Әлемге әйгілі әнші Энрике Иглесиас Қазақстанға келмек. Әлеуметтік желіде GET READY (дайын бол) деп жазылған интригалық тизер жарияланып, Қазақстандағы концертті күттіретіндей жарнама пайда болды. Бұл тизер Ticketon.kz жариялады.
Алайда, Энрике Иглесиастың ресми enriqueiglesias.com сайтындағы тур-кестесінде Қазақстанға арналған концерт әзірге жоқ.
Бас прокурор Берік Асылов Эпштейн ісінде аты аталған Қазақстанның экс-шенеуніктері тексерілетінін мәлімдеді.
Ақордада кулуарында журналистер сұрағына жауап берген Берік Асылов бұл жөнінде депутаттардан сауал енді ғана түскенін айтты. Сөзінше, тергеу бастапқы кезеңде болғандықтан, іске қатысы бар адамдардың есімдері әлі жарияланбаған.
«Осы бойынша фактілерді саралап жатырмыз. Аталған тұлғалардың қатысы бар-жоғы анықталады. Тексеру шаралары басталды. Кәрім Мәсімовке қатысты алдын-ала тексерісті бастадық. Келімбетовтің де елден шыққан-шықпағаны тексеріледі», – деді бас прокурор.
Айта кетейік, Эпштейн ісінде Назарбаев билік еткен тұста үлкен лауазымдарда болған Кәрім Мәсімов пен Қайрат Келімбетовтің аты аталған еді. Осыған орай Мәжіліс депутаттары құқы...
2025 жылдың қаңтар-желтоқсан айларында Қазақстан мен Сербия арасындағы өзара тауар айналымы 107,7 млн АҚШ долларын құрады. Бұл көрсеткіш алдыңғы жылдың сәйкес кезеңімен салыстырғанда 7,6%-ға жоғарылап, екі ел арасындағы сауда байланыстарының нығайып келе жатқанын айғақтайды.
Қазақстаннан Сербияға бағытталған экспорттың 80,4%-ға шұғыл өсіп, 28,6 млн долларға жеткен.
Отандық өнімдердің сыртқы нарыққа шығу қарқынының артуы есебінен сауда балансы едәуір жақсарып, теріс айырмашылық 68,3 млн доллардан 50,4 млн долларға дейін қысқарды.
Қазақстандық экспорттың өсіміне негізінен өңдеу және химия өнеркәсібі өнімдерінің сұранысқа ие болуы тікелей әсер етті.
Мәселен, минералды аралас тыңайтқыштарды жеткізу көлемі 2,2 есеге...
Жұмыссыз қалған адамдар жоғалған кірістің 45%-ына дейін міндетті әлеуметтік сақтандыру қорынан төлем ала алады.
Бұл туралы Еңбек және халықты әлеуметтік қорғау министрлігі хабарлады.
«Қолданыстағы заңнамаға сәйкес жұмыстан босатылған жұмыскерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша әлеуметтік төлемдер алады. Төлем жоғалған кірістің 45%-ына дейінгі мөлшерде Мемлекеттік әлеуметтік сақтандыру қорының қаражаты есебінен жүзеге асырылады», – делінген ақпаратта.
Төлем тағайындау үшін жұмыстан босатылған жұмыскерге:
– eGov.kz порталында авторизациялану;
– «Жұмысқа орналастыру және жұмыспен қамту» бөлімінде «Жұмыс іздеуші адамдарды тіркеу...
Щучинск қаласында жарылыстан қайтыс болғандардың отбасына 2 млн теңгеден беріледі. Бұл туралы Бурабай ауданының әкімі Арай Садықов айтты.
Әкімнің сөзінше, дәмханадағы жарылыстан 28 адам зардап шекті, 7 адам қаза тапты, ішінде бір кәмелетке толмаған бар. Барлық қажетті көмек толық көлемде көрсетіліп жатыр.
«Қаза тапқандардың отбасына 2 млн теңге мөлшерінде бір реттік материалдық көмек төленеді, ал зардап шеккендерге 1 млн теңгеден беріледі», – деді аудан әкімі Садықов.
