Жаңалықтар

Freedom Holding Corp. басшысы Тимур Турлов Arbuz онлайн-супермаркеті алдағы уақытта тауарды пилотсыз көліктермен жеткізуге көшуі мүмкін екенін айтты. Бұл технология оны кәдімгі жеткізу қызметінен де арзандаған кезде іске қосылады.

Сонымен қатар, қазірдің өзінде сервис Алматыда тапсырысты пилотсыз ұшу аппараттары (БПЛА) арқылы жеткізуді сынақтан өткізіп жатыр.

«Әрине беспилотты көліктер арқылы тауар жеткізу мүмкіндігін қарастырамыз. Бізде жалпы пайдаланымдағы жолдармен жүре алатын, сонымен қатар тротуарлар мен қалалық ортадан өте алатын робот-иттер трегі бар. Бізде үлкен Freedom Ex зертханасы жұмыс істейді. Онда біз жасанды интеллектпен белсенді жұмыс істеп, әртүрлі қытайлық роботтар үшін өз софтымызды (бағдарламалық жасақтама) жазып жатырмыз», – дед...

Қарағандыда жасөспірім мен анасын өлтірді деген күдіктінің мәйіті табылды. Бұл туралы облыстық полиция департаменті хабарлады.

Алдын-ала мәліметі бойынша, ол өзіне қол салған.

«Криминалдық полиция қызметкерлерімен Ақтоғай ауданында жүргізілген жедел-іздестіру іс-шаралары барысында Қарағанды қаласында әйел мен оның қызын өлтірді деген күдікке ілінген 39 жастағы ер адамның мәйітін табылды. Алдын ала мәліметтерге сәйкес, күдікті өзіне тіркелген қаруды пайдаланып, өз-өзіне қол жұмсаған», – деп жазылған баспасөз қызметі таратқан хабарламада.

Бүгін таңертең Қарағанды қаласындағы пәтерлердің бірінде бір әйел мен оның кәмелет жасқа толмаған қызының мәйіті табылған. Тергеу мәліметінше, оларды зорлықпен өлтірген болуы мүмкін.

27 наурызда Алакөл жағалауы жөнінде арнайы жиын өтіп, туристік мекенді дамытудың 2026-2028 жылдарға арналған жол картасы бекітілді. Абай облысының әкімі Берік Уәлидің мәлімдеуінше, мәселені президент бақылап отыр.

Жолдар жөнделеді

Өңір әкімдігінің мәліметінше, құжат Алакөлдің туристік әлеуетін арттыруды, жағалау инфрақұрылымын дамытуды көздейді.

Атап айтқанда, электр желілері тартылып, су және кәріз жүйелері салынады. Тазарту қондырғылары орнатылып, жағалау нығайтылады. Сонымен қатар санитарлық тораптар қойылып, жарық тартылады.

«Биыл көл жағалауына жасанды интеллектімен интеграцияланған 115 бейнекамера орнатылады. Оның 22-сі жағалау сызығында қауіпсіздікті қамтамасыз ету үшін қойылады», – деп хабарлады облыс әкімдігінің баспасөз қызметі.

Бұған қоса, барлық нысандар...

Алматыда полицейлер 500 келіден астам, шамамен 2,5 мың доза есірткінің айналымға шығуына жол бермеді.

Бұл туралы халық алдында есеп беру кездесуінде Алматы қаласы полиция департаментінің бастығы Айдын Кабдулдинов мәлімдеген.

Оның деректеріне сәйкес, есепті кезеңде есірткінің заңсыз айналымы саласында 629 құқық бұзушылықтың жолы кесілген. Оның ішінде 279-ы – өткізу фактілері.

Көлеңкелі нарыққа 500 келіден астам есірткі затының түсуіне жол берілмеген. Оның ішінде 54 келіден астамы синтетикалық заттар. Осылайша шамамен 2,5 мың доза есірткі айналымға түспей, қоғамнан оқшауланды.

– Есірткі қылмысы – ұлт денсаулығына және жастардың болашағына тікелей қауіп. Ішкі істер министрінің тапсырмасы бойынша және ведомствоның тұрақты бақылауында...

