Жаңалықтар

Каспий құбыр консорциумы (КҚК) терминалында танкерлерге шикізат тиеу жанданған соң, Қазақстан мұнай өндірісін қалпына келтірді. Қазіргі уақытта шикізат өндіру тұрақты деңгейде жүріп жатыр. Бұл туралы «Интерфакс» агенттігіне Энергетика министрлігі хабарлаған.

Шілде айында КҚК теңіз терминалы маңында танкерлерге дрондар шабуыл жасады. Осы оқиғалардан кейін консорциум алдымен мұнай тиеуді, кейін жүйеге шикізат қабылдауды тоқтатты.

Салдарынан еліміздегі ірі кен орындарында мұнай өндіру көлемі жоспардан төмендеп кеткен еді.

«Теңіз – Новороссийск» бағыты бойынша мұнай тасымалдау және оны теңіз терминалы арқылы жөнелту 27 шілдеде қайта басталды.

Дегенмен, арада бірнеше күн өткенде танкерлерге жасалған кезекті шабуылдан соң КҚК жұмысты тағы...

Қазақстан халқының депозитте жинаған ақшасы биыл рекорд орнатып, 30,5 трлн теңгеге жетті. Бір айда халықтың депозитте жинаған ақшасы 400 млрд теңгеге көбейген.

Ал заңды тұлғалардың қаржысы 21,1 трлн теңгені құрайды. Заңды тұлғалардың да бір айдаға қаржысы көбейіп, компаниялар депозитке қосымша 600 млрд теңге салған.

Ұлттық банк дерегіне сәйкес, қазақстандықтардың салымы 5 ірі банкте шоғырланған.

Нарық көшін 8,1 трлн теңгемен «Қазақстан Халық Банкі» бастап тұр. Үздік үштік қатарын 7,8 трлн теңгемен – Kaspi Bank, 3,7 трлн теңгемен – «Банк ЦентрКредит» және 3,4 трлн теңгемен «Отбасы банк» жалғастырады.

Сектордың орта буынында 1,5 трлн теңгемен ForteBank, 1,1 трлн...

І шақырылымдағы Құрылтайдың алғашқы отырысы басталып, депутаттыр ант беріп жатыр. Құрылтай 145 депутаттан тұрады.

Бүгін президенттің қатысуымен Құрылтайдың бірінші сессиясы өтіп, Тоқаев Құрылтай төрағасы лауазымына Айбек Дәдебайдың кандидатурасын ұсынды.

Құрылтай сайлауы

Сайлау 23 тамызда өтті. Нәтижесінде бес саяси партия парламентке өтті.

Дауыс беру қорытындысы бойынша депутаттық мандаттар саяси партиялар арасында төмендегідей тәртіппен бөлінді:

Қазақстан Халық Кеңесі қыркүйектің екінші жартысында құрылады. Бұл туралы Құрылтайдың бірінші сессиясының отырысында сөз сөйлеген Тоқаев айтты.

«Қыркүйектің екінші жартысында Халық Кеңесі жасақталады. Бұл – Қазақстан тарихындағы тұңғыш жоғары консультативтік орган. Еліміздің этникалық, аймақтық, әлеуметтік, қоғамдық-саяси ерекшеліктерін бір арнаға тоғыстыратын жаңа құрылым заңнамалық бастама көтеру құқығына ие болады. Шын мәнінде, бұл – бірегей орган», – деп атап өтті ол.

Сондай-ақ президент алдағы уақытта вице-президенттің және премьер-министрдің кандидатуралары бойынша ұсыныс енгізетінін хабарлады. Одан кейін депутаттармен ақылдаса отырып, үкімет мүшелерін, Қауіпсіздік Кеңесі төрағасының орынбасарын тағайындамақшы.

Құрылтай мен Үкімет құрамы толық айқындалған соң, Тоқаев жыл сайынғы Қазақстан халқына...

Әлеуметтік желіде кәмелетке толмаған қызды тізерлетіп қойып, бірнеше жасөспірім ұрып жатқан видеосы тарады.

Kriminal Kazakhstan ақпаратына қарағанда, полиция жанжалға қатысушылардың барлығын анықтап, ата-аналарымен бірге бөлімшеге жеткізген. Жасөспірімдермен және олардың заңды өкілдерімен профилактикалық әңгіме жүргізілген.

