Жаңалықтар

Бельгиялық азамат Жәнібек туралы ақпаратты алдын ала электронды пошта арқылы алып, баланы алу үшін қомақты қаражат төлеген / Коллаж: kursiv.media

Сенат депутаты Дархан Қыдырәлі шетел азаматтары асырап алған балаларға қалауына қарай Қазақстан азаматтығын беруді ұсынды. Ол сондай-ақ 1999 жылға дейін шетелге кеткен балалар туралы зерттеу жүргізу мәселесін көтеріп, үкімет басшысы мен Бас прокуратураға сауал жолдады.

«Біздің бүгінгі көтеретін тақырыбымыз шетелдіктер асырап алған балалардың тағдыры туралы болмақ. Рас, бұл тақырып бұған дейін бірнеше рет көтерілді. Еліміздің Бас прокуратурасы 2014 жылы шетел асқан балалардың тағдырына алаңдаушылық білдіріп, тексеріс жүргізді. Жетім балалар мен оларды асырап алуға ниет...

Тәуелсіз Қазақстанда Жаңа жылды атап өтудің ерекше идеологиялық, әлеуметтік негізін қалыптастыратын уақыт келді. Елімізде 3 мың жылдық тарихы бар Наурыз мейрамы – терең дәстүрге енуі керек, деп мәлімдеді Сенат депутаты Әли Бектаев.

Депутаттық сауал

Сенатор Үкімет басшысына жолдаған депутаттық сауалында Жаңа жылды қарсы алу жылдан-жылға күрделеніп, отбасылық мерекеден ауқымды материалдық шараға айналып бара жатқанын жариялады.

«Үлкен қалаларда, облыс, аудан, орталықтарында орнатылған алып аршалар, мұз қалашықтары, атылған отшашулар мемлекет қазынасына салмақ түсіріп, тұрғын үй кешендерінде атылып жатқан пиротехникалар, қуаттылығы жағынан адамға үрей тудырып, материалдық зақым келтіруде», – деді депутат Сенаттың жалпы отырысында.

Әли Бектаев...

KEGOC пен QazaqGaz компаниясының жекешелендіру жоспарынан шығуы қор нарығына қалай әсер етеді Фото: kase.kz, shutterstock және wikimedia common

KEGOC пен QazaqGaz компаниясы жекешелендіру жоспарынан шығарылған. Үкімет 11 қаңтарда «2021 – 2025 жылдарға арналған жекешелендірудің кейбір мәселелері туралы» қаулыға тиісті өзгерістер енгізген.

 «QazaqGaz» ұлттық компаниясы» акционерлік қоғамы» және «Электр желілерін басқару жөніндегі Қазақстан компаниясы» (Kazakhstan Electricity Grid Operating Company) «KEGOC» акционерлік қоғамы» деген бөлімдер алып тасталсын», – делінген қаулыда.

Қаулыға сәйкес, QAZAQ AIR акционерлік қоғамы екі кезеңнен тұратын ашық конкурс арқылы бәсекелес ортаға беріледі.

Сонымен қатар, бәсекелес ортаға берілетін компаниялар тізбесі толықтырылған...

Елімізде 11 жасар қыздарға жатыр мойны обырына қарсы вакцина егілетін болады. Биыл оны сатып алуға 9 млрд теңге қарастырылып отыр. Бұл сомаға шамамен вакцинаның 350 мың дозасы алынады. Алайда қаражат көлемі өсуі де мүмкін. Қазақстанда 175 мың жасөспірім қыз балаға осы вакцинаны салу көзделіп отыр. Бұл туралы Сенат отырысынан кейінгі брифингте журналистер сұрағына жауап берген Денсаулық сақтау вице-министрі Айжан Есмағамбетова мәлім етті.

Вице-министрдің айтуынша, Қазақстан 2 немесе 4 валентті вакцинаны алуды қарастыруда.  

«Жатыр обырына қарсы вакцинаны әлем бойынша тек 4 өндіруші шығаратынын айтып кеткен жөн. Бұл ретте екі өндіруші 2 валентті вакцина шығарады. Яғни бұл адам...

Мирный жобасы негізінде жасыл энергетиканы дамытуға 820 миллиард теңге инвестиция тартылады / Фото: kursiv.media

Қазақстан Франциямен бірлесіп, елімізде жаңартылатын энергетика көздерін бірге дамытады. Сенат тиісті заңды мақұлдады.

