Жаңалықтар

9 ақпаннан бастап Астана – Павлодар автожолында көлік қозғалысының жылдамдығы шектеледі. Ең жоғары жылдамдық 140 км/сағаттан 110 км/сағатқа дейін төмендетіледі. Бұл туралы «ҚазАвтоЖол» хабарлады.

Аталған республикалық трассада қолайсыз ауа райы кезінде жол-көлік оқиғаларының саны артып кеткен. Қауіпсіздік шараларын күшейту мақсатында Ішкі істер министрлігі осындай шешім қабылдады. Бұл шектеу қыс мезгілі аяқталғанға дейін күшінде болады.

«Қабылданған шара жол қозғалысы қауіпсіздігін арттыруға, апаттылық деңгейін төмендетуге, сондай-ақ көктайғақ, қар басу және көріну деңгейінің төмендеуі сияқты қолайсыз метеорологиялық факторлардан туындайтын тәуекелдерді азайтуға бағытталған», – делінген хабарламада.

Көктемгі-жазғы кезең басталғаннан кейін жолдың техникалық және климаттық жағдайына қарай, бұрын...

Алматы қаласының әкімдігі 2026 жылы 1 мыңнан астам жәрмеңке өткізуді көздеп отыр. Бұл туралы Kursiv.Media мегаполис билігінің мәліметіне сүйене отырып хабарлайды.

Жәрмеңке екі есе көбейеді

Қазақстандағы ең үлкен қалада демалыс күндері өтетін жәрмеңке саны көбейеді. Шаһар билігі азық-түлік инфрақұрылымын дамытып, жергілікті шаруаларды қолдайды.

«2025 жылы Алматының бес ауданында 430 жәрмеңке ұйымдастырылды, ал биыл жыл соңына дейін олардың саны 2,5 есеге артады: 1000-нан астам жәрмеңке өткізу жоспарланған», – деп таратты әкімдік.

Жәрмеңкеде қала тұрғындары жаңа піскен көкөніс, жеміс-жидек пен өзге де ауыл шаруашылығы өнімдерін шаруалардан тікелей, арзан бағамен сатып ала алады.

Жеке бизнес рейстерді ұйымдастырып, тікұшақтарды жалға беретін «Евро-Азия Эйр» компаниясы акционерлерінің құрамы өзгерді. Бұл туралы қаржы есептілігі депозитарийіне хабарлама жіберген.

Жаңартылған мәліметке сәйкес, әуе компаниясының дауыс беруші акцияларының 10 және одан да көп пайызын иеленетін акционерлер құрамына «Air Tengri» акционерлік қоғамы енгізілді.

Сонымен қатар акционерлер құрамынан «Sky Logistics Services» жауапкершілігі шектеулі серіктестігі шықты.

Алайда kompra.kz дерегіне сәйкес, мекеме қызметін тоқтатып, қайта құрылған. Sky Logistics Services әуе компаниясы акционерлері құрамынан шыққанымен, жоғарыда аталған Air Tengri акционерлік қоғамына иелік етеді.

Ал Sky Logistics Services компаниясының екі құрылтайшысы бар. Олар: Әсембек...

Kursiv Media 2026 жылғы Рамазан айына арналған Астана қаласының намаз, ауыз бекіту және ауыз ашу уақыттарын қамтитын ораза кестесін назарларыңызға ұсынады.

Биыл қасиетті Рамазан айы 19 ақпанда басталады. Ал мұсылман қауымы үшін ерекше қасиетті саналатын Қадір түні 16 наурыздан 17 наурызға қараған түні өтеді. 20 наурыз күні Ораза айт мерекесі басталады.

Ауызашарда оқылатын дұға

«Аллаһуммә ләкә сумту уә бикә әәмәнту уә ‘аләйкә тәуәккәлту уә ‘ала ризқикә әфтарту. Зәхәбә Зома уәбтәллатил-‘уруқ уә сәбәтал-әжру ин шәә Алла».

Мағынасы: «Алла Тағалам! Сенің ризалығың үшін ораза ұстадым. Сенің берген ризығыңмен аузымды аштым. Саған иман етіп, саған тәуекел жасадым...

Талдықорған сотында ұйымдасқан қылмыстық топтың 21 мүшесіне үкім шықты. Олар – Алматы облысы мен Жетісу облысындағы арнайы ХҚКО-лар мен әкімшілік полиция басқармасының бұрынғы қызметкерлері. Бұл туралы 24KZ хабарлады.

Олар бірнеше жыл бойы елге әкелінген жүк көліктерін заңдастырумен айналысқан. Ақпараттық жүйеге бастапқы тіркеу алымы төленгені туралы жалған мәліметтер енгізіп отырған.

