Жаңалықтар

Қарағанды облысының дене шынықтыру және спорт басқармасының басшысы Серік Сәпиев пен оның орынбасары Дәурен Есімханов өз еркімен жұмыстан босату туралы өтініш бергеннен кейін, олардың арасындағы жанжалға қатысты қозғалған тәртіптік іс тоқтатылды.

Жанжалдан кейінгі шешім

Бұқаралық ақпарат құралдары мен әлеуметтік желілерде кеңінен талқыланған екі мемлекеттік қызметкер арасындағы жанжал Мемлекеттік қызмет істері агенттігінің назарына ілінген болатын. Аталған факті бойынша қызметтік тергеп-тексеру жүргізіліп, нәтижесі 2026 жылғы 3 ақпанда Әдеп жөніндегі кеңесте қаралуға тиіс еді.

Алайда отырыс қарсаңында – 2 ақпан күні – Сәпиев пен Есімханов өз еркімен қызметтен кетуге өтініш білдірген. Осыдан кейін қызметтен босатылған.

Заңды негіздеме

Заңнамаға сәйкес, мемлекеттік қызметшілер тек сыбайлас жемқорлы...

Үкіметтің жаңа қаулысына сәйкес мемлекеттік қызметкерлерге сыйақы жиі төленетін болады. Құжат 1 қаңтардан бастап қолданысқа енгізіледі.

Қазақстанда мемлекеттік қызметкерлерге сыйақы төлеу және материалдық көмек беру ережелері жаңартылды. Өзгерістер ынталандыру негіздерінің тізімін кеңейтеді және төлемдерді бөлу кезінде басшыларға көбірек тәуелсіздік береді.

Жаңа ережелер бойынша сыйақы төлеу мүмкіндіктері бар:

Мемлекеттік кірістер комитеті салық төлеушілерге 1414 нөмірінен SMS-хабарлама арқылы салық органына келу туралы хабарлайды. Салық әкімшілік істерді жүргізудің электрондық форматына көшеді, деп хабарлады МКК.

Мемлекеттік кірістер комитеті 2025 жылдың қараша айынан бастап мемлекеттік кірістер органдары «Әкімшілік іс жүргізудің бірыңғай тізілімі» ақпараттық жүйесінде (БЖТ) электрондық іс жүргізуге толығымен көшкенін хабарлады.

Осыған байланысты салықтық әкімшілендіру жүйесінде жаңа функционал іске асырылды. Мемлекеттік кіріс органдарына келу қажеттігі туралы хабарламалар электрондық түрде келетін болады. Олар бірнеше жолмен келуі мүмкін:

Кірістер комитеті SMS арқылы хабарлама тек ақпараттық сипатта келетінін атап...

3 ақпанда Қазақстан қор биржасындағы сауда-саттықта теңге АҚШ долларына қатысты нығайды. Бір күн бұрын доллар бірден 4 теңгеге қымбаттап, 505 теңгеден асқан болатын.

Ал сейсенбі күні орташа өлшенген айырбас бағамы алдыңғы күнмен салыстырғанда 0,3%-ға, яғни 1,73 теңгеге төмендеп, 1 доллар үшін 503,44 теңгені құрады.

Қолданыстағы тәртіпке сәйкес, 4 ақпандағы ресми доллар бағамы 503,44 теңге болады. айырбастау пункттері долларды 503-504 теңгеден сатып жатыр.

2025 жылдың жазында доллар бағамы 550 теңгеден асып кеткен еді. 2026 жылға қарай теңге нығайып, көкқағаз арзандап кетті.

Halyk Research сарапшыларының болжамынша, биыл валюта нарығындағы ұсыныстың азаюы теңгеге қысым түсіру...

Бішкектің орталығында «Қырғызстан әуежайлары» ААҚ «Авиатор» атты жаңа 25 қабатты бизнес-орталық салуды жоспарлап отыр.

Kaktus.media ақпаратына қарағанда, ғимараттың төбесінде тікұшақ алаңы орналасады. Бұл туралы компанияның баспасөз қызметі хабарлады.

