Жаңалықтар

Абу-Даби қаласында өткен ҚКҚ басқарушы органдарының отырыстарында Қазақстанның мұнай кен орындарында өндірілген «қара алтынның» қанша тоннасы Еуропаға жеткізілгені жөнінде мәліметтер жарияланған.

Компанияның ресми сайтындағы мәліметке сәйкес, Теңіз – Новороссийск құбыр жүйесі арқылы 2025 жылы 70,52 млн тонна мұнай тасымалданған. Оның ішінде 2025 жылы Теңіз, Қарашығанақ, Қашаған кен орындарынан жүйеге тиісінше 36,6 млн тонна, 9,2 млн тонна және 17 млн тонна мұнай жеткізілген.

ҚКҚ құбыр жүйесі – ТМД аумағындағы энергетика саласындағы ең ірі жобалардың бірі. Теңіз – Новороссийск құбырының ұзындығы 1 511 шақырымды құрайды. Бұл бағыт арқылы Қазақстанның экспортталатын мұнайының үштен екісінен астамы, сондай-ақ Ресей кен орындарынан, оның ішінде...

Түркістан облысы дене шынықтыру және спорт басқармасына қарасты «Тұран» кәсіби футбол клубы» сатылымға шығарылды. Сату туралы хабарлама e-Qazyna веб-порталында жарияланған. Қазір өтінімдер қабылданып жатыр. Ал негізгі сауда-сатық 3 наурызда басталады.

Клубтың бастапқы бағасы – 1 054 000 теңге. Кепілдік жарна – 158 100 теңге. Клубты тек бір адам сатып алуға рұқсат етіледі. Сатушы – облыстық қаржы және мемлекеттік активтер басқармасы.

Клуб 10 жылға сатылады. Осы уақыт аралығында сатып алушыға бірнеше талап қойылған. Айталық, клубтың бейінін, штат санын сақтауға міндетті. Инвестиция салып, футболдан жасөспірімдер академиясын құрып дамытады. Оған қоса әйелдер командасын даярлайды. 2027 жылдан бастап тұрақты түрде футболдан Қазақстан...

Қазақстанда мал шаруашылығына мемлекеттен жылдар бойы миллиардтап қаржылай көмек бөлінсе де, ішкі сұраныста ет бағасы құбылып, экспорт мәселесі шешілмей келеді. Оған қоса ауылдағы бес-алты малы бар азаматтардың жағдайы жақсарды ма деген сауал басы ашық күйінде қалып отыр. Бір қарағанда, әлемдегі ауқымы жағынан 9-шы орында тұрған қазақ жерінің ой-қыры малға тола шұрқырап, ата кәсіптің нәсібін бүкіл ел де, мемлекет те көруі керек-тін. Kursiv.Media неге сол мақсатқа жете алмай келе жатырмыз деген мәселеге үңіліп көрді.

Қазақстан үшін мал шаруашылығы – тек экономикалық сектор емес, әлеуметтік тұрақтылықтың тірегі. Әйтсе де, салада жүйелі мәселелер қордаланып, жылдар бойы шешілмей тұр. Біріншіден, кейінгі бес-алты...

Ақтау маңында қоқиқаздар пайда болды. Бұл туралы ақтаулық блогер Азамат Сәрсенбаев әлеуметтік желідегі парақшасында жариялады.

Блогердің айтуынша, ерекше көрініс қала іргесіндегі жағалау аумағында байқалған. Кадрлардан бір топ қоқиқаздың су бетінде жайқалып жүргенін көруге болады. Қызғылт түсті әсем құстардың табиғи ортада еркін қалықтауы жергілікті тұрғындардың қызығушылығын тудырған.

Айта кетейік, қоқиқаздар Қазақстанда сирек кездесетін әрі қорғауға алынған құстардың қатарына жатады.

Бұған дейін, Каспий жағасында жаппай аққулар қырылып жатқан еді.

