Жаңалықтар

Сәрсенбі күнгі Мәжілістің жалпы отырысынан кейінгі брифингте Ұлттық экономика министрі Әлібек Қуантыров бизнес субъектілері заңды белден басатын болса, «шақырылмаған қонақтармен» кездесуі мүмкін екенін мәлімдеді.

Тілшілер мемлекеттік органдар кәсіпкерлерге алда болатын тексерулерді хабарлап отыра ма, шақырылмаған қонақтар келмей ме деп сұрады. Министр бұл дұрыс түсінік емес екенін айтты.

«Жоқ, дұрыс емес. Егер, алдын алу шаралары нәтиже бермесе, заңға қайшы әрекет жасалып жатқаны анықталса, заң өрескел бұзылса, мемлекетке, тұрғындардың денсаулығына, экологияға, ұлттық қауіпсіздікке зиян келтіретін шара қабылданса, шұғыл шара қабылдау қажеттігі туса, бизнес субъектілеріне «шақырылмаған қонақтар» барады», – деді Ә.Қуантыров.

Ұлттық экономика министрі кәсіпкерлер өздерінің барлық әрекеттер...

«AMANAT» партиясының фракция мүшесі, депутат Нартай Сәрсенғалиев Спорт және туризм министрлігінің 775 млн долларды түсініксіз, кей тұста тіпті қазақы түсінікке жат спорт түрлеріне бөлініп жатқанын айтады. Осы мәселені көтеріп, депутат Премьер-министр Әлихан Смаиловқа сауал жолдады.

«Қарапайым халық ішер ас, киер киімге жарымай жүргенде бюджеттің бүйірін теспей сорып отырған саладағы былықтар туралы. Ол спорт. Мемлекет басшысы жуырда спортшылармен кездескенде: «Кәсіби спорттағы жоғары жетістіктің болмағаны мемлекеттен бөлінетін қаражаттың нәтижесіз жұмсаудың, бюджетті жан жаққа шашудың себебінен» дегенді айтты. Қазақстан Жоғары жетістіктер спортына бюджеттен 775 миллион доллар бөліп отыр. Мынау не масқара? Халық кедейшіліктің құзына құлап жатқанда спортқа...

Саяси және технологиялық өзгерістерге байланысты Қазақстанның IT-нарығында мамандарға деген сұраныс артып, жас мамандардың өзі былтырмен салыстырған 50 мың теңгеге көп жалақы алған.

EY компаниясы сарапшылары жасаған талдауға сүйенсек, соңғы бір жыл ішінде Қазақстанда IT саласы мамандарының жалақысы күрт өскен. Сарапшылар бұл өзгеріске Орталық Азия елдері мен Қазақстанда IT компаниялардың көбеюі мен шетелден келген релокант мамандармен, Қазақстанға көшкен компаниялардың артуы себеп болғанын айтады. Бұдан бөлек, қашықтан жұмыс істеу мүмкіндігі елдегі сапалы мамандардың халықаралық компанияларға ауысуына алып келген. 

«Қазақстандағы IT компаниялардың 80%-ы еңбек ақыны грейд жүйесімен белгілейді. Яғни маманның қызметі, жұмыс істеу қарқыны және компанияға әкелетін пайдасына баға беріледі. Осылайша мамандар...

Түркияда құрықталған қазақстандық Oceans Enterprise қаржы пирамидасын ұйымдастырушылардың бірі екен. Оның үстінен Маңғыстау облысының тұрғындары қаржы пирамидасына тартқаны үшін шағым түсірген. Алданған азаматтар 212 млн теңге шығын шеккен.

ІІМ баспасөз қызметінің хабарлауынша, «ҚР ІІМ Интерпол ҰҚО-ның сұрау салуы бойынша Түркия Республикасының аумағында Маңғыстау облысының полиция департаменті тұтқындау және экстрадициялау мақсатында халықаралық іздестіруге жариялаған 32 жастағы қазақстандық анықталып, ұсталған».

«Oceans Enterprise» компаниясының атынан әрекет ететін алаяқтық топтың ұйымдастырушыларының бірі болды. Алаяқтар әлеуметтік желілерде салымшыларды тарту үшін Smart Trade Сoin деп аталатын криптовалютаны сатып алу арқылы жылдам ақша табу мүмкіндігі туралы ақпаратты таратумен айналысты», делінген...

