Жаңалықтар

Сенбі күні Премьер-Министрдің орынбасары – сауда және интеграция министрі Серік Жұманғариннің төрағалығымен сенбілік кеңес өтіп, өңірлердің негізгі азық-түлік өнімдеріне бағаны тұрақтандыру жөніндегі жұмысы қорытындыланды. Жиында кейбір өңірлерде қорда сақталған көкөніс көлемінің айтылған мөлшерден төмен екендігі айтылды.

Сауда және интеграция министрлігінің мәліметінше, азық-түлік бағасын тұрақтандыруда қол жеткізген көрсеткіштер мынадай: өткен аптада қант 0,6%, қарақұмық 0,4%, тауық 0,3%, сүт 0,2%, пияз 0,1% төмендеген. Ал сәбіз мен күнбағыс майының бағасы сол қалпында қалған. Қырыққабат (1,1%), күріш (0,9% ), айран (0,6%) секілді өнімдер керісінше, қымбаттай түскен екен.

Мамандар Маңғыстау облысында бір апта ішінде әлеуметтік маңызы бар азық-түлік бағасының 0,1 пайызға төмендегенін айтады. Бұл өңірде әлеуметтік...

Алматы қаласы Медеу ауданының №2 сотының үкімімен «Алматы жылу желілері» ЖШС бас директоры Куаныш Бейсенбиновке 560 млн теңге айыппұл салынды. Антикордың хабарлауынша, ол қомақты пара алған.

Сонымен қатар, АЖЖ бас инженері Д. Қазымбетов пен АЖЖ Күрделі құрылыс басқармасының бастығы С. Джингильбаевтың әрқайсысына 560 млн теңге көлемінде айыппұл салынды.

АЖЖ лауазымды тұлғалары Алматы қаласындағы жылу желілерін қайта құру туралы шарт бойынша орындалған жұмыстар актілеріне кедергісіз қол қойғаны және ақша қаражатын аударғаны үшін Б. Разимбековтен 16 млн теңге сомасында пара алды деген күдікке ілінген.

Ал пара бергені үшін «СпецКоммунСтрой» ЖШС директоры Б.Разимбеков 400 млн. теңге айыппұл түрінде жаза тағайындалған...

Қаңтар айында көтерме сауда көлемі 2,5 трлн теңгеге жеткен. Былтырғы жыл басымен салыстырсақ, ақшалай мәнде үштен бір есе көп. Оның төрттен үш бөлігі тек 3 өңірге тиесілі деп жазады, ranking.kz

Қазақстанның жалпы ішкі сауда көлеміндегі көтерме сауда үлесі бір жылда 72,2%-дан 70,4%-ға дейін төмендеген.

Жалпы алғанда, 2022 жылғы қаңтар-желтоқсанда көтерме сауда көлемі 34,9 трлн теңгені құраған. Бұл көрсеткіш 2021 жылмен салыстырғанда ақшалай түрде 12,2% көп (нақты өсім – 6,3%*). Ішкі сауда дағы көтерме сауда үлесі 69,4%-дан 68,9%-ға дейін төмендеді.

Өңірлер бойынша алсақ, ҚР-дағы көтерме сауданың төрттен үші тек үш өңірге тиесілі. 2023 жылдың қаңтарында басым бөлігі ірі мегаполис Алматыда...

Экономика мен қаржы саласындағы әйел азаматтар үлесі туралы соңғы кезде жиі сөз болып жүр. Дүниежүзілік экономикалық форумның есебіне сәйкес, әлемдік экономиканың барлық саласында гендерлік теңсіздік байқалады. 2022 жылы жаһандық гендерлік теңсіздік индексі ықтимал 100%-дың 68%-ын құраған. Былтыр Қазақстан гендерлік алшақтық деңгейі бойынша әлем елдерінің рейтингінде 145 елдің ішінен 65-орынға ие болды.

Әйелдердің экономикалық өмірге жеткілікті деңгейде араласпауы әлемдік экономиканың өсуін шектейді. Мұны Халықаралық валюта қоры мен БҰҰ зерттеулері де растайды. Бұл туралы «DigitALL: Women in FinTech» форумында Қаржы нарығын реттеу және дамыту Агенттігінің төрағасы Мәдина Әбілқасымова мәлімдеді.

