Жаңалықтар

Қазақ телевизиясының ардагері, белгілі журналист Тілеуқабыл Мыңжасар қайтыс болды. Мәдениет және ақпарат министрлігі марқұмның отбасы мен туған-туыстарына көңіл айтты.

«Тілеуқабыл Мыңжасар саналы ғұмырын телевизия саласына арнады. Ұзақ жылдар бойы «Хабар» агенттігінің Алматы облысындағы тілшісі болып, өңірдегі маңызды жаңалықтар мен өзекті мәселелерді халыққа жедел әрі сапалы жеткізді. Жоғары кәсібилігі мен азаматтық ұстанымы арқылы талай әріптесіне үлгі болды. Артында көптеген дарынды шәкірттері қалды. Тілеуқабыл Мыңжасардың журналистика саласындағы еңбегі, кәсіби шеберлігі мен отандық телевизияға қосқан үлесі әріптестері мен көпшіліктің жадында мәңгі сақталады», – деп жазылған хабарламада.

Тілеуқабыл Мыңжасар 1952 жылы Түркістанда дүниеге келген. 1975 жылы әл-Фараби атындағы...

Түркістан облысының Төлеби ауданында таулы аймақта төрт азамат құтқарылды.

112kz ақпаратына қарағанда, оқиға Мәдени ауылы маңындағы Ақсу каньоны аумағында болған. Азаматтар автокөлігінің техникалық ақауына байланысты таулы жерден өздігінен төмен түсе алмаған.

Құтқарушылар таулы аймаққа барып, төрт азаматты қауіпсіз жерге түсірді. Құтқарылған азаматтар медициналық көмекті қажет етпеді.

«Төтенше жағдайлардың алдын алу мақсатында таулы және туристік аймақтарға шығатын азаматтарды қауіпсіздік талаптарын сақтап, ауа райы мен көлік құралдарының техникалық жағдайын алдын ала ескеруге шақырамыз«, – делінген хабарламада.

Ал Алматы облысында Сатпаев шыңына әкесімен бірге көтерілген жасөспірімнің тауда жағдайы нашарлап, өздігінен қозғала алмай қалған...

Нью-Йоркте өтетін «Үлкен дулыға» сериясындағы US Open-2026 турнирінің әйелдер мен ерлер арасындағы жекелей сыны бойынша жеребе тарту рәсімі аяқталды, деп хабарлайды Kursiv.Media. Жеребе қорытындысы бойынша Қазақстанның төрт өкілі алғашқы айналымдағы қарсыластарын анықтады.

Әйелдер арасындағы әлемнің 2-ракеткасы Елена Рыбакина жарыстың екінші айналымына шығу үшін WTA рейтингінде 580-орында тұрған АҚШ өкілі Теа Фродинмен шеберлік байқасады.

Қазақстанның тағы бір өкілі Юлия Путинцева бастапқы кездесуін турнирдің 12-ракеткасы болып тіркелген швейцариялық олимпиада чемпионы Белинда Бенчичке қарсы өткізеді.

Ерлер арасындағы сында еліміздің бірінші ракеткасы Александр Бублик жарыс иесі – америкалық теннисші Джей Джей Вольфпен (ATP №248) кездеседі. Ал ұлттық құраманың екінші нөмірлі спортшысы Александр...

Семей – Курчатов тасжолында болған жол-көлік оқиғасы салдарынан қаза тапқан төрт адамның екеуі Төтенше жағдайлар департаментінің қызметкерлері болып шықты. Бұл туралы Абай облыстық ТЖД баспасөз қызметі хабарлады.

Қайғылы оқиға 26 тамыз күні болған. Жолда Chevrolet Nexia мен Kia Rio көліктері соқтығысқан. Алдын ала мәлімет бойынша, жүргізушілердің бірі басып озу мақсатында қарсы бағытқа шығып кеткен. Бетпе-бет соқтығысқан екі көліктің де жүргізушілері мен жолаушылары – жалпы төрт адам оқиға орнында көз жұмды.

Қаза тапқандардың екеуі Абай облыстық ТЖД-да еңбек еткен.

«Департаменттің жеке құрамы мен басшылығы марқұмдардың отбасыларына, туған-туыстары мен жақындарына қайғырып көңіл айтады. Бұл орны толмас ауыр қаза...

