Жаңалықтар

Қазақстандықтардың депозиттегі ақшасына түскен сыйақыға салық салынбайды. Банктегі депозитте жинақталған қаржыға 5 пайыз салық есептеледі деген ақпарат – жалған. Бұл туралы Ұлттық экономика министрлігі хабарлайды.

Өйткені заң бойынша жеке тұлғалардың депозиттеріне түсетін сыйақыға жеке табыс салығы салынбайды. Бұл ереже Салық кодексінің 430-бабында жазылған.

«ҚР Үкіметі бұл норманын күшін жою және депозиттер бойынша сыйақыларға салық енгізу мәселесін қарастырып жатқан жоқ», – делінген хабарламада.

Халықтың депозитте жинаған ақшасы бір жылда 4,5 трлн теңгеге өсіп, 24 трлн теңгеге жетті. 

Халықтың жинаған ақшасының 96%-ға жуығы негізгі он ірі қаржы институтында шоғырланған...

Британдық актер Тим Карри 80 жасында Лос-Анджелесте қайтыс болды. Актердің менеджері Карридің өз үйінде көз жұмғанын хабарлады, өлім себебі белгісіз деп жазады ВВС.

Актер 1946 жылы Англияның Чешир графтығында дүниеге келген. Өнер жолын Лондондағы Вест-Энд театрларынан бастаған. 1975 жылы «Рокки Хоррордың қорқынышты шоуы» фильмі шыққаннан кейін танымал болды.

Карри көбіне басты кейіпкерлерді емес, екінші пландағы рөлдерді сомдағанымен, оның кейіпкерлері көрерменнің есінде ерекше қалды. «Үйде жалғыз – 2» фильмінде Plaza қонақүйінің консьержі Хектор мырзаның рөлі де оның жұлдызын жақты. Ал 1993 жылы түсірілген «Үш ноян» картинасында кардинал Ришельенің рөлін ойнаған еді.

Дегенмен Тим Карри көрерменге Стивен Кингтің «Оно» романы...

Әйелдер теннис қауымдастығы (WTA) ресми сайтында қазақстандық теннисші Елена Рыбакина қандай жағдайда әлемнің бірінші ракеткасы атануы мүмкін екенін жазды, деп хабарлайды Kursiv.Media.

Рыбакина US Open корттарына шықпай-ақ әлемнің №1 теннисшісі атануы ғажап емес. Ол үшін басты қарсыластары – Арина Соболенко, Джессика Пегула және Кори Гауфф турнирдің жеңімпазы атанбауы керек.

Рейтингтегі жағдай мен мүмкіндіктер

Елена Рыбакина

Турнир алдында ең тиімді позицияға ие. Рыбакина жартылай финалға жетсе, ешқандай қарсыласының нәтижесіне қарамастан 8681 ұпай жинап, әлемдік рейтингте көш бастайды. Тіпті ерте кезеңде ұтылған жағдайда да қарсыластарының сүрінуі арқылы бірінші орынға көтерілу мүмкіндігі бар.

Арина Соболенко

Бірінші орынды сақтап...

FlyArystan әуекомпаниясы халықаралық бағыттар желісін кеңейтіп, Ақтау – Ереван – Ақтау бағыты бойынша тікелей әуе қатынасын қайта іске қосады.

Компания хабарлауынша, рейстер 2026 жылғы 16 желтоқсаннан бастап аптасына екі рет – сәрсенбі және жұма күндері орындалады. FlyArystan Ақтау – Ереван бағыты бойынша тікелей рейстерді алғаш рет 2023 жылғы мамырда іске қосқан болатын.

«Бұл бағыттың қайта іске қосылуы Ақтау және Қазақстанның батыс өңіріндегі басқа да қалалардың тұрғындарына Арменияға тікелей ұшуға қосымша мүмкіндік береді», – делінген хабарламада.

Сәрсенбі күндері рейс Ақтаудан сағат 12:35-те ұшып, Ереванға 13:20-да қонады. Кері рейс Ереваннан 14:20-да ұшып, Ақтауға 17:00-де келед...

