Жаңалықтар

Петропавловда 51 жастағы пациент дәрігердің ескертуінен кейін оған соққы жұмсады,  деп хабарлайды Кursiv.Media.

Солтүстік Қазақстан облысы Полиция департаментінің ақпаратына сүйенсек, оқиға 17 тамызда таңертең қаладағы емханалардың бірінің дәлізінде орын алған.

Полиция мәліметінше, ер адам қабылдауға келіп, дәрігермен өрескел түрде сөйлескен. Мәлімдемеге сәйкес, медицина қызметкерінің ескертуінен кейін пациент агрессия танытып, оның бетінен ұрған.

«Қызметтік міндеттерін атқару кезінде медицина қызметкеріне қатысты күш қолдану фактісі бойынша қылмыстық іс қозғалды. Бұл – өңірде тіркелген медқызметкерге қатысты күш қолданудың екінші жағдайы», – деді СҚО полиция департаменті бастығының бірінші орынбасары Әлібек Қожахметов.

Яғни Шал ақын ауданында мас күйдегі ер адам ЖКО-дан...

Эвтаназия Аустралияның барлық штаттары мен аумақтарында заңдастырылды деп хабарлайды Кursiv.Media.

ABC басылымының ақпаратына сүйенсек, солтүстік аумақтың парламенті медициналық көмекпен өмірден өз еркімен кету туралы заңды мақұлдады. Енді эвтаназия бүкіл Аустралия бойынша заңды болды.

Құжатқа сәйкес, бұл процедураны дәрігерлердің болжамы бойынша өмір сүруіне бір жылдан аспайтын уақыт қалған азаматтар пайдалана алады. Кейбір депутаттар бұл мерзімді екі жылға дейін ұзартуды ұсынды. Бұл ретте медицина қызметкерлеріне пациентпен өмірден өз еркімен кету мүмкіндігі туралы талқылауды бірінші болып бастауға тыйым салынады.

Солтүстік аумақ үкіметінің басшысы заңның қабылдануы ең үлкен әділетсіздікті түзетуге және тұрғындар үшін маңызды реформа жүргізуге мүмкіндік бергенін мәлімдеді.

Солтүстік аумақ Аустралиядағы ерікті эвтаназия...

Павлодарда полицейлер жергілікті кәсіпорындардың бірінен 25 млн теңгеге жуық қаражаттың ұрлағаны туралы істі тергеді, деп хабарлайды Кursiv.Media.

Ақшаның жоғалғаны туралы полицияға кәсіпорын өкілдері хабарлаған.

Жедел-іздестіру шаралары барысында полиция қызметкерлері күдіктінің жеке басын анықтады. Күдікті қарауыл болып шықты.

Бау-бақша серіктестіктерінің біріндегі саяжай учаскесінің аумағында тінту жүргізу кезінде жедел уәкілдер 24 млн теңге тапты. Күдікті ақшаны алма ағашының астындағы кастрюльге жасырған.

«Күдікті ұсталып, Павлодар қаласы Полиция басқармасының уақытша ұстау изоляторына қамалды. Тәркіленген ақшалай қаражат заттай дәлелдеме ретінде қылмыстық іс материалдарына қоса тіркелді», – деп хабарлады полициясы.

Күдікті қамауда отыр. Тергеу жалғасуда, оқиғаның барлық мән-жайы анықталуда.

Қазақстанның білім беру ұйымдарында 1 қыркүйекте дәстүрлі бірыңғай сынып сағаты өтеді, алайда мектеп қабырғасында мұғалімдерге гүл шоқтарын табыстайтын дағдылы салтанатты жиындар шектеледі, деп хабарлайды Кursiv.Media.

Барлық сыныптар үшін бірыңғай формат

Журналистердің Білім күнін мерекелеу форматы туралы сұрақтарына жауап бере отырып, Оқу-ағарту вице-министрі Шынар Ақпарова іс-шаралар ерекшеліксіз барлық оқушыларға қатысты болатынын нақтылады.

«1 қыркүйекте мектепте бірыңғай сынып сағаттары, ал колледждерде кураторлық сағаттар өтеді. Олар барлық білім беру ұйымдарында ұйымдастырылады. Олардың ұзақтығы шамамен 45 минутты құрайды», – деп хабарлады Шынар Ақпарова.