Батыс Қазақстанда қызылшамен ауырғандар саны көбейіп жатыр. Өткен жылмен салыстырғанда 16 есе өскен деп хабарлайды «Астана» арнасы.

Ауырғандардың басым көпшілігі – екпе алмаған балалар. Дәрігерлер екпе алмағандықтан жұқпалы ауру жылдам тарап жатқанын айтады.

«Жеті айда өңірде қызылшамен ауырған 298 адам тіркелді. 2025 жылы тек 18 ғана болатын. Яғни осы жылы ауырғандар саны 280 адамға көбейді», – дейді облыстық санитарлық-эпидемиологиялық бақылау департаменті жетекшісінің орынбасары Гүлдана Кереева.

Ауру ең көп тіркелген өңір – Орал қаласы, 252 жағдай. Ауырғандардың басым көпшілігі профилактикалық екпе алмаған адамдар.

Қызылша ауа-тамшы жолы арқылы таралады. Ауырғаннан кейін кей жағдайда ауыр асқынуларға әкелуі мүмкін. Оларды...

Танымал әнші Айдана Меденова «KeshYOU» тобының Астанада өтетін мерекелік концертіне қатыспайтынын мәлімдеді, деп хабарлайды Kursiv.Media.

Әнші Instagram желісіндегі оқырмандарымен сұрақ-жауап айдарында «KeshYOU 20 жылдық концертте боласыз ба» деген сұраққа «Жоқ, бұл жолы қатыспаймын» деп қысқа қайырды.

Бұған дейін продюсер Баян Алагөзова топтың кезекті мерейтойлық концерті 19 қыркүйекте Астанада өтетінін жариялады.

Еске сала кетейік, мамыр айында «KeshYOU» тобының концерті Алматыда өткен еді. Ол кеште топтың «алтын құрамы» саналатын Айдана Меденова, Кәмшат Жолдыбаева және Жанар Дұғалова бірге сахнаға шығып, көрерменді қуантқан болатын.

7-11 қыркүйекте Чеджу аралында АҚШ, Жапония және Оңтүстік Корея бірігіп, әскери жаттығулар өткізеді. Freedom Edge 2026 жаттығуының өтетіні туралы Оңтүстік Кореяның Біріккен штаб бастықтары хабарлады деп жазады Reuters.

Freedom Edge мақсаты – Солтүстік Кореяның ядролық және зымырандық қатеріне қарсы үш елдің дайындығын арттыру және өңірдегі қауіпсіздік пен тұрақтылықты сақтау. 

Биылғы жаттығуда АҚШ, Жапония және Оңтүстік Корея әскери күштерінің нақты уақыт режимінде ақпарат алмасуға және әскерилердің өзара әрекетін пысықтауға ерекше мән берілмек. АҚШ Тынық мұхиты қолбасшылығының мәліметінше, жаттығу аясында:

Назар аударатын нәрсе, бұған дейін АҚШ...

27 тамыздан 28 тамызға қараған түні алматылық «Қайрат» Еуропа лигасының 2026/27 жылғы маусымындағы төртінші іріктеу кезеңінің қарымта матчында бельгиялық «Андерлехтке» жол берді. Еске сала кетейік, Алматыдағы «Орталық» стадионда өткен алғашқы кездесу 0:3 есебімен Брюссель ұжымының пайдасына аяқталған болатын.

Карымта ойынның бірінші таймының соңында доп алматылықтардың жартылай қорғаушысы Олжас Байбектің қолына тиіп, төреші пенальти белгіледі. 45+2-минутта айып добын орындауға алаң иелерінің шабуылшысы Михайло Цветкович шығып, Шерхан Қалмырза қорғаған қақпаның оң жақ төменгі бұрышын дәл көздеп, есеп ашты.

53-минутта «Андерлехт» басымдығын арттырды: шабуылшы Данила Сикан жеке шеберлігін көрсетіп, гол соқты. Ал 71-минутта бельгиялық қорғаушы Джулиан Бьянкон бурұштамадан берілген допты баспен бағыттап, есепт...

Іле-Алатау ұлттық паркінде, Үлкен Алматы көлі маңындағы шамамен 2500 метр биіктікте тау жыныстары опырылып, тас құлады.

