Жаңалықтар

Әлихан Смайылов сейсенбі күнгі Үкімет отырысында елде жанар-жағар май тапшылығы болмайды деп мәлімдеді.

Атырау мұнай өңдеу зауытында болған жағдайға қатысты пікір білдірген ол қолда бар отын қоры бүкіл республикаға жетеді деп мәлімдеді. Ал, барлық мұнай өңдеу зауыттарын тоқтату туралы алып-қашпа әңгімелер «шындыққа жанаспайды».

«Қазіргі таңда энергиямен қамтамасыз ету қалпына келтірілуде. Бұл аймақтардың энергия жүйесі Батыс энергетикалық торабымен біріктірілген. Атырау мұнай өңдеу зауытында технологиялық ақаулар анықталған жоқ. Зауыттың жұмысын қауіпсіз тоқтату үшін дер кезінде шаралар қабылданды. Қазіргі уақытта зауыт басқа кәсіпорындар сияқты өз жұмысын қалпына келтіруде», деді Әлихан Смайылов.

Премьер-Министрдің төрағалығымен апаттың себептерін тексеру...

Бұл туралы Үкіметте өткен Цифрландыруды енгізу мәселелері жөніндегі комиссияның кезекті отырысында айтылды.

Жиын барысында Цифрлық даму, инновациялар және аэроғарыш өнеркәсібі министрі Бағдат Мусин маусым айынан бастап Президенттің тапсырмасымен «minerals.gov.kz» порталы әзірленіп жатқанын баяндады.

Оның айтуынша, бұл жер қойнауын пайдаланушылардың бірыңғай платформасы болады. Порталда жер қойнауын пайдаланушылар жеке кабинет ашып, пайдалы қазбаларды барлауға немесе өндіруге өтініш бере алады, сондай-ақ мемлекеттік органдардан түрлі хабарламалар алып отырады. Қазір платформаны әзірлеу жұмыстары жалғасуда.

Сонымен қатар, осы отырыс барысында қоршаған орта мен табиғи ресурстардың жай-күйі туралы ұлттық деректер банкі туралы да мәлім болды. Экология...

Фото: Қорғаныс министрлігі

Мәжіліс депутаты Дәулет Тұрлыхановтың әскери бөлімнен қашып кеткен ұлы Нұрасыл Болаттың қай жерде екені анықталды.

Қорғаныс министрлігінің хабарлауынша, 3 шілдеде ішкі істер органдарының қызметкерлері және әскери полицияның әскери қызметшілерімен ұйымдастырылған бірлескен жедел-іздестіру іс-шаралары барысында әскери бөлімді өз еркімен тастап кеткен мерзімді қызметтегі қатардағы жауынгердің орналасқан жері анықталды.

«Әскери қызметші қызмет атқаратын орнына жеткізілді. Аталған факт бойынша қызметтік тексеріс жүргізіліп жатыр», – делінген министрлік таратқан ақпаратта.

Айта кетейік, бұған дейін қорғаныс министрлігі депутат Дәулет Тұрлыхановтың ұлы Нұрасыл Болаттың әскери бөлімнен қашып кеткенін растады.

2023 жылдың 11 ақпанында Алматыда ерлі-зайыпты заңгер Олег Чернов пен Анна Димитриевичт...

Фото: Ақорда

Қасым-Жомарт Тоқаев АҚШ-тың Тәуелсіздік күніне орай Джозеф Байденге құттықтау жеделхатын жолдады, деп хабарлайды Ақорда.

«Мемлекет басшысы Қасым-Жомарт Тоқаев АҚШ Президенті Джозеф Байденді және Америка халқын Тәуелсіздік күнімен құттықтады. Мемлекет басшысы өз жеделхатында Орталық Азия аймағының қауіпсіздігі мен өзара байланысын нығайтуға қолдау көрсеткені үшін ризашылығын білдірді», делінген баспасөз хабарламасында.

Өз жеделхатында президент Қазақстан мен Американың қауіпсіздікті қамтамасыз ету, энергетика, инвестиция тарту, климаттың өзгеруіне қарсы күрес салаларындағы кеңейтілген стратегиялық серіктестіктің және екі ел халықтары арасындағы қатынастардың қарқынды дамып келе жатқанын атап өткен.

Сонымен қатар Қасым-Жомарт Тоқаев барлық саладағы ынтымақтастықтың одан әр...