13 қазан күні «Алматы апорты» мемлекеттік реестрлер тізімінде қазақстандық бренд ретінде тіркелді. Бұл туралы Әділет министрлігінің апталық баспасөз мәслихатында ведомстваның ресми өкілі Талғат Уәли мәлімдеді.

Оның айтуынша, қазақстандық алма өсірушілер қауымдастығы Ұлттық зияткерлік меншік институтына алматы апортының географиялық көрсеткіші, яғни шығу тегі Қазақстан екенін растау туралы өтініш жолдаған. Ауқымды жұмыстар нәтижесінде бұл растау аяқталды.

«Енді алматылық апорт шет елдік сауда орындарында сатылатын болса географиялық көрсеткіші Қазақстан деп көрсетілетін болады. Өздеріңіз білетіндей, Франция шарабы пен пармезан сыры, ал Ресей Алтай балымен танымал. Енді Қазақстанды Алматы апортымен танымал ету жолында жұмыстар жүргізілуде», деді Талғат Уәли.

Фото: kursiv.media

Энергетика министрі Алмасадам Сәтқалиев Мәжіліс кулуарында Ресейдің «Газпром» компаниясымен жасалған келісімнің мән-жайына тоқталды. Оның айтуынша, бұл келісім Ресей газының Өзбекстанға транзитіне ғана қатысты. Онда Ресейден Қазақстанға газ жеткізу туралы мәселе қаралмаған.

«Келісім тек ресейлік газды Өзбекстанға тасымалдау мәселесін қамтиды. Өздеріңіз білесіздер, біз газ тасымалдау жүйесін іске қосып, транзиттік мүмкіндікті қамтамасыз еттік. Яғни, бұл келісімде ресейлік газ транзитін жүзеге асыру кезіндегі тараптардың міндеттемелерін белгіленген», – деді Сәтқалиев.

Оның айтуынша, газ транзитін одан әрі арттыру тараптардың сұранысына байланысты болмақ.

1 қарашада Санкт-Петербургте өтен халықаралық газ форумында газ саласындағы сратегиялық ынтымақтастық туралы келісім

KEGOC компаниясы SPO-ға шыққанда оның 67%-ын жеке инвесторлар сатып алған. Бұл туралы SPO-ны қорытындылау брифингі кезінде  Самұрық-Қазына төрағасы Нұрлан Жақыпов айтып берді.

«Сатылымға шыққан акцияның 67%-ын қазақстандық жеке инвесторлар сатып алса, 1% шетелдік жеке инвесторлар, 32%-ын қазақстандық институционалды компаниялар сатып алған», – деді Жақыпов.

Оның сөзіне сүйенсек, қазақстандықтар құны 15 млрд теңге болатын 10 млн акцияны сатып алуға өтініш берген. 7 қарашадағы компания директорлар кеңесі мен ел үкіметі шешімінен кейін компаниядағы «Самұрық-Қазына» үлесі 90%-дан 85%-ға дейін кеміді. Ал еркін сатылымда жүрген «KEGOC» акциялары 2,7%-дан 8,1%-ға өсті(БЖЗҚ-ға тиесілі акцияларды қоспағанда).

SPO кезінде инвесторлардан құны 34,8 млрд теңгеге 50 мыңнан астам өтініш келіп түскен. Бұл компания болжаған сұраныстан 1,5 есе көп...

Қазақстандықтар үш адамнан тұратын топпен қоғамдық бірлестік құра алады. Палатаның жалпы отырысында Мәжіліс қоғамдық бірлестіктер мәселелері бойынша түзетулерді бірінші оқылымда мақұлдады.

Бұл Заң жобасы қазақстандықтардың кемінде үш адамнан тұратын топпен бірлесіп қоғамдық бірлестік құруына мүмкіндік береді. Қолданыстағы заңға сәйкес ол үшін кемінде он адам қажет.

«Заң жобасы азаматтық қоғамды одан әрі дамыту және жаңа қоғамдық бірлестіктер құру тәртібін оңайлату мақсатында әзірленді. Бұл жоба халықаралық стандарттарға сәйкес азаматтардың бірлестіктер бостандығына құқықтарын қорғауды қамтамасыз етуге бағытталған. Оған сәйкес, азаматтарға топтың кемінде үш адамнан тұратын қоғамдық бірлестік құруға мүмкіндік беру мәселесі қамтылған. Сонымен бірге қолданыстағы заңнаманы...

