Жаңалықтар

Қазақстандық жас футболшы Омар Мұрадов Италияның А сериясында өнер көрсететін «Болонья» клубымен келісімшартқа қол қойды.

18 жастағы жартылай қорғаушы алғашқы кезеңде клубтың жастар құрамасында ойнайды. Келісімшартқа сәйкес, алғашқы алты ай футболшының жаңа ортаға бейімделуіне беріледі. Осы мерзімнен кейін негізгі командаға ауыстырылуы тиіс деген арнайы тармақ келісімде көрсетілген.

«Болоньяның» жастар командасы Примавера чемпионатында өнер көрсетеді. Бұл – 20 жасқа дейінгі ойыншыларға арналған дубль құрамалар арасындағы турнир.

Келісімшарттың шарттары

Омар Мұрадовтың «Болоньямен» келісімі 2027 жылдың жазынан бастап күшіне енеді және үш маусымға есептелген.

Осы уақытқа дейін қазақстандық футболшы итальян тілін үйренуі тиіс. Ол клубқа еркін агент ретінде қосылады.

Келісімшартта футболшыны сатып...

Қытай долларлық миллиардерлер саны жағынан АҚШ-ты басып озып, қайтадан көш басына шықты. Мұндай деректер Hurun Global Rich List 2026 есебінде келтірілген.

Бұл есепті қытайлық Hurun Report зерттеу компаниясы дайындаған. Жарияланған мәліметтерге сәйкес, әлемдегі миллиардерлердің жалпы саны алғаш рет 4 мыңнан асып, 4020 адамға жетті. Бұл – өткен жылмен салыстырғанда 578 адамға көп және жаңа әлемдік рекорд саналады.

Миллиардерлер саны бойынша Қытай қайтадан бірінші орынға шықты. Осылайша ол былтыр АҚШ-қа жіберген есесін қайтарып алды. Қазір Қытайда 1110 миллиардер бар, бұл алдыңғы есеппен салыстырғанда 287 адамға көп.

Ал АҚШ 1000 миллиардермен екінші орынға жайғасты. Бұл көрсеткіш бір жыл ішінде...

Kursiv Media  мұнай нарығы бойынша соңғы жаңалықтарды топтастырды. Әлемдік энергетика нарығы соңғы онжылдықтағы ең ауыр сынақтардың біріне тап болды. Таяу Шығыстағы шиеленіс пен логистикалық тұйықтар мұнай бағасын соңғы 20 айдағы ең жоғары көрсеткішке – барреліне $85,2-ға дейін көтерді. Алайда, JP Morgan-ның болжамынша, қазіргі динамикаға қарасақ, тіпті $100 көрсеткіші де «арзан» болып көрінуі мүмкін.

Ормуз бұғазы: Уақыт санаулы

Қазіргі дағдарыстың ең қауіпті нүктесі – Ормуз бұғазы. Егер бұл су жолы жабық күйінде қалса, әлемдік мұнай нарығында нағыз «домино эффектісі» басталады. J.P. Morgan сарапшыларының есептеуінше, жағдай ушықса:

Hyundai бесінші буындағы Tucson кроссоверін таныстыруға дайындалуда. Прототиптердің шпиондық суреттеріне қарағанда, бұл жолғы модель мүлдем басқа дизайнға ие болады. Carscoops басылымының жазуынша, бренд дизайнерлері консервативті дизайн тәсілінен түбегейлі бас тартқан сияқты.

Қазіргі Hyundai Tucson моделі брендтегі ең батыл дизайнға ие көліктердің біріне айналды, агрессивті оптикасы және ерекше радиатор торымен ерекшеленеді. Алайда келесі буын одан да батыл бағытқа қадам жасауы мүмкін.

Жаңа стиль және басқа оптика

Авто Mail үшін суретші Никита Чуйко жасаған жаңа рендерлерге қарағанда, Hyundai Tucson 2027 алдыңғы бөлігінде мүлде жаңа жарық қолтаңбасына ие болады. Негізгі ерекшелік – алдыңғы бөліктің жоғарғы жағында орналасқан кең жарықдиодты жола...

АҚШ-тың әскери тергеушілері Иранның Минаб қаласындағы қыздар медресесіне жасалған шабуылға америкалық жауынгерлер жауапты болуы мүмкін. Бұл туралы Reuters дереккөздер мәліметіне сүйене отырып хабарлайды.

Агенттің мәліметінше, әскери тергеушілер зерттеу қорытындысын әлі шығармаған. Reuters мұндай ақпаратты америкалық екі шенеуніктің дерегіне сүйене отырып таратты.

