Жаңалықтар

Батыс Қазақстан облысында шенеунік жасөспірімді зорлады деген күдікке ілінді. Бұл туралы жергілікті «Уральская неделя» жазды.

Шыңғырлау ауданында қылмыстық іс қылмыстық кодекстің 120-бабы 3-1-бөлігі 1-тармағы негізінде қозғалған. Тергеу амалдары жүргізіліп жатыр.

Қыздың әкесінің сөзінше, 2 қаңтарда 57 жастағы ер адам кәмелетке толмаған қызды алдап, үйіне кіргізген. Осы жағдайдан кейін әкесі полицияға арызданған, күдікті ұсталған.

«Ол жасаған әрекетін мойындады. Қызым да оны таныды. Алайда полиция оны үйіне жібере салды. Содан кейін (күдікті) мені телефон арқылы қорқытып, үркіте бастады», – деген қыздың әкесі.

Полиция мәлімдемесі

Kursiv.Media істің мән-жайын Батыс Қазақстан облысы полициясынан сұрады.

Полицияның хабарлауынша...

Астанада LRT іске қосылатын болғандықтан, кассирлер мен кезекшілер керек болып жатыр. Бұл туралы CTS сайтында жазылған.

Кассирлерге қойылатын талап:

– жоғары немесе орта арнаулы білім (бухгалтерлік есеп, қаржы, экономика, гуманитарлық салалар);
– мамандығы бойынша жұмыс өтілі 2 жылдан кем емес;
– «1С: Бухгалтерия» жұмыс дағдылары;
– есептілікті құрастыру дағдылары;
– мемлекеттік және орыс тілдерін білу, ағылшын тілін білу құпталады.

Міндеттері:
– LRT пайдалану ережелерін, тарифтерді, жеңілдіктерді және жол жүру шарттарын түсіндіру;
– белгіленген тарифтерге сәйкес көлік карталарын сату және толықтыру;
– кассалық есептілікті жүргізу.

Кезекшілерге қойылатын талап:

Біліктілік талаптары:
– жоғары білім (мамандыққа қойылатын талаптар жоқ);
– арнайы орта білім. Көлік саласындағы жұмыс тәжірибесі кемінде...

Белгілі имам Тимур Әлиев ораза ұстап жүрген ер азаматтарға арнап үндеу жолдады.

Имам ер азаматтарға ауызашарды жұбайы мен балаларымен бірге өткізуге шақырды. Сөзінше, бұл – қарым-қатынасты нығайтады.

«Рамазан айында бауырлар бір-бірін ауызашарға жиі шақырады. Кафелерде, үйлерде жиналады. Болмаса, мешіттердегі ауызашарларда уақыт өткізеді. Осы кезде отбасы назардан тыс қалады. Мәселе үлкен емес сияқты, күйеуі харам ештеңе істеп жатқан жоқ. Бірақ маған сеніңіздер, жекеме әйелдерден осындай сұрақтар өте көп келеді. Бұл – олардың жанайқайы», – деді Тимур Әлиев.

Әлиев халал дәмханадан үстелге алдын-ала тапсырыс беріп, ауызашарды балаларымен және жұбайымен бірге өткізген жөн деп санайды.

Қазақстандағы жасөспірімдер футболына жетекшілік ететін ең ірі ұйым – Freedom QJ League – қанатын жайып келеді. Өткен жылы U-18, U-17 және U-16 санаттары бойынша жарыстар өткізген Лига алдағы маусымда тағы бір жас ерекшелігі – U-15 тобын қамтығалы отыр.

Freedom QJ League-дің кеңеюі – футбол десе ішкен асын жерге қоятын қазақстандық ұлдар мен қыздар үшін оң қадам. Тимур Турловтың Freedom Holding Corp. компаниясының қаржылай қолдауының арқасында Лига отандық футбол тарихында алғаш рет жасөспірімдер үшін кәсіби деңгейге барынша жақындатылған жағдайлар жасай алды. Оған аптасына бір рет сырт алаңда және өз алаңында өтетін екі айналымды жүйедегі турнирлер, қонаққа келген командалар мен төрешілерді жайлы қонақүйлерге орналастыру...