Фото: kursiv.media

Қаржылық мониторингі агенттігі дене шынықтыру және спорт саласын дамытуға бөлінген мемлекет қаржысының ұрлануының алдын алу бойынша жұмыс жүргізіп, осы жылдың 6 айында 269,3 млн теңге залалы бар 21 істі анықтаған. Қазір тергеу жүріп жатыр.

Тексеріс барысында спорттық-сауықтыру іс-шараларының, нысандардың, құрама командалардың, бұқаралық спорттық іс-шаралардың, федерациялардың рейтингісі мен қауіптері көрсетілген тізбесі қалыптастырылған.

«Саланы қаржыландырудың жолдары мен көлемі, оның ішінде демеушілік көмек көлемін анықтау бағытында жұмыстар жүргізілді. 2023 жылдың 6 айында ғана Агенттікте жалпы сомасы 269,3 млн теңге залалы бар 21 іс тергелуде. Айта кетейік, ашық ақпарат көздерінен алынған мәліметтерге сәйкес, 2019-2023 жылдар аралығында...

Фото: kursiv.media

Энергетика министрлігі үш мұнай өңдеу зауытының тоқтатылғаны туралы ақпаратты жоққа шығарды. Баспасөз қызметі Атырау мұнай өңдеу зауыты толық тоқтамағанын хабарлады.

«Электр қуатының терең үзілуіне байланысты Атырау мұнай өңдеу зауытының технологиялық және қосалқы нысандары апатты түрде тоқтатылды. Электр энергиясын қабылдау басталды, зауытты кезең-кезеңімен іске қосу жұмыстары жүргізілуде. Жанар-жағармайдың жинақталған қоры халықты қамтамасыз етуге жеткілікті», делінген хабарламада.

Ал Шымкент мұнай өңдеу зауытында, министрліктің хабарлауынша Шымкент МӨЗ АИ-95 бензинін өндіруді шектеумен каталитикалық риформинг қондырғысының катализаторын регенерациялауды ескере отырып, жұмысын жалғастырып жатыр. Регенерация және іске қосу 14 шілдеде аяқталады деп жоспарланған.​

Павлодар мұнай-химия зауытында жоспарлы...

Фото: kursiv.media

МАЭК жылу электр станциясында апат болып, №1 энергия блогы жұмысын тоқтатты. Бұл туралы Энергетика министрлігінің баспасөз қызметі хабарлады.

«2023 жылғы 03 шілдеде сағат 18.23-те «МАЭК» ЖШС жылу электр станциясында жүктемесі 130 МВт болатын № 1 энергия блогы апатты жағдайда ажыратылды. Батыс энергия торабында генерацияның күрт істен шығуына байланысты электр желісінің жиілігі 48,6 Гц-ке дейін төмендеді. Осыған байланысты Маңғыстау және Атырау энергия тораптары оқшауланған жұмысқа бөліп шығарылды. Сол себепті Атырау ЖЭО, Karabatan Utility Solutions бу-газ қондырғысы, Қаламқас және ТШО газ станциялары оқшауланған жұмысқа бөліп шығарылды», делінген хабарламада.

Өнеркәсіптік кәсіпорындарға және елді мекендердің бір...

Атырау мұнай өңдеу зауыты апатты жағдайға байланысты тоқтады. Бұл жағдайды зауыттың баспасөз қызметі де растады.

«07.03.2023 жылы сағат 17:25-те «KEGOC» АҚ-да электр қуатының үзілуіне байланысты «АМӨЗ» ЖШС зауытының жұмысы тоқтады. Төтенше жағдайды болдырмау үшін сыртқы электрмен жабдықтау жүйесі толық тұрақтанғанға дейін зауыттың отын желісі технологиялық регламентке сәйкес алау жүйесіне бағытталады. Ақауларды жою нәтижелері кейінірек жарияланады», делінген баспасөз хабрламасында.

Артынша Энергетика министрлігі Қазақстандағы үш мұнай өңдеу зауытындағы жағдайға қарамастан жанар-жағармайдың жеткілікті қоры бар екенін хабарлады.

«Қазақстан Республикасының Энергетика министрлігі электр қуатының терең сөндірілуіне байланысты Атырау мұнай өңдеу зауытыны...