Фото:gov.kz

Қазақстанда газ тапшылығы туындап тұр. Өйткені 9 айдағы тұтыну көлемі 25 пайыз, айына шамамен 225-250 мың тоннаға өскен. Энергетика министрі Алмасадам Сәтқалиев бұл мәселе жақын арада шешілмейтінін айтады.

«Қазір нарықта автогаз тапшы. Біз министрлік ретінде жауапкершілік ала отырып, халыққа, тұтынушыларға, автокөлік жүргізушілеріне мемлекет қазірдің өзінде жанармайдың бұл түріне қатысты күрделі мәселені бастан кешіріп отырғанын ашық айтуға мәжбүрміз. Бұл мәселе қысқа мерзімде шешілмейді. Тұтыну 9 айда 25%-ға өсті. Тұтыну айына шамамен 225-250 мың тоннаға өсті», – деді министр Мәжіліс кулуарында.

Бұл ретте министр наразы халыққа «түсіндіру» ғана қалғанын жеткізді. Ал кәсіпорындар мен әлеметтік...

Халықаралық Freedom Holding Corp. холдингі америкалық инвестициялық Maxim Group банкін сатып алу бойынша келісім-шарттан бас тартты. Бұл туралы АҚШ құнды қағаздар және биржалар жөніндегі комиссиясының (SEC) ресми сайтында жарияланған холдинг хабарламасында айтылады.

«Компания мен сатушы (ақпан айында жасасқан) сатып алу туралы келісімде көрсетілген мәміле шарттары 2023 жылдың 31 желтоқсанында орындалмайтыны анықталды. Осыған байланысты 31 қазан күні компания мен сатушы өзара жазбаша мәміле негізінде сатып алу туралы келісімді бұзды», — делінген SEC сайтында жарияланған хабарламада.

Ақпан айында жасасқан келісімде Maxim Group пен оның консалтингтік еншілес бөлімшесі Maxim Financial Advisors компаниясын холдингтің сатып алуы қарастырылған ед...

«Мемлекет нашар менеджер» деген ұстанымнан арылу қажет деп санайды Мәжіліс депутаты Асхат Аймағамбетов. Ол бұл пікірді бизнес жүргізу мәселелері бойынша заң жобасын талқылау барысында, біршама салаларға мараторийлер жариялап, бүгінде мемлекеттің тексеру құзыретінің азайғанына қатысты айтты.

«Бізде мелекеттің және азаматтардың мүддесін қорғау мен кәсіпкерлердің мүддесін қорғауда тиісті тепе-теңдік жетіспейді. Мысалы бірнеше жыл бұрын еңбек қауіпсіздігін тексеру үшін СОР арқылы жоспарлы тексеру алынып тасталды. Нәтижесінде бізде шахталарда, кәсіпорындарда осы еңбек қауіпсіздігі бойынша тексеріс жүргізуге мүмкіндік болмай қалды. Құрылыс саласындағы мемлекетттік экспертиза да қазіргі уақытта жекеменшікке берілген. Сол сияқты мектептердегі, балабақшалардағы тамақтандырудың сапасын тексеру мүмкін емес. Кешег...

Қазақстанның Азық-түлік келісім шарт корпорациясы Қытайға 200 мың тонна астық жеткізу жөніндегі меморандумға қол қойды.

Қытайдың Шанхай қаласында өтіп жатқан 6 Халықаралық көрме аясында C.P.Trading компаниясы Қазақстаннан 200 мың тонна астық сатып алуға уағдаласқан.

«Ауыл шаруашылығы министрлігінің хабарлауынша, «Қытайда өтіп жатқан 6-шы Халықаралық импорт көрмесі аясында Азық-түлік келісім шарт корпорациясы мен C.P.Trading компаниясы арасында әріптестік меморандумына қол қойылды», – делінген Ауыл шаруашылығы министрлігінің хабарламасында.

Айта кетейік, шілде айында ғана Қазақстанның Азық-түлік корпорациясы қытайлық COFCO компаниясымен 75 мың тонна бидай экспорттауға келіскен. Ал тамызда корпорация төрағасы Самат Теңбаев нарықтағы Ресей мен Қазақстан бәсекелестігі туралы сөз қозғап, Қытайдың бізден...

