Жаңалықтар

Қаржы вице-министрінің меншігінде не бар?/ telegram.org/KZgovernment

Қаржы вице-министрі Ержан Біржанов журналистерге жалпыға ортақ декларацияда қандай дүние мүлкін көрсеткенін мәлімдеді.

«Сыбайлас жемқорлыққа қарсы іс-қимыл туралы» заңның 11- бабына сәйкес, мемлекеттік саяси қызметшілер 2025 жылғы 1 қаңтардан бастап декларациясын жариялауға міндетті. Өзіме қатысты айтатын болсам, негізгі декларацияда меншігімдегі 3 бөлмелі пәтерімді және көлік құралын жарияладым», – деді Ержан Біржанов Үкімет үйінде өткен баспасөз мәслихатында.

Қаржы вице-министрі автокөлігі қымбат емес екеніне тоқталып, маркасы мен жылын жариялады.

«Автокөлігім 2017 жылғы BMW», – деді Ержан Біржанов.

Қаржы министрінің орынбасары пәтерінің ауданын да айтты.

«Пәтерімнің ауданы...

Фото: «Бәйтерек» ҰБХ

«Бәйтерек» ұлттық басқарушы холдингінің басқарма құрамы өзгерді. Басқарма төрағасының орынбасары Әділ Мұхамеджанов мерзімінен бұрын қызметінен кеткен. Бұл туралы хабарлама Қазақстан қор биржасы сайтында орналастырылған.

Ұлттық холдингтің басқарма құрамын өзгерту жайлы шешімді компанияның директорлар кеңесі 2023 жылдың 27 желтоқсан күні шығарған.

«Бәйтерек» ҰБХ» АҚ Басқарма мүшесі Әділ Бектасұлы Мұхамеджановтың өкілеттілігі 2023 жылғы желтоқсаннан бастап мерзімінен бұрын тоқтатылсын»,– делінген хабарламада.

Қазіргі кезде холдингтің Басқарма құрамы бес адамнан тұрады. Холдингтің басқарма төрағасы – Нұрлан Байбазаров. Басқарма құрамында Ұлттық статистика бюросының бұрынғы басшысы Нұрболат Айдапкелов, «Қазақстандық тұрғын үй компаниясы» АҚ директорлар кеңесінің басшысы Ерсайын Хамитов, басқарма...

Алматы облысындағы Жетіген ауылы Алатау қаласына айналады. Тиісті құжатқа Мемлекет басшысы Қасым-Жомарт Тоқаев қол қойды. Бұл туралы Ақорда баспасөз қызметі хабарлады.

«Мемлекет басшысы Алматы облысының әкімшілік-аумақтық құрылысындағы өзгерістер туралы «Қазақстан Республикасының әкімшілік-аумақтық құрылысы туралы» Қазақстан Республикасы Заңының 9-бабына сәйкес қаулыға қол қойды»-делінген хабарламада.

Жарлықтың тармақтары бойынша Қазақстан Үкіметі қажетті шаралар қабылдауы керек. Жарлық алғашқы ресми жарияланған күннен бастап қолданысқа енгізіледі.

Еске салар болсақ, Қазақстанда жаңа қала пайда болатыны жайлы 16 қарашада белгілі болған. Осы кезде «Ашық НҚА» порталына Алатау қаласын құру туралы қаулы талқылауға шығарылды.

«Қазақстан Республикасының әкімшілік-аумақтық құрылысы туралы» 1993 жылғы...

Қазақстан Үкіметі Ақмола облысындағы «Нұр-Сұлтан» және «Нұр-Сұлтан Нұрлы жол» теміржол станцияларының атауын өзгерткісі келеді. Бүгін Ашық НҚА порталында аталмыш мекемелердің атын өзгертуге байланысты қаулы жарияланды.

Қоғамдық талқылауға шығарылған «Кейбір теміржол стансалары мен разъездерінің және кейбір теміржол стансалары атауларының транскрипциясын өзгерту туралы» құжат 22 қаңтарға дейін порталда қалады.

Жоба бойынша «ҚТЖ-Жүк тасымалы» ЖШС «БП Ақмола бөлімшесі» филиалының «Нұр-Сұлтан» темір жол станциясын Астана темір жол станциясы, «Нұр-Сұлтан Нұрлы жол» теміржол станциясын Нұрлы жол теміржол станциясы деп өзгеруі керек.

