Жаңалықтар

Астанада Qalam мультимедиялық жобасының тұсауы кесілді. Қазақ, орыс, ағылшын тілдерінде жарық көретін Qalam халықаралық сайты ағартушылық бағытқа басымдық береді.

Мультимедиялық жобаның материалдарын Қазақстан, Өзбекстан, Қырғызстан, Мексика, Франция, Қытай АҚШ, Канада, Ұлыбритания, Ресей және басқа да мемлекеттердің айтулы ғалымдары мен тарихшылары әзірлейді. Әр мақала Qalam үшін арнайы жазылады және бірегей саналады.

Авторлардың қатарында Питер Голден, Султан Акимбеков, Зира Наурызбай, Рустам Шукуров, Лев Лурье, Джо Юп Ли сынды шығыстанушылар мен түркологтар бар.

Qalam-ның елордадағы таныстырылымына үкімет мүшелері, сенат депутаттары, елшіліктер мен консулдықтардың, «Бас редакторлар клубы» қоғамдық бірлестігінің өкілдері, отандық медиа-нарықтың басшылары және кәсіпкерлер қатысты. Құрметті қонақтардың қатарында Бейбітшілік саласындағы Нобель сыйлығыны...

Жезқазғанда бірден 3 жылыту қазандығы істен шықты. ЖЭО-да 2 қазандық жұмыс істеп тұр, жылу желілерінде нормадан 10 градус кем температураны көрсетіп тұр.

Не болды. Жезқазған әкімі Қайрат Шайжанов қаладағы ЖЭО қазандықтардың апаттық тоқтап қалуына қатысты түсініктеме берді.

«Қазіргі уақытта ЖЭО-да 2 қазандық жұмыс істеп тұр, жылу желілерінде нормадан 10 градус кем температура байқалады, яғни қалыпты 73 градустың орнына, бізде 63 градус. Кеше кешке №4 қазандықта жарықша пайда болды. Ақау анықталғаннан кейін қазандық өшіріліп, жөндеуге кірісті. Қазандық бүгін сағат 20:00-ге дейін қайта іске қосылатын болады»,  – деді Шайжанов қала әкімдігінің Instagram-дағы парақшасында.

Ол...

«Chia Tai Pharmaceutical» басшысы қаржылық (инвестициялық) пирамиданы құрды деп айыпталды. Бұл туралы Астана қалалық сотының баспасөз қызметі хабарлады.

Сот нені анықтады

«Сотталушы 2022 жылдың қыркүйегінде «Chia Tai Pharmaceutical» (немесе «Chia Tai Tianqing») қаржы пирамидасына қосылып, оның Астанадағы құрылымдық бөлімшесінің басшысы болды. Одан әрі шетелге дәрі-дәрмек пен медициналық мақсаттағы бұйымдарды өндіру және экспорттаумен айналысатын фармацевтикалық зауыттың қызметіне заңды түрде инвестиция тарту, қосымша зауыттар салу және тағамдық қоспаларды жақсарту деген желеумен аса ірі мөлшерде инвесторлардың қаражатын заңсыз тартқан», делінген хабарламада.

Астана қалалық сотының мәліметінше, қаржы пирамидасының жұмыс істеуі өз қаражатын кейінірек инвестициялаған салымшылардың ақшасын, ертерек салған...

Қазақстанның бастамасымен Біріккен Ұлттар Ұйымының Бас Ассамблеясы 2026 жылды Орнықты даму мақсатында халықаралық еріктілер жылы деп жариялаған қарарды қабылдады. Бұл туралы ҚР Сыртқы істер министрлігінің баспасөз қызметі хабарлады.

Халықаралық еріктілер жылын жариялау туралы бастаманы Қазақстан Республикасының Президенті Қасым-Жомарт Тоқаев БҰҰ мінберінен 2020 жылы Бас Ассамблеяның 75-сессиясының жалпы саяси пікірталастары барысында көтерді.

Қазақстан бұл қарарды әлемнің барлық аймағымен пікірлес елдерімен – Армения, Боливия, Германия, Кения және Кирибати аралдық мемлекетімен бірлесіп ұсынды. Бұл құжаттың тең авторлығына БҰҰ-ға мүше 54 мемлекет қосылды.

«Халықаралық жыл аясындағы іс-шаралар волонтерлік қозғалысқа ұлттық, аймақтық және жаһандық деңгейде қуатты серпін береді, еріктілер қызмет...