Кәмелетке толмағандардың ата-аналары балаларды тәрбиелеу жөніндегі міндеттерін тиісінше орындамағаны үшін жауапкершілікке тартылды. Материалдар сот пен кәмелетке толмағандардың істері жөніндегі комиссияға жолданды.

Жанжалға қатысушылар профилактикалық есепке қойылды.

Түркістан облысы Төле би ауданы Зағамбар ауылында өткен тойдың бірінде әнші қызды ұрып-соққан ер адам анықталды.

Депутаттар заң қабылдаумен қатар, жаңа қоғамдық этиканы дәріптеуге үлес қосуға тиіс. Бұл туралы мемлекет басшысы Қасым-Жомарт Тоқаев Құрылтайының алғашқы сессиясында айтты.

Айтуынша, жаңа этиканы қалыптастыру ісі ел алдындағы азаматтардың, сондай-ақ мемлекеттік қызметшілердің жүріс-тұрысына, мінез-құлқына байланысты. Қоғамдық орындарда келеңсіз, жөнсіз әрекеттерге жол бермеу қажет.

«Депутаттар заң қабылдаумен қатар, жаңа қоғамдық этиканы дәріптеуге үлес қосуға тиіс. Бұл да – ұлттық мүддеге тікелей қатысы бар маңызды мәселе. Жалпы, жұртымыз елдегі реформалардың қаншалықты нәтижелі болғанын, ең алдымен, сіздердің қызметтеріңізге қарап бағалайды», – деді президент.

Президент бұрынғы Парламентпен салыстырғанда, Құрылтайдың құрамында әйелдер мен жастардың үлесі едәуір өскенін айтты...

Президент Қасым-Жомарт Тоқаев Құрылтай төрағасы лауазымына Айбек Арқабайұлы Дәдебайдың кандидатурасын ұсынды, деп хабарлайды Kursiv.Media Ақордаға сілтеме жасап.

Жоғары заң шығарушы органның басшылығына келуі ықтимал мемлекет қайраткері туралы не білеміз?

Еңбек жолы мен тәжірибесі

Айбек Арқабайұлы Дәдебай 1980 жылы 1 сәуірде Алматы қаласында дүниеге келген.

Еңбек жолын 2001 жылы Абылай хан атындағы Қазақ халықаралық қатынастар және әлем тілдері университетінде халықаралық туризм менеджменті кафедрасының оқытушысы болып бастаған.

2008–2011 жылдары – ҚР Парламенті Сенаты Аппаратының Парламентаралық байланыстар және халықаралық ынтымақтастық бөлімінің сарапшысы, Сенат төрағасы көмекшісінің міндетін атқарушы;

2011–2013 жылдары – БҰҰ-дағы (Женева қаласы) Қазақстан Республикасы Тұрақты өкілдігінің атташесі, үшінш...

Алматы облысының Талғар қаласында 24 тамыз күні 8 жастағы қызға 40-50 жас шамасындағы бейтаныс ер адам тиіскен.

Туыстарының айтуынша, ол 3-сыныпқа баратын қызға жыныстық сипаттағы әрекеттер жасамақ болған.

Кішкентай қыз велосипедпен  құрбысынан үйіне келе жатқанда «дөңгелегіңе тас тұрып қалыпты, алып тастайын» деп алдап тоқтатқан. Сосын автобус қалқасына апарып, аяқ киімін шешіп, денесін сипалап, жыныс мүшесін көрсетуді сұраған. Қыз бала қарсылық көрсетіп, жылаған соң, ұсталып қалудан қорқып, жіберген.

«Ол бірінші мәрте 121-баппен ұсталып, бір күн қамақта отырған. Іс қозғап, артынша, оны босатып жіберген. Ол адам өлімі бойынша 25 жылға сотталған адам болып шықты. Шыққанына үш жыл болыпты...

Бірінші шақырылымдағы Құрылтайдың бірінші сессиясының алғашқы отырысы өтіп жатыр. Жиынға Тоқаев қатысып, Құрылтайдың алдында тұрған негізгі міндеттерді атап өтті.