Қазақстан Республикасының Үкіметі мен Француз Республикасының Үкіметі арасындағы жаһандық жылынуға қарсы күрес саласындағы ынтымақтастықты іске асыру туралы арнайы келісімді ратификациялау туралы» Қазақстан Республикасының Заңына сәйкес Қазақстан мен Франция арасындағы энергетикалық қауіпсіздік саласындағы ірі жобалар жүзеге асырылмақ.

Атап айтқанда, жасыл энергетикалық жобаларды ілгерілету, дамыту және Қазақстан Республикасының аумағында іске асыру, экологиялық таза технологияларға көшу және шығарындыларды қысқарту жолымен жаһандық жылынуға қарсы күресте ынтымақтастықты жүзеге асыру көзделген.

Мәселен, Жамбыл облысында гибридт...

Жаңа терминал құрылысы 87%-ға аяқталған / Коллаж: kursiv.media

Премьер-vинистрі Әлихан Смайылов TAV Airports Holding компаниясының президенті Серкан Каптанмен кездесіп, Алматы әуежайының жаңа халықаралық терминалының құрылысы мен елдегі өзге де инфрақұрылымдық жобаларды іске асыру мәселелерін талқылады, деп хабарлайды Үкімет үйі.  

Үкімет басшысы елімізде көлік-логистика әлеуетін арттыруға үлкен көңіл бөлінетінін айтты. Сондықтан Алматыда жаңа халықаралық терминал құрылысы секілді ауқымды жобаларды жүзеге асыру стартегиялық маңызға ие.  

«Оның ашылуы жолаушылар ағынын арттырып, ұшу географиясын кеңейтеді және мегаполис тұрғындары мен қонақтарына сапалы қызмет пен жайлылықтың жоғары деңгейін қамтамасыз етеді деп күтеміз», – деді Әлихан Смайылов.

TAV Airports Holding...

Майқайыңдағы іздеу жұмыстары үлкен сақтықпен жүргізіліп жатыр / Фото: ТЖМ

Майқайыңдағы іздеу жұмыстары барысында шұңқырдан құтқарушылардың оттегі баллоны мен тыныс алу аппараты табылды. Бұл жайлы ТЖМ баспасөз қызметі хабарлады.

«Автобустың болжамды орналасқан жерінде қазба жұмыстары жүргізілуде, оның барысында автобустың сынған бөлшектері, оттегі баллоны, тыныс алу аппараты және құтқарушының сөмкесі табылды», – делінген баспасөз хабарламасында.

Министрліктің хабарлауынша, жұмыстарды жүргізу тау жыныстарының тұрақсыздығына байланысты қиындаған. Пайда болған шұңқырдың астындағы бос орындарға байланысты топырақ үнемі қозғалып, сырғып отырады. Бұл жағдайда құтқарушылардың өздері зардап шегіп қалмауы үшін және экскаватор машинисін сақтандыру үшін арнайы қауіпсіздік кабелі тартылған...

Фото: Ақорда

Мемлекет басшысы Қасым-Жомарт Тоқаев Италияға ресми сапармен келді, деп хабарлайды Ақорда.

Мемлекет басшысын қрсы алу рәсіміне Құрмет қарауылы қатысты. Ал мемлекеттің ресми өкәлдерінен Қасым-Жомарт Тоқаевты Рим әуежайынан Италияның Қорғаныс министрі Гвидо Крозетто мен Рим Папасының өкілі Франческо Каналини қарсы алды.

Ақорданың хабарлауынша, бұл сапарында президент Қасым-Жомарт Тоқаев Италия Президенті Серджо Маттарелламен және Премьер-министр Джорджа Мелонимен келіссөздер жүргізеді.

«Сонымен қатар Президент «Қазақстан-Италия» инвестициялық дөңгелек үстеліне қатысып, бірқатар ірі компания басшыларымен кездесулер өткізеді деп жоспарланып отыр»,- делінген Ақорда хабарламасында.

Ал 19 қаңтар күні мемлекет басшысы Ватиканда Рим Папасы Францискпен кездесуі тиіс.

