Жаңалықтар

Түркияның Балыкесир қаласында жоспарлы ұшу кезінде F-16 жойғыш ұшағы апатқа ұшырады. Бұл туралы Yeni Akit хабарлады.

Ұшақ елдің 9-шы негізгі авиациялық базасына тиесілі болған.

Түркия қорғаныс министрлігі ұшақтың құлағанын растап, оның жергілікті уақыт бойынша сағат 00:56-да радардан жоғалып кеткенін нақтылады.

«Ұшағымыздың апатқа ұшырағаны анықталды, сондай-ақ оның сынықтары табылды», – делінген мәлімдемеде.

БАҚ-тың жазуынша, F-16 Ыстанбұл – Измир бағытындағы адам көп жүретін тас жолға құлаған. Апат салдарынан жойғыш ұшақтың ұшқышы қаза тапты. Балыкесир губернаторы Исмаил Устаоғлу оның отбасына көңіл айтты. Аймаққа құтқару жасақтары жіберіліп, оқиғаның себептері бойынша тергеу жүргізіліп жатыр.

F-16 жойғыш...

Мәжіліс депутаты Әбутәліп Мүтәлі елдің стратегиялық нысандарына жасалуы мүмкін кибершабуыл зардабы миллиардтаған доллар шығынға әкеп соғатынын айтып, дабыл қақты. Оның пайымдауынша, технологиялық желілердің осалдығы ұлттық қауіпсіздікке тікелей қатер төндіріп тұр.

Қазақстанның отын-энергетика кешені, өнеркәсіп және көлік салаларында АСУ ТП (технологиялық процестерді басқарудың автоматтандырылған жүйелері) мен SCADA жүйелері кеңінен қолданылады. Бұл жүйелер – ЖЭО-лардың су сорғыту станциялары мен электр желілерінің үздіксіз жұмысын қамтамасыз ететін басты «ми орталығы».

Депутат Әбутәліп Мүтәлінің айтуынша, осы цифрлық инфрақұрылымның қауіпсіздігі – халықты жылу, су және жарықпен қамтамасыз етудің кепілі. Алайда бұл бағыттағы қорғаныс шаралары әлі де болса көңіл көншітпей отыр.

Америкалық қаржыгер Джеффри Эпштейн төңірегіндегі жанжал Қазақстан парламентіне енді жетті. Мәжіліс депутаты Асхат Рақымжанов құзырлы органдарға сауал жолдап, атышулы кәсіпкерге қатысы бар қазақ шенеуніктерін тексеруді сұрады.

Назарбаев дәуіріндегі шенеуніктерді тексеруді ұсынды

25 ақпанда парламентте оқылған депутат сауалы Бас прокурор Берік Асыловқа, Ұлттық қауіпсіздік комитетінің төрағасы Ермек Сағымбаевқа жолданды.

Депутат Рақымжанов Эпштейн құжаттары халықаралық резонанс тудырғанын, оның ішінде «ескі Қазақстандағы» саяси элита өкілдерінің есімі аталғанын мәлімдеді. Төменгі палата депутаты даулы тақырыпты елемей өте салуға болмайды деп есептейді. Себебі бұл шенеуніктердің жеке өміріне емес, мемлекет беделіне қатысты мәселе.

«Қазақстан азаматтары ел тағдыры кімдердің қолында болғанын...

Мәжіліс депутаты Асхат Аймағамбетов мұғалімдерді мәжбүрлі әрі өз міндетіне жатпайтын жұмыстарға тартқандарды айыппұлмен жазалау керек деп мәлім етті.

«Педагог мәртебесіне қатысты басты мәселе – педагогтердің жауапкершілігі. Жалпы демалыс кезінде, жазғы демалыс уақытында, түнгі уақытта мұғалімдер балаларға жауап бермеуі керек. Керек болса полиция бар. Кейбір өңірлерде балалар түн мезгілінде құқық бұзғаны үшін мұғалімді жұмыстан шығарып жіберген. Сондай-ақ оларды өзен күзетуге де шақырған. Сөйтіп онда еңбек демалысы бұзылған. Біз бұл жерде тайға таңба басқандай айтамыз. Мұғалім оқу процесі кезінде ғана жауапты болуы керек. Ал каникулда, түнгі уақытта оқушының ата-анасы жауапты. Бұл – бір», – дейді Асхат Аймағамбетов.

