Жаңалықтар

Қазақстанда азаматтардың қауіпсіздігін қамтамасыз ететін стандарттарды жақсарту мақсатында автогазбен жүретін көліктерге арнайы белгі қою міндеттеледі. Бұл жайлы Сауда және интеграция министрлігі хабарлады.

Атап айтқанда, ҚР Сауда және интеграция министрлігінің Техникалық реттеу және метрология комитеті Төрағасының 2023 жылғы 24 қарашадағы № 466-нк бұйрығымен ҚазСтандарт әзірлеген ҚР СТ 1412-2017 «Жол қозғалысын реттеудің техникалық құралдары. Қолдану қағидалары» ұлттық стандартына толықтырулар енгізілді. Өзгерістер 2024 жылдың 1 қаңтарынан бастап қолданысқа енгізіледі.

«Газға қайта жабдықтау көп жағдайда барлық қауіпсіздік талаптарын сақтай отырып жүргізілмейді.Сол себепті де, кей жағдайда мұндай көлік құралдары біздің азаматтарымыз үшін қауіпті болуы мүмкін. Осыған байланысты газға қайта жабдықталған...

Фото: kursiv.media

Жұма күні АҚШ қор нарықтары әр бағытта жабылды: S&P 500 өзгеріссіз қалса, Dow Jones 0,3%-ға көтеріліп, ал Nasdaq Composite 0,1%-ға төмендеді. Бұл туралы KASE-нің қор нарығына шолуында жазылған.

S&P индексінің PMI көрсеткіші аралас мәнде болды: өнеркәсіп өндірісі қатты қысқарды, ал қызмет секторы жылдам қарқынмен өсті. Apple, Meta және Microsoft акциялары шамамен 1% арзандады. Nvidia акциялары Қытай нарығына АҚШ-тың қазан айында енгізілген санкцияларын айналып өту үшін жасалған жаңа үдеткіш кешігіп жатқаны туралы ақпараттан соң, 1,8%-ға төмендеді.

Еуропа қор нарықтары жұмада оң динамика көрсетті: Stoxx 600 0,4% және DAX 40 – 0,2% қосты. Германияның үшінші тоқсандағы ЖІӨсі төмендеп...

Қаржы мониторингі агенттігі тиімсіз жобаларға қаражат жұмсалғанын анықтап, 5,1 млрд теңге шығынды болдырмады. Бұл жайлы агеттктің баспасөз қызметі хабарлады.

«Қаржы мониторингі агенттігі қабылдаған шаралардың нәтижесінде тиімсіз жобалар бойынша 5,1 млрд теңге қаржыландыруға жол берілмеді»,- делінген баспасөз хабарламасында.

Мәселен Қызылордада Сырдария өзенінің арнасын тазартуға 5 млрд теңге қарастырылған. Алайда, жұмыстар сапасыз эүзеге асыралғаны себепті, тазалау жұмыстарынан кейін қатты ағын мен желдің әсерінен өзен арнасы қайтадан ластанған.

«ҚМА өңірлік Департаментінің қызметкерлері қабылдаған шараларынан кейін әкімдік 3,7 млрд теңге көлемінде игерілмеген қаражатты басқа әлеуметтік мақсаттарға бағыттады»,- деп хабарлайды баспасөз қызметі.

Сондай-а...

Қазақстанның тұңғыш президентіне тиесілі «Назарбаев қоры» 2021 жылдың қыркүйегінде Назарбаев университетінің «Әлеуметтік даму қоры» коммерциялық емес ұйымына қарыз берген. Алайда қарызды қайтару барысында мәселе туындап, сотқа жүгінген.

Сот материалдарына сәйкес, «Назарбаев қоры» 13 168 750 000 теңге мөлшерінде қарыз берген. Келісімшарт талабына сәйкес, қарыз алушы сыйақы беріп отыруға және қарызды көрсетілген уақытында қайтаруға міндетті. Құжаттағы қарызды қайтару мерзімі – 2022 жылдың 1 қарашасы.

«Әлеуметтік даму қоры» бұл қаражатқа «Қазақтелеком» АҚ акцияларын сатып алған. 367 091 дана жай акцияны жалпы құны 12 807 812 331,8 теңгеге алған. 360 931 200 теңгеге артықшылығы бар акция сатып алды.

Ал келісімшартқа сәйкес, «Әлеуметтік даму...

