Жаңалықтар

Фото: kursiv.media

2023 жылы АИТВ жұқтырған Алматы қаласының емделушілеріне мемлекеттік бюджеттен тегін берілетін дәрі-дәрмектерді сатып алуға 1,9 млрд теңге бөлінген. Бұл жайлы Алматы қаласы АИТВ алдын алу және оған қарсы күрес орталығының директоры Марат Төкеев мәлімдеді.

Алматыда АИТВ алдын алу және оған қарсы күрес орталығында АИТВ індетін жұқтырған 4429 адам есепте тұр. Қалада жылына 400-500 адам АИТВ жұқтырғанын біледі екен. 2022 жылы бұл ауруды жұқтырған 499 қала тұрғыны анықталса, 2021 жылы 467 адам анықталған. АИТВ орталығының мамандары жыл сайын 450 000-ға жуық адамға АИТВ талдауын жасайды.

«Осылайша, мегаполистің 5-20% халқы яғни бестен бір бөлігі біздің назарымызда...

Премьер-Министрі Әлихан Смайылов Грузия Премьер-Министрі Ираклий Гарибашвилимен келіссөз жүргізді. Шағын және кеңейтілген құрамдағы кездесулер ҚР Үкіметі басшысының ресми сапары аясында Тбилисиде өтті.

Ресми сапар аясында «Қазақстан темір жолы» ҰК» АҚ мен «Грузия темір жолы» АҚ арасында бірлескен кәсіпорын құру мен оның жұмысының базалық қағидаттары туралы үшжақты келісімге қол қойылды. Кеше бұл құжатқа «Әзербайжан темір жолдары» ЖАҚ қол қойды.

Еске сала кетейік, Қазақстан, Әзербайжан және Грузия бірыңғай логистикалық компания құрады. Ол тарифтік саясат, жүктерді тарату және ТХКБ-да көлік процестерін жеңілдету мәселелерімен айналысатын болады. Оның жұмысы нәтижесінде Қытайдан Еуропаға және кері маршрут бойынша өту мерзімі 10-15 күнге дейін қысқарады деп күтілуде.

Каспий теңізінің түбінде Транскаспий талшықты-оптикалық байланыс желісін (ТОБЖ) салу және пайдалану үшін бірлескен кәсіпорын құрылады. «Қазақтелеком» мен «AzerTelecom» арасында тиісті келісімге қол қойылды.

Қазақстан мен Әзірбайжанның жетекші телеком-операторлары арасындағы мәміле Премьер-министр Әлихан Смайыловтың Баку қаласына сапары аясында жасалды. Құжатта жобаны іске асыру шеңберінде әр тараптың атқаруы тиіс іс-әрекеттері анықталып көрсетіледі.

Бұл желі Еуропа мен Азия арасында жаңа цифрлық телекоммуникациялық дәліз құруды көздейтін «Цифрлық Жібек жолы» (Digital Silk Way) ауқымды жобасының бөлігі болады.

«Қазақтелеком» АҚ коммуникациялар департаментінің ақпаратына сәйкес, тараптар болашақ су асты желісінің жоғары деңгейлі HLD (high-level design) дизайнын әзірлеп, жобаны іске асырудың егжей-тегжейлі жол картасын бекітті.

Ресей Орталық Азия елдерімен бірлесіп, биологиялық зертханалар құрылысын жандандырғысы келеді. Бұл туралы РФ Қауіпсіздік кеңесінің хатшысы Николай Патрушев мәлімдеді.

«Интерфакс-Қазақстан» агенттігінің хабарлауынша, Патрушев жұма күні Алматыда өткен «Орталық Азия және Ресей» форматындағы қауіпсіздік кеңестері хатшыларының отырысында:

«Сонымен қатар биологиялық зертханаларды бірлесіп салу және үшінші елдермен ынтымақтастық туралы ашық ақпарат алмасу бойынша жұмысты жандандыру қажет», – деді.

Сонымен бірге ол аймақта Пентагон қадағалайтын биологиялық бағдарламаларға «алаңдап отырғандарын» жеткізді.

«Біз биоқауіпсіздік мәселесі бойынша, оның ішінде қазірдің өзінде жасалған екіжақты меморандумдар аясында тығыз өзара іс-қимыл мен үйлестіруге шақырамыз...