Қазақстанның автокөлік өнеркәсібі 2026 жылды рекордтық көрсеткішпен бастады, өндіріс көлемі өткен жылмен салыстырғанда 37,3%-ға өсті. ҚАО-ның 2026 жылғы қаңтар айындағы ресми хабарламасына сәйкес, бір ай ішінде конвейерден барлығы 13,2 мың бірлік техника шықты, оның жалпы құны 170,3 млрд теңгені құрады. Сонымен қатар жеңіл автокөліктер сегментінде әлі де бәсекелестік сақталып отыр. Онда Chevrolet Cobalt кроссоверлерді артта қалдырып, көшбасшы орынды әлі ұстап тұр.

Өндіріс көшбасшылары мен танымал брендтер

Негізгі өндіріс көлемін төрт ірі зауыт қамтамасыз етті. Алдыңғы орында Алматыдағы Astana Motors Manufacturing Kazakhstan (4,7 мың бірлік), оның ізін Hyundai Trans Kazakhstan (3,3 мың бірлік) және Қостанайдағы Allur (3,1 мы...

Алматы облысы Қарасай ауданында сталкинг дерегі бойынша тергеу аяқталды. Бұл туралы Рустам Әбдірахманов хабарлады.

Алматы облысы полиция департаменті бастығының тергеу жөніндегі орынбасарының ақпаратынша, 2026 жылғы 25 ақпанда полицияға ауданның 20 жастағы тұрғыны заңсыз соңына түсу дерегі бойынша арызданған.

Оның айтуынша, осы жылдың ақпан айынан бастап бір ер адам бойжеткеннің еркінен тыс онымен байланыс орнатуға тырысып, соңынан қалмай аңдып жүрген.

Сол күні аталған дерек Қазақстан Республикасы Қылмыстық кодексінің 115-1-бабы бойынша Сотқа дейінгі тергеп-тексерулердің біріңғай тізіліміне тіркелді.

Күдікті анықталып, ұсталды және уақытша ұстау изоляторына қамалды.

Алматы облысы полиция департаментінің үйлестіруімен сотқа дейінгі тергеу амалдары бір тәулік ішінде аяқталды. Қылмыстық іс...

Жамбыл облысы Қордай қаласындағы Достық үйінің құрылысын кім жүргізетіні анықталды. 26 ақпанда таңертең 2,2 млрд теңгенің тендерінің нәтижесі жарияланды.

Бір тендер тарихы

Жамбыл облысының әкімдігі Қордай ауылындағы «Батыс» тұрғын алабында «Достық» үйінің құрылысына тендер жариялаған. Құрылысқа 2 млрд 196 млн 609 мың теңге қарастырылған. Қаражатты мемлекет төлейді.

25 ақпанда ашық байқауға өтініш қабылдау аяқталып, 26 ақпанда таңертең тендер нәтижесі жарияланды.

Мемлекеттік сатып алу хаттамасында тендерге қатысуға алты құрылыс компаниясы өтініш бергені, олардың бәрі байқауға жіберілгені айтылды. Комиссия «Бином» құрылыс компаниясын байқау жеңімпазы деп таныды.

«Бином» компаниясы туралы

eGov мәліметінше, «Бином» компаниясы 1998 жылғы 17 наурызда Тараз қаласында тіркеліп...

Жұлдыздардың суретін кілемге салып танылған суретші Әсел Сабыржанқызының (Assolya) есімі The Discover List топтамасына енді. Осылайша әлемдегі ең үздік 50 креатордың бірі атанды деп хабарлайды TikTok Kazakhstan.

The Discover List тізіміне аудиториясын шабыттандырып, тренд қалыптастырып жүрген авторлар іріктеледі. Олар бес санат бойынша ұсынылады:

Бұл тізімге Қазақстаннан бөлек АҚШ, Италия, Жапония, Бразилия...

Математик Асқар Жұмаділдаев «Еңбек ардагері» медалімен марапатталды. Медальді оқу-ағарту министрі Жұлдыз Сүлейменова ведомствоның кеңейтілген алқа отырысында табыстаған.