Көлік министрі Марат Қарабаев Fly Arystan әуе компаниясының Air Astana құрылымынан шығуы қазақстандықтарға қалай әсер етуі мүмкін екенін айтты.

Министрдің айтуынша, Air Astana акцияларының 51%-ы «Самұрық – Қазынаға», ал 49% – ы британдық BAE Systems компаниясына тиесілі.

Марат Қарабаев сондай-ақ Fly Arystan Air Astana құрылымынан шыққан кезде қазақстандықтар үшін ықтимал тәуекелдерді атап өтті.

«Біз бәсекелестікті қорғау және дамыту агенттігі нарықта компаниялар көбірек болуын және бұл бәсекелестікке әсер етуі үшін Fly Arystan-ның Air Astana құрылымынан шығаруды ұсынатынын айттық. Сарапшылардың пікірінше. бұл авиабилеттердің қымбаттауына әкеп соғуы мүмкін. Өйткені қазір кезде Fly Arystan Air Astana құрылымында жеке заңды...

«Яндекс» ЖШҚ өз серверлерін Қазақстанға көшіруді бастады. Бұл жұмыс 2024 жылдың соңына дейін аяқталу керек. Бұл туралы Цифрлық даму, инновациялар және аэроғарыш өнеркәсібінің «Курсивке» сауалына берген жауабында айтылған.

«Яндекс» ЖШҚ(бұдан әрі – Компания) өкілдері Қазақстан Үкіметімен кездесуі нәтижесінде Қазақстан Республикасының ақпараттандыру және дербес деректер және оларды Компанияның қорғауы туралы заңнамасының барлық талабын орындау туралы келісімге келген.

Компанияның жергілікті өкілдігі «Траснтелеком» АҚ-мен Мәліметтерді өңдеу орталығын жалға алу шартын жасады.

Ал  Yandex Cloud-тың Қазақстандағы қолжетімді бірінші аумағы Қарағанды қаласында орналастырылатын болады.

Компания ақпаратына сүйенер болсақ, қазіргі таңда деректерді өңдеу орталығын IT-инфрақұрылымының қажетті компоненттеріне монтаждауға дайындық жүріп жатыр. 2023 жылы қыркүйекте желілік және...

2023 жылдың қараша айында елде жылдық инфляция баяулап, 10,3% -ды құрады. Аймақтар бойынша инфляция 17 өңірде бәсеңдеді. 

Бұл ретте, қараша айында елдегі айлық инфляция 1% болды.

Ең жоғары жылдық инфляция мәні Қарағанды, Ақмола және Ұлытау облыстарында тіркелді.

Қарашада азық-түлік тауарларының бағасы 9,2%-ға дейін ж/ж (қазанда – 10,4%) баяулады. Осы топ тауарларының бағасы Ұлытау облысында (12,4%) тез, ал Шымкент қаласында (6,8%) баяу өсті.

Азық-түлікке жатпайтын тауарлар бағасының өсу қарқыны 9,9%-ға дейін ж/ж баяулады (қазанда – 11,1%). Ең жоғары мән Маңғыстау облысында (12,2%), ал ең төмен мән Алматы облысында (7,7%) тіркелді.

Қарашада ақылы көрсетілетін қызмет бағасы 12,0%-ға дейін ж/ж өсті (қазанда – 11,0%). Бұл ретте жалпы республикалық деңгейден баға Түркістан облысында...

Freedom Finance Insurance басқарма төрағасы Азамат Керімбаев сақтандыру компаниясының болашаққа жоспарын жариялады. Оның айтуынша, туристік сақтандыруды цифрландыру және сақтандыру өтемақысын төлеуді жеңілдету жоспарланған.

«Туристерді сақтандыру бағыты да цифрландырылады. Егер жүк жоғалса немесе рейс кешіккен жағдайда клиенттер сақтандыру өтемін тікелей әуежайда ала алады. Біздің түпкі мақсатымыз: өмірде қандай жағдай орын алса да, клиенттер өзін еркін сезініп, әрі сақтандыру өтемін тез және еш қиындықтарсыз аларына сенімді болуы керек. Бұл біздің бизнеске деген көзқарасымыздың негізі, ол бізге өнімділікті айтарлықтай жақсартуға мүмкіндік берді, әрі болашақта жоғары технологиялық және тұтынушыға бағытталған компания мәртебесін сақтай отырып, нарықта қарқынды, табысты дамуға...

