Жаңалықтар

Мәжіліс депутаты Жанарбек Әшімжан ұялы байланыс операторлары – Altel, Tele2 және Beeline – абоненттік төлемді бірдей мөлшерде және бір уақытта 20 пайызға көтергеніне назар аударып, мұны «өзара келісімнің» белгісі болуы мүмкін деп санайды.

Депутаттың айтуынша, үш ірі оператордың тарифті бір уақытта көтеруі күмән тудырған.

«Ең қызығы – үш ірі оператордың тарифтерді бірдей көлемде, бір уақытта қымбаттатуы қоғамда үлкен күмән тудыруда. Бұл – компаниялар арасындағы бәсекенің емес, өзара келісімнің, үйлесімнің, астыртын ақылдасудың белгісі емес пе?  «Байтал түгіл бас қайғы» дегендей, осындай қадамдардан кейін «Қолжетімді интернет» Ұлттық жобасын ойлаудың өзі мұң болып қалды…», – деді депутат.

Ол...

Қорғаныс министрінің орынбасары Қаныш Әбубәкіров Қазақстан армиясында қазір «дедовщина» жоқ деп мәлімдеді

Мәжілісте журналистер Әубәкіровтен Қазақстан армиясындағы қарым-қатынас жөнінде сұрақ қойды. Министрдің орынбасары бұған дейін әлеуметтік желілерде әскери киім киген бір адам сапта тұрған азаматтарды сабап, былапыт сөз айтқан видео – кино екенін мәлімдеді.

«Бұл фильм болатын. «Баткен» деп аталады. Видеода қазақ тіліндегі аудионы қосып, таратып жіберген. Қазір армияда «дедовщина» жоқ. Мен оны ашық мәлімдей аламын», – дейді ол.

Айта кетейік, бұған дейін Үкімет «Запастағы офицерлерді әскери қызметке шақыру туралы» қаулысын бекітті. Осыған орай, 2026 жылы 2 жыл мерзімге 859 запастағы офицер әскери қызметке...

Қытайдың тағы бірнеше компаниясы Түркістан облысына инвестиция құйғысы келеді. Енді олар өңірге капсулалы, яғни дайын үйлер құрастыру жобасын ұсынды. Бұл туралы Kursiv.Media облыс әкімдігінің мәліметіне сүйене отырып хабарлады.

Өңір қытай инвесторларын қолдайды

Түркістан облысы әкімдігінің өкілдері қытай инвесторларымен кездесті. Олардың арасында көрші елдің Jinhao Group пен Hunan Jumper Holding компанияларының өкілдері бар.

«Инвесторлар облыс аумағында капсулалы үйлер мен металлоконструкциялар құрастыру жобаларын іске асыруға қызығушылық танытты», – деп таратты өңір билігі.

Инвесторлармен жүздесуде құрылыс саласында бірлескен жобаларды жүзеге асыру, өңірге жаңа технология тарту мәселелері сөз болды. Жергілікті билік жобаны жүзеге асыру...

Қорғаныс министрінің орынбасары Қаныш Әбубәкіров Астанада әскери комиссариат қызметкерлері полициямен бірлесіп, жігітті жұмыс орнынан күштеп алып кеткен жағдайға қатысты пікір білдірді.

Қорғаныс министрлігі әскерге шақыру SMS-ін елемегендерді күштеп алып кетеді

Спикердің айтуынша, ведомоство ешкімді күштеп әкетпейді, өйткені қазір әрбір шақырылушыға заңдастырылған тәртіп бойынша SMS-хабарлама жіберіледі.

«Біз қазіргі таңда әскерде SMS байланысты заңдастырдық. SMS-ті қабылдаған соң, әрбір әскерге шақырылушы жергілікті Қорғаныс департаментіне баруға міндетті», –деп түсіндірді министр орынбасары Мәжіліс кулуарында.

Қорғаныс министрлігі Астанадағы «Аружан» сауда орталығынан күшпен шығарылған жігіт Қазақстан азаматы екенін растады. Қазіргі таңда ол әскерге шақырылмаған жаста және денсаулығына байланысты әскери...