Бұдан бөлек, «ҚТЖ – Жүк тасымалы» ЖШС «БП Алматы бөлімшесі» филиалының 13 теміржол разъезін Ақши теміржол разъезі, «Батыс» филиалы Қызылорда бөлімшесінің 26 теміржол станциясын...

Мобильді аударым арқылы төленген такси қызметінің ақысы такси жүргізушісінің емес, әйелінің картасына түсетін болса, оператор тарапынан шара қолданылып, таксистің рейтингі төмендеуі салдарынан тапсырысы азаюы мүмкін.

Қаржы вице-министрі Ержан Біржанов Үкімет үйінде өткен баспасөз мәслихатында: «Мобильді аударым арқылы аударылған такси қызметінің ақысы такси жүргізушісі әйелінің картасына түссе, салықты кім төлейді?», – деген сұраққа да жауап берді.

«Мұндай жағдай жиі тіркеліп жатыр. Операторлар тарапынан такси жүргізушілерінің рейтингі төмендеуі мүмкін. Олардың тапсырысы азаюы ықтимал. Сондықтан олар заң аясында жұмыс істеуі керек деп ойлаймын», – деді Қаржы вице-министрі.

Ержан Біржанов такси жүргізушілерге арналған арнайы салық режимі бар екенін атап...

Вице-министр «e-Salyq Business» қосымшасы арқылы шығындарды азайтуға болатынын айтты /Фото: kursiv.media

Астанада өткен брифингте Қаржы вице-министрі Ержан Біржанов 2 млрд теңгеге жуық салықты оңай әрі тез төлеудің жолын айтты. Сонымен бірге ол бизнес өкілдеріне қандай мөлшерде салық төлеу міндеттемесі жүктелетінін де түсіндіріп берді.

«Мөлшерлеме көлемі айтарлықтай көп болмайды. Шамамен 1-4 пайыз аралығында болуы мүмкін. 29 желтоқсанда үкімет қаулысы шыққанын өдеріңіз де білесіздер. Оған сәйкес 190 қызмет түрі 364-ке дейін көбейді. Көпшілік қосылған құн салығын төлеуден қорқады. Бірақ қосымша арқылы жеке кәсіпкерлер 2 миллиард теңгеден астам салықты жеңіл әрі жылдам төлей алады. Яғни, олар тауар айналымыны...

«Алматы Тазалық» ШЖҚ мемлекеттік коммуналдық кәсіпорнының директоры мердігерден 2,7 миллион теңге пара алды деген күдікке ілінді, деп хабарлайды ҚР Сыбайлас жемқорлыққа қарсы іс-қимыл агенттігі.

«Алматы қаласы бойынша Сыбайлас жемқорлыққа қарсы іс-қимыл агенттігі «Алматы Тазалық» шаруашылық жүргізу құқығындағы мемлекеттік коммуналдық кәсіпорнының директорына қатысты сотқа дейінгі тергеу жүргізіп жатыр», –делінген хабарламада.

Ол мердігер компания өкілінен 2,7 миллион теңге шамасында қомақты сомада ақша алды деген күдікке ілінді.

«Ақша атқарылған жұмыстар актісіне қол қоюға, мемлекеттік сатып алулар бойынша қосымша шарттар жасасуға және жалпы қамқорлық жасауға арналған», – деп хабарлайды сыбайлас жемқорлыққа қарсы іс-қимыл агенттігі.

Денсаулық сақтау министрі Ажар Ғиният DamuMed пациенттерінің жеке медициналық карталарын бөгде адамдардың қарауын дербес деректер туралы заңнаманы бұзу, ақпараттық жүйеге заңсыз кіру деп атады.

«Науқастың жеке медициналық картасын арнайы рұқсаты мен логин-пароль бар тек учаскелік дәрігер мен медбике көре ғана алады»,– деді министр.

Астанада өткен Денсаулық сақтау министрлігінің брифингінде журналистер DamuMed жүйесіндегі пациенттердің жеке кабинетіне бөгде адамдар кіргені туралы айтып, осы жағдайға қатысты министрден түсініктеме беруді сұрады.

«Бұл – дербес деректерді сақтау ережесін бұзу. Егер ақпараттық жүйеге кіріп, пациент деректерін қарауға рұқсатпен логин-пароль болмаса, бұл ақпараттық жүйеге заңсыз кіру», – деді министр. 

Ғинияттың айтуынша, денсаулық сақтау министрлігін...

