Жаңалықтар

Денсаулық сақтау министрлігі дәрі-дәрмек бағасының 66%-ға дейін қымбаттағаны туралы ақпаратты жоққа шығарды. Ведомствоның мәліметінше, нарықтық сегментте баға өсімі 15%-дан аспайды, ал кейбір дәрі-дәрмектер керісінше арзандаған.

Министрлік бағаның күрт өскені туралы тараған хабарламаларды шындыққа сәйкес келмейді деп атап өтті. Сондай-ақ жекелеген препараттардың құны 52–66% өсті деген деректер расталмағанын мәлімдеді. Республика бойынша жүргізілген мониторингке сәйкес, наурыз айында 631 дәрі атауының бағасы өткен жылдың маусымымен салыстырғанда орта есеппен 24,6%-ға төмендеген.

«Реттелетін сегментте дәрілік заттардың 50%-дан астамы тұрақты деңгейін сақтап отыр, ал препараттардың 25%-ында баға төмендегенін атап өткен жөн. Сонымен қатар, 1707 рецептісіз берілетін препарат мемлекеттік реттеуге жатпайды...

Ұлттық Банк «Спорт» сериясынан FIFA WORLD CUP 2026 коллекциялық монеталарын айналысқа шығарады.

Ұлттық банктің ақпаратына қарағанда, FIFA WORLD CUP 2026 коллекциялық монетасы әзірленгенде немістің MDM Münzhandelsgesellschaft mbH & Co. KG Deutsche Münze (MDM) нумизматикалық компаниясы серіктес болды.

«Оның 2026 жылғы футболдан әлем чемпионатына арналған коллекциялық монеталарды шығаруға FIFA берген ресми лицензиясы бар. Бұл – футбол тарихындағы ХХІІІ чемпионат және алғаш рет үш елде қатар өтеді. Оның үстіне, ақтық ойындарға қатысатын ұлттық құрамалардың саны 48-ге дейін ұлғайтылып отыр», – делінген ақпаратта.

Үш елдің жалауы бейнеленген

Монета реверсінің жоғарғы бөлігінде финалдық ойындарды қабылдайтын Канада, АҚШ және...

Енді жолаушылар музыкалық аспаптарды, оның ішінде домбыра мен қобызды футлярда әуе кемесінің салонына қол жүгi ретінде кіргізе алады. Бұл ретте олардың өлшемдері 110×35×30 см-ден, ал салмағы 10 кг-нан аспауға тиіс.

Көлік министрлігі «Жолаушыларды, багажды және жүктерді әуе көлігімен тасымалдау қағидаларын бекіту туралы» бұйрығына өзгерістер мен толықтырулар енгізіп жатыр.

Азаматтардың көптеген өтініші негізінде жолаушылардың музыкалық аспаптарын әуе кемесі салонында қол жүгi ретінде тасымалдау құқығы беріледі.

Ал аспап басқа да сөмкелермен қол жүгі ретінде тасымалданса, белгіленген нормадан асқан жүк үшін әуе компаниялары ақы алады.

Бұл түзетулер жолаушылардың құқықтарын қорғауды арттыру және ұшақта музыкалық аспаптарды тасымалдауды реттеуге бағытталған. Түзетулер 2026 жылғы...

Сенат отырысында депутат Ғалиасқар Сарыбаев Алматы метросын толық тексеріп шығуды ұсынды. Ол жер асты пойызының жұмысына, қауіпсіздігіне қатысты сұрақтар туындауы мүмкін деп есептейді.

«Пойыздан техникалық ақау шығып, түтіндеуі бәрімізді алаңдатты. Бұл жағдай қауіп-қатер бар екенін және мемлекет деңгейінде жедел шара қолдану қажеттігін көрсетеді», – дейді сенатор.

Депутат айтқан жайт өткен аптада болған. 23 сәуірде Алматы метросында оқыс оқиға тіркелді. Әлеуметтік желілерде тараған видеода «Алатау» бекетінде түтін шығып, жолаушыларды эвакуациялап жатқаны көрінеді. Дегенмен төтенше жағдай министрлігі ешқандай өрт болмағанын, тек техникалық қателік кеткенін мәлімдеді.

