Жаңалықтар

9 ақпан күні қазақ поэзиясының Хантәңірі атанған Мұқағали Мақатаевтың туғанына 95 жыл толады. Ақиық ақынның мерейтойына орай Kursiv LifeStyle Қазақстанның әр өңірінде өтетін театрлық қойылымдар, поэтикалық-музыкалық кештер, концерттер мен көрмелерді назарға ұсынады.

Театр сахнасындағы қойылымдар

8 ақпан күні Батыс Қазақстан облысы, Орал қаласындағы Хадиша Бөкеева атындағы қазақ драма театрында «Мұқағали – Нұрғиса» спектаклі көрерменге жол тартады. Қойылымда халық жадында сақталған ән-жырлардың туу тарихы, Мұқағали Мақатаев пен Нұрғиса Тілендиевтің шығармашылық тандемі, өнер алыптарының тағдыры мен достығы сахналанады. Мұқағали мен Нұрғиса бірге 30-дан астам туынды жазып шығарды.

Сол күні Алматы қаласында, Пушкин көшесі, 63 мекенжайында орналасқан Алматы мемлекеттік қуырша...

Жамбыл облысы Сарысу ауданында ауа райына байланысты төтенше жағдай жарияланды. Бұл туралы облыс әкімі Ербол Қарашөкеев мәлімдеді.

Бұған дейін қатты жел салдарынан Сарысу ауданы Жаңатас қаласындағы бірқатар көпқабатты тұрғын үйдің шатыры ұшып, электр желісі үзілді.

«Жаңатасқа барып, жағдаймен таныстым. Қатты жел салдарынан 3 үйдің шатыры толық, 7 үйдің шатыры жартылай, сондай-ақ жеті кәсіпкерлік нысанының шатыры бүлінген. Шамамен 2 шақырым электр тоғы үзілген», – дейді облыс әкімі.

Тұрғындар зардап шекпеген, әлеуметтік нысандарға зақым келмеген.

«Аудандық деңгейде төтенше жағдай жарияланды. Апат салдарын жоюға тиісті қаржы қарастырылатын болады. Қажет көмект...

Алматы облысының Самсы ауылында 13 жастағы жасөспірім өзіне қол жұмсады. Оның анасы Мақпал Әміртаеваның сөзінше, мектепте балаға қысым жасалған болуы мүмкін. Қайғылы оқиға былтыр қарашада болған, бірақ тек қазір ғана көпшілікке жарияланды.

Марқұм Нұрисламның анасы КТК арнасына берген сұхбатында, баласы мектепте сыныптастарымен төбелесіп қалғанын айтады. Жасөспірімдер жұдырықтасып жатқанын басқа оқушылар телефонға түсіріп, чаттарға таратып жіберген. Осыдан кейін мектеп әкімшілігі баланы «төбелескенің үшін колонияға барасың, ата-анаңды жауапқа тартамыз» деп қорқытқан көрінеді. Нұрислам мұны қатты ауыр қабылдап, тым тұйықталып кетеді.

Қайғылы оқиға болатын күні ол әдеттегідей мектепке барғанда полицей көлігін көреді. Байқап қалған соң, қорқып маңайдағы сарайға қашып тығылады...

Сенатор Марат Қожаев жол ережесін жиі бұзатын жүргізушілерге айыппұл төлеу кезіндегі 50 пайыздық жеңілдікті алып тастауды ұсынды.

Қазіргі қолданыстағы нормаға сәйкес, жүргізуші айыппұлды жеті күн ішінде төлесе, оның жартысын ғана өтейді. Алайда сенатор бұл жеңілдік бір жыл ішінде бір типтегі құқықбұзушылықты 10 реттен астам жасаған азаматтарға қолданылмауы тиіс деп санайды.

«Мен жыл ішінде жол ережесін бір типтегі бұзушылық бойынша 10 реттен астам жасаған адамдарды осы жеңілдіктен айыруды ұсындым. Яғни бір жылда 10 құқықбұзушылықтан кейін 11-ші, 12-ші, 13-ші рет қайталанса, толық көлемде айыппұл төлеуі тиіс», – деді Қожаев Сенат кулуарында.

Сенатордың сөзінше, жүргізушілер 11-ші реттен кейінг...