«Авиатор» бизнес-орталығы авиация стилінде салынып, ұшу, қозғалыс пен жоғары технология тақырыптарын бейнелейтін дизайнерлік шешімдер қолданылмақ. Кешен ішінде бизнес алаңдары, кеңселер, мейрамханалар, бутиктер, қонақүй және кәсіпкерлерге, стартаптарға әрі креативті индустрия өкілдеріне арналған түрлі кеңістіктер орналасады.

Жобаның басты ерекшеліктерінің бірі – 25 қабатты ғимараттың төбесіндегі тікұшақ алаңы. Жоспар бойынша, «Қырғызстан әуежайлары» ААҚ-ның еншілес компаниясы саналатын Asman Airlines Бішкек қаласы мен оған жақын аймақтарға іскерлік және туристік тікұшақ рейстерін ұйымдастырады. Осы мақсатта компания жақын...

АвтоВаз компаниясы бензин мен сығымдалған метан (CNG) отынымен жүретін жаңартылған Vesta CNG сатылымға шыққанын хабарлады.

Жаңа модельде 90 литрлік газ баллоны жүксалғышта орналасқан және оған 22 кубометрге дейін метан сыяды. Бензин багы толық 55 литр көлемінде сақталған. Дегенмен, жүксалғыш көлемі 250 литрге дейін қысқарған.

«Метанмен жүріс қашықтығы 320 км-ден, ал бензинмен бірге 1000 шақырымнан асады. Газ отынды екі-үш есе үнемдеуге, ал көлік салығын 50% азайтуға мүмкіндік береді», –  деп хабарлайды АвтоВаз.

Vesta CNG-да толығымен зауыт кепілдігі бар, алайда мұндай модификация АвтоВаз аумағынан тыс, «АТС-Авто» компаниясында жасалады.

Жаңартылған Vesta CNG мемлекеттік субсидияны есепке ала отырып...

Мемлекеттік кеңесші Ерлан Қарин Конституция жобасындағы қазақ тілі мәртебесіне қатысты пікір білдірді.

Бұған дейін Стратегиялық зерттеулер институтының басшысы Жандос Шаймарданов қоғамның құжат жобасындағы мемлекеттік тіл мәртебесіне қатысты мәселеге назар аударғанын айтты.

«Жаңа Конституция жобасында мемлекеттік тіл – қазақ тілі екені тайға таңба басқандай нақты жазылған, айқын бекітілген. Атап айтқанда, 9-бап 1-тармақта «Қазақстан Республикасының мемлекеттік тілі – қазақ тілі» деп тікелей белгіленген, анық көрсетілген. Бізде мемлекеттік тіл біреу, ол – қазақ тілі. Басқа мемлекеттік тіл жоқ. Тіліміз биік тұғырда. Өз орнында. Мемлекет барда ол ешқашан тұғырдан түспейді. Сол үшін мемлекетті сақтау керек, мемлекетті қорғау керек, е...

Танымал шоумен Тұрсынбек Қабатов Өскеменде өткен тойда үйленіп жатқан жастарға тілек айтып отырып, өз айыбын мойындады.

«Мен жастарға бірдеңе дейтін жағдайда емеспін», – деп жұртты ду күлдірді.

Айта кететін жайт, Тұрсынбек Қабатов отбасын тастап, басқа әйелмен көңіл жарастырған. Оның бұрынғы жары Мөлдір Мұқанова шаңырақтарының шайқалғаны туралы ашық сұхбат берген еді.

Мөлдірдің айтуынша, отандасқандарына алты жыл өткен соң, Тұрсынбек өзге әйелге кеткен. Продюсер сонда да 14 жыл бойы ажыраспауға ұмтылған.  Десе де, әзілкеш бала-шағасынан біржола ажырауды ұйғарыпты. Тіпті, балаларының телефон нөмірлерін де бұғаттап тастағаны белгілі болды.

Тұрсынбек Қабатовтың екінші рет үйленген әйелі Айман...

Алматыдағы мұражайлар ақпаннан бастап жаңа кестемен жұмыс істейді. Бұл туралы мәдениет басқармасынан хабарлайды.