«Еңбек ардагері» медалі Асқар Жұмаділдаевқа ғылым мен білім саласына қосқан зор үлесі үшін берілді.

Айта кетейік, бұған дейін кәсіпкер Жұмабек Жанықұлов 70 жасқа келген Асқар Жұмаділдаевқа Hyundai Palisade автокөлігін сыйға тартты.

Саят Медеуов өнердегі інілері Қайрат Нұртастың, Әбдіжаппар Әлқожа мен Төреғали Төрәлінің «тентектігін» ақтап алды.

Десе де, әнші Qazaq Airan-ға берген сұхбатында өзінен кейінгі буынға сабырлылық жетіспейтінін де алға тартты.

«Қатарластарыммен, замандастарыммен мақтанамын. Мейрамбектердің, Тоқтарлардың, Сәкендердің, Сержан, Жанатбек, Сәбиттердің, атай берсек көп, оның алдынғы буын Бекжан, Нұрлан Өнербаев ағаларымыздың заманында, сол кісілердің ізін басып бірге келе жатқанымызды өзім мақтан тұтамын», – деді Саят Медеуов.  

Аға буынның мәдениеті жоғары

Әншінің пікірінше, мұндай адамдардың заманында өмір сүру ол үшін үлкен мақтаныш. Өйткені ол кісілер өте тәрбиелі. Мәдениеті жоғары. Алтынбек Қоразбаевты, Нұрлан Өнербаевты, Ескендір Хасанғалиевті тыңдап...

U.S. News & World Report сарапшылары зейнеткерлерге қолайлы өмір сүру деңгейі бойынша мемлекеттер арасында рейтинг ұсынды. Қазақстан бұл рейтингіде 89 елдің ішінде 77-орынды иеленді. Экономикалық және әлеуметтік жағдайы күрделі мемлекеттер ғана Қазақстаннан төмен тұр. Бұл Kursiv.media Energyprom-ға сілтеме жасап хабарлайды.

Салыстырмалы түрде алсақ, Африканың Гана елінің рейтингі 75-ші орында, ал Гондурас 63-ші орында тұр. Сол аймақтағы басқа мемлекеттер де төмен көрсеткіштер көрсетті: Әзербайжан – 81-ші, Өзбекстан – 84-ші, Украина – 85-ші, Беларусь – 87-ші, Ресей – 89-шы орында.

Ал ең үздік 10-дыққа Еуропаның дамыған елдері, Жаңа Зеландия, Австралия және Канада енді.

U.S. News & World Report...

Қазақстанда бағалы қағаздар нарығы туралы жаңа заң 2026 жылдың соңына дейін дайындалады. Бұл туралы Ұлттық Банк пен Қаржы нарығын реттеу және дамыту агенттігі өкілдерінің қатысуымен өткен дөңгелек үстелде мәлім болды.

Агенттік басшысы Мәдина Әбілқасымованың дерегінше, қазіргі уақытта акциялар нарығын капиталдандыру 39 трлн теңгеге (ІЖӨ-нің 24%-ы) жетті.

Корпоративтік облигациялар көлемі 16,2 трлн теңгені құрап отыр. KASE сауда жүйесінде 76 эмитенттің акциялары мен 158 эмитенттің облигациялары айналымда. Орталық депозитарийдегі шоттар саны 5 миллионнан асқан.

Жаңа заң қабылданады

Бағалы қағаздар нарығы туралы жаңа заң жобасы биыл жыл соңына дейін әзірленеді. Ал Қор нарығын дамытудың 2030 жылға...

Coca-Cola Içecek Kazakhstan компаниясы Қазақстанда төртінші зауытын салмақ. Ол Ақтөбе өңірінде болады деп хабарлайды облыстық баспасөз қызметінен.

