Жаңалықтар

Украин президенті Владимир Зеленскийдің айтуынша, Құрама Штаттар Украина мен Ресей арасындағы соғыстың жазға дейін аяқталғанын қалайды. Дегенмен бейбіт бітімді көздейтін қанша кездесу өтсе де, жер және қауіпсіздікке кепілдік мәселелері әлі шешілген жоқ.

Зеленский АҚШ-тың қатысуымен өтіп жатқан келіссөздер барысы туралы мәлімдеді. Оның айтуынша, белгіленген мерзімге дейін соғыс аяқталмаса, президент Дональд Трамп әкімшілігі қос тарапқа да қысым жасауы мүмкін.

«Олар осының бәрін маусым айына дейін аяқтағысы келетінін ескертті. Америкалықтар соғысты аяқтау үшін бар күшін салады. Оларға нақты кесте қажет», – дейді Зеленский.

Оның пікірінше, бейбіт келіссөздерді түйіндейтін меже белгілеу аса маңызды. Бұған қоса, Зеленскийдің айтуынша, Вашингтон...

Жаңа Конституция жобасында неке тек ер мен әйелдің ерікті және тең құқықты одағы ретінде жазылуы мүмкін. Бұл мәжбүрлі некеге қарсы құқықтық негіз қалыптастырады. Бұл туралы Конституциялық реформа жөніндегі комиссияның отырысында Ақтөбе облыстық мәслихатының төрағасы Гүлқасима Сүйінтаева айтты.

«Неке тек ерікті болуы керек және мемлекетте ресми тіркелуі қажет. Бұл әйелдердің құқығын қорғауға көмектеседі және мәжбүрлеудің алдын алуға құқықтық мүмкіндік береді», – деді ол.

Сүйінтаеваның айтуынша, жаңа Конституция жобасы мемлекеттік органдардың жауапкершілігін арттырып, қоғам сенімін күшейтетін нормаларды қарастырады.

Бұған дейін вице-премьер – мәдениет және ақпарат министрі Аида Балаева әлеуметтік желілерде тараған денсаулық сақтау мен білім саласындағы...

Еуразиялық экономикалық одаққа мүше мемлекеттер интернеттегі зияткерлік меншік құқығын бұзуға қарсы бірлескен келісім әзірлеп жатыр. Одаққа Қазақстан, Ресей, Беларусь, Қырғызстан және Армения кіреді.

Сауда және интеграция министрлігінің хабарлауынша, құжат алдағы айларда мақұлдануы мүмкін.

Келісімнің негізгі мақсаты – фильм, музыка, кітап және басқа да авторлық құқық объектілерін заңсыз тарататын сайттарға қарсы ортақ тәртіп енгізу.

Егер ЕАЭО-ға мүше кез келген елдің соты белгілі бір сайтты заңсыз деп таныса, сол шешім негізінде оны басқа одақ елдерінде де бұғаттау мүмкіндігі қарастырылады.

Сонымен қатар сайт иелері, интернет-платформалар және басқа да цифрлық қызмет көрсетушілер заңсыз контентті шектеуге міндеттеледі.

Яғни...

Президент Қасым-Жомарт Тоқаев Жапонияның солтүстік өңірінде жауған қалың қар салдарынан көптеген адамның қаза табуына байланысты Премьер-министр Санаэ Такаичиге көңіл айту жеделхатын жолдады.

Жеделхатта Мемлекет басшысы қайғылы оқиғаға байланысты Жапония халқына қолдау білдірген.

«Осындай қиын сәтте қайғыларыңызға ортақтасып, Сізге және Жапония халқына көңіл айтамын. Қайтыс болған азаматтардың жақын-жуықтарына сабыр, зардап шеккен отандастарыңыздың тезірек сауығып кетуін тілеймін», – делінген жеделхатта.

Соңғы мәліметтерге сәйкес, Жапонияда қарлы бораннан 600-ге тарта адам зардап шеккен. Олардың ішінде 187 адам ауыр жарақат алған. Қаза тапқандар саны – 45 адам.

