Жаңалықтар

«Бәйтерек» холдингі 2026 жылы тұрғын үй құрылысына шамамен 2,4 трлн теңге көлемінде қолдау көрсетпек. Оның нәтижесінде 70 мыңнан астам отбасы жеңілдетілген ипотекалық несие арқылы баспаналы болады.

Бәйтерек холдингі өзінің еншілес ұйымдары Қазақстан тұрғын үй компаниясымен және Отбасы банкпен бірлесіп, 2025 жылы тұрғын үй құрылысына жалпы 2,35 трлн теңге сомасында қолдау көрсеткен.

«Бәйтерек» холдингі басқарма төрағасының бірінші орынбасары Болат Айдапкеловтің айтуынша, биыл Қазақстан тұрғын үй компаниясы арқылы қолдау сомасы 700 млрд теңгеден асады. Бұл дегеніміз шамамен 2,2 млн шаршы метр тұрғын үй (30 мың пәтер) тапсырылатын болады.

«Отбасы банк тұрғын үй құрылыс жинақтары жүйесі бойынша 2025 жылы...

Бүгінде Қазақстан экономикасында қызық, әрі алаңдатарлық жағдай қалыптасып отыр. Бір қарағанда, елдің жалпы ішкі өнімі өсіп жатқандай көрінгенімен, қарапайым халықтың қалтасы мұны сезіп отырған жоқ. Керісінше, қымбатшылық пен табыстың азаюы жұртты жаппай банк жағалауға мәжбүр етуде.

Дүниежүзілік банктің сарапшылары бұл құбылысты «күрделі макроэкономикалық динамика» деп атап, дабыл қақты. Бұл туралы банк шолуына сілтеме жасап, Halyk finance жазады.

Қарыз еңбекақыдан асып барады

Сарапшылар алаңдап отырған жайт – халықтың борыштық жүктемесі. 2025 жылдың соңына қарай қазақстандықтардың қарызы мен жалақысының арақатынасы 51%-ға жеткен.

Бұл – өте қауіпті көрсеткіш. Салыстырмалы түрде айтсақ, бұл көрсеткіш...

Атыраулық журналист Жанат Молдашова бірнеше айдан бері хабар-ошарсыз кеткен ағайынды Наурыз Мұқанғалиев пен Мейрамгүл Қарабалинаның мәйіті табылған жерді көрсетті.

Айтуынша, жергілікті полиция әлі ресми ақпарат бермеген.

«Бізде бейресми ақпарат пен ресми хабар бір-біріне 100 пайыз сәйкес келеді. Бұл – күдіктілер жалдап тұрған үй. Осының іргесі мен бағана арасынан «марқұмдардың сүйегі табылды» дейді. Дәл осы жер бұған дейін қазылған. Дәл кеше қазылды деп айта алмаймыз. Күні кеше қазылғанға ұқсамайды», – дейді жергілікті журналист Жанат Молдашова.

Вьетнамда жоғалып кеткен 26 жастағы Әсем табылды. Бұл туралы оның әпкесі хабарлады деп жазады Tengrinews.

Әпкесінің сөзінше, Әсем қазір полиция учаскесінде.

«Ол аман-есен, бірақ жағдайына алаңдап отырмын. Әзірге, тергеу жүріп жатыр, басқа мән-жайын айта алмаймын. Бастысы, аман-есен табылғаны», – дейді туыстары Әсем жайлы.

26 жастағы бойжеткен алтыншы наурызда Вьетнамда жоғалып кеткен еді. Ол Ханойға баратын рейске мінуі керек болған, бірақ әуежайға жақындағанда байланыс үзіліп, хабар-ошарсыз кетеді. Жақындарының сөзінше, Әсем артынан біреулер аңдып жүргенін, қатты қорқатынын айтқан.

СІМ жағдайды бақылауға ұстап отырғанын хабарлады.

Елде құрылыс саласындағы барлық 54 мемлекеттік қызметті автоматтандыру жұмыстары аяқталды. Бұл туралы Үкімет отырысында жасанды интеллект және цифрлық даму министрі Жаслан Мәдиев мәлімдеді.