Айнұр Ілиясова күйеуінің нағыз «жұрттың байы» екенін айтып, қолынан келмейтін нәрсе жоқ, шебер деп мақтады.

Актриса күйеуінің іске ебі бар бесаспап екенін мақтан тұтатынын жеткізді. Жарына деген құрметі мен сүйіспеншілігін көрсетті.  

«Нағыз «жұрттың байы». Менің күйеуімнің қолы алтын. Шебер. Қол жуғышты да жөндейді. Сынып қалды, асты түсіп қалды. «Жұрттың байы» деген айдарға сұранып тұр», – деп мақтады актриса.

Айнұр Ілиясова қолынан келмейтін нәрсе жоқ екенін, бәрін жасай алатынын айтып жарын мақтап, жұмыс істеп жатқан еріне еркелеп денесін сипалады.

«Менің күйеуім, менің күйеуім», – деп өзі де еркелеп, күйеуінде...

Танымал тележүргізуші Динара Сәтжанның ұлы – Даниал үйленгелі жатыр. Енді тойға қызу дайындық басталып кеткенге ұқсайды.

Динара Сәтжан ұлының тойына дайындық басталғанын stories-те жариялады. Ол өте мейірімді ене болуға сенімі мол екенін де атап өтті:

«Достар, сәлем. Мені құттықтап, құтты болсын айтып жатқан баршаңызға ақжарма тілектеріңіз үшін рахмет. Жекеме жазған әр хат, әр қоңырау жүрегіме жылы тиіп жатыр. Өйткені бұл біз үшін өте маңызды оқиға болғалы тұр. Кеше Даниал «Айнұр екеуіміздің суретімізді салмашы» деп өтініш айтқан. Бірақ таңертең оқырманға бұл сүйінші хабарда айтпасам болмас дедім. Ене болуға дайындалып жатырмын. Өзімнің жақсы, мейірімді ене болатыныма сенемін, сенімдімін. Ене болып, одан соң әже де боламын», – дейд...

Орта салмақтағы әлем чемпионы Жәнібек Әлімханұлы төңірегіндегі допинг дауына қатысты жаңа деректер жарияланды. Белгілі болғандай, тыйым салынған зат спортшының ағзасына жаттығу кезінде емес, медициналық ем қабылдау барысында түскен.

Боксшы 2025 жылдың 7 мамырында Астана қаласындағы бір клиникаға медициналық көмекке жүгінген. Ол басы қатты ауырып, жүрегі айнығанына, құсып, басы айналғанына шағымданған. Бұл жағдай 5 сәуірде өткен жекпе-жектен кейін нашарлай бастаған.

Әлімханұлына дәрігерлер құрамында мельдоний бар «Рипронат» препаратын тағайындаған. Дәрітамыр арқылы енгізілген, себебі спортшының жағдайы жедел емдеуді талап еткен.

Қорғау тарапының ұстанымы

Спортшының менеджері Эгис Климас америкалық журналист Стив Кимге берген сұхбатында Жәнібектің спорттық режимді әдейі бұзбағанын айтты.

Оның айтуынша, мельдоний...

Мәжіліс депутаты Бақытжан Базарбек құқық қорғау органдарынан Эпштейн құжаттарында аты аталған ел азаматтарына қатысты тексеру жүргізуді талап етті.

Америкалық қаржыгер Джеффри Эпштейн ісіне қатысты құпия құжаттармен танысып шыққан депутат Бақытжан Базарбек бүкіл әлем талқылап жатқан мәселені Қазақстан билігі айналып өтпеуі тиіс деп есептейді.