Қазақстан автокөлік одағының президенті Анар Мақашева жаңа автокөліктердің бағасына қатысты пікір білдірді. Оның айтуынша, 2025 жылы көлік бағасының өсуі қалыпты деңгейде болып, инфляциядан аспаған.

Мақашева атап өткендей, ұлттық статистика бюросының 2025 жылғы желтоқсандағы деректеріне сәйкес, жаңа импорттық және отандық автокөліктердің бағасы 5,9%-дан артық өскен жоқ. Тұтыну бағаларының индексі 105,9%-ды құрады. Ал отандық автокөліктердің бағасы шамамен 1,9%-ға ғана қымбаттады.

«Бүгінде саладағы негізгі жұмыс көліктің өзіндік құнын төмендетуге бағытталған, ал бұл ретте басты құрал – автобөлшектік базаны дамыту. Біз сондай-ақ шағын және орта бизнес өкілдерін осы бағытқа белсенді қатысуға шақырамыз. Бұл қосалқы бөлшектер өндірісін кеңейтуге және локализация деңгейін...

Конституцияны өзгертуге қатысты референдумға 20 млрд 778 млн теңге бөлінген. Орталық референдум комиссиясы (ОРК) мүшесі Михаил Бортник бұл соманың ОРК мен Сыртқы істер министрлігі арасында бөлінетінін айтты.

Айтуынша, бөлінген қаражаттың 123 млн теңгесі сыртқы істер министрлігіне берілді.

«Орталық референдум комиссиясы шотына түскен қаражаттың 75%-ы – комиссия мүшелерінің жалақысы. Бұл тізімде мұғалімдер де, дәрігерлер де, бизнес өкілдері де бар», – дейді Михаил Бортник.

Комиссия мүшесі Ләззат Сүйіндіктің сөзінше, қаражаттың 20-25%-ы референдум туралы ақпарат таратуға жұмсалады.

«50-ден аса республикалық, 100-ден аса жергілікті БАҚ қаржыландырылған. Одан бөлек LED экранға шығарылатын сыртқы жарнамалар да бар...

Қазақстан Үкіметі елдің минералдық-шикізат базасын толықтыру мақсатында резервтен 40,7 млрд теңгеден астам қаражат бөлді. Премьер-министр Олжас Бектенов қол қойған қаулыға сәйкес, бұл қаражат 2026 жылы ауқымды геологиялық барлау жұмыстарын жүргізуге бағытталады.

Биылғы жоспар бойынша 11 облыста (Ақмола, Ақтөбе, Алматы, Шығыс Қазақстан, Қарағанды, Қостанай, Солтүстік Қазақстан, Маңғыстау, Түркістан, Абай және Ұлытау) 100 мың шаршы шақырым аумақты қамтитын 20 ірі геологиялық жоба іске қосылады.

Бұл жұмыстар заманауи цифрлық технологиялар, аэрогеофизикалық зерттеулер және терең бұрғылау әдістерін қолдану арқылы жүргізілмек.

Жаңа мұнай-газ көзін іздейді

Геологиялық барлаудың тағы бір маңызды бағыты — Шу-Сарысу және Солтүстік Торғай бассейндеріндегі мұнай-газ әлеуетін зерттеу...

Шымкент қаласы Еңбекші ауданында 5 қабаттың балконынан абайсызда құлап түскен 45 жастағы ер адам қайтыс болды. Бейресми мәліметке қарағанда, оны пәтер иесі жалдамалы жұмысшы ретінде шақырып, балконды қаптатпақ болған.

Оқиға орнына жедел жәрдем қызметі жеткенімен, жұмысшы алған жарақатынан тіл тартпай кеткен. Полиция қайғылы жағдайға байланысты қылмыстық іс қозғалғанын хабарлады.

«Адам өліміне әкеп соққан еңбектi қорғау қағидаларын бұзу жайты бойынша полициямен қылмыстық іс қозғалды. Қазіргі таңда оқиғаның барлық мән-жайын анықтауға бағытталған кешенді тергеу әрекеттері жүргізілуде. Тергеу аяқталғаннан кейін іс бойынша заңнамаға сәйкес процессуалдық шешім қабылданады» делінген полиция хабарламасында.

