Жаңалықтар

2030 жылға қарай Қазақстан мен Қытай арасындағы өзара сауданы $35 млрд-қа дейін жеткізу үшін ел үкіметі белсенді түрде жұмыс істеуге дайын. Бұл туралы ҚР Премьер-Министрі Әлихан Смайылов ҚХР-дың Қазақстандағы Төтенше және Өкілетті Елшісі Чжан Сяомен кездесуі барысында мәлімдеді.

Тараптар сауда-саттық, инвестициялар тарту, өнеркәсіп, энергетика, ауыл шаруашылығы, көлік және логистика, цифрлық технологиялар, трансшекаралық өзендерді пайдалану және т. б. салалардағы мемлекетаралық ынтымақтастықтың кең ауқымды мәселелерін талқылаған.

Премьер-Министр Қазақстанның жалпы тауар айналымының 18%-ын құрайтын Қытай еліміздің ірі сауда серіктестерінің бірі екенін атап өтті. Сондай-ақ ҚХР мемлекетіміздің экономикасына инвестиция салатын ТОП-5 елдің қатарына кіреді.

«Біздің елдеріміздің ауыл...

 Қазақстанның квазимемлекеттік секторы ұйымдарының бірінде желінің шифрлаушы вируспен зақымдалғаны анықталған.  Шифрді ашу үшін зиянкестер ақысын биткойнмен төлеуді талап еткен,деп хабарлайды «Мемлекеттік техникалық қызмет» АҚ.

Алдын ала талдау ұйым  «Ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарды бекіту туралы» қаулы талаптарын сақтамағанын көрсетті.

«Сонымен, ұйымның барлық желісінен зиянкес домен контроллерін, үш дербес компьютер мен файлдық серверді кедергісіз зақымдаған», делінген хабарламада.

Мамандар дербес компьютерлердің біреуі толық шифрланғанын, ал жүйелік логтар тазартылғанын анықтапты.

Ақпаратқа сәйкес, мекеменің бүкіл пайдаланушылары үшін бір ғана есептік жазба жасалған – «X». Зиянкес RDP хаттамасын (Microsoft қашықтағы жұмыс үстелінің хаттамасы) пайдалана...

Cенат депутаттары «Салық және бюджетке төленетін басқа да міндетті төлемдер туралы» кодексіне, «Салық және бюджетке төленетін басқа да міндетті төлемдер туралы» кодексін қолданысқа енгізу туралы» заңына өзгерістер мен толықтырулар енгізу туралы» заң жобасын екінші оқылымда мақұлдады.

Сенат депутаты Бекболат Орынбековтың айтуынша, заң жобасын талқылау және оны екінші оқылымға дайындау барысында құжатқа өзгерістер мен толықтырулар енгізу қажет болды.

Бөлшек салық бойынша арнаулы салық режиміне қатысты режимді 2023 жылғы 1 қаңтардан бастап пайдалану мүмкіндігін беру, салық кодексінің бөлшек сауда жөніндегі тарауының қолданысын қалпына келтіру, қызмет түрлерін қоғамдық тамақтану саласы ғана емес, үкімет қаулысымен айқындалатын тізбесімен кеңейту туралы түзету енгізілген.

Қазіргі кезде Қазақстан банк секторының капитал қоры жеткілікті. Негізгі капитал коэффициенті (k1) 18,54%-ды, меншікті капитал коэффициенті (k2) 21,70%-ды құраған, деп жазады ranking.kz.

Бұл көрсеткіш заңда белгіленген нормадан айтарлықтай асып түседі, түрлі қаржылық қиындықтан шығуға мүмкіндік береді.

Жалпы кез келген елдегі қаржы жүйесінің тұрақтылық кепілі – сенімді банк секторы. Сарапшылардың айтуынша, қазіргідей қиын кезеңде Қазақстан Республикасының банк секторы тұрақтылық пен тиімділікті көрсетіп отыр. Оған жоғары пруденциалдық нормативтер көрсеткіші дәлел.

Егер ірі ЕДБ-лерді талдасақ, олардың бәрінде меншікті капиталы жеткілікті. Тек бұрынғы Сбербанк, қазіргі «Bereke» банк пруденциалды нормативтер талаптарын орындамаған.