«Эпштейн файлдары жарияланған соң, мен де солардың бірқатарын көріп шықтым. Құжаттарда есімі аталған адамдарды да көрдім. Құқық қорғау органдары баға беруі керек. Тексеруі тиіс. Құжаттарда есімі аталған адамдардың бәріне тексеру жүргізуі керек», – деді төменгі палата депутаты.

Базарбек әлемнің көптеген елдері, соның ішінде Ұлыбритания үкіметінің Эпштейн құжаттарына қатысты тергеу жүргізіп жатқанын мысалға келтірд...

Денсаулық сақтау вице-министрі Тимур Мұратов онкологияға қарсы қазақстандық препарат туралы айтты.

Сөзінше, препарат клиникалық сынақтан өтіп жатыр.

«Клиникалық сынақ – өз еркімен келісім берген адамдарға осы дәріні қолдану. Жұмыс жуық арада аяқталады. Мұндай тексерулер қанша адамның келісім бергеніне қарай, еріктілер санына байланысты жүргізіледі», – деді Тимур Мұратов.

Алайда вице-министр препараттың онкологияның қай түріне қарсы қолданылатынын нақтылай алмады. Сондай-ақ клиникалық сынақты қашан аяқталатынын айтпады.

Бұған дейін онкологиялық аурудың жайылуын баяулатуға (кей жағдайда толық емдеуге мүмкіндік беретін) бірегей отандық препарат 2025 жылдың соңына дейін тіркеуден өтетіні айтылды.

Қатерлі істіктің алдын алуға болады

Дүниежүзілік денсаулық сақтау...

Белгілі блогер Айжан Байзақова отбасымен түскен видео-естеліктерді біріктіріп, бір постқа біріктірді. Әсерлі де әдемі сәттерден бөлек, жазбаның сипаттамасын оқыған оқырман екіұдай ойда қалды. Кейбірі Айжан бұл пост арқылы анасына ренішін білдіргісі келді деп топшылап жатыр. 

Айжан Байзақова – үш баланың анасы. Жақында ғана қызды болды. Күні кеше ол отбасылық әдемі сәттер таспаланған видео салып, фонына өте әсерлі «Ару ана» әнін қосыпты. Бастапқыда сол постының сипаттасына блогер былай деп жазған еді:

«Балаңнан бір рет болсын кешірім сұрағаннан кем болмайтыныңды босанғаннан кейін ғана түсіндім. Көп адам баласына емес, басқаларға жақсы қарап, мейірімді болып көрінгісі келетінін байқаймын. «Ути-пути» деген мейірімді айтып тұрған жоқпын...

Марат Балғымбаев «Атырау» шипажайы» компаниясының ірі акционерлерінің тізіміне енді. Бұл туралы қаржы есептілігі депозитарийінде жариялаған хабарламада жазылған.

20 ақпаннан бастап шипажайдың 10% және одан жоғары акциясына иелік ететін ірі акционерлер қатарында Марат Балғымбаев пен «ДАН-Ис-Сервис» компаниясы көрсетілген. Бұған дейін тек «ДАН-Ис-Сервис» қана ірі акционер болып келген еді.

eGov мәліметінше, «Атырау» шипажайы» акционерлерінің саны 1 ақпанмен салыстырғанда өзгерген жоқ және 24 ақпандағы жағдай бойынша 47 тұлғаны құрайды.

Яғни Марат Балғымбаев «Атырау» шипажайы» компаниясындағы өз үлесін арттырған болуы мүмкін. Бұл ретте қоғам жаңа ірі акционер пакетінің нақты көлемін ашқан жоқ, сондай-ақ басқа қатысушылардың үлесіндегі өзгерістер туралы да хабарламады.

Шипажай кешені Жайы...

Мәжіліс депутаты Мұрат Әбенов әйелдерді тоқал болуға насихаттап жатқанына наразылық білдірді.

Оның айтуынша, конституцияда полигамды некеге тыйым салынуға тиіс.

«Неке қиылса, жауапкершілік болуы керек. Тоқалдыққа бару керек деп насихаттауға болмайды. Қазір қыздар ойланып, ойлары бұзылып, кейбіреулері тоқалдыққа дайын болып жүр. Мәселе, насихатта. Насихаттамау керек. Теледидардан ол туралы көрсетпеу қажет», – дейді депутат.