Марат Қарабаевтың ақпаратына сәйкес, биыл 11 айда қазақстандық әуе компаниялары 12,3 млн жолаушыны тасымалдаған. Бұл туралы ҚР Көлік министрлігінің баспасөз қызметі хабарлады.

Бұл өткен жылдың сәйкес кезеңімен салыстырғанда 23 пайызға артық. Бұл ретте әуежайлар 24 млн саяхатшыға (+25%), оның ішінде Алматы және Астана әуежайларына сәйкесінше 9 млн (+34%) және 7 млн жолаушыға (+26%) қызмет көрсетті. Сондай-ақ әуежайларда өңделген жүк көлемі 130 мың тоннаға дейін (+16%) ұлғайған.

«Шағын авиацияны дамыту мақсатында бюджет қаражаты есебінен Балқаш, Үржар және Үшарал әуежайларында ұшу-қону жолағы жаңғыртылды, онда да жаңа аэровокзал салынды. Алдағы 2-3 жылда Балқаш және Үржар әуежайларын жаңарту көзделіп...

Үкіметтің баспасөз орталығында журналистер сауалына жауап берген Экология министрі Ерлан Нысанбаев Әлия Назарбаеваның қоқысты бөлу және өңдеу жұмыстарына қатысы жоқ екенін ресми мәлімдеді. Ал көлік министрі Марат Қарабаев Назарбаеваның ҚТЖ билеттерін сатумен айналысатын компанияға қатысы жоқ екенін айтты.

Журналистер министрден «ӨКІМ операторы» өндірісінің меншік иесі туралы сұраған еді.

«Қазіргі таңда ӨКМ 100% мемлекетке тиесілі. Осыған дейін жеке кәсіпкерге тиесілі болған. Бәлкім бұрын оған (Әлия Назарбаеваға – ред.) тиесілі болған да шығар. Нақты білмеймін», – деді министр.

Өз сөзінде ол дәл қазіргі уақытта Әлия Назарбаевның қоқысты бөлу, жинау және қайта өңдеу жұмыстарына қатысы жоқ екенін айта кетті.

Еуропада  инфляцияның жылдық деңгейі қараша айында 2,4%-ға дейін баяулады. Ал қазан айындағы көрсеткіш 2,9 пайызды құрады. Сондай-ақ, бір жыл бұрын инфляция көрсеткіші 10,1% деңгейінде болды. Бұл туралы Еуростат хабарлады.

Еуропалық Одақтағы жылдық инфляция 2023 жылдың қарашасында қазан айындағы 3,6  пайызбен салыстырғанда 3,1 пайызға дейін баяулады. Ал бір жыл бұрын ЕО-да инфляция 11,1% деңгейінде болғаны белгілі.

Инфляцияның ең төменгі жылдық көрсеткіштері Бельгияда (-0,8%), Данияда (0,3%) және Италияда (0,6%) тіркелді.

Ал ең жоғары-Чехия (8,0%), Венгрия (7,7%), Словакия және Румыния (екеуі де 6,9%).

 Қараша айында энергия бағасы 11,5% – ға төмендеді. Азық-түлік, алкоголь және темекі өнімдері 6,9% – ға қымбаттады, қызмет көрсету құны...

Стихиялық қоқыстар санын айзатпаған әкімдіктерге 1 сәуірге дейін уақыт берілді / Фото: kursiv.media

Премьер-министр Әлихан Смайылов үш өңірдің әкімдіктеріне стихиялық қоқыстар санын азайтпағаны үшін сөгіс жариялады.

Нақтырақ айтқанда, үкімет басшысы бұл өңірдің әкімдеріне осы мәселеге жауапты орынбасарларға сөгіс жариялауды тапсырды.  

«Стихиялық қоқыс үйінділері мен қалдықтарды реттеу инфраққұрылымын дамыту аса өткір тұрған мәселелердің бірі. Біз бұл мәселені биыл қыркүйек айында үкімет отырысында қарағанбыз. Онда бірқатар тапсырмалар берілді. Оның ішінде стихиялық қоқыстардың санын екі есеге қысқарту мәселесін көтердік. Жалпы, өңірлерде тиісті жұмыстар жүрып жатыр. Алайда Ұлытау, Алматы және Маңғыстау облыстары ең төмен нәтиже көрсетіп отыр. Аталған өңір...

