Жаңалықтар

Әлеуметтік желіде өзін 17 жастамын деп таныстырған Шымкент қаласының тұрғыны өзін Түркістан облысы Сарыағаш ауданының тұрғыны еркінен тыс алып қашқанын айтып, шағымданды.

Таратқан видеоға қарағанда, көліктен түсуге келіспей отырған қызды көруге болады. Әуелі айнала қоршаған әйелдер қызды көліктен түсіруге тырысады, ол қарсылық білдіріп айқайға салады. Көліктен түсірген соң әлдебір жігіт оны күштеп, үйіне көтеріп кіргізеді.

«Студентпін. Көпбалалы отбасынан шыққанмын. Мені бұрын-соңды көрмеген ер азамат алып қашты. Яғни мені жолдың бойында 3-4 бала болып, көлікке күштеп отырғызып белгісіз бағытта жол тартты. Мақсатын білгенімде үйленетінін айтты. Сөйтіп Сарыағаш ауданына алып барды. Үйіне келгенде туысқандары, жеңгелері орамалын алып...

«Кальмар ойынының» режиссері Хван Дон-хек Netflix үшін жаңа жоба дайындап жатыр. Оның келесі жобасы  «Дилер» (The Dealer) деп аталады. Бұл жайлы шетелдік БАҚ жазады.

Жаңа туынды – казино әлемі туралы корейлік криминалды драма, Netflix жобаны мақұлдап үлгерді. Сериалды режиссердің өз студиясы Firstman Studio шығарады.

Оқиға желісі казиноның талантты ойыншысы Геонхваның (Чон Со-мин) айналасында өрбиді. Жеке өмірінде тығырыққа тірелген бойжеткеннің құмар ойындар мен криминалды әлемге қайта оралудан басқа амалы қалмайды.

Актерлік құрамда Чон Со-мин, Рю Сын-бом, Ли Су-хек, Рю Кен-су бар.

Түсірілім жұмыстары осы жылы басталады. Ал сериалдың премьерасы шамамен 2027 жылға жоспарланған.

Әйгілі «Кальмар ойынының» 3-маусымы былтыр жазда аяқталды. Картинаны...

Ішкі істер министрлігі Шымкентте қайтыс болған Нұрай Серікбайдың ісін бақылауға алды.

Кісі өлтіру бабы бойынша қылмыстық іс қозғалған, қазір тергеу жүріп жатыр. Сондай-ақ жергілікті полицияның дер кезінде әрекет етпегеніне қатысты тексеріс жүргізіледі.

«Шымкент қаласы полиция қызметкерлері тарапынан уақтылы шаралар қабылданбауы мүмкін деген пікірлер мен уәждер бойынша қызметтік тексеру тағайындалды», – делінген ақпаратта.

Қазір күдікті сот санкциясымен қамауға алынған.

«Ең тәжірибелі қызметкерлер қатарынан арнайы тергеу-жедел тобы құрылды. Қылмыстық іс аясында жүргізіліп жатқан тергеу әрекеттерінің нәтижелері бойынша күдіктінің барлық әрекетіне құқықтық баға беріледі», – деп хабарлады ІІМ.

Тергеу барысында бейнебақылау камераларынан алынған...

Алматыда автобус жүргізушілеріне арналған демалыс бөлмесі бар арнайы аялдамалар салынады. Бұл туралы қала әкімдігі хабарлады.

Қалалық Жол инфрақұрылымын дамыту басқармасының мәліметінше, жаңа алаңдар бірнеше маңызды мәселені шешуге мүмкіндік береді. Атап айтқанда, автобустардың жол жиегінде бейберекет тоқтап тұруының алдын алып, жүргізушілердің демалуына қажетті жағдай жасалады. Бұл қоғамдық көліктегі жол қауіпсіздігін арттыруға және жолаушыларға көрсетілетін қызмет сапасын жақсартуға оң әсер етеді.

Қазіргі таңда Көктөбе шағынауданында екі маршрутқа қызмет көрсететін, жалпы 47 автобус шығатын соңғы нүкте ретінде пайдаланылатын тоқтау-бұрылу алаңының құрылысы толық аяқталған.