Оқиғаны сол маңда болған туристер видеоға түсіріп, әлеуметтік желіде жариялаған. Олардың айтуынша, ауа райы ашық болғанына қарамастан, таудан кенеттен тастар құлап, айналаны қою шаң басқан. Туристер қауіпсіз қашықтықта болғандықтан, зардап шеккендер жоқ.

Төтенше жағдайлар департаменті оқиғаны растады. Ведомство мәліметінше, №12 қар көшкіні жиналатын учаске маңындағы жартасты беткейден тас құлаған.

ТЖД табиғи құбылысқа тау жыныстарының табиғи үгілуі, температураны...

Непал мен Қытай жаңа су тасқыны қаупі туралы хабарлады. Құлаған тастар мен мұз өзенді бөгеп тастағандықтан, пайда болған екі көл арнасы тасуы мүмкін, деп хабарлайды Кursiv.Media.

Reuters ақпаратына сүйенсек, 27 тамызда Непалдың Табиғи апаттармен күрес жөніндегі басқармасы су деңгейінің көтеріліп жатқанын және бөгеттің бұзылу қаупі бар екенін ескертетін хабарлама жариялады.

Қытай алдағы үш күн ішінде пайда болған көлге 3 млн текше метрге дейін су түсуі мүмкін екенін, бұл бөгеттің бұзылу қаупін жоғарылататынын ескертті. Су әсіресе шамамен 1 қыркүйекте көп келуі мүмкін. Келесі аптада болады деп болжанып отырған жауын-шашын одан сайын суды көтеруі ықтимал.

Непал мен Қытайдың Тибет шекаралас аудандарында су...

Монакода Чемпиондар лигасының 2026/27 жылғы маусымының негізгі кезеңіне жеребе тартылды. Қазақстандық қақпашы Стас Покатилов өнер көрсететін Әзербайжанның «Сабах» клубы өз тарихында тұңғыш рет турнирдің бұл кезеңіне жолдама алды, деп хабарлайды Kursiv.Sport.

Бакулік клуб негізгі кезеңде «Барселона», «Боруссия Дортмунд», «Наполи» және «Славияны» өз алаңында қабылдаса, «Арсенал», «Манчестер Юнайтед», «Вильярреал» және «Викинг» командаларымен сырт алаңда кездеседі.

Литвалық маман Вальдас Дамбраускас жаттықтыратын «Сабах» негізгі кезеңге өту үшін іріктеудің 4 кезеңінен өтіп, ТНС, КуПС, «Орхус» және плей-оффта израильдік «Хапоэльді» (Беэр-Шева) ұтты.

Регламент бойынша 36 команданың әрқайсысы 8 матчтан өткізеді. Алғашқы 8 орын алған ұжым бірден 1/8 финалға жолдама алса, 9-24 орындардағы клубтар плей-оффтың өту...

Астанада әлеуметтік желідегі бейнежазбадан кейін ер адам 10 тәулікке қамауға алынды. Кадрларда оның көпқабатты үйдің терезесінен кіші дәрет сындырып тұрғаны көрінеді, деп хабарлайды Кursiv.Media.

Әрекет 24 тамызға қараған түні Нұра ауданында түсірілген. Куәгерлер түсірген роликтер пабликтерде кең тарап кетті.

Әлеуметтік желідегі жарияланымдарға полиция назар аударып, көп ұзамай тәртіп бұзушы табылды. Ол Ақмола облысының 43 жастағы тұрғыны болып шықты.

Астана қаласының Әкімшілік құқық бұзушылықтар жөніндегі мамандандырылған ауданаралық соты хабарлағандай, ер адам сотта кінәсін мойындап, өкінетінін білдірді.

«Оның әрекеті ӘҚБтК-нің 434-бабының 1-бөлігі бойынша ұсақ бұзақылық ретінде сараланды. Сот құқық бұзушылықтың сипатын, қоғамды сыйламаушылықты, сондай-ақ бейнежазба әлеуметтік желіде жарияланғаннан...

Солтүстік пен батыста ыстықтың беті қайтты. Ал оңтүстікте күн әлі де ыстық болады. «Қазгидромет» 28 тамызға ауа райы болжамын ұсынды, деп хабарлайды Кursiv.Media.