Қазақстан экономикасы биыл соңғы 10 жылдағы рекордты орнатып, 5%-ға жуық өскенімен, ел бюджетінде қаржы тапшы. Оған ел қазынасына мұнай мен шикізаттық емес салықтардан түсетін түсімнің азаюы себеп. Соның салдарынан қазан және қараша айларында бюджеттің жыртығын жамау үшін Ұлттық қордан бюджетке төтенше түрде 1 триллионнан астам қаражат тартылды. Ел бюджетінің мұнайдан түсетін табысқа тәуелділігін арттыра түсетін шығыстарды қаржыландыру қиындап барады.

Halyk Finance сарапшылары неге алаңдайды?

Осы ретте Halyk Finance сарапшылары бюджетті тұрақтандыруға бағытталған шаралар кеш қолға алынды деп тұжырымдайды.

«Күні кеше Қаржы министрлігі мемлекеттік бюджеттің жекелеген көрсеткіштері бойынша мәлімет ұсынды. Онда биыл салы...

«Алматы апорты» Қазақстан бренді болып 13 қазанда тіркелген / Фото: kursiv.media

«Алматы апорты» Қазақстан бренді ретінде тіркелді. Бұл туралы Әділет вице-министрі Ботагөз Жақселекова айтты. Басқарма қазір халықаралық тіркеуге өтініш берген.

Жалпы 2023 жылдың қорытындысы бойынша зияткерлік меншік объектілеріне берілген қорғау құжаттарының саны шамамен 12 мыңға жеткен. Бұл өткен жылдың сәйкес кезеңімен салыстырғанда 11%-ға көп екен. Солардың арасында Алматы апорты да бар.

«Осы жылдың 25 сәуірінде географиялық көрсеткіш бойынша TURKISTAN шоколады мен TURKISTAN балмұздағы тіркелді. Ал 22 тамызда қарағандылық балмұздақ тіркелді. Сондай-ақ CHACHA Ча-ча 2023 жылдың 6 қазанында тіркелсе, Алматы апорты 13 қазанда тіркелді», – дед...

Президент Қасым-Жомарт Тоқаев Қытайдың солтүстік-батысында болған жер сілкінісі салдарынан көптеген адамның қаза табуына байланысты ҚХР  Төрағасы Си Цзиньпинге көңіл айту жеделхатын жолдады.

«Еліңіздің Ганьсу провинциясында болған жойқын жер сілкінісі салдарынан көптеген отандастарыңыздың қаза тапқаны туралы суыт хабарды терең күйзеліспен қабылдадым. Осындай қиын сәтте Сізге және табиғи апатта жақындарынан айырылған отбасыларға көңіл айта отырып, Қытай халқының қайғы-қасіретіне қазақстандықтар ортақ екенін жеткіземін», – деп жазылған жолданған жеделхатта.

Мемлекет басшысы зілзала кезінде зардап шеккен жандар тез арада сауығып, із-түссіз жоғалған азаматтардың отбасыларына аман-есен оралуына тілектестік білдірді.

Қытайдың солтүстік-батысында жер сілкінісі болып, кемінде 111 адам қаза тауып, тағы...

Қазақстан ағылшын тілін білу деңгейі бойынша 113 елдің арасынан 104-орында қалды. EF Education First ағылшын тілін оқыту компаниясы 2,2 миллион ересек адамды тестілеуден кейін осы рейтингті жасап шыққан.

Рейтинг бес топқа бөлінеді: «Өте жоғары деңгей», «Жоғары деңгей», «Жеткілікті», «Төмен» және «Тым төмен деңгей». Қазақстан Бенин және Самоли елдерімен қатар келіп, «Өте төмен деңгейді» көрсеткен. 

Алғашқы үштікке: Нидерланд, Сингапур және Австрия енген. Соңғы орында Конго Демократиялы Республикасы тұр. Көрші елдерден: Ресей – 41, Украина – 45, Қырғызстан – 90, Өзбекстан – 93 орында тұр.

Осыған дейін өмір сүру деңгейіне қатысты рейтингте Қазақстан 140 елдің ішінде 91-орында тұрған. ТМД елдерінің ішінде Қазақстан ең қымбат елдердің бірі. Ол Армениядан кейін...