Агенттік тергеу туралы толық мәлімет ала алмай отыр. Алдын ала тұжырым жасауға нақты қандай дәлел бары әзірге белгісіз. Бұған қоса, Reuters мектепке соққы жасаған уақытта қарудың нақты қай түрі қолданылғанын да білгісі келеді.

Шабуылға кім жауапты? Не себепті АҚШ қыздар мектебіне соққы жасауы мүмкін? Агенттік осы сауалдарға жауап іздейді.

4 наурызда АҚШ қорғаныс министрі Пит Хегсет америкалы...

Халықаралық әйелдер күні қарсаңында «Жолаушылар тасымалы» АҚ пойыздарында мерекелік акция өткізді. Пойызға мінген мыңнан астам әйел жолаушыға гүл шоғы мен естелік сыйлықтар табыстады.

«Таңертеңнен бастап еліміздің әртүрлі бағыттарында қатынайтын пойыздарда жолсеріктер әйел жолаушыларды келе жатқан мерекемен құттықтап, гүлдер мен шағын сыйлықтар ұсынып келеді. Көптеген жолаушылар үшін мұндай ықылас күтпеген жағымды тосынсыйға айналып, шынайы қуаныш пен алғысқа себеп болды», – деп хабарлайды компания баспасөз қызметі

Акцияны «Жолаушылар тасымалы» АҚ мен Kaztechnology компаниясы бірге ұйымдастырған. Жыл сайын елдегі пойыздармен 13 миллион жолаушы сапар шегеді. Олардың жартысынан астамын әйелдер құрайды.

Кей өңірлерді мереке қарсаңында әйелдерге арнап концерт...

Танымал әнші және композитор Мархаба Сәби араға тура он жыл салып, екінші мәрте сәбилі болды.

Әнші өзінің Instagram парақшасында әсерлі видео жариялап, сәбиін қаншалықты асыға күткенін жеткізді. Ол жазбасында: «10 жыл күткен ботақанымыз, қош келдің!» – деп жазып, оқырмандарын тебірентті.

Халықтың ақ тілегі

Жаңалықты естіген желі қолданушылары мен өнердегі әріптестері жарыса құттықтау жаудыруда:

«Бауы берік болсын»,«10 жылдық сабырдың жемісі», «Ана бақыты баянды болсын!»- деп жазуда оқырмандар.

Мархаба Сәбидің бұл қуанышы оның шығармашылығына жаңа шабыт беріп, «Мама болма алаң» атты әнді де шығарып үлгерді.

Иранмен «шаруаны реттеген соң» Трамп Кубаның мәселесіне кіріспекші. Бұл Вашингтон үшін «уақыт еншісіндегі іс». Бұл туралы Дональд Трамп мәлімдеді деп жазады Clash Report.

Дегенмен Ақ үй басшысының сөзінше, Куба АҚШ-пен мәмілеге келуге ниетті. Бұған дейін Трамп әкімшілігі елге баратын мұнай тасымалына тоқтау қойған еді.

«Куба да құлайды. Біз мұнай, ақша тасымалын тоқтаттық. Елдің жалғыз ресурсы болған Венесуэладан баратын барлық тасымалға кедергі болдық», – деген еді Трамп бұған дейінгі сөзінің бірінде.

Қазір АҚШ, Израиль және Иран арасындағы әуе шабуылдары әлі де жалғасып жатыр. Соғыстың аумағы да күн өткен сайын ұлғайып келеді. Бесінші наурызда Иран жақтан...

«ҚазТемірТранс» (ҚТТ) компаниясы Алматы филиалының директоры Ақылбек Базенов ұсталды. Мәліметті 6 наурызда таңертең компанияның өзі ішінара растады.

ҚТТ акцияларының жүз пайызы «Қазақстан темір жолы» компаниясына тиесілі. «ҚазТемірТранс» тергеу жүріп жатқанын жұма күні таңертең хабарлады.

«ҚазТемірТранс» АҚ қазіргі уақытта құзыретті құқық қорғау органдарының тергеу іс-шараларын жүргізіп жатқанын растайды. Компания уәкілетті органдарға жан-жақты жәрдем көрсетеді және жүргізіліп жатқан тергеу шеңберінде барлық қажетті ақпарат пен құжаттарды ұсынады», – деп таратты ҚТТ-ның баспасөз қызметі.

Компания таратқан мәліметтен құзырлы органдардың тексеруі ірі көлемде заңсыз сыйақы алу оқиғасы бойынша жүріп жатқаны мәлім болды.