Зейнетақы жинақтарын мерзімінен бұрын шешіп алуға болатын ең төменгі жеткіліктілік шегі 2026 жылы орта есеппен 10%-ға өседі. Бұл көрсеткіш келесі жылға жоспарланған инфляция болжамына сәйкес келеді, деп хабарлады БЖЗҚ.

Ең төменгі жеткіліктілік шекі – зейнетке шыққан кезде адамға ең төменгі зейнетақыдан кем емес ақша төлеуге жетуі керек зейнетақы шотындағы ең аз сома.

Бұл шектер әр жастағы азаматтар үшін жеке белгіленеді әрі зейнетақы жинақтарының бір бөлігін мерзімінен бұрын алу құқығын беру үшін қолданылатын негізгі критерий деп саналады.

Жеткіліктілік шек мынадай әлеуметтік көрсеткіштерге негізделіп есептеледі:
— ең төменгі зейнетақы мөлшері,
— ең төменгі жалақы,
— күнкөріс минимумы,
— сондай-ақ инфляция деңгейі.

«Нәтижесінде 2026 жылы...

Фельдшер Ұлдана Мырзуан кондиционер емес, сапасыз ғимарат кірпішінің құлауынан қаза тапқан болуы мүмкін. Заңгер Мейірман Шекеев осылай деп есептейді. Ол Instagram-дағы парағына жас қыздың қазасына қатысты тың мәлімет беретін видео жариялады.

Оқиға орнында түсірілген видео

Әлеуметтік желі қолданушылардың назарына бірден іліккен видеода марқұмның күйеуі Әділет Ғанибекұлы оқиға орнына барып, қайғылы жағдай шын мәнінде қалай болғанын анықтауға тырысқан.

2025 жылғы 8 қарашада Астана қаласында көп қабатты үйлердің бірінің қасбеті сөгіліп, бірнеше адам зардап шеккен. Тұрғындар шақыртқан жедел жәрдем құрамында фельдшер Ұлдана да болған.

24 жылға сотталған бұрынғы ұлттық экономика министрі Қуандық Бишімбаевтың анасы Альмира Нұрлыбекова туысымен соттасып жатыр. 2025 жылдың 10 желтоқсанындағы сот отырысына куә ретінде Бишімбаевтардың үй қызметшісі қатысты.

Жәбірленуші Альмира Нұрлыбекова сот залына келмеді.

Істің мән-жайы

Тергеу дерегінше, Қуандық Бишімбаевқа қатысты іс қаралып жатқан кезде отбасының туысы Бекзат Кемелова Бишімбаевтар отбасына жиі баратын болған. Альмира Нұрлыбековаға сыбайлас жемқорлыққа қарсы іс-қимыл агенттігі Бишімбаевтың отбасына бақылау жүргізіп отырғанын айтқан. Артынша Антикор Бишімбаевтардың мүлкі мен ақшасын тәркілеуді жоспарлап отырғанын айтып, қолма қол ақшаны өзіне сақтауға беруге көндірген.

Осылайша Қуандық Бишімбаевтың анасы Альмира Нұрлыбекова 990 000 долларды көк түсті шабаданға салып, Бекзат...

УЕФА Чемпиондар лигасындағы «Қайрат» – «Олимпиакос» матчынан кейін әлеуметтік желілерде күтпеген толқын басталды. Кешегі ойында қарсыласқа 1:0 есебімен есе жібергеніне қарамастан, қазақстандық қақпашы Темірлан Анарбеков матчтың үздік ойыншысы атанды. Қақпашының бірнеше шешуші сейві командасын ірі есептен сақтап қалды.

Ойыннан кейін Threads әлеуметтік желісінде жанкүйерлер Анарбековке қатысты пікірлерді қарша боратты. Көпшілік қазіргі деңгейі «Қайраттан» да жоғары екенін айтып, қақпашының Еуропаның ТОП-5 лигасына ауысуын қалап отыр.