Премьер-министрдің орынбасары әрі қаржы министрі Ерұлан Жамаубаев қосымша құн салығы мөлшерлемесін (ҚҚС) 12%-дан 16%-ға өсіру инфляцияға бір рет әсер етіп, ал бюджетке ұзақ уақыт пайдасын тигізетінін айтты. 

Мәжіліс депутаттарының депутаттық сауалына жауап берген вице-премьер Қазақстанда ҚҚС жинау жақсы деңгейде екенін атап өткен.

«Бірінші кезекте ҚҚС мөлшерлемесін арттыру бюджетке жылына 2-2,4 трлн теңге мөлшерінде пайда түсіреді. Бұл Ұлттық қордан республикалық бюджетке трансферттердің мөлшерін қысқартуға мүмкіндік береді және нәтижесінде Ұлттық қордағы жинақ сақталады», – деп атап өтті Жамаубаев.

Ол көлеңкелі экономиканың деңгейі мен ҚҚС мөлшері өсуінің арасында байланыс жоқ екенін жазған. Қазақстанда 2006 жылы ҚҚС мөлшерлемес...

Премьер-министр Әлихан Смайылов сенатор Дархан Қыдырәлінің депутаттық сауалына жауап беріп, тұрмыстық және еңбек саласындағы зорлық-зомбылық пен харассментті жою бағытында қандай іс-шаралар атқарылып жатқанын жариялады.

«Үкіметтің тапсырмасымен «Тұрмыстық зорлық-зомбылықтың алдын алу жөніндегі саясатты қайта қарау, әйелдер мен балалардың құқықтарын қорғау жөніндегі шараларды заңнамалық күшейту, сондай-ақ отбасылық құндылықтарды ілгерілету жөніндегі Жол картасы» іске асырылуда. Жалпы Жол картасы тұрмыстық зорлық-зомбылықтың алдын алу бойынша орталық және жергілікті мемлекеттік органдардың ведомствоаралық өзара іс-қимылын күшейтуге бағытталған», – деп жазылған ресми жауапта.

Дархан Қыдырәлі депутаттық сауалында БҰҰ мен ҚР Еңбек және халықты әлеуметтік қорғау министрлігі бірігіп жүргізген зерттеуде көрсетілген сандарды сөйлетіп...

ҰҚК қызметкерлері шетелдік алаяқтарға өз қоңырауларын жасыруға көмектесті деген айыппен Қазақстан азаматын ұстады. Оның арнайы құрал-жабдығы мен зиянды бағдарламасын пайдаланып, алаяқтар өз номерлерін қазақстандық номерлерге ауыстырып отырған.

Күдіктіге қандай айып тағылды?

Тергеушілердің хабарлауынша, күдікті шетелдік алаяқтардың шетелден Қазақстан азаматтарына түсетін қоңырауын жасыруға көмектескен.

«Бұл операциялар шетелдік нөмірлерді қазақстандыққа ауыстыратын арнайы құрылғы және зиян келтіретін бағдарламалық қондырғылар пайдалана отыра жүзеге асырылған. Нәтижесінде, күдікті ұлттық байланыс операторларына залал келтіре отырып үстеме пайда алған, ал шетелдік алаяқтар оның қызмет көрсетуін пайдаланып республиканың тұрғындарын алдаған», делінген ҰҚК таратқан хабарламада.

Ұлттық қауіпсіздік комитет...

«Қазақтелеком» АҚ-дағы жымқыру ісі бойынша алты жылға сотталған, Назарбаевтың немере інісі Қайрат Сатыбалдыұлының мерзімінен бұрын шартты босатуға берген өтініші қанағаттындырылмай қалды, деп хабарлайды BES.media.

Істің мәнісі қандай?  Қайрат Сатыбалдыұлы Шығыс Қазақстан облысындағы сотта 24 қарашада қамауда отырғанына екі жыл толғанын айтып, бас бостандығынан айыру жазасын бас бостандығын шектеумен ауыстыруды сұраған.  

Сот қандай шешім шығарды? Сот Қайрат Сатыбалдыұлының «тәртіп бұзатынын және мінез-құлқы тұрақсыз» екенін алға тартып мерзімінен бұрын шартты түрде босауға өтініш беруіне әлі ерте деген қорытындыға келген.

«Сотталған Қайрат Сабыталдыұлының бас бостандығынан айыру жазасын бас бостандығын шектеу түріндегі жазаға айырбастау туралы өтініші қанағаттандырусыз қалдырылсын», – деді сот.