Қарағандылық «Шахтер» футбол клубының тізгінін жақында ғана қолға алған тәжірибелі маман Дмитрий Огай өз еркімен қызметінен кететінін мәлімдеді. Маусымның басталуына санаулы күндер қалғанда орын алған жайт желіде қызу талқыға түсті.

Дмитрий Огайдың мәлімдемесі

Дмитрий Огайдың айтуынша, Тимур Турлов пен Рохус Шох жасаған ұсыныстан бас тарта алмаған. Алайда оқу-жаттығу жиындары аяқталған соң, бірқатар себептерге байланысты басшылықтан өзін қызметтен босатуды сұраған.

«Біз мықты жаттықтырушылар штабын құрдық, маусым алдындағы жиындарды тиімді өткізіп, мақсатты орындай алатын команда жинадық. Дегенмен жиын аяқталған соң мен осындай қиын шешім қабылдауға мәжбүр болдым», – деді маман қоштасу хатында.

Айта кетейік, Дмитрий Огай...

Digital Kazakhstan халықаралық форумында Жасанды интеллект және цифрлық даму вице-министрі Дмитрий Мун жасанды интеллект ұлттық платформасын таныстырды.

Біртұтас экожүйе суперкомпьютерлер, үлкен тілдік модельдер және 120-дан астам мемлекеттік деректер базасын біріктіріп, мемлекеттік секторда ЖИ-шешімдерін енгізудің негізіне айналғаны айтылды.

Платформа аясында азаматтар мен мемлекеттік аппарат үшін 50-ден астам мамандандырылған ЖИ-агенттері жасалған.

Қазіргі таңда ЖИ-көмекшісі 5,5 миллион сұраныстың 1 миллионнан астамын өңдеп, 16 мемлекеттік органның жұмысын жеделдеткен. Сондай-ақ қызметкерлер 400 мыңнан астам аударма жасаған қауіпсіз ЖИ-аудармашыны және отырыстарды автоматты хаттамалау жүйелерін қолданады.

Оқыту барысында 60 мыңнан астам қызметкер AI Qyzmet курстарынан өтіп, платформаны пайдаланушылар саны 15 мыңнан асқан. Инновацияның негізі ретінде...

28 наурыз күні Армения астанасы Еревандағы «Tashir Arena» кешенінде бүкіл Азия жұртшылығы асыға күткен Hype Fighting Asia турнирі өтеді.

Кештің басты жекпе-жегінде Еркебұлан Тоқтар мен Қырғызстанның жеңіліс көрмеген файтері Марсель Нұрланбекұлы кездеседі.

Тікелей эфир: қайдан және қашан көреміз

Жекпе-жектің трансляциясы телеарналарда көрсетілмейді. Сондықтан жанкүйерлер мына платформаларды пайдалана алады:

Kick платформасы (Негізгі трансляция): Турнирдің ресми көрсетілімі kick.com/hypefighting арнасында жүргізіледі. Бұл лиганың негізгі стримингтік серіктесі.

Турнирдің басталуы Астана уақытымен кешкі сағат 19:00-20:00 шамасында жоспарланған. Ал Еркебұлан мен Марсельдің кездесуі кештің соңында, шамамен 22:00-ден кейін басталады деп күтіліп отыр.

Жекпе-жектің ерекшелігі

Айқас классикалық ММА емес, бокс ережес...

Қайырымдылыққа жиналған қаражатты жымқырғаны үшін сотталған «Biz birgemiz» қорының бұрынғы басшысы Перизат Қайраттың автокөліктерінің бірі сатылымға шығарылды деп жазады Қазақпарат.

Астана қаласының Мемлекеттік мүлік және жекешелендіру департаменті мемлекеттік нөмірі 777KPK01 болатын қара түсті Mercedes-Benz S450 көлігін сату туралы хабарландыру жариялады.

Көлік жиынтығында Pandora дабыл жүйесі бар кілт қарастырылған. Алайда аккумулятордың қуаты таусылғандықтан, көліктің техникалық жағдайын тексеру мүмкін болмаған. Авто 79 415 000 теңге деп бағаланған.  Сауда 2026 жылғы 7 сәуірде сағат 10:00-де өтеді.