Фото: shutterstock.com

Еуропалық Одақтың санкциялар жөніндегі халықаралық арнайы өкілі Дэвид О’Салливан сейсенбі күні Қазақстанға ресми сапармен келеді, деп хабарлады Еуроодақтың Қазақстандағы өкілдігінің баспасөз қызметі.

«2023 жылдың 28 қарашасында Еуропалық Одақтың санкциялар жөніндегі халықаралық арнайы өкілі Дэвид О’Салливан мырза Қазақстанға ресми сапармен келеді. Сапар барысында Қазақстанның бірқатар ресми тұлғаларымен кездесу жоспарланған», – делінген дүйсенбіде жарияланған баспасөз хабарламасында.

Сапар қорытындысы бойынша арнайы өкіл БАҚ өкілдері үшін баспасөз мәслихатын өткізуді жоспарлап отыр.

Еурокомиссия Еуропалық Одақтың санкциялар жөніндегі халықаралық арнайы өкілі лауазымын «Ресейге Украинаға қарсы соғыс басталғаннан бері қолданылған бұрын-соңды болмаған шектеу шараларынан жалтармау немесе айналып өтпеу үшін үшінш...

Францияның La tribune басылымы Қазақстан мен Өзбекстанның Dassault Aviation компаниясынан Dassault Rafale көпбағдарлы әскери ұшақтарын сатып алуы мүмкін деп жазады.

«Dassault Aviation осы екі Орталық Азия елдердің нарығын белсенді түрде зерттей бастады. Тіпті Өзбекстанға Dassault Rafale 24 әскери ұшағын сату мәселесіне қатысты талқылау басталып та кетті»,- деп жазды басылым.

La tribune бірнеше сенімді дереккөздеріне сүйеніп, Францияның Dassault Aviation компаниясының ұшақтарын сату үшін серіктестер Орта Азиядан іздестіріп жатқанын хабарлаған. Тіпті қарашаның басында Макронның бірінші Астанаға, кейін Өзбекстанға ресми сапармен келуін тікелей осы мәселемен байланысты деп топшылайды.

«Франция екіжақты...

Қара теңіздегі дауылды ескертуге байланысты, Каспий Құбыр Консорциумының Новороссийсктегі теңіз терминалында мұнайды ауыстырып тиеу тоқтатылды.

Қазіргі уақытта Новороссийск аймағында аса қолайсыз ауа райы қалыптасқан: желдің жылдамдығы 22-24 мс-ке дейін, толқын биіктігі 6-8 метрге жетеді.

КҚК баспасөз қызметінің хабарлауынша, қараша айында мұнай ауыстырып тиеуге бірнеше рет шектеу қойылып, оны КҚК мүлтіксіз орындаған.

«КҚК Теңіз терминалында мұнай жағалық сызықтан 5 км қашықтықтағы шығарылатын айлақ құрылғылары (ШАҚ) арқылы әрі өнеркәсіптік және экологиялық қауіпсіздік талаптарын бұлжытпай орындай отырып тиеліп, жөнелтіледі. ШАҚ құрылымы қолайсыз ауа райы жағдайында, яғни мұнайды тиеп жөнелтуге арналған дәстүрлі жағалық жүйелер операциялық қызметін тоқтатуға...

gov.kz мекен-жайында орналасқан мемлекеттік органдардың бірыңғай платформасы жұмыс істемей қалды. Қазір, бұл мекен-жай бойынша ішкі серверлік 500 қатесін көрсетіп тұр. «Ұлттық ақпараттық технологиялық» АҚ өкілі де порталдың жұмыс істемей тұрғанын растады.

Бұл мекен-жайда барлық мемлекеттік мекемелердің ресми сайтымен қоса, ресми органдардан анықтамалық ақпараттары да орналастырылады.

Материал әзірленіп жатқан уақытта, президенттің ресми сайты жұмыс істеп тұрды. Ал, primeminister.kz мекен-жайындағы Үкімет басшысының ресми ақпараттық ресурсы баяу ашылып тұрды.

«Курсив» редакциясы мәселенің мән-жайын анықтау үшін «Ұлттық ақпараттық технологиялық» АҚ мекемесіне сұрау салды.

«Қазіргі уақытта мемлекеттік органдардың интернет-ресурстарының бірыңғай платформасы Gov.kz дұрыс жұмыс істемеу...