Ресми Астана Қазақстанның бірінші президенті Нұрсұлтан Назарбаев билігі кезінде жасалған жемқорлық қылмыстарын Стокгольмдегі сотта басты уәж ретінде қолданды. Билік соның арқасында Батыс елдерінің ірі мұнай компанияларынан миллиардтаған доллар өндіріп алғысы келеді.

Мұнай дауы және миллиардтар

Батыстың Eni, Shell, Chevron секілді ірі мұнай компаниялары Қарашығанақ кен орнына қатысты істі қараған төрелік сот Қазақстаннан жеңілгені 2026 жылғы қаңтардың аяғында мәлім болды. Шикізат өндіруші алпауыт корпорациялар халықаралық сот шешіміне шағымдана алады.

Үкім күшінде қалса, олар қазақ үкіметіне 4 млрд долларға дейін өтемақы төлейді. Мұны елдің ішінара жеңісі деуге келеді. Өйткені Астана сот арқылы 6 млрд доллар өндіріп алғысы келген. Қазір Қашаған

Алматыда 1 мамырға дейін жүргізушісіз такси қызметі іске қосылады. Бастапқы кезеңде желіге 50 жүргізушісіз автокөлік шығарылады. Бұл туралы қалалық цифрландыру басқармасы басшысының орынбасары Мейрам Дүйсеков мәлімдеді.

«Ең ауқымды жобалардың бірі – жүргізушісіз көлік бойынша пилоттық бағдарламаны іске қосу. Yandex Kazakhstan компаниясымен бірлесіп, 2026 жылғы 1 мамырға дейін желіге 50 жүргізушісіз автокөлік шығару жоспарланып отыр», – деді ол өңірлік коммуникациялар қызметінде өткен брифингте.

Спикер сондай-ақ қалада зияткерлік көлік жүйесі белсенді дамып жатқанын атап өтті. Қазіргі уақытта Алматының көлік холдингі қоғамдық көліктің қозғалысын диспетчерлеу мен бақылауды қамтамасыз етеді. Автобустар бейнекамералармен және GPS-трекерлермен жабдықталған, сондай-ақ ONAY қосымшасы арқылы...

Айкерім Қалаубаеваның биін Сұлтан Сүлеймен де билеп, жұртты күлкіге қарық қылды. Әрине, бұл жасанды интеллект арқылы мүмкін болды.

Қызық бейнежазбаны svetaneura әлеуметтік желіге жариялаған. ЖИ арқылы жасалған видеоға әншінің оқырмандары да үн қосып отыр.

«Сұлтан Сүйлейменнің Хюррем Сұлтаннан жақсы билейтінін білген едім», «Күлгін беторамалды ұтып алды», «Хюррем мыстан екен, Сұлтан Сүлейменді не істеп жіберген?» – деп әзілге басып жатыр.

«Жүрек неге жылайды?» деген жаңа әні нағыз трендке айналды. Айкерім Қалаубаеваның биі хитке айналды. Әлеуметтік желілерде қазақстандықтар жаппай билеп кетті. Тіпті, шетелдіктерді де қызықтырғаны байқалады.

Латын Америкасы, Үндістан және өзге елдердің де бишілері билеп, әлеуметтік желілерге видеоларын жүктеген болатын.

Қазақстандағы жекеменшік мектептерде, Назарбаев зияткерлік мектептерінде заңгер штаты болғанымен мемлекеттік мектептерде мұндай вакансия жоқ. Алда білім ордаларында осындай штат ашылуы мүмкін бе? Осы сауалды KursivMedia тілшісі Оқу-ағарту вице-министрі Шынар Ақпароваға қойды.

Вице-министр жекеменшік мектептер штат бірлігін өзі қоятынын, ал Оқу-ағарту министрлігінің №224 бұйрығына сәйкес, барлық мемлекеттік ұйымдарға қандай штат берілетіні жазылғанын айтты. Оған қоса типтік штаттық үлгілерде білім беру ұйымы өз бағытына қарай қандай да бір штаттық бірлік қоя алады.

«Қазір бізде білім бөлімдері мен басқармаларында заңгер штаты бар. Ал білім беру ұйымдары білім бөлімдері мен басқармаларына қарайды. Қандай да бір заңды түрде көмек қажет болса...