Салдарынан 1 385 көлік заңсыз есепке қойылған. Мемлекетке келген шығын 9 млрд теңгеден асты.

«Алматы облысы Қарасай ауданына 5 млрд 600 млн теңге шығын келді, ал Жетісу облысы Сарқан ауданы бойынша шығын 3 млрд 787 млн теңгені құрады. Сотталушыларға 2 жылдан 12 жылға дейінгі мерзімге...

Енді алимент төлемей жүрген такси жүргізушілерін анықтауға Yandex Qazaqstan көмектеседі. Алматы қаласы прокуратурасы мен компания арасында балалардың құқықтарын қорғауға арналған осындай меморандум жасалды.

Қала прокуратурасының дерегінше, алимент төлемей жүргендердің арасында ресми түрде жұмыссыз жүргенімен, Яндекс Такси сияқты сандық платформалар арқылы табыс тауып жүргендер бар.
 
2025 жылы сондай 110 факті анықталды, 57 адамға әкімшілік ықпал ету шаралары қолданылды. 10 іс бойынша сотқа дейінгі тергеп-тексеру басталды.

«Келісім, жүйелі және заңды ақпараттық өзара іс-қимылды, жедел мәлімет алмасуды, сондай-ақ кірістерді жасыру және алименттік берешектің пайда болу фактілерін анықтауға және жолын кесуге жәрдемдесуді көздейді. Аталған меморандум балалар құқықтарын қорғауға және мемлекет пен...

Орталық Азиядағы тағы бір ел – Тәжікстан Starlink спутник интернетіне ресми түрде қосылды. Миллиардер Илон Масктің компаниясы аймақтағы қалған елдерге де кіруді көздеп отыр.

Қазақстаннан кейін қосылды

«Жылдамдығы жоғары Starlink интернеті енді Тәжікстанда бар!», – деп жазды компания X әлеуметтік желісіне. Ақпаратты Илон Масктің өзі де әрі қарай таратты.

Starlink картасында да Тәжікстан спутниктен алынатын интернет желісіне қосылған елдер қатарында тұр. 2025 жылдың аяғында «Dushanbe Invest-2025» форумында «Starlink Tajikistan» компаниясы лицензиялық келісімге қол қойған.

Таулы ел тұрғындары үшін ғарыштан қосылатын интернет өте тиімді. Оның үстіне, бұл елде интернет...

Елде қызылша жұқтырғандар көбейіп, эпидемиологиялық ахуал күрделі болып тұр деп хабарлайды Денсаулық сақтау министрлігі.

Мамандардың дерегінше, қазір ауру кең таралып жатыр және оны тоқтату да қиын болып тұр. Себеп – көпшілік науқастар жаппай вакцинадан бас тартқан.

Осы жыл басынан бері 2000-ға жуық адам (1951) қызылша жұқтырған. Ең көп жағдай Астана (581), Жамбыл облысында (339), Алматы (317) және Алматы облысында (146) тіркелген.

Науқастардың 79 пайызы мүлде вакцина алмаған, 8,4 пайызы екпенің толық курсын алмаған. Тағы 10 пайызының иммундық мәртебесі белгісіз. Әсіресе, екпе алмаған балалардың жартысынан көбіне (59%) ата-анасы вакцина алуға рұқсат бермеген.

Дәрігерлер қызылша жұқпалы, вирустық ауру деп ескертеді. Егер...

Америкалық Washington Post газеті бірден бірнеше бөлімде штат саны қысқаратынын хабарлады. Әлемге әйгілі басылым спорт және жергілікті жаңалықтар бөлімдерінде еңбек ететін, сондай-ақ халықаралық тілшілерін жұмыстан шығарып жатыр. Бұл жөнінде ВВС ақпарат таратты.

Washington Post – АҚШ-тағы ең көне әрі жетекші басылымдардың бірі. Оны 2013 жылы Amazon компаниясының негізін қалаушы, миллиардер Джефф Безос сатып алған. 2017 жылдан бастап, Дональд Трамптың президенттік қызметінің басында, газет Democracy Dies in Darkness («Демократия қараңғылықта өледі») деген ұранмен шыға бастады. Газеттің атқарушы редакторы Мэтт Мюррей бұл жаңалық өзіне ауыр тигенін жазды.

«Бұл – қиын шешім. Егер аман қалып қана қоймай, дамуды...

Қазақстан мұсылмандары діни басқармасы (ҚМДБ) қажылық сапарына аттанатын азаматтарға арналған Qajy Guide («Қажы гид») атты жаңа цифрлық қосымшаны іске қосты.

Qajy Guide – ҚМДБ-ның ресми жобасы әрі қажылық пен ұмра сапарына баратын жандарға арналған тегін цифрлық көмекші платформа. Қосымша қажыларға сапар барысында қажетті ақпаратты бір жерден алуға мүмкіндік береді.