«Қаржылық технологиялар саласы – стратегиялық тұрғыдан ойлауды және заманауи сын-қатерлерге жедел...

YouTube компаниясы биыл Қазақстанда YouTube Premium-ды іске қосатын болды. Бұл туралы Цифрлық даму, инновациялар және аэроғарыш өнеркәсібі министрі Бағдат Мусин facebook-парақшасында жазды.

Министр Кремний алқабында YouTube компаниясының өнімді басқару жөніндегі вице-президенті Адам Смитпен келіссөз жүргізгенін хабарлады.

Қос тарап ынтымақтастық перспективалары мен компанияның Қазақстандағы түрлі сервистеріне қол жеткізуді кеңейту мәселесін талқылаған.

«YouTube өкілдері биыл Қазақстанда YouTube Premium іске қосылатынын ресми түрде жариялады. Бұл – біздің нарықтың ірі технологиялық компаниялар үшін барынша тартымды болып келе жатқанының көрсеткіші», деп жазады министр.

Premium-ге өту мүмкіндігі біздің елде бұрын болмаған YouTube сервистеріне қол жеткізуге мүмкіндік...

АҚШ-тың ірі банкі Silicon Valley салымшылар, технологиялық және венчурлық компаниялардың қызметкерлері ақшаларын қайтарып алу туралы шешім қабылдағаннан кейін банкротқа ұшырады. Бұл туралы ҚазАқпарат «Америка дауысы» басылымына сілтеме жасап хабарлады.

Бұл он жылдан астам уақыт бұрын қаржылық дағдарыстың шыңына жеткен Washington Mutual банкінің сәтсіздігінен кейінгі АҚШ тарихындағы екінші ірі банктің құлдырауы. Сондай-ақ, Silicon Valley ірілігі жағынан елдегі 16-шы орында тұрған банк болды.

Silicon Valley жылдам дағдарысқа ұшырады. Кейбір сала сарапшылары жұма күні компанияның жақсы жағы мен инвестиция салуға қолайлы екенін айтты. Банк басшылығы жұма күні таңертең капиталды өсіруге және қосымша инвесторлар табуға тырысты. Алайда, банк акцияларының сауда-саттығы төтенше құбылмалылыққа байланысты...

Қос мемлекеттің бірлескен жол картасында тігін фабрикаларын көбейтіп, тоқыма кластерін ұйымдастыруға басымдық берілген. Бұл туралы Хабар 24 сайты хабарлады.

Осыған орай Шымкенттегі тоқырауға ұшыраған кәсіпорындарда көрші елдің тәжірибесі қолданылады.

Шымкентте жеңіл өнеркәсіп саласында екі елдің бірлескен бір ғана тігін фабрикасы жұмыс істейді. 2019 жылы құрылған кәсіпорында 120 адам тұрақты еңбек етеді. Ресей мен Түркіменстан еліндегі арнайы мекемелерге жұмыс формасын тігіп, ішкі нарыққа киім-кешек саудалайды. Осылайша ісмерлікті кәсіп қылған мамандар жылына 1 миллиард теңгенің өнімін шығарады.

Қазақстан Республикасының Қаржы нарығын реттеу және дамыту агенттігі 2022 жылы жүргізген әлеуметтанушылық зерттеуге сәйкес қаржы жүйесіндегі құқық бұзушылықтардың кеңінен таралған түрі – алаяқтық. Бұл туралы fingramota.kz сайты хабарлады.

Зерттеу көрсеткендей, алаяқтардың жиі қолданатын схемалары – бұл фишингтік сайттар мен мобильдік қосымшаларда жалған хабарламалар жіберу арқылы дербес деректерді ұрлау; мобильдік құрылғыдағы жеке кабинетке кіру мақсатында азаматтарды алдаумен өздерін қаржы ұйымдарының қауіпсіздік қызметінің қызметкері ретінде көрсету.