Ең жоғары өнімбілік көрсетіп отырған – Jusan Bank:

ИИДМ даму министрі Марат Қарабаев қытайлық China Nonferrous Metals Mining (Group) Co., Ltd. металлургиялық компаниясының бас директорының орынбасары Лю Юй-мен кездесті. Тараптар Қазақстанда мыс балқыту зауыты жобасын жүзеге асыру бойынша ынтымақтастық мәселелерін талқылады. Бұл туралы ведомстваның баспасөз қызметі хабарлады.

Министрлік таратқан мәліметке сәйкес, бұл инвестициялық жобаны Қазақстан тарапынан «Қазақмыс корпорациясы» және «KAZ Minerals» компаниялары жүзеге асырады. Жоба бойынша зауыт жылына 300 мың тонна катодты мыс өндіреді.
«Жоба инвестицияларды тартып қана қоймай, ұзақ мерзімді кезеңге бірнеше жүздеген жұмыс орындарын құруды көздейді» делінген хабарламада.

Марат Қарабаев кездесуде бұл қытайлық компания бұған дейін бірнеше жобаны табысты жүзеге асырғанын атап өтті. Олардың қатарында...

Алматы көлік прокуратурасымен бухгалтерлік материалдарды зерделеу барысында «ҚТЖ-Жүк тасымалы»-«Алматы жүк тасымал бөлімшесі» филиалы лауазымды тұлғасының аса ірі мөлшерде ақша қаражатын ұрлау фактісі анықталды. Бұл туралы Бас көлік прокуратурасы хабарлады.

Ақпаратқа сәйкес, «К» есімді лауазымды тұлға, филиал қызметкерлері емес адамдардың банктік шоттарына 82 млн.теңгеден астам соманы аударған.

«Көрсетілген ақшалай қаражатты қаскүнем өз қажеттіліктеріне жұмсаған» делінген ақпаратта.

Осы факт бойынша материалдар экономикалық тергеу органдарына процестік шешім қабалдау үшін жолданып, Қылмыстық Кодекстің 189-бабы 4-бөлігі 2-тармағы, аса iрi мөлшерде кiнәлiге сенiп тапсырылған бөтен мүлiктi иемденiп алу немесе талан-таражға салу, бойынша сотқа дейінгі тергеп-тексеру басталған.

«Алматы қаласы Алмалы аудандық сотының 17.01.2023 жылғы үкімімен...

2022 жылдың 1 қаңтарынан бастап Қазақстанда шетелдік туристерден міндетті жарна — bed tax енгізілген еді. Былтыр ол алынбады, ал 2023 жылдың басынан еліміздің 30-дан астам қалалары мен аудандарында 1-5 пайыз аралығында бекітілген еді. Енді ол жарна пайызбен емес, АЕК-ке сай есептелмек. Астана, Алматы және Шымкент қалаларында bed tax 0,5 АЕК болса, қалған өңірлерде 0,2 АЕК-ті құрайды.

Бүндай шешім ҚР Мәдениет және спорт министрлігінің «Атамекен» ҰКП өкілдері, кәсіпкерлер мен қонақ үй бизнесі өкілдерімен кездесуі қорытындысында шығарылған.

«Бизнес өкілдері қолданыстағы тәртіпке өзгерістер енгізу бойынша көптеген тартымды ұсыныстар берді. Біз кәсіпкерлерді тыңдап, жарнаны есептеудің жаңа қағидатын қоса алғанда...

Бірінші наурызда Қазақстанда көктемгі шақыру науқаны басталды. Бұл жолы 18 мың сарбазды әскер қатарына алу жоспарланған. Бұл жөнінде Орталық коммуникациялар қызметінде өткен брифингте Қорғаныс министрінің орынбасары Дархан Ахмедиев хабарлады.

Биыл көктемде жалпы саны 18 мың адам, оның ішінде Қарулы күштерге 7 мыңнан астам адам, Ұлттық ұланға – 6 мыңнан аса, ҰҚК Шекара қызметіне – 3 мыңнан астам, Төтенше жағдайлар министрлігіне – 300, Мемлекеттік күзет қызметіне – 80-ге тарта адам шақырылады.

Жергілікті атқарушы органдардың шақыру пункттерінде 195 қалалық және аудандық шақыру комиссияларының жұмысы ұйымдастырылды.