Бұдан бөлек, қаланың әртүрлі аудандарында биыл пайдалануға берілетін тағы үш тоқтау-бұрылу алаңының құрылысы жүргізіліп жатыр. Ал қалған...

Жаслан Мәдиев басқаратын министрлік 1 миллионға жуық азамат жасанды интеллект бойынша оқудан өткені туралы есеп берді. Мәліметті Жасанды интеллект және цифрлық даму министрлігі жариялады.

Қалай үлгерген

Президенттің «цифрлық елге мамандарды даярлау жөніндегі тапсырмасы қалай орындалып жатқаны» туралы есепте студенттер мен мұғалімдер дәрістен өткені айтылған.

Министрлік мәліметінше, 650 мыңнан астам студент AI Sana бағдарламасы аясында дәріс тыңдап, сертификат алған.

Ал 300 мыңға жуық мұғалім, сонымен бірге 50 мыңнан астам мемлекеттік қызметші AI Qyzmet оқыған.

Тағы 186 мың адам Astanahub сайтына жүктелген «ЖИ негіздері: ChatGPT» курсын тегін жүктеп алған.

Министрлік тағы бірнеше оқу бағдарламалары мен дәрістерді мысалға келтіріп, ЖИ...

Қазақстанда еңбек мигранттарына қатысты салық төлеудің жаңа тәртібі енгізілді. Үкімет басшысы Олжас Бектенов депутаттарға берген жауабында мигранттар үшін 2026 жылдан бастап жеке табыс салығын есептеу тетігі қайта қаралғанын мәлімдеді.

Премьер-министр Олжас Бектеновтің депутаттарға берген ресми жауабына сәйкес, 2026 жылғы 1 қаңтардан бастап еңбек иммигранттары жеке табыс салығын (ЖТС) бұрынғыдай алдын ала бекітілген төлем арқылы емес, жаңа есептеу формуласы бойынша төлейді.

Қазіргі қолданыстағы жүйеде салық заңнамасы шетелдік жұмыс күшін тартуға берілетін рұқсатты беру және ұзарту үшін алымдар қарастырады.

Сондай-ақ Қазақстанда жұмыс істейтін резидент емес тұлғалар үшін жеке табыс салығына байланысты 2 айлық есептік көрсеткіш (АЕК/МРП) көлемінде алдын ала...

Осы жылдың 18 қаңтарынан бастап Қазақстанның цифрлық кеңістігінде жаңа ереже жұмысын бастайды. Енді жасанды интеллект (ЖИ) тудырған кез келген өнімде арнайы «таңба» болуы шарт.

Жаңа заңнамалық талаптарға сәйкес, ЖИ жүйелері арқылы жасалған синтетикалық контент (мәтін, сурет, видео немесе аудио) міндетті түрде таңбалануы тиіс. Бұл пайдаланушыларға ақпараттың шынайы немесе жасанды екенін бірден ажыратуға мүмкіндік береді.

Контентті таңбалауға қарапайым пайдаланушылар емес, ЖИ жүйелерінің иелері (әзірлеуші компаниялар) жауапты. Яғни, OpenAI (ChatGPT), Google (Gemini), xAI (Grok) немесе отандық Higgsfield сияқты платформалар өз өнімдеріне автоматты түрде таңба қосу тетіктерін енгізуі тиіс.

Талаптарды орындамаған ЖИ жүйелерінің иелеріне келесідей айыппұл мөлшерлері қарастырылған:

Қытайдың UBTECH Robotics технология компаниясы Қазақстанда робот шығаруға көмектеседі. Бұл туралы Kursiv.Media Алматы әкімдігі таратқан мәліметке сүйене отырып хабарлайды.

Бектенов көрген ойыншықтар

Премьер-министрі Олжас Бектенов Алматыда «Алатау» инновациялық технологиялар паркі» арнайы экономикалық аймағын аралады. Үкімет басшысы сол жерде NERO Group өнімдерімен де танысты. Әзірге көрмеге қойылған «роботтар» ойыншыққа көбірек ұқсайды.

