Жаңалықтар

Грузияда 3 жұлдызды отельде 7 күн тұрудың орташа бағасы – бір адамға 278 мың теңге

Қазақстандықтар туристік сақтандыруды Түркия, БАӘ, Мысыр және Таиланд елдеріне жиірек ресімдейді. Мальдив аралдары, Испания, Доминикан Республикасы немесе Вьетнамға баратын туристер сақтандыруды сирек алады. Өмірді сақтандыру компаниялары мамандарының болжауы бойынша, 2023 жылдың жазында, сақтанушылар саны Грузия, Әзербайжан, Черногория, Италия, Грекия бағыттары бойынша өсетін болады.

Freedom Life ӨСК мамандары қазақстандықтар үшін демалу құны қай елдерде қымбаттағанын, ал қай елдерде елеулі төмендегенін анықтады.

БАЭ (Дубай, Шарджа).

Тамақтанусыз немесе 3-4 жұлдызды отельде тек таңғы асымен 7 күн тұрақтану, орташа алғанда, бір адамға 165 мың теңгені құрайды. Турдың арзандығына қарамастан...

ҚР Премьер-Министрі Әлихан Смайылов Қазақстан Республикасы Үкіметінің халықаралық қаржы ұйымдарымен ынтымақтастығы жөніндегі үйлестіру кеңесінің отырысын өткізді. Бұл туралы primeminister.kz хабарлады.

Азия даму банкі мен Дүниежүзілік банктің Қазақстандағы өкілдерінің және орталық мемлекеттік органдар басшыларының қатысуымен Ақтөбе-Мақат және Алматы-Қорғас автожолдарын күрделі жөндеу, ирригациялық және су бұру жүйелерін жаңғырту мәселелері, сондай-ақ әйелдерге арналған «Ұмай» бағдарламасының ипотекалық несие беру шарттары қарастырылды. 

Сонымен қатар отырыс барысында халықаралық қаржы ұйымдарымен бірлескен жобаларды жоспарлау және жүзеге асыру сапасын арттыру жөніндегі шаралар талқыланды.

2023 жылғы 1 маусымдағы жағдай бойынша, «7-20-25» бағдарламасын іске асыру аясында 916,9 млрд теңгеге 68 202 қарыз берілді. Бұл туралы Ұлттық Банк баспасөз қызметі хабарлады.

«Саланы дамытудың нарықтық тетіктерін енгізу: барлау,өндіру,сату». Дәл осындай атаумен Астанада Қазақстанның алтын өндіруші өнеркәсіпшілерінің форумы өкізілді. Ауқымды жиынға ҚР Индустрия және инфрақұрылымдық даму вице-министрі Иран Шархан қатысты. Бұл туралы ҚР ИИДМ баспасөз қызметі хабарлады.

Вице-министрдің айтуынша, былтыр отандық кәсіпорындар 129,5 тонна көлемінде өңделмеген алтын өндірген. Бұл 2021 жылдағы көрсеткіштен 12,8%-ға көп.

«Елімізде алтын өндіру кәсібі отандық тау-кен секторындағы негізгі салалардың бірі болып саналады. 2022 жыл Қазақстанның алтын өндіру өнеркәсібі үшін табысты жыл болды. Мысалы, құрамында алтын бар кен орындарын игеру айтарлықтай ұлғайып, атап айтқанда 39,4 млн тоннаға дейін бағалы металл өндіріліп, бұл былтырғы көлемнен 18,3%-ға...

Фото: Ақорда

Мемлекет басшысы Қасым-Жомарт Тоқаев «Орталық Азия – Еуропалық Одақ» басшыларының екінші кездесуінде Қазақстанның ЕуроОдақпен ынтымақтастықты арттыратынын айтты.