Дархан Ахмедиев айтуынша, 40 шақты ЖООмен жасалған келісімге сәйкес, Отан алдындағы борышын өтеген жастар әскерден...

 Американдық General Motors автомобиль концерні (SPB: GM) Co. компания басшылығы қызметкерлерді жұмыстан шығаруды жоспарламайтынын айтқаннан кейін бір айдан кейін қысқарту туралы жариялады, деп MarketWatch-ке сілтеме жасай отырып, Интерфакс агенттігі хабарлайды.

Қанша адам жұмыстан шығатыны нақты айтылмаған. Қысқартуға шамамен 500 қызметкер ілігуі мүмкін деп хабарлайды Detroit News.

Өткен жылдың соңында GM-де 81 мыңға жуық адам толық мөлшерлемемен және 86 мың жұмысшы сағаттық жалақымен жұмыс істеді.

GM былтыр АҚШ-тағы сатылымды арттыра алды, дегенмен американдық автокөлік нарығы он жылдан астам уақыт ішінде ең төменгі деңгейге жетті. Компанияның төртінші тоқсандағы кірісі мен кірісі нарық күткеннен асып түсті және осындай оптимистік факторлардың аясында...

Заман талабына сай бүгінгі күні барлық салада цифрландыру жұмыстары қарқынды жүргізіліп жатыр. Бұл орайда ауылшарушылығы саласы да электронды жүйелерде жұмыс істеуге ыңғайлана бастаған. Осы орайда Орталық коммуникациялар қызметінде «Агроөнеркәсіптік кешенді цифрландыру» мәселесі талқыланды.     

Мал шаруашлығы

Жиынды өз баяндамасымен ашқан Ауыл шаруашылығы вице-министрі Бағлан Бекбауов мал шаруашылығында оң өзгерістер болып жатқанын айтты. Әсіресе, соңғы үш жылда мал басы айтарлықтай өскен екен. Ауыл шаруашылығы жануарлары тіркелген базада бүгінгі күні 25 млн жуық мал басы тіркеліпті.

«Бұл саланы дамытуға мемлекет тарапынан көп көңіл бөлініп жатыр. 2020 жылы елімізде 10,1 млн, 2021 жылы 12,1 млн, ал...

Қазақстан темір жолы Қытайдың Сиянь қаласындағы құрғақ порт аумағында терминал салатын болды. Осы мақсатта Қытай тарабы 8 гектар жер бөледі деп хабарлайды ҚТЖ баспасөз қызметі.

«Қазақстан темір жолы» ҰК» АҚ басшылығы 1 наурызда Қытайға ресми сапарлап, қала мэрі Ли Миньюан бастаған Сиань қаласы әкімшілігімен кездескен.

Кездесу барысында көлік маршруттары мен инфрақұрылымды дамыту мәселелері талқыланған.
Тараптар Сиань қаласы Қытайдың ең ірі көлік-логистикалық хабы екенін атап өтті.

«Оның аумағында «Сиань халықаралық сауда-логистикалық паркі» халықаралық құрғақ порты орналасқан. Осы құрғақ портқа жүктердің 40% Қазақстан тарапынан келеді, сондай-ақ мұнда ҚХР-ЕО қатынасымен жөнелтілген контейнерлік пойыздардың жалпы көлемінен контейнерлерд...

Тоғыз компанияның акцияларын қамтитын KASE индексі ақпан айында 1,2%-ға өсіп, 3 338,9 тармақты құрады, деп хабарлайды Қазақстан қор биржасы. Негізгі қазақстандық индекс үшінші ай қатарынан оң динамика көрсетіп отыр. Оған себеп – бағалы қағаздары индекске енгізілген бес компания акциялары құнының өсуі.

Қандай акциялар қымбаттады?

Көш басында Kaspi финтех тобының акциялары тұр. Бұл компания акцияларының құны ақпан айында 3,8%-ға өсіп, 34 843,14 теңгеге жетті. Айдың ең маңызды оқиғасы компанялар тобының былтырғы және тоқсандық қаржы есебін жариялауы болды. 2022 жылдың 4-тоқсан қорытындысы бойынша кірісі 40%-ға артып 4,6 млрд теңгеге жетсе, жылдық нәтижеде 1,3 трлн теңгені құраған.

Сондай-ақ, финтех...