Фото: kursiv.media

«ҚазАвтоЖолдың» акционерлік қоғамының Петропавлдағы бөлімшесінің басшылығы ұсталды, деп хабарлайды Ұлттық қауіпсіздік комитетінің баспасөз қызметі.

«2023 жылғы 29 маусымда Ұлттық қауіпсіздік комитеті Транспорттық прокуратурамен бірге «НК «ҚазАвтоЖол» акционерлік қоғамы Павлодарлық филиалының басшылығы мен қызметкерлерінің жемқорлық іс-әрекетінің жолын кесті», делінген баспсаөз хабарламасында.

Іс қатысы бар бұл тұлғалар аймақтағы кәсіпкерден аса ірі көлемде қаржы бопсалады деген күдікпен қамауға алынған.

«Бұл факті бойынша материалдар Қылмыстық кодекстің 366-бабы 3-бөлігі 1-тармағы бойынша Сотқа дейінгі тергеудің бірыңғай тізіліміне тіркелді. Тергеу іс-шараларының жүргізілуіне байланысты өзге ақпарат жария етілмейді. Жедел-тергеу іс-шаралары жалғасуда», деп хабарлайды...

Кәсіпкер Қайрат Боранбаевқа қатысты бірінші инстанциядағы сот үкімі күшін жойды. Астананың апелляциялық сот алқасы кәсіпкерді кінәсіз деп таныса, ол моральдық шығын мен сот процесі барысындағы материалдық шығынды өндіріп алуға құқылы, деп хабарлайды Kursiv.kz тілшісі.

Адвокат Джохар Өтебековтің айтуынша, сот үкімі бойынша ақталған адам адвокаттар, сарапшы мен мамандарға жұмсалған қаражат, олардың жолақысы, тұрған пәтері секілді шығындарды өндіріп алу үшін дәл сол сотқа жүгіне алады.
Сондай-ақ осы аралықта алу мүмкін жалақысын да өндіруге өтініш бере алады.

«Сондай-ақ ақталған адам қылмыстық жауапкершілікке тартқаны, бұлтартпау шараларын қолданғаны үшін моральдық шығынды өтеу туралы талап арызбен сотқа жүгіне алады», – дейді адвокат Өтебеков.

Фото: kursiv.media

Сауд Арабиясында қажылық парызын өтеуге барып, полиция учаскесіне түскен қазақстандықтар елге 5 шілде күні оралады. Бұл туралы ҚР Сыртқы істер министрлігінің ресми өкілі Айбек Смадияров мәлімдеді.

Брифинг барысында Смадияров Джиддадағы полиция бөлімшесіне түскен қазақстандықтардың барлығына консулдық көмек көрсеткенін айтты. СІМ түсіндіруінше, қажылыққа барған азаматтар Сауд Арабиясына туристік визамен келген. Ал қажылық парызын өтеуге арналған әр елдің мұсылмандары үшін арнайы квота негізіндегі виза қажет.

«Бас консул мен оның қызметкерлері дереу полиция бөлімшесіне барып, оларды босатуға және қонақүйге жеткізуге көмектесті. Кейбір мәліметтерге қарағанда, бұл компания дәл осындай визамен 300-ден астам азаматымызды Сауд Арабиясына әкелген...

14, 15 және 16 шілдеде Қазақстанда Kaspi.kz-тің Kaspi Жұма бүкілхалықтық тиімді сатып алу мерекесі өтеді!

Kaspi.kz басшысы және негізін қалаушылардың бірі Михаил Ломтадзе былай деп пікір білдірді:

«Біз тағы да дәстүрлі түрде жазғы Kaspi Жұма мерекесін ұйымдастырудамыз. Бұл 8-ші Kaspi Жұма, бұл жолы бүкілхалықтық сауда мерекесіне ел бойынша 100 мыңнан астам үздік дүкендер қатысуда. Kaspi.kz-тегі интернет-дүкенде үйіңізге немесе 4400-ден астам Kaspi Pospomat-тардың біріне тегін жеткізу арқылы сатып алуға болатын 3,5 миллионнан астам түрлі тауар ұсынылған. Біздің әрбір сүйікті клиентімізге тиімді зат сатып алуын, серіктестерімізге табысты сауда тілейміз»!

Жазғы Kaspi Жұма-ға Adidas, Alser, Dream, Decathlon, DNS, EuroMebel...

