Жаңалықтар

Шымкент қаласының прокуратурасы балалардың сауықтыру лагерлерінің қызметінен балалардың өмірі мен денсаулығына кері әсер ететін бұзушылықтарды анықтады, деп хабарлайды қалалық прокуратураның баспасөз қызметі.

Атап айтқанда, «Hawaii» лагері өртке қарсы дабыл жүйесімен жабдықталмаған және міндеттелген санитарлық-эпидемиологиялық қорытындысыз жұмыс істеген. 2023 жылы бұл лагерьге 478 баланы орналастырылған.

Сонымен бірге 220 бала орналастыруы тиіс «Үш бұлақ» лагері іс жүзінде 310 оқушы қабылдаған. Нәтижесінде бір баланың ұйықтайтын орны 4 шаршы метрдің орнына 2,8 шаршы метрге дейін қысқарған.

Лагерьлерден бұдан басқа кемшіліктер анықталған.

«Лагерьлердің көптеген қызметкерлері еңбек шартынсыз жұмыс істеген, медициналық қызметті біліктілігі жоқ және медбике маманының сертификаты жоқ адам көрсеткен...

Биыл бірінші сыныпқа баратын оқушылардың шамамен 70% қазақ тілінде білім алуды таңдаған. Бұл жайлы Оқу-ағарту министрлігінің  баспасөз қызметі  хабарлады.

«Жаңа 2023-2024 оқу жылында еліміздің мектептерінде 3,9 миллион оқушы білім алады, оның ішінде 364 мың бала бірінші сыныпқа қабылданады. Балалардың 68,2 пайызы мемлекеттік тілде оқуды таңдады», делінген баспасөз хабарламасында.

Жалпы, қазақ тілінде білім алуды таңдайтын оқушылар саны жыл сайын артып келе жатқанын байқауға болады. 2021 жылы балалардың 64 пайызы қазақ тілінде білім алуды таңдаған. Ал биыл бұл көрсеткіш 4,2%-ға артып отыр.

Бірінші сыныпқа қабылданушы оқушылар, әсіресе, Алматы қаласында, Түркістан
және Алматы облыстарында көп. Соның ішінде балалардың мемлекеттік тілде...

Қазақстанның жалпы ішкі өнімінің (ЖІӨ) өсімі 4,8%-ға дейін көтерілуі мүмкін. Бұл туралы Ұлттын банктің төрағасының орынбасары Виталий Тутушкин айтты.

Оның сөзінше, PMI жаһандық композиттік индексі шілдеде 51,7 мәнін көрсетті. Өндіріс пен жаңа тапсырыстардың өсімі баяулағанда қызмет секторы есебінен оң іскерлік белсенділік сақталды.

«Қазақстанда іскерлік белсенділік те оң аймақта қалып, қызметтер мен өндіріс секторлары есебінен индекс 50,7 деңгейінде қалыптасты. Бизнес-климат индексін білдіретін бизнестің қазіргі және келешек жағдайын бағалау 16,0 мәніне дейін өсті», – деді төрағасының орынбасары Үкімет отырысында.

Биыл шілдеде Халықаралық валюта қоры жаһандық экономиканың өсу болжамын 3,0%-ға дейін арттырды, оған Қытай мен Үндістан айтарлықтай үлес...

Биыл қаңтар-шілдеде министрліктер 78 млрд теңгені, облыстар 83 млрд теңгені игере алмаған. Бұл туралы Премьер-министрдің орынбасары – Қаржы министрі Ерұлан Жамаубаев мәлімдеді.

Үкімет отырысында министр премьер-министр Әлихан Смайыловқа 7 айдың қорытындысы бойынша мемлекеттік қаржының атқарылу көрсеткіші туралы есеп берді.

Жамаубаевтың айтуынша, мемлекеттік бюджетке 10,4 трлн теңгеден аса кіріс, республикалық бюджетке 6,8 трлн теңге кіріс түскен.

«Республикалық бюджет бойынша 12,8 трлн теңгеге шығыстар жүргізілді. Атқарылмау – 95 млрд теңге. Оның ішінде үнемдеу – 17 млрд теңге. Игерілмегені – 78 млрд теңге. Игерілмеудің неғұрлым ірі сомалары Экология және табиғи ресурстар, Мәдениет және спорт, Төтенше жағдайлар, Индустрия және инфрақұрылымды...

