Жаңалықтар

Фото: КазМұнайГаз

2022 жылы ҚМГ-нің ел экономикасына қосқан үлесі 2,3 трлн теңгені құрады. Бұл жайлы 27 маусымда «Самұрық-Қазына» АҚ Қоғамдық кеңесінің отырысында «ҚазМұнайГаз» Басқарма Төрағасының орынбасары Диана Арысова мәлімдеді.

«2022 жылы ҚМГ-нің ел экономикасына қосқан үлесі 2,3 трлн теңгені құрады. 1,8 трлн салық, акционерлерге дивиденд (200 млрд) төлеуге, инвестициялық жобаларға жəне отандық өндірушілерден тауар сатып алуға жұмсалды. Ал 85 млрд қайырымдылыққа, өңірлерге, қызметкерлерге əлеуметтік қолдау көрсетуге, сауықтыруға және білім беруге бағытталды», деді Диана Арысова.

«ҚазМұнайГаз» өкілі өз баяндамасында 2022 жылы ҚМГ акционерлеріне 2021 жылға 200 млрд теңге дивиденд төлегенін, биыл төленген дивиденттер...

Фото: kursiv.media

IT саласында әйел не ер деген түсінік болмауы қажет. Өйткені бұл саланың ауқымының кеңдігі сонша – кез келген адамға орын табылады. Kursiv тілшісі ақпараттық технологиялармен «дос» болып жүрген ең үздік 5 қазақ қызын тізіп шықты.

Алдымен IT саласы дегенде оның тек код жазу, сайт не платформа жасауды білдірмейтінін айта кету керек. Мұнда бағдарламалаудан бөлек, маркетолог, дизайнер, UX/UI дизайн мамандары, проджект-менеджер, SMM, Data Science, мануал немесе автомат тестілеу секілді дүниелерді орындай алатын мамандарды қажет ететін иммерсив технологиялар (VR/AR) да бар. Сондықтан бұл индустрияда жан-жақты тәжірибе, сыни ойлау қабілеті аса қажет. Сондықтан IT-саласын гендерге бөлуге болмайды дейміз. Бағдарламалаудың жілігін шағып...

28 маусым күні Қазақстан Республикасының Энергетика министрі Алмасадам Сәтқалиев Солтүстік Қазақстан облысына жұмыс сапарымен келді.

Сапар барысында Алмасадам Сәтқалиев Петропавл ЖЭС-2 барып, энергетикалық кешеннің жұмысымен танысты. «Севказэнерго» АҚ-тың Петропавл ЖЭО-сының №1, 3, 9, 10, 11 қазандықтары мен №3 турбинасына күрделі жөндеу жоспарланған. Сонымен бірге №2, 4, 5, 6, 7 турбиналары да осы жылы жөнделеді деп көзделіп отыр.

Бүгінгі таңда №3 қазандықтың күрделі жөндеуі мен№4, 5, 6, 7 турбиналардың жөндеу жұмыстары аяқталған. қалған қазандықтар мен турбиналар әлі де жөндеу жұмыстары жалғасып жатыр.

Министр №9 қазандық бойынша бекітілген графиктен артта қалғанын, сондай-ақ №1 қазандықты күрделі жөндеу 2024 жылға...

Астанадағы Әзірет Сұлтан мешітінде мемлекет басшысының атынан құнбардық шалынды. Бұл туралы Ақорданың баспасөз қызметі хабарлады.

«Президент Қасым-Жомарт Тоқаев елордадағы Әзірет Сұлтан мешітіне барып, Қазақстан мұсылмандарын Құрбан айт мерекесімен құттықтады. Сонымен қатар құран оқытылып, Мемлекет басшысының атынан құрбандық шалынды», делінген Ақорда таратқан хабарламада.

Бұған дейін Қасым-Жомарт Тоқаев қазақстандықтарды Құрбан айт мерекесімен құттықтаған болатын.

«Бұл – Исламның тағылымы мол діни дәстүрі. Құрбан айт адамдарды мейірімді, адал, жанашыр болуға, адамзаттың бәріне құрметпен қарауға үндейді. Осы құндылықтар ұлттың рухани өрлеуіне, қоғамда жауапкершілік пен әділдік қағидаттарын орнықтыруға ықпал етеді», деді Президент құтықтауында.