Пікір қалдырғандардың бірі:

«Анарбековке машина емес, жаңа команда сыйлау керек» десе, тағы бірі: «Бүгінгі ойынның үздігі – Анарбеков пен штанга» деп жазған.

Кейбір жанкүйерлер тіпті:

Мәдениет және ақпарат министрі Аида Балаева соңғы күндері журналистерге қарсы қылмыстық іс қозғалуына қатысты пікір білдірді. Министрлік бұл мәселені назарда ұстап отыр дейді ол.

«Бүгінде Қазақстанның медиа кеңістігінде бірнеше сот процесі өтуіне байланысты талқы жүріп жатыр. ҚР Мәдениет және ақпарат министрлігі бұл процестерді, соның ішінде Orda.kz пен ҚазТАГ-қа қатысты істерді ерекше назарда ұстап отыр. Мұндай жағдайлар әрдайым медиа қауымдастықты алаңдатады. Себебі бұл сөз бостандығы мен заңды журналистік қызмет секілді аса маңызды мәселелерге тікелей қатысты», – деді ол.

Балаеваның сөзінше, БАҚ заңды бұзбай жұмыс істеуі керек және сол жағдайда...

Таиланд корольдігінің әскери-теңіз күштері мен елдің әскери-әуе күштері «Trat Suppresses Foes» атты операцияны бастады.

Бұл туралы Трат провинциясындағы шекаралық қорғаныс күштері штабы хабарлады. Камбоджамен арадағы қақтығыс ушыға түсті.

Интерфакс ақпаратына қарағанда, Таиланд Камбоджамен шекарадағы қақтығыстар жиілегеніне жауап ретінде операцияларды күшейтуді ұйғарған.

Атап айтқанда, HTMS Thepa атты әскери кемесі тәулік бойы патрульдеу және бақылау жүргізу үшін операция аймағына жіберілді.

Экипаж толық жауынгерлік дайындыққа келтірілген. Кеменің қару-жарақ жүйелері кез келген ушығуға жедел әрекет ете алады.

Барлық тай балық аулау кемелеріне Таиланд пен Камбоджа арасындағы теңіз шекарасына жақындамау туралы ескерту берілді.

Дүйсенбі күні Таиланд пен Камбоджа шекарасында ұрыс болды. Камбоджаның ұлттық қорғаныс...

Мәжілістің Әлеуметтік-мәдени даму комитеті Қазақстан мен Моңғолия арасындағы зейнетақы саласындағы ынтымақтастық туралы келісімді ратификациялау жөніндегі заң жобасын мақұлдап, оны жалпы отырыс қарауына шығаруды ұсынды.

Келісімге 2024 жылғы 29 қазанда Ұлан-Батырда қол қойылған. Ол екі ел азаматтарына бір мемлекеттен екіншісіне қоныс аударған жағдайда зейнетақы тағайындау үшін еңбек өтілін өзара тануға мүмкіндік береді.

Құжаттың негізгі нормалары:

Келісім еңбек сіңірген жылдары үшін төленетін зейнетақыларға (Қазақстанда) және әскери қызмет бойынша зейнетақыларға (Моңғолияда) қолданылмайды.

Зейнетақы тағайындау мен төлеу азаматтың тұратын елінің заңнамасы бойынша жүзеге асырылады.

Барлық салалық комитеттер о...

Үкімет құны 10.2 трлн теңгеге жуық сомаға ірі индустриялық жобалар портфелін жасақтады. Оның аясында елде 20 мыңнан аса жұмыс орны ашылады деген жоспар бар.

Жобалар шикізат бағасының ауытқуларына тәуелділікті азайтуға және нақты өнеркәсіптік өндірісті дамытуға бағытталған. Олардың ішіндегі ірі жобаларды атап өтсек:

Асхат Аймағамбетов: «Мектеп асханалары мен балаларға қатысты нысандар аяқ астынан тексеріледі, бірақ бірден айыппұл салынбайды»

Мектеп асханалары мен білім беру ұйымдарына қатысты тексерулер енді алдын ала ескертусіз жүргізіледі. Бұл туралы Мәжіліс депутаты Асхат Аймағамбетов мәлімдеді.