Енді Алматы мұражайы 10.00-ден бастап түнгіон екіге дейін жұмыс істейді. Яғни қала қонақтары мен туристер тек күндіз емес кешкі уақытта да келе алады. Ал дүйсенбі бұрынғысынша тазалық күні болып қала береді.

Мұражайдың жұмыс кестесін өзгерту аудиторияны көбейтіп, жұмыстан немесе оқудан кейін де мәдени орындарға барғысы келетіндер үшін жасалған. Бұған дейін тек кешкі жетіге дейін ғана істейтін.

Алматы мұражайы – маңызды мәдени орталықтардың бірі. Мұнда 11 зал бар, ежелгі уақыттан бастап қазіргі заманға дейінгі Алматы тарихын қамтиды.

Айта кетейік, жақында Алматы кітапханаларының жұмыс уақыты да...

Ресей билігі капиталдың сыртқа бақылаусыз шығуын шектеу мақсатында алтын мен қолма-қол ақшаны шетелге әкетуге қатысты жаңа талап енгізуді жоспарлап отыр. Бұл өзгерістер Еуразиялық экономикалық одақ елдері, соның ішінде Қазақстанға да тікелей әсер етеді. Бұл туралы «Интерфакс» агенттігі хабарлады.

Алтынға қойылатын жаңа лимит

2026 жылғы 1 қыркүйектен бастап Ресейден жеке тұлғаларға салмағы 100 грамнан асатын алтын құймаларын алып шығуға тыйым салынады. Бұл шектеу ЕАЭО елдеріне сапарлар үшін де қолданылады. Яғни Қазақстанға бағыт алған азаматтар да осы талапқа бағынады.

Алайда белгілі бір ерекшеліктер бар. Егер жолаушы Шереметьево, Домодедово, Внуково немесе Владивостоктағы «Кневичи» әуежайлары арқылы ұшса...

2025 жылы жүргізілген кешенді тексерулердің нәтижесінде Қазақстанда 400-ге жуық жеке медициналық ұйымның қызметі тоқтатылды. Бұл туралы Денсаулық сақтау министрлігінің Медициналық және фармацевтикалық бақылау комитеті хабарлады.

Ведомство мәліметінше, тексеру барысында 500-ден астам әкімшілік жаза қолданылып, 70 млн теңгеден аса айыппұл салынған.

«2025 жылы жүргізілген кешенді тексерулердің қорытындысы бойынша Қазақстанда 400-ге жуық денсаулық сақтау субъектісі қызметін тоқтатты», – делінген хабарламада.

Комитеттің дерегінше, негізгі тексерулер жеке емшара кабинеттеріне, наркологиялық оңалту орталықтарына және стоматологиялық клиникаларға жүргізілген. Ел бойынша анықталған 1900-ден астам жеке емшара кабинетінің 406-сы лицензиясыз жұмыс істеген. Түсіндіру жұмыстарының нәтижесінде 247 кабинет өз еркімен жабылған.

Түркістан облысындағы Қостүйін станцасында қайғылы оқиға болды. №77 жолаушылар пойызының астына теміржолшы түсіп кеткен. Ол алған ауыр жарақатынан оқиға орнында қайтыс болған.

Бейресми ақпаратқа қарағанда, пойыз 78 км/сағ жылдамдықпен қозғалып келе жатқан. Машинист шұғыл тежегішті басқанымен, теміржолшы жолдан кетіп үлгермеген.

«Түркістан станциясының желілік полиция бөлімі абайсызда адам өлiмiне әкеп соққан темiржол көлiгi жүрісі немесе оларды пайдалану қауiпсiздiгi қағидаларын бұзу фактісі бойынша қылмыстық іс қозғады. Қазіргі уақытта іс бойынша оқиғаның мән-жайын анықталуда» делінген көліктегі полиция департаментінің хабарламасында.

Көліктегі полиция департаменті оқиғаға қатысты сотқа дейінгі тергеу амалдарын бастаған. Ал өзге ақпарат тергеу құпиясына байланысты жариялауға жатпайтынын хабарлады.

Түркістан облысында сталкинг пен қыз алып қашудың заңға қайшы әрекет екенін түсіндіріп жатыр. Кейінгі уақыттта өңірде еркінен тыс алып қашу, жас келінді зорлау, бойжеткенді аңду, өлтіру оқиғалары жиілеп кетті.