Әйгілі бренд зауыт құрылысына 41,9 млрд теңге инвестиция салуға дайын. 2027 жылы пайдалануға берілуі керек. Жылына 280 млн литр алкогольсіз сусын өндіреді деген жоспар бар.

Облыс әкімдігінен кәсіпорын үшін 41-разъезд ауданынан 25 гектар жер телімі бөлінген. Жоба аясында 150 жұмыс орны құрылады.

«Жаңа өндірістік кешен Қазақстандағы Coca-Cola Içecek компаниясының төртінші зауыты болады. Ол заманауи технологиялық желілер, қалдықтарды экологиялық басқару жүйелері және халықаралық тұрақты даму стандарттарына сай энергия үнемдейтін шешімдермен жабдықталады», – дейді облыс...

Талдықорғанда қаза тапқан Айзат Жұманованың күйеуіне шыққан үкім өзгеріссіз қалды. Осылайша Айбар Жанболат 14 жыл түрмеде отырады.

Бірінші сатыдағы сот үкіміне екі тарап та қарсылық білдірген. Бұл туралы KursivMedia тілшісіне Жұманованың туысы Раушан Дәуренбекова айтты.

«Сот алқасы үкімді өзгеріссіз қалдырды. Сотталған Жанболаттың адвокаттары істі қылмыстық кодекстің 106-бабына (денсаулыққа қасақана зиян келтіру) ауыстыруды сұраған. Біз қылмыстық кодекстің 99-бабы 2-бөлігі 5-тармағына (аса қатыгездікпен адам өлтіру) ауыстыруды сұрадық. Сот алқасы бапты өзгерте алмайды екен, әрі қарай тергеуге де жібермейді екен», – дейді Раушан Дәуренбекова.

Енді Айзат Жұманованың отбасы әрі қарай кассациялық сотқа жүгінбейтінін айтты. Алайда...

Нұрдәулет Ахмедияр атты дәстүрлі әнші, педагог-сарапшы жақында Оқу-ағарту министрі Жұлдыз Сүлейменоваға әлеуметтік желі арқылы жүгініп, шығармашылық саладағы педагогтердің мәселесін көтерді.

Педагог-сарапшы қазіргі таңда елдегі барлық мұғалім аттестаттаудың бірінші кезеңі бойынша тест тапсырып жатқанын айтты. Нұрдәулет Ахмедиярдың сөзінше, сол тестен қосымша білім беру педагогтері сүрініп, өте алмай жатыр. Оның басты себебі – қосымша білім беру педагогтерінің психология және педагогикадан тест тапсыруында.

«Мен сізге қосымша білім беру, соның ішінде музыка және өнер мектептері педагогтерінің жанайқайын жеткізгім келіп отыр. 2020 жылдан бастап қосымша білім беру педагогтері аттесттаудың жаңа бағытынан өтіп, педагогика және психологиядан тест тапсырып келеді. Иә, алғашқы жылдары...

Қазақстандық ғалымдар салқындатылған құс етінің сақтау мерзімін 3 есеге дейін ұзартатын технология ойлап тапты. Егер бұрын еттің жарамдылық мерзімі қысқа болса, енді нөл градусқа жуық температурада оны 20 тәулікке дейін сақтауға болады. Бұл туралы Ауыл шаруашылығы министрлігінің баспасөз қызметі хабарлады.

Ғылыми жаңашылдықты Қазақ қайта өңдеу және тағам өнеркәсібі ғылыми-зерттеу институты мамандарына әзірлеген. Аталған институт Ұлттық аграрлық ғылыми-білім беру орталығы (ҰАҒБО) құрылымына кіреді.

«Инновацияның негізін сүт сарысуы мен Lactococcus lactis ssp. lactis F-116 гибридті штамының бактериоцині негізінде жасалған антимикробтық тағамдық жабын құрайды. Әзірленген биоконсервант Pseudomonas, Salmonella және Listeria секілді негізгі патогендердің дамуын тежейді. Сонымен қатар...