Қазір автокөлікті мемлекеттік мекеме немесе мемлекеттік кәсіпорын нысанында тіркелген заңды тұлғалар ғана ала алады. Егер мемлекеттік органдардың иелігіне берілмесе, онда лот барлық ниет білдірушілер (жеке тұлғалар мен жеке компаниялар) үшін ашы...

21 сәуір күні NASA-ның Goddard Space Flight Center орталығында жаратылыс құпиясын ашатын жаңа телескоп таныстырылмақ.

Nancy Grace Roman Space Telescope атты телескоп жуырда толық құрастырылып біткен. Қазіргі таңда бірегей жоба ұшырылым алдындағы соңғы сынақ кезеңінен өтіп жатыр. Ресми ұшатын уақыт 2026 жылдың күзінің басына жоспарланып отыр.

Ғарыш зерттеулеріндегі жаңа кезең

Nancy Grace Roman телескопы NASA-ның алғашқы бас астрономы Нэнси Грейс Романның құрметіне аталған. Бұл – агенттіктің ең ірі әрі стратегиялық жобаларының бірі. Ол ғарыштың кең панорамалық көрінісін жасайды. Бұрын-соңды болмаған дәлдікпен сурет түсіруге мүмкіндік береді. Ғалымдардың айтуынша, обсерватория Әлем туралы түсінікті түбегейлі өзгертеді. Көптеген жаңа аспан денелерін

Қазақстанда мерзімді әскери қызметке енді онлайн өтініш беруге болады. Қорғаныс министрлігі мүмкіндік myarmy.kz платформасы арқылы іске қосылғанын хабарлады.

Жаңа жүйе SARBAZ+ жобасы аясында жүзеге асып жатыр. Үміткер сайтқа кіріп, шарттармен танысып, өтінімді толтырады. Одан кейін процес автоматты түрде жүреді: тексеріс, медициналық комиссия, сұхбат және соңғы шешім.

«Алдымен қабылданған өтінім мұқият тексеріледі. Содан соң әскери комиссариатқа медициналық тексеруден өту үшін шақыру келеді. Кейін әскери бөлім өкілдерімен әңгімелесу өткізіледі. Соның нәтижесінде үміткерді қабылдау немесе бас тарту туралы шешім шығарылады. Барлық кезең түсінікті әрі ашық, ал қажетті құжаттар тізімі сайтта көрсетілген»,  – делінген министрлік хабарламасында.

Ақтөбе облысының прокуратурасы қабылданған шаралардың нәтижесінде ауқымды орман алқабы мемлекет есебіне алынғанын хабарлады.
 
Ақтөбе облысының Табиғат қорғау прокуратурасы «Қазақстан Ғарыш Сапары» спутниктік мониторинг жүйесінің көмегімен іс жүзінде орманмен жабылған, бірақ есепке алынбаған жерлерді анықтады.

«Прокурорлық ден қою шараларының нәтижесінде Шалқар ауданында 22 мың гектар және Байғанин ауданында 95 мың гектар жер Байғанин орман шаруашылығының қарамағына берілді», – делінген Ақтөбе облысының прокуратурасы хабарламасында.

Жерге орналастыру рәсімдері аяқталғаннан кейін аталған жерлер орман қоры жерлеріне ауыстырылады. Нәтижесінде облыстың орман қорының аумағы 30 пайызға артып, 254 мың гектардан 371 мың гектарға дейін ұлғаяды, бұл ормандарды қорғау мен сақтауға...

Ирандағы соғыс маусым айына дейін созылып, Ормұз бұғазы ашылмаса, мұнайдың бір баррелінің бағасы 200 долларға дейін көтерілуі мүмкін. Macquarie Group Ltd. мәліметін Bloomberg жариялады.

Мұнайдың тарихи межесі

Сарапшылар жанжал екінші тоқсанға дейін тыйылмаса, қара алтын құны рекордтық межеге дейін көтерілуі әбден мүмкін деп есептейді. Олар болжамның жүзеге асу мүмкіндігін 40%-ға балап отыр. Соғыс наурыздың аяғында аяқталады деген балама болжам да бар.