Қазақстанда шетелдік нөмірмен жүру үшін тек сақтандыру рәсімдеу жеткіліксіз. Егер көлік Қазақстанда тіркелуге тиіс болса, оны тіркеусіз тек сақтандыру рәсімдеп пайдалану мүмкін емес. Бұл туралы Kursiv.media Fingramota.kz-ке сілтеме жасап хабарлайды.

Талаптар көлік иесінің қай елде тұрақты тұратынына, автокөліктің кімге тиесілі екеніне және оның Қазақстанға қандай негізде әкелінгеніне байланысты.

Шетелдік нөмірмен уақытша жүруге кімдерге рұқсат етіледі

Шетелде тіркелген көліктің болуы оған халықаралық қозғалысқа қатысушы көлік мәртебесін бермейді.

«Мұндай мәртебе Қазақстанда тұруға ықтиярхаты жоқ шетелдік немесе азаматтығы жоқ адам пайдаланатын көлікке беріледі. Бұл ретте автомобиль елден тыс жерде тұрақты тұратын немесе орналасқан адамға...

Президент Қасым-Жомарт Тоқаев бірқатар лауазымды тұлғаларды қызметінен босатты. Бұл туралы Ақорданың баспасөз қызметі хабарлады.

Мемлекет басшысының Жарлығымен Сатыбалды Ересұлы Бұршақов Қазақстан Республикасының Солтүстік Македония Республикасындағы Төтенше және Өкілетті Елшісі лауазымынан босатылды.

Сонымен қатар Дархан Мейрамұлы Ахмедиев Қазақстан Республикасы Қорғаныс министрінің орынбасары қызметінен кетті.

Дәл осындай президенттің Жарлығымен Абай Алтай Қазақстан Республикасы Президенті Іс басқарушысының орынбасары лауазымынан босатылды.

Сондай-ақ Ербол Дәненұлы Адаев та Қазақстан Республикасы Президенті Әкімшілігінің Жалпы бөлімінің меңгерушісі лауазымынан босатылды.

Бұған дейін Тоқаев бірнеше елде Қазақстанның жаңа елшілерін тағайындады.

Түркістан облысы Леңгір қаласында үйге ұрлыққа түсіп, әйелді оңдырмай ұрған күдіктілер ұсталды.

Леңгірде түнгі уақытта екі белгісіз адам жергілікті тұрғынның үйіне кіріп, бір сағат бойы аяусыз ұрып-соғып, телефонын алып кеткен еді.

«Тәжірибелі криминалдық полиция қызметкерлері жедел-іздестіру іс-шараларының кешенін жүргізіп, күдіктілердің жеке басын және олардың орналасқан жерін анықтады. Күдікті ретінде Төлеби ауданының екі тұрғыны ұсталып, қамауға алынды», – делінген полиция ақпаратында.

Аталған факті бойынша қылмыстық іс қозғалды. Тергеу барысы Түркістан облысы полиция департаменті басшылығының бақылауында.

Айта кететін жайт, беті-аузы көгеріп, ісіп кеткен әйелдің видеосы әлеуметтік желілерде тарады. Видеода орта жастағы әйелдің кеудесі түгел қанға боялғаны

1 қазаннан бастап Алматы – Ташкент бағытындағы халықаралық пойызда әйелдерге арналған арнайы вагон пайда болады. Бұл туралы «Жолаушылар тасымалы» АҚ хабарлады.

Компания мәліметінше, ұлттық тасымалдаушы алғаш рет халықаралық бағытта «Әйелдер вагонын»іске қосып отыр. Бұған дейін мұндай вагондар тек Қазақстан ішіндегі пойыздарда қолданылған.

«Әйелдер вагонына» билетті тек әйелдер сатып ала алады. Олармен бірге жеті жасқа дейінгі ұл балаларға жүруге рұқсат етіледі. Вагонда тек әйел жолсеріктер қызмет көрсетеді.

«Бағытқа сұраныстың жоғары болуы және жолаушылар ағынының өсуіне байланысты бұл бағытта «Әйелдер вагонын» іске қосу туралы шешім қабылданды. Бұл қызмет ішкі теміржол бағыттарында да үлкен сұранысқа ие», – деді «Жолаушылар тасымалы» А...