Министрдің айтуынша, бүгінгі таңда құрылыс саласындағы қызметтердің 100 пайызы азаматтар мен бизнеске қашықтан қолжетімді. 2025 жылдың қорытындысы бойынша электрондық түрде көрсетілген қызметтердің үлесі 96%-ды құраған. Бұл сектордың цифрлық жетілуінің жоғары деңгейін растайды. Соның ішінде мекенжайлар беру, жобалауға рұқсат алу, эскиздерді келісу және нысандарды кәдеге жарату процедуралары сұранысқа ие.

«Бүгінде құрылыс саласында 54 мемлекеттік қызмет көрсетіледі және олардың барлығы онлайн-форматта қолжетімді. Бұл азаматтар мен бизнеске қызмет көрсетуді жеңілдетеді. Сондай-ақ, электрондық келісімшарттар, құжаттарды автоматты түрде...

Freedom Holding Corp компаниясы Turkish Bank A.Ş. акцияларының 99,32%-ын сатып алады. Активті Özyol Holding холдингі мен Кувейттің Ұлттық банкі сатып жатыр. Мәміле Түркияның тиісті реттеуші органдарының мақұлдау процедурасынан өтуі тиіс деп жазады Kursiv Media.

Мәміленің мән-жайы

Сатып алу келісімі тек 1982 жылдан бері жұмыс істеп келе жатқан, лицензиясы бар Turkish Bank A.Ş. түрік активіне ғана қатысты. Ал бас компания яғни TurkishBank Group-тың Ұлыбритания мен Кипрдегі бөлімшелері бұл мәмілеге кірмейді.

Банкті сатып алу холдингтің осы аймақта құрып жатқан инфрақұрылымын толықтыра түспек. Бұған дейін Freedom Finansal Hizmetler Түркияда өз брокерлік компаниясы,  Freedom Yatirim-ды, ашуға реттеуші органнан ресми рұқсат алған еді.

Мәміле аяқталғаннан кейін Freedom банктің цифрлық трансформациясына инвестиция...

Алматы қаласының Алатау ауданында тұрғындар қоқыс алаңынан жануарлардың қалдықтарын тапты.

Олардың айтуынша, сегіз иттің де терісі сыпырылған.

Куәгерлердің айтуынша, сол жерден түлкі бастары, биологиялық қалдықтарға толы қаптар және көп мөлшерде аң терісі де табылған. Сыртқы белгілеріне қарағанда, жануарлар бөлшектелген болуы мүмкін.

Тұрғындар қоқыс тасталған жерге дейін апаратын жаңа автомобиль доңғалақтарының іздерін де байқаған. Олардың пікірінше, жануарларды бұл жерге көлікпен әкеліп тастаған болуы мүмкін.

Оқиға орнына полиция қызметкерлері келіп, жануарлардың қалдықтарын алып кеткен. Құзырлы органдар бұған қатысты қылмыстық іс қозғалып, тергеу басталғанын хабарлады. Полиция мұндай фактілердің ерекше бақылауда екенін және оқиғаның барлық мән-жайы қолданыстағы заңнама аясында мұқият тексерілетінін атап өтті.

Жергілікт...

Астанада мектеп оқушыларықатты желге байланысты қашықтан оқыту форматына ауыстырылды. Бұл туралы Астана қалалық Төтенше жағдайлар департаментінің баспасөз қызметі хабарлады.

«10 наурыз күні ауа райының қолайсыздығына (желдің күшеюіне қатысты) байланысты екінші ауысымның 0-6 сынып оқушылары қашықтан оқыту форматына ауыстырылады», –делінген хабарламада.

«Қазгидромет» болжамына сәйкес, 10 наурыз күні Астанада солтүстік-батыстан соғатын желдің жылдамдығы 15–20 м/с, күндіз кей жерлерде 23 м/с-қа дейін күшейеді.

Ақмола облысында қар мен боран күтіледі, кей жерлерде қалың қар жаууы мүмкін. Жекелеген аудандарда тұман түсу ықтимал. Жел батыс және солтүстік-батыс бағыттан соғып, екпіні 15–20 м/с, кей жерлерде 23–28 м/с-қа дейін жетеді.