Теңгедегі депозиттер бойынша 2023 жылдың сәуіріне қарасты шекті мөлшерлемелер өзгеріссіз қалып, наурыздағы мәндік деңгейінде сақталды. Ұлттық Банк 27 ақпанда базалық мөлшерлемені өзгеріссіз қалдыруына байланысты Қазақстанның депозиттерге кепілдік беру қоры осындай шешім қабылдаған.

«ҚДКБҚ екінші деңгейдегі банктер өзінің депозиттік өнімдері бойынша сыйақы мөлшерлемелері туралы өз бетімен шешім қабылдайтындығына назар аударады. Осыған байланысты банктер өзінің өтімділікке қатысты қажеттіліктеріне қарай, сондай-ақ қаржылық және экономикалық ахуалдарға іштей баға бере отырып, өзінің депозит өнімдері бойынша басқа сыйақы мөлшерлемелерін белгілеуге құқылы. Ол Қор бекіткен шекті сыйақы мөлшерлемелерінен айтарлықтай ерекше болуы мүмкін», делінген хабарламада.  

Депозиттердің түрі мен мерзімділігіне сәйкес шекті мөлшерлемелермен...

2023 жылғы ақпанда жылдық мәндегі инфляция деңгейі 21,3% құрады. Азық-түлік тауарларының бағасы 26,2%, азық-түлікке жатпайтын тауарлар 20,5%, ақылы қызметтер 15% өсті, деп хабарлайды Ұлттық статистика бюросы.

Бір айдың ішінде тұтыну бағаларының индексі 1,3% құрады. Ақпан айында азық-түлік тауарлары – 1,5%, азық-түлікке жатпайтын тауарлар – 0,8%, ақылы қызметтер 1,3% қымбаттаған.

Азық-түлік тауарлары арасында көкөніс бағасы айтарлықтай өскен. Айталық, пияз – 28,5%, қызанақ – 17%, ақбас қырыққабат – 10,9%, қияр – 9,8%, қызылша – 5,4%, тәтті бұрыш – 4,7%-ға қымбаттаған.

Азық-түлікке жатпайтын тауарлардың ішінде жуу және тазалау құралдарының бағасы біраз өскен. Мәселен, өткен аймен салыстырғанда кір сабын – 2,8%, кір жуу...

Өзбекстан Сыртқы істер министрі Бахтиёр Саидов пен АҚШ-тың мемлекеттік хатшысы Энтони Блинкен Ташкентте өткен кездесуде Орталық Азиядағы қауіпсіздікті нығайту және екі ел арасындағы іскерлік алмасу мәселелерін талқылады, деп хабарлайды Интерфакс агенттігі.

«Біз бизнес жүргізуге жағдай жасау, Өзбекстанның кадрлық әлеуетін арттыру, Орталық Азиядағы аймақтық қауіпсіздікті нығайту үшін күш-жігерімізді біріктіруге келістік», деді Саидов Telegram-каналында.

Ол сондай-ақ АҚШ үкіметінің Өзбекстан Президенті Шавкат Мирзиеевтің реформалық бағытын айнымас және толық қолдауын жоғары бағалайтынын атап өтті.

Күні кеше Қазақстанға ресми іссапармен келген АҚШ мемлекеттік хатшысы Энтони Блинкен ел президенті Қасым-Жомарт Тоқаев және премьер-министрдің орынбасары – сыртқы істер министр...

ЕҰУ магистранты Айнұр Полатова ұлттық ойындарды насихаттап, «Talapai» бірегей жобасын сәтті жүзеге асыруда. Биыл нәзік жан Парижде қазақ нақышы бар сөмкенің ерекше дизайнын таныстыруды жоспарлап отыр. Бұл туралы ҚР Ғылым және жоғары білім министрлігі хабарлады.

Осы жылдың сәуір айында Айнұр Louis Vuitton өкілдерімен кездесуді жоспарлап отыр. Оның киіз үй тәрізді сөмке жасау туралы ұсынысын әлемдегі әйгілі брендтердің бірі қолдап, дизайнды талқылауға Парижге шақырды.

«Жарнамадан Louis Vuitton біздің киіз үйге ұқсас дүкен ашқанын көріп қалдым. Бұл мені қызықтырды және мен оларға киіз үй тәрізді сөмке жасау туралы ұсыныс хат жаздым. Мен қазір ұлттық ойындарды дамыту үшін «Talapai» жобасын жүзеге асырып...