«Ұмай» ипотекасына өтініш қабылдау 31 тамыздан басталады. Бұл туралы Отбасы банк хабарлайды.

«Бағдарлама ESG қағидаттарын ескере отырып әзірленген және Қазақстандағы әйелдердің тұрғын үй сатып алу мүмкіндіктерін кеңейтуге бағытталған. Бағдарлама аясында бастапқы жарна төмендетілген, басқа жылжымайтын мүліктің болуына шектеу қойылмайды. Тұрғын үйді Қазақстанның кез келген қаласынан сатып алуға болады және тіркелген мекенжайға қойылатын талап жоқ», – делінген хабарламада.

«Ұмай» бағдарламасын «Азия даму банкі» қаржыландырып отыр. Қаржы кезең-кезеңімен аударылады, әзірге «Отбасы банкке» 9 млрд теңге көлеміндегі алғашқы транш бөлінген.

Бағдарлама аясында сатып алуға 50 млн теңгеге дейін, ал баспананы жөндеуге 15 млн...

«ФудМастер» компаниясы 2025 жылы 12,07 млрд теңге таза пайда тапқан. Соның 3,8 млрд теңгесі акционеріне дивиденд ретінде төленсе, қалғаны өндірісті жаңартуға жұмсалмақ. Бұл туралы компанияның қаржы есептілігі депозитарийіне жолдаған хабарламасында жазылған. Пайданы бөлу туралы шешім 2026 жылдың 24 тамызында бекітілген.

2025 жылдың дивидендтері 2026 жылдың 15 қазанына дейін евро валютасымен қолма-қол ақшасыз төлем арқылы өтеледі. Каржы бельгиялық B.S.A. INTERNATIONAL компаниясының есепшотына түседі.

Құжатқа сәйкес, директорлар кеңесінің мүшелеріне сыйақы төленбейді. Ал атқарушы органның 2025 жылғы еңбекақысы салық пен мен міндетті аударымдар шегерілгеннен кейін 841 мың теңгені құрады.

Акционері кім?

«ФудМастер» АҚ-ны...

«Әділет» партиясы депутаттық мандатқа ие болған 110 кандидаттың тізімін жариялады.

Депутаттардың 37-сі әйел (33,6%), 13-і жас (11,8%), 2-еуі ерекше қажеттіліктері бар адам (1,8%). 21-і (19%) – өзге ұлт өкілі. Орташа жасы – 46,7 жас.

Олардың қатарында Ұлттық Құрылтайдың бұрынғы 13 мүшесі, Мәжілістің 20 экс-депутаты және Сенаттың 4 экс-депутаты бар.

Жалпы, Парламентте депутаттық тәжірибесі бар 24 адам бар. Сонымен қатар 10 адам Президенттік жастар кадр резервінің мүшесі, 4-еуі Президент жанындағы Жастар саясаты жөніндегі кеңестің мүшесі, 5-еуі Президент жанындағы Әйелдер істері және отбасылық-демографиялық саясат жөніндегі ұлттық комиссияның мүшесі. Тағы 26 адам мәслихат депутаты болып сайланған.

Құрамда әртүрлі саланың мамандары бар...

УЕФА Чемпиондар лигасының 2026/2027 жылғы маусымының негізгі кезеңінде бақ сынайтын барлық 36 ұжым анықталды.

Турнирге қатысушылардың басым бөлігі – 29 клуб өз елдерінің ұлттық чемпионаттарының қорытындысы бойынша тікелей жолдама алды. Ал қалған 7 ұжым іріктеу кезеңі арқылы жарысқа жол тартты. Жалпы кезеңнің соңғы жолдамаларына «Фенербахче», АЕК, «Викинг» және «Слован» командалары ие болды.

Еуропаның ең беделді клубтық турнирінде бақ сынайтын ұжымдардың толық тізімі:

Apple-дің жаңа өнімдері 9 қыркүйекте таныстырылады. Компания іс-шара барысында iPhone-ның жаңа сериясын және болжам бойынша алғашқы бүктелетін смартфонын таныстыруы мүмкін. Бұл туралы Reuters хабарлады.