Еуропарламент Орталық Азия елдерімен қарым-қатынас бойынша ЕО стратегиясын қайта қарау туралы қарарды қолдады. Оған аймақтағы «құбылмалы» геосаяси жағдай ықпал етіп отыр. Бұл туралы DW басылымы жазады. Қарарда ЕО пен Орталық Азия елдерінің саяси және экономикалық ынтымақтастығын кеңейту көзделген.

Сәрсенбі, 17 қаңтарда өткен кеңейтілген отырыста депутаттардың 543-і аталған қарарды қолдады. 42 депутат қарсы дауыс беріп, 44-і қалыс қалды.

Жиында германиялық депутат Карстен Люке баяндама жасады. Оның сөзінше «Украинаға соғыс ашқан Ресей оқшауланды. ЕуроОдақ болашақта Шығыс Еуропа бағытында кеңеюді көздейді. Ал, Орталық Азияда Қытай ықпалы күшейіп келе жатыр. Осы жағдайлар Еуропа Одағының стратегиясын толықтай қайта қарауды және ондағы мызғымас...

Қырғызстандағы Киров су қоймасына өткен жылмен салыстырғанда 40 млн текше метр артық су жиналды, деп мәлімдеді Су ресурстары және ирригация министрі Нұржан Нұржігітов. Осыған байланысты министрлік Қырғызстанмен Жамбыл облысына ішінара су беруді сәуір айында бастау туралы келіссөз жүргізбекші.

Министрдің мәлімдеуінше, Жамбыл облысындағы Тасөткел су қоймасында су қоры айтарлықтай ұлғайған. Су көлемі 2023 жылмен салыстырғанда 2 есе артып, 300 млн текше метрге жеткен. Алайда Қырғызстандағы Орта-Токой су қоймасындағы су деңгейі алаңдаушылық туғызады. Себебі судың жиналуы өткен жылмен салыстырғанда төмен.

«Жамбыл облысы алатын су көлемін қырғыз тарапымен наурыз айында келісуді жоспарлап отырмыз. Су деңгейін қараймыз, кейін «Қазгидромет» биылғы...

Gartner танымал зерттеу ұйымының болжамдарына сәйкес биыл ақпараттық технологияларға (IT) әлемдік шығындар өткен жылғымен салыстырғанда едәуір өседі.

Gartner зерттеу компаниясы 2024 жылы бұл саладағы шығындар 6,8%-ға артып, 5 трлн доллардан асады деп есептейді.

2023 жылы шығын 3,3%-ға, яғни 4,68  трлн долларға дейін артқан болатын.

Компанияның айтуынша, ІТ қызметтері бизнесте маңызды рөл атқарады, сондықтан бұл оларға жұмсалатын шығындардың ұлғаюына әкеледі.

«Генеративті жасанды интеллект көп нәрсені өзгертеді, бірақ ақпараттық технология шығындарына айтарлықтай әсер етпейді. Нарықтың барлық сегменті биылғы жылы өсімге қайта оралады «, – деп есептейді Gartner вице-президенті Джон-Дэвид Лавлок.

БҰҰ Бас хатшысы Антониу Гутерриш тағы да халықаралық институттарды, соның ішінде БҰҰ Қауіпсіздік Кеңесін реформалауға шақырды. Оның айтуынша, олар ескірген және қазіргі әлемнің маңызды мәселелерін шешпейді. Бұл туралы ол Давостағы Дүниежүзілік экономикалық форумда мәлімдеді.

«Жаһандық басқарумен айналысатын институттар 80 жыл бұрын құрылған. Біз немерелеріміздің болашағын аталарымызға арналған жүйемен құра алмаймыз», – деді Гутерриш.

Бас хатшы БҰҰ биыл реформалау үдерістеріне көбірек көңіл бөлетінін айтты. Сондай-ақ, қыркүйек айында қазіргі заманның өзекті мәселелеріне арналған Болашақ саммиті өтеді.

Гутерриштің айтуынша, саммитте халықаралық қаржы архитектурасының қажетті реформалары қаралатын болады.

Күні кеше Володимир Зеленский Давоста өтіп жатқан Дүниежүзілік экономикалық форумға...

Алматыда хакерлік шабуылға ұшыраған БАҚ-тың бас редакторлары мен журналистері Ұлттық қауіпсіздік комитетіне арыз түсірді.