Соңғы уақытта тыңдармандар арасында «Баянсұлу қайда кетті?», «Неге жаңа әндері шықпай жатыр?» деген сауалдар жиі қойыла бастаған болатын. Көпшіліктің көкейіндегі бұл сұрақтарға әнші өзінің әлеуметтік желідегі парақшасында ресми түрде жауап берді.

Жұмыстың тоқтауы және жаңа кезең

Әнші Баянсұлу өзінің продюсерімен жұмыс қарым-қатынасын тоқтатқанын мәлімдеді. Өнер иесі бұл шешім оңай болмағанын, алайда шығармашылық жолда мұндай қиындықтар болып тұруы заңдылық екенін атап өтті.

«Иә, расында да мен продюсермен жұмыс тоқтаттым. Бұл оңай шешім болған жоқ. Бірақ өмір болғаннан кейін, жұмыс болғаннан кейін қиындықтар болып тұрады. Мен бәрін Алла өзі реттеп береді деп ойлаймын», – дейді әнші.

«Интер Майами» клубының шабуылшысы әрі капитаны Лионель Месси АҚШ президенті Дональд Трамппен Ақ үйде өткен салтанатты қабылдау кезінде кездесті.

Аргентиналық футболшы шара өтетін залға Трамппен бірге кірді. Ішінде «Интер Майамидің» қалған ойыншылары күтіп тұрған.

2025 жылы Месси «қоқиқаздар» лақап атымен танымал «Интер Майами» сапында MLS Кубогын жеңіп алып, сондай-ақ лиганың Шығыс конференциясында бірінші орын алды.

Лионель Месси «Интер Майами» клубына 2023 жылдың жазында ауысты. Осы уақыт ішінде ол барлық турнирде 90 матч өткізіп, 79 гол соғып, 44 нәтижелі пас берді.

Көктемнің алғашқы мерекесі жақындағанда, мемлекеттік сатып алу порталы «қыза» түсті. Әкімдіктер мен түрлі мекемелер әйелдер қауымын құттықтау үшін қаржы бөліп жатыр. Бірі Республика сарайында 53 млн теңгеге жұлдызды кеш ұйымдастыруды көздесе, енді бірі ауылдағы аналарға 30 мың теңгелік СПА-сертификаты мен шай сервисін сыйлауды жөн көрген. Kursiv.Media тілшісі мерекелік бюджеттің ең қызықты лоттарын зерделеп көрді.

Мемлекеттік сатып алулар сайтында жариялаған хабарландырулардың басым бөлігі жер-жерге мерекелік концерт ұйымдастыруға байланысты. Аудан мен қала әкімдіктері, түрлі мемлекеттік мекемелер қыз-келіншектердің көңілі үшін түрлі мәдени шара ұйымдастырмақ. Оларға бөлінетін қаржы көлемі де әртүрлі.

53 млн теңгеге өтпей қалған концерт

Алматы қаласының Мәдениет...

Тараз қаласы мен облыс аудандарында құрылыс саласындағы заңбұзушылықтарды анықтау және жою жұмыстары жалғасуда. Бірқатар жағдайларда заңнама талаптарын бұза отырып салынған нысандарды мәжбүрлі түрде бұзу (демонтаж) шаралары қолданылып жатыр.

Жамбыл облысы әкімдігінің мемлекеттік сәулет-құрылыс бақылау басқармасының мәліметінше, 2025 жылы жүргізілген тексерулердің қорытындысы бойынша өңірде 10 нысан сүрілген. Олардың басым бөлігі — сегіз ғимарат Тараз қаласында орналасқан. Сондай-ақ, Жуалы және Талас аудандарында бір-бір нысаннан демонтаждалды.

Жыл бойы атқарылған жұмыстардың нәтижесі:

Солтүстік, орталық және батыс Қазақстанның кей жерлерінде боран мен көктайғақ болады деп күтілуде. «Қазгидромет» 6 наурызға ауа райы болжамын ұсынды.

Қазақстан Президенті Қасым-Жомарт Тоқаев Иранның ұшқышсыз ұшу аппараттары Әзербайжанның Нахчыван қаласындағы әуежайды атқылауына байланысты ресми ұстанымын білдірді.

Әзербайжанға қолдау

Мемлекет басшысы бауырлас әрі стратегиялық одақтас Әзербайжан еліне қарсы жасалған бұл әрекетті қатаң айыптайтынын жеткізді. Қазақстан тарапы аймақтағы тұрақтылық пен егемендік құндылықтарының сақталуын қолдайды.

Тергеу және дипломатиялық шешім

Президент болған оқиғаның мән-жайын анықтау бойынша келесідей қадамдарға сенім білдірді.