Бұл шара Apple компаниясының жаңа бас директоры Джон Тернус басшылығымен өтетін алғашқы ірі тұсаукесер болмақ. Ол 1 қыркүйекте компания басшылығына кіріседі. Ал Тим Кук атқарушы төраға қызметіне ауысады.

Тернус көп жыл бойы Apple компаниясының аппараттық өнімдерін әзірлеуге жетекшілік еткен. Сарапшылардың пікірінше, оның бас директор болып тағайындалуы компанияның негізгі бағытына – құрылғылар жасауға қайтадан басымдық беретінін көрсетеді.

Алғашқы бүктелмелі iPhone таныстырылады

Сарапшылардың болжамынша, Apple-дің алғашқы бүктелмелі смартфоны iPhone Ultra iPad mini экранына шамалас дисплеймен...

Актриса Сая Оразғалиева Айнұр Ілиясоваға берген сұхбатында жеке өміріндегі жаңалықтарын айтып, отбасылық жоспарлары туралы сыр шертті.

Актрисаның айтуынша, қазіргі сүйіктісі – фитнес-жаттықтырушы Рүстем Алмағамбетов. Екеуі алғаш рет фитнес залында танысып, спорт пен салауатты өмір салты арқылы бір-бірінің жүрегіне жол тапқан.

Сұхбат барысында Сая отбасындағы сыйластық пен тыныштықтың маңыздылығын атап өтті. Сонымен қатар ол ана бақытын қайта сезінгісі келетінін де жасырмады. 38 жастағы актриса қыз тууды армандап жүргенін және денсаулығын тексертіп, осы жоспарын іске асыруды көздеп отырғанын жеткізді.

Бұған дейін, Сая Оразғалиева Италияға барып, туған күнін жападан жалғыз қарсы алған еді.

Қазақстанда QR-төлем, телефон нөмірі арқылы жасалатын аударым, электрондық ақша мен цифрлық теңге қызметтері қосылған құн салығынан (ҚҚС) босатылуы мүмкін. Бұл мәселе Ұлттық экономика министрі Серік Жұманғариннің төрағалығымен өткен Жаңа Салық кодексін енгізу жөніндегі Жобалық кеңсе отырысында талқыланды.

Қазір мұндай салық жеңілдігі төлем картасымен жасалатын операцияларға ғана қолданылады. Бұл норма банк карталары ең кең таралған құрал болған шақта енгізілген еді.

Алайда соңғы жылдары еліміздегі төлем нарығы түбегейлі өзгерді. Халық арасында QR-кодпен төлеу, мобильді аударымдар жасау және цифрлық теңгені қолдану қарқынды дамып келеді. Тіпті QR-төлемдер POS-терминалдар арқылы жасалатын стандартты есеп айырысуларды басып озды.

Салық заңнамасына өзгеріс енгізіледі

Осыған байланысты қаржы...

14 жыл бұрын Павлодар облысында ауыр қылмыс жасалды. Күдікті 62 жастағы әйелді зорлап, артынша өлтірген. Араға ұзақ жылдар салып, ауыр қылмыстың артында кім тұрғаны анықталды.

Оқиға қалай болды?

Ішкі істер министрлігінің мәліметінше, 2012 жылы бау-бақша қоғамдастығының аумағында 62 жастағы әйелді біреу зорлап, артынша өлтірілген.

Сол кезде қылмыскерді анықтау мүмкін болмаған. Бірақ істі ашу бойынша жұмыс жалғасты. Жедел қызметкерлер мен криминалистер істі қайта зерделеді.

Тексеру нәтижесінде күдікті анықталды. Ол 1964 жылы туған, бұрын сотталған ер адам болып шықты. ДНҚ сараптамасы оның қылмысқа қатысы бар екенін растады.

Ер адам кінәсін мойындады. Ол ұсталып, сот санкциясымен қамауға алынды. Қылмыс...

Meta компаниясы балалар мен жасөспірімдерге зиян келтірді деген айып бойынша АҚШ штаттарымен сот дауын реттеу үшін шамамен 18 млрд доллар төлеуге келісті.
Бұл туралы CNN хабарлады.