Зерттеу қорытындысы бойынша респонденттердің 55,8%-ы қаржылық алаяқтыққа, оның ішінде 34,2%- ы телефон алаяқтығына (вишинг), 32,7%-ы интернет-алаяқтыққа (фишинг) тап болғаны анықталды. Сауалнамаға қатысқандардың 21,6%-ы қаржы пирамидалары тарапынан, ал 11,5%-ы төлем карталарымен алаяқтық әрекеттердің қатысушылары болған.

Қаржылы...

Шығыс Қазақстан облысында осы жылы 349 мың шаршы метр тұрғын үй пайдалануға беріледі. Бұл туралы ҚазАқпарат хабарлады.

ШҚО әкімдігінің мәліметіне сүйенсек, өңір аумағында тұрғын үй құрылысы жоспарға сәйкес жүргізілуде. Мәселен, Өскемен қаласында жаңа шағын аудан бой көтеріп, бірқатар жоба қолға алынған.

«Драма театры ауданында архитектуралық сәулеті жағынан ерекше әрі заманауи тұрғын үйлер салынуда, қолданысқа берілгендері де бар. Енді биыл мұнда 600 орындық мектеп пайдалануға беріледі. Жалпы, қазіргі үйлер өте сапалы салынуда, аулалардағы жолдар алты метрге дейін кеңейтіліп, әр пәтер үшін бір жарым орындық көлік тұрағы қарастырылған», – дейді облыс әкімі Даниал Ахметов.

Биыл Шығыс Қазақстанда 349 мың шаршы...

Солтүстік Қазақстан облысында былтыр жаңадан 210 адамнан туберкулез анықталды. Бұл алдыңғы жылмен салыстырғанда 15,7 % көп, деп хабарлайды ҚазАқпарат.

Бүгін Петропавлдағы сауда орталықтарының бірінде СҚО фтизиопульмонология орталығының ұйымдастыруымен флешмоб өтті.

Іс-шара 24 ақпанда басталған туберкулезге қарсы күрес айлығы аясында ұйымдастырылды.

Орталық мамандары тұрғындарға қауіпті дерт және оның белгілері жайында хабардар ететін брошюралар таратып, жылжымалы флюрография аппаратынан өтуге шақырды.

Флешмоб барысында фтизиопульмонология орталығы мамандары арнайы әзірлеген билерін көрермен назарына ұсынды.

Облыстық денсаулық сақтау басқармасының мәліметінше, туберкулезді анықтау жұмыстарының оң нәтижесінде былтыр жаңадан 210 адамда дерт табылды.

Бұл 2021 жылмен салыстырғанда 15,7 % көп.

Соның ішінде 18 жасқа дейінг...

Ағымдағы жылдың Алматы қаласы Түрксіб аудандық патрульдік полиция полкінің қызметкерлері, аға инспекторлар Санжар Әбдірайымов пен Құдайберген Тоғжанов азаматтың өзіне-өзі қолжұмсау әрекетінің алдын алды. Бұл туралы Алматы қаласының прокуратурасы хабарлады.

Ер адам, жол үстіндегі жаяу жүргіншілер көпірінің қоршауынан қолына ілініп тұрған.Жол қозғалысын тоқтатқан полицейлер жүк көлігін, өзін тастап жіберуге әрекеттенген ер адамның астына әкеліп қойды.

Осы  әрекеттер арқылы адамның өмірін сақтап, қайғылы оқиғаны болдырмаудың мүмкіндігі туды.

10 наурызда Түрксіб ауданының прокуроры  Ізбасар Масақбаев, адамды құтқару бойынша жедел және үйлесімді жұмысты қамтамасыз еткені үшін, инспекторларға алғысын білдіріп, оларды атаулы қол сағаттарымен марапаттады.

 2022 жылы кедейлік шегінен төмен табысы бар ресейліктер саны 15,3 миллион адамды немесе ел халқының 10,5% құрады. Бұл туралы ҚазАқпарат хабарлады.

Ресей мемлекеттік статистика қызметінің сайтындағы ақпаратқа сәйкес, 2021 жылмен салыстырғанда әлеуметтік жағдайы төмен халық саны 0,7 миллион адамға – 16 миллионнан 15,3 миллионға дейін азайды.