Мұрат Әбеновтің пікірінше, насихаттың кесірінен ер адамдар екінші және үшінші әйел алуға болады деп есептейді. Мұндай жағдай өмірде кездессе де, оны үгіттеуге жол бермеу керек.

«Өзбекстан мен Қырғызстанда бұған қылмыстық жауапкершілік енгізді. Екінші, үшінші әйел алуды насихаттауға 2023 жылы...

Ұлыбритания үкіметі бұрынғы ханзада Эндрюге қатысты тергеу материалдарын жариялауға келісті, деп хабарлайды Reuters. Құжаттарда Қазақстан туралы мәліметтер болуы мүмкін.

Лондон шешімі

Ұлыбритания премьер-министрі Кир Стармер басқаратын үкімет сейсенбі, 24 ақпанда Эндрю Маунтбеттен-Уиндзордың сауда өкілі қызметіне тағайындалуына қатысты құжаттарды жариялауға келісті. Мұндай шешім америкалық қаржыгер Джеффри Эпштейн құжаттары төңірегіндегі дау өршіп тұрған уақытта қабылданды.

Чарльз патшаның інісі өткен аптада тұтқындалған. Содан кейін парламенттегі депутаттардың кейбірі патша отбасына сын айтуға тыйым салатын дәстүрді аяқтау керек деп мәлімдеп үлгерген.

Ханзада атағынан айрылған Эндрю үш ғасырдан астам уақыт ішінде ағылшын патша отбасының тұтқынға түскен алғашқы мүшесі болды. Полиция оны қызмет...

Батыс Қазақстан облысында мектеп оқушысын зорлау фактісі бойынша қозғалған іс қайта тергеледі.

Аталмыш іске қатысты журналистер Ішкі істер министрінің орынбасары Санжар Әділовтен не себепті шенеунікті босатып жібергенін сұрады.

«Бүгін біз облыс прокуратурасымен бірге істі тоқтату жөніндегі процессуалдық шешімнің күшін жойдық. Жәбірленуші тараптың айғақтары тергеу барысында тексеріледі», – деді Әділов.

Еске салсақ, Шыңғырлау ауданында 57 жастағы ер адам кәмелетке толмаған қызды алдап үйіне шақырып, зорлаған деген күдікке ілінген. Бұл туралы жергілікті басылым хабарлады. Күдіктінің аты-жөні ресми жарияланбаған.

Жәбірленушінің әкесінің айтуынша, оқиға 2 қаңтар күні болған. Полицияға арыз жазылғаннан кейін күдікті ұсталып, жауап алынған. Алайда ол бөлімшеде...

Мәжіліс депутаты Айдос Сарым өзінің депутаттық жұмысына баға берді деп жазады Kursiv.Media. Тілшілер сұрағына «ұялмайтындай жұмыс істедім» деп жауап берді.

«Біздің комитетті алатын болсақ, бір жыл ішінде әскерге қатысты жеті заң өткізіппіз. Өте маңызды заңдар. Талай заңнамаларға бастамашы болдым. Активтерді қайтару жөніндегі заңнама бар, «Ұлттық қор балаларға» деген сияқты маңызды заңдар бар. Жалпы 400-500 заңнамаға ұсыныс берген адаммын», – дейді Айдос Сарым.

Ол 2021 жылдан бері мәжіліс депутаты. Парламентке партиялық тізіммен «Amanat» партиясының атынан өткен.

Депутаттық мансабына дейін «Ақ Жол» партиясының құрамында болды. Белгілі мемлекет қайраткері, оппозиция лидері Алтынбек Сәрсенбайұлы атындағы...

Атырау облысында ерлі-зайыптыны өлтірді деген күдіктілер Индонезияда ұсталды. Бұған дейін отбасының күйеу баласы Сұлтан Сәрсемалиевтің күдікті деп танылғаны айтылған. Ішкі істер министрінің орынбасары Санжар Әділовтің айтуынша, күдіктілер қатарында отбасының кіші қызы Ақбаян Мұқанғалиева да бар.