Платформада қажылық пен ұмра ғибадатын орындау тәртібі толық түсіндіріліп, пайдаланушыларға ыңғайлы болуы үшін бірнеше пайдалы бөлім енгізілген. Атап айтқанда, қосымшада қасиетті орындарға арналған виртуалды тур, ғибадат жасау жолдары, діни әдебиеттер, сұрақ-жауап бөлімі, діни терминдер сөздігі, карталар және ресми туроператорлар тізімі қолжетімді.

Еске сала кетейік, 2026 жылы Саудр Арабиясы Қазақстан...

Milano Cortina 2026 Олимпиадасының ұйымдастырушылары ашылу салтанаты билеттеріне арнайы акция жариялады. Ұсыныс жастар аудиториясына бағытталған және 26 & UNDER науқаны аясында жүзеге асырылады.

Акция шарттарына сәйкес, 26 жасқа дейінгі (қоса алғанда) көрермендер ашылу салтанатына бір билет бағасына екі билет сатып ала алады. Ұйымдастыру комитетінің айтуынша, бұл акция символдық маңызы бар датаға орай ұйымдастырылып, тарихи спорттық оқиғаны жастар үшін барынша қолжетімді етуге бағытталған.

Неге 6 ақпанда

Дәл 6 ақпанда Milano Cortina 2026 Олимпиада ойындарының ашылу салтанаты өтеді. Бұл салтанат алдағы онжылдықтағы ең ірі спорттық оқиғалардың басталуын білдіреді. Ұйымдастырушылар әлемнің түкпір-түкпірінен жанкүйерлердің жоғары қызығушылығын күтуде. Ресми хабарламада ашылу салтанатын өзің барып...

Қазақстан 2027 жылға қарай өзін-өзі электр энергиясымен толық қамтымақ. Үкімет жоспарына сәйкес, 2029 жылға қарай тіпті артығымен өндірмек. Бұл туралы Энергетика министрі Ерлан Ақкенженов мәлімдеді.

Министр Ерлан Ақкенженовтің айтуынша, жүзеге асырылып жатқан жобалар экономиканың электр энергиясына деген сұранысын ортамерзімді кезеңде толық қамтамасыз етуге мүмкіндік береді.

Басым бағыттар

Бұл ретте басымдық экологиялық талаптарға сай таза көмір технологияларына беріліп отыр. Жоспар аясында Курчатов қаласында жаңа электр стансасын салу және Екібастұзда МАЭС-3 құрылысын жүргізу көзделген.

Сонымен қатар қолданыстағы энергетикалық инфрақұрылымды жаңғырту жұмыстары қатар атқарылуда. 2026 жылы 2,6 мың МВт-тан астам жаңа қуатты іске қосу күтіледі. Барлық шаралар ұлттық энергожүйенің сенімділігі мен...

«Өнер қырандарының» мүшелері – Жанболат Найзабеков пен Сырымбет Бибосынов желіні жарып жатқан онлайн-айтысқа қосылды. Әркімнің-ақ таласы бар өнерден әзілкештер де қалыс қалмауды жөн көргенге ұқсайды. Балғынбек пен Айнұрды «жекпе-жекке» шақырып қана қоймай, сахнадағы классикалық айтыстан алыстап кеткендерін де айтып, сөзбен түйреп өтті.

Әзілкештер кейінгі шыққан хиттердің мәнеріне салып арнау жолдады. Айнұр Тұрсынбаеваға: «Түркиядан кел, бетпе-бет тілдесейік», – деді. Одан соң өздерін айғырға теңей отырып, Балғынбек ақынды сақалды түйемен теңестіріп, Алматыға шақырды. Сонымен бірге әзіл-қалжыңы аралас арнауда өзекті мәселені де көтерді. «Домбырасыз айтыс болғанын, эстрадамен ән жазып алып, ақындық жоғалғанын қаламаймын» деп назын да айтып өтті. Артынша «контент жақсы өтіп...

АҚШ-та Алессандро есімді 18 жастағы ат Ориндж округі шерифінің атты полиция бөліміндегі қызметін ресми түрде аяқтады.

4 ақпан, сәрсенбі күні Ориндж округі шерифі басқармасы (OCSO) Алессандро «Флорида штатының Трентон қаласындағы полиция жылқыларына арналған 10-42 үйіне лайықты демалысқа жіберілгенін, онда ол тағы үш жылқымен бірге тыныш «өмір сүретінін» хабарлады.

Алессандро 2018 жылы OCSO-ның атты бөлімшесіне қосылып, аудандарда қарапайым патрульдік қызметке қатысып келген. Сондай-ақ шериф көмекшілеріне атқа мінуді үйретуге көмектескен.