Бірінші сессияда депутаттар жасанды интеллектіні білім беру саласына енгізу, цифрлық активтер индустриясын дамыту және Digital Qazaqstan стратегиясына қатысты заң жобаларын қарауы қажет.

Бұдан бөлек, Тоқаев «Алтын виза» енгізуге, көші-қон саясатын жетілдіруге, «Кітапхана және баспа ісі туралы» заң жобасын әзірлеуге тапсырма берді.

Президент «Шәмші Қалдаяқов» медалін және «Қазақстанның еңбек сіңірген суретшісі» құрметті атағын енгізудің заңнамалық негізін қалыптастыру қажеттігін айтты.

Сондай-ақ мемлекет басшысы «Е-Parliament» ақпараттық жүйесін Құрылтай жұмысына тезірек бейімдеуді тапсырды. Платформа заң арқылы қоғамдағы түйіткілдерді алдын ала анықтап, реттеуге мүмкіндік беруі керек.

Тоқаевтың айтуынша, Құрылтай әр саладағы заңнаманы мұқият...

Президент Қасым-Жомарт Тоқаев алдағы үш жылда Ұлтттық қордан алынатын қаржы оңды-солды, мақсатсыз жұмсалмайтынын айтты. Қордан үкімет әлеуметтік-экономикалық тұрғыдан ұзақмерзімді пайдасы бар стратегиялық маңызды жобаларды қаржыландыруды жоспарлап отыр.

«Қаражат оңды-солды, мақсатсыз жұмсалмайды. Мұндай қауесетті еш нәрседен хабарсыз, ниеті теріс адамдар таратады. Кез келген қордың, әсіресе, Ұлттық қордың тиімділігі, ең алдымен, келер ұрпақтың игілігі жолындағы зор табысқа, нақты нәтижеге қол жеткізумен өлшенеді», – деді ол.

Президент қазір Ұлттық қордың пайдасын балалар көріп отырғанын және олардың есепшотына қомақты қаражат аударылып жатқанына назара аударды.

«Келешекте өскелең ұрпаққа қызмет ететін...

Құрылтайдың алғашқы сессиясында сөз сөйлеген Қасым-Жомарт Тоқаев 16 жасқа толмаған балалардың әлеуметтік желілерге тіркелуіне заңмен тыйым салу туралы Үкімет ұсынысын қолдайтынын жеткізді.

«Біз өскелең ұрпақтың қолайлы және, ең бастысы, қауіпсіз ортада өмір сүруі үшін барынша жағдай жасауымыз керек. Үкімет 16 жасқа толмаған балалардың әлеуметтік желіге тіркелуіне заң арқылы тыйым салуды ұсынып отыр. Мен мұны қолдаймын», – деді Қасым-Жомарт Тоқаев.

Президент бұл бастаманы жүзеге асыру кезінде заң талаптарының іс жүзінде орындалуына ерекше мән беру керектігін атап өтті.

«Тиісті заңды қабылдасақ, оны толығымен жүзеге асыру мәселесін ойлауымыз керек, себебі қауқарсыз заң ешкімге қажет...

Құрылтайдың алғашқы сессиясында сөз сөйлеген президент Қасым-Жомарт Тоқаев елде жүргізіліп жатқан реформаларға тоқталды.

Президенттің пікірінше, әлемде жаңа тәртіп қалыптасып жатыр. Ол кереғар сипатқа ие: бір жағынан – қауіпті, зиянды, келешегі бұлыңғыр, ал екінші жағынан – прогрессивті, технологиялық, перспективті әрі адамзат тарихындағы елеулі бетбұрыс саналады.

«Мұндай жағдайда экономика, ғылым, әскери-дипломатия салаларында өзінің егемендігін нақты іспен қорғап, нығайтуға қауқарлы, ең маңыздысы, адам әлеуетін дамытатын мемлекеттер ғана жаңа дәуірге бейімделетіні баршаға түсінікті«, – деді ол.

Оның айтуынша, дәл осы себепті елді жан-жақты жаңғырту стратегиялық тұрғыдан маңызды.

«Мақтангершілік емес, әділін айтсақ, біз жүргізіп жатқан ауқымды...