Фото: kursiv.media

Елімізде қылмыс 17% – ға азайған. Бұл жайлы 2023 жылдың бірінші жартыжылдығындағы жұмыс қорытындысы бойынша Бас прокуратура алқасының кеңейтілген отырысында Бас Прокурор Берік Асылов айтты.

Отырыс барысында қадағалау органының басшысы прокурорлардың негізгі күш-жігері азаматтардың конституциялық құқықтарын қорғау, қылмысқа, әсіресе оның ұйымдасқан нысандарына қарсы күрес, қылмыстық процесті жаңғырту, азаптаудың алдын алу, бизнесті қорғау жөніндегі міндеттерді орындауға бағытталғанын атап өтті.

«Өткен кезеңде ел бойынша қылмыс деңгейі 17%-ға яғни 74650-ден 61442-ге дейін төмендеді. Прокуратураның үйлестіруімен аймақтардағы қылмыстық жағдайға нақты әсер еткен 10 ұйымдасқан қылмыстық топтың жолы кесілді. Сонымен қатар, бірлескен шаралар нәтижесінде синтетикалық есірткі өндіретін 30 зертхана жойылды» деді Бас прокурор.

Берік...

Фото: kazatomprom.kz

«Қазатомөнеркәсіп» Ұлттық атом компаниясы» АҚ топ-менеджерлерінің құрамы өзгерді. Қуаныш Омарбеков 2023 жылғы 23 маусымнан Қазатомөнеркәсіптің өндіріс жөніндегі бас директоры лауазымына тағайындалды.

Компания таратқан ақпаратқа сәйкес, Омарбековтың міндеттеріне Компанияның және еншілес кәсіпорындардың геологиялық барлау жұмыстарын жүргізу, жер қойнауын пайдалану, тау-кен дайындау жұмыстары, уран өндіру және қайта өңдеу, өндірістік активтерді басқару мәселелері бойынша қызметін үйлестіру және бақылау кіреді.

Қуаныш Омарбеков 2011 жылдан бері «KAP Logistics» ЖШС-те әртүрлі басшылық лауазымдарда қызмет атқарған, оның ішінде 2018-2022 жылдар аралығында «KAP Logistics» ЖШС-тің бас директоры болған. Омарбековтың «Қазатомөнеркәсіп» ҰАК» АҚ өндіріс жөніндегі бас директоры лауазымына тағайындалғанға дейінгі соңғы жұмыс орны...

Орнықты даму мақсаттары бойынша өңірлердегі халықтың дауыс беру нәтижесінде 17 көрсеткіштің бесеуіне тұрғындардың көңілі толмайды. Бұл туралы Сенатта өткен Орнықты даму мақсаттарына мониторинг жүргізу жөніндегі парламенттік комиссияның алғашқы отырысында мәлім болды.

Ұлттық экономика министрі Әлібек Қуантыров жасаған баяндама тұрғындар арасында жүргізілген сауалнама нәтижесі жарияланды. Оған сәйкес, қазақстандықтар жақсы денсаулық және әл-ауқат; сапалы білім; кедейлікті жою; лайықты жұмыс және экономикалық өсу; таза су және санитария жөніндегі мақсаттар бойынша билік тарапынан атқарылып жатқан шараларға көңілі толмайтыны мәлім болды.

Сенат төрағасы Мәулен Әшімбаев, ҰЭМ Әлібек Қуантыровқа сауал қойып, қандай көрсеткіштердің нашарлауына байланысты соңғы 4-5 жылда Қазақстанның рейтингі төмендеп бара жатқанын айтып...

Фото: kursiv.media

ҚМГ «Өзенмұнайгаз» бен оның мердігерлерін тексеру қорытындысын жариялады. ӨМГ қаржылық-шаруашылық қызметіне талдау жүргізілгенде 118 заң бұзу мен сәйкессіздіктер анықталды: 7 факт құқық қорғау органдарына жіберіліп, 10 мәселе бойынша қызметтік тергеу жүргізіліп жатыр, 101 мәселе бойынша жауапты адамдарға тәртіптік жаза қолданылады.

Ақтау қаласындағы брифингте ҚМГ Басқарма Төрағасының орынбасары Дәулетжан Хасанов алдын ала есеп бойынша, компанияға 47 млн теңге шамасында шығын келтірілгенін мәлімдеді.