Бүгін Kursiv.Media редакциясында өткен БАҚ өкілдерінің басқосуында Қазақстан Республикасы Мәдениет және ақпарат министрлігіне, Цифрлық даму, инновациялар министрлігіне және Қазақстан Республикасының Аэроғарыш өнеркәсібі, сондай-ақ META-мен байланыста көмек көрсету үшін халықаралық ұйымдарға ресми хат жолдау туралы ортақ шешім қабылданды.

«Туындаған мәселені шешудегі қазақстандық БАҚ-тың бірігуін  көрсету біз үшін маңызды оқиға. Мен әртүрлі редакция өкілдерінің бірігіп әрекет етуін бірінші рет көріп отырмын. Бұл енді БАҚ-тың іскерлік туралы ғана мәселесі емес, біз көппіз және жалғыз әрекет етпеуіміз керек»-деді Kursiv.Media сайтының бас редакторы Мира Халина.

Қазақстан қор биржасының (KASE) ресми тізімінде тұрған Kaspi.kz АҚ (Алматы) KASE-ге АҚШ-та бастапқы жария орналастыруды бастағаны туралы 2024 жылдың 16 қаңтарындағы ағылшын тілінде жарияланған баспасөз мәлімдемесін ұсынды.

Хабарламада акционерлік қоғам АҚШ-та алғаш рет 9 000 000 америкалық депозитарий акцияларын («ADSS») орналастырған. Олардың әрқайсысы компанияның ұсынатын қарапайым бағалы қағаздарына жатады.

Акционерлер: Вячеслав Ким, Михаил Ломтадзе және Asia Equity Partners Limited.

Сатушы акционерлер андеррайтерлерге опцион ұсынады. 30 күн ішінде шығындарды жабу үшін қосымша 1 350 000 жарнаманы сату көзделген. Kaspi.kz NASDAQ Global Select Market-те adss-ті таңбаның астына орналастыруға өтініш берді.

Жаһандық депозитарлық қолхаттар туралы s ережесі («s GDR...

Еврокомиссия төрағасы Урсула фон дер Ляйен Украинаға макроқаржылық көмекті ескере отырып, ЕО-ның 2024-2027 жылдарға арналған ұзақ мерзімді бюджетін қайта қарау қажеттігі турала хабарлаған болатын. Ол бұл мәселе міндетті түрде шешімін табатынына сенімді екенін мәлімдеді.

Еврокомиссия төрағасының айтуынша, бюджетті қайта қарау тек Украина үшін ғана емес. Бұл сондай-ақ ЕО-ның бәсекеге қабілеттілігін қолдау, көші-қон мәселелерін шешу, Батыс Балқанға көмектесу және орман өрттері мен су тасқыны сияқты табиғи апаттар үшін қажет.

10 қаңтарда Еуропалық Одақ елдерінің тұрақты өкілдер комитеті «Украинаны қалпына келтіруді, қайта құруды және модернизациялау» бойынша ішінара келіссөздер мандатын мақұлдағанын хабарлаған болатын.

ЕО-ның ұзақ мерзімді бюджетін қайта қарау мәселесінің кезектен...

Фото: kursiv.media

2023 жылдың желтоқсанында Қазақстан банктеріндегі депозит көлемі тарихи рекорд жаңартты. Ұлттық банктің дерегіне сәйкес, былтыр желтоқсан айында депозиттер 7,6% өскен.

Ал бір жылдық өсім 12 пайызды құрап, жинақталған депозит қаржысы 34,7 трлн теңгеге жеткен.

Соның ішінде ұлттық валютада сақталған депозиттердің көлемі 26,6 трлн теңгені құрайды. Шетел валютасында сақталған депозиттердің көлемі 8 трлн теңгеден асады.

Кейінгі кезде Қазақстан банктеріндегі жинақты долдармен сақтау деңгейі төмендеп келеді. 2023 жылы доллармен сақталған депозит көлемі 32 пайыз болса, 2023 жылдың желтоқсанында ол 23 пайызды құраған.

Биыл тамыз айында да еліміздегі депозит көлемі өсіп, долларландыру деңгейі тарихи минимумды жаңартқан. Тамызда депозиттерд...