Пойыздарды да жаңарту керек

Сондай-ақ, Сарыбаев локомотивтерді жаңарту мәселесі де тым...

Қасым-Жомарт Тоқаев Швеция Королі XVI Карл Густавты 80 жылдық мерейтойымен құттықтап, жедел хат жолдады.

Бұл туралы Ақорданың баспасөз қызметі хабарлады.

«Қасым-Жомарт Тоқаев жеделхатта Король XVI Карл Густавтың парасатты басшылығымен Швеция Еуропада және әлемдік аренада маңызды рөл атқаратын мемлекет мәртебесін сақтап келе жатқанын атап өтті», – делінген Ақорданың ақпаратында.

Президент қос халық арасындағы достық байланыс мен өзара түсіністікті жоғары бағалайтынын жеткізген. Сондай-ақ Швециямен сан қырлы ынтымақтастықты одан әрі нығайтуға сенім білдірген.

Тоқаев Король XVI Карл Густавтың ел игілігі жолындағы еңбегіне толайым табыс, ал достас Швеция халқына бақ-береке тіледі.

Мұның алдында Қазақстан президенті Оңтүстік Африка Республикасыны...

Биыл Алматы тұрғындары мен қонақтарын концерттер, гастрономиялық жәрмеңкелер, спорттық жарыстар және танымдық көрмелер күтеді.

Абай алаңындағы басты шаралар

Қаланың орталық алаңы мерекенің негізгі ошағына айналады. 1 мамыр сағат 11:00-де «Бірлігі жарасқан Алматы» фестивалі басталады. Республика сарайының алдындағы сахнада Нұрлан Өнербаев, Зарина Алтынбаева, Маржан Арапбаева, Luina және «КешYOU» сияқты танымал жұлдыздар мен ансамбльдер өнер көрсетеді.

Күні бойы алаңда түрлі ұлттардың тағамдары ұсынылатын мерекелік сауда өтеді. Сағат 18:00-ден 21:00-ге дейін жастарға арналған кеш өтеді. Қатысушылар: Айқын Төлепберген, Qanay, Ayree, Мәди Рымбаев және Alpha тобы.

2 мамырда сағат 10:00-ден бастап жылжымайтын мүлік жәрмеңкесі, ал кешкісін (19:00) эстрада жұлдыздарының қатысуымен концерт болады.

Бейжіңде өткен автосалонда AUDI бренді (Audi мен SAIC бірлескен суббренді) E7X атты премиум электрлі жол талғамайтын көлігін таныстырды. Алдын ала тапсырыстар 2026 жылғы 8 мамырда басталады. Автокөлік Қытайда жергілікті нарық үшін шығарылады. Бұл туралы брендтің медиа орталығы хабарлады.

E7X моделі жоғары өнімді 900 вольттық архитектура негізінде жасалған және екі түрлі күштік қондырғымен ұсынылады. Артқы жетекті нұсқасы 300 киловаттық қозғалтқышпен жабдықталған. Сондай-ақ толық жетекті quattro жүйесі бар нұсқасы 500 киловатт қуатқа ие болып, 100 км/сағ жылдамдыққа 3,9 секундта жете алады.

Сонымен қатар, электромобиль аккумулятор сыйымдылығы бойынша екі нұсқада ұсынылады: 100 кВт·сағ немесе 109 кВт·сағ. AUDI E7X моделінің жүріс қоры...

2026 жылғы 1 маусымнан Қазақстанның мұнай құбырлары арқылы шикізат экпорттау құны қымбаттайды. «ҚазТрансОйл» (ҚТО) ұлттық компаниясы қабылдаған шешімге сәйкес, тасымал тарифі 10,6 пайыз өсетін болды. Мұнай экспорттаушылар енді әр тонна үшін 1 200 теңгеге артық төлейді.

Яғни, 1 тонна мұнайды 1000 шақырымға айдау бағасы 11300 теңгеден 12 500 теңге жетті. Халықаралық нарық үшін бұл сома шамамен 27 долларға тең келеді.

Тариф тек шетелге шығарылатын мұнайға қатысты қымбаттаған, ел ішіндегі тасымалға әсер етпейді.

2026 жылдың алғашқы үш айында Қазақстаннан шетелге сатылған мұнай көлемі өткен жылмен салыстырғанда 21 пайызға (яғни 4 млн тоннадан астамға) төмендеп кеткен.

