның полиэтилен дейтін түрі кеңінен таралған. Argus зерттеуіне сүйенсек, 2032 жылға дейін полиэтиленнің өсім қуаттылығы жылына 5,8 млн тоннаны құрайды. Қазір жаһан бойынша өндірістің 43 пайызға жуығы Қытайға тиесілі болып отыр.

«2032 жылға таман зауыттардың орташа жүктемесі 85%-дан аспайды. Қытайдың өзін-өзі полиэтиленмен қамтамасыз етуі ұлғайып келе жатыр. Бірақ импорт та сақталады. Қытайда жоғарғы қысымдағы полиэтиленді шығару қуаттылығы баяу өсіп келе...

Президент Қасым-Жомарт Тоқаев Ресейде Мәскеу түбінде болған терактіден кейін Қауіпсіздік кеңесінің отырысын өткізеді.

«Бүгін Мемлекет басшысы Қасым-Жомарт Тоқаев Ресейдегі лаңкестік оқиғаға байланысты қабылданатын шаралар туралы Қауіпсіздік Кеңесінің мүшелерімен жиын өткізеді», – деп хабарлады Ақорда.

Жұма күні кешке Мәскеудегі «Крокус Сити Холл» концерт залында атыс болды. «Пикник» тобының «Крокус Сити Холлдағы» концерті кезінде комуфляж киген белгісіз біреулер оқ жаудырып, артынша жарылғыш зат лақтырған. 100 шақты адам жарақат алып, 40 адам қайтыс болған.

Біріккен Ұлттар ұйымының қауіпсіздік кеңесі Мәскеудегі терактіден кейін қайтыс болғандардың туыстарына көңіл айтты.

«Мен бұл ақпаратты естігенде...

23 наурыз Қазақстанда «Наурызнама» аясында «Тазару күні» басталды. Өңірлерде «Тазалық эстафетасы» акциясы өтіп жатыр.

«Наурызнама» онкүндігінің соңғы күні ұлттық экологиялық науқанға арналған. Тазару күні – мемлекеттің экологиялық түйткілдерді шешуге бағытталған іс-шараларына азаматтарды қолдау білдіруі.

Бұл күн азаматтарға қоршаған ортаны қорғау туралы түсінікті кең таратып, қоғамда экологиялық мәдениетті дамытуға мүмкіндік береді.

23 наурыз күні сағат 10.00 елдің барлық аймағында «Тазалық эстафетасы» акциясы басталды. Астанадаға акция аясында аулаларды, көшелерді, сондай-ақ арықтарды қар мен қоқыстан тазарту бойынша іс-шаралар ұйымдастырылды. Акцияға қала тұрғындары, бизнес өкілдері, құрылыс компаниялары, еріктілер, қоғамдық ұйымдар, мәдениет қайраткерлері, спортшылар қатысқан.

Алматы қаласының Экология және қоршаған орта басқармасының мәліметінше, Кіші Алматы, Есентай, Үлкен...

Авторлық телеграм канал ашатын кезде энтузиазм ғана емес, дұрыстап ойластырылған жүйе болғаны жақсы. Себебі бастапқыда құлшыныспен жақсы жұмыс істеп келе жатып түрлі қателікке бой алдыруыңыз мүмкін. Ол үшін алдымен жолда кездесетін қиындықтар мен оларды еңсеру жолдарын біліп алғаныңыз абзал.

Арна ашарда нені білуіңіз керек?

Біріккен Ұлттар ұйымының қауіпсіздік кеңесі Мәскеудегі терактіден кейін қайтыс болғандардың туыстарына көңіл айтты.

«Мен бұл ақпаратты естігенде қатты қайғырдым. Жағдайды бақылап отырмыз. Адам өліміне байланысты қайғырамыз және көбірек ақпарат алуға тырысамыз», – деді РИА Новостиге пікір білдірген БҰҰ Ресейдегі ресми өкілінің орынбасары Фархан Хак.

Ресей тергеу комитеті «Крокустағы» терактіден 60-тан астам адам қаза болғанын хабарлады. Қаза болғандар саны артуы мүмкін. 100-ден астам адам жарақат алған. Ресей тергеу комитеті теракт туралы қылмыстық іс қозғады.

Шабуылдың артында кім тұр?

Ресейлік «Коммерсант» басылымы «террорлық шабуылға» Украина жағында соғысып жатқан «Орыс еріктілер корпусының» (Русский добровольческий корпус)  қатысы болуы мүмкін екенін жазды...