Жаңалықтар

Мемлекеттік сатып алу конкурстық жүйесі автоматтандырылып, комиссия құрылмайтын болады. Осылайша алдын ала келісім жасау мен конкурс нәтижесіне шағымдану мүмкіндігі болмайды.

Премьер-министрдің орынбасары әрі Қаржы министрі Ерұлан Жамаубаев baq.kz басылымына берген сұхбатында мемлекеттік сатып алу жүйесіне қандай өзгерістер енгізілетінін айтты.

Негізгі проблема неде? Министр осы сұраққа жауап іздеу кезінде Мемлекеттік сатып алуды ұйымдастыру дұрыс жүргізілмейтінін анықтаған.

«Көп жағдайда жергілікті атқарушы орган жол, мектеп немесе басқа да құрылыс жұмыстарын жүргізеді. Сол кезде қандай да бір компаниямен алдын ала келісіп алып, соған конкурсты ұтып беруге жағдай жасағысы келеді. Енді мұндай қитұрқы әрекет жасай алмайды», – деді Жамаубаев.

Qarmet кәсіпорны жұмысшылардың еңбекақысын уақытылы беріп, салық төлемдері мен МӘМС төлемдерін жүргізді / Фото: Үкімет үйі

Qarmet кәсіпорнының қызметін тұрақтандыруға 28,6 млрд теңге жеке инвестиция тартылған. Бұл жайлы ҚР Премьер-Министрі Әлихан Смайыловтың қатысуымен өткен отырыста айтылды.

Әлихан Смайылов Qarmet компаниясының жаңа инвесторымен және орталық мемлекеттік органдар басшыларының қатысуымен жиын өткізіп, онда компанияның жұмысын, атап айтқанда комбинатты қажетті шикізатпен қамтамасыз ету, дайын өнім экспортын қолдау шараларын қамтамасыз ету, салық салу, анықталған экологиялық бұзушылықтарды жою және басқа да бірқатар мәселелерді талқылады.

Жиында қабылданған жедел шаралардың арқасында кәсіпорында желтоқсан айында өндіріс көлемі артқаны атап өтілді. Ферроқорытпа қоры мен көмір қоры...

Financial Times мәліметінше, әлемдегі ең ірі 20 банк биыл 61,9 мың қызметкерін жұмыстан шығарған.

Басылым атап өткендей, биылғы жыл банк секторы қызметкерлері үшін 2007–2008 жылдардағы жаһандық қаржылық дағдарыстан кейінгі ең қиын кезеңдердің бірі болды.

Сол тұста қаржы ұйымдары 140 мыңнан астам адамды қызметінен босатуға мәжбүр болды.

Жұмыссыз қалғандардың басым бөлігі UBS Group банкінде тіркелді. Оған Credit Suisse-ті сатып алу және одан кейінгі бизнесті қайта құрылымдау ықпал етті. Нәтижесінде 13 мың маман жұмыссыз қалды. Ал келесі жылы компания басшылығы штатты қысқартуды жалғастыратынын мәлімдеді. Екінші орында желтоқсанда 12 мың қызметкерін жұмыстан шығару ниеті туралы мәлімдеген Wells Fargo болды. Үшінш...

Каспий құбыр консорциумы терминалы аймағындағы ауа райының қолайсыздығы «қара алтын» тасымалын шектеді. Салдарынан Қазақстан мұнай өндірісін қысқарту туралы шешім қабылдады. Энергетика министрлігі мұнай өндірудің тәуліктік көлемі 3,6%-ға, яғни 254 мың тоннаға төмендегенін мәлімдеді.

Ведомство таратқан ақпаратқа сүйенсек, «қара алтынды» әлемдік нарыққа жөнелтуге Новороссийскідегі ауа райының қолайсыздығы кедергі келтіріп отыр. Салдарынан Қазақстан мұнайының негізгі экспорттық бағыты – Каспий құбыр консорциумы терминалында танкерлерге мұнай тиеу тоқтатылған.

Айта кететіні, қыс мезгілінде ауа райының қолайсыздығы консорциум арқылы мұнай экспортын шектеуге жиі себеп болады. Жағдай қалпына келген кезде шикізат тасымалының көлемі артып, тиісті келісім-шарттар орындалады.