Бұған дейін ҚТО ішкі нарыққа мұнай...

Шаңсорғыштарымен танымал Dreame Technology «Dreame Next» іс-шарасында  алғашқы көлігін таныстырды.

Carnewschina ақпаратына қарағанда, аталған қытайлық компания Nebula Next 01 Jet Edition моделін ұсынып отыр. Көлік екі зымыран үдеткішімен жабдықталған. 100 км/сағ жылдамдыққа небәрі 0,9 секундта жетеді.

Компания 2017 жылы құрылған. Бұған дейін ақылды тұрмыстық техника шығарумен айналысқан. Енді олар жылдамдығы бойынша Bugatti Chiron-мен бәсекелес болуды көздеп отыр.

Көлік ерекше қозғалтқыш жүйесімен жабдықталған. Толық электронды түрде басқарылады.  Автономды жүргізу жүйесі жасанды интеллектке негізделген. Сондай-ақ 600 метрге дейін нысандарды анықтайтын LiDAR бар. Салоны «ақылды».

Таныстыру рәсіміне қатысқан Себастьян Трун бұл жобаны аэроғарыш технологиясы, жасанды интеллект және автопромның тоғысуының жарқын үлгісі деп...

«Азаматтарға арналған үкімет» алдағы мереке күндері арнайы ХҚКО-лардың жұмыс кестесін жариялады. Мемлекеттік корпорацияның хабарлауынша, 1, 7 және 9 мамыр күндері барлық арнайы ХҚКО-лар, соның ішінде кезекші орталықтар да жұмыс істемейді.

Кезекші орталықтардың 2 және 11 мамырдағы жұмыс кестесі төмендегідей:

Қалған күндері арнайы ХҚКО-лар қалыпты режимде жұмыс істейді.

Айта кетейік, биыл аптасына бес күн жұмыс істейтін қазақстандықтар мамырда 14 күн, аптасына алты күн жұмыс істейтіндер 9 күн демалады.

Көкшетау қаласында заманауи футбол аренасының іргетасын қалау рәсімі өтті. 10 000 көрерменге арналған стадион өңірдегі спорттың дамуына жаңа серпін бермек.

Салтанатты шараға Ақмола облысының әкімі Марат Ахметжанов, Көкшетау қаласының әкімі әрі облыстық футбол федерациясының президенті Әнуар Күмпекеев, Қазақстан футбол федерациясы Бас хатшысының міндетін атқарушы Александр Кеплин және қала тұрғындары қатысты.

Облыс әкімі жоба Қасым-Жомарт Тоқаевтың тікелей тапсырмасы аясында жүзеге асырылып жатқанын атап өтті.

«Бүгін басталған құрылыс келешекте қаламызға республикалық және халықаралық жарыстарды, соның ішінде жастар құрамаларының матчтары мен ұлттық турнирлердің финалдық ойындарын өткізуге мүмкіндік береді», – деді Ахметжанов.

Стадионның ерекшеліктері мен мүмкіндіктері

Жаңа спорт...

Блогер Данияр Бейісқали Жетісу облысында қоқыс тастайтын жерден Елтаңбаны тауып алып, үйіне әкелген. Облыстық полиция департаменті азаматтың мемлекеттік рәмізді қорлайтын іс-әрекеттерін анықтаған.

Оқиға қалай болды?

Жетісу облысы Жансүгіров ауылының тұрғыны, блогер Данияр Бейісқали осыдан төрт жыл бұрын қоқыс арасынан мемлекеттік Елтаңбаны тауып алған.

Полиция департаментінің мәліметінше, азамат мемлекеттік рәмізді әдепсіз түрде суретке түсіріп, рәмізді бұрмалап пайдалану элементтері бар бейнелер жариялаған.

«Уәкілетті органның ұсынысы бойынша аталған іс-әрекеттерге құқықтық баға берілді. Қазақстан Республикасының қолданыстағы заңнамасына сәйкес, бұл әрекеттер мемлекеттік рәміздерді қорлау, оны пайдалану тәртібін бұзу ретінде сараланады және жауапкершілікке әкеп соғады», – деп хабарлады полиция.