Қыз алып қашқандар сотталады

«Қазіргі қоғамда адам құқықтары мен жеке бостандықтарына қол сұғатын әрекеттердің бірі – сталкинг пен қыз алып қашу. Бұл соңғы жылдары қоғамда кеңінен талқыланып, алаңдаушылық тудырып отырған мәселелердің бірі», – дейді Түркістан облысы полициясы Тұрмыстағы зорлық-зомбылыққа қарсы күрес бөлімінің аға инспекторы Айгерім Жарқынбек.

Полиция өкілі сейсенбі күні өзекті тақырып бойынша брифинг өткізіп, осы саладағы жұмыс туралы есеп берді.

Конституция жобасының мәтіні жарияланғаннан кейін халықтан төрт мың хат түскен. Бұл туралы Конституциялық реформалар жөніндегі комиссияның отырысында айтылды.

Стратегиялық зерттеулер институтының басшысы Жандос Шаймардановтың айтуынша, жоба мәтіні жарияланғаннан кейін қазақстандықтар өтініштер мен ұсыныстарын eOtinish арқылы жолдай бастаған. Қазірге дейін оның саны төрт мыңнан асты. Халықтан әлі де хат түсіп жатыр.

«Қазақстандықтар жүргізіліп жатқан реформаны конструктивті әрі оң қабылдап отыр. Талқылау барысында қоғамның Ата заңға деген көзқарасы өзгеріп келе жатқаны байқалады. Азаматтардың едәуір бөлігі Конституцияны тек билік органдарының өкілетін айқындайтын құқықтық құжат ретінде ғана емес, сондай-ақ мемлекеттің дамуына бағыт-бағдар беретін мәтін ретінде қабылдай бастады», – дейді Шаймарданов.

2026 жылғы 1 қаңтардан бастап Қазақстанда мүлік иелері бірлестіктерінің (МИБ) қаржылық есептілігін міндетті түрде жариялау тәртібі енгізілді. Енді МИБ төрағалары тұрғындардың қаражаты қайда және қалай жұмсалып жатқанын ашық көрсетуге тиіс.

Тек әкімшілік жауапкершілік

Журналистер шығындарды жасырғандарға қандай жаза қолданылатынын Құрылыс және тұрғын үй-коммуналдық шаруашылық істері комитетінің төрағасы Бақытжан Жүнісбековтен сұрап білді. Ол қылмыстық жауапкершілік қарастырылмағанын атап өтті.

«Бұл жағдайда әкімшілік жауапкершілік көзделеді, ал қылмыстық жауапкершілікті енгізе алмаймыз. Сонымен қатар тұрғын үй инспекциялары тарапынан бақылау күшейтіледі», –  деп нақтылады ол.

Бұған дейін Үкімет тұрғын үй-коммуналдық реформаға қарамастан, елде көппәтерлі үйлерді басқару саласында талаптар сақталмай, оны...

НАТО-ның бас хатшысы Марк Рютте Киевке сапары барысында Жоғарғы Радада сөйлеген сөзінде Украинаға НАТО әскері кіретінін айтты.

Оның сөзіне қарағанда, Ресеймен қақтығысты тоқтату туралы бейбіт келісім жасалғаннан кейін бірден ел аумағына шетелдік әскери контингент орналастырылмақ. Бұл туралы РБК хабарлады.  

«Бейбіт келісімге қол қойылған сәттен бастап, оған келіскен НАТО елдерінің қарулы күштері, әуе қолдауы және теңіздегі қолдау бірден іске қосылады», –деді Рютте.

Ал Ресей тарапы Украина аумағында НАТО елдерінің әскері пайда болуына үзілді-кесілді қарсы екенін білдіріп келеді. Ресей Сыртқы істер министрлігі Батыс елдерінің әскери күштері мен нысандарын Украинаға орналастыру Мәскеу үшін қабылданбайтынын және бұл...

Исатай ауданы Қамысқала ауылдық округіндегі малдың қырылу фактісі бойынша KursivMedia порталына әкімдіктен жауап келді.