Оның айтуынша, бұған дейін кейбір білім беру ұйымдары бір жыл бұрын тексерілуі мүмкін екенін біліп, дайындалып алатын жағдайлар болған. Енді ондай тәжірибеге жол берілмейді. Тексеру аяқ астынан жүргізіледі.

«СЭС бір дегенде керек уақытында, аяқ астынан барып, тексеруге мүмкіндік алады. Бұл маңызды. Өйткені алдын-ала тексеремін дейтін болсаң, дайындалып қояды ғой», – деді Асхат Аймағамбетов.

Дегенмен, мұндай тексерулер кезінде бірден айыппұл салынбайды...

Алматы қаласының билігі мегаполисте коммуналдық жәрмеңкелер құруды көздейді. Мәселе әкім Дархан Сатыбалды өткізген кеңесте талқыланды. Бұл туралы Kursiv.Media қалалық әкімдік мәліметіне сүйене отырып хабарлады.

Қоғамдық жәрмеңкелер ұйымдастырудағы мақсат – делдалдардан бас тартып, шаруалар үшін қолайлы жағдай жасау.

«Қазір бірнеше шешім пысықталып жатыр. Әр ауданда жаңа жәрмеңкелерді орналастыруға арналған алдын ала орындар белгіленді», – деп таратты қалалық әкімдіктің баспасөз қызметі.

Билік «Алматы» әлеуметтік-кәсіпкерлік корпорациясына тиесілі павильондарды заман талабына сай жаңартқысы келеді.

«Жоба сарапшылармен және тиісті қызметтермен бірлесіп пысықталады. Талдау нәтижелері бойынша жәрмеңкелердің оңтайлы форматы, оның ішінде инфрақұрылымы, орналастыру...

Kursiv.media сайтына 9 желтоқсанда таңертең және 10 желтоқсанда түнде DDoS-шабуыл жасалды. Ол АҚШ және Вьетнамнан келген деген болжам бар.

ІТ және цифрландыру департаментінің жетекшісі Денис Арланцевтің сөзінше, 9 желтоқсандағы DDoS-шабуыл кезінде боттар серверге жалпы 1 миллионнан астам сұрау жіберіп, деректер базасын басқару жүйесіне жүктеме түсірді. Бұл өз кезегінде сайттың жұмысын баяулатты.

Маманның айтуынша, қаскөйлер Kursiv.Media сайтын әбден зерттеп алған. Түрлі барлау-шабуылдар жасалған.

«Бізге мәселе тудыру үшін оларға бұрынғыдай қуатты, жаппай шабуыл жасаудың қажеті жоқ. Қазір жүйеге салмақ түсіретін нақты нүктелерді дәл нысанаға алады. Мұндай шабуылдардың трафигі қарапайым пайдаланушылардың әрекеттерінің астына «жасырынады», сондықтан оны бірден анықтау...

Үкімет «Запастағы офицерлерді әскери қызметке шақыру туралы» қаулысын бекітті. Осыған орай, 2026 жылы 2 жыл мерзімге 859 запастағы офицер әскери қызметке шақырылады.

«2026 жылы заңнамада белгіленген тәртіппен әскери қызметке жарамды, бірақ бұрын әскери қызмет өткермеген запастағы офицерлер офицерлік лауазымдарда қызмет өткеру үшін жиырма төрт ай мерзімге әскери қызметке шақырылады», – делінген құжатта.

Жалпы саны 859 адам шақырылады, оның ішінде:

Қаулы 2025 жылғы 20 желтоқсаннан бастап күшіне енеді.

Жігер Ауыпбаев Instagram парақшасында романтикалық сипаттағы жазба жариялап, желі қолданушыларының назарын өзіне аудартты.