Гүлдер мен сыйлықтарға – тыйым

Брифинг барысында педагогтерге гүл шоқтары мен құнды сыйлықтар тарту...

Тамыздың соңғы күндері Қазақстанда әралуан ауа райы болды: кей өңірлерде +35°C-қа дейін ыстық сақталса, басқа жерлерде күн үсікке дейін суытып, қар жауады, деп хабарлайды Кursiv.Media.

«Қазгиродмет» ақпаратына сүйенсек, елдің басым бөлігінде жаңбыр, найзағай, екпінді жел және бұршақ күтіледі. Кезеңнің соңына қарай солтүстікте және шығыста түнде жаңбыр кей жерлерде қарға жауады.

29 тамызда Ақмола, Қостанай және Қарағанды облыстарында қатты жаңбыр жауады деп болжануда. 30–31 тамызда олар Павлодар және Шығыс Қазақстан облыстарында күтіледі.

Ең қатты суыту елдің солтүстік-батысында, солтүстігінде және орталығында болады. Түнде температура +10…+15°C-тан 0…+5°C-қа дейін төмендейді, ал кей жерлерде -3°C-қа дейін үсік жүруі мүмкін. Күндіз +10…+15°C шамасында болады.

Шығыста түнде...

Ұлытау облысында Облыстық көпбейінді аурухана толықтай жаңғыртылып жатыр. Төтенше жағдайлар мен медицина саласын дамыту аясында 9 қабатты корпусты күрделі жөндеуге 4,2 миллиард теңге бағытталса, тағы 2,7 миллиард теңге жаңа медициналық құрал-жабдықтар сатып алуға жұмсалды. Бұл туралы Денсаулық сақтау министрлігі хабарлады.

Ведомствоның мәліметінше, аумағы 24 мың шаршы метрден асатын ғимаратты жаңарту жұмыстары 2025 жылы басталып кеткен.

«Қазіргі уақытта ғимарат іші, инженерлік желілер, ота жасау бөлмелері мен палаталар жаңартылып жатыр. 6, 7, 8 және 9-қабаттар толық жөндеуден өтті. 5-қабаттағы жұмыстар аяқталуға жақын. Сонымен қатар аурухана ауласы да абаттандырылады. Жөндеу жұмыстарын 2027 жылы толық аяқтау жоспарланған», – делінген хабарламада.

«ҚазТрансОйл» ұлттық құбыр компаниясы биылғы алты айының қаржы нәтижесін жариялады. Осы аралықта компанияның шоғырландырылған түсімі өткен жылдың ұқсас кезеңімен салыстырғанда 10,3%-ға өсіп, 179,9 млрд теңгеге жетті. Ал таза пайда 33% артып, 29,4 млрд теңгені құрады. Осының арқасында әрбір жай акцияға шаққандағы пайда да өсіп, былтырғы 57 теңгенің орнына 76 теңгеден айналды.

Дегенмен, бас компанияның өз алдындағы қаржылық жағдайында өзіндік ерекшеліктер бар. Жеке алғанда «ҚазТрансОйлдың» өз түсімі 10,7%-ға ұлғайып, 150,6 миллиард теңгеге жеткенімен, таза пайдасы 35,7%-ға төмендеп, 20,3 млрд теңге деңгейінде қалды.

Бұл айырмашылық негізгі өсімнің еншілес және бірлескен кәсіпорындардың есебінен қамтамасыз етілгенін айқын көрсетеді.

Сонымен қатар, компанияның операциялық пайдасы...

28 тамызда Алматы қаласының Алатау ауданындағы Дарабоз шағын ауданында орналасқан 12 қабатты көппәтерлі тұрғын үйде өрт шықты.

Төтенше жағдайлар министрлігінің мәліметінше, пәтерлердің бірінің ас үйінде ашық жалынмен анықталған.

Құтқарушылар дереу барлау жұмыстарын жүргізіп, тұрғындарды құтқаруға және эвакуациялауға кіріскен.

Газ-түтіннен қорғау қызметінің буындары баспалдақ маршы арқылы, құтқару қалпақтарын пайдалана отырып, 10 адамды, оның ішінде 4 баланы құтқарған.