Осыған ұқсас жағдай қараша айының соңында болған. Ол кезде Новороссийскіде...

2023 жылы жолаушылар тасымалы 23%-ға артқан / Фото: kursiv.media

Жолаушылар тасымалы биыл 23%-ға артып, тасымалданған жолаушылар саны 13 млн-ға жеткен. Көлік министрлігі осы жылы қазақстандық авиакомпаниялардың рекордтық көрсеткішке қол жеткізгенін хабарлады.

«Авиация саласында әуе көлігін пайдалану мәдениеті белсенді түрде қалыптасып келеді. Әуе тасымалдар халық арасында көліктің неғұрлым танымал түріне айналды. Қазақстандық авиакомпаниялардың әуе кемелерінің паркі 89-дан 99 бірлікке дейін, ал кресло-орындардың сыйымдылығы 12-ден 15 мыңға дейін ұлғайтылды. Қабылданған шаралар әуе тасымалдардың қолжетімділігін жақсартуға және рейстердің жүйелілігін арттыруға мүмкіндік береді», – делінген министрлік хабарламасында.

Министрлік инвестициялар есебінен Шымкент, Қызылорда, Алматы қалаларында 3 жаңа жолаушылар...

Фото: facebook.com/dina.tansari.kz

«НеМолчи» қорының жетекшісі Дина Таңсәріге 6 қылмыстық іс бойынша іздеу жарияланды. Бұл жайлы ІІМ тергеу департаменті бастығының орынбасары Самат Аисов мәлімдеді.

Министрлік қоғам белсендісіне қатысты Алматы қаласының, Шығыс Қазақстан және Алматы облыстарының полиция департаменттері 6 іс қозғалғанын хабарлады. Динара Смайыловаға яғни Дина Таңсәріге қатысты көрінеу жалған ақпарат тарату, жеке өмірге қол сұғылмаушылықты бұзу фактілері бойынша және алаяқтық бойынша екі іс қозғалған.

Самат Аисовтың айтуынша Таңсәрінің үстінен құқығы бұзылған жекелеген азаматтар шағым түсірген.

«Сотқа дейінгі тергеу барысында Смайылованың «НеМолчиKZ» қорының басшысы екені, сонымен қатар өзін қоғам белсендісі, құқық қорғаушы және әйелдер...

Jusan Bank-тің бас құрылымы Firs Heartland Securities 2021 жыл үшін дивидендтер төлеуді тоқтатты. Бұл туралы Қазақстан қор биржасының (KASE) сайтында жарияланды. Ал шешімді компанияның жалғыз акционері Ғалымжан Есенов қабылдаған болатын.

Өткен жылдың қазан айында қабылданған First Heartland Securities иелеріне жай акциялар бойынша дивидендтер төлеу туралы шешімнің күші жойылды.

Сол кезде First Heartland Securities компаниясының бұрынғы акционері британдық Jusan Technologies 2021 жылғы пайданы 14,5 млрд теңге немесе бір акцияға 1755 теңге мөлшерінде бөлу туралы шешім қабылдады. Ол кезде Jusan Technologies АҚШ- та тіркелген Jusan Holdings бақылауында болды.

Қазақстанның Бас прокуратурасы 2023 жылдың ақпан айында Алматы сотына үш жыл бұрынғы...

Танымал өнімнің әлемдік бағасы соңғы 15 жылда жаңа рекорд орнатты. Бұл туралы Таиланд күріш экспорттаушылар қауымдастығына сілтеме жасай отырып, Bloomberg хабарлады.

Таиландтың ақ күрішінің құны тоннасына 659 долларға дейін өсті. Бұл 2008 жылдың қазан айынан бері ең жоғарғы деңгей. Үндістанның ең ірі экспорттаушысы күрішті жеткізуді шектегеннен кейін, астық 38 пайызға қымбаттады. Сондай-ақ, ауа-райының қолайсыздығы егіннің нашарлауына әкелді.