Миллиардтар тұратын қымбат жоба

Көрмедегі роботтар арзан көрінгенімен, NERO Group құрылтайшысы Ерлан Нәбиев жалпы құны шамамен 44,8 млрд теңге тұратын жобаны Бектеновке таныстырды. Компания «2025-2027 жылдарға арналған жоғары технологиялық өндірістерді локализациялау кешенін» ұсынып отыр.

«Бастама 650-ден астам жұмыс орнын ашуды...

ФИФА 2026 жылғы футболдан әлем чемпионатына билеттерге 500 млн-нан астам өтінім түскенін мәлімдеді. Бұл туралы The Athletic басылымы хабарлады.

Халықаралық футбол федерациясы енді чемпионат аясындағы 104 матчтың әрқайсысы бойынша кездейсоқ жеребе өткізеді. Жеребе нәтижесінде таңдалған үміткерлерге билеттер ақпан айында беріледі.

Айта кетейік, ФИФА былтыр қазан және қараша айларында шамамен 2 миллион билет сатып үлгерген. Қазіргі таңда бүкіл турнирге 4–5 миллион билет қана қалған.

Ең жоғары сұранысқа ие матчтардың қатарында:

ФИФА билеттерге деген орасан сұранысты жоғары бағаны ақтауды...

Қазақстанның ет өнімдерін БАӘ мен Үндістанға экспорттау мүмкіндіктері талқыланды. Бұл мәселе Ауыл шаруашылығы министрі Айдарбек Сапаровтың Lulu Kazakhstan компаниясының бас директоры Мохидин Хусейн Файсал және IGateway Ltd компаниясының негізін қалаушы CEO Гунасилан Айотхи Даниэлмен кездесуінде көтерілді.

Кездесу барысында шетелдік тарап халықаралық сапа талаптарына сәйкес келетін ешкі етіне, сондай-ақ өзге де халал ет өнімдеріне қызығушылық танытқан.

«Шетелдік тарап халықаралық ветеринариялық-санитариялық және сапа талаптарына сәйкес келетін ешкі етін, сондай-ақ басқа да халал ет өнімдерін импорттауға қызығушылық білдірді. Үндістанның тұтыну нарығының қарқынды өсуі отандық мал шаруашылығы өнімдерінің экспортын кеңейту үшін қосымша мүмкіндіктер ашатыны атап өтілді», – делінген...

Атырау облысының құтқарушылары жұмбақ жағдайда жоғалып кеткен отбасы мүшелерін іздеуді полициядан жаңа сұрау түскенге дейін тоқтатты. Бұл туралы Атырау облысы ТЖД Төтенше жағдайларды жою басқармасының бастығы Жантөре Демешов айтты, деп хабарлайды KursivMedia.

Айтуынша, іздеу жұмыстары 3 қаңтарда басталып, үш күнге созылған. Құтқарушылар жергілікті полиция сұрауы бойынша төрт адамды іздеген. Екі мәйіт табылғаннан кейін отбасының ұлы мен қызын іздеу жұмыстары полициядан жаңа ресми сұрау келгенге дейін тоқтатылған.

«Полиция департаменті сұрау салған жағдайда іздеуге кірісіміз, алайда олардан ешқандай хабар келмеді. Қазір төтенше жағдайлар департаменті екі адамды іздестіріп жатқан жоқ», – дейді Демешов.

Басқарма жоғалғандарды іздеу...

Америкалық GOBankingRates сарапшылары 2026 жылдың басындағы ең сенімді автомобильдер тізімін жасады.

Toyota тағы да көшбасында

Жапондық брендтің бірден үш моделі – Toyota Camry, Corolla және Prius көш басына шығып, көпшілік осы модельдерге көбірек сенім артанынын байқатқан. Күрт өзгерістердің болмауы, тексерілген техникалық шешімдер мен болжамды қызмет ету ресурсы бұл көліктерді пайдалануда барынша сенімді етеді.

Consumer Reports жүргізген соңғы сауалнамада Toyota сенімділік бойынша бірінші орынға шықты, ал Camry J.D. Power зерттеуінде орта класс сегментіндегі ең үздік автомобиль атанды.

Ал Prius өз алдына бөлек аталады. 100 шақырымға шамамен 4,1 литр отын жұмсайтын бұл модель техникалық тұрғыда күрделірек болғанымен, гибридті технология саласында...