Президент Қасым-Жомарт Тоқаев бірінші шақырылымдағы Құрылтайдың алғашқы сессиясында заң шығарушы органның төрағалығына Айбек Дәдебайдың кандидатурасын ұсынды.

«Ең алдымен, Құрылтайдың басшылық құрамын сайлап, құрылымын қалыптастыру қажет. Өздеріңізге мәлім, Конституцияның 57-бабына сәйкес Құрылтай Төрағасының лауазымына кандидатураны Президент ұсынады. Мен жауапкершілігі зор бұл лауазымға Айбек Арқабайұлы Дәдебайдың кандидатурасын ұсынамын», – деді Тоқаев.

Президент Айбек Дәдебайдың мемлекеттік басқару жүйесіндегі мол тәжірибесіне тоқталды.

«Сіздер бұл тұлғаны жақсы білесіздер. Ол мемлекеттік басқару жүйесінде көп жыл қызмет етті. Тәжірибесі мол деп айтуға болады. Өзінің білімді, отаншыл, адал азамат екенін нақты істерімен дәлелдеді. Сондықтан оны осы лауазымға лайық деп...

Непал мен Қытай шекарасы аймағында орын алған жойқын табиғи апаттан кейін Қазақстанның екі азаматы іздестіріліп жатыр. Бұл туралы ҚР Сыртқы істер министрлігі хабарлады.

Бұған дейін белгілі болғандай, олардың бірі туристік топтың құрамында екі ел арасындағы шекарадан өткен.

«ҚР Сыртқы істер министрлігі жергілікті мемлекеттік органдармен арадағы жұмысты жалғастыруда, отандастарымыздың туыстарымен тұрақты байланыс орнатылған», — деді СІМ ресми өкілі Жанболат Үсенов.

Әлеуметтік желілерде із-түссіз жоғалған қазақстандық туристердің аты-жөні жарияланды. Олар – 1982 жылы туған Анна Щерба мен Ирина Блонская.

Айта кетейік, алғашқыда Непал шекарасынан Қытайға өткен жалғыз қазақстандық туристі іздеу жұмыстары туралы хабарланған еді.

Соңғы...

Құрылтайдың алғашқы сессиясында сөз сөйлеген Мемлекет басшысы Қасым-Жомарт Тоқаев қазіргі халықаралық жағдайға тоқталып, БҰҰ Қауіпсіздік Кеңесінің жаһандағы бейбітшілік пен қауіпсіздікті қамтамасыз ету миссиясын толық атқара алмай отырғанын айтты.

Президенттің пікірінше, бүгінде әлемдегі жағдай күрделеніп, мемлекеттер арасындағы сенімге селкеу түскен.

«Мемлекеттердің, әсіресе ірі елдердің арасындағы сенімге селкеу түсті. Бұл БҰҰ мен оның институттарының қызметіне зардабын тигізуде. БҰҰ Қауіпсіздік Кеңесі жаһандағы және аймақтардағы бейбітшілікті, тұрақтылық пен қауіпсіздікті сақтау миссиясын атқара алмай отыр», – деді Қасым-Жомарт Тоқаев.

Оның айтуынша, қалыптасқан жағдайда өңірлік халықаралық ұйымдардың рөлі артып, әлемдік аренада «орта державалар» деп аталатын мемлекеттер алға шықты. Президент Қазақстанды да...

Қазақстан үкіметі Құрылтайдың алғашқы жиыны алдында өз өкілеттігін ресми түрде аяқтады. Президент Қасым-Жомарт Тоқаев бұған қатысты тиісті жарлыққа қол қойды.

Алайда жаңа құрам жасақталғанша Олжас Бектенов бастаған қазіргі үкімет өз міндеттерін ары қарай атқара береді.

«Қазақстан Республикасы Үкіметінің жаңа құрамы бекітілгенге дейін Қазақстан Республикасының Үкіметі өз міндеттерін атқаратын болсын. Осы Жарлық қол қойылған күнінен бастап қолданысқа енгізіледі», – делінген қаулыда.

Үкіметтің қызметін доғаруы елдегі мемлекеттік құрылымның жаңа жүйеге көшуі және жаңа Конституцияның 69-бабына тікелей байланысты болып отыр.

Өйткені заң бойынша үкімет жаңадан сайланған бір палаталы парламент – Құрылтай алдында өз өкілеттігін...