Қауымдастық атап өткендей, күріш Азия мен Африкадағы миллиардтаған адамдардың тамақтануындағы маңызды өнім болып табылады. Ал оның рекордтық қымбаттауы аймақтағы инфляцияны арттырып, импорттың қымбаттауына әкелуі мүмкін.

Шілде айында Қызылорда облысы әкімі Нәлібаев елімізде күріштің бағасы 25,8%-ға өсті. Сарапшылар Оңтүстік-Шығыс Азия ме...

Франциядағы Эйфель мұнарасы қызметшілердің ереуілі салдарынан уақытша жұмыс істемейді. Сондықтан бүгін туристерді көрікті жерлерге бара алмады. Бұл туралы Le Figaro басылымы хабарлады.

Ереуіл француз инженері Гюстав Эйфельдің 100 жылдығына орай 27 желтоқсанда өтті.

Компания-операторы Эйфель мұнарасына кіре алмаған келушілерден кешірім сұрайтындары жайлы мәлімдеме жариялаған еді.

«Қызметкерлердің ереуіліне байланысты Эйфель мұнарасы бүгін жабық. Қолайсыздықтар үшін кешірім сұраймыз», – делінген хабарламада.

Жалпы Еңбек конфедерациясы ереуіл бір күндік болатынын нақтылады. Акцияның мақсаты-Эйфель мұнарасын басқаратын компанияның қазіргі басшылығына наразылық.

Қытай 2023 жылы мақта өндірісін 6,1% – ға, яғни 5,618 млн тоннаға дейін қысқартты. Бұл туралы Интерфакс ру агенттігі хабарлады.

«Ауа-райының қолайсыздығы Қытайдың ауыл шаруашылығын тұралатып тұр. Елдің мақта алқаптарының жалпы көлемі биыл 7,1% – ға азайып, 6,9 млн акрды (2,788 млн га) құрады. Бұл өнімділікті 1,1% – ға азайтты»-делінген хабарламада.

Естеріңізге сала кетсек, ҚХР-да мақта өндірісінің жалпы көлемі 2022 жылдың қорытындысы бойынша 4,3% – ға, яғни 5,98 млн тоннаға дейін ұлғайды.

27 желтоқсанда Qazaq Air әуекомпаниясы Астанадан Талдықорғанға қатынайтын рейстердің тоқтатылғаны туралы хабарлады.

Компанияның мәліметінше, 27 желтоқсанда қолайсыз метеожағдайларға байланысты Талдықорғанда IQ429 Астана-Талдықорған және IQ430 Талдықорған-Астана рейстері кешіктірілді.

Сондықтан техникалық себептерге байланысты Qazaq Air авиакомпаниясы бұл рейстерді тоқтату туралы шешім қабылдады.

«Тоқтатылған рейстердің жолаушыларына ережеге сай, тегін жатын орындар беріліп, билетті тегін қайта брондауға және билеттерді қайтаруға мүмкіндік жасалды»-делінген компанияның ақпараттық хабарламасында.

Қарағанды облысының Қарқаралы ауданында 3 адамға шапқан қасқырдың құтырғаны анықталды. Соған байланысты Қарқаралы ауданында 1 айға шектеу жарияланды.

«2023 жылдың 27 желтоқсанынан бастап профилактикалық мақсатта Қарқаралы қаласы бойынша шектеу шаралары жарияланды. Бұл шара көзі жойылған қасқырдың сараптамасынан оның құтырғаны анықталғанына байланысты қолға алынды», – делінген әкімдіктің харламасында.

Ауданда:

Аурудың алды алу үшін мамандар үйді-үйді аралап тексереді. Егер ауруға күдік болса, дезинфекция жүргізіледі. Сонымен қатар, ит пен...

Мәжіліс спикері Ерлан Қошанов Qarmet компаниясының жаңа инвесторына қатысты сұраққа жауап берді.

«Qarmet компаниясына бұл салада ешқашан жұмыс істеп көрмеген инвестордың келуін қалай бағалайсыз? Осы акционер арқылы комбинатқа Ресей капиталы кіреді деген әңгіме бар. Сіздің пікіріңіз қандай», – деп сұрады журналист Ерлан Қошановтан.