Фото: kursiv.media

Еуроодақтағы Қытай елшісі Фу Конг Украинаның 1991 жылғы шекарасына қайтарылуын қолдады, деп хабарлайды Moscowtimes, Al Jazeera телеарнасына сілтеме жасап.

«Украинаның 1991 жылғы халықаралық мойындалған шекаралар шегінде өз жерлерін қайтаруға ұмтылысы Қытайдың барлық елдердің егемендігі мен аумақтық тұтастығын құрметтеу ұстанымына сәйкес келеді», деді Қытайдың Еуропалық Одақтағы елшісі Фу Конг Al Jazeera телеарнасына берген сұхбатында.

Сонымен қатар Киевтің Ресей басып алған барлық аймақтарды, соның ішінде 2014 жылы аннексияланған Қырымды азат етуді қамтитын мақсаттарын «Қытай қолдай ма?» деген сұраққа дипломат: «Неге болмасқа» деп жауап берген.

«Біз барлық елдердің аумақтық тұтастығын...

Президент бұқаралық ақпарат құралдары қызметкерлерін кәсіби мерекесімен құттықтады.

«Сіздерді кәсіби мерекелеріңізбен шын жүректен құттықтаймын! Әділетті Қазақстанды құру үшін қоғамда құндылықтар жүйесін жаңғыртып, ұлттың жаңа сапасын қалыптастырудың мән-мағынасы зор. Бұл бағытта еңбекқорлық пен білімпаздықты, адал азаматқа тән қасиеттерді дәріптейтін масс-медиа өкілдері айрықша рөл атқарады», деді Перзидент

Қасым-Жомарт Тоқаев бұқаралық ақпарат құралдары азаматтық диалог жүргізудің ашық алаңына айналғанын атап өтті. Мемлекет пен қоғамның өзара байланысын нығайтуға зор үлес қосып жүрген ел журналистері озық ой мен тың идеялардың таралуына дәнекер болып, азаматтарды толғандыратын өзекті мәселелерді көтеріп жүргенін атап өтті.

Сондай-ақ оқиғаларды жан-жақты зерделеп, популизм мен...

Фото: Ақорда

Мемлекет басшысы Қасым-Жомарт Тоқаев қазақстандықтарды Құрбан айт мерекесімен құттықтады.

«Қадірлі отандастар! Сіздерді Құрбан айт мерекесімен шын жүректен құттықтаймын! Бұл – Исламның тағылымы мол діни дәстүрі. Құрбан айт адамдарды мейірімді, адал, жанашыр болуға, адамзаттың бәріне құрметпен қарауға үндейді. Осы құндылықтар ұлттың рухани өрлеуіне, қоғамда жауапкершілік пен әділдік қағидаттарын орнықтыруға ықпал етеді», деді Президент.

Мемлекет басшысы айт күндері мұсылман қауым бір-бірін құттықтап, жақындарына амандық пен жақсылық тілеп, шынайы көңілмен мұқтаж жандарға жәрдемдесетінін, бұл өз кезегінде жұртшылықты жақындастырып, еліміздегі жалпыұлттық бірлікті, бейбітшілікті және келісімді нығайта түсетінін айтап өтті.

«Мейірімділік, имандылық, қайырымдылы...

Фото: kursiv.media

«ҚазМұнайГаз» ҰК АҚ «Газ бөлу кешені құрылысы» жобасын жүзеге аcыру 2024 жылдың 1 тоқсанына басталатынын хабарлады.

«Газ бөлу кешенінің құрылыс» жобасы бойынша жобалау-сметалық құжаттаманы аяқтау 2024 жылдың 1 тоқсанына жоспарланған. Жобалау-сметалық құжаттаманы әзірлеу аяқталғаннан кейін, 2024 жылдың ортасына қарай «ҚазМұнайГаз» ҰК АҚ  инвестициялар бойынша түпкілікті шешім қабылдайды», делінген хабарламада..

Инвестициялар бойынша қабылданған түпкілікті шешім нәтижесінде «Самұрық-Қазына» АҚ-ның сатып алу рәсімдеріне сәйкес «Газ бөлу кешенінің» нақты жобасы мен құрылысына дәл осындай жобаларды жүзеге асыруда тәжірибесі бар халықаралық компаниялар арасында ашық тендер өткізіледі.