Сондай-ақ шамамен 100 адам эвакуацияланды. Өрт толығымен сөндірілді. Зардап шеккендер жоқ.

Қазіргі уақытта өрттің шығу себептері анықталып жатыр.

Мамандар елдімекендерге жақын орналасқан аумақтарды тексеріп жатыр. Бұл туралы Черемшан орман шаруашылығы хабарлаған.

YK-news.kz ақпаратына қарағанда, олар ауыл маңдарын торып, аюлардың бар-жоғын анықтамақ.  

«Аюлардың болуы мүмкін екенін анықтау мақсатында, аңшылықтанушы маман орманшымен бірлесіп, елдімекендердің айналасына тексеру жүргізді», — деп хабарлады мемлекеттік мекеме.

Тексеру нәтижесінде аюлардың болғанын көрсететін ешқандай белгі анықталмаған. Орман аумақтарын бақылау және тұрғындардың қауіпсіздігін қамтамасыз ету жұмыстары жалғасып жатыр.

Соңғы кездері Шығыс Қазақстанда аюлар елдімекендерден, қалалардан жиі бой көрсете бастаған. Мамандар жыртқыштардың бұл әрекетін ормандағы азық тапшылығымен байланыстырады.

Әлеуметтік желілерде Өскеменде түсірілген видео тарады. Онда аюдың қала ішіне кіріп кеткені

Монакода өтіп жатқан жеребе тарту рәсімінің қорытындысы бойынша алматылық «Қайрат» конференция лигасының негізгі кезеңінде бақ сынайтын қарсыластарын білді. Жалпы кезеңнің форматына сәйкес Рафаэль Уразбахтин шәкірттері 6 матч өткізеді, 3 ойын өз алаңында, 3 ойын сыртта өтеді.

«Қайраттың» өз алаңында (Алматыда) өткізетін ойындары: «Панатинаикос» (Грекия), «Университатя Крайова» / U. Craiova (Румыния), «Мьельбю» / Mjällby (Швеция)

«Қайраттың»  қонақта өткізетін матчтары: «Аталанта» (Италия), «Твенте» (Нидерланды), «Рига» (Латвия)

Еске сала кетейік, Конференция лигасының жалпы кезеңіндегі кездесулер 2026 жылдың қазан мен желтоқсан айлары аралығында өтеді. Жарыс қорытындысы бойынша 36 команданың ішінен үздік 24 ұжым плей-офф сатысына жолдама алады.

«ҚазТрансОйл» ұлттық құбыр компаниясының топ-менеджерлері былтыр 405 млн теңге сыйақы алды.

Бұл туралы Қазақстан қор биржасына жолданған хабарламада жазылған.

«2025 жылы «ҚазТрансОйл» АҚ атқарушы органыныңмүшелеріне төленген сыйақының жиынтық мөлшері 405 121 729 (төрт жүз бес миллион жүз жиырма бір мың жеті жүз жиырма тоғыз) теңгені құрағанын хабарлайды», – делінген хабарламада.

405 млн теңге басқарма құрамына кіретін 7 адамға төленген. Компания басшылары былтыр алған сыйақы 2024 жылмен салыстырғанда біршама азайған. 2024 жылы мекеме топ-менеджерлеріне жарты млрд теңгеге жуық ақша төледі.

«ҚазТрансОйл» АҚ — «ҚазМұнайГаз...

Мектепте оқушыларға боянып келуге бола ма? Оқу-ағарту вице-министрі Шынар Ақпарова осы сұраққа жауап берді.

Әлеуметтік желілерде оқушылар мектепте боянып келуге бола ма деген сұрақ қызу талқыланып жатыр. Кей оқырмандардың жазуынша, балалары боянып келгені үшін ата-аналарына айыппұл салуы да мүмкін.

Шынар Ақпарованың сөзінше, елде мектеп формасына қатысты нақты ереже бар. Бірақ министрлік бұйрығында боянуға болмайды деген талап жоқ.