Қазақстанда жасанды интеллект пен бұлттық технологияларды дамытуға бағытталған жаңа ірі жоба басталуы мүмкін. Елдің Цифрлық даму министрлігі, Қазақтелеком және Абу-Дабиде орналасқан Aleria компаниясы өзара ынтымақтастық туралы меморандумға қол қойды.

Келісім аясында Павлодар облысындағы Екібастұз қаласында ірі деректерді өңдеу орталықтарының кешенін салу жоспарланып отыр. Кешен Data Center Valley деп аталады. Жоба іске асса, Орталық Азиядағы ең қуатты дата-орталықтардың біріне айналуы мүмкін. Мұндай орталықтар үлкен көлемдегі ақпаратты сақтау мен өңдеуге мүмкіндік береді және жасанды интеллект жүйелерінің жұмыс істеуі үшін негізгі инфрақұрылым саналады.

Жоба Қазақстанды аймақтағы цифрлық хабқа айналдыруды көздейді. Яғни, деректерді шетелге тәуелді болмай, ел ішінде сақтау және өңдеу...

Астанада өтетін Qazaqstan Barysy Grand Slam турниріне қатысатын қазақстандық спортшылардың алдын ала тізімі жарияланды. Жарыс 8–10 мамыр күндері өтеді.

Федерация баспасөз қызметінің мәліметінше, Қазақстан құрамасынан 53 спортшы бақ сынайды, оның 28-і ер адам, 25-і әйел.

Ерлер

60–73 келі салмақ дәрежелерінде Шерзод Давлатов, Талғат Орынбасар, Мағжан Шамшадин, Сұңғат Нұрлатұлы, Ғұсман Қырғызбаев, Нұрқанат Серікбаев, Ақылжан Жұбатқанов, Бауыржан Нарбаев, Есет Қуанов, Аңсарбек Ғайнуллин, Ерсұлтан Дүйсенхан және Ануар Жұмагелдин бақ сынайды.

Ал 81–90 келі салмақ аралығында Досхан Жолжақсынов, Мәди Амангелді, Жалғас Қайролла, Ерзат Арғынов, Айдар Арапов, Айбол Нысанәлі, Барақ Арқабай және Ақжол Дүйсенбаев өнер көрсетеді.

100 және +100 келі салмақ дәрежелерінде Марат Байкамуров, Нұрлыхан...

Маңғыстау облысында емші халық емімен емделуге келген науқасты тамағынан қысып өлтіріп қойды.

Lada.kz ақпартына қарағанда, іс бойынша үкім қайта қаралды. «Емдеу» сеансын емханада жұмыс істейтін медбике жүргізген. Апелляциялық алқа бұрынғы үкімді тым қатаң деп тауып, жазаны бас бостандығын шектеуге ауыстырды.

Мұнайлы аудандық соты 19 наурызда Мұнайлы ауданының тұрғыны Б.-ны абайсызда адам өліміне әкелу (ҚР ҚК 104-бабы 1-бөлігі) бойынша кінәлі деп таныды. 49 жастағы әйел Актау қаласындағы №1 емханада медбике болып жұмыс істеген, тиісті білімі мен лицензиясы болмаса да үйінде «халық емі» қызметін көрсеткен.

Сот мәліметінше, 2025 жылғы 26 қараша күні шамамен сағат 20:30-да үйінде науқасты «емдеу» барысында оны...

Алматы облысында бір қала мен сегіз ауылда салынуға тиіс тоғыз мектептің құрылысына қатысты тендер өтпей қалды. Жалпы құны 59,3 млрд теңгенің жобасына екі құрылыс компаниясы таласып жатыр.

Талапқа сай емес

Өңір әкімдігі мектеп құрылысына қатысты тоғыз лотты мемлекеттік сатып алу порталына 13 сәуірде жариялаған. Тоғыз мектеп Қонаев қаласы (900 орындық мектеп, 6,3 млрд ), Өтеген батыр ауылы (1200 орындық, 7,1 млрд), Байсерке ауылы (1200 орындық, 7,4 млрд), Тоқпанов ауылы (900 орындық, 6,3 млрд), Қырғауылды ауылы (900 орындық, 6,3 млрд), Екпінді ауылы (900 орындық, 6,3 млрд), Жайнақ ауылы (900 орындық, 6,3 млрд), Қарғалы ауылы (900 орындық, 6,3 млрд) және...