Таяу Шығыстағы текетірес әлемдік нарықтағы мұнай бағасына кері әсер етіп жатыр. Қазақстан қаржыгерлері қауымдастығының сарапшылары мұнай өндірісін ерікті түрде қысқартуға келісе сала, Эр-Рияд өзі шығаратын бүкіл мұнайдың бағасын арзандатты деп жазады.

Дүйсенбі күні Brent маркалы мұнай бағасы бірден 3,3 пайыз арзандап, барреліне 76,2 доллардан саудаланды. Оған Сауд Арабиясы өзі шығаратын бүкіл мұнай құбырының бағасын арзандатуы себеп.

Сұраныс тұрақты болғанымен, шикізат өндірушілер тарапынан ұсыныстың артуы Saudi Aramco компаниясын бүкіл аймақта Arab Light мұнайының бағасын барреліне 2 доллараға арзандатуға итермеледі.

Бұл ретте Reuters зерттеуі ОПЕК+ елдерінде мұнай өндірісі артқанын байқатады, Сауд Арабиясы, Ресей мен одаққа мүше басқа елдер...

Төтенше жағдайлар министрі Сырым Шәріпханов 13 адамның қаза болуына әкелген Almaty Hostel-індегі өртке себеп болған жағдай жайлы айтты. Министрдің айтуынша, бірінші себеп – қысқа тұйықталу, екіншісі – сөндірілмей қалған темекі немесе сіріңке болуы мүмкін.   

Өрттің шығу себебі. ТЖ министрінің айтуынша, құтқарушылар өрттің шығуының екі нұсқасы бар. Біріншісі, тамақтану блогындағы жарықтандыру жабдығындағы қысқа тұйықталу салдарынан сымдардың қызып балқуына әкелген болуы мүмкін. Ал тағы бір нұсқада сөнбей қалған темекі тұқылы мен сіріңке салдарынан өрт шыққан болуы мүмкін.     

«ТЖМ өз жұмысын аяқтады. Тілсіз жаудың тұтануына бірнеше нұсқа бар. Мұның барлығын тергеушілерге бердік. Енді біздің ұсынған ақпаратқа нақты көз жеткізу...

Қытайдағы Ляонин провинциясының халықтық прокуратурасы Қытай ұлттық мұнай және газ корпорациясы (CNPC) бас директорының бұрынғы орынбасары Сюй Вэнцзюньді қамауға алуға ордер берген. Бұл туралы «Синьхуа» агентігі хабарлайды.

«Жоғарғы халықтық прокурордың нұсқауымен Ляонин провинциясының халық прокуратурасы пара алды деген күдікке ілінген Қытай ұлттық мұнай-газ корпорациясы бас директорының бұрынғы орынбасары Сюй Вэнцзюньді қамауға алу туралы ордер берді», – делінген хабарламада.

2023 жылдың маусымында Сюй Вэнцзюнь заң бұзды деген күдікпен тергеуге алынғаны хабарланған. Оған қатысты тергеуді Қытай Коммунистік партиясының Тәртіпті тексеру жөніндегі орталық комиссиясы мен Қытай Халық Республикасының Мемлекеттік қадағалау комитеті жүргізіп, кейін іс прокуратураға тапсырылды.

2023 жылдың алғашқы 9 айында Қазақстанға ең көп турист Ресей федерациясы мен Қытай халық республикасынан келген. 

Туризм және спорт министрлігінің ақпаратына сүйенсек, 2023 жылдың қаңтар-қыркүйегінде Қазақстанға 356 850 ресейлік саяхатшы келген. 

«Екінші орынды Қытай туристері иеленді. Шығыстағы көршімізден елімізге 75 131 адамның табаны тиген. Ал үшінші сатыға Түркия туристері тұрақтады. Анадолы елінен 41 134 турист келген. Сондай-ақ үздік бестіктің қатарына Үндістан (34 757) және АҚШ (28 160) саяхатшылары енді», – делінген хабарламада.

Жалпы алғанда 2023 жылдың қаңтар-қыркүйек аралығында Қазақстанға 834,9 мың шетелдік турист саяхаттаған. Бұл – 2022 жылғы көрсеткішке қарағанда 225 мың адамға көп. Яғни 2022 жылдың сәйкес кезеңімен салыстырғанда 37% артқан. 

Айта...