«Энергетика секторы – Қазақстанның Еуропалық Одақпен өзара іс-қимылындағы негізгі бағыттарының бірі. Біз энергия ресурстарын тасымалдау бағыттарын әртараптандыру бойынша мақсатты жұмыс жүргізіп жатырмыз. Қазіргі уақытта Қазақстан мұнайының Еуропаға экспортының 80 пайызы Каспий құбыр консорциумы арқылы жүзеге асырылады. Ортақ мүдделерге сүйене отырып, біз осы стратегиялық маңызды мұнай құбыры арқылы ұзақ мерзімді және тұрақты жеткізуді қамтамасыз ету үшін ЕО-ның одан әрі қолдауына сенеміз», деді Мемлекет басшысы.

Сонымен бірге президент Әзірбайжан елімен әріптестікті нығайтып, тығыз ынтымақтастықта біз...

«Фридом Финанс» АҚ «Қазақстан қор биржасы» АҚ (KASE) алаңында 6,3 млрд теңге мөлшерінде «ОнлайнКазФинанс» МҚҰ» АҚ (Solva) екі жылдық гендерлік облигацияларын жылдық 21,5% өтеу кірістілігімен орналастырды.

Бұл облигацияларды орналастырудан түскен қаражат бизнестегі әйелдердің мүмкіндіктерін кеңейту және гендерлік теңсіздікті азайту мақсатында оларды белсенді қолдауға бағытталатын болады.

Облигациялардың шығарылым көлемі 20 млрд теңгені құрайды. Купондық сыйақы ай сайын төленеді және USD/KZT бағамының өзгеруіне индекстелінеді. Бұл ретте купонның ең төменгі мөлшерлемесі 21%-ды, ең жоғарғысы жылдық 25%-ды құрайды. Облигациялар KASE ресми тізіміне MFOKb11 сауда кодымен енгізілген.

KASE-де жүргізіліп жатқан жазылу аясында инвесторларға жалпы номиналды құны 5 млрд теңге болатын облигациялар ұсынылды. Орналастыру барысында...

АҚШ-та жыл басынан бері 17 737 адам қарулы шабуылдардың құрбаны болды, тағы 14 723 адам жарақат алды. Бұл туралы Анадолу сайты хабарлады.

GVA ұйымының хабарлауынша, жыл басынан бері АҚШ-тағы қоғамдық орындарда 268 қарулы шабуыл болды.

Қарулы шабуыл құрбандарының арасында 0-ден 11 жасқа дейінгі 113 бала және 12-ден 17 жасқа дейінгі 642 бала бар.

0-ден 17 жасқа дейінгі жараланған балалардың саны 1 894 адамды құрады. Полицияның қатысуымен болған атыс қаруын қолдану оқиғалары барысында 587 адам қаза тауып, тағы 361 адам жарақат алды.

Қытай барлық елдерді соғысушы тараптарға қару жіберуді тоқтатуға шақырды. Бұл туралы ҚХР-ның Еуразия істері жөніндегі арнайы өкілі Ли Хуэй мәлімдеді, деп хабарлайды Sky News.

Ол Қытайдың Еуропаға келіссөздер жүргізу үшін тағы бір делегация жіберуге дайын екенін түсіндіріп, «соғыс алаңына қару жіберуді тоқтату» және бейбіт келіссөздерге назар аудару керек екенін атап өтті.

Бұған дейін Қытай СІМ-нің ресми өкілі Мао Нин Пекин консенсусты нығайтуды және Украинадағы қақтығысты бейбіт жолмен шешуге ұмтылуды жалғастыратынын мәлімдеді. Оның айтуынша, Қытай барлық тараптармен диалогты күшейтеді және Украина дағдарысын саяси шешуге өз үлесін қосады.

Фото: kursiv.media

Актив көлемі бойынша он үшінші орында тұрған Home Credit Bank 17 миллиард теңге таза пайдасын дивиденд төлеуге жұмсамайды. Бұл туралы компания KASE-ге хабарлаған.

«Home Credit Bank-тің 2022 жылғы 17 млрд теңге көлеміндегі таза кірісін бөлмей және өткен жылдардың бөлінбеген таза пайдасы шотында қалдыруға шешім қабылдады», – делінген құжатта.