Компания осыған байланысты құрылыс жұмыстарына ешқандай мердігерлер тартылмағанын және 2024 жылды...

Фото: samrukazynaofficial

Сейсенбі күні «Самұрық-Қазына» қорының басшылығы North Caspian Operating Company басқарушы директоры Оливье Лазармен кездесу өткізіп, Қашағанды ​​игеру жоспарын талқылады.

Атап айтқанда, қос тарап кәсіпорынның ағымдағы жағдайын және Солтүстік Каспий жобасының болашағын, даму мәселелерін қарастырды.

NCOC Қашаған кен орнында мұнай өндіруді одан әрі арттыру жобаларын жүзеге асырады. Ал Қашаған газын өңдеу үшін «QazaqGaz» ҰК» АҚ қуаттылығы жылына 1 млрд текше метр газ өндіретін зауытының құрылысын жүргізіп жатыр. Бұл газ өңдеу зауыты шикі газды өңдеу есебінен кен орнында мұнай өндіруді ұлғайтуға мүмкіндік бермек. Жоба 2025 жылы аяқталады деп жоспарланып отыр.

Бұдан бөлек кездесу барысында мұнай өндіру...

«ҚазМұнайГаз» жақын арада Францияның TotalEnergies еншілес компаниясы саналатын Total E&P Dunga GmbH компаниясының 60% сатып алу мәмілесін аяқтайды. Бұл жайлы ҚМГ Басқарма төрағасының орынбасары Дастан Абдулғафаров мәлімдеді.

«ҚазМұнайГаз» Дунга кен орнын игеру жобасындағы Total үлесін басым құқықпен сатып алуды жүзеге асыратынын хабарлады. Энергетика министрлігі бұл бастамамызды қолдады. Біз қазір Total компаниясымен келіссөздерді аяқтаудың соңғы сатысындамыз. Менің ойымша, біз жақын арада келісімді аяқтаймыз. Келіссөздер жүріп жатыр», деді ол.

.Total баспасөз қызметі Францияның ірі мұнай-газ компаниясы TotalEnergies өзінің еншілес компаниясы Total E&P Dunga GmbH компаниясын қазақстандық Oriental Sunrise Corp Ltd компаниясына 330 миллион долларға сату туралы...

Фото: kursiv.media

Қаржы нарығын реттеу және дамыту агенттігі Халық банкіне Open Networks деген жеке компанияның капиталына «қатысуға» рұсат берді. Аталмыш компания цифрлық экожүйелерді дамытумен айналысады. «Курсив» жеке компанияның уәкілетті тұлғаларының қатарында «Эйр Астана» АҚ ақпараттық технологиялар және электронды бизнесті дамыту жөніндегі вице-президенті Чаминдра Ленава да бар екенін анықтады.

«Агенттік басқармасының 2023 жылғы 22 маусымдағы «Қазақстан Халық жинақ банкі» акционерлік қоғамына Open Networks жеке компаниясының капиталына қомақты қатысуға рұқсат беру туралы № 55 қаулы қабылданды», – деп жазылған реттеуші мәлімдемесінде.

Halyk Bank баспасөз қызметі «Курсивке» берген жауабында бұл мәміленің Халық банкіне өзінің цифрлық инфрақұрылымын дамыту...

Фото: kursiv.media

Терроризмді алдын ала ескерткен адамға мемлекет 2,5-3,5 млн теңге аралығында сыйақы төленеді. Бұл жайлы «Терроризм актісін болғызбауға немесе оның жолын кесуге көмектескен ақпарат үшін сыйақы белгілеу және төлеу қағидаларын бекіту туралы» Ұлттық қауіпсіздік комитетінің бұйрығында жазылған.

«Қазақстан Республикасы Қылмыстық кодексінің 255-бабының бірінші және екінші бөліктерінде қарастырылған терроризм актісі туралы қылмыстық істер бойынша – 750 айлық есептік көрсеткіш көлемінде, Қылмыстық кодекстің 255-бабының үшінші және төртінші бөліктерінде қарастырылған терроризм актісі туралы қылмыстық істер бойынша – 1000 АЕК көлемінде сыйақы белгіленеді» делінген құжатта.

Қылмыстық кодекстің 255 бабының 1-2 тармағында көрсетілген терроризм актісін, жарылыс жасау, өрт қою немесе жарылғыш...