«Бұйрықта сабаққа боянып келуге болмайды деген нақты тыйым жоқ. Бірақ мектептердің үлгілік ішкі тәртіп ережелері мен жарғысы бар екенін атап өткім келеді. Білім беру ұйымдары бірыңғай тәртіпті қамтамасыз ету үшін өз ережелерінде тиісті талаптарды белгілей алады. Балалардың кішкентай...

Ресейліктер елден қашып жатыр. Олар Владимир Путиннің жасырын түрде кезекті мобилизацияға дайындалып жатқанына алаңдаулы.

Politico ақпаратына қарағанда, Ресейдің оңтүстік шекарасына ағылған адамдар легі соңғы уақытта күрт өскен.  Бұған әскерге тарту шараларының күшеюі және кезекті әскери мобилизация болуы мүмкін деген алаңдаушылық түрткі болып отыр.

Ресейдің Грузиямен шекарасында тұрғындардың жаппай елден кете бастағаны байқалған. Өткен аптада 113 мыңнан астам ресейлік «Жоғарғы Ларс» деп аталатын өткізу бекеті арқылы шыққан.

Соңғы айларда Ресей билігі әскерге адам тартуға бағытталған барған сайын қатаң шаралар қабылдап, резервтегі әскери қызметшілер туралы мәліметтер жинауды күшейткен. Сондай-ақ Ұлттық ұланның өкілеттіктерін кеңейтті.

Ал тамыз айының басында Украина президенті Владимир Зеленский...

Бүгін, 28 тамызда Астанада өтетін IBA Nomad лигасының International Boxing Day турнирі аясында Еркебұлан Тоқтар (11-3) өзбекстандық Бобиржон Исроиловпен жұдырықтасады.

Тоқтар мен Исроилов арасындағы жекпе-жектің тікелей трансляциясы Қазақстан уақытымен шамамен сағат 19:40-та басталады. Жекпе-жекті Nomad Fighting YouTube арнасынан тікелей эфирде көруге болады.

Айта кетейік, кездесу суперорта салмақта кәсіпқой бокс ережесі бойынша өтеді.

Еркебұлан Тоқтар шаршы алаңға соңғы рет желтоқсан айында шығып, өзбекстандық Тимур Никулинді (9-2-2, 4 КО) бірінші раундта нокаутқа түсірген еді. Бобиржон Исроилов та кәсіпқой бокс бойынша соңғы жекпе-жегін желтоқсанда өткізіп, өзінің отандасы Сирожиддин Уразалиевті (0-11) алғашқы раундта мерзімінен бұрын жеңген еді.

Астанада металл орнына вагондарға қоқыс, құм мен топырақ толтырып, кәсіпорынды тонаған қылмыстық топқа сот үкімі шықты, деп хабарлайды Kursiv.Media.

Астана қаласының қылмыстық істер жөніндегі мамандандырылған ауданаралық соты «QARMET» АҚ-ның қаражатын ұрлап, ұйымдасқан қылмыстық топқа қатысқан 13 адамды кінәлі деп тапты.

Сот үкімі 2026 жылғы 10 тамызда шықты.

Іс материалдарына сүйенсек, алаяқтық схема 2021 жылдың қаңтарынан 2023 жылдың желтоқсанына дейін жұмыс істеген. Топ жетекшілерінің бірі вагондарды кәсіпорынға жеткізуді ұйымдастырған. Құжат бойынша вагондарда сапалы металлолом бар деп көрсетілген. Бірақ іс жүзінде металдың орнына вагондарға топырақ, құм, тас пен қоқыс толтырылған.

Қылмысқа қатысушылар рөлдерін өзара бөліп алған: біреулері вагондарды кәсіпорын...

Құрылтайдың алғашқы сессиясында сегіз тұрақты комитет құрылып, олардың төрағалары сайланды.

Комитет төрағаларының кандидатураларын Құрылтай төрағасы Айбек Дәдебай ұсынды. Депутаттар ұсынылған кандидатураларға дауыс беріп, барлығын қолдады.

Нәтижесінде:

Geely Auto компаниясы жасанды интеллектіге негізделген жаңа жол талғамайтын технологиялар кешенін таныстырды.