Астанада бұлтты, жаңбыр, күн күркірейді, жел 9-14, екпіні 15-20 м/с. Ауа температурасы түнде +12…+14°C, күндіз +24…+26°C.

Алматыда көшпелі бұлт, жауын-шашынсыз, жел 3-8 м/с. Ауа температурасы түнде +16…+18°C, күндіз +31…+33°C.

Шымкентте көшпелі бұлт, жауын-шашынсыз, жел 8-13 м/с. Ауа температурасы түнде +17…+19°C, күндіз +34…+36°C.

Ақтауда көшпелі бұлт, жауын-шашынсыз, жел 9-14 м/с. Ауа температурасы түнде +21…+23°C, күндіз +29…+31°C.

Ақтөбеде көшпелі бұлт, жауын-шашынсыз, жел 1-6, екпіні 10 м/с. Ауа температурасы түнде +11…+13°C, күндіз +23…+25°C.

Атырауда көшпелі бұлт, жауын-шашынсыз, жел 5-10 м/с. Ауа температурасы түнде +15…+17°C, күндіз +28…+30°C.

28 тамыздан бастап Алматыда Рысқұлов көшесінің бір бөлігін жөндеуге байланысты бес автобус бағытының қозғалысы уақытша өзгереді, деп хабарлайды Кursiv.Media.

Өзгерістер № 4, № 22, № 52, № 212 және № 226 автобус бағыттарына қатысты. Бұл Ақжар шағынауданында сумен жабдықтау және кәріз желілерін салу жұмыстарының ішінара аяқталуына және жөндеудің қорытынды кезеңіне – Рысқұлов көшесінің Жандосов көшесінен Қонаев көшесіне дейінгі бөлігіне асфальтбетон жабынын төсеуге байланысты болып отыр.

№ 4 бағыт

Оңтүстік бағытта: Яссауи көшесі — Қонаев көшесі — Рысқұлов көшесі — Жандосов көшесі — Гроза көшесі — одан әрі сызба бойынша.

Солтүстік бағытта: Гроза көшесі — Қонаев көшесі — Яссауи көшес...

Астанадағы құрылыс алаңдарының бірінде құрылыс краны құлады, деп хабарлайды Кursiv.Media.

Куәгерлердің айтуынша, оқиға Е 908 көшесі, 22/4 мекенжайы маңында, Төле би көшесі мен Ұлы дала даңғылының қиылысына жақын жерде болған.

Астана қалалық төтенше жағдайлар департаментінің оқиға орнына келген полиция қызметкерлері мен жедел жәрдем бригадасы оқиға фактісін растағанын хабарлады.

Оқиға салдарынан қаза тапқан адам бар.

«Ер адам алған жарақаттан қайтыс болды. Дәрігерлер оның өлімін растады. Бұл факт бойынша тексеру жүргізілуде, оқиғаның барлық мән-жайы анықталып жатыр», – делінген хабарламада.

Айта кетейік, 2025 жылы жазда Астанадағы Тұрар Рысқұлов көшесіндегі «Абырой» тұрғын үй кешенінің құрылыс алаңында қайғылы оқиға орын...

Оралда белгілі бір тұрғылықты жері жоқ 40-қа жуық адамды дропперлік схемаға тартты деген күдікті ұсталды, деп хабарлайды Кursiv.Media.

Polisia.kz ақпаратына сүйенсек, тергеу барысында ер азаматтың баспанасыз адамдарды тауып, оларға ақша ұсыну арқылы банктік шоттар мен карталар ашып, верификациядан өтуді және кіру мүмкіндігін өзіне беруді ұсынғаны анықталды.

Полиция жалпы 40-қа жуық дропперді анықтады. Олардың банктік шоттары мен карталары алаяқтардың азаматтардан интернет арқылы ұрлаған ақшаларын аудару үшін пайдаланылған.

Тінту кезінде күдіктіден 732 мың теңге, 14 телефон, SIM-карталар, банктік карталар табылды.

Факт бойынша қылмыстық іс қозғалды. Сот күдіктіні қамауға алуды шешті.

Тергеу жалғасуда.