Қаңтар-шілдеде Қазақстан экономикасының өсу қарқыны 4,8%-ті құрады. Бұл туралы Ұлттық экономика министрі Әлібек Қуантыров Үкімет отырысында айтты.Министрдің айтуынша, нақты сектор – 4,6%-ға, ал қызмет көрсету саласы – 4,7%-ға өсті.

«Негізгі салалардың барлығында оң динамика байқалады, әсіресе құрылыс, сауда, сондай-ақ ақпарат және байланыс ең жоғары өсуді көрсетті. Негізгі капиталға салынған инвестициялардың өсу қарқыны 12,4%-ды құрады», – деді Қуантыров.

Инвестициялар ағыны көлік және қоймалауда – 57,7%, білім беруде – 24,3%, саудада – 22,6%, ауыл шаруашылығында – 21,3%, сондай-ақ өнеркәсіпте – 9%, оның ішінде тау-кен өндіру өнеркәсібінде – 8,4%-ға өсті. Өңірлер арасында ең жоғарғы өсім Абай, Маңғыстау, Батыс...

Әуе компаниялардың табысы рекордтық көрсеткіштерге жетті, деп хабарлайды @DataHub телеграм арнасы. Ұлттық статистика бюросының деректері бойынша 2023 жылдың шілдесінде әуе тасымалымен айналысатын кәсіпорындардың кірісі 80,5 млрд теңгені құраған. Ал бір жыл бұрын бұл көрсеткіш 73,6 млрд теңге болған.

Ағымдағы жылдың 7 айында компаниялардың жиынтық табысы өткен жылдың сәйкес кезеңінде 276,8 млрд теңгені құраса, биыл 418,1 млрд теңге болды.

Көрсеткіштердің көтерілуіне жолаушылар ағынының артуы әсер етті. Себебі әуе компанияларына негізгі кіріс жүк тасымалынан емес, адам тасымалдаудан түседі. 2023 жылдың қаңтар-шілде айында әуе кемелерінің қызметін пайдалаған жолаушылар саны 7,3 млн адамды құраған. Бұл көрсеткіш бір жыл бұрынғыдан 26,1%-ға арты...

Қазақстан жол ғылыми-зерттеу институтында жол-құрылыс материалдары мен жаңа технологиялардың бірыңғай базасын құру үрдісі аяқталды. IT жоба ҚР ИИДМ Автомобиль жолдары комитетімен мақұлданып жүйе пилоттық режимде пайдалануға берілді, деп хабарлайды министрліктің баспасөз қызметі.

Комитет «ҚазАвтоЖол» ҰК» АҚ, Жол активтері сапасының ұлттық орталығы және жобалаушылар қауымдастығына, сондай-ақ мердігер ұйымдар мен басқа да мүдделі тұлғаларға  www.rcmbase.kz сілтемесі бойынша жаңа салалық ақпараттық жүйемен танысуды ұсынады.

Комитеттің құжаттарында автожолдарды орташа  және күрделі жөндеу, олардың құрылысы мен реконструкциялау кезінде, сондай-ақ жобалау сметалық құжаттама әзірлеу барысында құрылыс материалдары мен технологияларды аталған бірыңғай базада ұсынылған карьерлердің, битум және асфальт зауыттарының материалдарын ескеріп, пайдалануы қажет екендігі атап өтілді.

«Бірыңғай база – ҚазжолҒЗИ-дың әзірлемесі. Бұл бағыттағы жұмыс өткен жылдың соңында басталған. Жоба жолдардың сапасын жақсарту бойынша ұсынылған міндеттерге жауап беретін тиімді механизм ретінде ұсынылды. Заманауи цифрлық өнім құрылыс материалдары мен жол құрылысы технологияларын пайдалануды жүйелеуге, жолдарды жобалауды ашық әрі сапалы етуге мүмкіндік берді. Адами факторларға байланысты тәуекелдер барынша азайтылады», дейді «ҚазжолҒЗИ» АҚ жол-құрылыс материалдары және жаңа технологиялар бөлімінің басшысы...

ҚМА қызметкерлері фискалдық органдардың жалған қызметкерін әшкереледі, деп хабарлайды агенттіктің баспасөз қызметі.

«ҚМА Ішкі қауіпсіздік департаменті елордалық экономикалық тергеп-тексеру департаментімен бірлесіп өзін фискалдық органдардың қызметкері ретінде таныстырып, кәсіпкерлерді ойдан шығарылған қамқорлық үшін заңсыз сыйақы беруге мәжбүрлеген азаматты ұстады», делінген баспасөз хабарламасында.