Ол халықаралық құқық нормаларын сақтау және тату көршілік қарым-қатынасты қалпына келтірудің маңыздылығын атап өтті.

Бұған дейін Нахчыван қаласына Иран тарапынан екі ұшқышсыз аппараттан әуе соққысы жасалған. Дрондардың бірі әуежай терминалына, екіншісі Шекерабад ауылындағы мектеп ғимаратының жанына түскен. Салдарынан екі адам зардап шекті.

Абай гарнизонында қайғылы жағдай орын алып, соның салдарынан келісімшарт бойынша міндетін атқарып жүрген әскери қызметші қайтыс болды.

Алдын ала мәліметтер бойынша, қайғылы жағдай әскери техникамен жұмыс істеу кезінде болған. Әскери қызметші ауыр жарақат алып, оқиға орнында көз жұмды.

«Келісімшарт бойынша әскери қызметші өміріне қауіп төндіретін ауыр жарақаттар алды. Қазіргі уақытта оқиғаның барлық мән-жайын анықтау мақсатында сотқа дейінгі тергеу амалдары жүргізіліп жатыр. Оқиға орнында құзырлы орган өкілдері жұмыс істеуде», – деп хабарлады гарнизонның баспасөз қызметі.

Оқиға фактісі бойынша барлық қажетті тергеу шаралары тағайындалды. Мамандар қайғылы жағдайдың себебін егжей-тегжейін анықтап жатыр.

Әскери ведомство қаза тапқан қызметшінің туған-туыстары...

«ҚазАвтоЖол» ұлттық компаниясы ауа райының қолайсыздығына байланысты республикалық маңызы бар жолдардың кейбір учаскелерінде қозғалысқа шектеу қойылғанын хабарлады.

Жолдарды 6 наурыз күні сағат 08:00-де ашу жоспарланып отыр. Шектеулер жүк көліктері мен қоғамдық автокөліктерге қатысты енгізілді.

Шектеу енгізілген учаскелер:

Ақмола облысы:

Қостанай облысы:

Ақтөбе облысы:

Астана төрінде ТҮРКСОЙ халықаралық ұйымының беделді марапаттарын табыстау рәсімі өтті. Қазақстан өнерінің қос саңлағы түркі әлемінің мәдениеті мен кино өнерін дамытуға қосқан үлесі үшін ерекше марапатталды.

Димаш Құдайберген – «Түркі әлемінің мәдени елшісі»

Қазақстанның халық әртісі Димаш Құдайберген түркі әлемі мәдениетін халықаралық деңгейде насихаттағаны үшін ТҮРКСОЙ ұйымының ең жоғары наградасы – «Түркі әлемінің мәдени елшісі» орденімен марапатталды.

Димаш — бұл мәртебелі атаққа ие болған әлемдегі екінші тұлға. Бұған дейін мұндай марапат Түркияның Нобель сыйлығының лауреаты, профессор Азиз Санджарға ғана берілген болатын.

Өз сөзінде әнші бұл жетістікті бүкіл қазақ халқына көрсетілген құрмет деп бағалады: «Өнер адамы үшін ең жоғары...

5 наурызда Қазақстан Республикасы Сыртқы істер министрлігі Таяу Шығыстағы қақтығыс аймағынан отандастарымызды эвакуациялау бойынша соңғы мәліметтерді жариялады.

«Бүгінгі таңда Таяу Шығыс елдерінің аумағынан Қазақстан Республикасының 2 463 азаматы эвакуацияланды», – деп хабарлады ҚР СІМ баспасөз қызметі.

Айта кетейік, бұған дейін 3 наурыздан бастап Таяу Шығыстан елге 2 111 қазақстандықтың оралғаны хабарланған болатын.

Эвакуация қалай жүріп жатыр?

Отандастарымызды елге қайтару үшін бірнеше бағыт бойынша арнайы рейстер ұйымдастырылды:

Непалда өтіп жатқан парламенттік сайлауда 35 жастағы Балендра Шах басты фавориттердің біріне айналды. Ол бұған дейін рэп орындаушысы ретінде танымал болса, соңғы жылдары елдегі ең ықпалды жас саясаткерлердің қатарына қосылған.

Балендра Шах сайлаушыларға жақсы таныс. Ол бұған дейін елдің астанасы Катманду қаласының мэрі қызметін атқарып, өткен жылғы жаппай наразылықтарға қатысқан жас белсенділердің үлкен қолдауына ие болған еді. Оның небәрі үш жыл бұрын құрылған партиясы өз сайлауалды науқанын жемқорлықпен күрес пен экономикалық реформаларға негіздеп отыр.