Биыл ораза айт намазы 20 наурыз, яғни жұмаға түсіп тұр. Соған байланысты азаматтар Қазақстан мұсылмандары діни басқармасы мамандарынан «бұл күні жұма намазын оқымаса бола ма?» деп сұраған.

«Осы күні таңертең айт намазы, түсте жұма намазы оқылады. Ханафи, малики және шафиғи мазхаптарында айт пен жұма бір күнге сәйкес келсе, айт намазы мен жұма намазы да сол күні оқылады. Жұма намазын оқу әрбір балиғатқа толған, ақылы дұрыс мұсылман ер адамға – парыз», – делінген ақпаратта.

Айта кетейік, биыл Ораза 19 ақпанда басталады. Қадір түні 16 наурыздан 17 наурызға қараған түнге түсіп тұр. Ораза айт 20 наурызға түскен.

Маңғыстау облысында полиция азаматтарды заңсыз қудалау, яғни сталкинг деректері бойынша бірнеше жағдайды тексеріп жатыр.

Lada.kz хабарлауынша, жыл басынан бері «жоқ» деген жауапты қабылдамай, бұрынғы танысын қудалаған екі адамға қатысты қылмыстық іс қозғалған. Құқық қорғау органдарына мазалаған ер адамдарға қатысты екі әйел шағым түсірген.

Бірінші оқиға

13 қаңтар күні 39 жастағы әйел облыстық полиция департаментіне «Е-өтініш» ақпараттық жүйесі арқылы арызданған. Ол бұрын қарым-қатынаста болған азаматты жауапкершілікке тартуды сұраған.

Жәбірленушінің айтуынша, олар 2022 жылдың желтоқсанынан бері кездесіп жүрген. Ал 2025 жылы қарым-қатынасты тоқтатқан. Алайда ер адам мұнымен келіспей, кездесуге мәжбүрлеп шақырып, аңдуға көшкен.  

Осы дерек бойынша Мұнайлы ауданды...

2026 жылы қасиетті Рамазан айы 19 ақпанда басталады. Kursiv Media Атырау қаласы бойынша ораза кестесін Muftyat.kz жариялаған намаз уақытына сәйкес дайындап шықты.

Ауызашарда оқылатын дұға

«Аллаһуммә ләкә сумту уә бикә әәмәнту уә ‘аләйкә тәуәккәлту уә ‘ала ризқикә әфтарту. Зәхәбә Зома уәбтәллатил-‘уруқ уә сәбәтал-әжру ин шәә Алла».

Мағынасы: «Алла Тағалам! Сенің ризалығың үшін ораза ұстадым. Сенің берген ризығыңмен аузымды аштым. Саған иман етіп, саған тәуекел жасадым. Шөл кетті, тамырлар суланды, иншалла, сауабы да жазылды».

Сәресіде айтылатын дұға

«Нәуәйту ән асумә саумә шәһри Рамаданә минәл фәжри...

Астананың кіреберістеріне қойылған полиция бекеттері екі жылға жуық үздіксіз қызмет атқарып келеді. ІІМ бұл бекеттер 2024 жылғы ШЫҰ саммиті мен халықаралық іс-шаралар кезінде қауіпсіздікті қамтамасыз ету үшін уақытша қойылғанын мәлімдеген еді. Дегенмен қазір сол уақыттағы 9 бекеттің алтауы тұрақты жұмыс істеуде. Жүргізушілер тарапынан олардың қашан алынатыны жайлы жиі сұрақтар туындайды. Осы орайда Kursiv.Media тілшісі ІІМ-ге сауал жолдап, бекеттердің не себепті алынбай тұрғанын анықтап көрді.

Ұрлықтан бастап, есірткіге дейін: полиция қандай қылмыстарды әшкереледі

ІІМ қауіпсіздікті күшейту үшін бастапқыда елорда маңында 9 уақытша бақылау бекетін іске қосты. Алайда бақылау бекеттерінің арқасында біршама қылмыстың беті ашылды.

«Жүргізілген талдау...