Башқұртстан соты жергілікті эко-белсенді Фаил Алсыновты «өшпенділік немесе араздық тудыру» ісі бойынша төрт жылға соттады. Алсыновқа сот үкімі шығысымен Баймақ қаласында жаппай наразылық басталды. БАҚ мәліметі бойынша полиция көзден жас ағызатын газ қолданып, наразылық білдірушілерді ұра бастаған. 

Наразылық қалай өтіп жатыр

Баймақ қаласының жүзге тарта тұрғыны 17 қаңтар күні белсенді Фаил Алсыновқа шығатын сот үкімі үшін жергілікті со т ғимаратына келген. Сот ғимаратына баратын жерді полиция автокөліктерімен және коммуналдық қызметтің тракторларымен жауып тастаған. Адамдар көліктерін тастап, жаяу жүруге тура келді, деп жазады Настоящее время. Сонымен қатар Баймақ қаласында интернетті толығымен өшіріп тастаған. 

Сот Алсыновты 4 жылға бас бостандығынан айырып, жазасын...

2004 жылы Қордай ауданы әкімдігінің және Қордай ауылдық округі әкімінің актілерімен Болат Назарбаевқа тиесілі «Қарасай БН-Тараз» ЖШС-ға «Барыс-2» сауда кешеніне қызмет көрсету үшін ауданы 34,3017 га учаске берілген болатын. Бұл туралы Жамбыл облысының прокуратурасы мәлімдеді.

Прокуратураның айтуынша, базардың жері қолданысқа берілген кезде оның тәртібі бұзылған.

«Атап айтқанда ауыл шаруашылығы мақсатындағы ерекше қорғалуға жататын ауданы 22,25 га суармалы егістік жерлердің бір бөлігі базарға қызмет көрсету үшін берілген. Осыған байланысты прокуратура аудан және ауылдық округ әкімдіктерінің актілерін, сатып алу-сату шарттарын жарамсыз деп тану және күшін жою туралы сотқа арыз берді»-делінген хабарламада.

Сот шешімі

Мемлекеттік тіркеуге алынбаған шетелдік автокөлік иелеріне әкімшілік жауапкершілік жүктеледі. Автожүргізушілерге заңды бұзғаны үшін айыппұл салынады. Бұл туралы Ішкі істер министрлігі Әкімшілік полиция комитеті басқарма басшысының орынбасары Алтынбек Жамалиев мәлімдеді.

«Мемлекет басшысының тапсырмасына сәйкес, мүдделі мемлекеттік органдар Қазақстан Республикасына 2022 жылғы 1 қыркүйекке дейін әкелінген шетелдік көлік құралдарын заңдастыруды жүргізді. Заңдастыру шеңберінде қазақстандық есепке барлығы 304 мыңнан астам автокөлік алынды, оның ішінде 21 мың автоконструктор және 55 мың автокөлік уақытша есепке тіркелді», – деді Алтынбек Жамалиев.

Ішкі істер министрлігінің өкілі заңдастырылмаған шетелдік автокөлік техникалық, экологиялық талапқа сай болған және тиісті төлемі төленген жағдайда мемлекеттік...

Ресей нарығында жұмыртқа тапшы. Соған орай Ресей тарапы Қазақстаннан жұмыртқа жеткізіп беруді сұрады. Бұл жайлы Үкімет үйінде өткен екі ел өкілдерінің онлайн кездесуінде айтылды.

Жиын барысында Қазақстан мен Ресей Премьер-Министрлерінің орынбасарлары Серік Жұманғарин мен Алексей Оверчук екіжақты сауданың өзекті мәселелерін, әсіресе, Ресей-Беларусь шекарасында қазақстандық тасымалдаушыларды өткізу мәселесін талқылаған.

Белгілі болғандай, 2023 жылдың 12 желтоқсанында Ресей мен Беларусь азаматтарынан өзге азаматтарға «Рудня» өткізу бекетіндегі өткел толығымен жабылған. Ал 2024 жылдың 8 қаңтарында дәл осындай шектеулер қалған екі «Қызыл» және «Қызыл тас» өткізу бекеттерінде енгізілген.

Бүгінгі таңда Ресей тарапы Ресей-Беларусь шекарасындағы жағдайды реттеуге көмектесіп, басқа өткізу пункті арқылы жүк...