Бұған дейін мемлекет басшысы Пәкістан президенті мен премьер-министріне көңіл айту...

АҚШ Үндістаннан келетін тауарларға салынған қосымша 25 пайыздық баж салығын алып тастады. Бұл шешім Дональд Трамп қол қойған заң жобасымен бекітілді.

Аталған баж салығы бұған дейін Үндістанның Ресейден мұнай сатып алуына байланысты енгізілген болатын. Бұған дейін Ақ үй дәл осындай көлемдегі сауда салығын Қытай мен Бразилияға салған.

Ақ үйдің мәлімдеуінше, Дели ресейлік мұнайды тікелей және жанама түрде сатып алуды тоқтатуға міндеттеме алған. Осы қадамның нәтижесінде Вашингтон қосымша тарифті алып тастау туралы шешім қабылдады.

Қос тарап келісті

Сонымен қатар тараптар өзара тиімді уақытша сауда келісімінің негізін жариялады. Құжатқа сәйкес...

Конституцияда халықтың ақысыз білім алу мен алғашқы медициналық көмек алу құқығы сақталады. Өйткені мемлекеттік бюджеттің шамамен 40 пайызы әлеуметтік салаға бағытталған. Бұл туралы Конституциялық реформа жөніндегі комиссияның сегізінші отырысында ҚР Премьер-министрінің орынбасары – Мәдениет және ақпарат министрі Аида Балаева мәлімдеді, деп хабарлайды ҚазАқпарат.

Оның айтуынша, әлеуметтік желілерде мемлекет кепілдік беретін білім беру мен денсаулық сақтау саласындағы міндеттемелер қысқарады деген жаңсақ пікір тарап жатыр. Алайда жаңа Конституция жобасының преамбуласы мен бірінші бабында Қазақстанның әлеуметтік мемлекет екені нақты жазылған.

«Мына нәрсені айқын түсінуіміз керек: «тегін» деген ұғым құқықтық тұрғыдан нақтырақ «азаматтар ақы төлемей...

Таиландта бүкіл ел бойынша алкоголь сатуға бір тәулікке тыйым енгізілмек. Бұл шектеу тек жергілікті тұрғындарға ғана емес, туристерге де қатысты.

Мұндай шешім парламенттің төменгі палатасына сайлау мен конституцияға түзету енгізу бойынша өтетін референдумға байланысты қабылданды.

Ішімдік сатуға тыйым 7 ақпан, кешкі сағат 18:00–ден 8 ақпан сағат 18:00–ге дейін күшінде болады. Бұл шектеу дүкендер мен супермаркет, мейрамхана мен кафе, түнгі клубтар мен бар, сондай-ақ көпшілік жиналатын іс-шаралар өткізіліп жатқан орындарға да қатысты.

Бұл шектеу 8 ақпандағы сайлау күні дауыс берудің әділ өтуін қамтамасыз ету үшін енгізілген.

Ережені бұзғандарға қатаң жауапкершілік қарастырылған: 10 000 батқа...

Қазіргі қоғамда қайырымдылық  жай ғана көмек беру емес, үлкен қаржылық айналымдарды, стратегиялық жоспарларды және мемлекеттік деңгейдегі салықтық жеңілдіктерді біріктіретін күрделі экожүйеге айналды. Соңғы жылдары Қазақстанның қайырымдылық секторы кәсібилену сатысына өтті. Егер бұрын бұл сектор тек еріктілердің энтузиазмына сүйенсе, бүгінде ірі қорлар миллиардтаған теңгемен жұмыс істеп, елдің әлеуметтік картасын өзгертуде. Алайда осы «мейірімділік нарығының» көлеңкелі және көрінетін жақтары бар: олардың төлеп жатқан салықтары мен мемлекет алдындағы есептілігі қорлардың нақты ауқымын көрсететін басты индикаторға айналды.