Әкімдік мал қырылғанын растады

Ресми жауапқа сәйкес, аудан аумағындағы мал басын 2025-2026 жылы 80,5 мың тонна мал азығы дайындалған. Оның 10 мың тоннасы алдыңғы жылдан ауысып қалған қор есебінен қамтамасыз етілсе, 70,5 мың тоннасы былтыр дайын болған. Мал азығын дайындау науқанына 26 арнайы бригада жұмылдырылып, 53 бірлік шөп шабу және тасымалдау техникасы пайдаланылған. Атап айтқанда, 26 трактор, 28 трактор тіркемесі іске қосылып, жұмыстарға жалпы 73 адам тартылған.

Ауданда дайындалған 70,5 мың тонна мал азығының 49,2 мыңы (69,3%) сырттан – Батыс Қазақстан, Ақтөбе облыстары және...

Ауғанстанға Қазақстаннан астық жеткізу көлемі айтарлықтай артты. 2025 жылғы қыркүйектен 2026 жылғы 31 қаңтарға дейін бұл елге экспорт 1,9 есе өсіп, 216 мың тоннадан 416 мың тоннаға жетті.

Жалпы алғанда, Қазақстан өңірдегі ірі астық жеткізуші ретіндегі позициясын нығайтып келеді. «Қазақстан темір жолы» ҰК» АҚ мәліметінше, аталған кезеңде шетел нарықтарына барлығы 5,8 млн тонна астық жөнелтілген.

Бұл өткен маркетингтік жылдың сәйкес кезеңімен салыстырғанда 1 млн тоннаға көп.

Экспорт өсімі негізінен Орталық және Оңтүстік Азия елдері есебінен қалыптасты. Өзбекстанға астық жеткізу 49%-ға артып, 1 млн 813 мың тоннадан 2 млн 702 мың тоннаға дейін көбейді. Қырғызстанға жөнелтілген өнім көлемі 1,7 есе...

Қазақстандық Шавкат Рахмонов UFC рейтингтерінің бірінен шығып қалды. Ол жартылай орта салмақта (77 кг) рейтингтің екінші сатысында тұрған еді. Алайда бүгін тізімнен алынып тасталды. Бұл туралы Х әлеуметтік желісінде журналист Джон Морган хабарлады.

Айтуынша, алдыңғы рейтингте Рахмонов турнирлерге қатысуға құқығы бар спортшылардың қатарында болған. Алайда жарақатына қатысты ақпараттан кейін есімі тізімнен шығып қалды.

Shavkat Rakhmonov has been pulled from the welterweight rankings.

He was listed in the eligible pool of athletes during last rankings cycle, but with injury news surfacing, he is not in latest update.

Additionally, Michael "Venom" Page to return to list at No...

Кеңес Рақышевқа тиесілі Fincraft Resources компаниясы осы жылдың қаңтарында «Астана» халықаралық қаржы орталығында жаңа компания тіркеді. Ол Arkhat Minerals Limited деп аталады. Бұл туралы экономист және Finmentor телеграм-каналының авторы Арман Батаев жазады.

Әзірге Arkhat Minerals Limited-тің немен айналысатыны белгісіз. AFSA сайтында жазылғандай, бұл холдингтік компаниялардың қызметіне қатысты. Ал ұйымның жарғылық капиталы – 100 доллар ғана.

Батаевтың пікірінше, жаңа құрылымның атауы Абай облысы Абай ауданындағы Архат ауылымен байланысты болуы мүмкін. Ауылдан шамамен сегіз шақырым қашықтықта Бельсу алтын кен орны орналасқан. Бұл кен орнын 2024 жылы пайдалануға беру жоспарланған, Ал оны игеріп жатқан Metall Mining компаниясы 2025 жылы 2,5 млрд теңге салық төлеген.

Бұған дейін Кеңес Рақышевтың «Шұбаркөл Премиум» компаниясы...

Қаржы нарығын реттеу және дамыту агенттігі (ҚНРДА) брокерлер мен дилерлерді клиенттермен жұмысқа жауап беретін арнайы бөлімшелер құруға міндеттемек. Агенттіктің тиісті қаулысының жобасы «Ашық НҚА» порталында жарияланды.