«ҚазТрансОйл» АҚ-ның еншілес компаниясы – «Магистральдық су ағызғы» ЖШС «Астрахань – Маңғышлақ» магистральдық су құбырын жаңғырту үшін 20 млрд теңге тартты. Бұл туралы компанияның баспасөз қызметі хабарлады.

Ел Үкіметі 2022 жылы желтоқсанда «Астрахань – Маңғышлақ» су құбырын жаңғыртуға Ұлттық қордан 70 млрд теңге дағдарысқа қарсы қаржы бөлу туралы шешім шығарған болатын. Оның 50 млрд теңгесін «Магистральдық су ағызғы» ЖШС 2023 жылдың сәуірінде «ҚазМұнайГаз» ҰК АҚ-нан облигациялық қарыз түрінде алған. Ол кезде «Магистральдық Суағызғы» ЖШС 50 млн облигация шығарған.

Енді қалған 20 млрд теңгеге «ҚазМұнайГаз» ҰК АҚ «Магистральдық су ағызғы»  ЖШС-нің (100% – ы «ҚазТрансОйл» АҚ-қа тиесіл...

Фото: kursiv.media

«Қазатомөнеркәсіп» ұлттық атом компаниясының» 9 айдағы таза пайдасы 301 млрд теңгені құрады.

Қазақстан қор биржасының (KASE) сайтында «Қазатомөнеркәсіп» ұлттық атом компаниясының» 2023 жылдың III тоқсанындағы қаржылық есебі жарияланды.

2023 жылғы қаңтар-қыркүйек айларының қорытындысы қамтылған есепте компанияның таза пайдасы 2022 жылдың жылдың сәйкес кезеңімен салыстырғанда 1,7%-ға азайып, 300, 974 млрд теңгені немесе 653 млн долларды құрағаны жазылған.

Былтыр дәл осы уақытта компанияға 306,3 млрд теңге кіріс кірген.

Белгілі болғандай, компанияның активтері 2,9%-ға ұлғайып, 2,22 трлн теңгеден 2,29 трлн теңгеге дейін жеткен. Міндеттемелер 6,1% көлемінде өсім көрсетіп, 526 млрд теңгеден 558 млрд теңгеге дейін артқан.

...

Ақмола облысында 12 адам жалған диплом көмегімен «Дипломмен- ауылға» бағдарламасы бойынша 30 млн теңгеге жуық төлем алған. Бұл жайлы Ақмола облыстық прокуратурасының баспасөз қызметі хабарлады.

2009 жылдан бастап жүргізіліп келе жатқан «Дипломмен – ауылға» мемлекеттік бағдарламасымен ауылдық жерлерде еңбек етуге ниет білдірген мамандарға жеңілдікпен кредиттер беріліп, өтеусіз жәрдемақылар төленеді. Бірақ бұл жеңілдіктерді заңсыз пайдаланып жүргендер бар екен. Заңсыздықтарды облыс прокуратурасы бағдарлама шеңберінде әлеуметтік қолдауға қатысты заңнаманың сақталуына талдау жүргізу барысында анықтаған.

«Талдау нәтижесінде жалған дипломдардың көмегімен жеңілдіктер алған және шарттық міндеттемелерді бұзған адамдар анықталды. Мәселен, 2021ж. «К» жалған диплом бойынша Атбасар ауданының оқу...

«Қарашығанақта» газ өңдеу зауытын салу елімізде өндірілген шикізатты сыртқа шығармай  өңдеуге мүмкіндік береді. Алайда, Қазақстанда газ кен орындарын игеруге инвесторлардың құлқы жоқ секілді? Газ бағасы өсе ме, тұрақтай ма? Бұл туралы Kursiv.kz тілшісі Energy Monitor қоғамдық қорының директоры, сарапшы Нұрлан Жұмағұловтан сұрады.

Нұрлан мырза, алғашқы сауал «Қарашығанақтағы» газ өңдеу зауытына қатысты. Кәсіпорынды іске қосу нарықтағы өзекті мәселелерді шеше ме?

«Қарашығанақта» жылына 16 миллиард текше метр газ өндірілсе, оның жартысын қайта жер қойнауына айдайды да, қалған 8 миллиард текше метр шикі газды Орынбордағы газ өңдеу зауытына жөнелтіп отырады. Кейін сол жақта шикі газды өңдеп, кері Қазақстанға алып келетін. Кейбір кезде «КазРосГаз...