Еске сала кетейік, бұған дейін Непал президенті Рамчандра Паудель парламентті таратып, жаңа сайлауды 2026 жылдың 5 наурызына белгілеген болатын. Бұл шешім премьер-министр К.П. Шарма Олидің отставкаға кетуіне...

Шымкентте 4 адамның мәйіті табылған көпқабатты тұрғын үй толық газдан ажыратылды. Бұл туралы бүгін тұрғындар хабарлады.

Олардың сөзінше, газ иісі дерлік бір жылдан бері шығып тұрған. Пәтер иелері тиісті мекемелерге бірнеше рет шағымданған. Десе де ақауды жөндеуге ешкім құлық танытпаған көрінеді. 2 күн бұрын үш бірдей пәтерден газден уланып, қайтыс болған 4 адамның денесі табылғаннан кейін мамандар газ беруді тоқтатып тастаған.

Жалпы көпқабатты тұрғын үйде 50 пәтер бар. Тұрғындардың барлығы газды пайдаланады. Оған қоса газ арқылы автономды жылу жүйесін қосқандар бар.

«Отбасында 8 адамбыз. 3 күн болды. Жылу да жоқ, ыстық су да жоқ. Шәй...

2026 жылдың ақпан айында тұрғын үй жағдайын жақсарту үшін берілген біржолғы зейнетақы төлемдері айтарлықтай азайды. Бұл көрсеткіш соңғы екі жылдағы ең төменгі деңгейге түскен. Ақпаратты Бірыңғай жинақтаушы зейнетақы қоры (БЖЗҚ) дерегіне көруге болады.

Ақпан айында тұрғын үй мақсатында 23,8 мыңға жуық өтініш орындалды. Бұл қаңтар айымен салыстырғанда 38% аз. Соңғы рет мұндай төмен көрсеткіш 2024 жылдың мамыр айында, яғни зейнетақы жинағын жаппай алу кезеңі басталғанға дейін тіркелген болатын.

Ақшалай түрде төмендеу қарқыны 28%-ды құрап, жиынтық сома 36,8 млрд теңгеге дейін азайды. Инфляцияны ескергендегі нақты есептеулер бойынша, бұл 2025 жылдың наурызынан бергі ең төменгі номиналды мән болып отыр.

Көрсеткіштердің құлдырауына тұрғын үй құрылыс жина...

Жамбыл облысының Жаңатас станциясында екі локомотивтің қатысуымен төтенше жағдай орын алды. Алдын ала мәліметтер бойынша, апатқа маневрлік локомотив машинисінің іс-әрекеті себеп болуы мүмкін.

Оқиғаның мән-жайы

2026 жылғы 5 наурызда Жаңатас станциясында «Жаңатас Су-Жылу» КМК кірме жолына 5 мазут тиелген вагонды жеткізу кезінде маневрлік жұмыстар жүргізілген. Осы барыста Жамбыл локомотив депосының маневрлік локомотиві мен «КАП Логистик» ЖШС-не тиесілі жекеменшік магистральдық 2ТЭ10М тепловозы соқтығысқан.

Соқтығысу салдарынан дизель отыны тиелген вагондар мен локомотивтерге зақым келген. Абырой болғанда, ешкім зардап шекпеген.

Машинистің жағдайы

Таралған алдын ала ақпаратқа сәйкес, оқиға кезінде маневрлік тепловоз машинисінің мас болғандығы айтылуда. Қазіргі уақытта бұл дерек ресми түрде тексеріліп жатыр.

Тергеу...

Елде киік санын реттеу шарасы басталғалы 175 мыңнан астам киік сойылған. Бұл туралы Ауыл шаруашылығы министрлігі мәлімдеді.

Министрліктің мәліметінше, киіктердің санын реттеу жұмыстарына жауапты 35 сою пунктінің 27-сі тәулігіне 5 885 бастан сойған.

«2025 жылғы 2 шілдеден 2026 жылғы 5 қаңтарға дейін сою нысандарына 175 632 киік ұшасы жеткізілді, барлық ұшалар зертханалық тексеруден өтті. 122 046 киік ұшасына сату үшін №2 нысанындағы 1 741 ветеринариялық анықтама берілді, қалған ұшалар сақтау қоймаларында (кейінгі өңдеу үшін) сақтаулы», – делінген хабарламада.

Сою пункттерінде киік етінің сатып алу бағасы – келісі 260–550 теңге. Ал сату бағасы – 1600 теңге.