Фото: kursiv.media

Денсаулық сақтау министр Ажар Ғинаят үкіметтегі баяндамасында елде екпе алмағандар қатарының артуына 2015 жылы заңға ата-аналар баласына екпе салдырудан бас тарта алады деген норманың енгізілуі әсер етті деп мәлімдеді.

Осы ретте журналистер министрден «қазіргі жағдайға байланысты министрлік ерікті екпе нормасын алып тастағысы келмей ме» деп сұрады.

Ажар Ғинаят ондай жоспар жоқ екенін айтты. Қазіргі кезде аурурдың алдын алу шараларын жүргізіліп жатыр және бірі елдегі эпидахуалға байланысты болады.

ДСМ басшысы Қазақстанның жеті облысында, соның ішінде Астанада қызылшаға қарсы екпемен қамту деңгейі төмен екенін айтып өтті.

Қызылшамен ауырғандардың саны қанша? Үкімет отырысында министр соңғы 15 жылда...

Фото: kursiv.media

Қазақстан инвестициялық тартымдылығы жоғары ТОП-10 мемлекеттің қатарына қосылды. Осылайша Азия, Африка, Таяу Шығыс және Еуропа елдерінің инвестициялық тартымдылығына жүргізілген зерттеу рейтингінде алтыншы орынға орналасты.

fDi Intelligence халықаралық агенттігінің сарапшылары Халықаралық валюта қорының дерегі мен fDi Markets шетелдік инвестициялар мониторингіне сүйеніп, әлем елдерінің макроэкономикалық көрсеткіші мен тікелей шетелдік инвестициялардың динамикасын саралады.

Нәтижесінде өткен жылы Азия жақсы нәтиже көрсеткенін анықтады. Рейтингте инвестициялық тартымдылығы жөнінен Камбоджа көш бастады. Филиппин – екінші, Ирак – төртінші, Қазақстан – алтыншы, Әзірбайжан – жетінші, Үндістан – оныншы орынды иеленді. Ондыққа Африканың 3 елі енді. Кения – үшінші, Намибия – бесінші, Марокко – сегізінш...

Британдық компанияның еншілес ұйымына қауымдық сервитуты белгіленеді / Фото: kursiv.media

Британдық компанияның еншілес кәсіпорны Ақмола облысындағы Ерейментау ауданында пайдалы қазбаларды барлау құқығын алады. Кәсіпорынға барлау құқығын беру туралы құжат «Ашық НҚА» порталына жария талқылауға шығарылды.

«КазГеоЭксплорейшен» жауапкершілігі шектеулі серіктестігіне 2029 жылдың 20 сәуіріне дейінгі мерзімге Ерейментау ауданының Сілеті ауылы әкімшілік шекараларында жалпы ауданы 13528,0 гектар жер учаскелерін алып қоймастан пайдалы қатты қазбаларды барлау жөніндегі операцияларды жүргізу мақсатында осы қаулының қосымшасына сәйкес қауымдық сервитут белгіленсін», – делінген құжатта. 

«КазГеоЭксплорейшен» жауапкершілігі  шектеулі серіктестігіне қауымдық сервитут белгілеу Қазақстан Республикасының Жер Кодексiне, «Қазақстан Республикасындағы жергiлiктi мемлекеттiк басқару және өзін-өзі басқару...

Сырым Шәріпханов апатқа байланысты қарапайым қызметкерлер жауапқа тартылмайтынын айтты / Фото: kursiv.media

«Костенко» кенішіндегі қайғылы оқиға үшін 19 лауазымды тұлға жауапқа тартылады. Бұл жайлы Төтенше жағдайлар министрі Сырым Шәріпханов айтты.

Журналист министрден не себепті «Костенко» шатасындағы жағдайға жауапты адамдарға қатысты нақты ақпарат неге берілмейтінін сұрады.

«Министрліктің баспасөз қызметі «Костенко» шахтасындағы жағдайға байланысты қараша айында сіздің брифинг өткізетініңізді хабарлады. 46 адам қаза тапты. Үлкен трагедия. Алайда содан бері қанша уақыт өтсе де сізді брифингтен көрмедік. Костенко шахтасында неге мұндай қайғылы оқиға болды? Комиссия кінәлі деп тапқан 19 адам кім? Сол баяғы қарапайым қызметкерлер жазалана ма...

Төтенше жағдайлар Сырым Шәріпханов «Майқайыңалтын» шахтасында шұңқырға құлап кеткен автобус ішіндегі құтқарушымен жүргізушіні құтқару жұмыстары қашан аяқталатынын нақты айта алмайды. 