Айта кетейік, 2025 жылғы қыркүйектен бастап дропперлік қылмыс саналады...

Қостанай облысының Жітіқара қаласындағы кісі өлтіру оқиғасы бойынша үкім шықты. Қаза тапқан жасөспірімнің өгей әкесі 23 жылға сотталды, деп хабарлайды Кursiv.Media.

2026 жылдың сәуір айында Жітіқарадағы отбасылардың бірінде отырыстың соңы қайғылы жағдаймен аяқталған. Отағасы туысымен бірге ішімдік ішкен, қонақ кеткеннен кейін ер адам мен оның әйелі арасында жанжал шыққан. Жанжал кезінде ол әйеліне пышақ ала жүргірген. Алдын ала мәліметтер бойынша, анасына араша түспек болған 15 жасар жасөспірім қайтыс болған. Ал әйел бірнеше жерінен жарақат алып, аман қалған.

Сот айыпталушыны есі дұрыс деп тапты, ол өкініп, кешірім сұрады. Бұған дейін прокурор оған 22 жылға бас бостандығынан айыру жазасын тағайындауды сұраған, туыстары...

Қазақстан президенті Қасым-Жомарт Тоқаев пен Түркия Президенті Режеп Тайип Ердоған телефон арқылы сөйлесті, деп хабарлайды Кursiv.Media.

Ақорда баспасөз қызметінің ақпаратына сүйенсек, Түркия басшысы Тоқаевты бір палаталы Құрылтай депутаттарының сайлауы сәтті өтуімен құттықтап, парламентаралық ынтымақтастықты жандандыруды ұсынды.

«Елімізде жүргізіліп жатқан ауқымды реформалар озық, заманауи әрі әділетті Қазақстан құруға бағытталған», – деп атап өтті Тоқаев.

Сондай-ақ, Тоқаев Ердоғанға жылы лебізі мен түркиялық байқаушылар миссиясының белсенділігі үшін алғыс айтты.

Әңгімелесу барысында тараптар екіжақты стратегиялық серіктестіктің даму қарқынын оң бағалап, алдағы халықаралық іс-шаралар кестесін талқылады. Қасым-Жомарт Тоқаев Түркия президентінің биыл Түркияда өтетін жоғары деңгейдегі кездесулерге шақыруын ықыласпен қабылдады.

Непал мен Тибет (ҚХР) шекарасында Гималайдағы мұздықтың опырылуы салдарынан орын алған жойқын су тасқынынан қаза тапқандар саны 353 адамға жетті, деп хабарлайды Кursiv.Media.

АР ақпаратына сйүенсек, тағы 1,3 мыңнан астам адам із-түзсіз жоғалғандар тізімінде.

Табиғи апат салдарынан өзен арналары тасып, лай көшкіні елдімекендерді, көпірлер мен жолдарды шайып кетті.

Непалда кем дегенде 162 адам қаза тауып, 826 тұрғын хабар-ошарсыз кеткен. Құтқарушылар тікұшақтардың көмегімен тұрғындарды эвакуациялап, зардап шеккендерді Катмандуға жеткізіп жатыр.

Тибетте соңғы мәліметтерге қарағанда, 3 адам қаза тапқан, тағы 558 адам іздестірілуде. Қытай Халық Республикасы Мемлекеттік кеңесінің премьері Ли Цян Джиронг ауданына арнайы барып, құтқару жұмыстарын жеке бақылауына алды.

Жоғалғандар...

Сирия президенті Ахмед аш-Шараа 26 тамыз күні Ескі Дамаскідегі мекемелердің бірінде Visa картасымен есеп айырысты. Транзакция елдің Орталық банкінің басшысы Мұхаммед Сафват Расланның қатысуымен жүргізілді, деп хабарлайды Кursiv.Media.

Сирия билігі жариялаған кадрларда президент кофе үшін төлем жасау кезінде банктік картаны төлем терминалына тигізеді. Бұға қоса, 15 жылдан астам уақыт бойы Сирияда мұндай халықаралық транзакцияларды жүргізу мүмкін болмағаны атап өтілген.

Visa компаниясы бейсенбі, 27 тамызда Сирияда халықаралық карта операциясының сәтті сыналғанын растады. Visa тестілік операцияны ливандық «Франсабанкпен» және сириялық «Паймера» төлем қызметтерінің операторымен бірлесіп жүргізді.