«Қазатомөнеркәсіп» Ақтөбе облысындағы Жоғарғы Ырғыз кен орнынан тантал, ниобий, бериллий секілді сирек металлдар концентратын 2027 жылы өндіре бастамақ. Бұл туралы «Курсивке» компанияның басқарма төрағасы Ержан Мұқанов мәлімдеді.

«Қазатомөнеркәсіп» Ұлттық компаниясының сирек кездесетін металлдарды өндіру бағдарламасы бар. Бұл бағдарлама бойынша, сирек металлдар кен орнын игеруге құқық алуды жоспарлап отырмыз, атап айтқанда, бір ай бұрын Ақтөбе облысындағы Жоғарғы Ырғыз кен орнына құқық алдық. Бұл кен орнын игеру бойынша жол картасы әзірленді. Шамамен 2027 жылы біз ол жерден концентрат ала бастаймыз», — деді Ержан Мұқанов.

4 мамыр күні компанияның баспасөз қызметі «Қазатомөнеркәсіп»-ке тиесілі «Үлбі металлургия зауыты» тантал...

Қазақстан мен Иран өзара есеп айырысуда ресейлік банктерді пайдалана алады. Мұндай мәлімдемені Астанадағы Қазақстан-Иран форумында Иран Ауыл шаруашылығы вице-министрі Әлирыза Пейман-Пак жасады.

Ол Қазақстанның Сауда және интеграция министрлігінің қатысуымен өткен келіссөздер барысында бірнеше қазақстандық банктердің ирандық қаржы институттарымен байланыс орнатқанын мәлімдеді.

«Осы банктік арналар арқылы ресейлік банктердің де мүмкіндіктерін пайдалануға болады. Бұл мүмкіндіктерді ирандық банктер де пайдалана алады», деді Пейман-Пак.

Иран тарапы сондай-ақ Қазақстанның Ираннан келген кәсіпкерлерге «теңгеде және үшінші елдердің валюталарында, мысалы, Қытай мен Иранның валюталарында ақшалай қаражатты еркін аударуға жағдай жасайтынына сенеді.

Ол Қазақстанды Иранмен тауар алмасуға шақырып, ек...

2023-2024 жылдары Қазақстан экономикасы 4 пайыз өсім көрсетуі мүмкін. 2025 жылға арналған болжам да бұдан алыс кетпеген. Нарық қатысушылары бұл жылы ел экономикасының өсімі 4,1 пайызды құрайды деп болжайды. Ал мұнай бағасы келер жылы сәл арзандап, 2025 жылға қарай қайта көтерілуі ықтимал. Сарапшылар алдағы уақытта инфляция өсуі мүмкін деген болжам жасаған. ҰБ жариялаған пікіртерім нәтижесі осындай.

Қазақстан Ұлттық Банкі 2023 жылы сарапшылар қоғамдастығы арасында жүргізілген макроэкономикалық сауалнама нәтижелерін жариялады.

Сауалнамаға Қазақстан аумағында макроэкономикалық көрсеткіштерді талдау және болжаумен айналысатын Halyk Finance, Jusan Invest, NAC Analytica, Азия Даму Банкі, АКРА, Еуразиялық экономикалық комиссия, Экономикалық зерттеулер институты, Ренессанс Капитал, Сентрас...

Ғылым және жоғары білім министрлігі 2023 – 2024 оқу жылына арналған білім беру гранттарын бөлу тізімі жариялады. Биыл жоғары оқу орындарында оқу үшін 88 мың грант бөлінген. Бакалавриатқа түсу үшін 2023-2024 оқу жылында 73 мыңға жуық грант бөлінді. Магистратураға түсуге 13 мыңнан астам, докторантураға түсуге 1800-ден астам грант бөлінген.

«Мемлекет басшысының тапсырмасы бойынша барлық гранттың 60% техникалық мамандықтарға бөлінді. Сонымен қатар биыл халық тығыз қоныстанған батыс және жаңадан құрылған өңірлердің жастары үшін гранттар бөлінді», – деп атап өтті ҚР Ғылым және жоғары білім вице-министрі Қуаныш Ерғалиев.

Ақпаратқа сәйкес, гранттардың басым бөлігі «Инженерлік, өңдеу, құрылыс салалары...