«Kazakhmys» компаниясының «Жайсаң» шахтасында 2 кенші қаза тапты. Бұл қайғылы ақпаратты компанияның баспасөз қызметі растады.

«Қазақмыс» компаниясы 2023 жылдың 27 қарашасында Жамбыл облысындағы Жайсан кенішінде болған жазатайым оқиға туралы туралы хабарлайды. Тау-кен жұмыстарын жүргізу кезінде Ғ.Омаров атындағы шахта трестінің 1981 және 2002 жылғы үңгуші қызметкерлері ауыр жарақат алып, қаза тапты. Арнайы комиссия жазатайым оқиғаның мән-жайы мен себептерін анықтауда. «Қазақмыс» компаниясының басшылығы мен еңбек ұжымы қаза тапқандардың туыстары мен жақындарына қайғырып көңіл айтады»,- делінгін хабарламда.

«Қазақмыс» – Қазақстандағы ең ірі мыс өндіруші. Компанияның құрамында 10 кеніш, бес тау-кен байыту фабрикасы, екі мыс балқыту зауыты, ек...

Ресей Федерациясының Қорғаныс министрі Сергей Шойгудың мәлімдеуінше, Ұжымдық қауіпсіздік туралы шарт ұйымына (ҰҚШҰ) мүше-мемлекеттердің екіжақты келісімі негізінде бірыңғай әуе қорғаныс жүйесі құрылды.

«ТМД аумағында әуе қорғанысының бірыңғай жүйесі бар. ҰҚШҰ-да ол іс жүзінде екіжақты деңгейде құрылды. Бізде әр мемлекетпен келісім, әуе шабуылына қарсы қорғаныс жүйесі бар», – деді Сергей Шойгу ресейлік журналист Павел Зарубинге берген сұхбатында.

Ресейдің Қорғаныс министрі келісім Армения, Қазақстан, Қырғызстан, Тәжікстан және Беларусь мемлекеттерімен жасалғанын нақтылады. «ҰҚШҰ-ға мүше елдердің әуе қорғанысының бірыңғай жүйесі құрылды, қажет болған жағдайда жүйе құжат бойынша рәсімделеді», – деп түсіндірді Сергей Шойгу.

Ол ҰҚШҰ әуе шабуылына...

Түркістан облысында ұзындығы 152 км болатын Дарбаза – Мақтаарал жаңа теміржол желісінің құрылысы басталды. Үкімет үйінің хабарлауынша, бұл теміржол торабы бойынша жүк ағынын болашақта 20-25 млн тоннаға дейін артуы мүмкін.

Құрылыстың салтанатты ашылуына ҚР премьер-министрі Әлихан Смайылов телекөпір режимінде қатысып, жұмыстарды ресми түрде бастап берді.

«Теміржол – мемлекетіміздің экономикалық және әлеуметтік өмірінің дамуын қамтамасыз ететін болат артериялар. Өткен жылы теміржолдармен Қазақстан тәуелсіздігінің 30 жылдығындағы ең жоғары жүк көлемі тасымалданып, ол 245 млрд тонна-километрді құрады. Мұндай қарқындар геосаяси жағдайларға және инфрақұрылымдық шектеулерге қарамастан биыл да сақталып отыр»,- деді Әлихан Смайылов.

Жаңа теміржол желісін салу...

Сертификатталған халал өнімдері мен қызметтеріне сұраныс артуда. Өйткені бұл өнімдер таза және пайдалы. Бұл туралы Түркия президенті Режеп Тайып Ердоған халал өнімдерінің 9 – шы Дүниежүзілік саммитінде және Halal Expo Ислам Ынтымақтастығы Ұйымының (ИЫҰ) 10-шы көрмесіне қатысушыларға мәлімдеді.

«Азық-түлік қауіпсіздігін қамтамасыз ету үшін жасалған әрбір қадам маңызды деп санаймыз. Халал-40 мыңға жуық қонақты қабылдайтын саммит, оның 10 мыңы  –шетелдіктер. Бұл саммит Ислам елдерінің азық-түлік қауіпсіздігін нығайтады деп сенемін. Сертификатталған халал өнімдері мен қызметтеріне сұраныс артуда. Өйткені бұл өнімдер таза және пайдалы. Сегодня мировой рынок халяль достиг более 5 триллионов долларов, главным образом в таких секторах...