Әкімдік жерлеу рәсімдерін ұйымдастыруға байланысты барлық ұйымдастырушылық мәселені өз мойнына алған. Сондай-ақ марқұмдардың туыстарын орналастыру және тасымалдау бойынша көмек көрсетеді.
Ақмола облысы Бурабай ауданына қарасты Щучинск...
Энергетика министрі Ерлан Ақкенженов Shell мұнай компаниясы Қазақстанға инвестиция салуды доғарады деген мәліметті жоққа шығарды.
Бұған дейін Shell компаниясының бас директоры Ваэль Саван компания Қазақстанға инвестиция құюды уақытша тоқтатады деп мәлімдеген. 27 ақпанда Ақордада журналистермен тілдескен министр Ерлан Ақкенженов ағылшын компаниясы төңірегіндегі жағдайды түсіндірді.
«Біз компанияға сауал жолдадық. Өткен аптада Shell өкілі Сьюзен Куган бізге жағдайды түсіндіріп, БАҚ компания басшысының сөзін дұрыс түсінбегенін айтты. Шын мәнінде Shell Қазақстанда әрі қарай дамығысы келеді. Мәселен, қазір газ өндіру үшін бір кен орнын қарастырып жатыр», – дейді қазақ министрі.
Ақкенженов ағылшын компаниясының ресми жауабын...
Астанада өткен алқа отырысында премьер-министрінің орынбасары – мәдениет және ақпарат министрі Аида Балаева ЖОО-ларда Жасанды интеллект факультеттерін ашуды тапсырды. Бұл жөнінде Оқу-ағарту министрлігі мәлімдеді.
Министрлік мәліметінше, жиында педагогтерді ЖИ технологиялары саласында даярлау мәселесіне ден қойылып, мұғалімдерді қайта даярлау қажеттігі де қозғалған.
«Осыған байланысты барлық профильді педагогикалық жоғары оқу орындарында Жасанды интеллект факультеттерін ашу тапсырылды», – делінген хабарламада.
Бұдан бөлек, вице-премьер техникалық және кәсіптік білім беру жүйесін де қайта қарау қажеттігін тапсырған. Атап айтқанда, қаржыландыру тетігін жетілдіру, еңбек нарығын жүйелі зерттеу және дуальды оқыту үлгісін енгізу бойынша бойынша шұғыл шаралар қабылдау керектігін тапсырған.
Айта кетейік...
БҰҰ Бас Ассамблеясы Ресейдің Украинаға басып кіруінің төрт жылдығына орай «Украинадағы берік бейбітшілікті қолдау» атты қарар қабылдады. Нью-Йоркте 24 ақпанда өткен отырыста Украинаның «халықаралық деңгейде танылған шекаралары шегіндегі егемендігін, тәуелсіздігін, бірлігі мен аумақтық тұтастығын» растайтын құжатты 107 елдің өкілі қолдап дауыс берді.
12 мемлекет қарсы шықты, олар: Ресей, Беларусь, Буркина-Фасо, Бурунди, Куба, Солтүстік Корея (КХДР), Эритрея, Иран, Мали, Нигер, Никарагуа және Судан. Тағы 51 ел қалыс қалды, олардың ішінде АҚШ, Қытай, Үндістан, Оңтүстік Африка Республикасы, Армения, Қазақстан, Бразилия және Біріккен Араб Әмірліктері бар.
Құжат Украинадағы соғыс қимылдарын дереу тоқтатуға, әскери тұтқындарды толықтай алмастыруға, Ресей заңсыз ұстап отырған барлық адамдарды босатуға және бейбіт тұрғындарды Украинаға...
Актриса, Қайрат Нұртастың жары Жұлдыз Әбдікәрімова қоныс тойын және жұбайының туған күнін қатар атап өтті. Мерекелік кешке өнер мен медиа саласының бірқатар өкілдері шақырылған.
Қонақтардың қатарында Айгүл Иманбаева, Ләйлә Сұлтанқызы және Гүлнұр Оразымбетова болды. Жұлдыз Әбдікәрімова кеш барысында жаңа үйін аралатып, бөлмелерін көрсетті.