Бірыңғай жинақтаушы зейнетақы қоры (БЖЗҚ) 2026 жылдың алғашқы айының қорытындысын жариялады. Қаңтарда айлық инфляция 1% деңгейінде қалыптасып, зейнетақы активтерін басқарушылар үшін басты меже болды. Алайда нарықтағы 6 қатысушының тек үшеуі ғана нақты оң табыс әкеле алды.

Инфляциядан озғандар

Қаңтар айының қорытындысы бойынша ең жоғары табыстылықты активтерінің көлемі салыстырмалы түрде аз жеке басқарушы компаниялар көрсетті:

Халықаралық конькишілер одағы – International Skating Union (ISU) мәнерлеп сырғанаудан ересектер және жасөспірімдер арасындағы әлем чемпионаттарына қатысушылар тізімін жариялады.

Ересектер арасындағы әлем чемпионаты 24–29 наурыз күндері Прага қаласында өтеді. Ал жасөспірімдер арасындағы жаһандық дода 3 наурызда Таллин шаһарында басталады.

Прагадағы әлем чемпионатында Қазақстан намысын екі спортшы қорғайды. Ерлер арасындағы жекелей сында ел атынан Диас Жиренбаев сынға түссе, әйелдер арасында Софья Самоделкина өнер көрсетеді.

Ал олимпиада чемпионы Михаил Шайдоров бұл жолы әлем біріншілігіне қатыспайды.

Сондай-ақ, Шайдоров 5 сәуір күні Алматыда өнер көрсетуі болған шоу-бағдарламаға да қатыспайтын болды.

Халықаралық конькишілер одағы (ISU) мәнерлеп сырғанаудан қазақстандық арбитр Надежда Парецкаяның бағалауына қатысты пікір білдірді. Осыған дейін Парецкая Шайдоров пен Самоделькинаға өте төмен баға қойды деп БАҚ-та дау туындаған еді.

Желіде ISU-дың Қазақстан мәнерлеп сырғанау федерациясына жазған хаты жарияланды. Онда халықаралық ұйым Надежда Парецкаяның жұмысына жоғары баға берген.

«Халықаралық конькишілер одағы (ISU) Олимпиада ойындарындағы төрелігіңіздің ұйым ережелеріне толық сай келетінін, ешқандай жаққа тартпай, әділ өткенін ризашылықпен атап өтеді. ISU Қазақстандағы БАҚ немесе қоғам тарапынан қысқы Олимпиададағы төрелігіңізге байланысты сізге көрсетілген кез келген қысым мен қудалау әрекеттерін қатаң айыптайды», – деп жазылған хатта.

Қазақстандыққа төмен баға

2026 жылы Түркістан облысында 162 мың гектар жерге мақта егіледі. Мақта алқабы 17 мың гектарға ұлғайды. Бұл туралы Kursiv.Media өңір әкімдігінің мәліметіне сүйене отырып хабарлайды.

Lihua қытай компаниясы 2024 жылы 50 мың гектар тақыр жерді игеруге алған. Олардың биылғы өндіріс алқабы ұлғайғаны туралы мәлімет жоқ. Дегенмен өңірдің мақта шаруашылығына 600 млн доллар инвестиция салған қытайлар дағдарып тұрған салаға жан бітірді.

2025 жылғы желтоқсанда қытайлар еккен мақта өртеніп кеткеніне қарамастан, Lihua Түркістан облысында он зауыт салу райынан қайтпады.

Жалпы биыл өңір диқаншылары 919 мың гектар жерге егін салуды көздеп отыр. 175 мың гектар жерге жоңышқа...

Қазақстандық мәнерлеп сырғанаушы Михаил Шайдоров 5 сәуір күні Алматыда өтетін «Олимпиада жұлдыздарының Милан–2026 көрсетілімдік бағдарламасы» шоуына қатыспайды.