29 маусымда Алматы облысы Ұзынағаш ауылында 21 жастағы қыздың денесі табылды. Қыздың туыстары өзіне қол жұмсады деген нұсқаға күмән келтіреді.

Kriminal Kazakhstan ақпаратына қарағанда, жақындары оны өлтірген болуы мүмкін деп есептейді.

Анасының айтуынша, оқиғаның қарсаңында Диана оған сыйлықтар жасап, сұлулық салонына апарған және концертке билет сатып алған. Жұмыстан кейін қыз ағасына баруды жоспарлаған. Алайда түнде хабарсыз кеткен.

Отбасы марқұмның денесінде көптеген көгерген іздер болғанын айтады. Сондай-ақ жақындарының сөзінше, оның сөмкесінен 100 мың теңге, ал мойнынан алтын алқасы жоғалған. Диананың жеке заттарын туыстары кейін жырадан тауып, тергеушіге тапсырған.

Туыстары сонымен қатар дәретхана жанында екі көлік пен төрт жігітті көрген...

Алматыда құрылыс нысаны аумағында сақтандыру белдігі үзіліп, қаза тапқан Бақытжан Нақыпбековтің жесірі Гүлзада Баратбаева құрылыс компаниясының өкілімен кездесті. Компанияның бірінші басшысы қаралы үйге пәтер беру мүмкіндігі қарастырылатынын айтқан. Алайда 5 баланы асырап отырған отағасынан айырылған отбасыға көмек шұғыл түрде керек.

Кездесу Time Group Construction холдингінің кеңсесінде өткен. Гүлзада Баратбаева холдингтің құрылтайшылары Жамол Шабанов және Хакан Касановпен кездескісі келгенімен, қабылдауды өзін компанияның бірінші басшысы ретінде таныстырған Айдос Әбілдаев өткізген.

«Біз ең алдымен адам тағдырына деген түсіністік пен нақты жауап күткен едік. Бірақ әңгіме барысында компания тарапынан қазан айында аяқталуға тиіс құрылыс нысанынан пәтер қарастыру мүмкіндігі ғана айтылды. Сырт...

Бүгін, 28 тамызда, Астанада Қазақстан Республикасы бірінші шақырылымдағы Құрылтайының алғашқы сессиясы ашылды. Жиынға Мемлекет басшысы Қасым-Жомарт Тоқаев қатысып жатыр.

Алғашқы сессияға Құрылтайдың 145 депутаты қатысады. Олар 23 тамызда өткен сайлау қорытындысы бойынша бес саяси партиядан сайланған. 27 тамызда Орталық сайлау комиссиясы барлық 145 депутатты ресми тіркеп, оларға депутаттық куәлік пен төсбелгі табыстаған болатын.

Сессия барысында жаңадан сайланған депутаттар ант қабылдайды. Осылайша Құрылтайдың бірінші шақырылымы өз жұмысын ресми түрде бастайды.

Сессияның ашылуында Мемлекет басшысы Қасым-Жомарт Тоқаев сөз сөйлеп, Құрылтайдың жұмысын бастауын ел өміріндегі тарихи оқиға деп бағалады.

«Бүгін еліміз өзінің даму жолында аса маңызды кезеңге...

Қазақстан банктері жеті айда 1,4 трлн теңгеге жуық таза пайда тапты. Алайда бұл ақшаның басым бөлігі санаулы қаржы ұйымына тиесілі: Halyk Bank пен Kaspi Bank екеуі банк секторы табысының шамамен 58%-ын жинаған.

Ұлттық банктің 1 тамыздағы дерегіне сәйкес, Halyk Bank 539,1 млрд теңге таза пайдамен бірінші орында тұр. Бұл Kaspi Bank көрсеткішінен екі есе көп. Kaspi Bank жыл басынан бері 268 млрд теңге тапқан.

Үшінші орында 123 млрд теңге пайдасы бар Банк ЦентрКредит орналасқан. Одан кейін Отбасы банк — 100 млрд теңге және ForteBank — 73,8 млрд теңге. Алғашқы бес банкке бүкіл сектор табысының 79%-ы тиесілі. Қарапайым айтқанда...