Жүргізіліп жатқан тергеу материалдарына сәйкес, аталған азамат кәсіпкерден моральдық қысым көрсетіп, 300 мың теңге көлемінде ақша талап еткен. Бұл жайт мессенджердегі хабарлама және аудиожазбалармен расталған. Жалған қызметкер қажетті соманың екінші жартысын алу кезінде парамен ұсталған. Қазіргі таңда тергеу амалдары жүргізілуде.

Батыста электр энергиясының шектелуіне байланысты мұнай өндіру көлемі азайды. Бұл жайлы Энергетика министрлігінің баспасөз қызметі хабарлады.

«Энергия көздеріндегі үзілістерге байланысты Маңғыстау облысында мұнай өндіру көлемі төмендеді. Бұл кезегінде жыл соңына дейін өндірілетін мұнай көлеміне әсер етеді. 2023 жылға мұнай өндіру болжамы 7 айдағы жоспар бойынша 90,5 млн тонна болуы тиіс болған. Қазіргі таңда бұл уақытта өндірілген мұнай көлемі 99,4% құрайды», делінген баспасөз хабарламасында.

Баспасөз қызметі сонымен бірге Қазақстан ОПЕК+ келісімі бойынша міндеттемелерді орындау жөніндегі ниетін жүзеге асыратынын ескерткен.

«Министрлік Маңғыстау облысындағы энергия көздеріндегі үзілістердің әсеріне байланысты өндіріске одан әр...

Сауда-саттық қорытындысы бойынша, 11 тамызда теңгенің нарықтық бағамы бір аптада 0,1%-ға (445,29 теңгеден) біршама әлсіреп, 1 АҚШ доллары 445,81 теңгені құрады. Бұл туралы ҚР Ұлттық Банк баспасөз қызметі хабарлады.

2023 жылғы 4-11 тамыз аралығында сыртқы қаржы нарығында бірқатар маңызды оқиға болды. Талдаушылардың болжамы бойынша, Америка экономикасының статистикалық деректері жағымды көрініс тауып, соның аясында мөлшерлеменің қосымша арту ықтималдығы төмендеп келеді. Олардың пікірінше, тұтыну бағаларының индексі жайлы деректер, инфляциялық күтудің төмендеуі мен жұмыссыздық бойынша жәрдемақы алуға арналған өтінімдердің көбеюі – инфляцияның баяулағанын көрсететін индикатор. Мысалы, тұтыну бағаларының индексі айлық есеп бойынша шілдеде 0,2%-ға өсіп жылдық есеп бойынша, ФРЖ-ның 2% нысаналы көрсеткішіне...

Алматы гарнизонының әскери сотымен кәмелетке толмаған Айкөркем Мелдеханның өліміне әкеп соққан билікті асыра пайдаланды (ҚР ҚК 1-тармағының 451-бабы 2-бөлігі) деген айыппен әскери қызметші А.И.Жұманға қатысты қылмыстық іс қаралуда. Бұл туралы Бас әскери прокуратура баспасөз қызметі хабарлады.

Сот процесі іс материалдарында жариялауға жатпайтын құпия құжаттардың болуына байланысты жабық режимде өтуде.

Бүгін қайтыс болған Айкөркемнің әкесі – Айдос Мелдехан БАҚ өкілдеріне мемлекеттік құпияларға рұқсаттың болмауынан сот процесіне жіберілмейтінін айтты.

Айдос Мелдеханға мемлекеттік құпияларға рұқсатты рәсімдеу бірнеше рет, оның ішінде а.ж. 19 шілдеде Бас әскери прокуратура басшылығымен жеке қабылдауда ұсынылғанын мәлімдейміз. Алайда ол оны рәсімдеуден және арнайы тексеруден өтуден бас тартты.

Бұл...

Фото:ҚазМұнайГаз

«ҚазМұнайГаз» ҰК АҚ (ҚМГ) Акционерлерінің бүгінгі кезектен тыс жалпы жиналысының (АКЖЖ) қорытындысы бойынша  Ернат Бердіғұлов ҚМГ Директорлар кеңесінің (ДК) төрағасы болып сайланды.

Е. Бердіғұлов 2010 жылы Торонто университетінде (Канада) «Мемлекеттік саясат және халықаралық зерттеулер» мамандығы бойынша бакалавр дәрежесін, 2018 жылы Уорвик университетінде (Ұлыбритания) «Іскерлік басқару» мамандығы бойынша магистр дәрежесін алды және қазіргі уақытта Гарвард көшбасшылықты дамыту институтында (АҚШ) білім алуда.