Елде сот сарапшыларын жаңа ережелер бойынша аттестациядан өткізу ұсынылып отыр. Бұл туралы «Ашық НҚА» порталындағы бұйрық жобасында жазылған.

Әділет министрлігі ашық талқылауға шығарған құжатқа сәйкес сот сарапшысы біліктілігін растайтын емтиханға өзгерістер енгізіледі. Сондай-ақ мамандарды аттестациядан өткізу қағидалары өзгереді.

Өзгеріс қазір қойылып отырған талаптардың маңызын арттыруға, кеткен қателіктерді жоюға, ережелерді қазіргі тәжірибеге сәйкестендіруге бағытталған.

Осылайша министрлік жаңа ережелерді пилоттық жоба нәтижесін ескеріп қана енгізуді ұсынып отыр. Бұйрық жобасы аттестаттаудың автоматтандырылған екінші кезеңін нормативтік тұрғыдан бекітуді, аттестациядан өту кезеңдерін, шарттарын айқындауды қамтиды.

Сондай-ақ аттестациядан өту кезінде қолданылатын порталға қойылатын талаптар бекітіледі, қолданыстағы нормативтік құқықтық актілер арасындағы құқықтық қайшылықтар жойылады.

Оңтүстік Кореяның бұрынғы президенті Юн Сок Ёль тергеушілердің әрекетіне кедергі келтірді деген айыпты қоса алғанда, бірқатар айып бойынша 5 жылға бас бостандығынан айырылды.

Сеулдің Орталық аудандық соты үкімді 2024 жылдың желтоқсанында Юнның қысқа мерзімге әскери жағдай енгізуіне байланысты қозғалған іс бойынша шыққан алғашқы сот шешімі ретінде жариялады.

2024 жылдың желтоқсан айының басында Оңтүстік Кореяда саяси дағдарыс болған. Бюджетке қатысты дау-дамайлар аясында Юн Сок Ёль күтпеген жерден елде әскери жағдай енгізілетінін жариялап, бұл қадамын оппозицияның «мемлекетке қарсы әрекетімен» түсіндірді. Алайда ел парламенті бұл шешімді бекітуден бас тартып, келесі күні мемлекет басшысы аталған жарлықты кері қайтаруға мәжбүр болды.

...

Бүгін Түркістан облысы Жетісай аудандық соты Шардара ауданы Қоссейіт ауылында өз үйінде дімкәс әкесін қинап, азаптап ұрып-соққан Алмас Садақбаевты 5 жылға түрмеге жапты.

Сот өздігінен жүріп-тұра алмайтын қарт әкесін қинаған 41 жастағы Алмас Садақбаевты Қылмыстық кодекстің «Қинау» және «Денсаулыққа қасақана орташа ауырлықтағы зиян келтіру» баптары бойынша кінәлі деп таныды.

Садақбаев жазасын қауіпсіздігі орташа түзеу мекемесінде өтейді. Оның бұған дейін қамауда болған 1 күні бір жарым күнге есептелетін болды. Үкім шығаратын кезде сот оның кәмелет жасқа толмаған балалары барын, отбасының жалғыз асыраушысы екенін, бұрын-соңды сотты болмағанын ескерген.

Сотталушы мен жәбірленушінің өкілі деп танылған оның туған інісі Батыр Садақбаев сот үкімімен келісетін...

15 қаңтарда Rustem Omarov YouTube-арнасында, қазақстандық танымал «Алаяқтар» сериалының екінші маусымы жарық көрді.

Қылмыскер Дамирдің шытырман оқиғаларына құрылған хикая бұл жолы Түркиядан басталады. Басты кейіпкер ТМД елдерінің тұрғындарына түрік жылжымайтын мүлкін сатуға қатысты ауқымды алаяқтық схеманы іске асырып, кейін елге оралады. Қазақстанға келген соң Дамир бұрынғы сенімді серіктерін қайта жинап, жаңа «жобаларға» кіріседі. Команда құрамында бірінші маусымнан көрерменге жақсы таныс кейіпкерлер де бар.