Visa хабарлауынша, халықаралық операциялардың іске қосылуы шетел азаматтарына Сирияда банктік карталарды пайдалануға мүмкіндік береді, сондай-а...

Қазақстан президенті Қасым-Жомарт Тоқаев Қытай Халық Республикасының төрағасы Си Цзиньпинге көңіл айту жеделхатын жолдады, деп хабарлайды Кursiv.Media.

Ақорда баспасөз қызметінің ақпаратына сүйенсек, жеделхат Сицзан автономды ауданында болған жойқын сел салдарынан көптеген адамның қаза табуына байланысты жолданды.

«Мемлекет басшысы жақындарынан айырылған азаматтардың қайғысына ортақтасып, із-түзсіз жоғалған жандардың тез арада отбасына оралуына тілектестігін білдірді», – делінген хабарламада.

Айта кетейік, 2025 жылы да Қытайдың осы ауданында жер сілкінісі болып, 93 адам қаза тапқан еді. Ол кезде де президент Тоқаев Қытай басшысына көңіл айтқан.

Астанада түнгі уақытта отшашу ұйымдастырған ер адам 5 тәулікке қамауға алынды.

24kz хабарлауынша, полиция қызметкерлері Астанадағы ойын-сауық орындарының бірінің маңындағы автотұрақта отшашу ұйымдастырған 34 жастағы ер адамды анықтады. 

«Тексеру барысында ол әпкесін туған күнімен құттықтау үшін отшашу атқаны белгілі болды. Алайда пиротехниканы түнгі уақытта қолдану тұрғындардың тыныштығын бұзып, қоғамдық тәртіпке кедергі келтірген», – делінген ақпаратта.

Сот қаулысымен құқық бұзушы 5 тәулікке әкімшілік қамауға алынды. Полиция мерекелік іс-шаралар кезінде қоғамдық тәртіп талаптарын сақтаудың маңызын еске салады.

Қала тұрғындарын өзге азаматтардың тыныштығын құрметтеуге және пиротехникалық бұйымдарды тек рұқсат етілген орындарда, қауіпсіздік талаптарын сақтай...

2026 жылдың шілде айында Geely Galaxy EX5 EM-i кроссовері Қазақстандағы ең танымал гибридті көлік атағына ие болды. Қазақстан автобизнес қауымдастығының мәліметінше, бір айдың ішінде бұл модельдің 255 данасы сатылған. Бұл маусым айымен салыстырғанда шамамен 60%-ға артық.

Жыл басынан бері Geely Galaxy EX5 EM-i сатылымы 910 бірлікке жетті. Тұтынушылардың бұл көлікке деген қызығушылығының артуы кездейсоқ емес. Себебі, қазақстандықтар қала ішінде үнемді, ал алыс жолда ауқымды жүріс қорын қамтамасыз ететін гибридті қондырғыларға жиірек таңдау жасап жатыр.

Қазақстанда құрастырылған алғашқы гибрид

Geely Galaxy бренді 2025 жылы «Allur» қазақстандық автомобиль компаниясының портфеліне қосылған болатын. Ал EX5 EM-i моделінің өндірісі Қостанай зауытында жолға...

Қазақстан жалпы халық санындағы қарт адамдардың үлесі бойынша әлемде 106-орында тұр, деп хабарлайды Kursiv.Media.

Қай елдерде қарттар көп?

Канадалық Visual Capitalist медиаплатформасының сарапшылары келтірген мәліметке сәйкес, бүгінде 65 жастан асқан қарт адамдар мен зейнеткерлердің халық санындағы үлесі ең жоғары ел – Монако. Мұнда олардың үлесі жалпы халықтың 36 пайызын құрайды.

Қарттардың жалпы халық санындағы үлесі бойынша әлемде екінші орында – Жапония (29,78%). Ал үшінші орында – Пуэрто-Рико. Мұнда 65 жастан асқан адамдардың үлесі 24,72 пайызға жетеді.

Халқы ең тез қартайып жатқан әлемдегі алғашқы он елдің қатарына Италия (24,62%), Португалия (24,53%), Грекия (23,94%), Финляндия (23,90%), Германия