Жигули Дайрабаевтың екі ұлы бірінші инстанциядағы сот үкіміне қатысты апелляциялық шағым түсірді, деп хабарлайды Kursiv.kz тілшісі.
Бұған дейін Тараз қаласының №2 сотында мәжіліс депутаты Жигули Дайрабаевтың екі ұлы 5 жылға шартты түрде сотталған еді.
Облыстық соттың баспасөз қызметінің хабарлауынша, сотталғандардың шағымы апелляциялық алқаның өндірісінде қаралып жатыр.
Айта кетейік, бұған дейін сотта Жамбыл облысы әкімдігінің ауыл шаруашылығы басқармасы басшысының өсімдік шаруашылығы мәселелері жөніндегі орынбасары болған Ерлан Күлекеевтің, кәсіпкерлер Елжан Елібай, Марат Дайрабаев және Дидар Молдақалықтың субсидиялау қағидаларын бұзып, мемлекетке 550 849 430 теңге көлемінде шығын келтіргені анықталды.
Ерлан Күлекеев 6 жылға бас бостандығынан айырылды. Ол өмір бойы мемлекеттік қызметте лауазым атқара алмайды. Елжан Елібайды...

Фото: kursiv.media

Астанада «Оператор РОП» ЖШС басшылары мен бұрынғы экология вице-министрі сотталды, деп хабарлайды Kursiv.kz тілшісі.

Астана қаласының қылмыстық істер жөніндегі ауданаралық сотында «Оператор РОП» ЖШС басшылары мен бұрынғы экология вице-министріне қатысты қылмыстық іс қаралды.

Сотта «Оператор РОП» ЖШС үш басшысының 2016 жылдан бастап кезекпен экология вице-министрінің қолдауымен бірнеше рет аса ірі мөлшерде бюджет қаражатын ұрлағаны анықталды.
Келтірілген залалдың жалпы сомасы – 26,8 млрд теңге.

Сонымен қатар экология вице-министрі өз өкілетін асыра пайдаланып, заңсыз бұйрыққа қол қойған. Ол жерде кабель өнімдерін өндірушілер мен импорттаушыларға кеңейтілген міндеттеме енгізген. Салдарынан 325 млн теңгеден астам шығын келген.

Осы кезеңде «Оператор РОП» ЖШС басшылары...

Фото: kursiv.media

Енді қандай да бір лауазымды тұлғаның пара сұрағаны немесе пара алуға келіскені белгілі болса, ол заңмен жазаланады. «Ашық НҚА» поталында Қазақстан Республикасының кейбір заңнамалық актілеріне сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы заң жобасы талқыланып жатыр.

«Заң жобасы сыбайлас жемқорлыққа қарсы іс-қимыл саласындағы заңнаманы одан әрі жетілдіруге бағытталған және құқықтық реттеудің жаңа құралдарын енгізу жолымен жүйелі түрде сыбайлас жемқорлық көріністерінің алдын алу, құқық қолдану практикасында туындаған құқықтық олқылықтар мен коллизияларды жою жөніндегі нормаларды көздейді», делінген түсіндірме құжатта.

Осыған байланысты, сыбайлас жемқорлық қылмыстар тізіміне параны уәде ету/ұсыну, параны...

Біздің елімізде әлі үрдіске айнала қоймаған, десе де даму потенциалы жоғары саналатын жаңғырмалы энергия көзі бойынша өндіріс біртіндеп жолға қойылып келеді. Биыл бірінші тоқсан қорытындысы бойынша, Қазақстанда жаңартылатын энергия көздерінің белгіленген қуаты 2,5 мың МВт болған, бұл бір жыл бұрынғыдан бірден 22,3%-ға артық.

Белгіленген қуаттың басым бөлігі күн электр станцияларынан алынады екен. Оның үлесі 45,5 пайызды немесе 1,1 мың МВт-ты құрайды. Жылдық өсім – 5,1%. Елдегі барлық жаңартылатын энергия көздерінің тағы 43,9%-ы жел электр станцияларына тиесілі: 1,1 мың МВт, бір жылда 61,9%-ға өскен. Қалған қуаттар шағын су электр станцияларына (267,4 МВт, бір жылда 4,8%-ға азайған) және биоэлектр станцияларына (1,8 МВт...