2022 жылға кедейлік шегі 13 545 рубльді (80 745 теңге) құрады.

Статистика қызметінің мәліметіне сәйкес, өткен жылы халықтың ақшалай табысы 79,1 трлн рубльді құрап, бір жылда 12,2% артқан. Ал халықтың жан басына шаққандағы орташа номиналды табысы 12,4% көбейген. 2022 жылы номиналды мәнде орташа айлық жалақы 64 191 рубльді (382 660 теңге) құрап...

Ағымдағы жылдың 9-10 наурызында Брюссельде «Қазақстан Республикасы – Еуропалық Одақ» сот төрелігі және құқықтық тәртіп жөніндегі Кіші комитеттің және адам құқықтары жөніндегі диалогтың отырыстары өтті. Бұл туралы Бас прокуратураның баспасөз қызметі хабарлады.

Қазақстандық делегациядан Бас прокуратураның, Жоғарғы соттың, Сыбайлас жемқорлыққа қарсы іс-қимыл агенттігінің, Ұлттық қауіпсіздік комитетінің, Адам құқықтары жөніндегі ұлттық орталықтың, сыртқы істер, ақпарат және қоғамдық даму, еңбек және халықты әлеуметтік қорғау, сондай-ақ әділет министрліктерінің өкілдері қатысты.

Осы іс-шаралардың тең төрағасы болып табылатын ҚР Бас прокурорының орынбасары Болат Дембаев олардың ерекше маңыздылығын атап өтті, өйткені Қазақстан Республикасының Конституциясына сәйкес адамның өмірі, оның құқықтары мен бостандықтары басты құндылықтар болып табылады.
Тараптар...

ҚР Премьер-Министрі Әлихан Смайылов Алматыға жұмыс сапары барысында қаланы одан әрі әлеуметтік-экономикалық дамыту мәселелері бойынша кеңес өткізді. Бұл туралы primeminister.kz сайты хабарлады.

Ағымдағы ахуал, өнеркәсіп, көлік инфрақүрылымы, тұрғын үй-коммуналдық шаруашылық, медицина жүйесі, білім беру және тағы басқа салаларды дамыту бойынша қабылданып жатқан шаралар мен жоспарлар туралы индустрия және инфрақұрылымдық даму министрі Марат Қарабаев, денсаулық сақтау министрі Ажар Ғиният, ұлттық экономика вице-министрі Бауыржан Омарбеков, оқу-ағарту  вице-министрі Еділ Оспан, мәдениет және спорт вице-министрі Сәрсен Құранбек, Алматы қаласының әкімі Ерболат Досаев баяндама жасады.

Премьер-Министр жалақының өсу қарқыны бойынша Алматы соңғы 10 жылда республикалық орташа деңгейден төмен болып келгенін, осыған байланысты бұл тенденцияны...

Мемлекет басшысының халықаралық рейстер санын ұлғайту, сондай-ақ «ашық аспан» режимін іске асыру жөніндегі тапсырмасы шеңберінде ҚР ИИДМ Азаматтық авиация комитеті Египеттің авиациялық билік орындарымен бірлесіп «Air Cairo» египеттік әуе компаниясының Қазақстанға тұрақты жолаушылар рейстерін ашу мәселесін пысықтады. Бұл туралы ҚР ИИДМ баспасөз қызметі хабарлады.

Осылайша, «Air Cairo» әуекомпаниясы Астана – Шарм-эль-Шейх бағыттары бойынша 2023 жылғы 13 наурыздан бастап аптасына 2 рейс жиілігімен (дүйсенбі және жұма) және Алматы – Шарм-эль-Шейх бағыттары бойынша 2023 жылғы 14 наурыздан бастап аптасына 2 рейс жиілігімен (сейсенбі) тікелей тұрақты жолаушылар рейстерін орындауды бастауды жоспарлап отыр және сенбі) А-320 типті әуе кемелерінде.

Шымкент қаласында экологиялық талаптарды сақтамаған жеті кәсіпорынның жұмысы сот шешімімен тоқтатылды. Бұл туралы Хабар 24 хабарлады.