Ресейлік «Росатом» мемлекеттік корпорациясы Қазақстанда АЭС салу үшін жоба дайындап беруге әзір. Бұл туралы Казахстанкая правда газетіне берген сұхбатында Ресей президенті Владимир Путин айтты.

«Қазақстан басшылығы ел аумағында атом электр станциясын салу туралы сөз қозғаған. Егер бұл жобаны іске асыру туралы шешім қабылданса, «Росатом» жоғары технологияларды қолданып, экология және қауіпсіздік нормаларын сақтай отырып, жоба дайындай алады. Бұл Қазақстан экономикасына дем беріп, ел дамуына жол ашады», – дейді Путин сұхбатта.

Ол «Газпроммен» Қазақстан Үкіметі аясындағы келісімге сай, Ресей Қазақстанның солтүстік және шығыс аймақтарына газ жеткізе алатынын да тапа өтті.

Айта кетейік, 1 қараша күні Қазақстан ресейлік...

Президент Қасым-Жомарт Тоқаев «Известия» газетіне берген сұхбатында Владимир Путиннің Қазақстанға сапары барысында, қандай мәселелер талқыланатынын айтты.

«Ресей Президентімен Астанада өтетін алдағы кездесудің күн тәртібі өте ауқымды. Біз екіжақты саяси, сауда-экономикалық, мәдени-гуманитарлық ықпалдастық мәселелерін жан-жақты талқылаймыз деп жоспарлап отырмыз. Халықаралық ұйымдар мен интеграциялық құрылымдар аясындағы байланыстардың аспектілерін де қарастырамыз. Әлемдегі ахуалдың қазіргі жай-күйі мен даму перспективалары жөнінде пікір алмасамыз. Сонымен қатар Өңіраралық ынтымақтастық форумына қатысамыз. Бұл – аймақтар мен екі ел кәсіпкерлері арасындағы тікелей байланыстарды нығайтуға ықпал ететін бірегей әрі өте тиімді формат. Биыл Қазақстанның Қостанай қаласында аталған жиын 19-шы рет өткізіледі. Іс-шараның тақырыбы...

Алматының тау бөктерінде орналасқан бірнеше тұрғын үй кешендері мен клуб үйлері бұзылады. Бұл туралы қала әкімдігінің баспасөз қызметі хабарлады.

«Қала басшысы Ерболат Досаевтың тапсырмасымен Алматының таулы аймағындағы заңсыз құрылысқа бақылау күшейтілді. Қала құрылысын бақылау басқармасы заң талаптары мен құрылыс нормаларын сақтамай салынып жатқан 52 нысанды анықтады» делінген хабарламада.

Сот 20 нысанды толық немесе жартылай бұзу, учаскені бастапқы қалпына келтіру және нұсқаманы мәжбүрлеп орындау туралы шешім шығарып, ол заңды күшіне енген.

Бұзылатын үйлер тізіміне қандай тұрғын үй кешендері кіреді:

1. «Pain Hill» клуб үйі, Бостандық ауданы, Ерменсай ш/а., 7-көше, уч. 8/1 уч.
2. «Швейцария...

Қазақстан Республикасының Президенті Қасым-Жомарт Тоқаев орыс тіліне қатысты халықаралық ұйым құру идеясына не түрткі болғанын және ұйым қызметінен нақты не күтетінін «Известия» газетіне берген сұхбатында айтты.

Мемлекет басшысы орыс тілі жөніндегі халықаралық ұйым құру туралы бастама көтерген кезде әлемдік тәжірибені басшылыққа алғанын, кезінде француз, неміс, испан және басқа да тілдерді дамыту үшін осындай халықаралық ұйымдар құрылғанын мысалға келтірді.

«Бүгінде БҰҰ-ның ресми тілдерінің бірі саналатын әрі халықаралық тіл мәртебесіне ие орыс тілі – мемлекеттеріміз арасындағы достық қарым-қатынасқа демеу болатын ұйыстырушы фактор. Сондай-ақ өңірлік кооперацияны, ынтымақтастық пен өзара сенімді нығайтатын  пәрменді құрал рөлін атқарып отырғаны жасырын...