Екінші маусымда қазіргі уақытта шынайы қылмыскерлер қолданатын өзекті алаяқтық тәсілдерін көрсетіледі. Олардың қатарында цифрлық технологияларға, соның ішінде жасанды интеллектті пайдалануға негізделген схемалар да қамтылған.

Жаңа маусымның режиссері ретінде бұрынғыдай Олжас Нұрбай жұмыс істеді. Жобаның авторлары...

Тоқаев «Қазақстан Республикасындағы банктер және банк қызметі туралы» Заңына қол қойды.

Былтыр қыркүйекте президент банктер туралы жаңа заң жыл соңына дейін қабылдануы керек  деген шұғыл тапсырма берген. Екінші деңгейлі банктер тек азаматтарға несие берумен ғана айналыспай, экономикадағы ірі жобаларға да қаржы салуы керек деген мәселені баса айтып өткен.

Қарашада заң жобасы Парламентке түсті.  Құжатты Қаржы нарығын реттеу және дамыту агенттігінің төрайымы Мадина Әбілқасымова таныстырды.

Заң жобасы 9 бөлімнен, 23 тараудан және 135 баптан тұрады. Әбілқасымованың сөзінше, жаңа заңда банк қызметін реттеудің мынадай міндеттері көзделген: 

Higgsfield ЖИ-стартабының бір жылдық табысы 200 млн доллар болды. Белсенді түрде масштабқа шыққаннан кейінгі 9 ай ішінде осындай көрсеткішке жетті. Бұл жайлы жобаның негізін қалаушылардың бірі және CEO-сы Алекс Машрабов хабарлады.

Higgsfield екі ай уақыт ішінде түсімін 100 млн доллардан 200 млн долларға дейін екі есе арттырды. Series A раундында барлығы 130 млн доллар инвестиция тартып, нарықтық құнын 1,3 млрд доллардан асырды және ресми түрде «unicorn» мәртебесін иеленді. Инвесторлар қатарында Accel, Menlo Ventures, GFT Ventures және Alpha Intelligence Capital сияқты ірі қорлар бар

Платформаны бүгінде бүкіл әлем бойынша 15 миллионнан астам адам пайдаланады.

Higgsfield жасанды интеллект арқылы видео...

Алматы облысы Талғар ауданы Рысқұлов ауылының тұрғыны әйелін пышақтап өлтірді деген күдікке ілінді. Алматы облысы полиция департаментінің хабарлауынша, 45 жастағы ер адам ұсталып, уақытша ұстау изоляторына қамалды.

Оқиға 2026 жылдың 14 қаңтарында болған. Әйелдің денесіндегі жарақатты туыстары көрген. Ер адам оқиға орнында ұсталды.

«Алдын ала мәліметке сәйкес, отбасылық жанжал барысында ер адам әйелді екі жерінен пышақтаған. Салдарынан әйел бірнеше сағаттан кейін көз жұмған», – деп хабарлады полиция.

«НеМолчи» қорының жазуынша, оқиға 5 жастағы қыздың көзінше болған. Қордың әлеуметтік желідегі парақшасына марқұмның әріптестері хат жолдаған.

«Анасы қансырап жатқанда жанында бес...

Тұрсынбек Қабатовтың екінші әйелі Айман Threads желісінен ашылған Balqadiwaa паблигінің иесімен соттасып жатқанын жариялаған еді. Абыройына нұқсан келгенін алға тартқан ол парақша авторының жеке басын анықтаған соң арыз жазып қана қоймай, оның жеке деректерін таратқан. Алина есімді қолданушы қазіргі таңда Айман ханымның тарапынан қатты қысым жасалып жатқанын жазды.

Айман жайлы көп жазылды

Түрлі өсек-аяң белсенді жарияланып тұратын Balqadiwaa парақшасында Тұрсынбек пен Айман жайлы көп жазылды. Осылайша белгілі әзілкештің екінші әйелі қитығына тиетін, ар-намысын түсіретін сипаттағы жазбалары үшін мәселені сот арқылы шешетінін мәлімдеген еді. Содан кейін Алина (паблик иесі – авт.) Айманның жекесіне шығып, жалынып кешірім сұраған. Сонымен қоса, бүкіл...