Құжат мазмұнына сәйкес, жоба қабылданған жағдайда Қазақстанда брокерлердің адал әрі жауапты мінез-құлқына қойылатын стандарттар енгізіледі. Сондай-ақ мемлекет ақпаратты ашу талаптарын күшейтуді және брокерлерге ұсынылатын белгілі бір қаржы құралдарының жарамдылығын бақылайды.

Инвесторлардың құқықтарын тиімді қорғау мақсатында брокерлер клиенттермен өзара іс-қимылға, сатылым мен жарнаманы бақылауға жауапты тәуелсіз бөлімше құруы тиіс болады. Сонымен қатар брокерлер клиенттердің инвестициялық сауаттылығын арттыруға ерекше назар аударуы қажет.

Аталған нормалардың барлығы «Бағалы қағаздар нарығы туралы» заңда көзделген. Құжатта көрсетілген бапқа соңғы...

«ҚазТрансОйл» АҚ 2026 жылғы 1 наурыздан магистральдық мұнай құбырлары арқылы мұнай тасымадау құнын көтереді. Теміржол цистерналарынан мұнай құю, қайта ауыстырып құю, сондай-ақ Ресей мұнайын Қазақстан аумағы арқылы транзитпен тасымалдау қызметінің ақысы қымбаттайды.

Атап айтқанда, Т. Қасымов атындағы мұнай айдау станциясында (МАС) теміржол цистерналарынан мұнайды құю тарифі айтарлықтай өседі. 2026 жылғы 1 наурыздан бастап бұл қызметтің құны 1 тонна үшін 1 715,05 теңгені (ҚҚС-сыз) құрайды. Өсім 969 теңге немесе 130 пайыз болды. Бұл – тарифтік өзгерістер ішіндегі ең жоғары өсім.

Сол станцияда мұнайды «Кеңкияқ – Атырау» магистральдық мұнай құбырына ауыстырып құю қызметі де қымбаттайды. Алайда мұндағы өсім...

Елдегі блогерлер 18 млрд теңгеден аса табысын декларациялап есеп берді. Бұл туралы мемлекеттік кірістер комитеті хабарлады.

Ресми деректерге сәйкес, өткен жылы салық органдары 854 инфлюенсер мен блогерге 1 586 хабарлама жолдаған. Оған себеп – блогерлердің өз табысын төмендетіп көрсетуі. Салықшылар дерегінше, 2022–2023 жылдар аралығында олар табысын 71,9 млрд теңгеге төмендетіп көрсеткен.

 «Қазіргі таңда 622 блогер қосымша декларация нысандарын тапсыру арқылы 18,2 млрд теңге көлеміндегі табысын көрсеткен. Осы сомаға 875,5 млн теңге салық есептелген», – деп нақтылады МКК.

Блогерлердің кірісін есепке алу науқаны былтыр басталған. Көктемде 850 блогер табысын толық көрсетпеген деген ескерту алды. Кейінірек олардың 40%-дан астамы  кірісін декларациялап...

Қазақстанда республикалық маңызы бар ақылы автожолдардың ақаулы учаскелерінде жол жүру үшін алынатын төлем уақытша тоқтатылды. Бұл туралы ресми «ҚазАвтоЖол» хабарлады.

Бұл шешім ұлттық оператор, «Жол активтерінің сапасы ұлттық орталығы» РМҚК және «ҚАЖ-Сервис» ЖШС өкілдерінің бірлескен тексерулері нәтижесінде қабылданды. Мамандар кейбір ақылы жол учаскелерінде жолдың беткі қабатының бүлінгенін анықтады, бұл жол қауіпсіздігіне әсер етеді.

Қай учаскелерде төлем тоқтатылды

Автомобиль жолдары комитеті төлемді уақытша тоқтату тек бүлінген учаскелерге қолданылатынын хабарлады. Мұндай учаскелердің жалпы ауданы 14 ақылы жолда шамамен 1,1 млн шаршы метрді құрайды.

Уақытша төлем алынбайтын учаскелер тізімі