Әнші өз постында:

«Арасы 15 жас болса қалай? Кішкентай қыз, сендегі қиял бөтен, Сен туралы сезіммен жиі әндетем. Сенің сол бір кішкентай жүрегіңе Мендегі таудай сезім сияр ма екен..» деп жазған.

Бұл жазба әлеуметтік желіде түрлі пікірлерге себеп болды. Кейбір қолданушылар мұны поэтикалық образ немесе болашақ әннің мәтіні деп қабылдаса, енді біреулері жазбаның мазмұнына алаңдаушылық білдірді. Әсіресе «арасы 15 жас» және «кішкентай қыз» деген тіркестер көпшіліктің қызу талқылауына түрткі болды.

Айта кетейік, Жігер Ауыпбаев бұған дейінгі әйелімен «көңіл...

«Қазақмыс» акционер ауыстыруға дайындалып жатыр. Корпорация президенті Владимир Ким мен директорлар кеңесінің төрағасы Эдуард Огай ортақ шешімге қол қойды. Бұл туралы Kursiv.Media компания таратқан мәлімдемеге сүйене отырып хабарлады.

Мыс өндіруші ірі кәсіпорынды сату жөніндегі келісімшартқа жақында қол қойылады. Компаниядағылар «Қазақмыс» қожайынын ауыстыру үшін Өнеркәсіп және құрылыс министрлігі мен Бәсекелестікті қорғау және дамыту агенттігінің арнайы рұқсаты қажет екенін ескертіп отыр.

«Сонымен бірге серіктестерді, кредиторларды, миноритарлық қатысушыларды және басқа да мүдделі тараптарды хабардар ету процесі жүргізіледі», – деп мәлімдеді «Қазақмыс».

Мұндай шаралар сауданың ашықтығын, компания міндеттемелерін сақтауды көздейді.

Бұған қоса, «Қазақмыс» акционердің ауысуы...

Алматыда таңертең басталған қар аралас жауын салдарынан жолдарда ахуал күрт нашарлап, қала бойынша қозғалыс қарқыны төмендеді. Жол қозғалысын бағалау жүйесінде Алматы көшелеріндегі жүктеме 10 балға дейін көтерілді.

Көлік санының артуы, тайғақ жолдар және ауа райының тұрақсыздығы негізгі магистральдарда ұзақ кептелістердің пайда болуына себеп болды. Жүргізушілер 2ГИС сервисінде жолдарда көп тұрып қалғанын жазып, қала ішіндегі қозғалыстың айтарлықтай баяулағанын жазып жатыр.

Қаланың орталық бөлігі: Райымбек, Сәтбаев, Абай, Желтоқсан, Сейфуллин, Төле би және Жібек жолы көшелерінде қызыл сызықтар басым. Кей жерлерде қозғалыс мүлде тоқтап қалған.

Сонымен қатар ауа райының қолайсыздығы такси бағасының күрт қымбаттауына да әсер етті. Таңғы уақытта такси қызметтерінде тариф бірнеше...

Аустралия 16 жасқа толмаған балаларға әлеуметтік желілерді пайдалануға тыйым салған әлемдегі алғашқы мемлекет болды. Енді жасөспірімдер TikTok, YouTube, Instagram және Facebook сияқты платформаларды еркін пайдалана алмайды деп жазады ВВС.

«Мектеп каникулын мүмкіндігінше тиімді өткізіңіздер. Телефонға телміріп отырмай, жаңа спорт түрімен айналысып көріңіздер, жаңа музыкалық аспапта ойнауды үйреніңіздер немесе көптен бері сөреде жатқан кітапты оқып бастаңыздар», – деді Аустралия премьер-министрі Энтони Албанезе заңның күшіне енуіне байланысты жасаған видеоүндеуінде.

Жаңа заңға сәйкес, егер платформалар жасөспірімдердің өз сервистеріне кіруін шектеу үшін қажетті шараларды қабылдамаса, олар  33 млн долларға дейін айыппұл төлеуі мүмкін.

Қазіргі уақытта тыйым 10 платформаға қолданылады, бірақ Аустралия...