Осыған дейін Whiteshield Partners компаниясында жобалар жетекшісі, сондай-ақ «Самұрық-Қазына» АҚ-да стратегия, тұрақты даму және цифрландыру жөніндегі бірлескен басқарушы директор ретінде қызмет етті. Қазіргі уақытта «Самұрық-Қазына» АҚ-ның стратегия және активтерді басқару жөніндегі басқарушы директоры қызметін атқарады.

ҚМГ Директорлар кеңесінің бұрынғы...

14 тамызда энергетикалық қадағалау комитеті төрағасының орынбасары Қостанай және Рудный ЖЭО-да жұмыс сапарымен барды. Бұл туралы Энергетика министрлігінің баспасөз қызметі хабарлады.

ЖЭО-1 бойынша «Қостанай ЖЭК» МКК № 1 және 2 энергетикалық қазандықтарға жөндеу жұмыстары аяқталды.

Ағымдағы жылдың 26 қыркүйегіне дейін № 2 түтін құбырын күрделі жөндеу жұмыстары жүргізіледі. ЖЭО – 2 бойынша № 5 энергетикалық қазандықты күрделі жөндеу 1-ЖЭО және жылу желілерін жөндеу жұмыстарына жеке жөндеу персоналының назарын аударуына байланысты кешіктіріліп жатыр. Қызметкерлердің тапшылығы байқалды.

«ССКӨБ» АҚ Рудный ЖЭО-да № 5 энергетикалық қазандыққа жөндеу жұмыстары аяқталды. Жөндеуде № 4 су жылыту қазандығы, № 2, 6 энергетикалық қазандықтар.

Ағымдағы...

Журналист Сандуғаш Дүйсенова Жетісу облыстық прокурорынан көмек сұрады. Видеоүндеуде ол өзінің кінәсіз екенін дәлелдей алатынын айтқан.

«Мен Жетісу облысының прокуроры Мадияр Бекенұлынан көмек сұрағым келеді. Жетісу облысының полиция қызметкерлері менің конституциялық құқығымды бұзды, менде көптеген дәлелдер бар, сондықтан бүгін қабылдауыңызды сұраймын», деген журналист.

11 тамыз күні кешке қарай Дүйсенованы полиция қызметкерлері ұстап алып, уақытша ұстау изоляторына қамаған. Оны ҚР Қылмыстық кодексінің 147-бабына сәйкес, «Жеке өмiрге қолсұғылмаушылықты және Қазақстан Республикасының дербес деректер және оларды қорғау туралы заңнамасын бұзу» деген айыппен қамауға алған. Ал 12 тамыз күні таңертең Дүйсенова кепілмен босатылып шығады...

Қазақстан тарапы Еуропа Парламент депутаттарымен визалық режимді жеңілдетуді, санкция салдарынан қорғауды талқылайды. Бұл туралы Сыртқы істер министрлігінің ресми өкілі Айбек Смадияров мәлімдеді.

Оның айтуынша, биыл 21-23 тамызда Еуропа Парламентінің сыртқы комитетінің төрағасы Дэвид Макаллистер бастаған депутаттар делегациясы Қазақстанға келеді.

«Сапар аясында Еуропа Парламент делегациясын Президенттің мемлекеттік кеңесшісі Ерлан Қарин, Мәжілістің халықаралық істер, қорғаныс және қауіпсіздік комитетінің төрағасы Айгүл Құспанмен, Қазақстанның адам құқығы жөніндегі уәкілі Артур Ластаевпен және бірқатар мемлекеттік органның басшыларымен кездесуі жоспарланған», – деді Смадияров.

Келіссөз барысында тараптар Қазақстан мен Еуропалық Одақпен, оған мүше елдер арасындағы кеңейтілген әріптестік және ынтымақтастық туралы келісімнің іске асырылуы...

Оңтүстік Корея шекарасын заңсыз кескен қазақстандықтар жақында елге оралады. Бұл туралы Сыртқы істер министрлігінің ресми өкілі Айбек Смадияров хабарлады.

«Олар сот шешімі шыққан соң айыппұлды төледі (1 млн теңгеден астам). Азаматтарымыз жақын арада Қазақстанға оралады деп жоспарланып отыр», – деді Айбек Смадияров.