Үйді таныстыру сәтінде қонақтар жатын бөлмеге де бас сұқты. Қонақтардың бірі бұл бөлмені әзілмен «ханның қызы жататын бөлме» десе, енді бірі бөлмеде орнатылған камераға назарын аударды.
Осы кезде Айгүл Иманбаева әзіл аралас: «Бұл жерде кіммен жатасың?» – деп сұрақ қойып, жиналғандарды күлкіге қарық қылды.
Еске сала кетейік, бұған дейін Жұлдыз Әбдікәрімова ата-енесін шақырып, қоныстой жасаған...
Бұрынғы кәсіби кикбоксер, қазір атышулы блогер ретінде танылған Эндрю Тейт Қазақстанға келді. Оған Қазақстан қатты ұнаған.
Блогердің пікірінше, қазақстандықтар АҚШ пен Еуропада үйреншікті болып кеткен көптеген тақырыптарды біле бермейді.
«Мен қазір Алматыда жүрмін. Мен Қазақстанға ұшып келдім. Алматы – таза әрі заманауи қала. Таңқаларлық. Ең таңқалатын нәрсем, Қазақстанда іскерлік кездесуден бөлек, адамдармен де сөйлесемін. Мен олардың дүниетанымын түсінгім келеді. Мен үлкен құрметпен айтып жатырмын. Қазақстан басқа планетадан келген өзге ғаламшарлықтарға ұқсайды», – деді ол.
Блогер қазақстандықтардың Батыс елдерінің тұрғындарынан басты айырмашылықтарын тізбектеп көрсетіп берді.
«Сіз өзіңізді Жерге келген өзге ғаламшарлықпен деп...
Теңіз кен орнындағы мұнай өндіру көлемі іс жүзінде толық қуатқа шықты. Бұл жөнінде Энергетика министрі Ерлан Ақкенженов мәлімдеді.
Ақорда кулуарында министр Каспий құбыр консорциумы (КТК) арқылы мұнай экспорттауға ешқандай мәселе жоқ екенін айтты. Сөзінше, қазір жағдай тынышталған. ВПУ-2 (айлақ қондырғысы) іске қосылған. Сондай-ақ 2026 жылы экспорт көлемі өткен жылдың деңгейінде сақталады.
Бұған дейін Каспий құбыры арқылы 2025 жылы Еуропаға 70,52 млн тонна мұнай жеткізілгенін хабарлаған едік.
Айта кетейік, Қазақстан елде өндірілетін мұнайдың 80%-ын КҚК арқылы Батысқа сатып отыр. Сол себепті экспорт пен өндірістің тоқтаусыз жүруіне қазақ үкіметі мүдделі. Астана дрондар шабуылынан айтарлықтай шығынға батты.
Қазақстанның 325 мың азаматы федералдық көші-қон бағдарламасымен Ресейге қоныс аударды. Көрші елдің баспасөзі осындай мәлімет таратты.
Ресей ІІМ азаматтық мәселелер жөніндегі қызметі басшысының орынбасары Валентина Казакованың айтуынша, мемлекеттік бағдарлама аясында осы елге 1,2 млн адам көшіп барған. Шенеунік осындай мәліметті Халықаралық істер жөніндегі федералдық кеңесте жариялаған. Казакованың дерегін ТАСС таратты.
Ресми мәліметке сүйенсек, отандастарды тарту жөніндегі федералдық бағдарлама 2006 жылы қабылданғалы бері Қазақстаннан Ресейге 325 мың азамат көшкен. Осы көрсеткіш бойынша Қазақстан бірінші орында тұр.
Кейінгі жиырма жылда Украинаның 301 мың азаматы федералдық көші-қон бағларламасы аясында қоныс аударған. Үшінші орында Тәжікстан тұр – 159 мың азамат.
Казакованың айтуынша...
Ақмола облысындағы дәмханада болған жарылыстан қайтыс болғандардың аты-жөні жарияланды.
Ақмола әкімдігінің хабарлауынша, қайтыс болған жеті адамның алтауы дәмханада жұмыс істеген. Бір адамға қатысты ақпарат нақтыланып жатыр. Сондай-ақ әкімдік 16 жастағы жасөспірімнің қайтыс болғаны туралы ақпаратты тексереді.