«311 бригадалық сағатқа немесе 27,8 млн теңгеге уақыт нормаларының артуы, сондай-ақ, 69 млн теңгеге жұмыс көлемінің орындалмауы және т. б. фактілер анықталды. Оған қоса, тексеру барысында ішкі коммуникацияның реттелмеуі, өндіріс процесіндег...

Фото: kursiv.media

Биыл заң жобалау жұмыстары бойынша 27 заң жобасы әзірленеді. Бұл жайлы Әділет министрі Азамат Есқараев мәлімдеді.

«Ағымдағы жылы заң жобалау жұмыстарының жоспарында 27 заң жобасын әзірлеу көзделген, бұл өткен жылмен салыстырғанда 22%-ға артық: 8 заң жобасы Парламент Мәжілісінің қарауында, тағы 6 заң жобасы айдың соңына дейін енгізілетін болады», деді министр.

Атап айтқанда, Әділет министрлігі Қылмыстық, Қылмыстық-процестік және Қылмыстық-атқару кодекстерін оңтайландыру, әкімшілік әділет саласын жетілдіру және кеңейту мәселелері бойынша және Қазақстан Республикасының Әкімшілік құқық бұзушылық туралы Кодексі бойынша 3 заң жобасын әзірлеген.

Ал депутаттық корпус статистика, байланыс, цифрландыру, орман шаруашылығы...

Фото: kursiv.media

Елімізде алимент төлеу жұмыстары баяу жүзеге асады. Алимент бойынша орындаудағы істердің 16 345-і, яғни 5% проблемалы істер. Бұл жайлы орталық коммуникациялар қызметінде өткен брифингте Әділет министрі Азамат Есқараев мәлімдеді.

«Алимент өндіріп алу бір реттік атқарушылық іс жүргізу емес екенін атап өткен жөн. Ол, бала кәмелет жасына толғанға дейін бірнеше жылға созылады. Орындаудағы істердің 16 345-і, яғни 5% проблемалы істер. Талдау көрсеткендей, алимент төлемеудің негізгі себебі – борышкерлердің ресми жұмыс орны, кірістері және өндіріп алуға болатын мүліктері жоқ», дейді министр.

Ал кейбір борышкерлер нақты материалдық мүмкіндіктерге ие бола отырып, өз мүлкін жасырып, балаларын асыраудан әдей...

Фото: Орталық коммуникациялар қызметі

2021 жылы шетелдік юрисдикцияға өтіп кеткен Jusan Group-ты шетелдік қожайыны өз еркімен қайтарған. Бұл жайлы ҚР Әділет министрі Азамат Есқараев айтты.

Журналистер халықаралық дауға ұласқан бұл істің қалайша тез арада шешілгенін сұрады. Алайда Әділет министрі бұл істің барысы емес, нәтижесі маңыздырақ деп санайды.

«Әділет министрлігімен және басқа да құзырлы органдармен тиісті шаралар атқарылып, «Жусан» тобы елге қайтарылды. Мұнда бұл істің жүргізілу барысы емес, ақырғы нәтижесі маңызды деп ойлаймын. Банк кезінде мемлекет пен еліміздің атқарушы органдарының бақылауынан толық шығып кеткен болатын. Мемлекет тарапынан тиісті шараларды жүзеге асыру арқылы  Jusan Group...

Биыл 1 қыркүйектен бастап 1-4 сынып оқушылары толықтай тегін тамақпен қамтамасыз етіледі. Халықтың әлеуметтік осал топтарына жататын 98 мың балаға тегін ыстық тамақ берілетін болады. Бұл туралы Президент қабылдауында болған Оқу-ағарту министрі Ғани Бейсембаев мәлімдеді.

Сонымен қатар, кездесуде мектепке дейінгі, орта, техникалық және кәсіптік білім беру салаларын дамыту үшін қабылданып жатқан шаралар жөнінде мәлімет берілді.

Білім беру ұйымдарын дабыл түймелерімен, лицензиясы бар күзетпен, турникеттермен және жедел басқару орталықтарына қосылған бейнебақылау жүйелерімен жабдықтау жоспарланып отыр.

Оқу-ағарту министрінің дерегінше, қыркүйек айынан бастап мектепке дейінгі білім беру мекемелеріндегі педагогтардың еңбекақысы 30 пайызға өседі, ал, жыл соңына дейін балабақшаларда ...