1 шілдеден бастап, әлеуметтік кодекске өзгеріс енгізіледі. Соған сәйкес БЖЗҚ сенімгерлік басқаруға беруге болатын компаниялар тізімін жариялады.

Олар:
• «First Heartland Jusan Invest» АҚ
• «BCC Invest» АҚ – «Банк ЦентрКредит»АҚ еншілес ұйымы
• «Halyk Global Markets» АҚ («Қазақстан Халық Банкі» АҚ ЕҰ)
• «Сентрас Секьюритиз» АҚ
• «Halyk Finance» Қазақстан Халық Банкі ЕҰ» АҚ

«2023 жылдың 1 шілдесінен бастап міндетті зейнетақы жарналары және міндетті кәсіптік зейнетақы жарналары есебінен қалыптастырылған зейнетақы жинақтарын инвестициялық портфельді басқарушының сенімгерлік басқаруына беру кезінде зейнетақы жинақтарының ең төменгі жеткіліктілік шегі бұдан былай ескерілмейді. Салымшы жоғарыда аталған жинақтарының 50% дейін ИПБ-ның сенімгерлік басқаруына беруге құқылы», дейд...

Ауыл шаруашылығы министрлігі АӨК-ті несиелеу ережелерін әзірледі. Құжат жобасы Ашық НҚА порталында талқылауға шығарылған.

Құжатқа сәйкес, қазақстандықтар жаңа кәсіпорындарды құруға немесе жұмыс істеп тұрған кәсіпорындарды, оның ішінде сүт-тауар фермаларын (қуаты 400 бас малдан  бастап), ет бағытындағы құс фабрикаларын (жылына 5 мың тонна құс етінен бастап), көкөніс қоймаларын (1000 тоннадан бастап), сондай-ақ заманауи су үнемдеу технологияларын пайдалана отырып (шашырату, тамшылатып суару) суармалы егіншілік саласындағы жобаларды (картоп, көкөністер, жемшөп өндірісі) кеңейтуге несие ала алады.

Қаржыландыру республикалық немесе жергілікті бюджеттер есебінен жүзеге асырылатын болады. 

«Қағидалардың жобасына сәйкес, жергілікті атқарушы органдарға жылдық сыйақы мөлшерлемесі 0,01% болатын 10 жыл мерзімге...

Фото: kursiv.media

Алматыда 1 шілдеден бастап судың бір текше метрі үшін 55,2 теңге және кәріздің бір текше метрі үшін 32,74 теңге деңгейіндегі жаңа тарифтер қолданысқа енгізіле бастайды, деп хабарлайды «Алматы Су» компаниясының баспасөз қызметі.

Алматыда соңғы рет су тарифі тек 2014 жылы өзгеріп, бір текше метр үшін 55 теңгеге дейін көтерілген. Осы аралықтағы 9 жыл ішінде тарифтер кезең-кезеңімен төмендеп келген. Бүгінде су тарифі 1000 литр үшін 48 теңгеден аз мөлшерде қолданылады.

Сонымен бірге Алматы қаласындағы су құбыры желілерінің тозуы 54,4 пайызды құрайды. Шамамен 3607 шақырым құбырлардың 2033 шақырымын кезең-кезеңімен ауыстыру қажеттігі туындаған. Ал кәсіпорынның жөндеу қоры ел...

Фото: kursiv.media

Депутат Асхат Аймағамбетов Премьер-министр Әлихан Смайыловқа сауал жолдап, мемлекеттік органдар мәжіліс әзірлеген заң жобаларын салғырт қарайтынын айтты.

«Конституция бойынша депутаттардың заң шығару бастамасын көтеруге құқығы бар. Біз мемлекеттік органдардың әлсіз, тиімсіз жұмысын көріп отырмыз. Біз ғылым және ғылыми-технологиялық саясат бойынша заң жобаларын әзірледік. Президенттің тапсырмасы да бар екенін білесіздер. Үкімет осы заңды маусым айының соңына дейін енгізулері керек еді. Алайда, үлгермеді. Ал депутаттар болса, өздері бастамашылық етіп бұл заң жобасын дайындады. Бұған қоса білім, мәдениет және т.б. туралы заң жобалары да депутаттардың өздері әзірледі. Бірақ, мәселе мынада, мемлекеттік органдар заң жобаларын әзірлеу оларды...