Өзбекстан Мәжілісінің Сенаты Қазақстанмен одақтастық қатынас туралы шартты ратификациялайтын заңды мақұлдады. Бұл туралы ҚазАқпарат хабарлады.

 25 қарашада өткен кезекті жалпы отырыс шеңберінде «Өзбекстан Республикасы мен Қазақстан Республикасы арасындағы одақтастық қатынастар жөніндегі шартты ратификациялау» туралы заң қаралды.

Екі ел арасындағы ынтымақтастықтың жаңа дәуірі басталды.

Атап айтқанда, саяси, сауда-экономикалық, мәдени-гуманитарлық және басқа салалардағы байланыс қарқынды дамып келеді.

Мақұлданған шарт сыртқы саясат, қорғаныс және қауіпсіздік, көші-қон, өнеркәсіптік кооперацияны дамыту, трансшекаралық су ресурстарын ұтымды пайдалану жөнінде бірлескен шаралар қабылдау, парламенттер, саяси партиялар мен қоғамдық ұйымдар арасындағы байланыстарды нығайтуға бағытталған өзара іс-қимылдар кешенін қамтиды.

«Шартты ратификациялау екі халықтың рухани және...

25 қараша, сенбіде, әйелдерге қатысты зорлық-зомбылықты жою халықаралық күрес күніне орай бүкіл әлемде шерулер өтті.

Ең көп наразылық акциясы Италияда өтті, деп жазады DW.com газеті.

Римде шеруге 50 мыңға жуық адам қатысты. Бұған дейін ел Парламенті 22 жастағы студент Джулия Чеккетинді бұрынғы жігіті өлтіргеннен кейін жаппай наразылықтар кезінде тұрмыстық зорлық-зомбылыққа қарсы шұғыл заң қабылдады. Ал күдікті ГФР-да ұсталып, Отанына экстрадицияланды.

Стамбулда көшеде 500-ге жуық әйел «Біз үндемейміз» деп жазылған плакаттармен жиналды. Өткен жылы Түркияда әйелдерге қатысты зорлық-зомбылыққа қарсы шеру кезінде кем дегенде 40 адам ұсталды.

Германияның отбасы, қарт азаматтар, әйелдер және жастар жөніндегі Федералды министрлігінің мәліметі бойынша, елдегі әрбір үшінш...

Астананың 2035 жылға дейінгі бас жоспарының жобасы таныстырылды.

«Астана қаласының мәслихатымен мақұлданған Астана қаласының  2035 жылға дейінгі Бас жоспарының ұсынылған жобасы (негізгі ережелерді қоса алғанда) бекітілсін.  Қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын»- делінген Ашық НҚА сайтында.

«Қала аумағының әкімшілік шекаралары шегіндегі халық саны бастапқы жылы 1 184,4 мың адам болды. Астана қаласы халқының келешектегі санының болжамы корреляциялық-регрессиялық талдау, жас қозғалысының әдістері, статистикалық экстраполяция және еңбек теңгерімі негізінде экономикалық-математикалық әдістерді пайдалана отырып, Қазақстан Республикасы Ұлттық статикалық агенттігінің әдістемесі бойынша халықтың табиғи және көші-қон қозғалысында...

«Дос-Мұқасан» тобының әншісі Ақжол Мейірбеков қайтыс болды. Әнші ұзаққа созылған аурудан кейін 73 жасында өмірден озды.

«Біз үшін бүгінгі күн-қаралы күн. «Дос-Мұқасан» ансамблінің әншісі, Қазақстанның еңбек сіңірген әртісі, «Құрмет» орденінің иегері, Алматы қаласының құрметті азаматы Ақжол Мейірбеков ұзаққа созылған науқастан өмірден озды.
Өнер ұжымында талай жылдар көрерменге көлдей көңілімен ән салып, қадірлі болған азаматтан айрылу жанымызды жабырқатты. Қазақ еліне қайғырып көңіл айтамыз»,  – деді «Дос-Мұқасан» ұжымы әлеуметтік желіде.

Ақжол Мейірбеков 1950 жылы 7 шілдеде Оңтүстік Қазақстан облысы Арыс қаласында дүниеге келген. 1978 жылы «Дос-Мұқасан» ансамбліне қабылданады да, 1985-1994 жылдары Алматы облыстық филармониясының «Арқас», «Сазген», «Адырна...