Фото: kursiv.media

«QazInnovations» Инновацияларды дамыту жөніндегі ұлттық агенттігі» технологияларды коммерцияландыру жобасын іске асырудың 1-ші кезеңіне, сомасы 20 млн теңгеге дейін инновациялық гранттар беру бойынша конкурс басталатыны туралы хабарлайды.

«QazInnovations» Инновацияларды дамыту жөніндегі ұлттық агенттігі» АҚ Қазақстан Республикасы Цифрлық даму, инновациялар және аэроғарыш өнеркәсібі министрлігінің қолдауымен технологияларды коммерцияландыруға «Өнімді жетілдіру және жобаның инвестицияларды тартуын қоса алғанда, коммерцияландыру стратегиясын әзірлеу» жобасын іске асырудың 1-ші кезеңіне құны 20 млн теңгеге дейін инновациялық гранттар беру бойынша конкурстың басталатыны туралы хабарлайды», делінген баспасөз хабарламасында.

Инновациялық гранттар ғылыми және ғылыми-техникалық қызмет нәтижелерін коммерцияландыруға, оның ішінде ақпараттық-коммуникациялық технологияларды, аппараттық-бағдарламалы...

ЕуроОдақ ресейлік Россельхозбанктің еншілес ұйым құруына және ол ұйымды SWIFT жүйесіне қосуға рұқсат беру мәселесін талқылап жатыр. Ондағы мақсат Ресейдің астық экспорты үшін есеп-айырысуына мүмкіндік жасау. Бұл туралы Financial Times, жағдайдан хабардар дереккөздерге сілтеме жасап жазады.

Басылымға ақпарат берушілердің дерегінше бұл бастама маусым айында Брюссельде өткен ЕО-қа мүше елдер басшыларының саммитінде талқыланған. Қазір, ол мәселені заңгерлер қарастырып жатыр. Тараптар осы арқылы шілде айының ортасында мерзімі аяқталатын «астық мәмілесінің» мерзімін ұзартуға Ресейді көндірмек ниетте. Сонда ғана қара теңіз порттарында бөгеліп қалған украин астығын алып шығуға мүмкіндік туады.

2022 жылдың шілде айында Ресей, Украина мен Түркия Б...

Қорғаныс министрлігі депутат Дәулет Тұрлыхановтың ұлы Нұрасыл Болаттың әскери бөлімнен қашып кеткенін растады.

Министрліктің хабарлауынша, 2023 жылдың 2 шілдесінде Қонаев гарнизонының әскери бөлімдерінің бірінде мерзімді қызметін өткеріп жатқан қатардағы жауынгер Нұрасыл Болат қамауға алу мерзімі аяқталғаннан кейін (бұйрыққа бағынбау немесе оны өзгедей орындамағаны үшін гауптвахтада ұстау түрінде әкімшілік жауапкершілікке тартылды) әскери қызметшінің сүйемелдеуімен әскери бөлімнің орналасқан жеріне қайтып бара жатқан кезінде белгісіз бағытта қашып кеткен.

«Әскери қызметшінің орналасқан жерін анықтау бойынша іздестіру іс-шаралары ұйымдастырылды. Аталмыш факті бойынша қызметтік тексеріс тағайындалды», – делінген ресми ақпаратта.

Бұған дейін заңгер Анна Чернова депутаттың ұлы әскери бөлімнен қашып кеткенін...

Фото: kursiv.media

Solva брендімен жұмыс істейтін «ОнлайнКазФинанс» микроқаржы ұйымы артықшылықты акциялар бойынша 7,3 млрд теңге дивиденд төледі. Бұл туралы Қазақстан қор биржасының (KASE) сайтындағы хабарламада айтылды. Бұл қаражат жарғылық капиталды толықтыруға жұмсалады.

KASE-де жарияланған құжатта артықшылықты бір акцияға шаққандағы төлем мөлшері 730 мың теңге болатыны айтылған. Сонымен бірге өткен аптада компания ұйымдастырылмаған нарықтағы биржаға бағалы қағаздарды орналастырғаны туралы хабарлады. Бір акциясы 100 теңгені құрайтын 10 мың артықшылықты акцияны орналастыру жоспарланған болатын. Шығарылымның жалпы сомасы 1 миллион теңгені құрайды. Артықшылықты сатып алу құқығы акционерлерге, сондай-ақ ұйымның бағалы қағаздарының иелеріне тиесілі болды.

Solva Курсивке артықшылықты акциялар бойынша дивидендтер 29 маусымда төленгенін...