Салықтық жеңілдіктер: мемлекет пен қорлар арасындағы «келісім»

Қайырымдылық ұйымдарының Қазақстан экономикасындағы орны ерекше. Мемлекет әлеуметтік мәселелердің бір бөлігін өз иығына алған бұл ұйымдарға айтарлықтай салықтық преференциялар

Еуропалық комиссия TikTok-тың кейбір функциялары адамдарды тәуелді етіп, қоданыстағы заңға қайшы келуі мүмкін деп есептейді. 6 ақпанда жарияланған алдын ала зерттеу нәтижесінде реттеуші ең алдымен «шексіз скроллинг» функциясын сынға алды.

Жасөспірімдер желіге тәуелді болып барады

Бұл функция жаңа видеоларды автоматты түрде жүктейді, сондықтан пайдаланушылар көбіне TikTok-та қанша уақыт өткізгенін байқамайды. Комиссия мұны миға «автопилот» режимінде әсер ететін компульсивті мінез-құлық деп санайды.

Комиссия ең алдымен жасөспірімдерге қатысты алаңдап отыр. TikTok-қа тәуелділік олардың дамып келе жатқан психикасына теріс әсер етуі мүмкін.

Сондықтан заң бойынша әлеуметтік желілер қауіпсіздік шараларын қамтамасыз етуі міндетті. Алайда комиссия TikTok-тағы...

Әлемдік тау-кен нарығында көптен күткен ірі келісім бұл жолы да іске аспады. Швейцариялық Glencore мен британ-аустралиялық Rio Tinto арасындағы бірігу жөніндегі келіссөздер тоқтады. Бұл туралы Reuters басылым жазады.

Егер мәміле жүзеге асқанда, шамамен 240 млрд долларлық жаңа алпауыт компания құрылуы мүмкін еді.

Алайда тараптар компаниялардың бағасы мен үлеске қатысты ортақ шешімге келе алмаған.

Бұл екі компания арасындағы үшінші сәтсіз бірігу әрекеті болды. Бұған дейін де осындай келіссөздер 2014 және 2024 жылдары нәтижесіз аяқталған.

Қазақстандағы активтің тағдыры не болмақ

Сонымен қатар, басылым дереккөзінің мәліметінше, портфелін қайта құрылымдау аясында Glencore алдағы аптада Қазақстандағы Kazzinc...

Қапшағай су қоймасында мұз үстінде қозғалып келе жатқан жеңіл автокөлік кенет мұз астына түсіп кетіп, көліктегі екі әйел төтенше жағдайға тап болған.

Оқиға орнына Төтенше жағдайлар министрлігінің жедел-құтқару жасағы шұғыл жетті. Құтқарушылар жұқа мұзда жұмыс істеуге арналған арнайы жабдықтарды пайдаланып, сақтандыру шараларын ұйымдастырған.

Соның арқасында олар көлікке қауіпсіз жақындап, ішіндегі әйелдерді сыртқа шығарды.

Құтқарылған екі әйел жағаға жеткізіліп, сол жерде медициналық көмек алды. Олардың жағдайы бақылауда.

Төтенше жағдайлар министрлігі тұрақсыз ауа райы кезінде мұз үстіне көлікпен шығудың аса қауіпті екенін еске салады. Құтқарушылар азаматтарды қауіпсіздік талаптарын қатаң сақтауға шақырады.

Бұған дейін төтеншеліктер...

Chery компаниясы жаңа электрлі хэтчбек – QQ3 моделіне ресми түрде алдын ала тапсырыс қабылдай бастады. Көлік CLTC циклі бойынша 280-ден 401 шақырымға дейін жүре алады.

Алдын ала тапсырыс наурыз айының басында басталып, ай соңына қарай көлік жеткізіле бастайды. Жаңа модельге қызығушылық жоғары: алғашқы үш сағаттың өзінде 27 мыңнан астам алдын ала тапсырыс рәсімделген.