Әйгілі әртіс Нұрлан Сабуровқа Ресейге кіру тыйым салынды деген ақпараттан кейін ресейлік БАҚ-та оның дүние-мүлкі жайлы деректер тарады. SHOT телеграм арнасының дерегінше, әзілкештің көрші елде екі пәтері мен екі көлігі бар.

700 млн-ның үйі, 128 млн теңгенің көлігі

Сабуров Мәскеу түбіндегі қымбат ауданнан екі қабатты үй сатып алған. Құны – қазіргі курспен 738 млн теңге (115 млн рубль). Одан бөлек әртіс 2022 жылы 78 млн теңгеге (12,2 млн рубльге) жер учаскесін иеленеді. Кейін әйелі, үш баласымен сол аумақтағы үйде тұрған.

Тұрғын үйден бөлек Сабуровқа екі көлік тиесілі көрінеді. Оның бірі – құны 128 млн теңге...

XXV қысқы Олимпиада ойындары биыл Италияның Милан қаласында өтеді. 6 ақпанда «Сан-Сиро» стадионында ойындардың салтанатты ашылуы өтеді деп жоспарланған. Іс-шара Астана уақытымен сағат 23:55-те басталады.

Туризм және спорт министрлігінің хабарлауынша, кешті еліміздің 4 телеарнасы – Qazaqstan, Qazsport, «Хабар» және Jibek Joly тікелей эфирде көрсетеді.

Ұлттық құрамалар шеруінде мемлекеттік туды Денис Никиша (шорт-трек) мен Аяулым Әмренова (фристайл-могул) ұстап шығады.

Бір қызығы ашылу рәсімі 4 локацияда қатар өтеді. Денис Милан қаласында, ал Аяулым шаңғы жарыстары өтетін Ливиньо коммунасындағы рәсімде болады.

Салтанатты кештің тақырыбы – Armonia. Итальян тілінен аударғанда «гармония», «үйлесім» дегенді білдіреді.

Сондай-ақ биыл Олимпиада алауы алғаш рет 2 тұста...

Kursiv Media Muftyat.kz деректеріне сүйене отырып, Ақтау қаласы бойынша 2026 жылғы қасиетті Рамазан айындағы ауызашар мен сәресі уақыттарын назарларыңызға ұсынады.

Қасиетті Рамазан айы 2026 жылы 19 ақпанда басталады. Ал Қадір түні 16 наурыздан 17 наурызға қараған түні өтеді.

Ауызашарда оқылатын дұға

«Аллаһуммә ләкә сумту уә бикә әәмәнту уә ‘аләйкә тәуәккәлту уә ‘ала ризқикә әфтарту. Зәхәбә Зома уәбтәллатил-‘уруқ уә сәбәтал-әжру ин шәә Алла».

Мағынасы: «Алла Тағалам! Сенің ризалығың үшін ораза ұстадым. Сенің берген ризығыңмен аузымды аштым. Саған иман етіп, саған тәуекел жасадым. Шөл кетті, тамырлар суланды, иншалла, сауабы да жазылды».

Сәресіде айтылатын дұға

Трамплиннен секіруші спортшылар нәтижесін жақсарту мақсатында жыныс мүшесін үлкейткен болуы мүмкін.

Әлемдік допингке қарсы агенттік ақпарат расталса, арнайы тергеу бастайтынын мәлімдеді.

BBC хабарлауынша, қаңтар айында немістің Bild басылымы кейбір спортшылар мүшесінің көлемін үлкейту үшін гиалурон қышқылының инъекциясын қолданатынын жазған. Басылым мәліметінше, бұл зат допингке жатпайды және мүшені екі-үш сантиметрге дейін үлкейтуі мүмкін.

Бұл спортшылардың арнайы тапсырыспен тігілетін костюмінің өлшеміне әсер етеді. Трамплиннен секірушілердің киімі 3D-сканер арқылы жеке өлшеммен дайындалады және өлшеу кезінде дененің ең төменгі нүктесіне дейінгі арақашықтық ескеріледі.

Егер жыныс мүшесінің көлемі үлкейсе, сол нүкте төмен түсіп, костюмге қосымша мата ауданы қосылады. Журналистердің жазуынша, бұл аэродинамиканы жақсартып...