Қазір Мексиканың бірнеше штатында ереуіл болып жатыр. Курортты қалаларында да жағдай тыныш емес. Осыған байланысты сыртқы істер министрлігі сол елде жүрген қазақстандықтарға қатысты мәлімдеме жасады.

Мексикада қанша қазақ жүр?

Мексикадағы елшіліктің мәліметінше, қазір ол елде отыздан астам қазақ азаматы жүр. Олар тек ресми тіркелгендері ғана.

«Қазақстан Республикасының Мексикадағы Елшілігі елдегі жағдайдың дамуын мұқият бақылап, отандастармен тұрақты байланыс орнатып отыр. ҚР азаматтарына сабыр сақтап, қырағылық танытып, қауіпсіз жерлерде болу ұсынылады. Қазіргі уақытта Қазақстан Республикасының 35 азаматы консулдық есепте тұр», – деп жазылған хабарламада.

Ведомство жағдайды күнде бақылауында ұстап отырғанын ескертті.

Көтерілістер не үшін...

Белгілі актриса Жұлдыз Әбдікәрімова өзінің қызы Алаумен ел алдына ерекше образда шықты. Олар аққу мен қарақудың бейнесінде түсіп, Instagram желісіндегі парақшаларына қысқа видео салды.

Жұлдыз бен Алаудың Instagram-парақшаларына салған кейінгі бейнеролигі қызу талқыға түсіп жатыр. Олар Black and White Swan образдарына енді. Чайковскийдің аңызға айналған «Лебединое озеро» балетіндегі әуенмен әрлеп, өздері де сондағы кейіпкерлерге ұқсап бақты. Жұлдыз – қарақу, Алау аққу бейнесінде түсті.

Олардың шығармашылығына тамсанатын фанаттары жағымды пікірлерін жарыса жазды. «Талант! Анасы қамқоршының рөлінде ойнады. Мойындауға әбден лайық» деп жатыр.

Дегенмен кей оқырманға бұл образ онша ұнамаған сыңайлы. «Не істерін білмей жүр осылар. Ақшаң болса да ішің пысады-ау», «Жұлдыздың түр...

Alatau City Bank иесі – миллиардер Вячеслав Кимге тиесілі First Heartland Securities (FHS) компаниясы атауын United Group Alatau деп өзгертпек. Бұл туралы банктің жарияланған корпоративтік деректерінде жазылған.

Еске салсақ, First Heartland Securities 2019 жылдың басында, яғни банк атауы өзгермей тұрып-ақ, оның капиталына кірген. Сол кезде компания қиын жағдайға түскен Цеснабанк-ті сатып алып, кейін ол Jusan Bank болып қайта аталды.

2021 жылдың қыркүйегінде Jusan Bank бақылауына кәсіпкер Ғалымжан Есеновке тиесілі АТФБанк те өтті.

2020 жылға дейін First Heartland Securities (FHS) компаниясы Pioneer Capital Invest арқылы үш қорға тиесілі болды:

2020 жылы Pioneer Capital Invest мәміле жасап, FHS акцияларының 99,7%-ын британдық Jusan Technologies компаниясына берді. Бұл келісім...

Елімізде отандық автобөлшек өндірісі қарқынды дамып келеді. Мультимедиа жүйелері, автокөлік орындықтары мен аккумуляторлар дайындалып, қазақстандық көліктерге орнатылып жатыр. Бұл туралы Қазақстанның автокөлік одағының президенті Анар Мақашева мәлімдеді.

Оның айтуынша, тағы 10-нан астам қосымша автобөлшек әзірленуде, олардың кейбірі 2026 жылы іске қосылып, көліктерге орнатылмақ. Бұл қадам импортқа тәуелділікті азайтып, отандық автопаркті жаңартуға мүмкіндік береді.

«Қазіргі таңда Қазақстандағы отандық өндірісте мультимедиа, орындықтар және аккумуляторлар қолданылады. Сонымен қатар түрлі жобалар әзірленіп, локализация үлесін арттыру бойынша жұмыс жүргізілуде. Елде қабылданған мемлекеттік бағдарламалар да бұл саланың дамуына ықпал етеді», – деді Мақашева автокөлік саласының қазіргі жағдайы мен даму перспективаларына арналған баспасөз конференциясында.

Анар Мақашевадан аталған...