Ол жаңа инвестор әлеуметтік міндеттемелерді сақтауға, оның ішінде еңбекақы төлеу мен еңбек қауіпсіздігін қамтамасыз етуге тиіс екенін атап өтті.

«Мен сенетін құзырлы органдар осындай шешім қабылдады. Сондықтан мен бұл шешімге сенемін», – деді Мәжіліс төрағасы.

Естеріңізге салайық, 28 қазанға қараған түні ArcelorMittal Тemirtau компаниясының Костенко атындағы шахтасында...

Қаржы министрлігі 2023 жылдың 11 айындағы республикалық бюджеттің атқарылуы туралы есебінде ҚМГ акцияларын Ұлттық қор қаржысына сатудан бюджетке түскен қаржыны Ұлттық қордан аударылатын трансферт ретінде емес, «мемлекет меншігіндегі акциялардың мемлекеттік пакеnіне түскен дивиденд» бағанында көрсеткен.

Экономист Ғалымжан Айтқазинов есепте биыл бюджетке Үлттық қордан түскен қаржы 3,92 трлн теңге деп көрсетілгеніне назар аударады. Оның 2,17 трлн теңгесі – кепілдендірілген трансферт болса, 1,75 трлн теңгесі – нысаналы трансферт. Жалпы 2023 жылы бюджетке Ұлттық қордан 4 трлн теңге трансферт бөлу жоспарланған. Яғни жоспар 100 пайыз орындалып отыр.

Алайда мемлекет меншігінен түсетін түсім жоспардан 500% асып кеткен. Министрлік есебінде мемлекеттік...

Терроризмді насихаттады деген күдікпен Шығыс Қазақстан облысының азамат ұсталды. Бұл жайлы Ұлттық қауіпсіздік қызметінің баспасөз қызметі хабарлады.

«2023 жылғы 27 желтоқсанда Ұлттық қауіпсіздік комитеті терроризмді насихаттады деген күдікпен Шығыс Қазақстан облысының 18 жастағы тұрғынын ұстады. Тергеу әрекеттері барысында тұрғылықты жері бойынша діни әдебиеттер тәркіленді. Қылмыстық кодекстің 256-бабы 2-бөлігі бойынша сотқа дейінгі тергеп-тексеру жүргізілуде»,- делінген баспасөз хабарламасында.

Бұл азаматқа ұсталмай тұрып, мұндай заңсыз әрекеті үшін қылмыстық қудалау қарастырылғаны ескертілген. Ресми түрде сақтанып жүру туралы да ескертпе берілген. Алайда бұл әрекеттерге қарамастан, күдікті заңға қайшы келетін әрекеттерге барған.

Комитет әлеуметтік желілерде таратылатын радикалды идеологияның, әсіресе...

2023 жылы жасанды интеллект саласындағы стартаптар рекордты 27 млрд доллар инвестиция тартқан.

Financial Times ақпаратына сүйенсек, осы кезге дейінгі рекорд 2021 жылы жасалған. Ол кезде 11 млрд доллар инвестиция тартылған.

Биылғы 27 млрд доллар инвестицияның үштен екі бөлігі Microsoft, Google және Amazonкомпанияларының инвестциясы. Дәлірек айтқанда, Microsoft компаниясы ChatGPT чат-ботын дайындаған OpenAI компаниясына 10 млрд доллар инвестиция құйған. Ал  Google және Amazon компаниялары Anthropic стартап жобасына қаржы құйған.

FT жазуынша, жаңа стартаптар ірі компаниялармен жұмыс істеп, солардың қолдауына сүйенгенді жөн көреді. Себебі олар тек қаржылық жағынан ғана емес, техникалық қолдау мен қауіпсіздік жағынан қамтамасыз ете алады.

Биыл кең таралып, пайдаланушылары белсенді болған ChatGPT жасанды интеллектісі туралы материал дайындаған едік.

ChatGPT деген — тапсырмаңызға байланысты жұмыс әзірлеп беретін чат-бот. Оның қолынан көп...