Алдын ала ақпарат бойынша, жасөспірім дәмханаға анасымен бірге барған. Анасы сол жерде жұмыс істеген. Қыздың анасы аман қалды.
Желіде қайтыс болғандар мен күйік шалған адамдар туралы ақпарат жарияланды. Ол жерде жалпы 20 адам бар. Құжатқа сәйкес, 7 адам жансақтау бөлімінде ем алып жатыр, 5 адам травматологиялық бөлімде, бір адам хирургия бөлімінде жатыр. Екі адам қайтыс болған. Қалған азаматтар амбулаториялық емдеуге жіберілді.
Қайтыс болғандардың арасында...
ЕуроОдақ Қырғызстан билігінен Еуропадан шығатын тауарларды Ресейге қайта сатуды тоқтатуды талап етті. ЕО-ның санкциялар жөніндегі арнайы өкілі Дэвид О’Салливан Қырғызстан Мәскеуге қарсы салынған шектеулерді айналып өтуге көмектесетін негізгі дәлізге айналғанын мәлімдеген. Бұл туралы Reuters басылымы жазады.
Ресей 2022 жылы Украинаға басып кіргелі бері, Қытаймен шекаралас әрі Ресейдің жақын одақтасы – Қырғызстан экономикасы жылына орта есеппен 9% өсім көрсетіп, әлемдегі ең жылдам дамушы елдердің біріне айналған.
Дэвид О’Салливанның айтуынша, Брюссельді, әсіресе, радиожабдықтар мен станоктардың Қырғызстанға импортталуының күрт артуы мазалайды. Бұл тауарлардың кейіннен әскери мақсатта қолданылуы мүмкін болғандықтан, оларды Ресейге жеткізуге...
Марокко – бір жағынан Еуропаның әсері сезілетін, екінші жағынан араб өркениетінің иісі аңқып тұратын, ал кей аймақтарда байырғы амази халқының дәстүрі сақталған көпқабатты, көптүсті мемлекет. Әр қала, әр көше – бөлек әлем.
Қазақстандық фотограф Диас Чапай бұл елді құны 7,5 млн теңге тұратын Leica камерасымен аралап, ешкім байқамайтын детальдарды таспаға басып қайтты. Kursiv LifeStyle Диаспен Марокконың жұмбақ көшелері, «тірі» кадрдың құны және қымбат кадрлар жайлы әңгімелесті.
Диастың айтуынша, Мароккоға нақты жоспармен бармаған. «Не түсіремін?» деген сұрақтан гөрі, «қайда барамын, не көремін?» деген қызығушылық басым болған. Қалалар мен ауылдарды аралап, тар көшелермен жүріп, базарларды кезіп, кадрды сәтті ұстап қалу...
Ұзақ ғарыштық сапарларға арналған тағам әзірлене бастады. NASA ғарыштағы ферменттелген өнімдер үлгілерін зерттемек.
NASA мәліметінше, адам денсаулығы үшін аса маңызды кейбір қоректік заттарды сақтау мерзімін ұзартпақ. Қазіргі меже Айға, Марсқа және одан да алыс миссияларға төтеп бере алмайды.
Сондықтан, NASA BioNutrients-3 жобасын қолға алып отыр. Микроорганизмдерді ғарышта және қажет болса, қоректік заттарды өндіру үшін пайдалану керек. Оның тәсілдерін зерттеуге бағытталған тәжірибелер жүргізіліп жатыр.
Бұл тәжірибе «қажет болған кезде өндіру» қағидатына негізделген. Жердегі қоректік заттарға бай ферменттелген өнімдерді өндіруге ұқсайды. Мысалы, пайдалы бактериялар сүтті йогуртқа айналдырады. Алайда бұл жағдайда болашақ ғарыш зерттеушілеріне керек қоректік заттардың белгіл...
Солтүстік Қазақстан облысында 12 жыл бойы тұрғындарды қарызға батырып, мүлкін тартып алып келген күдіктінің ісі сотқа жолданды. Қаржылық мониторинг агенттігінің мәліметінше, бұл азамат 2013 жылдан бері тиісті лицензиясыз жеке және заңды тұлғаларға жоғары пайызбен ақша беріп келген.