Фото: kursiv.media

Қазақстанда жоғары оқу орындары қабылдау комиссияларының жұмысы басталды. 2023-2024 оқу жылына құжат 20 маусым мен 25 тамыз аралығында қабылданады. 13-20 шілдеде білім беру гранттарының конкурсына өтініш қабылдау өтеді. Бұл туралы Ғылым және жоғары білім министрлігінің баспасөз қызметі хабарлайды.

ЖОО-ға оқуға түсу үшін талапкерлер жеке куәлік, ҰБТ сертификатын; 3х4 көлеміндегі фото, орта білім туралы аттестат (техникалық және кәсіптік білім беру (ТжКБ) ұйымдарының түлектері үшін диплом), № 075/у нысанындағы медициналық анықтама, ер жігіттер әскери тіркелу куәлігін тапсыру керек. Сондай-ақ, жеңілдетілген санат бойынша конкурсқа қатысу үшін растайтын құжаттар ұсынылады.

Оқуға түсушілер 18 мамырда басталып, 5 шілдеге дейін өтетін ҰБТ-ның ек...

Фото: kursiv.media

Алматы облысында құрылыс компаниясының басшысы екі мектепті жөндеу кезінде 57,5 млн теңгені жымқырғаны үшін сотталды. Бұл туралы Қаржы мониторингі агенттігі хабарлайды.

2020 жылдың мамыр айында Алматы облысы Кербұлақ ауданының білім бөлімі мен «ПМК-7К» ЖШС арасында жалпы сомасы 855 млн теңгеге «Сарыбастау» мен «Қарағаш» ауылдарындағы екі мектепте күрделі жөндеу өткізуге шарт жасалған.

Құрылыс жұмыстары кезінде құрылыс компаниясының басшысы жобалау-смета құжаттамада көзделген жұмыстардың бір бөлігін орындамай, орындалған жұмысқа жалған акті жасап, аса ірі мөлшерде қаражат жымқырған.

«Оның қылмыстық әрекеті нәтижесінде ЖШС-тің есеп айырысу шотына 57,5 млн теңге сомасында ақша заңсыз аударылды», делінген ҚМА таратқан...

Қазақстан Орнықты дамудың жаһандық рейтингінде 12 сатыға көтеріліп, 65-ші орынға шықты. Бұл жайлы Орнықты даму саласындағы ұлттық мақсаттар мен міндеттердің іске асырылуын мониторингілеу жөніндегі Парламенттік комиссияның отырысында Ұлттық экономика Әлібек Қуантыров айтты.

«Кембридж университеті жасаған рейтингке сәйкес, Біріккен Ұлттар Ұйымының Орнықты даму мақсаттары бойынша елдердің жетістіктері анықталады. 2022 жылдың қорытындысы бойынша Қазақстан ықтимал 100 баллдан 71,1 балл жинап, 2019 жылмен салыстырғанда 77-інші орыннан 65-інші орынға дейін, яғни 12 орынға көтерілді. Индекске сәйкес, елімізде алты мақсат бойынша қол жеткізу жағына қарай оң үрдіс байқалады. Бұл ретте, Қазақстанның Түркия, Малайзия және Өзбекстан сияқты елдерден озық тұрғандығын айта...

Фото: kursiv.media

АҚШ-тың негізгі индекстері бейсенбі күнгі сауданы әртүрлі бағытта аяқтады. Инвесторлардың назары Федералды резерв жүйесінің (ФРЖ) басшысы Джером Пауэллдің сөзінде болды.

Dow Jones Industrial Average 0,01%-ға төмендеді. Фармацевтикалық Merck & Co, Microsoft технологиялық алыбы және Salesforce бағдарламалық жасақтама әзірлеушісінің акциялары жақсы өсті. Boeing аэроғарыштық корпорациясы, JPMorgan Chase & Co инвестициялық банкі және IBM аппараттық және бағдарламалық қамтамасыз ету жеткізушісінің бағалы қағаздары аутсайдер қатарынан табылды.

S&P 500 кең нарық индексі 0,4%-ға өсті. Алты сектор сауданы қызыл түсте аяқтады.

Nasdaq Composite Technology Index 1% көтерілді. Palo Alto Networks ақпараттық қауіпсіздік компаниясы, Amazon.com интернет-платформасы және Datadog бағдарламалық жасақтама әзірлеушісінің акциялары қымбаттады...