Таныс бейнеге ұқсас жаңа дизайн

Жаңа QQ3 дөңгеленген шанақ пішіні, ірі домалақ фарасы, жабық алдыңғы панелі, жартылай жасырылған есік тұтқалары және екі түсті айнасымен ерекшеленеді. Сыртқы келбеті заманауи әрі тартымды көрінеді.

Дегенмен оның бейнесінен Mini стиліне ұқсас белгілерді аңғаруға болады. Сонымен қатар модельде өткенге...

Италияның Милан қаласында XXV қысқы Олимпиада ойындарының салтанатты ашылу рәсімі өтті. Төрт жылда бір өтетін дүбірлі дода ресми түрде басталды.

Мемлекеттер шеруінде Қазақстанның көк байрағын шорт-трек шебері Денис Никиша мен фристайл-могул спортшысы Аяулым Әміренова көтеріп шықты.

Биылғы рәсім бір мезетте төрт түрлі алаңда ұйымдастырылды. Денис Никиша Миландағы негізгі салтанатқа қатысса, Аяулым Әміренова шаңғы жарыстары өтетін Ливиньо қаласындағы рәсімде болды.

Сондай-ақ Олимпиада алауы тарихта алғаш рет екі жерде қатар жағылды: Миландағы салтанат қақпасында және Кортина-д’Ампеццодағы Piazza Dibona алаңында. Биылғы ашылу рәсімі «Armonia» — «Үйлесім» деген атаумен өтті.

Милан-Кортина Олимпиадасы 6-22 ақпан аралығында өтеді. Бұл...

Түркістан облысының арнайы прокурорлары интернет және телефон арқылы жасалған алаяқтық дерегі бойынша қылмыстық істі тергеуді аяқтады. Тергеу материалдарына сәйкес, 2024–2025 жылдары шетелдік азамат Қазақстан аумағында ұйымдасқан қылмыстық топ құрып, оны басқарған.

Қылмыстық топ мүшелері өздерін пошта қызметкерлері мен байланыс операторларының өкілдері ретінде таныстырып, азаматтарға телефон арқылы хабарласқан.

Сенімге кірген соң, жәбірленушілердің атына онлайн түрде несие рәсімдеп, түскен ақшаны өздері иемденіп отырған.

Осы тәсілмен 21 азаматқа жалпы сомасы 125 миллион теңгеден асатын материалдық шығын келтірілген.

Тергеу барысында жәбірленушілерге 20 миллион теңге қайтарылды. Күдіктілерге тиесілі үш автокөлікке тыйым салынды, ал қалған шығын сот шешімімен өндірілмек.

Іс...

Танымал әнші Мұқасан Шахзадаевқа қатысты қозғалған қылмыстық іс бойынша тергеу жұмыстары созылып кетті. Бұл туралы жәбірленуші Ғалымжан Сүлейменнің қорғаушысы, адвокат Инга Иманбай мәлімдеді.

Адвокаттың сөзінше, Қазақстан Республикасы Қылмыстық кодексінің 107-бабы денсаулыққа қасақана орташа ауырлықтағы зиян келтіру дерегі бойынша қозғалған істер, әдетте, екі аптадан бір айға дейінгі аралықта сотқа жолданады. Алайда бұл іс бойынша тергеу барысы баяу жүріп жатыр.

«Шындығын айту керек, мен Мұқасан мырзаның тергеу органдарына белгілі бір ықпалы бар деп ойлаймын. Өйткені ол тергеу барысында өзін кінәлі сезінбейтіндей, өзіне сенімді болды», – деді Инга Иманбай.

Еске сала кетсек, Мұқасан Шахзадаевқа қатысты адам...

Мемлекет басшысы Қасым-Жомарт Тоқаев Пәкістан президенті мен премьер-министріне көңіл айту жеделхатын жолдады.

«Президент Тоқаев Исламабадтағы лаңкестік актінің салдарынан көптеген адамның қаза табуына байланысты президент Асиф Али Зардари мен премьер-министр Шахбаз Шарифке көңіл айтты», – деп хабарлады Ақорда.