Бұл уақытта АҚШ президенті Дональд Трамп Иран электр станцияларын соққылауды тағы 10 күнге, яғни 7 сәуірге дейін тоқтатты.

«Иран үкіметінің өтінішінен соң, мен электр станцияларына жойқын соққы жасауды 10 күнге тоқтатқанымды мәлімдеймін...

Компанияға капитал бизнесті ашық жүргізген кезде ғана құйылады. Бұл туралы Freedom Holding Corp. бас атқарушы директоры Тимур Турлов Шымкентте өткен Digital Qazaqstan форумында айтты.

Панельдік сессия барысында Турловқа «өңірдегі компаниялар қомақты инвестиция тартуы үшін не істеуі керек» деген сауал қойылды. Осы сауалға жауап бере отырып Турлов компания қай жерде тіркелмесін, ашық жұмыс істесе ғана, ісі өрге басатынын айтты.

«Бұл көптеген инвестициялық банкирлердің сүйікті сұрағы. Астанадағы бизнес өкілдері секілді капитал тарту үшін, бизнесті де дәл солай жүргізу қажет. Бұл оңай шаруа емес. Сен бизнесіңді ашық жүргізген кезде ғана, қомақты капиталға жол ашылады: салықтан жалтармай, ашық төлеген кезде...

Жапондық «Toyota» жиырма жылдан аса уақыттан соң өндірістен алынған моделін қайта жандандырмақ. Компания Toyota Celica-ның нарыққа қайта шығаратынын ресми түрде хабарлады. Бұл туралы Autocar баслымы хабарлады.

Жаңартылған нұсқа несімен ерекшеленеді

Toyota GR Yaris пен GR Corolla модельдеріндегі 1,6 литрлік турбомотордан бас тартты. Себебі компания экологиялық нормалар қатаң ұстануды жөн санаған.

«1,6 литрлік көлем жаңа шығарындылар стандарттарына сәйкес келе алмайды, сондықтан біз 2,0 литрлік агрегатты қарастыруға мәжбүр болдық», –  деп түсіндірді Gazoo Racing маркетинг бөлімінің жетекшісі Микио Хаяси.

Капот астында жаңа төрт цилиндрлі G20E қозғалтқышы орнатылмақ. Оның базалық қуаты шамамен...

Соғыс басталғалы бері Иранның мұнай экспорты құлдыраған жоқ, керісінше, оның бағасы айтарлықтай өсті. Сонымен қатар, ел танкерлері Ормұз бұғазы арқылы кедергісіз өтетін Таяу Шығыстағы жалғыз шикізат өндіруші болып қала бермек.

Экспорт көлемінің тұрақтылығы мен әлемдік бағаның жоғарылауы елге миллиондаған доллар қосымша табыс әкеліп отыр. Бұған қоса, ирандық мұнайды сату кезіндегі жеңілдіктер (дисконттар) де азайған. Bloomberg агенттігінің Tankertrackers.com деректеріне сілтеме жасап хабарлауынша, наурыз айында Иран өзінің негізгі Iran Light маркалы мұнайын сатудан күніне 139 миллион доллар табыс тапқан. Бұл көрсеткіш ақпан айындағы орташа табыстан (115 млн доллар) шамамен 25 миллион долларға артық.

Сәрсенбі күні теңіз барлауымен айналысатын Windward компаниясы...

Алматы қаласында жеңіл рельсті көлік (LRT) желісін салу мақсатында жер телімдерін мәжбүрлі түрде иеліктен шығару басталды. Қала әкімі Дархан Сатыбалды 2026 жылғы 26 наурызда тиісті қаулыға қол қойды.

Құжатқа сәйкес, қаланың Жетісу, Алмалы, Әуезов және Алатау аудандарында орналасқан 270 жер телімі мен жылжымайтын мүлік нысаны мемлекет меншігіне алынбақ. Бұл аумақтар жаңа LRT желісінің бірінші кезеңін, атап айтқанда, «Алматы-2» вокзалынан Момышұлы көшесіне дейінгі аралықты іске асыру үшін қажет. Тәркіленген жерлер Жол инфрақұрылымы басқармасының теңгеріміне беріледі. Жерді иеліктен шығару процесі 2028 жылғы 31 желтоқсанға дейін аяқталуға тиіс.