Бұған дейін Оңтүстік Кореяда заң бұзған қазақстандықтарға сот үкімі шықты.

«10 тамызда Корея Республикасының мемлекеттік шекарасын 2023 жылдың наурызында заңсыз кесіп өткен Қазақстанның екі азаматына қатысты сот үкімі шықты. Инчхон қаласының аймақтық соты Қазақстан азаматтарының әрқайсысына 3 млн корей вон көлемінде (1 млн теңгеден астам) айыппұл салу, одан...

Tesla Қытайдағы Model Y электромобильдерінің бағасын төмендетті. Бұл туралы Іnterfax.ru хабарлады.

13 тамызда компания бағаны екі Мodel Y жол талғамайтын көлік конфигурациясына 14 мың юаньға (1,93 мың доллар) азайтты. Осылайша, Long Range нұсқасы 4,5% – ға, ал Performance 3,8%-ға арзандады.

Уақытша науқан бойынша Tesla сатып алушыларға өндірушінің кіші моделі – Model 3 сақтандыруға 8 мың юань көлемінде субсидия ұсынды.

Соңғы бір жыл ішінде Tesla өзінің электромобильдерінің бағасын бүкіл әлем бойынша өзгертті.

Елде сатылатын кейбір Tesla модельдерінің бағасы 15% – дан астам төмендеді. Бұл Қытайдағы жеке автомобиль конфигурацияларының АҚШ пен Еуропаға қарағанда екі есе арзан болуына әкелді. Сондықтан Американды...

Түркиядағы жол апатынан зардап шеккен бір науқас ауруханада емделіп жатыр. Бұл туралы Сыртқы істер министрлігінің ресми өкілі Айбек Смадияров хабарлады.

«Көпшілігі Қазақстанға оралды. Біреуі (Түркиядағы) ауруханада емделіп жатыр. Қалғандарының жағдайы жақсы», – деді Смадияров.

Айта кетейік, 2023 жылдың 30 шілдесінде таңертең Аланияда Қазақстанның 12 азаматын тасымалдаған шағын автобус жол апатына түсті. Автобуста болған 12 қазақстандықтың екеуіне операция жасалды.

Жол апатынан кейін жағдайды және азаматтардың денсаулығын білу үшін, қазақстандық консул дереу Аланияға барып, медициналық мекемелерде зардап шеккен отандастарымен кездесті.

Жол апаты салдарына екі қазақстандық қайтыс болды.

Қазақстан Ресей тарапынан да, Өзбекстан тарапынан «үш жақты газ одағын» құру туралы ұсыныс алған жоқ. Мұндай бастама көтерген Мәскеу. Бұл туралы Энергетика министрлігінің ресми өкілі Шыңғыс Ілиясов мәлімдеді.

Оның мәліметінше Қазақстан, Ресей және Өзбекстан арасындағы газ саласындағы үшжақты ынтымақтастықты қалыптастыру бастамасын 2022 жылдың қарашасында РФ жариялаған.

«Бұл ретте ресейлік және өзбек тараптарынан бұл ынтымақтастық бойынша ресми ұсыныстар түскен жоқ. Бұл елдермен газ саласындағы ынтымақтастық екіжақты форматта өзара тиімді серіктестік негізінде жүзеге асырылады», деді Энергетика министрлігінің ресми өкілі.

Оның дерегінше, Қазақстанның газ тасымалдау жүйесінде ресейлік газды Өзбекстан Республикасы бағытында транзиттеу мүмкіндігі бар. Сондықтан да...

Сеулде автобус жүргізушісін пышақтаған Қазақстан азаматы арнайы мекемеде емделіп жүрген. Бұл туралы Сыртқы істер министрлігінің ресми өкілі Айбек Смадияров мәлімдеді.

Министрліктің ресми өкілінің айтуынша, әйелдің Оңтүстік Кореяда тұруға техникалық визасы болған. Ол – этникалық корей.

«Ол күйеуімен бірге бизнеспен айналысады. 2020 жылдан бері әйел мамандандырылған клиникада емделген. Оңтүстік Корея полициясының алдын ала мәліметінше, сол жағдай болған кезде әйел дәрінің ықпалында болған. Жақында консул әйелмен кездеседі деп жоспарланып отыр», – деді Айбек Смадияров.

Айта кетейік, бұған дейін Сеулде Қазақстан азаматы автобус жүргізушісін пышақтаған еді. Полиция автобусты бөгеген және қоғамдық көлік жүргізушісіне шабуыл жасап, оны жарақаттаған...