Carnewschina ақпаратына қарағанда, оның құрамына GTA (Geely Terrain Architecture) шанақ архитектурасы, Thor EM-T күштік қондырғысы және жол талғамайтын көліктерге арналған жасанды интеллектімен басқарылатын цифрлық шасси кіреді. Бұл технологиялар алғаш рет Geely Zhanjian 700 (Geely Galaxy Cruiser 700) моделінде қолданылады.

Архитектурасы

GTA архитектурасында тұтас металл шанақ пен біріктірілген раманың гибридті құрылымы қолданылған. Ол 6 көлденең, 7 тік және 8 сақиналы біріктірілген қаңқадан тұрады.

Geely мәліметінше, мұндай конструкция дәстүрлі бөлінген рамалармен салыстырғанда көліктің салмағын 100 келіге азайтып, шанақтың бұралу қаттылығын 40 000 Н·м/град-тан жоғары деңгейге жеткізеді.

Бұл шешім...

Айбек Дәдебай Құрылтай спикері болып сайланды. Құрылтай депутаттары жасырын сайлау өткізіп, жаңа спикерді таңдады.

Санақ комиссиясының жетекшісі Жанарбек Әшімжановтың баяндауынша, Дәдебайдың кандидатурасын қолдап 144 депутат бірауыздан дауыс берген. Бір депутаттың бюллетені жарамсыз болғандықтан, есепке алынбаған. Сондай-ақ экс-сенатор Нұрлан Бекназаров, «Ақжол» партиясының төрағасы Дания Еспаева және балалар құқығы жөніндегі уәкіл Динара Зәкиева құрылтай спикерінің орынбасары болып сайланды.

«Құрметті депутаттар, сенімдеріңізге рахмет! Мен үшін үлкен мәртебе әрі тарихи жауапкершілік», – деді құрылтай спикері алғашқы сөзінде.

Айбек Дәдебай «Әділет» партиясының төрағасы. Партия Құрылтайдың алғашқы сайлауында 145 мандаттың 110-ын иеленген.

Бұған дейін оның кандидатурасын президент Қасым-Жомарт Тоқаев ұсынған еді.

Оқи...

Бүгін, 28 тамызда Монакода Конференция лигасының негізгі кезеңінің жеребе тарту рәсімі өтеді, деп хабарлайды Kursiv.Media. Жеребе қорытындысы бойынша алматылық «Қайраттың» турнирдің жалпы кезеңіндегі қарсыластары анықталады.

Жеребе тарту рәсімінің тікелей трансляциясы Қазақстан уақытымен сағат 16:00-де басталады. Qazsport телеарнасы тікелей эфирде көрсетеді.

Еске сала кетейік, Рафаэль Уразбахтин шәкірттері биылғы еурокубок маусымын Чемпиондар лигасынан бастаған еді. Алғашқы іріктеу кезеңінде «Қайрат» Черногорияның «Сутьеска» клубын екі матч қорытындысы бойынша ұтты (4:1). Екінші айналымда Кипрдің «Омония» ұжымын пенальти сериясында жеңді (1:1, пенальти бойынша – 6:5). Ал үшінші кезеңде Болгарияның «Левски» клубынан ұтылып қалды (0:2).

Бұдан соң Еуропа лигасының плей-офф раундына түскен «Қайрат...

29 тамыздан 30 тамызға қараған түні Алматының Бостандық ауданындағы бірқатар тұрғын үйлер мен ғимараттарда суық су уақытша тоқтатылады. Бұл туралы «Алматы Су» хабарлады.

Суық су 29 тамыз сағат 00:00-ден 06:00-ге дейін жоспарлы-профилактикалық жұмыстарға байланысты берілмейді.

Су өшірілетін аумақ Әл-Фараби даңғылы – Назарбаев даңғылы – Абай даңғылы – Байзақов көшесі – Ботаникалық бақ – Ерғожин көшесі аралығындағы аумақты қамтиды.

«Алматы Су» жұмысты аяқтағаннан кейін желідегі судың сапасы уақытша өзгеруі мүмкін екенін ескертті. Су жүйелері толық шайылғанға дейін кір жуғыш және ыдыс жуғыш машиналарды, сондай-ақ басқа да сантехникалық құрылғыларды пайдаланбай қоя тұру керек.