Қазақстаннан Сауд Арабиясына тауар шығаратын экспортерлар қатары тағы 19 компаниямен толықты деп хабарлайды АШМ баспасөз қызметі.

Бұған ҚР АШМ Ветеринариялық бақылау және қадағалау комитеті мен Сауд Арабиясының Азық-түлік және дәрі-дәрмек басқармасы арасындағы белсенді ынтымақтастықтың нәтижесінде қол жетіп отыр.

Сауд Арабиясына өнімді экспорттауға құқығы бар кәсіпорындардың тізіліміне  15 қазақстандық ет өңдеу зауыты және 4 бал мен ара шаруашылығы өнімдерін шығаратын компания енген.

Осылайша, тізілімде Сауд Арабиясының аумағына жануарлардан алынатын өнімдерді жеткізе алатын барлығы 34 отандық ауыл шаруашылығы тауарын өндірушісі бар.

Қазақстаннан Сауд Арабиясы Корольдігіне ет өнімдерін экспорттауға мақұлданған кәсіпорындардың тізімімен мына сілтеме арқылы танысуға болады...

ҚР Еңбек және халықты әлеуметтік қорғау министрлігі зейнетақы және әлеуметтік төлемдер, жәрдемақылар туралы анықтама беру процесін автоматтандырды. Енді бұл қызмет екінші деңгейлі банктердің мобильді қосымшалары арқылы алуға болады. Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады.

Бұрын бұл ақпаратты «Азаматтарға арналған үкімет» Мемлекеттік корпорациясы» КЕАҚ тұрақты тұратын жері бойынша бөлімшелерінен қағазға шығарып, алуға болатын еді.

Қызметті автоматтандыруға үлкен сұраныс туды. Өйткені, тек 2022 жылы 210 мыңнан астам адам осындай анықтама алған.

ЕХӘҚМ ЕДБ-мен бірлесіп 15 минут ішінде мобильді қосымшалар арқылы электрондық форматта осы деректерді алу мүмкіндігін іске қосты.

Анықтаманың цифрлық нұсқасында, алынған және белсенді төлемдерд...

АҚШ-тың төлем алпауыттары Visa  мен Mastercard криптовалюта фирмаларымен жаңа серіктестік орнату жоспарларын кейінге қалдырып жатыр. Оған себеп бұл салаға деген сенімнің азаюы деп жазады Reuters агенттігі.

«2022 жылы криптовалюта индустриясынан сәттілік теріс айналғандай болды. Өйткені былтыр саладағы FTX және BlockFi сынды ірі компаниялар банкротқа ұшырап, инвесторларды дүр сілкіндірді. Соның салдарынан сектордағы реттеуші бақылауды күшейтті», дейді Reuters агенттігі.

VISA мен MasterCard екеуі де нарықтағы жағдай мен реттеуші орта жақсарғанға дейін криптовалютаға қатысты қатысты кейбір өнімдер мен қызметтердің іске қосылуын кейінге қалдыру туралы шешім қабылдаған.

Криптовалюта – бұл цифрлық немесе виртуалды нысандағы валюта түрі, оны...

Биыл қаңтар айында Қазақстанда 42,5 мың тонна нан өндірілді. Бұл бір жыл бұрынғыдан 2,3%-ға артық. Бұл туралы Energyprom.kz хабарлады.

Ең көп өндіріс Түркістан облысында байқалды: 10,2 мың тонна. Бұл республикадағы жалпы өнім көлемінің 23,9%-ы. Екінші және үшінші орында Алматы (4,5 мың тонна, 13,2% көбейген) және Ақтөбе облысы (4,4 мың тонна) болды. Өндіріс ең аз өңір — Ұлытау облысы (401 тонна).

Жалпы, қаңтар–желтоқсанда елімізде 518,6 мың тонна нан өндірілді, бұл бір жыл бұрынғыдан 1,6%-ға аз. Өндірістің ең көп көлемі бидай нанына тиесілі: 31,6 мың тонна, былтырғымен шамалас.

Бұл ретте қара бидай наны өндірісі 18,2%, 1,9 мың тоннаға, қара бидай мен бидай...