Экс-шенеунік Ержан Бабақұмаровты өлтірді деп айыпталған Ербол Каукетай 11 жылға сотталды. Ақпаратты Астана қаласы сотының баспасөз қызметі растады.

Астана қаласы қылмыстық істер жөніндегі мамандандырылған ауданаралық сотының 2026 жылдың 20 ақпандағы үкіміне сәйкес, сотталушы Қылмыстық кодекстің 99-бабы 1-бөлігі бойынша кінәлі деп танылып, 11 жылға бас бостандығынан айырылды.

Үкім заңды күшіне енді.

Бабақұмаровтың қазасы

Ержан Бабақұмаров 2025 жылдың қазанында қайтыс болды. Ол 2019 жылы президент кеңесшісі – президент әкімшілігінің талдау және болжамдау орталығының меңгерушісі болып тағайындалған.

2019-2022 жылдары Алматы қаласы әкімінің орынбасары қызметін атқарған. 2022 жылы Президент жанындағы Орталық коммуникациялар қызметінің басшысы болды. 

Бабақұмаровтың артында кәмелетке толмаған 12 және 16 жастағы...

Еңбек және халықты әлеуметтік қорғау министрлігі зейнетақының «жеткілікті шегін» есептеу әдісі не үшін өзгеретінін түсіндірді.

Министрлік алдымен зейнетақы жинағының кез келген уақытта жұмсай салатын депозит емес екенін еске салады. Бұл қаражат адам зейнетке шыққанда негізгі күнкөріс көзі болуға тиіс. Қазір қолданыста жүрген есептеу әдісі адамды өмір бойы үзіліссіз жұмыс істеп, ай сайын ақша аударып тұрады деген негізге сүйенеді.

Алайда өмірде адамның жұмыссыз қалатын немесе табысы азаятын кезеңдері болатыны ескерілмеген. Сондай-ақ жеткіліктілік шегінің мәндері соңғы үш жыл бойы жаңартылмаған.

Енді ведомство жаңа «актуарлық әдіске» көшеді. Бұл жүйе адамның болжамды өмір сүру ұзақтығын, жинақталған ақшаның инфляциядан қорғалуын және болашақ төлемдерд...

30 сәуірде Алматы қаласында Қазақстандағы тұңғыш крематорий ашылды. Алатау ауданына қарасты Алғабас ықшамауданында, жаңа зираттың маңында бой көтерген нысанды «Қалалық патологоанатомиялық бюроның» директоры Ардақ Әлішев таныстырып, мекеменің техникалық мүмкіндіктері мен жұмыс тәртібіне тоқталды.

Нысанның құрылысы туралы шешім 2020 жылы қабылданғанымен, инженерлік желілерді, соның ішінде газ жүйесін тарту жұмыстарына байланысты іске қосу мерзімі бірнеше рет шегерілген еді.

Кремация процесі қалай өтеді?

Мекеме Чехиядан әкелінген екі заманауи пешпен жабдықталған. Пештерді жұмыс режиміне келтіру үшін оларды 35 сағат бойы қыздыру қажет, ал кремация процесі 800-ден 1000 градусқа дейінгі температурада жүреді. Бір мәйітті өртеу процесі орташа есеппен екі сағатқа созылады. Бұл жауапты іст...

Ресей Тоқаевтың Каспий бейбітшілік аймағы болуы керек деген ұсынысына келісті. Ол туралы көрші елдің сыртқы істер министрі Сергей Лавров әріптесі Ермек Көшербаевпен кездесуінде айтты.

«Бірлескен жұмыстың тағы бір өзекті бағыты – Каспий. Біз АҚШ-тың қарулы агрессияны өршітуі мен Иранға қатысты тым қатал ұстанымы Каспий теңізі мен оның жағалауына теріс әсерін тигізгенін мойындауға мәжбүрміз. Каспий бейбітшілік пен ынтымақтастық аймағы болып қалуға тиіс», – деді ол.

Сондай-ақ Таяу Шығыстағы дағдарысқа қатысты Қазақстанның «салмақты ұстанымы» үшін ризашылық білдірді.