Өнеркәсіп және құрылыс министрі Ерсайын Нағаспаев құрылыс сапасын арттыру үшін бірыңғай цифрлық платформа қалай енгізіліп жатқанын айтып берді.

Үкіметте баяндама жасаған Нағаспаев қазір құрылыс саласында үш ақпараттық жүйе жұмыс істейтінін айтты. Олар:

Министр осыған дейін аталған жүйелер әрқайсысы дербес жұмыс істеп келгенін атап өтті. Сондықтан барлық ақпараттық жүйелерді біріктіретін және құрылыс объектілерінің барлық кезеңін қамтитын біріккен құрылыс порталы құрылған.

«Құрылыста отандық тауарларды қолданудың ашықтығын қамтамасыз ету мақсатында отандық тауар өндірушілер тізілімін...

Ұлттық қордағы қаржы 40 млн теңгеге жуықтады. Есепті кезеңнің басында қор активтері, 2025 жылдың тоғыз айындағы инвестициялық кірістерді есепке алғанда, 39,6 трлн теңгені құраған болатын. Жыл басынан бері қор қоржыны тағы 701,4 млрд теңгеден астам қаражатпен толығып, 39,9 трлн теңгені құрады.

Түсімдердің негізгі үлесі дәстүрлі түрде мұнай секторынан келетін тікелей салыққа тиесілі болып отыр.

Атап айтқанда, корпоративтік табыс салығынан 244 млрд теңге, өнімді бөлу бойынша мемлекет үлесінен 228,7 млрд теңге және пайдалы қазбаларды өндіру салығынан 166,6 млрд теңгеден астам қаражат түсті.

Сонымен қатар, экспортқа рента салығы мен мұнай операцияларынан түсетін әртүрлі айыппұлдар мен санкциялар...

2026 жылғы Рамазан айының күнтізбесіне сәйкес, қасиетті Қадір түні наурыздың 16-нан 17-не қараған түнге түсіп тұр. Ислам дінінде «мың айдан да қайырлы» деп ұлықталатын бұл түн – рухани жаңару мен тілектердің қабыл болатын уақыты.

Қазақстан мұсылмандары діни басқармасы (ҚМДБ) биылғы Қадір түніне қатысты негізгі мәліметтер мен оқылуы тиіс басты дұғаны ұсынды.

Қадір түнде оқылатын дұға

Ардақты Пайғамбарымыз Мұхаммед (с.ғ.с.) бұл түні Алладан кешірім сұрауды өсиет еткен. Айша анамызға (р.а.) үйреткен ең басты дұғасы мынадай:

Транскрипциясы: «Аллаһумма иннәкә ‘афуун, тухиббуль ‘афуа фа’фу ‘анни».

Қазақша мағынасы: «Уа, Алла! Расында, Сен – Кешірімдісің, кешіруді жақсы көресің. Ендеше, мені кешіре көр!»

Бұл түнді қалай...

ҚазАвтоЖол ауа райының нашарлауына байланысты үш облыстағы республикалық маңызы бар тас жолдардың бірнеше учаскесін жабылғанын хабарлады. Шектеулер Ақмола, Павлодар және Қарағанды облыстарында енгізілген.

Қай жолдар жабық

Ақмола облысы:

Аталған автожолдарда барлық көлік түрлерінің қозғалысына уақытша шектеу енгізілді.

Павлодар облысы:

Әлемдік тау-кен және шикізат нарығының алыбы – Швейцарияның Glencore компаниясы Eurasian Resources Group (ERG) холдингінің 40 пайыздық үлесін сатып алуға ниетті Шахмұрат Мүтәліпке қаржылай қолдау көрсету туралы ұсыныс тастаған. Financial Times басылымының хабарлауынша, келісімнің жалпы құны 1,4 миллиард долларды құрайды.