Besmedia жазуынша, иеліктен шығарылатын нысандардың арасында Алматының бұрынғы әкімдерімен байланысы бар делінген ірі компаниялардың мүлкі де бар...

Президент Қасым-Жомарт Тоқаевтың жарлығымен Kursiv Media басылымының қос тілшісі – Айгерім Таубай мен Адель Жанбирова жоғары мемлекеттік марапатқа ие болды.

Марапаттау рәсімі

Астана төрінде Президенттің атынан «Шапағат» медалін ҚР Мәдениет және ақпарат министрі Аида Балаева салтанатты түрде табыстады.

Бұл марапат – Қазақстанның мемлекеттік марапаттар жүйесіндегі ерекше белгілердің бірі. 1995 жылғы 12 желтоқсандағы «Қазақстан Республикасының Мемлекеттік марапаттары туралы» № 2676 Заңына сәйкес белгіленген.

Медаль азаматтарға белсенді және жемісті қайырымдылық қызметі, мейірімділігі және қоғамдық игілік жолындағы қажырлы еңбегі үшін беріледі. Марапат белгісі Өскемен қаласындағы Қазақстан теңге сарайында жоғары деңгейде дайындалған.

Ел мектептерінде БЖБ (бөлім бойынша жиынтық бағалау) және ТЖБ (тоқсандық жиынтық бағалау) жүйесі қайта қаралуы мүмкін екенін бұған дейін Оқу ағарту министрі Жұлдыз Сүлейменова айтқан еді. Бұл жөнінде не ойлайтынын Kursiv.Media тілшісі депутат Асхат Аймағамбетовтен сұрады.

Аймағамбетов Үкімет кулуарында ол ақпаратты естімегенін айтты. Сөзінше, БЖБ, ТЖБ – балалардың білімін бағалау жүйесі.

«Біз балалардың білімін тексеру жүйесін алып тастай алмаймыз. Мүмкін, өзгертуі мүмкін. Дегенмен, оны толығымен алып тастау қазіргі уақытта мүмкін емес деп ойлаймын. Ол үшін жалпы жаңартылған білім беру бойынша бағдарламаның барлығын алып тастау керек. Тым үлкен өзгеріс жасау керек. Ол өзгерістерге дайын ба, жоқ па...

Қостанай облысында Меңдіқара ауданы орталығындағы гимназияда туберкулез ошағы пайда болғаны белгілі болды.

«НГ» басылымының хабарлауынша, осыған қатысты бірқатар шара қабылданған.

Наурыз айының алғашқы онкүндігінде Боровское ауылындағы Ғаббас Жұмабаев атындағы гимназия асханасына жұмысқа алынған әйелден туберкулез анықталған. Соған орай оқу орны қашықтан оқытуға жабылғанын хабарлаған еді.

 «Мектеп асханасын жалға алушы – «Юнин А.Ю.» ЖК міндетті профилактикалық медициналық тексеруден өтпеген қызметкерді жұмысқа жіберген. Осы заңбұзушылыққа байланысты Меңдіқара аудандық санитариялық-эпидемиологиялық бақылау басқармасы мектеп асханасында жоспардан тыс тексеру жүргізді. Тексеру қорытындысы бойынша «Юнин А.Ю.» ЖК Әкімшілік құқықбұзушылық туралы кодекстің 425-бабы 1-бөлігіне сәйкес жауапкершілікке тартылды», – делінген облыс прокурорыны...

Шымкентте өткен «Digital Kazakhstan» форумында Үкімет басшысы Олжас Бектенов Қазақстанның цифрлық әлемдегі жаңа мүмкіндіктерін таныстырды. Оның ішіндегі ең маңызды жаңалықтың бірі – шет мемлекеттердің өз деректерін Қазақстандағы серверлерде сақтауына жағдай жасайтын «Data Embassy» (деректер елшілігі) форматын іске қоспақ.

Бұл жүйе арқылы басқа елдер өз мәліметтерін Қазақстан аумағында орналастыра отырып, оған толық заңды егемендігін сақтай алады.