Apple корпорациясы пайдаланушылардың жеке деректерін қорғаудың жаңа әдістерін патенттеді. Бұл туралы MacRumors басылымы хабарлады.

Желіде корпорацияның екі патенті пайда болды. Біріншісі, Apple смартфон экранының бұрыштарын қараңғыландырып арнайы параметр жасауды қарастыруда. Бұл жағдайда басқа пайдаланушылар құрылғы экранындағы ақпаратты тексере алмайды: осылайша құпия сөздерді ұрлау қиынға соғады.

Екінші патентке сәйкес, ұқсас технологияны Mac компьютер экрандарына енгізуге болады. Құжатта пайдаланушы қажет болған жағдайда экранды қараңғыландырады, сондықтан онда көрсетілген ақпаратты оқу қиын болады.

Басылымның хабарлауынша, бұл мүмкіндікті енгізу Apple технологиясының экрандарының көру бұрышы 170 градустан асатындығымен қиындайды. Ал бұл алаяқтардың жұмысын жеңілдетеді.

Айта кетейік, осыған дейін Қазақстанда Apple-дің жаңа өнімін алу үшін қанша...

Жапонияда құс тұмауын жұқтырудың алғашқы жағдайы тіркелді. Елде эпидемиологиялық жағдайды реттеу үшін министрлер кабинетінің отырысы өтеді. Бұл туралы Zakon.kz хабарлайды.

Жапонияның оңтүстігіндегі фермалардың бірінде биыл алғаш рет H5 құс тұмауының жоғары патогенді штаммын жұқтыру жағдайы тіркелді. Вирустың таралуын тоқтату үшін жергілікті билік 40 мың құс басын жою туралы шешім қабылдады, деп хабарлады Reuters.

Мамандар фермада генетикалық тексеруді 24 қараша қарсаңында бірнеше тауық ешқандай себепсіз өлгеннен кейін жүргізді. Вирустың өте қауіпті штаммы соңғы жылдары бүкіл әлемге таралып, әртүрлі континенттерде 18 миллионға жуық құстың өліміне әкелді.

Жағдайды реттеу үшін Жапония премьер-министрі Фумио Кисида елдің министрлер кабинетінің отырысын өткізеді.

Бұған...

Оралдағы ауа-райының қолайсыздығына байланысты бірнеше рейс кейінге шегерілді. Сол себепті «Алматы-Орал» КС 881 рейсіне Атырау қаласының әуежайына қонуға тура келді. Бұл туралы Air Astana баспасөз қызметі хабарлады.

«Бүгінгі таңда Оралды тұман басып, айналаның көріну деңгейі төмен болуынан

әуежайда ұшуға қолайсыздық туындаған. Осыған байланысты Астанадан Оралға қатынайтын рейстер кешігіп жатыр, ал «Алматы-Орал» КС 881 рейсі Атырау қаласының әуежайына қонуға мәжбүр болды», – деп хабарлады әуе компаниясы.

23 қарашада Орал қаласында ауа райының қолайсыздығына байланысты бірнеше рейс тоқтатылды. Air Astana әуе компаниясының айтуынша, «Орал – Франкфурт – Орал» және «Орал – Астана» бағыттары бойынша авиарейстер, сондай-а...

Жақын арада Қазақстанда авиатасымалдау билеттерінің бағасы төмендейді. Бұл туралы Қостанай облысының тұрғындарымен кездесуде Көлік министрі Марат Қарабаев мәлімдеді.

Қарабаевтың айтуынша, әуе қатынасына қатысты сұрақтар – қоғамда жиі талқыланатын мәселе.

«Билеттер қымбат – біз мойындаймыз», – деді спикер.

«Қазірі таңда жаңа лоукостер мен халықаралық компанияның отандық нарыққа шығу мәселесін пысықтап жатырмыз. Бәсекелестік пайда болса, сәйкесінше билет құны да төмендейді», – деп түсіндірді ол.

Сонымен қатар азаматтардың әл-ауқаты да өсіп келеді. Бұл әуе тасымалдарға деген сұраныстың жыл ішінде 27 пайызға өсуімен түсіндіріледі.

Сондай-ақ Көлік министрі қанша ұшақ сатып алу жоспарланып отырғанына да тоқталып өтті.