Қазақстан мектептерінде осы жылдың қыркүйек айынан бастап кәсіби бағдар беруші штаты енгізілетіні рас па? Kursiv.Media тілшісінің осы сауалына Оқу-ағарту вице-министрі Шынар Ақпарова жауап берді.

Вице-министрдің сөзінше, мектептерге педагог-ассистент пен педагог-кәсіби бағдар беруші (профориентолог) штаты енгізіліп жатыр.

«Педагог-кәсіби бағдар беруші маман балаларға білім алу барысында кәсіби бағытын таңдауға көмектеседі. Мамандығын айқындауға септеседі. Ал педагог-ассистент инклюзивті білім беру саласында балаларға қолдау, көмек береді», – деді ол.

Ақпарова бір мектепте – бір штат тәртібі бұл мамандықтарға қолданылмайтынын, оқушы санына байланысты білім ордалары өз қажеттіліктеріне қарай айқындайтынын жеткізді.

Айта кетейік, бұған дейін Kursiv.Media мемлекеттік мектепте мұғалімнің ақылы қосымша...

Өзбекстан Үндістаннан кейбір тауар түрлерін импорттауға уақытша шектеу енгізді. Бұл – бас мемлекеттік ветеринариялық инспекторының  шешімі.  

Kun.uz ақпаратына қарағанда, 2026 жылдың 29 қаңтарынан бастап Үндістан Республикасынан тірі жануарлар мен құстарды елге әкелуге уақытша шектеу енгізілді. Бұл шара Нипах вирусының ел аумағына таралуына жол бермеу мақсатында қабылданды.

Құжатқа сәйкес, Үндістанның бүкіл аумағынан тірі жануарлар мен құстарды импорттауға тыйым салынбақ. Сонымен қатар Батыс Бенгалия штатынан мемлекеттік ветеринариялық бақылауға жататын барлық тауар түрін әкелуге уақытша шектеу қойылды.

Құжатта Дүниежүзілік жануарлар денсаулығы ұйымының және ашық дереккөздердің мәліметіне сүйеніп Батыс Бенгалия штатында Нипах вирусының таралуына байланысты күрделі эпидемиологиялық жағдай қалыптасқаны атап өтілген.

Жауапты ведомстволар...

Астанада ауа райына байланысты ұшақтар кешігіп жатыр. Нұрсұлтан Назарбаев халықаралық әуежайы ауа райына байланысты рейстер уақыты өзгеруі мүмкін екенін ескертті.

«Алдағы күндері өңірлерде ауа райы бұзылады. Қар жауып, көктайғақ болады, тұман түсіп, қатты жел соғады деп болжанған. Ауа райына байланысты Астананың халықаралық әуежайы рейстер уақыты өзгеруі мүмкін екенін ескертеді», – делінген ақпаратта.

Бүгін 79 ұшақ елордадан ұшып шығып, 78 рейс келіп қонады деп жоспарланған. Қазірге дейін ұшып келуге тиіс болған 10 рейс кешігіп жатыр. Астанадан ұшып шығуы керек болған екі рейс уақыты өзгерді. Бұл өзгерістерге ауа райы себеп болып отыр.

Соған байланысты әуежай...

Жамбыл облысы Сарысу ауданында қатты жел үйлердің шатырын ұшырып әкетті. Жаңатас қаласында 6 ақпанда желдің екпіні 32 м/с-қа дейін жеткен.

Зардап шеккен азаматтар туралы ақпарат тіркелмеген.

Облыс әкімдігінің хабарлауынша, бірнеше нысанға зақым келген. Ішінде 1-шағын аудандағы №32, 33, 34, 35 тұрғын үйлердің; 3-шағын аудандағы №6 тұрғын үйдің; 4-шағын аудандағы №15 және №15 «а» тұрғын үйдің шатыры ұшып кеткен.

Бейбітшілік көшесінде орналасқан ту тұғыры құлап, аудан аумағында электр жарығы уақытша сөнген.

«Оқиғаға байланысты аудан әкімдігінде жедел штаб құрылып, зерделеу және қалпына келтіру жұмыстары жүргізіліп жатыр. Қоғамдық-саяси ахуал тұрақты», – деп хабарлады әкімдік.

Облыс әкімі жағдайды...