Олар «Ордабасы» мен «Оңтүстік» индустриалды аймақтарында  орналасқан. Экологтар, тұрғындарды түтінге тұншықтырған өндіріс орындарына жоспардан тыс тексеру жүргізіп, бірқатар кемшілікті анықтаған. Енді зауыттар өндіріс технологиясын жетілдіріп, мұржаға сүзгі орнатпайынша іске қосылмайды. Өткен жылы шаһардағы экологиялық талаптарды бұзған  кәсіпорындарға қатысты 161 дерек тіркелді. Олар табиғатқа 33 мың тоннадан астам зиянды қалдық тастаған.

«Департамент тарапынан 2022 жылдың 12 айында индустриалды аймақтардағы 18 кәсіпорынға тексерілу жүргізіліп, жалпы сомасы 38 миллион теңгеден астам 48 әкімшілік айыппұл салынды. Бұл көрсеткіш 2021 жылғы тексеру бойынша екі есе, айыппұл...

Финляндия Украинаға гуманитарлық көмек пен ынтымақтастықты нығайту үшін 29 миллион еуро көлемінде қаржы бөлді. Бұл туралы Анадолу сайты хабарлады.

Киев бұған дейін қаржылық қолдау үшін Хельсинкиге жүгінген еді.

Киевке бөлінген соманың 15 млн еуросы гуманитарлық көмекке, ал 14 млн еуро – дамыту саласына жұмсалады.

Гуманитарлық көмектің бір бөлігі азаматтық қоғам ұйымдары арқылы жіберіледі.

«Мектеп автобусы» пилоттық жобасы аясында Алматы әкімдігі мектепке оқушыларды тасымалдау үшін 100 жаңа техника сатып алуды жоспарлап отыр. Барлығы 29 мектепте білім алатын 7,7 мыңнан астам оқушыға жағдай жасау көзделген.Бұл туралы ҚР Премьер-министрі Әлихан Смайыловтың Hyundai Trans Almaty зауытының аумағына жұмыс сапары кезінде белгілі болды.

Премьер-Министр білім беру сапасын арттырудың басты факторының бірі әрбір оқушының қажеттілігіне бағдарланған және оның қауіпсіздігін қамтамасыз ететін жайлы мектеп ортасы болып табылатынын атап өтті. Сондықтан «Мектеп автобусы» пилоттық жобасы – осындай үлкен мегаполистегі мәселенің дұрыс әрі уақытылы шешімі.

«Мектеп автобусы» жобасы биыл Алматыда қала әкімі Ерболат Досаевтың бастамасымен іске асқан.

ҚазТрансОйл» АҚ наурыз айында Ақтау порты арқылы Қашаған кен орнынан Баку порты бағытында одан әрі жеткізу үшін экспортқа 7 мың тонна мұнайды сынақ ретінде өткізуді жоспарлап отыр. Бұл туралы «ҚазТрансОйл» АҚ жұртшылықпен байланыс және ішкі коммуникациялар департаменті хабарлады.

Қашаған мұнайын жөнелтуші INPEX North Caspian Sea, Ltd.

Иран мен Сауд Арабиясы билігі екі ел арасындағы қарым-қатынасты қалыпқа келтіруге келісті. Бұл туралы ҚазАқпарат хабарлайды.

Екі ел елшіліктерін екі ай ішінде ашуды жоспарлап отыр.

Бірнеше күн бойы Иранның Ұлттық қауіпсіздік жоғары кеңесінің хатшысы Әли Шамхани мен оның Сауд Арабиясындағы әріптесі Бейжің қаласында келіссөз жүргізген.

Нәтижесінде үшжақты мәлімдеме қабылданды.

Тегеран мен Эр-Рияд дипломатиялық қарым-қатынасты қалпына келтіруге және ең көбі екі ай ішінде елшіліктерді қайта ашуға келісті.