800 млн долларды алдын ала төлейді

Швейцариялық алпауыт компания мәмлені жүзеге асыру үшін 800 миллион доллар көлемінде алдын ала төлем (pre-payment) жасауды ұсынып отыр. Бұл қаражат болашақта жеткізілетін феррохром өніміне кепілдік ретінде берілмек.

Мүталіп ERG-дің негізін қалаған үш отбасының екеуі: Шодиевтер мен Машкевичтерге тиесілі (әрқайсысында шамамен 20%-дан) жиынтық үлесті сатып алуды көздеп отырған көрінеді.

Қазақстандық әншілер «Халықтың Ата заңы» атты жаңа ән шығарып, бейнебаян түсірді. Туынды Referendum2026 ютуб арнасына жарияланды.

Әнде жаңа Конституция жайлы, оның маңызы жайлы айтылады.

«Ата заңым, алтын арқау менің байлығым

Ата заңым, аласармас асқақ айбыным

Әуелесін, шарықтасын әніміз бірге

Жаңа таңға ұмтылайық бәріміз бірге», – дейді қайырмасында.

Әнді Әлішер Кәрімов, Маржан Арапбаева, Роза Рымбаева, Мадина Сәдуақасова, Еркеш Хасен және Қайрат Баекенов орындайды. Сөзін Арман Манарбекұлы, ал әнін Асқар Әбдиев, Арман Мұқашев, Ренат Гайсин жазған.

Көпшіліктің бұл еңбекке көзқарасы әртүрлі.

«Қалжың деп ойлап едім, бірақ қателескен екенмін. Қалай...

2025 жылдың қорытындысы бойынша Қазақстан Қытайға күнбағыс майын жеткізуші елдер арасында екінші орынға шықты және ҚХР нарығының 36%-ын қамтамасыз етті. Бұл туралы «ҚТЖ» ҰК» АҚ мәлімдеді.

Экспорт көлемі артты

Компания деректеріне сәйкес, 2025 жылы Қазақстанның Қытайға май-тоңмай өнімдерін экспорты 44%-ға өсіп, 440 мың тоннаға жетті. Одан түскен табыс та 37%-ға көбейіп, 312 млн долларды құрады.

«Qazaq-Astyk Group» ЖШС май зауытының коммерциялық директоры Александр Буженицаның айтуынша, экспорттың өсуіне логистикадағы және теміржол тасымалдарын жоспарлау жүйесіндегі өзгерістер әсер еткен.

2024 жылдың ақпан айынан бастап Өңдеушілер қауымдастығы «ҚТЖ» ҰК» АҚ-мен бірлесіп, «Достық – Алашанькоу» шекаралық өткелі арқылы теміржол цистерналарымен өсімдік майын...

Шымкентте өткен «Ордабасы» мен «Ақтөбе» жастар командалары арасындағы жолдастық матч жаппай төбелеспен аяқталды.

Bad Football хабарлауынша, «Ақтөбе» ойыншысы Әмір Тулеевтің жақ сүйегі, бірнеше тісі сынған. Клубтың баспасөз қызметінің мәліметінше, онымен бірге тағы бір ойыншы ауруханаға жеткізілген. Бірінің жақ сүйегі сынған, ал екіншісі ерні мен иегінен жарақат алған. Бірінші ойыншыға ота жасалады.

«Ақтөбе» футбол клубы зорлық-зомбылықты қатаң айыптайтынын, құзырлы органдар оқиғаны жан-жақты тексереді деген сенім білдіретінін жеткізді.

Сонымен қатар клуб жас футболшыларына тезірек сауығып кетуін тілеп, олардың емделуіне қажетті барлық көмекті көрсететінін мәлімдеді.

Мұның алдында Шымкент қаласында өтіп жатқан футбол орталықтары мен академияларының 2011 жылы туған балалар арасындағы чемпионатта «Тұран...

Ирандағы соғыс қимылдарының күтпеген жерден жедел қарқын алуы әлемдік мұнай нарығындағы бағаның күрт құбылуына тікелей әсер етті. Соңғы тәулікте «қара алтынның» құны барреліне 120 долларға дейін көтеріліп, 2022 жылдың маусым айынан бергі рекордтық көрсеткішке жеткен болатын.