Елімізде 5G желісін енгізу жұмыстары 2025 жылдың соңына дейін аяқталады. Бұл жайлы үкіметте өткен кеңесте ҚР Премьер-Министрі Әлихан Смайылов айтты.

Үкімет басшысы президенттің тапсырмасына сәйкес республикалық маңызы бар қалалар мен облыс орталықтарында 5G желісін енгізу жұмыстарын 2025 жылдың соңына дейін аяқтауды тапсырды. Осыған байланысты артық әкімшілік кедергілерді жедел жойып, халықты сапалы жоғары жылдамдықты интернетпен қамтамасыз ету қажеттігін баса айтты.

Өз кезегінде Цифрлық даму, инновациялар және аэроғарыш өнеркәсібі министрі Бағдат Мусин бұл жұмыстың жүргізіліп жатқанын, бүгінде Астана, Алматы, Шымкент қалаларында және облыс орталықтарында байланыс операторларының 800-ден астам 5G базалық стансасы орнатылғанын баяндады.

«Бұл ретте технологияны...

«ҚазТрансОйл» АҚ Қоғамның Директорлар кеңесінің «Магистральдық Суағызғысы» ЖШС-мен облигациялар шығару туралы шешім қабылдады. Бұл туралы «ҚазТрансОйл» АҚ Инвесторлармен байланыс қызметі хабарлады.

Қаражат «Астрахан-Маңғышлақ» магистральдық су құбырын кеңейтуге бағытталатын болады.

Осымен «ҚазТрансОйл» АҚ 2023 жылғы 3 қарашада «ҚазТрансОйл» АҚ Директорлар кеңесімен «Магистральдық Суағызғысы» ЖШС-мен облигацияларын келесі шарттарда шығару туралы шешім қабылдағанын хабарлады.

» «ҚазТрансОйл» АҚ KASE – ге жылдық 0,5% мөлшерлеме бойынша бір дана үшін 1 000 теңге бағамен 20 млрд теңгеге-20 млн қағазға онжылдық облигациялар шығарады»-делінген құжатта.

Құжаттын толық нұсқасымен осы жерден танысуға болады.

Алматыда «Медеу-Шымбұлақ» жолының өткізу режимі бекітілгенін және жаяу жүргіншілер мен автомобильдер қозғалысының шектелді. Бұл туралы Алматы әкімдігі хабарлады.

Ағымдағы жылдың 25 қазанынан бастап «Медеу-Шымбұлақ» жолында осы көктемде құлаған тастардың зардаптарын жою жұмыстары жүргізілген болатын. Осыған байланысты «Медеу-Шымбұлақ» автожолында өткізу режимі бекітілген еді. Жаяу жүргіншілерге жолдан өтуге қатаң тыйым салынады. Сонымен қатар, студенттік соқпақ арқылы жаяу серуендеуге болады.

«Электромобил және такси жүргізушілеріне сағат 09:00-ге дейін және сағат 18:00-ден кейін кіруге рұқсат етіледі. 13:00-ден 14:00-ге дейінгі кезеңде тек техникалық қызметтердің арнайы көлігіне кіруге рұқсат етіледі. Қозғалысты шектеудің белгіленген кестесі ағымдағы жылдың 1 желтоқсанына дейін жалғасады. Оның өзгергені туралы...

Сейсенбі күнгі Үкімет отырысынан кейінгі брифингте Ауыл шаруашылығы министрі Айдарбек Сапаров Қазақстанда атылған ақбөкендердің еті қайда сатылады деген сұраққа күмілжіп жауап берді.

«Жалпы, киікпен Экология министрлігі айналысатынын білесіздер. Жақында киіктердің етін ет комбинаты сатады деген шешім қабылданды. Бұл жұмысқа «Охотзоопром» мемлекеттік кәсіпорны да жауап береді. Ауыл шаруашылығы министрлігі ретінде біздің жұмысымыз ветеринарлық қауіпсіздікті қамтамасыз ету», – деді министр.

А. Сапаров ақбөкеннің еті нақты қайда сатылатынын тап басып айта алмады.

«Біз 7 ет комбинатын анықтадық. Онда ветеринарлар бар. Олар өнімнің сапасы мен ветеринарлық қауіпсіздікке жауап береді. Ал қайда өткізіп, сататынымызға байланысты мониторинг...