Шәріпхановтың сөзінше, Қазақстанда бұрын мұндай болмағандықтан құтқару жұмыстарының нақты қашан аяқталатыны белгісіз. 5 күннен бері жалғасып жатқан құтқару жұмысын халықаралық тәжірибе негізінде жасалып жатқан көрінеді. Алайда оқиға орнында техникамен құтқарушылар жеткілікті болғандықтан өзге елдерден көмек сұралмайды.

Министр құтқарушылардың автобусқа әлі жетіп үлгермегенін шамамен 5 метр қашықтық қалғанын атап өтті.

«Жер бедерін геосканер өткізіп, автобустың қай жерден орналасқанын анықтадық. Оның астында тағы шұңқыр бар болып шықты. Автобустың әрі қарай құлап кетпейтініне сенімді болуымыз керек. Грундты тазалап, автобусқа...

12 жылға созылған сақалды құрылыстар биыл аяқталады/gov.kz

Елордада құрылысы 12 жылға созылған сақалды құрылыстар биыл аяқталады. Бұл туралы қала әкімі Instagram парақшасында жазды.

«Араби 2 – Гранитный 2», «Арыстан, 4-блок», «Future home» секілді ұзаққа созылған нысандардың құрылыс барысымен таныстым. Бұл тұрғын үй кешендерінің құрылысының басталғанына 12 жылға жуық болды. Мысалы, «Араби 2 – Гранитный 2» тұрғын үй кешені 2013 жылы проблемалы деп танылған», – деп жазды әкім.

Мұнда 200-ге жуық отбасы баспанасын күтіп жүр.

«Future home» тұрғын үй кешенінің құрылысы да 2013 жылы басталған. Нысанды ЕҚК-ге беру кезінде 4 және 7 қабаттар ғана салынған.

«Ұлттық ақпараттық технологиялар» АҚ Курсивке берген жауабында Egov mobile қосымшасымен порталындағы жеке кабинеттен балалардың деректері неліктен жоғалып кеткенін түсіндірді.

«Egov mobile-дағы «Отбасы» бөлімі және egov.kz порталындағы балалар жайлы ақпарат азаматтарға ыңғайлы болу үшін алынып тасталды. Қазір барлық балалар жайлы деректерді eGov mobile-дағы «Цифрлық құжаттар» бөлімінен көруге болады. «Цифрлық құжаттар» бөлімі «Менің құжаттарым», «Отбасы» және «Басқа құжаттар» сияқты бөлімдерге бөлінген», – делінген жауапта.

Бұдан бөлек, Акционерлік қоғам Ұлттық қордан балаларға бөлінетін қаржы баланың Egov-қа тіркелгеніне, тіркелмегеніне қарамастан, төленетінін айта кетті.

«Ұлттық қордан қаражат барлық балаларға egov.kz порталында ақпараттың бар немесе жоғына қарамастан төленеді», – делінген жауапта.

Фото: «Самұрық-Қазына» АҚ

«Самұрық-Қазына» QAZAQ AIR компаниясының 49%-дан 100%-ға дейінгі акциясын қайтадан сатылымға шығарды. Конкурс екі кезеңнен тұрады.

Былтыр QAZAQ AIR АҚ-ны бәсекелес ортаға беру бойынша екі кезеңдік конкурс өткізілмеді деп танылған. Конкурсты өткізу тәртібі мен керек құжаттар тізімі «Самұрық-Қазына» сайтында орналастырылған.

Конкурстың бірінші кезеңінде өтінімдерді қабылдау 2024 жылғы 29 қаңтарға дейін жалғасады. Ал екінші кезенңінің қорытындысы 2024 жылдың 16 ақпанында шығарылады.

«Самұрық-Қазына» былтыр 38 млрд теңге қарызы бар әуе компаниясын сата алмады. 14 қарашада екі кезеңнен тұратын конкурс нәтижесі жарамсыз деп танылды. Себебі бірқатар инвестор қызығушылық танытқанымен, конкурс шартына сәйкес келетін өтінім түспеген.

Qazaq Air компаниясын сатып...

 . 

 «1WIN» онлайн-казиносының заңсыз қызметіне қатысты қылмыстық іс қозғалды, деп хабарлайды ҚМА Алматы облысы бойынша Департаменті.