«Күдіктілер кеше ғана Индонезияда ұсталды. Қазір оларды елге алып келу мәселесі шешіліп жатыр. Тергеу амалдары белсенді түрде жүргізіліп жатыр. Қажетті сараптамалар тағайындалып, тиісті шаралар қабылданды.

Халықаралық іздеу жарияланған кезде Интерпол қызметкерлері мен Қазақстан полициясы бірлесіп, арнайы топ құрды. Топтың жұмысының нәтижесінде екі күдікті ұсталды. Екеуі де күдікті деп танылған», – деді Санжар Әділов.

Тергеу аяқталғаннан кейін толық ақпарат...

Батыс Қазақстан облысында жол жөндеуге бөлінген бюджет қаржысын жымқыру ісі сотқа жолданды.

ҚМА мәліметінше, 2023 жылғы наурызда мемлекеттік сатып алу қорытындысы бойынша Сырым аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі мен «Сапак» өндірістік кооперативі арасында Жымпиты ауылындағы жолдарды жөндеуге 259 млн теңге сомасына шарт жасалған.

«Тергеу деректеріне сәйкес, «Сапак» ӨК директоры «Ак-Би» ЖШС басшысымен сөз байласып, бюджет қаржысын иемдену схемасын ұйымдастырған. Күдіктілер орындалған жұмыстар актілеріне жалған мәліметтер енгізіп отырған. Құжаттарда асфальт төсеу, жер қазу, бетондау, су құбырларын тарту және басқа да жұмыстар толық көлемде көрсетілгенімен, іс жүзінде олар орындалмаған немесе әлдеқайда аз көлемде...

Әнші Азода Толаевна алдағы уақытта «Онда Сонда» әнінің жаңа нұсқасының премьерасын ұсынбақ. Азода шығарманы жаңаша аранжировкада, нөлден бастап қайта жасап шыққанын айтты.

Өнер иесі әлеуметтік желіде: « @daricorn.rr әні менің версиямда, өзбек тілінде орындалады. Жақын күндері премьера күтіледі», – деп жазды.

Еске cала кетейік, Дарикорнның өзі бұл әнді үндістандық әншіден көшіріп алған еді.

Мәжіліс депутаты Еркін Әбіл елдегі қымбатшылық салдарынан халықтың тұрмысы нашарламас үшін жалақы көтерілуге тиіс деп есептейді. Ол бұл туралы мәжіліс кулуарында айтты.

«Сол кезде халықтың табысы бағаның өсуімен тең немесе жоғары болады. Сонда ғана әлеуметтік жағдай дұрысталады. Қазіргідей баға өсіп, тариф қымбаттап, ал жалақы өспей жатса, онда халықтың әлеуметтік жағдайы нашарлады деген сөз. Сондықтар ең төменгі жалақы болсын, орташа немесе медиандық жалақы болсын, биыл-келер жылы міндетті түрде өсуі керек», – деді ол.

Бұл ретте депутат елдегі инфляция мен қымбатшылық себебіне де тоқталып өтті. Үкімет 2024-2025 жылдары бюджет тапшылығын жабу үшін ел экономикасына Ұлттық қордан...

Блогер және актриса Сабина Мовлаева Алматыны «қасқырлардың қаласы» деп атады.

«Алматыға көшіп келгеніме тоғыз жыл болды. Алматы – қасқырлардың қаласы. Бұл жақта сені жейді немесе сен жейсің. Сол себепті бәрін үйрендім. Бәрін оқыдым. Бәрін зерттедім», – деді блогер.

Оның айтуынша, анасы да бұған қатты таңқалады екен. Қызына «бәрін білесің, сені мен тудым ба?» деп таңырқайды. Сабина бәсекелестікке қабілетті болу үшін қыздарды мінсіз болуға шақырып отыр.  

«Қыздар, мінсіз болып жүрейік. Жаз келе жатыр деп арықтамайықшы. Қыста да, күзде де, көктемде де әдемі болып жүруіміз керек. Кішкене ішіміз шығып кетсе, айнаға қарап...