Контекст.  

Apple смарт сағаттары 21 желтоқсаннан бастап сатылымнан алына бастайды / Фото: kursiv.media

Apple АҚШ-та Apple Watch Series 9 және Ultra 2 смарт сағаттарының сатылуын тоқтатады. Бұл жайлы Reuters басылымы хабарлады.

Компания қандағы оттегі деңгейін бақылайтын технологияға қатысты патенттік дауға байланысты сағаттардың сатылымын шектеуге мәжбүр. Нақтырақ айтсақ, компания Масимоның патенттік құқықтарын бұзған. Масимо Apple компаниясын өз қызметкерлерін жалдап, пульсоксиметрия технологиясын ұрлап, оны танымал Apple Watch сағатына енгізді деп айыптады.

АҚШ халықаралық сауда комиссиясың (ITC) Apple компаниясына Apple сағаттарын импорттауға тыйым салған. Бұл тыйым 26 желтоқсаннан бастап күшіне енуі мүмкін.

Екі компания да АҚШ президент Джо Байденнің шешімін күтіп...

2018-2020 жылдары Энергетика вице-министрі болған Сұңғат Есімханов осы қызметке қайта тағайындалды. Бұл туралы Премьр-министрдің баспасөз қызметі хабарлады.

«Қазақстан Республикасы Үкіметінің қаулысымен Сұңғат Есімханов Энергетика вице-министрі болып тағайындалды», делінген үкімет хабарламасында.

1973 жылы Павлодар облысында дүниеге келген Есімханов 2022 жылдан Атомдық және энергетикалық қадағалау мен бақылау комитетінің төрағасы еді.

Сонымен қатар, Павлодар облысы әкімінің бірінші орынбасары және «Самұрық-Энерго» АҚ басқарма төрағасы қызметін атқарған.

Бұл жолы Сұңғат Есімханов жақында ғана қызметінен босаған вице-министр Жандос Нұрмағанбетовтың орнына тағайындалды. Жандос Нұрмағамбетов 2021 жылдың 13 желтоқсанынан бері электр энергетикасы мәселелеріне жауапты еді.

7 желтоқсаннан бер...

Ұлттық экономика министрлігі Үкіметтің қаулысына өзгеріс енгізіп, бөлшек сауданың арнайы салық режимін қолдануға құқылы қызмет түрлерінің тізімін екі есе кеңейтуді жоспарлап отыр. 

«Жобаны қабылдау бөлшек сауданың арнайы салық режимін қамту аясын кеңейтуге мүмкіндік береді. Бұл шағын және орта бизнес субъектілері үшін салық жүктемесінің төмендеуін қамтамасыз етеді», – делінген Ашық НҚА порталында жарияланған түсіндірме құжатта.

Қазір бұл тізімде 190 қызмет түрі бар. Министрлік мұны 380 позицияға кеңейтпек. 

Қазақстанда бөлшек салықтың арнайы салық режимі 2023 жылғы 1 қаңтарда енгізілген. Яғни жылдық табысы 2,1 млрд теңгеден және жұмысшылар саны 200 адамнан аспайтын кәсіпкерлер арнайы салық режиміне қосылып...

Фото: shutterstock.com

«Азық-түлік келісім-шарт корпорациясы» Ұлттық компаниясы» АҚ Басқарма құрамы өзгерді.Басқарма құрамынан Азат Әшімов шығарылып, Рүстем Жанатаев пен Сағат Төлеу Басқарушы директоры – Басқарма мүшесі болып сайланды. Азат Әшімов бұған дейі Басқарушы директоры – Басқарма мүшесі қызметін атқарған.

Бұл туралы корпорацияның KASE-ге жіберген хабарламасында жазылған.

Директорлар кеңесінің 2023 жылғы 04 желтоқсанындағы шешімімен енгізілген өзгеріске сәйкес, компания басқармасы алты адамнан тұрады: Асылхан Джувашев, Дархан Даутов, Самат Теньбаев, Назгүл Қарнақова, Рүстем Жанатаев, Сағат Төлеу.

«Азық – түлік келісім-шарт корпорациясы» – Қазақстанның астық саласында мемлекеттік саясатты жүзеге асыратын ұлттық компания. Ол астық және оны қайта өндіру өнімдерін мемлекеттік...