Алайда АҚШ-тың әскери қимылдары бастапқы жоспарланған 4-5 апталық кестеден айтарлықтай озып, соғыстың іс жүзінде аяқталуға жақын екені туралы ақпарат тараған соң, нарық бірнеше сағаттың ішінде жауап қайтарды. Баға алдымен 99 долларға, артынан 83 долларға дейін құлдырап, кейіннен 89 доллар деңгейінде біршама тұрақталды.

Дональд Трамптың ресми мәлімдемесі бойынша, небәрі үш жарым күн ішінде Иран Әскери-теңіз флотының 46 кемесі жойылып, елдің зымырандық және дрондық мүмкіндіктер...

Вьетнамда 26 жастағы Әсем есімді қазақ бойжеткені жоғалып кетті. Туыстары оны алтыншы наурыздан бері іздестіріп жатыр деп жазады Kursiv Media.

Осыған қатысты СІМ мәлімдеме жасады.

«Қазақстанның Вьетнамдағы елшілігі азаматтың туыстарымен байланыста және Вьетнамның құзыретті органдарымен өзара іс-қимыл жасап жатыр. Қазіргі уақытта оның орналасқан жерін анықтау бойынша жұмыс жүргізілуде. Жағдай ҚР СІМ-нің бақылауында», – делінген ведомство хабарламасында.

«Біреулер аңдып жүр»

Әсемнің жоғалғаны туралы оның әпкесі әлеуметтік желіде хабарлады. Оның сөзінше, сіңлісі алтыншы наурызда Ханойға ұшып барып, қазақ консулымен кездесуі керек еді. Бірақ әуежайға баруына шамамен 20 шақырым қалғанда Әсеммен байланыс үзіледі. Ол...

Танымал ресейлік блогер, «Алға Петербург» жобасының авторы Иван Червинский (көпшілікке «Иванбек» есімімен таныс) тағы да қазақстандықтарды сүйсіндірді. Instagram парақшасында домбырамен қазақша ән айтып, өнерін паш етті.

Иванның орындауындағы шығарма оқырман қауым арасында үлкен қызығушылық тудырды. Оның домбыраны еркін меңгергені және қазақ тіліндегі сөздерді анық айтуы көпшіліктің жоғары бағасына ие болды.

Желі қолданушылары бұл өнердің ИИ (жасанды интеллект) көмегімен жасалған-жасалмағанын сұрап, таңданыстарын жасырмады. Иван бұл сұрақтарға:

«Әрине, өзім айтып тұрмын» – деп жауап берді.

Блогер бұл видеосын белгілі «TURAN» этно-фольклорлық ансамблінің шығармашылығына арнаған. Сондай-ақ ол 12 наурызда Астана қаласында өтетін «Folk & Symphony» атты бірегей...

Италияда өткен Олимпиада ойындарының чемпионы, қазақстандық мәнерлеп сырғанаушы Михаил Шайдоров халықаралық ISU Skating Awards сыйлығына үміткер атанды. Бұл жайлы Sports.kz жазады.

Басылымның мәліметінше, дауыс беру төрт номинация бойынша жүргізіледі: «Үздік костюм», «Ойын-сауық бағдарламасы», «Үздік хореограф» және «Үздік жаттықтырушы». Михаил Шайдоров 2026 жылғы Олимпиаданың еркін бағдарламасындағы өнері үшін «Үздік костюм» номинациясы бойынша үміткерлер тізіміне енді.

«Бұл әзірге үміткерлердің ұзын тізімі (лонг-лист). Жанкүйерлердің дауыс беруі 18 наурызға дейін жалғасады. Нәтижесінде әр санатта үш номинанттан қалады. Жеңімпаздар 29 наурызда Прагада өтетін әлем чемпионатының банкетінде жарияланады», – деп атап өтті басылым.

Оның бәсекелестерінің қатарында америкалық Илья...

«5:32» телехикаясы арқылы көрерменнің ыстық ықыласына бөленген актер Әбілмансұр Серіков жеке өміріндегі айтулы жаңалығын бөлісті.