«Әділет» партиясының мүшесі Бағдат Мусин сайлау қорытындысынан кейін неліктен Құрылтай депутаттарының тізіміне енбегенін айтты, деп хабарлайды Kursiv.Media.

Мусиннің айтуынша, партияның сайлаудағы жеңісінен кейін «Неге Құрылтай депутаттарының тізімінде жоқсыз?» деген сұрақ жиі қойылған.

«Мен көп жылдар бойы цифрландырумен және технологиялармен айналысып келемін. Бүгінде бұған жасанды интеллект қосылды. Президент 2026 жылды Цифрландыру және жасанды интеллект жылы деп жариялап, ел алдына үш жыл ішінде толыққанды цифрлық мемлекетке айналу сияқты өршіл міндет қойды. Біз ЖИ экономиканы, еңбек нарығын, білім беруді және мемлекеттің өзін өзгертіп жатқан кезеңде өмір сүріп жатырмыз. Дәл осы бағытта мен өзімнің жұмысымды жалғастырғым келед...

Астанадағы LRT желісінің жұмысына уақытша шектеу енгізіледі. Нұрсұлтан Назарбаев халықаралық әуежайы маңында жөндеу жұмыстары жүргізілгендіктен «Әуежай» бекетіне кіру мүмкін болмайды.

Нақты айтқанда «Әуежай» LRT бекетінің негізгі сыртқы кіреберісі шамамен 20-25 күнге жабылады.

Бекетке қалай кіруге болады?

Дегенмен жолаушылар үшін станция мен әуежай терминалдарына қатынау толық тоқтатылмайды. Станция ғимараты толығымен жабылмайды, оған балама бағыт арқылы өтуге болады.

Сонымен қатар Астана халықаралық әуежайының 2-терминалын LRT станциясымен жалғайтын жабық өткел әдеттегідей ашық болады.

Жолаушылар мен қала қонақтарына сапар және ұшу уақытын жоспарлау кезінде уақытша өзгерістерді алдын ала ескеруге кеңес беріледі.

Оқи отырыңыз: Астанада LRT-ның жаңа желілері Талдыкөлдің су қорғау аймағы арқылы өтеді

АҚШ президенті Дональд Трамп америкалық президенттердің рейтингін жариялап, өзін «Ең ұлы» санатына жатқызды.

Ол бұл кестені Truth Social желісінде жариялады.

Авраам Линкольн, Джордж Вашингтон, Франклин Рузвельт, Вудро Вильсон, Томас Джефферсон және Эндрю Джексон одан бір саты төмен орналасқан. Оларды Трамп жай ғана «Ұлы» санатына жатқызыпты.

Джо Байден мен Барак Обама «Сәтсіз» тобына түсті. Олармен бірге бұл санатқа Улисс Грант, Уоррен Гардинг және Джимми Картер де кірді.

Бұған дейін америкалық президенттердің сарапшылар жасаған рейтингтерінде Трамп керісінше, соңғы орындардың бірінде болған. 2018 жылы Хьюстон университеті жүргізген мамандар сауалнамасының қорытындысы бойынша, ол 44-орынмен соңғы орынға жайғасқан еді.

Мұның алдында Трамп әкімшілігі визаларға...

Непалдағы жойқын су тасқыны салдарынан қаза тапқандар саны 469 адамға жетті. Тағы 800 тұрғын із-түзсіз жоғалғандар тізімінде тұр. Бұл туралы Annapurna Post басылымы хабарлады.

Көршілес Тибетте кемінде үш адам қаза тауып, 550-ден астам адаммен байланыс үзілген. Жоғалғандардың басым бөлігін шетелдік туристер құрап отыр.

Апат аймағында іздеу-құтқару жұмыстары үздіксіз жүргізіліп жатыр. Зардап шеккен өңірлерді аралап жүрген Непал Премьер-министрі Балендра Шах құтқару жұмыстарына 13 мыңнан астам әскер, қарулы полиция мен ұлттық полиция қызметкерлері тартылғанын мәлімдеді.

Тұрғындар үшін уақытша баспаналар ұйымдастырылып, зардап шеккендерге тегін медициналық көмек көрсетіліп жатыр.

Қайта су басу қаупі сақталып тұр