«Өнер қырандарындағы» Жанболат пен Сырымбет айтыскерлер – Жандарбек пен Сырыммен қосылып, онлайн аламан айтыстың көрігін қыздырды. Жастар мен тәжірибесі көбірек аға-әпке арасындағы қағытпа қалжың шағын видео-жолдаумен басталып, үлкен батлға ұласпақ. 

Жандарбек пен Сырымның командасына әзілкештер қосылып, «барлық елдің ЖанСырымдары, бірігіңдер» деп ұран тастады. Осылайша ЖанСырымдардан құралған квартет «Стиль таза Жансырым» деп 6ELLUCCI тобының әйгілі хитіне салып, Балғынбек Имаш пен Айнұр Тұрсынбаеваға жауап жолдады.

«Тақиясыз жалаңбас, инстада атыспай, уатсапқа хабарлас. Сенің стилің кімге керек, бірдеңе деп, үй бегемот. Сені ұшырады, ЖанСырым кеп шыр көбелек», – деп қағытты. 

Сөз арасында 12 ақпан күнге белгіленген онлайн батлдың және...

«Қайтарылған активтерді басқару компаниясы» қазақ олигархтары мемлекетке қайтарған қымбат дүние-мүлікті сатылымға шығарды. Олардың қатарында элиталы пәтерлер, бірнеше көлік тұрағы мен коммерциялық ғимарат бар.

Жалпы үш пәтер мен 3 тұрақ, 1 тұрғын емес үй жай аукционда сатылмақ. Сауда-саттық 18-20 ақпанда, бағаны көтеру тәсілімен өтеді.

«Париж кварталындағы» қымбат пәтер

Астананың «Париж кварталындағы» екі деңгейлі қымбат үйді активтерді басқару компаниясы кемі 363,2 млн теңгеге (қосылған құн салығынсыз) сатуға ниетті. Аукционға қатысқысы келгендер 54 млн теңге кепіл жарнасын төлеуі шарт.

Жалпы ауданы 309,5 шаршы метр болатын бес бөлмелі пәтер сән-салтанаты асқан 6 қабатты үйдің 3-4 қабатында орналасқан...

Экс-премьер, ҰҚК-нің бұрынғы төрағасы Кәрім Мәсімовтен тәркіленген самурай қылышы екінші мәрте аукционда сатылғалы жатыр. Жәдігердің бастапқы бағасы 461 312 теңге, яғни шамамен 1 мың доллардан басталады.

Самурайдың қайта оралуы

«Қайтарылған активтерді басқару компаниясы» (KUVA) қазір түрмеде отырған бұрынғы шенеунік Кәрім Мәсімовтің самурай қылышын тағы да аукционға шығарды. Жапон суық қаруы электронды сауда порталы – sauda.e-qazyna.kz платформасында сатылады.

Қылыш осымен екінші мәрте сатылғалы жатыр. 2025 жылғы 4 қарашада өткен аукционда ол 540 мың теңгеге сатылған еді. Бірақ кейін оны алған адам ақшасын төлемегені мәлім болды. Соған байланысты самурай қылышы аукционға қайта оралды. Сауда 20 ақпанда сағат 11-де...

Ресей билігі әзілкеш Нұрлан Сабуровтың Ресей аумағына кіруіне тыйым салды. РИА Новости агенттігінің ақпаратынша, бұл туралы құқық қорғау органдарындағы дереккөз хабарлаған.

«Елге кіруге 50 жыл мерзімге тыйым салынды», – деді агенттікке сұхбат берген дереккөз.

Құқық қорғау органдарындағы тағы бір дереккөздің мәліметінше, мұндай шешім елдің ұлттық қауіпсіздігі мүддесі үшін қабылданған. Сондай-ақ ақпаратқа сәйкес, әзілкеш Ресейде тапқан табысын делдалдар арқылы заңдастыруға әрекет жасаған.

Бұдан бөлек, Сабуровтың Ресей аумағында 60 миллион рубльден асатын мүлкі бар екені хабарланды.

Осыған дейін Нұрлан Сабуровтың Мәскеудегі Шереметьево әуежайында ұсталғанын жазған едік. Ол кезде әртіс миграциялық заңнаманы бұзғаны үшін 5 мың рубль (шамамен ...