Несиенің жылдық мөлшерлемесі 60%-дан 120%-ға дейін жеткен, бұл заңды банктер ұсынатын мөлшерлемеден бірнеше есе көп.
Күдікті өз ісін «заңдастыру» үшін қулыққа басқан: келісімшарт жасасқанда құжатқа нақты берілген ақшадан әлдеқайда қомақты соманы жазып отырған.
Ал қарызды қайтаруды қамтамасыз ету үшін мүлікті сатып алу-сату туралы жалған келісімшарттар жасасқан. Осы заңсыз әрекеттерінің арқасында ол 1,8 млрд теңгеден астам пайда...
Мәжіліс пен Сенат депутаттары Парламент таратылғаннан кейін, басқа жұмысқа орналасып үлгермесе, тағы үш ай бойы толық жалақы алып тұрады. «Курсив» басылымының сауалына ҚР Орталық сайлау комиссиясы осылай жауап берген
«Парламент депутатына ол жұмысқа орналасқанға дейін немесе зейнеткерлік жасқа толғанға дейін ай сайын оның орташа айлық жалақысы мөлшерінде жәрдемақы төленеді, бірақ бұл төлем өкілеттігі тоқтатылған күннен бастап үш айдан аспауы тиіс», – деп атап өтті Орталық сайлау комиссиясы.
Бұл норма «Қазақстан Республикасының Парламенті және оның депутаттарының мәртебесі туралы» Конституциялық заңның 30-бабы, 5-1-тармағымен реттеледі. Ел заңнамасында депутаттарға берілетін басқа ешқандай төлемдер қарастырылмаған.
Еске салайық, қазіргі Парламент депутаттарыны...
Польшада қазақстандық әйел жоғалып кетті деген ақпарат тарады. Бұл туралы «Варшава здесь» Facebook парақшасында бірнеше күн бұрын айтылған.
Желідегі ақпаратқа сәйкес, 1980 жылы туған Екатерина Шиловамен байланысы 18 ақпанда үзілген. Сол күні әйел Варшавадан Астанаға ұшып шығуы болған, бірақ ұшаққа отырмаған.
Екатеринаның әпкесінің айтуынша, әйелден күмәнді хабарлама келген. Ол жерде Германияға жақсы жұмысқа шақырғанын айтып, байланысқа кейін шығатынын мәлімдеген. Туыстары бұл хабарламаны Екатерина жазбады деп санайды.
Екатерина Шилова арық келген, бойы 165 см., қара шашты.
Қазақстанның сыртқы істер министрлігі осы жағдайға қатысты кейінірек толық ақпарат беретінін мәлімдеді.
Шымкентте 7 жастағы оқушы қызға қатысты сексуалдық сипаттағы әрекеттер жасады деген күдікпен мұғалім ұсталды. Бейресми мәліметке қарағанда, оқиға кеше жекеменшік мектептердің бірінде сабақ уақытында болған.
Үйіне көңілсіз келген қызы анасына 36 жастағы мұғалім тізесіне отырғызып, қарсыласқанына қарамастан денесіне қол жүгіртіп, әдепсіз әрекеттер жасағанын айтып берген. Ата-анасы мән-жайды анықтауға тырысқанда, мектеп әкімшілігі бейнебақылау камераларындағы жазбаларды көрсетуден бас тартқан. Нәтижесінде жанжал шыққан.
Оқиға орнына полиция шақырылған. Бейнежазбаны көрген кезде оқушының айтқаны расталған. Бүгін полиция аталған жайтқа байланысты тергеу басталғанын хабарлады.
«Қазіргі таңда жедел-тергеу тобы оқиғаның барлық мән-жайын жан-жақты, толық әрі объективті анықтауға бағытталған кешенд...
Ақордада журналистердің сұрағына жауап берген «Самұрық-Қазына» қорының басшысы Нұрлан Жақыпов 650 адамды жұмыстан қысқартатынын мәлім етті.