Қаржы ұйымының акционерлері мұндай шешімді 2023 жылдың 30 мамырында қабылдады. Сонымен қатар банк 2022 жылға аудиттелген қаржылық есептілікті бекітті.

Соңғы бір жылда несие мекемесінің таза табысы, аудиттелген есебіне сәйкес, 1,8 есе азайып, 17 млрд теңгені құрады. 2022 жылы Хоум Кредит Банкінің активтер...

Фото: kursiv.media

Маңғыстау облысы бойынша экономикалық тергеп-тексеру департаменті лауазымдық өкiлеттiгін асыра пайдаланып, ауыр салдарға алып келді деген күдікпен «Өзенмұнайгаз» АҚ бас директорының орынбасары Б.Мамбетсапаевты ұстады. Бұл жайлы Қаржы мониторингі агенттігінің баспасөз орталығы хабарлады.

Б.Мамбетсапаев лауазымдық мәртебесін пайдаланып, жұмысқа қабылдау туралы бекітілген қағидаларды өрескел бұзып, өзінің бірқатар таныстарын «Өзенмұнайгаз» АҚ-на заңсыз кіргізген.

«Жаңаөзен қаласының 9 мыңнан астам тұрғыны аталған компанияға жұмысқа кіруге кезекте тұр. Ал Мәмбетсапаевтың таныстары жұмыссыздар қатарында болмаған және тиісті мамандыққа біліктігі сәйкес келмеген. Б.Мамбетсапаев мұны анық білген. Бұл Жаңаөзен қаласы тұрғындарының компанияға жұмысқа орналасу құқығының өрескел бұзылуына әкеп соққан», делінген хабарламада.

Фото: Ақорда

Президент Қасым-Жомарт Тоқаев Еуропалық Кеңестің Президенті Шарль Мишельмен кездесті. Кездесу барысында ол Қазақстан Еуропалық Одақпен стратегиялық серіктестікке баса мән беретінін атап өтті.

Кездесу «Орталық Азия – Еуропалық Одақ» саммиті аясында өткен.

«Қасым-Жомарт Тоқаев Шарль Мишельге ілтипат білдіре отырып, Қазақстан Еуропалық Одақпен стратегиялық серіктестікке баса мән беретінін атап өтті. Еліміздің Еуропалық Одақпен жасаған Кеңейтілген серіктестік және ынтымақтастық туралы келісімі берік қарым-қатынастардың жаңа кезеңіне жол ашты», деліген Ақорда таратқан хабарламада.

Сонымен қатар Президент ЕуроОдақ – Қазақстанның жетекші сауда серіктесі және экономикамыздың ең ірі инвесторы екенін атап өткен.

Өз кезегінде Шарль Мишель...

Фото: kursiv.media

Ақтаудағы құбыр жүйелерінің 80%  тозған. Бұл жайлы Орталық коммуникациялар қызметінң брифингінде Маңғыстау облысының әкімі Нұрлан Ноғаев айтты.

Қаланың су, жылу, кәріз жүйелері толық жөндеуді талап етеді. Әкім кейбір нысандардың салынғаннан бері жөндеу көрмегенін айтты.

«Біз 2025 жылға қарай бұл мәселені мемлекет қолдауымен шешеміз деп жоспарлап отырмыз. Осы жылдың өзінде бізге 20 млрд теңге керек. Бұл қаражат су құбырларын, жылу жүйесі мен кәріз жүйесінің құбырларын аусытыруға кетеді. Кезең-кезеңімен бұл жөндеу жұмыстарын жүргізетін боламыз. Бүгінгі күні республикалық бюджеттен 3.3 млрд теңге бөлінді. Мердігер де анықталды», дейді Нұрлан Ноғаев.

Жалпы 2025 жылға дейін...

Фото: kursiv.media

Әлемдік азық-түлік нарығында бидай, жүгері мен өсімдік майы арзандап, есесіне күріш, қант және ет бағасы қымбаттап жатыр. Осы себепті БҰҰ Азық-түлік және ауылшаруашылық ұйымы (ФАО) азық-түлік бағасы индексі төмендеді.