24 ақпанға арналған доллар бағамы мәлім болды. Қазақстан қор биржасында (KASE) сағат 15:30-да 1 доллар 497,33 теңге болды. Ұлттық банк осы бағаны сейсенбіге ресми бағам деп белгілейді.

Дүйсенбі, 23 ақпан күні доллар 1,29 теңгеге нығайды. Осылайша ұлттық валюта бағамы ақпанның басындағы бағаға қайтты.

Естеріңізге болса, 18 ақпанда доллар 489 теңгеге дейін құнын жоғалтқан. Бірақ өткен аптаның соңында АҚШ валютасы 500 теңгелік межеге қарай қайта көтеріле бастаған.

Елдегі валюта айырбастау мекемелерінің кейбірінде көк қағаз 500 теңгеден жоғары бағаға сатылып жатыр. kurs.kz мәліметінше, қазір Алматы қаласында 1 доллар 495 теңгеден қабылданып, 498 теңгеден сатылады. Астанада, әдеттегідей, бағам сәл...

Премьер-министр Олжас Бектенов депутаттарға берген жауабында елдегі орман қоры мен ауыл шаруашылығы жерлерінің нақты ауқымын жариялады.

Бектеновтің мәліметінше, 2025 жылдың соңындағы жағдай бойынша орман қоры жерлерінің жалпы ауданы 23,4 млн гектарды құрайды. Бұл – республиканың бүкіл жер қорының 8,9%-ы. Жер реформасы жылдарында бұл көрсеткіш 2,3 есеге ұлғайған. Негізінен бұрын ауыл шаруашылығы кәсіпорындарының уақытша пайдалануында болған жерлер орман қоры құрамына берілген.

«Қолданыстағы заңнамаға сәйкес, орман қоры жерлерінде орналасқан және орман шаруашылығы үшін пайдаланылмайтын ауыл шаруашылығы алқаптары жеке және заңды тұлғаларға ауыл шаруашылығы мақсатында, соның ішінде жайылым ретінде берілуі мүмкін. Қазір орман қоры жерлерінің шамамен 29,4 пайызы ауыл...

Сарапшы Абзал Нарымбетов 15 жылда Қазақстандағы мұнай өндірісінің құрылымы қалай өзгергеніне талдау жасап, саладағы іргелі өзгерісті сараптады.

Оның мәліметінше, 2011 жылы еліміздегі негізгі үш кен жалпы өндіріс көлемінің жартысына жуығын (48%) қамтамасыз етсе, 2025 жылға қарай олардың үлесі басымдыққа ие болып, 69%-ға дейін жетті.

Нақты сандарға сүйенсек, Теңіз кен орны өндірістің басты локомотиві ретіндегі орнын сақтап, оның жалпы көлемдегі үлесі 33%-дан 39%-ға дейін өскен. Қаңтар айында кен орнындағы зауыт трансформаторларынан өрт шығып, өндіріс уақытша тоқтаған. Тек 26 қаңтарда кен орнындағы мұнай өндірісі қайта жанданды.

Сонымен қатар өндірісі тек 2016 жылы ғана басталған Қашаған кен...

Apple компаниясы 2026 жылы смартфондар нарығына үлкен өзгерістер әкелмек. Бұл жолы техникалық сипаттамалар ғана емес, модельдердің шығу кестесі де өзгеруі мүмкін.

Модельдер қатары және ресми шығу уақыты

Инсайдерлердің айтуынша, Apple бірінші кезекте про модельдердің кейін базалық моделін шығаруды жоспарлап отыр.

2026 жылдың қыркүйегі: тек iPhone 18 Pro, iPhone 18 Pro Max және эксклюзивті iPhone Fold (бүктемелі айфон) таныстырылады. 2027 жылдың көктемі: базалық iPhone 18 бен iPhone 18e нарыққа шығады.

Дизайн және корпус ерекшеліктері

Сыртқы пішінде айтарлықтай өзгеріс болмайды, бірақ бірнеше маңызды деталь бар:
Материал: Apple титаннан бас тартып, жақсартылған алюминий корпустарға қайта оралуы мүмкін.

Салқындату жүйесі: смартфонның артқы панелінде...