Қазақстанның B2B SaaS нарығына төнуі мүмкін қауіптер мен ашылатын мүмкіндіктері қандай? DAR Solutions компаниясының сарапшылары PESTEL әдісімен жасалған анализдің арқасында бизнес, маркетиң, қаржы және стратегиялық жоспарлар дайындауға болады. Компания сарапшылары Айгерім Медетбекова, Игорь Пак және 5Qit дижитал платформасының зерттеу жетекшісі Майя Шеркешбай әзірлеген анализ нәтижесіне шолу жасадық.   

PESTEL анализ деген не?

         Әлқисса, PESTEL анализдің бизнес үшін маңызын атап өту керек. Тіпті тұрақты түрде, кемінде жылына 1-2 рет жасалып тұрғаны дұрыс. Сол арқылы әлдебір стратегиялық маңызды шешімдерді қабылдағанда сенімдірек болуға мүмкіндік бар. Өйткені талдау жасаған кезде компанияның дәл қазіргі ішкі және сыртқы ахуалына да анализ жасалады. Жеті рет ойланып...

Ішкі істер министрлігі NeMolchi.kz қорының жетекшісі Дина Таңсәріге іздеу жариялады. Бұл ақпарат Құқықтық статистика және арнайы есепке алу органының сайтында жарияланған.

Онда Смаилова Динара Ботаевнаға іздеу жарияланғаны жазылған.

«Туған күні: 21.02.1969, жынысы: әйел, Қазақстан Республикасының азаматы, қазақ. Іздестіру ісі 27.12.2023 «Шығыс Қазақстан облысы өңірде тіркелді». Бастамашы: ҚР ІІМ. Іздестіруді жүргізетін орган: Өскемен қаласының полиция басқармасы»,- деп көрсетілген.

Еске сала кетсек, NeMolchi.kz қорының басшысы Дина Таңсәрі алаяқтық жасады деген күдікке ілінді. Бұл жайлы ШҚО-ның полиция департаменті хабарлады.

«2023 жылдың 6 қазанында Өскемен қаласы Ертіс аудандық полиция басқармасы Қылмыстық Кодекстің 190-бабы...

Цифрлық даму инновациялар және аэроғарыш өнеркәсібі министрі Бағдат Мусиннің министр қызметінен кетіп, «Қазақтелеком» компаниясына қызметке ауыспайды. Бұл туралы министрлік баспасөз хатшысы хабарлады.

«Әлеуметтік желілерде министр Бағдат Мусиннің басқа қызметке ауысатыны туралы жарияланымдарға қатысты мынаны хабарлаймыз. Цифрлық даму, инновациялар және аэроғарыш өнеркәсібі министрі бүгінгі күні өз қызметін жалғастыруда. Таралып жатқан ақпарат шындыққа жанаспайды»,– делінген министрлік хабарламасында.

Осыған дейін желіде «цифрлық даму министрі Бағдат Мусин алдағы жылы министр қызметінен кетіп, «Қазақтелеком» компаниясына басшы болып тағайындалады» деген сыбыс тараған еді. 

2023 жыл қорытындысына байланысты есеп беру кезінде цифрлық даму министрі қазақстандықтарды интернет гигиена сақтауға шақырған. Ол 25 гб...

Бұл сұраққа Мәжілістің кулуарында палата спикері Ерлан Қошанов жауап берді.

«Дәл қазір бұл мәселе күн тәртібінде тұрған жоқ», – деді Мәжіліс төрағасы журналистке берген жауабында.

«Назарбаев әнұран авторы болуға лайық па?» – деген сұраққа Ерлан Қошанов: «Кезінде сондай шешім қабылданды ғой», – деп тіл қатты.

Қазақстанда 1992 жылғы 4 маусымда «Қазақстан Республикасының Мемлекеттік туы туралы», «Қазақстан Республикасының елтаңбасы туралы» және «Қазақстан Республикасы Мемлекеттік әнұранының музыкалық редакциясы туралы» заңға қол қойды.

1992 жылғы 11 желтоқсанда мемлекеттік әнұранның алғашқы мәтіні бекітілді. Осы әнұран 2006 жылға дейін шырқалды.

2006 жылғы 6 қаңтарда парламент 1956 жылы композитор Шәмші Қалдаяқов...