Қазақстан президенті қастандық әрекетті қатаң айыптады. Сонымен қатар құрбан болған азаматтар мен жарақат алған адамдардың туған-туыстарын сабырға шақырып, Пәкістан халқының қайғысына ортақ екенін жеткізді.

Айта кетейік, Пәкістан астанасы Исламабадта жұма намазы кезінде жарылыс болды. Ел билігінің хабарлауынша, кемінде 31 адам қаза тауып, 169 адам жарақат алған. 

Пәкістан астанасы Исламабадта жұма намазы кезінде жарылыс болды. Ел билігінің хабарлауынша, кемінде 31 адам қаза тауып, 169 адам жарақат алған. Бұл туралы Reuters жазды.

Жарылыс Хадиджа-тул-Кубра мешітінде болды. Полиция жарылысты ұйымдастырушыны ғимарат кіреберісінде тоқтатқан, содан кейін ол жарылғыш құрылғыны іске қосқан.

Исламабад комиссарының орынбасары Ирфан Мемон жараланғандар саны әлі де нақтыланып жатқанын мәлімдеді. Зардап шеккендер қаланың бірнеше ауруханасына жеткізілген. Ел министрлері зардап шеккендерге және қаза тапқандардың отбасына көмек көрсетілетінін айтты.

Ал Пәкістанның сыртқы істер министрі Исхак Дар бұл шабуылды «жауыздықпен жасалған қылмыс» деп атады.

Қостанайда жанармай бекетінде үстіне бензин төгіліп кеткен әйел сотқа жүгінді.

Азаматтық іс материалдарына сәйкес, 2025 жылдың қазанында жүкті әйел кәмелетке толмаған балаларымен бірге жанармай құю станциясына барған. Отын құю колонкасына тоқтағаннан кейін он екі жастағы ұлы кассаға ақша төлеуге кеткен.

Әйел автокөліктен шыққан кезде бензин мерзімінен бұрын беріліп, жанармай оның киіміне, терісіне және автокөліктің кузовына төгілген.

Жанармай құю станциясы күртешесін химиялық тазалауға кеткен шығынды өтеген.

«Әйел денсаулығына келген зиян үшін моральдық шығынды, сондай-ақ өкілдің қызметіне ақы төлеу түріндегі сот шығындарын өндіруді сұрап, сотқа жүгінген», – делінген ақпаратта.

Медициналық құжаттарға сәйкес, жедел жәрдем бригадасы...

Денсаулық сақтау министрлігі қызылшаның өршуіне байланысты ата-аналарға үндеу жасады.

Ведомство дерегі бойынша 2025 жылдың қарашасынан бастап қызылша жұқтырғандар саны көбейген. Науқастардың көпшілігі қызылшаға қарсы вакцина салдырмаған.

«Науқастардың 79%-ы қызылшаға қарсы вакцина салдырмаған, ал 8%-дан астамы вакцинаның толық курсын алмаған. Сырқаттанған балалардың 59%-ының ата-анасы вакцинадан бас тартқан», – делінген ақпаратта.

2025 жылдың өзінде вакцинадан 19 мыңнан астам адам бас тартқан. Бұл ұжымдық иммунитеттің төмендеуіне және қызылша бойынша жағдайдың нашарлауына әкелді.

«Қызылша – ең жұқпалы вирустық аурулардың бірі. Вакцина салынбаған жағдайда пневмонияға, жүйке жүйесінің зақымдалуына, мүгедектікке, тіпті өлімге дейін алып келуі мүмкін...

Президент Конституциялық комиссия жетекшілерімен жұмыс кеңесін өткізді. Ақорданың хабарлауынша, оған Конституциялық сот төрағасы Эльвира Әзімова, Мемлекеттік кеңесші Ерлан Қарин, Президенттің құқықтық мәселелер жөніндегі көмекшісі Ержан Жиенбаев қатысқан.

Қасым-Жомарт Тоқаевқа комиссияның Конституция жобасы бойынша бұған дейін атқарған жұмысы туралы мәлімет берілген.