Қазақстан Сыртқы істер министрлігінде Сыртқы істер министрінің бірінші орынбасары Қайрат Омаров пен БҰҰ-ның Қазақстандағы Тұрақты үйлестірушісі Микаэла Фриберг-Сторидің төрағалығымен 2021-2025 жылдарға арналған Орнықты даму мақсатында БҰҰ ынтымақтастығының негіздемелік бағдарламасы (UNSDCF) Үйлестіру комитетінің кезекті отырысы өтті. БҰҰ-ның елімізде болуының 30 жылдығына орайластырылған іс-шараға ҚР мемлекеттік органдарының, дипломатиялық корпустың және азаматтық қоғам өкілдері қатысты. Бұл туралы ҚР Сыртқы әстер министрлігі хабарлады.

Отырысты аша отырып, Қ. Омаров БҰҰ-мен өзара іс-қимыл тұрғысындағы Қазақстанның негізгі сыртқы саяси басымдықтары туралы хабардар етті. «БҰҰ бас трибунасынан жарияланған көптеген қазақстандық бастамалар табысты іске асырылды және жаһандық қоғамдастық оларды мойындады», – деді Қ. Омаров. Сонымен бірге, ҚР сыртқы...

ҚР Премьер-Министрі Әлихан Смайылов Алматыға жұмыс сапары аясында Жұқпалы аурулар ұлттық ғылыми орталығы мен Оқушылардың инновациялық шығармашылық орталығы құрылысының барысымен танысып, «CHAMPION» жаңа спорт кешеніне барды. Бұл туралы primeminister.kz сайты хабарлады.

50 төсек-орынға арналған Жұқпалы аурулар ұлттық ғылыми орталығының құрылысын 2023 жылдың соңында аяқтау жоспарланып отыр. Стационардан басқа, онда ғылыми-зерттеу және оқу орталықтары, зертханалар, медициналық университеттердің кафедралары және т. б. орналасатын болады.

Жаңа орталықта жұқпалы аурулар, пульмонология және фтизиатрия саласында сапалы медициналық көмек көрсетіледі, зерттеулер жүргізіліп, мамандар оқытылады, озық медициналық технологиялар пайдаланылып, дәрілік препараттар сыналады. Бұдан басқа жаңа нысан базасында республикадағы эпидемиологиялық ахуалды бақылау үшін ахуалдық орталық ашу жоспарлануда.

2023 жылы Қазақстан Әзербайжан арқылы мұнай тасымалдайды. Бұл туралы орталық коммуникациялар қызметінде өткен брифингте Сыртқы істер министрінің орынбасары Роман Василенко мәлімдеді.

Василенконың айтуынша, Қазақстан өз аумағы арқылы өтетін барлық бағыттағы экспорт пен транзитке ашық.

«Қазір тек Шығыс – Батыс қана емес, Солтүстік – Оңтүстік бағыты да бар. Оңтүстік бағыт Түрікменстан мен Иран арқылы өтеді. Былтыр президент Иранға барып, тауарды Түркия арқылы сол елге жіберу бойынша келісімдер жүргізді», деді вице-министр.

Сондай-ақ қазір Қазақстан арқылы мұнай тасымалдау бірнеше бағыт бойынша жүргізілетінін айтты.
«Оған Ресей арқылы өтетін бағыттар да кіреді. Каспий құбыры консорциумы, Атырау – Самара құбыры, Махачкала...

USDKZT валюта жұбында теңге бір күн ішінде 2,5%-ға әлсіреді де, доллар құны бірден 11 теңгеге қымбаттап, 452 теңге болды. Соңғы 2-3 аптадағы ұлттық валютаның құбылмалылығы бағамның бұған дейін байқатқан бүкіл тұрақтылығын теңгеріп жіберді деп жазады Tengenomika телеграм арнасы.

Сарапшылар алдымен теңгенің АҚШ долларына шаққандағы бағамы салық аптасы аясында нығайғаны, одан кейін валюта нарығына қатысушылардың әрекеттері айырбастау бағамының кері шегініс жасауына әсер еткен деп болжайды.

Екінші жағынан, мұнай бағасының арзандауы АҚШ Федералды резерв жүйесінің риторикасы мен Қытай экономикасының баяу ашылуы мұнай экспорттаушылардың валюталарына кері әсерін тигізіп жатыр», дейді сарапшылар.

Айта кетейік...