Актрисаның жариялаған суретінен жұптың мешітте неке қию рәсімін өткізгенін аңғаруға болады. Суреттің астына ол:

Өмірімнің жаңа парағы» деп қысқа қайырып, жүрекжарды жазба қалдырды.

Әбілмансұрдың таңдауы Гулия Ұзақбаева есімді ару. Гулия да өнер саласынан алыс емес, кәсіби актриса. Оқырман қауым мен әріптестері жас жұбайларға ақ тілектерін жаудырып, «Бақытты болыңдар!», «Керемет жұп» деген пікірлерді қарша боратты.

Ескерте кетейік, актер осымен үшінші мәрте үйленіп отыр.

Атырау қаласының маңындағы Геолог ықшамауданында бұған дейін жоғалып кеткен Жангелдин ауылының тұрғындары – Наурыз бен Мирамгүлдің денелері табылды. Бұл туралы Ақжайық хабарлады. Мәйіттер осыған дейін күдікті Сұлтан Сәрсемалиев әйелімен бірге жалдап тұрған үйдің ауласынан табылған.

Тергеу мәліметінше, кеше Сұлтан Сәрсемалиев пен оның жұбайы Ақбаян Алматы қаласына жеткізілген. Алматыда күдікті тергеу барысында Наурыз бен Мирамгүлді өлтіргенін мойындап, олардың денелерін Геолог ықшамауданындағы бұрын өзі жалдап тұрған үйдің ауласына көміп тастағанын айтқан.

Осы ақпараттан кейін Атыраудағы тергеушілер көрсетілген мекенжайда қайтадан қазу жұмыстарын жүргізіп, нәтижесінде жоғалып кеткен екі адамның денелері табылды.

Еске салайық, Жангелдин ауылының тұрғындарын іздеу жұмыстары өткен жылдың желтоқсан айынан...

Астана, Алматы және Шымкент қалаларында және Қазақстанның барлық 17 облысында қауіпті ауа райы құбылыстары болуы мүмкін екенін ескертті.

Синоптиктер 2026 жылғы 10 наурызға дауылды ескерту жариялады.

Астана

Астана қаласында қар, бұрқасын және тұман күтіледі. Желдің екпіні 15–20 м/с, күндіз кей уақытта 23 м/с-қа дейін жетуі мүмкін.

Ақмола облысы

Облыс аумағында қар мен бұрқасын болады. Түнде облыстың батысында, күндіз оңтүстік-шығысында қалың қар жаууы ықтимал. Батыс, оңтүстік және шығыс бөліктерінде тұман күтіледі.
Жел түнде облыстың батысы, солтүстігі мен оңтүстігінде 15–20 м/с, күндіз 15–20 м/с, ал оңтүстігі мен шығысында 23–28 м/с-қа дейін күшеюі мүмкін.
Көкшетау қаласында таңертең және күндіз қар мен бұрқасын болжанып...

2026 жылдың 16 ақпаны мен 4 наурызы аралығында жүргізілген қоғамдық пікір сауалнамасының нәтижелеріне сәйкес, Қазақстан халқы конституциялық реформаны талқылау процесінен жоғары деңгейде хабардар және оны талқылауға белсенді қатысып отыр. 

«Демократия институты» ғылыми-зерттеу қауымдастығының ақпаратынша, зерттеу 17 облыс пен республикалық маңызы бар 3 қалада тұратын 18 жастан асқан 8 000 респондентті қамтыды.

Сауалнамаға қатысқандардың жартысынан көбі (67,1%) жаңа Конституция жобасының мазмұнымен толық немесе ішінара таныс екенін айтқан. 27,3%-ы жаңа Конституция жобасы талқыланып жатқанын естігенін жеткізген.

Респонденттердің басым бөлігі (90,9%) жаңа Конституцияны қабылдауды қолдайтынын білдірген. Олардың ішінде 67,1% – толық қолдайды, ал тағы 23,8% – көбіне қолдайды.
Жаңа Конституция жобасындағы жекелеген ережелердің ішінде қоғамны...