Оқи отырыңыз: Аптап ыстықты жеңіл өткерудің 10 тиімді тәсілі

Құрылтайдың I шақырылымының алғашқы пленарлық отырысында депутаттар Айбек Дәдебайдың бір палаталы парламент төрағалығына дауыс беруді бастады.

Құрылтай төрағасын сайлау тікелей жасырын дауыс беру арқылы өтеді. Алдымен депутаттар арасынан Санақ комиссиясы құрылды. Комиссия дауыс беру барысын және дауыстарды санау үдерісін қадағалайды. Содан кейін депутаттар жасырын дауыс беріп, Құрылтай спикерін таңдайды.

Бұған дейін оның кандидатурасын бұл қызметке президент Қасым-Жомарт Тоқаев ұсынған еді.

«Сіздер бұл тұлғаны жақсы білесіздер. Ол мемлекеттік басқару жүйесінде көп жыл қызмет етті. Тәжірибесі мол деп айтуға болады. Өзінің білімді, отаншыл, адал азамат екенін нақты істерімен дәлелдеді. Сондықтан оны осы лауазымға лайық деп санаймын. Құрылтай депутаттарынан...

Алматы халықаралық әуежайында отандық FlyArystan әуе компаниясының ұшағы өртенді. Ақпаратты Air Astana баспасөз қызметі растады.

Оқиға бүгін, 28 тамызда жоспарлы техникалық жұмыстарды жүргізу барысында болған.

«Техникалық жұмыстар кезінде ошақты өрт шығып, оны әуежайдың шұғыл қызметтері жедел сөндірді. Air Astana тобының бір қызметкері жарақат алып, оған медициналық көмек көрсетілді. Ол ауруханадан үйіне жіберілді», – делінген хабарламада.

Оқиға кезінде ұшақ ішінде жолаушылар мен экипаж мүшелері болмаған. Әуе кемесі уақытша пайдаланудан шығарылды.

Қазіргі уақытта мамандар келтірілген шығын көлемін бағалап, қажетті жөндеу жұмыстарының ауқымын анықтап жатыр.

Қазақстанда несие нарығының «ыстығы басылып» жатыр. Биылғы өсім ипотека есебінен қалыптасты.

Қазақстан қаржыгерлер қауымдастығының (ҚҚҚ) шолуына сәйкес, халықтың кепілсіз тұтынушылық несие, автонесие мен ипотекаға өтінім беру белсенділігі өткен жылмен салыстырғанда төмендеген.

Тек жылжымайтын мүлік кепілімен берілетін тұтынушылық несиеге өтінімдер саны артқанымен, бұл – өткен жылғы төмен база әсері мен маркетингтік акциялардың нәтижесі. Өтінімдер қатарын екінші жыл қатарынана азайып барады.

Сұраныстың төмендеуіне не себеп

Сұраныстың төмендеуіне негізінен жоғары пайыздық мөлшерлеме, несие талаптардың қатаңдауы және халықтың нақты кірісінің азаюы себеп болды.

Дегенмен, бірінші жартыжылдықтың соңына қарай ипотека мен автонесиеге сұраныс қайта жандана...

«Алматы – Төңкеріс – Байсерке – Ақсай» автожолының учаскесінде қозғалысқа уақытша шектеу енгізіледі.

«ҚазАвтоЖол» ҰК» АҚ Алматы облыстық филиалының хабарлауынша, республикалық маңызы бар «Алматы – Төңкеріс – Байсерке – Ақсай» автомобиль жолының 18–51 шақырым аралығында орташа жөндеу жұмыстары жүргізіледі.

«Жөндеу жұмыстарына байланысты 2026 жылғы 28-31 тамыз аралығында күн сайын сағат 22:00-ден 05:00-ге дейін «Байсерке – Көктерек» автожолының 18+700–22+000 шақырымы аралығындағы учаскеде көлік қозғалысы уақытша шектеледі», – делінген хабарламада.

Жол жөндеу жұмыстарын қауіпсіз әрі сапалы жүргізуді қамтамасыз ету мақсатында көлік қозғалысы айналма жол арқылы ұйымдастырылады. Компания жүргізушілерден қозғалыс бағытын алдын ала жоспарлап, жол белгілері мен қозғалысты...