Қытайдан Қазақстанға көшіп келген қандас Түркістанда скотч шығаратын жаңа зауыт ашты. «QazEcoPack» компаниясының директоры Думан Халмет кәсібін кезінде Қытайдан тауар тасумен бастаған.

Отандық өнім

Түркістан қаласында полиэтилен қаптама өнімдері мен скотч өндіретін жаңа зауыт жұмыс істей бастады. Өндіріс «TURAN» арнайы экономикалық аймағында орналасқан.

«Біз үшін әрбір өндіріс орны мен жоба маңызды. «QazEcoPack» компаниясы жобасының іске қосылуы облыстың әлеуметтік-экономикалық дамуына тың серпін беріп, отандық өнімдермен қамтамасыз ету көлемін арттыруға және халықтың әл-ауқатын көтеруге өз септігін тигізеді», – дейді облыс әкімі Нұралхан Көшеров.

Өңір басшысы осы бастаманы жүзеге асырған Думан Халмет пен кәсіпорын ұжымына табыс тілед...

Қасым-Жомарт Тоқаев Air Astana компаниясының бас атқарушы директоры Питер Фостерді қабылдады деп хабарлайды Ақордадан.

Президент әуелі Air Astanа-ның Еуразиядағы жетекші авиатасымалдаушылардың біріне айналуға Питер Фостердің елеулі үлес қосқанын атап өтті.

Әңгіме кезінде Қазақстан мен АҚШ арасында тікелей әуе қатынасын ашуды, ол рейстерді орындау үшін алыс қашықтыққа ұшатын әуе кемелерін сатып алу жайын талқылады.

Питер Фостер – Air Astana әуе компаниясының директорлар кеңесі ұйымның бас директоры әрі директорлар кеңесінің мүшесі. Осы жылдың наурызында ол қызметінен кетуі керек. Бірақ негізгі лауазымынан айырылса да, директорлар кеңесінің аға кеңесшісі ретінде жұмысын жалғастырады. Фостер компанияны 20 жыл бойы басқарған.

Кей...

2026 жылдың 1 қаңтарынан бастап Қазақстанда қосылған құн салығының (ҚҚС) мөлшерлемесі 12%-дан 16%-ға дейін көтерілді. Бұл қадам бюджет кірісін еселеп арттыруға тиіс еді, алайда алғашқы айдың қорытындысы күткендегідей болмай тұр. KursivMedia зерттеуінше, мөлшерлеменің өсуі аясында жинау жоспарының небәрі 80%-ға орындалуы фискалдық саясат үшін үлкен дабыл белгісі саналады.

Қазақстанның салық жүйесі үшін 2026 жыл – үлкен сынақ жылы. Үкімет ҚҚС мөлшерлемесін 4 пайыздық тармаққа арттыра отырып, жыл соңына дейін рекордтық 10 трлн теңге жинауды межелеген. Бұл өткен жылғы көрсеткіштен (6,1 трлн теңге) 53,8%-ға артық. Алайда 1 ақпандағы жағдай бойынша Қаржы министрлігінің есебі оптимизмге қарағанда, көбірек күмән туғызады.

ИНФОГРАФИКА...

Танымал ресейлік жас әнші Клава Кока Қазақстанға келіп бейнебаян түсіріп жатыр. Ол бұл туралы Instagram желісінде жеткізді.

Клава Кока оған қоса «Бізді Қазақстан қалай қарсы алды» деп влог түсірген.

Ұзақ жолдан шаршап келгендеріне қарамастан, олар бірден түсірілімге кірісіп кеткен. Алдымен жол талғамайтын биік көліктерге отырып, жолсыз жермен жорытқан. Айналаның көрісіне тамсанған Клава аққуларды көріп тіпті таң-тамаша болды.

Арасында рациямен «Байланыста», «Қайдасыңдар» деп айтып, қазақша жаңа сөздер үйреніп алғанын айтты әнші.

Түсірілім Маңғыстау жерінде өтті. Референстегі ағаштың өзін дәл ұқсатып тапқан ұйымдастырушыларға Клава қатты риза болғанға ұқсайды.  

Түсірілім кезінде қатты жел тұрып, әнші қатты тоңып қалғанын да айтты. Қайтар жолда команданы...