Бұл ақпаратты ұйымдастырушылар растады. Ресми мәлімдеме Almaty Arena парақшасында жарияланған. Күтпеген жағдайларға байланысты Шайдоровтың аталған мұз шоуына қатыса алмайтыны айтылған.

Ұйымдастырушылар спортшыға кәсіби ынтымақтастығы үшін алғыс білдіріп, алдағы спорттық мансабына сәттілік тілеген. Сонымен қатар, кеш бағдарламасы бұрынғыдай жарқын әрі мазмұнды болатыны атап өтілді.

Шоуға басқа да танымал мәнерлеп сырғанаушылар қатысады. Олардың қатарында Софья Самоделкина және өзге де талантты спортшылар бар.

Еске сала кетейік, Михаил Шайдоров чемпион атанып, елге орала сала ерекше құрметке бөленді. Спортшыны әуежайда жүздеген жанкүйер қарсы алып, оған...

Тұрсынбек Қабатовтың екінші әйелі Айман Талғатқызы тарыдан, сүттен тез әрі жылдам жасалатын десерт мәзірін ұсынды.

Оның айтуынша, бұл тағам ораза ұстағандар үшін ауызашарда ерекше дәм болмақ.

«Өте пайдалы. Күнде бір нәрсе істей берген соң, ерекше бірдеңе жасағың келеді… Көп қыздар әдемі рецептер болса, бөлісіп отырыңызшы деп сұрап жатыр. Ауызашарға күшті десерт жасап жатырмын. Үйіңізге қонақ келгенде де дайындалғаныңыз көрініп тұрады. Қолдан пісірген тәттілер – келген қонаққа көрсеткен құрметіңіз. Бұл мәзірлерді үйреніп алып, көршілеріңізге сатсаңызда болады», – деп кеңес берді Айман Талғатқызы.

Оның сөзінше, тарыдан жасалған десертті кей өңірлерде «сөк» деп те атайды.

Тұрсынбек...

Астана әуежайы 2026 жылдың 15 сәуірі мен 31 мамыры аралығында жабық болады. Әуежайда сағат 10:00-ден 18:00-ге дейін ұшу-қону жолағы жабылады. Соған байланысты Air Astana әуе компаниясы рейстер кестесіне өзгерістер енгізді.

Өзгеріс Астанадан Алматы, Қостанай, Өскемен, Атырау және Ақтөбе бағыттарына, сондай-ақ Астанадан Сеул, Франкфурт, Бейжің, Ташкент, Дубай, Фукуок, Нячанг және Ыстанбұл бағыттарына орындалатын тұрақты рейстерге әсер етеді.

Бұл рейс жолаушыларына билет алған кезде көрсеткен байланыс дерегі арқылы хабарландыру жіберіліп жатыр.

Сондай-ақ азаматтар рейс туралы ақпаратты брондау және ақпарат орталығынан біле алады:

help.airastana.com,

+7 727 244 4477, +7 702 702 4477, +7 727 244 4478;

+7 702 702 0074 (WhatsApp).

Халық әртісі Меруерт Өтекешова 75 жасқа толған мерейтойын Түркістан қаласында атап өтті. Бұл туралы Kursiv.Media өңір әкімдігінің мәліметіне сүйене отырып хабарлайды.

Қазақ өнерінің жарық жұлдызы Меруерт Өтекешова Түркістанда жасанды интеллект тақырыбындағы өңіраралық форумға қатысты. Жиын барысында облыс әкімдігінің өкілдері қазақтың Қыз Жібегін 75 жас мерейтойымен құттықтады. Сонымен бірге туған күн иесіне ерекше құрмет көрсетілді.

Одан соң Өтекешова «Конгресс Холл» ұжымымен арнайы кездесіп, өнер жолын айтып берді.

25 ақпанда театр және кино әртісі Меруерт Өтекешова 75 жасқа толды. Ол 1968 жылы Алматы қаласындағы орта мектепті тәмамдаған соң, «Қыз Жібек» киносының бас кейіпкерінің рөлін сомдауға шақырту алған...