АҚШ-тың 29 штатының бас прокурорлары Meta компаниясын әлеуметтік желілерді балаларды ұзақ уақыт ұстап тұратындай етіп әдейі жасаған деп айыптаған. Олардың пікірінше, лентаны шексіз айналдыру, алгоритмдік ұсыныстар мен жиі жіберілетін хабарламалар жасөспірімдерді платформада көбірек уақыт өткізуге ынталандырады.

Сонымен қатар компания әлеуметтік желілердің балаларға төндіретін қаупін жасырды, ата-анасының келісімінсіз 13 жасқа толмаған балалардың деректерін жинады деп айыптады. Meta бұған дейін бұл айыптауларды жоққа шығарып келген.

Енді келісім аясында Meta Facebook пен...

Ақтөбеде былтыр 2 желтоқсанда анасына пышақ салып, өлтірді деп айыпталған 16 жастағы оқушыға қатысты сот басталды.

Halyqstan ақпаратына қарағанда, осы уақыт аралығында биыл көктемде 11-сыныпты бітіруге тиіс жасөспірім арнайы медициналық мекемеде болған. Оған ресми түрде созылмалы шизофрения диагнозы қойылған.

Сотта анықталғандай, қайғылы оқиға болған түні жасөспірім анасымен сөйлескісі келген. Себебі ол анасы таңдаған бейіндік пәндерге – химия мен биологияға қарсы болған. Алайда әңгіме қызу жанжалға ұласып, соңы қайғылы жағдаймен аяқталған.

Бұған дейін жасөспірім түрлі зияткерлік байқауларға қатысып, кейін жекеменшік мектепке ауыстырылған. Онда бірқатар пәнді, соның ішінде химия мен биологияны тереңдетіп оқыған.

Іс бойынша жәбірленуші ретінде жасөспірімнің 73 жастағы...

Қазақстан мен Сауд Арабиясы арасындағы тұрақты әуе рейстерінің саны артады. Екі ел аптасына орындалатын рейстер санын 28-ден 70-ке дейін көбейтуге келісті. Бұл туралы Эр-Риядта Қазақстан мен Сауд Арабиясы үкіметтері арасында өткен жиында белгілі болды.

Жаңа келісім екі ел арасындағы тұрақты әуе қатынасын кеңейтуге мүмкіндік береді. Оның аясында әуе тасымалдаушылары Астана мен Эр-Рияд арасында тікелей рейстер ашуды жоспарлап отыр. Сонымен қатар Сауд Арабиясының басқа қалаларына қатынайтын бағыттардың санын көбейту көзделген.

Көлік министрлігінің мәліметінше, жаңа әуе бағыттары Қазақстан мен Сауд Арабиясы арасындағы сауда-экономикалық және іскерлік байланыстарды дамытуға, инвестиция тартуға, сондай-ақ туризм мен мәдени ынтымақтастықты күшейтуге мүмкіндік береді.

Оқи отырыңыз: Рейс кешіксе...

Непалдың Қытаймен шекаралас таулы Расува ауданында болған су тасқынынан кемінде 157 адам қаза тапты. Тағы 384 адам хабар-ошарсыз кеткен.

Непалдың Туризм министрлігінің мәліметінше, олардың ішінде Германия, Испания, Нидерланд, АҚШ, Аустралия және Ұлыбритания азаматтары бар. Жоғалған туристердің басым бөлігі Үндістан азаматтары екені де хабарланды. Сондай-ақ 26 полиция қызметкері де із-түссіз кеткен.

Су тасқыны Бхоте-Коси өзеніндегі су деңгейінің көтерілуінен болған. Өзен Тибеттен басталып, Непал аумағы арқылы ағады. Табиғи апаттан өзен маңындағы Тимуре мен Сьяпрубеси елді мекендері қатты зардап шекті. Тасқын су базарлар мен тұрғын үйлерді басып, полиция бөлімшелері мен гидроэнергетикалық нысандарға зақым келтірген. Бірқатар көпір мен жол қираған.

Апаттың нақты...

«Бернли» футбол клубы Англия лигасы кубогының 1/32 финалы аясында сырт алаңда «Брэдфорд Ситиге» есе жіберіп, турнирдегі жолын аяқтады.