10 желтоқсан астрологиялық тұрғыдан серпінді және құбылмалы болады. Kursiv LifeStyle Geocult.ru мәліметтері негізінде барлық жұлдыз белгілеріне арналған болжамды ұсынады. Бұл күнді тиімді өткізіп, қателіктерден сақтануға көмектеседі.

Тоқты

Бүгінгі күн сізге басшылық етуге және жаңа бастамаларды қолға алуға күшті серпін береді. Дегенмен, қаржылық мәселелерде асығыс шешімдерден аулақ болыңыз. Жеке өміріңізде жаңашылдыққа деген құштарлық артады. Нақты мақсатқа назар аударыңыз.

Торпақ

Сіздің белгіңіздегі Уран қаржы саласында күтпеген өзгерістер әкелуі мүмкін. Бұл серіктестермен есеп айырысу немесе инвестициялармен байланысты болуы ықтимал. Ескірген табыс моделіне жабыспаңыз. Қаржыны бақылауда ұстаңыз. Қолда бар ресурстарды қайта түгендеуге қолайлы күн.

Егіздер

Бүгінгі күн сізді келіссөздер мен іскерлік байланыстарды тереңірек саралауға...

Украина президенті Владимир Зеленский 2014 жылы Ресей аннексиялап алған Қырымды қайтаруға қазір күші жетпейтінін мойындады. Бұған қоса, ол соғыс жүріп жатқан елде президент сайлауын өткізуге дайын екенін мәлімдеді. Бұл туралы CNN хабарлады.

Қырым мәселесі

«Шынымды айтсам, қазір бізде мұның бәріне күш жоқ, осының бәріне жеткілікті қолдау жоқ», – деп жауап берді украин президенті Қырым түбегіне қатысты сауалға.

Сонымен бірге, Зеленский әзірге Украинаға НАТО сапында орын жоқ екенін де мойындауға мәжбүр болды.

«Біз шынымен НАТО-ға кіргіміз келеді. Бірақ АҚШ, тағы бірнеше ел Украинаны әзірге НАТО құрамында көргісі келіп отырған...

Қазіргі уақытта үлкен мерекені салюттар мен фейерверктерсіз елестету қиын. Фейерверк – жаңа жыл, мандариндер, шырша мен «Оливье» салаты сияқты мерекелік атрибуттардың бірі, ол мерекенің ғажайып атмосферасын құрады.

Бүгінде әркім жаңа жылда, туған күнде немесе басқа да маңызды мерекелерде жарқын, түрлі-түсті фейерверкпен өзін және жақындарын қуантуда. 

Kursiv.Media біздің елге импортталатын тұрмыстық пиротехника бойынша қызықты статистикамен бөліспек.

«Ковид-19» жылдары отшашу айтарлықтай азайған

Sarapshy мәліметінше Қазақстан фейерверк импортын әсіресе жаңа жылға 2 ай қалғанда, яғни қараша мен желтоқсан айларында жаппай сатып алады. Еліміз 2019 жылы 2 млн доллардан астам отшашу құралдарын сатып алса, 2020-2022 посковидтік жылдардан кейін күрт төмендеген. Алайда 2023 жылдан бастап қайта қалпына...

Алматылық «Қайраттың» қақпашысы Темірлан Анарбеков УЕФА нұсқасы бойынша «Қайрат» – «Олимпиакос» матчының үздік ойыншысы атанды.

«Матчтың үздік ойыншысы болып Темірлан Анарбеков танылды. УЕФА-ның техникалық бақылаушылар тобының айтуынша, оның көптеген сейвтері Олимпиакостың үлкен жеңіске жетуіне жол бермеді», – деп жазды УЕФАның ресми ақпарат көзі.

Айта кетейік, алматылық «Қайрат» Астана аренада өткен Чемпиондар Лигасының жалпы кезеңіндегі ойында грекиялық «Олимпиакос» футбол командасына есе жіберіп, 0:1 есебімен жеңілді...