Алматы қалалық төтенше жағдайлар департаменті үйде және табиғат аясында өрт қауіпсіздігі ережелерін сақтауға шақырады.

Сонымен қатар, табиғатта – ашық отты жақпау, сондай ақ темекі тұқылын тастамау ескертілді.

«Ормандарда, ерекше қорғалатын табиғи парктерде өрт қауіпсіздігі талаптарын бұзғаны үшін
«Әкімшілік құқық бұзушылық туралы» Кодекстің 367-бабының 3-бөлігінде әкімшілік жауапкершілік көзделген және жеке тұлғаларға *100 АЕК (345 мың теңге) мөлшерінде айыппұл салуға әкеп соғады, ал өзге де ауыр зардаптар туындаған жағдайларда Қылмыстық кодексі (ҚР ҚК 204-бабы 2-бөлігі) шеңберінде қылмыстық жауапкершілік көзделген», делінген хабарламада.

Естеріңізге сала кетейік, Алматы қаласының аумағында «ерекше қорғалатын табиғи аумақтар» санатына кіретін Іле – Алатау...

Фото: kursiv.media

Fitch Ratings халықаралық рейтинг агенттігі қысқа мерзімді сұраныстың әлсіреуі мен жаһандық экономиканың баяулауына қатысты нарықтың алаңдауына Brent маркалы мұнай құнының 2023 жылға арналған болжамын төмендетті. Дегенмен, 2024 жылға арналған болжамы өзгеріссіз қалды.

Бұл ретте 2025-2026 және одан кейінгі жылдардағы мұнай бағасы сұраныстың бірте-бірте өсуімен қымбаттауы ықтимал. Бұл сұранысты ОПЕК+ елдері, Солтүстік Америка қанағаттандыратын болады.

Биыл мұнай бағасының төмендеуі «қысқа мерзімді сұраныстың әлсіреуін және жаһандық экономикалық өсудің баяулауы, әсіресе Азияға экспортын қайта бағыттаған Ресейден тұрақты мұнай жеткізілімінің жалғасуы туралы алаңдаудан туындады», – делінген агенттік баяндамасында.

Сауд Арабиясы мен басқа ОПЕК+ елдерінің өндірісті қысқарту жоспары спот бағасына...

Фото: kursiv.media

2023 жылы мамырда елдегі зауыттар жалпы сомасы 670 млрд теңге болатын 13 721 техника шығарды, бұл былтырғы нәтижемен салыстырғанда 38,2% көп. Арасында 53 256 жеңіл автомобиль (+46,2%), 791 автобус (+48,7%), 436 тіркеме мен жартылай тіркеме және 136 басқа арнайы техника бар. Өндіріс көлемі 2022 жылғы қаңтар-мамырға қарағанда 43,7% артқан. Бұл туралы Қазақстандық АвтоБизнес Қауымдастығы хабарлайды.

Қазақстан автоөнеркәсібі жыл басында белең алған үрдісті жалғастырып, ай өткен сайын жанданып келеді. Бұған әдеттегідей жеңіл автомобиль өндірісінің артуы әсер етіп жатыр, дегенмен коммерциялық техника жасаушылар да қалыс қалған жоқ. Yutong автобустары мен арнайы техника құрастыратын QazTehna кәсіпорнында швециялық Scania жүк көліктерін...

Зергерлік, телебағдарлама жасау, кейбір мәдени-демалыс іс-шаралары және тағы басқа креативті индустрияға кіретін қызмет түрлері мемлекеттік қолдау шараларын алатын экономика секторына айналды. Бұл туралы Мәдениет және спорт министрлігі хабарлады.

Бұған дейін аталған министрлік креативті индустрияға жататын экономикалық қызмет түрлерін бекіткен болатын.

Тізімге енген 43 қызметтің арасында зергерлік бұйымдар, IT және ойын жасау, мәдени мұра, телебағдарламалар, фото және дизайн, сәулет және сән, музыка, кино және анимация, сондай-ақ кейбір мәдени-демалыс мекемелері сияқты іс-шаралары кіреді.

Мәдминнің мәліметінше, бұл қызмет түрлерінің критерийлері барынша жеңілдетілді және халықаралық ұсыныстарға сәйкес келтірірілген.

Мәдениет және спорт вице-министрі Ержан Еркінбаевтың дерегінше, елімізде алғаш рет креативт...