Фото: kursiv.media

Акцияларының 96,3 пайызы шетелдік компанияға тиесілі Мәтен Петролиум 1,5 млрд теңгеге Priority Oil&Gas ЖШС-нің 99,9 пайыз акциясын сатып алмақ. Бұл туралы хабарлама Қазақстан қор биржасының сайтында орналастырылған.

Priority Oil&Gas компаниясы сатып алу туралы шешімді компанияның директорлар кеңесі 2024 жылдың 16 қаңтарында қабылдаған.

«Қоғам ҚР Энергетика министрлігінен осыған тиісті рұқсат алған жағдайда, қоғамның «Priority Oil&Gas» ЖШС жарғылық капиталын ұлғайтуға қатысуы және «PRIORITY OIL & GAS» ЖШС жарғылық капиталына 1 499 895 000 теңге жарна енгізу жолымен компанияның 99,9 пайыз үлесін иеленсін»,– делінген хабарламада.

«Мәтен Петролиум» компаниясы 2010 жыл құрылған. KASE-дег...

Министр Ш.Айманов атындағы «Қазақфильм» киностудиясының даңқы қайтарылатынын айтты / Коллаж: kursiv.media

Мәдениет және ақпарат министрі Аида Балаева Шәкен Айманов атындағы «Қазақфильм» киностудиясының басшылығы киностудия алаңын таксопарк ретінде пайдалануына қатысты пікір білдірді.

Министр киностудия жағдайының нашарлап кетуіне, фильмдердің тікелей мемлекеттен қаржыландыру тәртібінің өзгергенімен байланыстырады. Яғни бұрын киностудия тікелей мемлекетттік тапсырыстармен жұмыс істеген болса, қазіргі таңда қандай да бір фильм түсіру үшін Ұлттық кино орталығынан қаржыландыру алу үшін конкурсқа қатысуға тиіс.

«Аты аңызға айналған Ш.Айманов атындағы «Қазақфильм» киностудиясының айналасында туындаған кейбір мәселелердің басын ашып, тоқталып өткенді жөн көрдім. Бұл ең алдымен қаржылық, әкімшілік, экономикалы...

Мәжілістің жалпы отырысынан кейінгі кулуарда депутат Ринат Зайытов марқұм Заманбек Нұрқаділов пен экс-президент Нұрсұлтан Назарбаевтың ескерткіштеріне қатысты сұраққа жауап берді.

Президент Қасым-Жомарт Тоқаев Заманбек Нұрқаділовке ескерткіш орнатуды тапсырғанын тілге тиек еткен журналист депутатқа: «көпшілік: «бұл бұрынғы президент Нұрсұлтан Назарбаев үшін үлкен соққы болды» деп жатыр. Сіз не дейсіз? деген сауал қойды.

«Мұны Нұрсұлтан Әбішұлы Назарбаев өзі айтатын шығар, соққы болды ма, болған жоқ па?! Бірақ Заманбек Қалбайұлын тұлға ретінде қоғамға таныту – біздің міндетіміз. Өйткені ол мемлекеттің пайдасына, ұлттың пайдасына аз еңбек еткен жоқ. Бұл туралы талай адам айтып жүр. Алматы қаласын басқарып тұрған кезінде...

«Қазақстан Ұлттық Олимпиада комитетінің президенті қызметіне Тимур Құлыбаев келгеннен бері спорттық жетістіктеріміз құлдырай бастады». Үкімет басшысының атына сауал жолдаған депутат Ермұрат Бапи сөзін осылай бастады.

Айтуынша, Тимур Құлыбаев келгелі Ұлттық Олимпиада комитетінің басшылығына кілең «Ескі Қазақстанның» өкілдері іріктеліп алынды.

«Оның ішінде, бір-біріне айнымас құда-жекжаттар мен миллиардер күйеудің олигарх-достары өріп жүр», – деп мәлімдеді Бапи.

Сонымен қатар депутат Ұлттық комитет басшылығына мүше болып сайлану жасына шектеу (70 жас) қойылғанын айтты. «Қазіргі мүшелердің ішінен бұл цензден асып кеткендер» де, жақындағандар бар екеніне де назар аударады. Ермұрат Бапидің пікірінше, ұлттық спорттың дамуына бұл да кері ықпал етуі мүмкін екен...