Ең көп сатылатын азық-түлік тауарларының әлемдік нарық бағасындағы ай сайынғы өзгерісті бақылайтын ФАО азық-түлік бағасы индексі мамырда сәуір айымен салыстырғанда 2,6 пайызға төмендеген.

Өткен айда әсіресе бидай, жүгері бағасы арзандаған. Оған импорт сұранысының төмендеуі де, биыл астық бітік шығады деген болжам да әсер етті. Жүгері бағасы 9,8 пайыз арзандаса, бидай бағасы 3,5 пайыз төмендеген.

Есесіне күріш бағасы қымбаттап барады. Оған Азиядан сатып алу, Вьетнам мен Пәкістан...

«Өнеркәсіпті дамыту қоры» АҚ Директорлар кеңесі жалғыз акционердің акцияларды басымдықпен сатып алу құқығын іске асыру жолымен қоғамның 50 000 жай акциясын орналастыру туралы шешім қабылдады. Бұл туралы компания Қазақстанның қор биржасына хабарлады.

Айта кету керек, «Өнеркәсіпті дамыту қоры» АҚ жалғыз акционері Қазақстанның даму банкі

«Облигациялары Қазақстан қор биржасының (KASE) ресми тізімінде тұрған «Өнеркәсіпті дамыту қоры» АҚ (Астана) Директорлар кеңесінің 2023 жылдың 22 мамырындағы шешімі туралы KASE-ге хабарлады: Қоғамның жалғыз акционері акцияларды басымдықпен сатып алу құқығын іске асыру жолымен бір акция үшін 2,0 млн теңге бағасымен жалпы сомасы 100,0 млрд теңгеге жарияланған акциялар саны шегінде қоғамның 50 000 дана жай...

Белгілі бір аумақта геологиялық барлау жұмыстарын жүргізген компаниялар ол кен орнын одан әрі барлау және өндіру құқығына ие бола алады Бұл туралы Индустрия және инфрақұрылымдық даму министрі Марат Қарабаев мәлімдеді.

«Біз заманауи барлау әдістерін қолдануға баса назар аударамыз. Атап айтқанда, жер қойнауын геологиялық барлау. Талқыланып жатқан нұсқалардың бірі – жер қойнауын пайдалану құқығын геологиялық барлау жүргізетін компанияға беру, осы компанияның барлау және өндіру құқығын сақтап қалуы. Біз заңнамаға енгізілер өзгерісті талқылап жатырмыз», – деді ол Astana Mining & Metallurgy 13-ші Халықаралық тау-кен металлургия конгресінде.

Оның айтуынша, бұл жаңалық геологиялық барлау саласына инвесторлардың келуін ынталандыруы...

Фото: kursiv.media

Маңғыстау облысының әкімі Жаңаөзендегі «Берәлі» мұнайшылардың жағдайына тоқталды.

«Қазіргі таңда мұнай-газ саласында қызмет көрсететін немесе мердігерлік жұмыстарды атқаратын 192 компанияның 57-сі осындай жағдайға тап болды. Яғни тендерге қатысу барысында мекеме ұтылып, қызметті басқа мекемелер ұтып алған. Бұл 57 компанияның жұмыссыз қалған 3 мың адамды «Қазмұнайгаздағы» әріптестеріміз жеңімпаз компанияға ауыстырды. Жұмысшылардың ол жердегі еңбек шарты, жұмыс шарты, жалықысы қажетті деңгейде болады. Осындай шарттар қазіргі Жаңаөзенде отырған азаматтарға да ұсынылды. Тендерді жеңген мекеме штатына бару туралы ұсынысты олар қабылдамады. Мұнайшыларға көп ұсыныс жасалды және мемлекет пен «Қазмұнайгаз» тарапынан түрлі шаралар қарастырылып жатыр. Бірақ бас...

Фото: kursiv.media

2024 жылдан бастап бизнеске кедергі келтіретін 10 мың талап алынады. Бұл туралы Ұлттық экономика министрі Әлібек Қуантыров хабарлады.