Эльвира Әзімованың айтуынша, eGov және e-Otinish порталына жұртшылық тарапынан келіп түскен ой-пікірлер саны 4 мыңнан асқан.

«Азаматтар жобаны бүгінгі талап-тілектер мен қоғам мүддесіне сай келеді деп таниды. Саяси партиялар, республикалық және өңірлік қоғамдық ұйымдар жаңа Конституция қабылдау жөніндегі бастамаға қолдау білдірді», – деген Әзімова.

Ақорданың хабарлауынша, президент комиссия ашық форматта жұмыс істеу беруге...

Алматыдағы Тұңғыш президент саябағын абаттандыру жұмыстары 2026 жылдың соңына дейін аяқталады. Бұл туралы Алматы әкімінің орынбасары Алмасхан Сматлаев айтты.

«Алдын ала белгіленген нормативтер бойынша жұмыс бір жарым жылға созылуға тиіс, бірақ бәрін жыл соңына дейін аяқтауды көздеп отырмыз», – деді әкім орынбасары.

Саябақ ішінде жаңа фонтан пайда болады. Балалар мен спорт алаңдары жабдықталып, ағаштар мен бұта көшеттерін көбейту жоспарланған.

«Жоспарымыздың бәрін жариялағым келмей тұр. Халыққа тосынсый болсын. Бастысы Орталық Азиядағы ең үздік саябақтардың біріне айналады», – деді Сматлаев.

Айта кетейік, Тұңғыш президент саябағы 2010 жылы ашылған. Бұған дейін қала әкім...

Продюсер Мөлдір Мұқан желіде тағы бір жаңа туындысының үзіндісін жариялады.

Ол бұл жаңалықты оқырмандарына бөлісіп, толық нұсқасын өзі де күтіп жүргенін айтты.

«Өмір сүр, қалма елден! Жаңа ән. Толық нұсқасын өзім де күтіп жүрмін»  – деп жазды ол.

Желі қолданушылары жаңа туындыны жылы қабылдап, әншіге қолдау білдіріп, жағымды пікірлерін жаудырып жатыр.

Қазақстанда мемлекеттік қызметшілер арасындағы байланысты жақсарту мақсатында жаңа цифрлық сервис әзірленуде. Бұл туралы Премьер‑министр Олжас Бектеновтің депутаттық сауалға берген жауабында айтылған.

Осыған дейін Мәжіліс депутаты Екатерина Смышляева азаматтарды заңды платформалар мен мессенджерлерді пайдалануға ынталандыратын бағдарламалар қажеттігін айтқан болатын.

Ал үкімет басшысы отандық Aitu мессенджері ұлттық деңгейге сай екенін атап өтті. Цифрлық штаб оны мемлекеттік органдар мен ұйымдар арасындағы ресми байланыс үшін ұсынған.

«Сонымен қатар мемлекеттік органдардың қорғалған цифрлық жұмыс ортасын қалыптастыру мақсатында Alem GovWorkspace атты отандық кешенді технологиялық шешім әзірленуде. Ол мемлекеттік қызметшілерге арналған қорғалған қашықтан жұмыс орындарын ұйымдастыруға, топтық чаттар арқылы...

Президент әрі Қарулы Күштердің Жоғарғы Бас қолбасшысы Қасым-Жомарт Тоқаев Қорғаныс министрінің орынбасарларын қабылдады. Бұл туралы Ақорда хабарлады.

Президент қабылдауында министрдің бірінші орынбасары, Қарулы Күштері Бас штабының бастығы Қаныш Әбубәкіров пен Қорғаныс министрінің орынбасары Асқар Мұстабеков болған. Тоқаев оларға ведомстводағы жетекшілік ететін бағыттары бойынша бірқатар тапсырма берді.

Қорғаныс министрі Дәурен Қосановтың өзін президент қаңтардың он үшінде қабылдаған еді.

Төрт күннен кейін ведомствода ауыс-түйіс жүргізіп, орынбасарларын ауыстырған.