МАЭК-те болған апат салдарынан Маңғыстауда электр жарығын беруде ішінара шектеулер жасауға тура келеді. Бұл туралы Маңғыстау облысы әкімдігінің баспасөз қызметі хабарлады.

15 тамыздан бастап, жарық өшірілетінін туралы халыққа алдын ала хабарланатын болады.

Бұл туралы Маңғыстау облысы Қоғамдық коммуникация орталығында өткен брифингте аймақ басшысының бірінші орынбасары Жұмабай Қарағаев айтты. Өңірдегі елді мекендерге біркелкі жарық беру үшін қуатты уақытша ажырату «тиімді» әдіспен жүргізу жоспарланып отыр.

Бұл белгілі бір аймаққа сәйкес тұтынылатын энергия көлемін азайту мақсатында, тұтынушылар үшін электр қуаты 3-тен 5 сағатқа дейін циклдік түрде өшетінін білдіреді. Тұрмыстық энергия тұтынушыларға жоспарланған үзілістер алдын-ала хабарланатын болады.

«МАЭК» ЖШС-де...

Ұлытау өңірінде «Қазақмыс» корпорациясының 100-ден астам кеншісі ереуілге шықты. Шахтерлер еңбек жағдайлары мен ерікті медициналық сақтандыруды жақсартуға, сондай-ақ сыйақы мен өтемақы мөлшерін арттыру мәселесі қамтылған 15 шақты талаппен шыққан.

Белсенділердің айтуынша, 13 тамызда түнгі ауысымға шыққан Сәтбаев қаласындағы №65 шахтаның жұмысшылары жұмысын тоқтатқан. Қазір кеншілердің айтуынша, наразылық акциясына корпорацияның басқа кәсіпорындарының қызметкерлері де қосылған. Солайша 100-ге жуық кеншілер жиналған.

Кеншілердің бірі «шахтерлерге қолдау көрсету үшін олардың шахтасына қажетті азық-түлік жеткізілгенін, барлық шахталардағы шахтерлер қолдау көрсетіп жатқанын айтқан.

Кеншілер еңбек жағдайын жақсартуды, жұмысшылардың бір жылдық еңбегін еңбек өтілінде бір жарым жылмен санауды, ескі тау-кен жабдықтарын ауаны тазалайтын...

Каспий құбыр консорциумы дүйсенбі күні 20 шілдеде басталған теңіздегі N1 қондырғысының жоспарлы жөндеу жұмыстарын аяқтады. Бұл туралы консорциумның баспасөз қызметі хабарлады.

«Мұнай экспорттау жүйесіне арналған құрал-жабдықтар іске қосылды және қалыпты режимде жұмыс істеп тұр», – деп жазылған консорциум таратқан хабарламада.

Жұмыс барысында екі компенсатор мен бір теңіз шлангі ауыстырылып, бес шланг жөндеуден өткені атап өтілді.
10-11 тамызда консорциум компенсаторлар мен бүкіл қондырқылар жүйесін ауыстырғаннан кейін құбырлардың гидравликалық сынақтарын жүргізді.

Дәл осындай жұмыстар N2 қондырғыда 2 мамыр күні және N3-ші қондырғыда 26 маусым аяқталды.
Каспий құбыр консорциумы Қазақстанның батысындағы мұнай кен орындары мен Каспий қайраңындағы ресейлік...

«ӨКМ операторы» ЖШС ісі бойынша 7 жылға сотталған Медет Құмарғалиевтің әкесі Құмарғали Смағұлов мемлекет басшысы Қасым-Жомарт Тоқаевтан көмек сұрады. Ол істің әділетсіз жүргізілгенін айтып, сот үкімін назарға алуды сұрады.

Құмарғали Смағұлов өзінің білім саласына 47 жыл еңбегі сіңгенін, Қазақстанның білім беру ісінің үздігі екенін айтып өтті.

«Осы уақытқа дейін әділеттілікке бет бұрған Қазақстанда әділ сот болады дегенге сеніп келдім. Бойымды кернеген шарасыздық, көз алдымда болып жатқан әділетсіздік сізден осы мәселеге көңіл аударуыңызды сұрауға мәжбүрледі. Сіз халық арасында үлкен наразылық тудыраған «Утильалымға жол жоқ!» қозғалысының талаптарына сәйкес осы мәселемен айналысатын «Оператор РОП» ЖШС жұмысын жан-жақты қараңдар деп...