Қазақстанда өзін-өзі жүмыспен қамтығандар қатары 2,1 миллонға жуық. Олардың басым бөлігінің табысы аз. Айына миллион теңгеден астам табыс табатындар саны 6 мың ғана, деп жазады ranking.kz.

Миллионер кәсіпкерлерің қатары өңірлерде біркелкі емес. Табысы 1 млн теңгеден өзін-өзі жұмыспен қамтушылардың 89%-ы алматылықтар (5,3 мың адам) екен. Тағы 9 пайызы, яғни 541 адам Астана қаласы мен Ақмола облысында тұрады. Маңғыстау және Ұлытау өңірлерінде 2 пайызы қоныстанған. Басқа өңірлерде миллиондаған табысы бар өзін-өзі жұмыспен қамтығандар жоқ.

Неге қатары азайды?

ҚР Ұлттық статистика бюросының мамандары 2022 жылдан бастап өзін-өзі жұмыспен қамтығандардың табысын есептеу шкаласын өсірді. Қазір ауқатты кәсіпкерлер мен тәуелсіз...

Ақпан айының қорытындысы бойынша, теңге бағамы 1 АҚШ доллары үшін 445,66 теңгеге дейін 3,2%-ға нығайды. Қазақстан қор биржасындағы сауда-саттықтың бір күндегі орташа көлемі бір айда 103-тен 130 млн АҚШ долларына дейін ұлғайды. Бұл туралы Ұлттық банктен хабарлады.

«Сауда-саттықтың жалпы көлемі 2,6 млрд АҚШ долларын құрады. Бір ай ішінде валюта нарығы сұраныс пен ұсыныс тұрғысынан теңгерімді болып, айырбастау бағамы нарық талаптарына сай қалыптасты. Бағамның нығаюы «салық кезеңі» факторымен және шетелдік инвесторлардың ҚР мемлекеттік бағалы қағаздарға кіруімен де байланысты болды» делінген ақпартта.

ҰБ дерегінше квазимемлекеттік сектор субъектілерінің валюталық түсімін сатуы өткен айда шамамен 295 млн АҚШ долларын құраған. Айта кету...

Қазақстанда қатерлі ісікке шалдыққан науқастарды интегративті медицина көмегімен емдеу әдісі қолданыла бастады. Мұндай медицина клиникалары онкологиямен күресудің жаңа әдістерін қолданады. Жарты жылда  емделген 300-ге жуық адам қатерлі аурудан айыққан. Бұл туралы «Интегративті медицина – онкологияны емдеуге болады» тақырыбында өткен басқосуда дәрігер Дмитрий Раевский хабарлады.

Интегративті медицина клиникаларында онкопсихология әдістері мен қатерлі ісікпен күресу үшін табиғи иммуностимуляторлар қолданылады. Оның арқасында мамандар лейкемия, сүт безі қатерлі ісігі, ми ісіктері секілді ауыр диагноздар қойылған науқастарды емдеуде сәтті нәтижелерге жеткен. Дәрігердің айтуынша, бұл тәсіл қатерлі ісікке қарсы емдеудің ресми хаттамаларына қайшы келмейді.

«Әр адамда күн сайын қатерлі ісік жасушалары пайда болады. Адамның иммунитеті оларды...

Жаңа ғимараттарда тұратын алматылықтардың үштен бірінен астамы Түркияда болған оқиғаға байланысты пәтерден жер үйге көшу туралы ойлана бастаған.

Olx.kz сарапшылары 2023 жылғы 6 ақпанда Түркияда болған жойқын жер сілкіністеріне байланысты Алматының тұрғын үй жылжымайтын мүлік нарығын бағалады. Зерттеу «пәтер» және «жер үй» санаттарындағы ұсыныстар нарығында шамалы өскенін, сондай-ақ бастапқы тұрғын үйге шаршы метрдің орташа құнының ұлғайғанын анықтады. Түркиядағңы оқиғадан кейін, алматылықтар арасында жүргізілген сауалнама жаңа ғимараттарда тұратындардың 35%-ы пәтерден жеке үйге көшу туралы ойлана бастағанын көрсетті.

Сауалнама барысында қала тұрғындарының жартысына жуығы жеке секторда тұратыны анықталды (47%). Пәтерлерде тұратындардың 70%-дан астамы ескі тұрғын үй қорына басымдық береді екен.

Жалпы...