Премьер-министрдің айтуынша, елде деректерді сақтаудан бастап, күрделі есептеулер жүргізуге дейінгі толық циклді инфрақұрылым дайын.

Қандай инфрақұрылым құрылған?

Қазақстанның арзан электр қуаты мен интернет сигналының жылдамдығы оны жоғары өнімді есептеу жүйелерін орналастыру үшін әлемдегі ең тартымды аймақтардың біріне айналдырып отыр.

Қазіргі таңда елімізде әлемдік...

Тараз қаласында адам өліміне әкеп соққан жол-көлік оқиғасына байланысты айыпталған Гүлайым Рахмоноваға қатысты сот процесі аяқталды.

Істің мән-жайы мен айыптау актісі

Сотталушы ҚР Қылмыстық кодексінің 345-бабы, 4-бөлігі бойынша (абайсызда екі немесе одан да көп адамның өліміне әкеп соққан жол қозғалысы ережелерін бұзу) айыпталды. Айта кетейік, аталған бап бойынша 5 жылдан 10 жылға дейін бас бостандығынан айыру жазасы қарастырылған.

Мемлекеттік айыптаушы соттан Гүлайым Рахмонованы 5 жылға бас бостандығынан айыруды және жазаның орындалуын 5 жылға шегеруді сұраған болатын.

Гүлайым Рахмонова кінәсін мойындаған жоқ.

Сот шешімі

Сот істің барлық жағдайын, соның ішінде сотталушының асырауында 2 жастан 9 жасқа дейінгі төрт баласы...

Қазақстанда су тасқынының ең қауіпті кезеңі – «биік шыңы» қазіргі уақытта Батыс Қазақстан және Ақтөбе облыстарында өтіп жатыр. Бұл туралы бүгін ТЖМ Төтенше жағдайлардың алдын алу комитеті төрағасының орынбасары Әсет Жылқайдаров айтты.

Бұдан бөлек төтенше жағдайлар министрлігі Ақмола, Солтүстік Қазақстан, Шығыс Қазақстан, Қарағанды және Абай облыстарындағы жағдайды тұрақты бақылауда ұстап отыр.

Тасқын басталғалы бері Абай өңіріндегі 6 үйді су басқан. Қазір бұл үйлердегі су толық шығарылды. Сонымен қатар, 22 автокөлік жолынан су асып, бір жолды су шайып кеткен.

Мамандар 196 елді мекенді қамтитын аумақты әуеден ұшып, тұрақты бақылап отыр. Су басу қаупі бар аймақтарда құтқару күштері мен техника санын арттыру көзделген.

Дайындық аясында елд...

2025 жылдың қорытындысы бойынша әлемдік шикі мұнай өндірісінің көрінісі геосаяси және экономикалық тепе-теңдіктің жаңа шындығын көрсетіп отыр. Таяу Шығыс дәстүрлі түрде әлемдік мұнайдың үштен бірін қамтамасыз еткенімен, жалғыз дара көшбасшылық мұхиттың арғы жағына біржола орныққан сыңайлы. Kursiv Media АҚШ Энергетикалық ақпарат басқармасының халықаралық деректер базасының мәліметіне сүйене отырып, тәулігене 1 млн баррелльден көп өндіретін елдер тізімін жариялады.

Әлемге әйгілі саяхатшы блогер Дастан Мұхамедрахым Абай облысының әкімі Берік Уәлимен кездесті. Өңір басшысы Ақсуаттан шыққан тревел-блогерге туған жерді көпшілікке танытқаны үшін алғыс айтты. Қазақ жігіті бұған дейін танымал актер Том Холландтан мақтау естіген.

Әлемнің үздік travel-блогері

Instagram әлеуметтік желісінде 1,6 млн оқырманы бар Дастан Мұхамедрахым Абай облысы Ақсуат ауданына қарасты Қызылкесік ауылында туған. Саяхатшы жақында WIBA Awards 2026 халықаралық марапаттау рәсімінде «Әлемнің үздік travel-блогері» марапатына ие болды.

Мұхамедрахым гиперлапс...