Фото: kursiv.media

«Самұрық-Қазына» ұлттық әл-ауқат қоры жыл сайын таза кірісінің 7 пайызын «Қазақстан халқына» қорына аударып отырады. Қордың жалғыз акционері – ҚР Үкіметі өз Жарғысына осындай өзгеріс енгізді. Бұл шешім жайлы Қазақстан қор биржасына жолданған хабарламада жазылған.

Акционердің жалпы жиналысы 19 маусымда өткен. Жиында «Самұрық-Қазына» ұлттық әл-ауқат қоры» акционерлік қоғамының жарғысын бекіту туралы» Қазақстан Республикасы Үкіметінің 2012 жылғы 8 қарашадағы №1418 қаулысына өзгеріс пен толықтыру енгізу» мәселесі қаралған.

Нәтижесінде Қор «Қазақстан халқына» коммерциялық емес ұйымға таза кірісінің кемінде жеті пайызы мөлшерінде жыл сайын қаражат бөлу туралы шешім қабылдаған.

Бұл бастаманы Мемлекет басшысы «Әділетті мемлекет. Біртұтас...

Ресей Қорғаныс министрлігі «Вагнер» жеке әскери компаниясы ауыр әскери техникаларын Ресей Қарулы Күштеріне тапсыруға дайындалып жатыр. Бұл жайлы Ресей қорғаныс министрлігі хабарлаған.

«Вагнер» жасағы ауыр әскери техниканы Ресей Қарулы Күштерінің белсенді бөлімшелеріне беруге дайындалып жатыр«, – делінген министрлік хабарламасында.

Ал «Вагнер» жауынгерлері өз қалауымен Қорғаныс министрлігімен келісім-шартқа отыра алады, қаламаса үйлеріне немесе Беларуське кете алады. Ресей Президенті Путин дүйсенбі күні үндеу жариялап, «Вагнер» жауынгерлерінің таңдау жасауына мүмкіндік берді.

Естеріңізге сала кетсек, сенбі күні «Вагнер» жасағының басшысы Евгений Пригожин қарулы көтеріліс жасап, Дондағы Ростов, Воронеж қалаларын басып алды. Мәскеуге жорыққа шыққан оны...

Мемлекет басшысы бұқаралық ақпарат құралдары саласындағы сыйлықтар мен гранттар тапсыру барысында жақында Ресейде болған бүлікке қатысты да айтып өтті.

Оның айтуынша, жаңалықты жай ғана жариялап қоймай, оқиғалар мен құбылыстардың өзара байланысын көрсету, ұлттық мүддемізді көздейтін сапалы талдау жасау маңызды.

«Шетелде және біздің геосаяси төңірегімізде болып жатқан оқиғаларды объективті түрде жариялап көрсету бойынша отандық журналистердің алдында жауапты міндет тұр.   Бұл міндетті сәтті орындау сіздердің қолдарыңыздан келеді. Мысалы, жуырда Ресейде болған оқиғаны жариялап көрсету барысында осылай болды. Азаматтарымыз бұл бүлік әрекетін алаңдаушылықпен қабылдағаны рас. Ол түсінікті. Өйткені Қазақстан мен  Ресей арасын әлемдегі ең ұзын шекара бөліп жатыр...

Алматы қаласының прокуратурасы «ҚазТрансГаз Аймақ» АҚ Алматы өндірістік филиалына 500 млн-ға жуық айыппұл салынғанын хабарлады.

Прокуратура мәліметінше, компанияың қызметіне жүргізілген тексеру барысында, оның үстем және монополиялық жағдайды теріс пайдалану фактілері анықталды.

Атап айтқанда, кәсіпкерлер, пайдаланылмаған көлем үшін газ құнының 10 пайызын заңсыз төлеп келген.

«Үстем және монополиялық жағдайын теріс пайдаланғаны үшін «ҚазТрансГаз Аймақ» АҚ филиалы ҚР «Әкімшілік құқық бұзушылық туралы» Кодексінің 159-бабы 3-1-бөлігі бойынша жауаптылыққа тартылып 497,1 млн. теңге көлемінде айыппұл салынды», делінген хабарламада.

Сонымен қатар, компания 2023 жылға арналған тарифті төмендетуі тиіс болса да, мұндай қадамға бармаған. Өйткені, 2022 жылы табиғи...