Алматының индустриялды аймағында биыл жалпы сомасы 15 млрд. теңгеге 5 жобаны іске қосу жоспарлануда. Соның негізінде мыңдаған жұмыс орны құрылады.

«Алматы индустриалды аймағы» ЖШС бас директоры Әлішер Сатыбалдиевтің айтуынша, онда түрлі өндіріс орындары ашылады.

«VALTHERM компаниясы – биметалды алюминий радиаторларын өндіретін зауыт ашады, «Green Innovation 2030» бірегей микроклоналды жылыжайы, «Ирригатор Қазақстан» тамшылатып суару бұйымдарын өндіру зауыты, «БСФ» лак-бояу зауыты, сондай-ақ «Әлем Тынысы» салқындатқыш сұйықтықтарын өңдеу зауыты болады» , – деді Әлішер Сатыбалдиев.

Оның мәліметі бойынша, биыл жалпы сомасы 11 млрд.теңгеге 5 жобаның құрылыс монтаждау жұмыстарын аяқтау жоспарлануда. Қазіргі уақытта Astana Motors Manufacturing Kazakhstan, Halavet...

А.Мұхамедиұлының зайыбы экс-министрдің қылмыстық жазасын жеңілдету және қамаудан босату үшін сот органдарының лауазымды адамдарына 460 мың доллар пара беруге оқталған. Ал, Мұхамедиұлының адвокаты пара беруге итермеледі деген күдікке ілінді, деп хабарлады сыбайлас жемқорлыққа қарыс іс-қимыл агенттігі.

«Жасырын іс-шаралар кешенінің нәтижелері бойынша пара беруге оқталған ҚР Мәдениет және спорт экс-министрі А.Мұхамедиұлының зайыбы әшкереленді. Cондай-ақ аталғандардың мүдделерін қорғауды жүзеге асырған адвокат алаяқтық пен пара беруге итермелеу күдігімен ұсталды. А. Мұхамедиұлының қылмыстық жазасын жеңілдету және қамаудан босату сылтауымен қорғалушының зайыбынан сот органдарының лауазымды адамдарына беру үшін пара ретінде 460 000 АҚШ доллары сомасында ақшалай қаражат алған» ,делінген...

Фото: Орталық коммуникациялар қызметі

Алдағы екі-үш жылда елордада бюджет тапшылығы болады. Бұл жайлы Астана қаласының мәслихатында қала әкімі Жеңіс Қасымбек айтты.

Әкімнің сөзінше, бюджеттің меншікті кірістері 56 млрд теңгеге ұлғайып, 696,4 млрд теңгеге жеткен.

«LRT құрылысын аяқтау үшін бізге 300 миллиард теңгеден астам қаражат қажет. Кәріз мәселесі бөлек тақырып. Мен тіпті оларға кететін шығындар туралы айтқым келмейді. Жүздеген миллиард теңге қажет болады. Соған сай біздің жоспарымыз да үлкен. Оларға Президенттің ерекше назар аударуымен жүзеге асырамыз деп үміттенемін. Бұл орайда 2024 жылға арналған бюджеттің көптеген мәселелері шешіледі деп сенем. Жалпы, алдағы екі-үш жыл күрдел...

Ұлттық банк қабылдаған шаралардың нәтижесінде инфляция бәсеңдеп келеді және банк болжамына сай қалыптасып отыр. Бұл туралы Қасым-Жомарт Тоқаевтың қабылдауында болған Ұлттық банк төрағасы Ғалымжан Пірматов мәлімдеді.

Ол сонымен қатар Президентке Ұлттық банктің биылғы бірінші жартыжылдықта жүзеге асырған ақша-кредит саясатының алдын ала қорытындылары жөнінде есеп берілді.

«Әлемдегі және Қазақстандағы экономикалық ахуал, инфляция факторлары мен оны төмендету үшін қабылданып жатқан шаралар, төлем балансының динамикасы, сондай-ақ БЖЗҚ, Ұлттық қор активтері мен алтын-валюта резервтерінің жай-күйі туралы баяндалды.», делінген хабарламада.

Пірматов Президентке Ашық банкинг тұжырымдамасын қолданысқа енгізу және төлем нарығын реттеу мәселелері жөнінде мәлімет берді.

«Кездесу соңында Мемлекет басшысы ақша-кредит саясатын тиімд...