Брэдфордтағы «Вэлли Пэрейд» стадионында өткен кездесудің негізгі уақытында есеп ашылмай, 0:0 есебімен тең аяқталды. Регламентке сәйкес, матч соңы бірден пенальти сериясына ұласып, онда алаң иелері 4:2 есебімен жеңіске жетті.

Қазақстан құрамасының шабуылшысы Дастан Сәтбаев мансабында алғаш рет «Бернлидің» негізгі құрамында алаңға шықты. 18 жастағы футболшы 80 минут өнер көрсетіп, қарсылас қақпасына екі соққы бағыттады және 35 пастың 30-ын дәл орындады.

Еске сала кетейік, Дастан «Бернлиге» «Челсиден» жалға беру құқығымен ауысқан еді. Бұған дейін, алғашқы сұхбатын беріп үлгерді.

Қазақстандық шабуылшы Дастан Сәтбаев ағылшындық «Бернли» клубының негізгі құрамында алғаш рет алаңға шығады, деп хабарлайды Kursiv.Sport.

18 жастағы форвард Ағылшын лигасы кубогының екінші кезеңі аясындағы «Брэдфорд Ситиге» қарсы сырттағы өтетін матчты алғашқы минуттардан бастайды. Кездесу Брэдфордтағы «Вэлли Пэрейд» стадионында өтеді.

Сәтбаев үшін бұл «Бернлидің» бастапқы құрамындағы алғашқы матчы болмақ. Бұған дейін қазақстандық футболшы ағылшындық клуб сапында Чемпионшиптің екінші турында «Вест Бромвичке» қарсы ойында дебют жасаған еді.

Сол кездесуде Сәтбаев алаңға 57-минутта шығып, 33 минут өткізді. «Бернли» 1:3 есебімен жол берді.

Енді 18 жастағы шабуылшы ағылшындық клуб сапындағы ресми матчты алғаш рет бастапқы минуттардан бастауға мүмкіндік алды.

Еске сала кетейік, Дастан...

Астанадағы «Әзірет Сұлтан» мешітінде Қазақстан мұсылмандары діни басқармасы (ҚМДБ) ұйымдастырған ІI республикалық «Үздік имам» интеллектуалды білім сайысы мәресіне жетті, деп хабарлайды Кursiv.Media.

Салтанатты марапаттау шарасына ҚМДБ Төрағасы, Бас мүфти Наурызбай қажы Тағанұлы арнайы қатысып, қатысушыларға өз игі тілегін білдірді.

Бас мүфти өз сөзінде бұл доданың басты мақсаты – дін қызметкерлерінің біліктілігін арттыру және өзара тәжірибе алмасу екенін ерекше атап өтті.

«Сіздер бұл додаға білімдеріңізді шыңдау, кәсіби деңгейлеріңізді көтеру мақсатында келдіңіздер. Сондықтан бұл жарысқа қатысқан әрбір имамды жеңімпаз деп санауға болады. Исламда білімнің орны қашанда бөлек. Құрандағы «Раббым, білімімді арттыр!» деген аят мұсылман баласының өмір бойы іздену...

Алматыда 2026 жылғы 31 тамыздан бастап Саин көшесіндегі қоғамдық көлікке арналған арнайы бөлінген жолақ жойылады, деп хабарлайды Кursiv.Media.

Әкімдік ақпаратына сүйенсек, пилоттық жоба аяқталды, ал оның нәтижелерін қаланың негізгі магистральдарындағы автобустардың бірыңғай басымдық схемасын әзірлеу кезінде пайдалану жоспарлануда.

Саин көшесіндегі бөлінген жолақ Алматының ең жүктемесі көп магистральдарының бірінде қоғамдық көлікке қаншалықты көмектесетінін тексеру үшін 20 маусымнан бастап тест режимінде іске қосылған.

Мониторинг қорытындысы бойынша автобустар шынымен де жылдамырақ жүре бастаған. Таңертеңгі қарбалас сәтте орташа жылдамдық 26,2-ден 31,8 км/сағ-қа дейін, кешке 25-тен 30,4 км/сағ-қа дейін өсті.

Қозғалыс аралығы да қысқарды. Толық бір күн ішінде ол 13,6-дан 12 минутқа дейін, ал таңертеңг...