Фото: ҚР ҰЭМ

Ұлттық экономика министрлігінде Қоғамдық кеңестің кезекті отырысы өтіп, «Экономикалық зерттеулер институты» АҚ және «Қазақстандық мемлекеттік-жекеменшік әріптестік орталығы» АҚ-ның 2022 жылғы жұмыс нәтижелері туралы есебі тыңдалды.

Кеңес барысында «Тарифті инвестицияға айырбастау» жаңа тарифтік саясатының тәсілдері туралы мәселелер көтерілді. ҰЭМ Табиғи монополияларды реттеу комитетінің төрағасы Асан Дарбаев «Тарифті инвестицияға айырбастау» қағидаты бойынша тарифтік саясатты реформалау шеңберінде салаға жаңа инвестицияларды ынталандыру арқылы коммуналдық инфрақұрылымды жаңарту жұмыстары жүргізіліп жатқанын айтты.

«Бұл өз кезегінде апаттар мен ажыратулар санын азайтуға және көрсетілетін қызметтердің сапасын арттыруға мүмкіндік береді. Аталған көрсеткіштерге қол жеткізу үшін 145 мың шақырымнан...

Президент Қасым-Жомарт Тоқаев Мемлекеттік қызметші күніне және Полиция күніне орай Twitter парақшасында құттықтау жариялады. Бұл туралы Ақорда хабарлады.

«Мемлекеттік қызметшілерді және тәртіп сақшыларын кәсіби мерекелерімен құттықтаймын! Әділетті Қазақстанды құру үшін әрбір қызметшінің отаншыл, адал болуы және өз ісіне жауапкершілікпен қарауы өте маңызды. Сіздер ел игілігіне қызмет етудің озық үлгісін көрсетесіздер деп сенемін», – деп жазды Президент.

2007 жылы Президент Нұрсұлтан Назарбаевтың Жарлығымен 23 маусым Полиция күні деп бекілген.

Сонымен қатар бүгін Қазақстанның мемлекеттік қызметшілері де өздерінің кәсіби мерекесін атап өтіп жатыр.

Ұлттық статистика бюросының мәліметінше, мемлекеттік қызметте 84 мыңға жуық адам...

Ресей немесе Белорусь тарапынан Украина аумағында ядролық жарылғыш құралды қолдану – Солтүстік альянсқа жасалған шабуыл деп саналсын. АҚШ Сенаты осындай қарар әзірледі. Бұл туралы сенатор-республикан Линдси Грэм мәлімдеді деп жазады Интерфакс.

«Біз бүгін қарар шығардық, оның мәні мынадай: егер Ресей немесе Белорусь украин халқының жігерін жаншу үшін немесе қарсы шабуылды тоқтату үшін Украина жерінде ядролық қару жаратын болса, бұл НАТО-ға шабуыл ретінде қарастырылатын болады», деді ол сенатор-демократ Ричард Блюмментальмен бірігіп өткізген пресс-брифинг барысында.

Оның сөзінше, Ресей Украина жерінде ядролық қару қолдану «НАТО тарапынан ауқымды жауапқа алып келеді және ол НАТО-мен соғысу жағдайында болады».

Қарар ұсыным сипатында. Сондықтан ол қабылданған...

Фото: Ақорда

Президент Қасым-Жомарт Тоқаев «Жошы хан» спектаклінің премьерасын тамашалады.

Қойылым «Шыңғыс ордасы» мен «Қазақ ордасы» атты екі бөлімнен тұрады. Спектакльде Шыңғыс хан мен ұлы Жошы арасындағы қарым-қатынас, олардың ел басқару ісіндегі қабылдаған шешімдері, өмірінің белгілі кезеңдері кеңінен суреттеледі. Сондай-ақ Ұлы даладағы түркі тайпаларын бір ұлысқа біріктіріп, Ұлытауда ордасын тіккен Жошы оғлан бейнесі Қазақ мемлекеттігінің негізін қалаушы – Жошы хан дәрежесіне дейін көтеріледі.

Тарихи драманың авторы – белгілі жазушы-драматург Думан Рамазан, қоюшы режиссері – Қазақстанның еңбек сіңірген қайраткері Болат Ұзақов. Мемлекет басшысы қойылымды тамашалаған соң туынды авторымен және Қ.Қуанышбаев атындағы Мемлекеттік академиялық қазақ музыкалық драма театрының ұжымымен әңгімелест...