Енді мұғалімдер оқушының өмірі мен денсаулығына оқудан тыс уақытта жауап бермейді. Мәжіліс депутаттары осындай нормаларды көздейтін заң жобаларын қарауға алды.

Парламент Мәжілісінің қарауына «Педагог мәртебесі және білім беру мәселелері» және Әкімшілік құқық бұзушылық туралы Кодекстің «Педагог мәртебесі мәселелері» бойынша өзгерістер енгізу туралы заңдар жолданды. Аталған заң жобасы педагогтердің құқығын қорғауды күшейту мақсатында Мәжіліс депутаттарының бастамасымен әзірленді.

Сабақтан тыс уақытта оқушы өміріне ата-ана ғана жауапты болады

Заң жобаларында келесі нормалар ұсынылды. Бірінші, педагогтердің балалардың өмірі мен денсаулығы үшін жауапкершілігін тек оқу процесі барысында айқындау, яғни оқудан тыс уақытта және каникул немесе...

Қазақстандық суретші Әсел Сабыржанқызы (Assolyaa) Олимпиада чемпионы Михаил Шайдоровтың тарихи жеңісін өнер туындысына айналдырды. Суретші спортшының бейнесін кілемге салып, ерекше картина ретінде ұсынған.

Өнер иесі әлеуметтік желіде: «@mikhail_shaidorov белгілеңіздерші, картинаны сыйлағым келеді. Осы тарихи сәтті еліміз үшін мәңгілікке бейнелеп қалдырдым!» – деп жазды.

Суретші бұл туынды арқылы Қазақстан спорты үшін маңызды сәтті есте қалдыруды мақсат еткенін айтты. Кілемше түрінде жасалған портретте Шайдоровтың Олимпиададағы жарқын сәті бейнеленген.

Еске сала кетейік, бұған дейін Әсел әлемдік жұлдыз Дженнифер Лопездің де портретін салып, сыйға тартқан еді.

2025 жылдың қорытындысы бойынша Қазақстанның экспорттық әлеуеті 3,2%-ға төмендеп, 79 млрд долларды құрады. Экономист Руслан Сұлтановтың жазуынша, сыртқы сауда айналымының баяулауына мұнай, уран және түсті металдар жеткізілімінің азаюы себеп болып, ел қазынасы 4,1 млрд доллар көлеміндегі валюталық түсімнен қағылды.

Экспорттың 3,2%-ға төмендеуі бірнеше фактормен түсіндіріледі. Бірінші кезекте – әлемдік нарықтағы мұнай мен негізгі металдар бағасының тұрақсыздығы. Қазақстан экспортының 50%-дан астамын шикі мұнай мен мұнай өнімдері құрайтынын ескерсек, бұл сектордағы кез келген ауытқу жалпы көрсеткішке тікелей әсер етеді.

Мұнай мен уран сату азайды

Былтыр экспорт...

Қаржы министрлігінің «Проблемалық кредиттер қоры» АҚ басқармасының бұрынғы төрағасы ұсталды. Бұл жөнінде ҰҚК баспасөз қызметі мәлімдеді.

Ұлттық қауіпсіздік комитеті мәліметінше, ол лауазымдық өкілеттіктерін теріс пайдаланды деген күдікке ілінген.

«Тергеу материалдарына сәйкес, ол жекеменшік иесіне қорға аударылуға тиіс кепіл мүлкін сатудан түскен ақша қаражатын ұстап қалу құқығын заңсыз беріп, мемлекетке 11,4 млрд теңге көлемінде залал келтірген»,  – делінген хабарламада.

Бұдан бөлек, ол мемлекеттік мүлікті төмендетілген құнмен сатқан. Салдарынан бюджетке 1,3 млрд теңгеден астам қаражат түспей қалған.

Айта кетейік, жақында Ұлттық қауіпсіздік комитеті Шығыс Қазақстан облысы әкімінің бірінші орынбасары Жақсылық Омардың ұсталғанын растаған еді.