Министр Қазақстанда шағын және орта бизнестің үлесі едәуір артқанын атап өтті.

«Экономиканың жалпы ішкі өнімдегі үлесі – 36,5%. Қазір 4,1 млн адам шағын және орта бизнесте еңбек етіп жүр. Былтыр бұл көрсеткіш 200 мың адамға аз болған. Үкімет оларға тікелей қаражат бөліп қана қоймай, бизнеске мүмкіндіктер жасауды жүзеге асырады», – деді министр Мәжілісте өткен жиыннан кейін.

Әлібек Қуантыров бизнеске кедергі келтіретін талаптар алынатынын айтты.

«10 мыңнан аса керек емес талапты бизнестен...

Фото: kursiv.media

2026 жылға дейін Маңғыстау облысында 100 жоба жүзеге асырылып, 6000 жаңа жұмыс орны құрылады. Бұл жайлы Маңғыстау облысының әкімі Нұрлан Ноғаев айтты.

«Биылғы жылдың 4 айында өңірдің әлеуметтік-экономикалық дамуында негізгі көрсеткіштердің барлығында оң динамика байқалды. Ал негізгі капиталға тартылған инвестициялар көлемі жылдан жылға артып келеді. Қазіргі таңда құйылған инвестиция көлемі 266 млрд теңгені құрады. Ал былтыр жалпы сомасы 25 млрд теңгеге 17 инвестициялық жобаны жүзеге асыру арқылы 600-ден аса жаңа жұмыс орны құрылды», – деді өңір басшысы ОКҚ алаңында.

Сонымен бірге өңір басшысы Маңғыстау облысына келетін туристер санының артқанын айтты. Биыл...

АҚШ Сенаты көпшілік дауыспен мемлекеттік қарыз шегі туралы заң жобасын мақұлдады. Бұл туралы америкалық БАҚ-қа сілтеме жасай отырып, «Интерфакс-Қазақстан» агенттігі хабарлайды.

АҚШ президенті Джо Байден мен Өкілдер палатасының спикері Кевин Маккарти арасындағы келіссөз нәтижесінде әзірленген заң жобасына 63 сенатор дауыс беріп, 36-сы қарсы шықты.

«Бұл заң жобасын қабылдау арқылы біз бүгін түнде дефолттан құтыламыз. Америка енді терең тыныстай берсе болады», – деді Сенаттағы көпшілік лидері, демократ Чак Шумер.

Cенатордың айтуынша, «Әу бастағы басты мақсат- дефолтқа жол бермеу еді. Дефолттың салдары аса қиын» болады.

Енді құжат Ақ үй басшысына қол қоюға жіберіледі.

Бұған...

Қазақтандықтардың табысы төмендеп, жағдайы нашарлап барады. Бұл туралы Мәжіліс депутаты Мәди Тәкиев мәлімдеді.
Мәжілісте AMANAT фракциясының депутаттары «Халықтың табысын 2029 жылға дейін арттыру бағдарламасының» кешенді жоспарын талқылап жатыр.
Мәди Тәкиев аталған бағдарламаны іске асыру халық үшін маңызды екенін айтты.

«Бағдарлама халық табысының төмендігіне, теңсіздіктер мен жұмыссыздық бойынша негізгі проблемаларды шешуге бағытталған. Бұл мәселелер шешімін таппаса, бағдарламаның ешбір пайдасы болмайды», – деді депутат.

Сондай-ақ ол бағдарламаның негізгі бағыттарына тоқталды.

«Кейінгі 5 жылда халықтың нақты ақшалай табысының үлесі төмендегені байқалады. 2018-2022 жылдары аралығында 5%-дан пайыздан 2,8%-ға төмендеп кетті. Әрине, оған инфляция айтарлықтай әсер етті. Былтыр...

Фото: kursiv.media

БҰл туралы Әлібек Қуантыров Мәжіліс депутаттарының алдында мәлім етті. Оның айтуынша, Үкімет инфляцияны 2 есе төмендету мақсатында жұмыстар атқарып жатыр.