2026 жылғы 1 наурыздан бастап Мысыр билігі туристік визаның бағасы көтерді. Енді қазақстандықтар үшін виза 20 доллар емес, 30 доллар болады. Жаңа тариф мемлекеттік шекарадағы барлық өткізу бекетінде қолданылады. Бұл туралы Cairo24 басылымы жазады.

Туроператорларға жолданған ресми хатта виза құнының өсуі елге кіру рәсімдерін оңтайландырумен байланысты екені айтылған. Себебі Мысырға келетін туристер саны өсіп келеді.

Туристік компаниялар тур бағдарламаларын алдын ала жаңартып, өзгерістерді шетелдік серіктестермен бірге келісуі керек.

Мысырдың туристік саласы өкілдерінің айтуынша, бұл шешім туризмді дамытуға және қызмет көрсету сапасын арттыруға бағытталған шаралардың бір бөлігі. Олардың пікірінше, бұл елдің туристік бағытының аймақтық және халықаралық деңгейдегі бәсекеге қабілеттілігін...

«Отбасы банк» баспана кезегінде тұрған азаматтарға өз мәліметтерін шұғыл жаңартуды және арнайы инвентаризациядан өтуді ұсынды. Бұл шара тұрғын үй кезегіндегі реттілікті қамтамасыз ету және базадағы ақпараттардың нақтылығын тексеру үшін қолға алынып отыр.

Банк басшысы Ләззат Ибрагимова бұл тексерістің себебін түсіндіре келе, көптеген азаматтардың деректері жылдар бойы жаңартылмағанын атап өтті.

«Көпшілік инвентаризацияны не үшін іске қостыңдар деп сұрап жатыр. Көп азаматтардың деректері жылдар бойы жаңартылмаған. Осы уақыт ішінде отбасы құрамы, мәртебесі, табысы және басқа да жағдайлар өзгеруі мүмкін, алайда базада ескі ақпарат сақталып қалған. Тұрғын үй мәселесінде деректердің нақтылығы аса маңызды», – дейді ол...

Әлеуметтік желіде тараған колледж жатақханасының қызметкерлері мен студенттер арасындағы даудың мән-жайы белгілі болды.

Дау неден шықты

Оқиға Түркістандағы көпбейінді индустриялық-техникалық колледжде болған.

Желідегі видеода студенттер өзгенің бөлмесін жинаудан бас тартқанын байқауға болады. Сонда да қызметкерлер олардан талап етеді. Әйтпегенде, жатақханадан шығаратынын, жуынатын бөлмеге кіргізбейтінін айтып қорқытқан.

«Өз бөлмемді тазалаймын. Жігіттердің бөлмесін тазаламаймын. Не үшін балалардың бөлмесін жинап беруім керек? Өз бөлмесін тазалау әркімнің міндеті», – дейді студент қыз.

Қызметкерлердің студенттерге түсіндіруінше, бүгін облыстық спартакиада болады. Оған келгендер жатақханаға жатқызылады. Бұдан бұрын тексеру жүреді. Ауылға үйіне кеткен студенттердің бөлмесін тазалауға қол күші жетпей тұр. Десе де...

Астана көшелерінде референдумға баруға үндейтін баннер мәтінінде қате кеткен. Әлеуметтік желі қолданушылары қатенің қазақ тіліндегі нұсқасында кеткенін айтып, фотолар жариялады.

Оқырмандар KursivMedia редакциясына жолдаған фотолардың бірінде «Әрқайсымыздың дауысымыз маңызды» ұранының орнына «әрқаисымыздың дауысымыз маңызды» деп жазылған.

Редакция мұндай қателікті кім жібергенін орталық референдум комиссиясы мүшелерінен сұрады.

«Азаматтардың бұл туралы әлеуметтік желіде жазғанын көрдік. Астана аумақтық комиссиясы берген мәліметке сәйкес, баспахана техникалық қате жіберген. Баспахана қателікті өз қаражатына уақытында түзетті», – дейді комиссия мүшесі Ләззат Сүйіндік.

Айтуынша, қате кеткен баннердің барлығы елорда көшелерінен алынды.

Айта кетейік, референдум өткізуге жалпы 20,8 млрд теңгеге жуық қаражат бөлінген...