«Біз барлық тартылған тараптар арасында саяси келісімдерге қол жеткізуді көздей отырып, Парсы шығанағы мен жалпы Таяу...

Алматы қаласында ауаның ластануындағы автокөліктің үлесі шамамен 60%-ға жеткен. Қала көшелеріндегі көліктер жылына 113 мың тоннаға жуық зиянды газ бөледі.

Бұл туралы қалалық Экология және қоршаған орта басқармасының басшысы Серік Әділбаев өңірлік коммуникациялар қызметінде өткен брифингте мәлімдеді.

Жалпы агломерация бойынша шығарындылар көлемі 225 мың тонна деп бағаланады. Оның 189 мың тоннасы тікелей қала аумағына тиесілі.

«Ластанудың екінші ірі көзі – энергетика саласы. Үлесі шамамен 24%-ға жетеді. Одан кейін жалпы ластанудың 16%-ы бизнес нысандары мен жеке секторға тиесілі», – деді  Серік Әділбаев.

Оның айтуынша, шығарындыларды азайтудың негізгі шараларының бірі – табиғи газ құбырын тарту. Қазірг...

AERC сарапшылары теңге бағамына қатысты болжамын айтарлықтай жақсартты. Бұл туралы 2026 жылға арналған макроэкономикалық болжамда айтылған.

Егер қаңтар айында бір доллардың орташа жылдық құны 546 теңге болады деп күтілсе, сәуірдегі есепте көрсеткіш 518,5 теңгеге дейін төмендетілді.

Ұлттық валютаның нығаюына Парсы шығанағындағы геосаяси шиеленіс салдарынан әлемдік нарықта мұнай бағасының қымбаттауы басты себеп болған. Атап айтқанда, сарапшылар Brent маркалы мұнайдың орташа бағасын бұрынғы 60 доллардың орнына 87 доллар деңгейінде болжап отыр.

Дегенмен мұнай өндірісіне қатысты болжам аздап төмендеді: Каспий құбыр консорциумындағы (КҚК) инфрақұрылымдық шектеу мен Қашағандағы жоспарлы жөндеу жұмыстарына байланысты өндіріс көлемі 93 млн тоннадан 92,5 млн тоннаға дейін азаюы мүмкін.

2026 жылғы 21 наурызда Алматы қаласының Әл-Фараби даңғылында болған ірі жол апатынан кейін қозғалған қылмыстық іс бойынша тергеу аяқталуға жақын. Ішкі істер министрінің орынбасары Санжар Әділов осылай деп мәлімдеді.

Іс сотқа жолданады

Шенеуніктің айтуынша, ірі жол апатына байланысты тағайындалған сараптама нәтижелерінің бәрі дерлік дайын, тергеу де аяқталып қалды.

«Тергеу аяқталғанын алдағы екі аптаның көлемінде жариялаймыз. Өйткені қажетті тергеу амалдарының бәрі аяқталып қалды», – дейді Әділов 30 сәуірде Сенат отырысына барған журналистерге.

Министрлік өкілі тергеу нәтижесі бойынша қосымша мәлімет таратуға уәде берді. Тергеу аяқталған соң, құзырлы мекемелер іс материалдарын сотқа жолдайды.

Ірі жол апаты...

Шымкентте балаларын жүзу секциясына жаздыру үшін ата-аналар таңнан кезекке тұрып, арты у-шуға айналды.

Бұл туралы әлеуметтік желілерде бейнежазба тарады. Онда шымкенттік ата-аналардың балаларын жүзу секциясына жаздыру үшін жаңа Оқушылар сарайына кіруге тырысып жатқаны көрінеді.

Есік алдында сарай қызметкерлері кезекке тұрғандардың легін бөгеп тұр. Наразы ата-аналар айғай-шу шығарып жатыр.

Сөйтсе, жүзуге қатысу тегін болғанымен, жазылу оңайға түспейді екен. Бар болғаны 50 орын ғана бар.

«Үлгеріп қаламыз» деген үмітпен адамдар түннен бастап кезекке тұрған. Ал білім басқармасы мұндай қарбаласты ерекше жағдай деп санамайды. Оны Шымкентке тән демографиялық өсіммен түсіндіріп отыр.

Мұның алдында Шымкентте жолдағы жанжал жаппай төбелеске ұласқан еді.