«Өздеріңізге белгілі, осы жылдың сәуір айында жылдық инфляция 2022 жылғы 20,3%-дан 16,8%-ға дейін баяулады. Бірақ, бұнымен қанағаттанбастан, біздің алдымызда инфляцияны 2 есе төмендету міндеті тұр және Үкімет тарапынан тиісті жұмыстар атқарылып жатыр», деді министр.

Осы шараларды жүзеге асыру мақсатында бес бөлімнен тұратын арнайы бағдарлама дайындалған. Бағдарламаның бірінші бағыты өңірлік жұмыспен қамту карталары шеңберінде экономиканың нақты секторында жұмыс орындарын құру. Екіншісі – «Ауыл Аманаты» жобасын іске асыру шеңберінде ауыл халқының табысын арттыру. Үшіншіс...

Фото: банктің баспасөз қызметі

«Bank RBK» АҚ акционерлері жылдық жалпы жиналыста Қазақстан Республикасы Қаржы нарығын реттеу және дамыту агенттігінің 2023 жылғы 27 сәуірдегі №21 қаулысына сәйкес, Қазақстан Республикасы банк секторының қаржылық орнықтылығын арттыру бағдарламасы шеңберінде алынған қаражатты ішінара – мерзімінен бұрын өтеуді жүзеге асыру туралы шешім қабылдады.

Банк 2017-2018 жылдары аталған Бағдарлама шеңберінде өтеу мерзімі 2032 жылғы қарашада басталатын реттелген облигацияларды шығару және орналастыру жолымен қаражат тартқан еді.

Банк акционерлері 2022 жылғы қаржы-шаруашылық қызметінің қорытындылары бойынша акционерлердің жылдық жалпы жиналысында Банктің жай акциялары бойынша 19,1 млрд теңге мөлшерінде дивидендтер төлеу туралы шешім қабылдады, оның негізгі бөлігі – шамамен...

Елімізде биыл тұңғыш рет дарынды жастарға мемлекеттік қолдау көрсету, ақын-жазушылардың жаңа буынын қалыптастыру мақсатында Президенттік арнаулы әдеби сыйлық табысталады.

Мәдениет және спорт министрлігінің баспасөз қызметінің хабарлауынша,  бұл туралы жас қаламгерлермен кездесу барысында Мәдениет және спорт министрі Асхат Оралов мәлімдеді.

«Мұндай бастамалар отандық әдебиетті дамыту үшін ғана емес, қазақ тіліндегі контентті көбейту үшін, әсіресе балалар әдебиеті саласындағы контентті көбейту үшін  қажет. Бүгінде министрлік театр өнеріне үлкен көңіл бөліп отыр. Біздің мақсатымыз-отандық авторлардың қойылымдарының санын арттыру. Бұл мақсатқа қол жеткізу үшін жас драматургтер маңызды рөл атқаратынына сенімдімін»,– деді Мәдениет және спорт министрі Асхат Оралов.

Президеттік әдеби...

Фото: shutterstock.com

Қазақстанның 20 өңірінің алтауында халықтың шығыны табысынан көп. Атап айтқанда, Алматы облысы, Жетісу облысы мен Шымкент қаласы тұрғындарының шығыны кірісінен асып кеткен. Жалпы, 2022 жылдың төртінші тоқсанында Қазақстандағы жан басына шаққандағы ақшалай табыс бір жыл бұрынғыдан 17,7% өсіп, 252,4 мың теңгені құраған.

Табыспен қатар, шығын да өсіп жатыр. Былтыр жан басына шаққандағы шығын бір жылда 15,1% өсіп, бір тоқсанда 246,8 мың теңге болды.

finprom.kz. сарапшыларының жазуынша, 2021 жылдың осы кезеңінде халықтың табысы 10,6% өсіп, орташа есеппен 214,5 мың теңге болған. Алдыңғы жылы осы кезеңде үй шаруашылығының шығыны да бір жылда  12% көбейіп, 214,5 мың теңген...