Істің мәнісі: Қазақстан, ТМД және алыс шет ел аумағында жұмыс істеген «1WIN» онлайн-казиносы заңсыз ойын бизнесін ұйымдастырған. Мыңдаған адамды тартып, лицензиясыз букмерлік қызмет көрсеткен. Ақшалай қаражатты интернет-эквайринг арқылы аутентификациясыз қабылдап, кәмелетке толмағандарға да құмар ойындарға қатысуға мүмкіндік берген. 2023 жылдың өзінде-ақ онлайн-казино айналымы шамамен 4 млрд теңге болған.

Контекст: Онлайн-казино сайты бұғатталып, төрт ұйымдастырушыға халықаралық іздеу жарияланды. Тәркіленуге жататын мүлікке және жалпы сомасы 1,5 млрд теңге ақшалай қаражатқа тыйым салынды,  сондай-ақ «Mercedes-Maybach S500» және «Lamborghini Huracan» автокөліктері тәркіленді.

ҚР ҚПК-нің 201-бабына сәйкес өзге де...

Қаржы министрлігі бірқатар БАҚ-та Ұлттық қордан 1,3 трлн теңге «ҚазМұнайГаз» АҚ (ҚМГ) акцияларын сатып алуға жұмсалғаны жазылғанын айтып, осы мәселеге түсініктеме берді.

Министрлік ақпаратына сүйенсек, бұл қате тұжырым. Себебі Ұлттық қордың 1,3 трлн теңге мөлшеріндегі қаражат бекер шашылмай, ҚМГ акцияларына инвестицияланды. 

«Мұны Ұлттық қордан қаражат алу деп қарастыруға болмайды. Ұлттық қор қаражатын ҚМГ акцияларына, басқа да қаржы құралдарына орналастыру 2030 жылға дейінгі ҚР Мемлекет қаржысын басқару тұжырымдамасына және Ұлттық қор активтерін орналастыруға рұқсат етілген қаржы құралдарының тізбесіне сәйкес жүргізіледі», – делінген министрлік хабарламасында.

Ведомство осы шешімнің арқасында қор портфелінде елдегі ірі мұнай-газ компаниясының акциясы пайда болғанын жазған. Бұл эмитенттерiнiң құныны...

Фото: kursiv.media

Салтанат Нүкенованың өліміне қатысты тергеу аяқталды. Бұл туралы адвокат Жанна Оразбахова Instagram парақшасына жазды.

«Өткен аптаның соңында бізге Салтанат Нүкенованың өліміне қатысты сотқа дейінгі тергеп-тексерудің аяқталғанын хабарлады. Қазіргі уақытта іс бойынша жүргізілген барлық сараптамамен таныстық. Бірақ қылмыстық істің материалдарымен әлі толық танысқан жоқпыз», – деді жәбірленуші тараптың адвокаты.

Жанна Оразбахова бұған дейін кісі өлтіру бабы бойынша тергелген қылмыстық істерді зерделегенін, алайда осы жолғы қайғылы оқиғаға қатысты сарапшылар жасаған қорытынды жаға ұстатқанын жеткізді.

«Мұндай қатыгездік пен салқынқандылықты бұрын-соңды көрген емеспін», – деп жазды адвокат.

Жанна Оразбахова кісі өлтіру...

Фото: kursiv.media

Алматы қаласы Медеу ауданының прокуратурасы әлеуметтік желілерде «ҚазМұнайГаз» Ұлттық компаниясының» атын пайдаланып, алаяқтық жасап жүрген адамдар жайлы ескертеді.

«ҚазМұнайГаз» Ұлттық компаниясы» АҚ-ның инвестициялық бағдарламасы туралы жалған жарнаманы анықтады. Бейнежазбада азаматтарға іске қосылған жаңа мемлекеттік «ҚазМұнайГаз» платформасына қаржы салып, 100 мың теңгеден дивиденд алуды ұсынады. «ҚазМұнайГаз» Ұлттық компаниясы» АҚ-ның мәліметіне сәйкес таратылған ақпарат шындыққа жанаспайды»,  – делінген қалалық прокуратура хабарламасында.

Осындай жалған жарнаманың тарап кетуіне байланысты прокуратура азаматтарды қырағы болуға шақырады. Мұндай жарнамаларды жасырын қаржы пирамидаларының ұйымдастырушылары әзірлеген болуы мүмкін. Сол себепті түрлі ойдан шығарылған жарнамаларға сене бермеуге кеңес береді.

Өз кезегінде...