Елімізде 20 жылдан асқан ескі автокөлік үлесі 49%, ал 10 жылдық көліктер үлесі 21% /Фото: kursiv.media

Қазақстандықтардың 49%-ы 20 жылдан асқан, ескі автокөлік мінеді. Ал еліміздегі жаңа көлік үлесі 6%-ды құрайды. Бұл жайлы депутат Нартай Сәрсенғалиев премьер-министр Әлихан Смайыловқа жолдаған сауалында айтты.

Депутат Ұлттық статистика бюросының мәліметін келтірді. Ол мәліметтерден ескі көліктер үлесінің айтарлықтай үлкен екенін көруге болады.

«Қазір Қазақстанда 4 млн жеңіл автокөлік, 454 мың жүк көлігі мен 95 мың автобус бар. Стандартқа салсақ, темір тұлпардың талқаны шықпай жүріп беретін уақыты ең көп дегенде 10 жыл. Ал Қазақстанда тіркелген жеңіл автокөліктердің 49 пайызыны...

Мәжіліс төрағасы Ерлан Қошанов экс-президент Нұрсұлтан Назарбаевқа қатысты сұраққа жауап берді.

Мәжілістің жалпы отырысынан кейін, журналист палата спикерінен: «Қоғамда сіздер құрып жатқан «жаңа Қазақстан» мен «ескі Қазақстан» арасында текетірес жүріп жатыр деген пікір бар. Оған себеп – экс-президенттің «Астана клубының» пленарлық отырысына қатысуы, Ресейге барып, Владимир Путинмен кездесуі. Халықтың алаңдауына негіз бар ма?», – деп сұрады.

«Халықтың алаңдауына, сіздің алаңдауыңызға негіз жоқ. Қазақстанда қосбилік жоқ, болуы мүмкін емес. Бүгінде барлық шешімді халық басым көпшілікпен сайланған мемлекет басшысы Қасым-Жомарт Кемелұлы Тоқаев қабылдап отыр», – деп жауап берді Ерлан Қошанов.

Мәжіліс төрағасы экс-президент мемлекеттік мәселелерге араласпайтынын айтты.

2024 жылғы республикалық бюджет тапшылығы 3 трлн теңгені құрайды. Ұлттық экономика министрі Әлібек Қуантыров ел үкіметі осы қаржыны қайдан алатынын айтты.

Мәжіліс кулуарында журналистер министрден «3 трлн теңгені қайдан аласыздар, бюджет дефицитін жабу үшін Ұлттық қордан қаржы алына ма» деп сұрады. Әлібек Қуантыров не сырттан қарыз аламыз, не ішкі нарыққа МБҚ шығарамыз деді.

«Ұлттық қордан емес. Бюджет тапшылығы қалай қаржыландырады? Ішкі нарыққа мемлекеттік бағалы қағаздарды шығару немесе сырттан қарыз алу. Қаржы министрлігі еуробондтарды сыртқа шығарады. Ішкі нарықтан қарыз алсақ, қор нарығын жақсартамыз. Бұл қалыпты нәрсе», – деді ол

Министрдің айтуынша, биыл бюджетке...

Жаңа жыл алдында Қаржы министрлігі қызметкерлері 3-4 айлық есебінде, шамамен 1 млн теңгеге дейін сыйақы алады. Бұл туралы ведомство басшысы Ерұлан Жамаубаев айтты. Ол «Курсив» тілшісіне берген жауабында сыйақының 1 млн теңгеге жетуі мүмкін екендігін атап өтті.

Министрдің айтуынша, сыйақы төлеу үшін қосымша бюджет қаралмайды. Бұл министрліктің үнемдеп қалған қаражаты есебінен төленеді. 

«Мұның бәрі заңды. Әр орган өзі шешім шығарады. Біздің министрлікте аймақтар бөлек қаржыландырылып, орталық аппарат бөлек қаржыландырылады. 3-4 айлық есебінде сыйақы беріледі»,– деді министр.

Жамаубаевтың айтуынша, министрліктегі жалақы деңгейі төмен. Сондықтан оның есебі бойынша қарапайым қызметкерлер шамамен 1 млн теңгеге дейін сыйақы алуы керек.