Ағымдағы жылдың қараша айына Қазақстан Республикасының ішкі нарығына жеткізу жоспары шеңберінде 133 867 тонна бөлінді. Бұл туралы Қазақстан Республикасы Энергетика Министрлігі Газ өнеркәсібі департаментінің директоры Таубаев Бахытжан Рыспекұлы мәлімдеді.

«Зауыттардан жөнелтулер тәулік бойы жүргізілетінін де айта кеткен жөн.Алайда зауыттан адресатқа жеткізу уақытты қажет етеді, тасымалдауды ҚТЖ жүзеге асырады, сондықтан сұйытылған газ нарығында үзіліс бар. Жағдай алдағы күндері тұрақталады»-деді ол.

Сонымен қатар ол қай өңірлерде сұйытылған газды жеткізу бойынша мәселе бар екендігін айтты.

«Қазіргі уақытта бірқатар өңірлерде, атап айтқанда Астана қаласы, Жамбыл облысы, сондай-ақ Солтүстік Қазақстан облысы бойынша жеткізілімдер бойынша іркілістер бар...

Қараша айындағы криптовалюта нарығында биткоин құны 50% төмендеді. Ең танымал криптовалютаның бағасы кішігірім валюталардың өсуі әсерінен әлсіреді.

Bloomberg басылымы CoinGecko мәліметіне сүйеніп, , криптовалюта нарығындағы биткоиннің үлесі қазан айындағы 51,5%-дан 49%-ға дейін төмендегенін жазады. 100 ірі цифрлық активтер тізіміндегі 30 орта деңгейдегі валютаның көрсеткіші қарашаның алғашқы күндерінде 14% өсті. Өсу қарқыны бойынша бұл көрсеткіш криптовалютаның кең нарық индексін (қарашада 4% өсті) және биткоинді (1% өсті) айтарлықтай басып озды.

«Кішігірім валюталар өсімі біз қаңтарда байқаған жағдайдан анағұрлым ауқымды және тұрақты», – дейді Digital Asset Capital Management негізін қалаушы Ричард Гэлвин.

Қараша айының басында ең күшті крипто валюталардың бірі XRP болды. Ол тәулігіне 14% өсіп, Binance криптовалютасы төртінші орнынан ығыстырды. XRP өсімі 4 қарашада Дубайдың қаржылық қызметтер...

Батыстың ресейлік мұнайға белгілеген баға шегі жайына қалды. Қазан айында  Urals мұнайының бағасы эталондық Brent бағасынан асып түсті. Бұл туралы Қолданбалы экономикалық зерттеулер орталығының талдауында жазылған.

Орталық соңғы айлардағы Санкт-Петербург тауар-шикізат биржасының мәліметтерін зерделеген.

2023 жылдың қыркүйегінде Urals брендінің орташа сараланған бағасы барреліне 96,36 долларды құрады, бұл Brent маркалы шикізат фьючерсінің орта бағасынан 5,12%-ға жоғары.

2023 жылдың қазан айында Urals мұнайының орташа сараланған бағасы тағы да Brent маркалы «қара алтынан» 4%-ға жоғары болды, барреліне 91,58 долларды құрады.

2023 жылдың 9 қазаны мен 23 қазаны аралығындағы кезеңде ресейлік мұнайдың бағасы Brent маркасынан тағы да асып түсті және тұрақты өсіп...

Фото: компанияның баспасөз қызметі

Атырау мұнай өңдеу зауытында (АМӨЗ) жоспарлы алдын ала тексеру аяқталып, зауыт толық қуатында жұмыс істеп тұр. Бұл туралы зауыттың баспасөз қызметі хабарлады.

Қазіргі кезде кәсіпорын ҚР Энергетика министрлігі бекіткен жоспарға сәйкес сұйытылған мұнай газы, автобензин және дизель отынын өндіріп, жөнелтеді.

«29 қазан күні каталитикалық крекинг қондырғысы белгіленген мерзімнен бұрын тұрақты жұмыс режиміне шығарылған болатын. Одан бір апта бұрын технологиялық қондырғылардың бірінші кезеңі сәтті іске қосылды», делінген хабарламада.

Жоспарлы алдын ала тексеру – жабдықтардың тұрақты жұмыс жағдайын сақтап, өндірістің тиімділігін арттыруға арналған жыл сайын іске асырылатын шара.

Биыл...