2025 жылдың желтоқсан айында барлық қолайлы жағдайы қарастырылған пәтерлер мен үйлерді жалға алу бағасы соңғы 12 айдағы ең жоғары көрсеткішке жетті. Ұлттық статистика бюросының (БНС) мәліметінше, 1 шаршы метрдің орташа жалдау құны 5 мың теңгеден асты.

Ranking.kz ұсынған мәліметке сүйенсек, 2025 жылдың қаңтар–тамыз айлары аралығында жалдау бағасы 1 шаршы метр үшін 4,5–4,6 мың теңге шамасында болған. Ал күзде баға біртіндеп өсе бастады, нәтижесінде желтоқсан айында рекордтық деңгей тіркелді. Бұл үрдіс баға индексінен де байқалады, іскерлік маусым басталғанға дейін айлық өсім 0,8–1% деңгейінде болса, кейін бір айда 2,8%-ға дейін жеделдеген.

2025 жылғы желтоқсанда тұрғын үйді жалға алудың орташа жылды...

Иран сыртқы істер министрінің орынбасары Казем Гарибабади 15 қаңтарда Астанаға келіп, қазақ дипломаттарымен кездесті. Бұл туралы Kursiv.Media СІМ таратқан мәліметке сүйене отырып хабарлайды.

Вице-министр Астанада Қазақстан сыртқы істер министрінің орынбасары Әлібек Бақаевпен жүздесті. Кездесуде Таяу Шығыстағы және әлемдегі жалпы ахуалдың дамуына қатысты өзекті мәселелер қозғалды.

«Дипломаттар Біріккен Ұлттар Ұйымы шеңберінде өтетін алдағы іс-шаралар, сондай-ақ Каспий теңізі мәселелері бойынша ынтымақтастық жөнінде пікір алмасты», – деп таратты СІМ.

Ресми мәліметте Вашингтон мен Тегеран арасындағы жанжал, Ирандағы халық көтерілісі туралы ештеңе айтылмаған.

Бұған дейін АҚШ президенті Дональд Трамп Иранмен сауда жасаған елдерге қосымша...

2025 жылдың қорытындысы бойынша мемлекеттік еңбек инспекторлары 11,8 мың қазақстандықтың еңбек құқығын қорғап, олардың заңды жалақысын алып берді. Бұл жайлы еңбек және халықты әлеуметтік қорғау министрлігі хабарлады.

Өткен жылы елдегі 629 кәсіпорында 3,1 млрд теңгеден астам берешек бар екені анықталған.

Инспекция жүргізген қатаң шаралар мен арнайы кестелердің арқасында берешектің 2,85 млрд теңгесі жұмыскерлерге төленді. Жалпы алғанда, жыл бойы 6,5 мыңнан астам тексеру жүргізіліп, 8,7 мың заң бұзушылық анықталған.

Заң бұзған кәсіпорын басшыларына 4 245 міндетті ұйғарым беріліп, 524,3 млн теңге көлемінде айыппұл салынды. Министрлік еңбек заңнамасының сақталуы ерекше бақылауда екенін ескертеді.

Осыған дейін, өткен жылы елімізде ең жоғары...

16 қаңтарда Қазақстанның тұңғыш мүфтиі Рәтбек қажы Нысанбайұлы 86 жасқа қараған шағында дүние салды. Азалы хабарды Мүфтият жариялады.

«Рәтбек хазіретіміз мүфти болған жылдары мұсылман мемлекеттерімен тығыз қарым-қатынас орнатып, ынтымақтастықты арттыра түсті. Қазақстан мұсылмандары діни басқармасының іргетасын қалаған Рәтбек Нысанбайұлы өзі басқарған мерзім ішінде 30-дан астам мешіт салдыруға ықпал етті», – деді Қазақстан мұсылмандары діни басқармасының төрағасы Наурызбай қажы Тағанұлы.

1940 жылы дүниеге келген Рәтбек Нысанбайұлы Ливия университетінде діни білім алған. Қазақ КСР Жоғарғы Кеңесінің депутаты болған.

1990 жылы діни басқарманың басшысы болып сайланған. Қажы он жыл мүфти болған. Кейінгі жылдары Есік қаласындағы мешітт...