«Астана қаласында «Самұрық-Қазына» қорындағы қызметкерлер саны 6500 адамды құрайды. Сондықтан 650 адамды қысқартамыз», – деді Жақыпов.
Жақыповтың айтуынша, оңтайландыру шаралары тек әкімшілік-басқару блогында болады. Ал өндірістік сала қызметкерлеріне мұның қатысы жоқ. Сөзінше, қысқарту наурыз айының соңына дейін заң талаптарына сай жүргізіледі.
Сондай-ақ ол қор ішінде «кофе мәселесіне қатысты әңгімелер» жүргізілгенін атап өтті.
Еске салсақ, жақында Үкіметтің кеңейтілген отырысында президент Қасым-Жомарт Тоқаев ұлттық компаниялардың басшыларымен қатаң әңгіме өткізгенін айтып, олардың құрылымы мен жұмыс тәсілін қайта қарау қажет екенін ескерткен болатын.
26 ақпанда түнде Пәкістан мен Ауғанстан шекарасында қарулы қақтығыс болып, ондаған адам қаза тапты. Исламабад екі ел арасындағы шиеленісті «ашық соғыс» деп сипаттады.
Ауғанстанда билікте отырған «Талибан» үкіметі бейсенбі күні кешке Пәкістанның әскери шептеріне шабуылдады. Тәлібтер үкіметі баспасөз хатшысының орынбасары Хамдулла Фитраттың мәлімдеуінше, ауған күштері 55 пәкістандық сарбазды өлтіріп, 19 әскери бекіністі басып алды. Алайда ресми Исламабад Кабул мәлімдемесін жоққа шығарып, шабуылдан екі жауынгері қаза тапқанын жариялады.
Артынша Пәкістан күштері Ауғанстанның Кабул, Қандағар және Пактия провинцияларын атқылады. Исламабад 133 содырдың көзін жойғаны туралы мәлімдеме таратты. Бірақ оны «Талибан» жоққа шығарып, қарымта соққыдан сегіз сарбазы қаза тапқанын айтып отыр. Екі ел...
2026 жылдың қаңтарында халықтың шетел валютасына деген сұранысы желтоқсан айымен салыстырғанда айтарлықтай төмендегені байқалады. Мәселен, доллар саудасы бір айда екі есе азайып, 150,3 млрд теңгені құрады. Дегенмен, 2025 жылдың қаңтарымен салыстырғанда долларға деген сұраныс 25%-ға жоғары.
Доллар саудасы бойынша еліміздің ірі мегаполистері көш бастап тұр. Ең көп нетто-сатылым Алматы қаласында (58,7 млрд теңге), Астанада (19,2 млрд теңге) және Шымкентте (15,5 млрд теңге) тіркелді.
Еуроға деген сұраныс долларға қарағанда әлдеқайда төмен: республика бойынша жалпы 8,2 млрд теңге көлемінде шетел валютасы сатылған. Жамбыл, Жетісу және Түркістан облыстарында халық еуроны сатып алудан көрі, оны теңгеге...
АҚШ-тың бұрынғы мемлекеттік хатшысы Хиллари Клинтон Конгресс алдында сөз сөйлеп, отбасының қаржыгер Джеффри Эпштейнмен бұрынғы байланыстары жөніндегі сұрақтарға жауап берді, деп хабарлайды CNN.
АҚШ-тың 42-президентінің жұбайы әрі экс-мемлекеттік хатшы Хиллари Клинтон адам саудасы және жезөкшелікке тарту баптары бойынша сотталған қаржыгер Джеффри Эпштейнмен Клинтондар отбасының байланысына қатысты заң шығарушылардың сұрақтарына жауап берді.
Заң шығарушылар Клинтоннан жабық форматта 6,5 сағат бойы жауап алған.
Хиллари Клинтон марқұм сотталғанның қылмыстық әрекеттері туралы өзінде ешқандай ақпарат болмағанын айтып, сондай-ақ сұхбаттың жабық режимде өтуіне республикашылдарды қатаң сынға алды.
Саясаткер журналистерге қолындағы ақпарат аясында қойылған әрбір сұраққа барынша толық жауап бергенін мәлімдеді. Ол сондай-ақ Эпштейнмен...