Әлеуметтік желідегі жазбасында OCSO Алессандроны «ерекше мінезі бар, мейірімді жануар» деп атады. Оның «назарды жақсы көретінін» және биелермен уақыт өткізуді ұнататынын жазды. Сондай-ақ ол адамдармен араласқанды жақсы көреді екен. Әсіресе дәмді жем-шөппен...

Осы айда 1-сынып оқушыларына қосымша демалыс беріледі. 9–15 ақпан аралығында барлығы 7 күн демалыс болады. 16 ақпанда оқушылар мектепке қайта оралады деп хабарлайды Kursiv Media.

Бірінші сынып оқушыларына арналған демалыс оқу жүктемесіне бейімделуіне көмектеседі. Үшінші тоқсан тым ұзақ болғандықтан, балалар қатты шаршамас үшін осындай үзіліс керек.

Педагогтер каникулды тек демалысқа емес, күн тәртібін қалпына келтіруге де пайдалануға кеңес береді:

Мұндай шаралар, мұғалімдердің пікірінше, балалардың оқу процесіне жеңіл оралуына және сабаққа деген қызығушылығын сақтауға көмектеседі.

Ерлі-зайыпты блогер Ерболат Жанабылов пен Эльмира Төлегеноваға қатысты сотқа дейінгі тергеп-тексеру аяқталды. Оларға қатысты тексеру заңсыз кәсіпкерлік қызметпен айналысу және қылмыстық жолмен алынған ақша қаражатын заңдастыру фактілері бойынша жүргізілген.

Блогерлер қалай әрекет еткен

Қаржы мониторингі агенттігінің хабарлауынша, Instagram әлеуметтік желісінде 15 миллионнан астам жазылушысы бар ерлі-зайыпты өзіне тіркелгендердің сенімін заңсыз табыс табу мақсатында пайдаланған.

«2025 жылы онлайн-курс сату деген желеумен заңсыз схема ұйымдастырған. Ол «курстарды» сатып алғандар қымбат сыйлықтар ұтысына қатысатын болған. Таратылған видеоның басым бөлігі ашық дереккөздерден, соның ішінде YouTube платформасынан алынған. Бұл курстардың нақты білім беру құндылығы болмаған және олар заңсыз...

Қара деп аталатын қара қабылан енді Алматы зообағында тұрады. Ол 2025 жылғы мамырда Екатеринбургте (Ресей) туған. Бұл туралы Kursiv.Media Ъ мәліметіне сүйене отырып хабарлайды.

Басылымның мәліметінше, жыртқышты Red Wings әуе компаниясының ұшағымен Алматы қаласына жеткізген.

Былтыр көктемде зообақта дүниеге келген Қара Екатеринбургте қалған Амур мен Шилка атты қабыландардың ұрпағы.

Қара шешесіне тартқан. Шилка да қара түсті қабылан. Күшік адамдарға сенімсіздікпен қарайды, бірақ өз ортасында еркін ойнайды. Қабылан биікке өрмелегенді ұнатады.

Көзі көк қара қабылан Екатеринбург зообағында тұрған уақытта жергілікті тұрғындардың сүйіктісіне айналып үлгерген.

Қабыландар саны жылдан-жылға азайып барады. Жыртқыштар қорғауға алынып, Халықаралық табиғат қорғау одағы мен...

Португалия құрамасы мен саудиялық «Әл-Наср» клубының шабуылшысы Криштиану Роналду 41 жасқа толды.

Атақты футболшы бүгінге дейін кәсіби мансабында 961 гол соқты. Оның 818-і клубтық деңгейде тіркелсе, тағы 143 голды Португалия ұлттық құрамасының сапында енгізген.

Роналду өз мансабында Лиссабонның «Спортинг», ағылшынның «Манчестер Юнайтед», мадридтік «Реал», туриндік «Ювентус» және қазіргі «Әл-Наср» клубтарының намысын қорғады. Ең көп матчты мадридтік «Реал» сапында өткізіп, барлық турнирлерде 438 ойынға қатысып, 450 гол соғып, 131 нәтижелі пас берген.

41 жастағы шабуылшы бес мәрте «Алтын доп» жүлдесін иеленіп, сондай-ақ бес рет Чемпиондар лигасының жеңімпазы атанды. Ал 2016 жылы Португалия құрамасымен бірге Еуропа чемпионы болды.

Биыл АҚШ, Канада, Мексика...

Шығыс Қазақстанда адамдарды алмастыратын жоғары технологиялы сапер роботтар пайда болмақшы. Облыстық мәслихат сессиясында жаңа жүйені сатып алу үшін 1 млрд 750 млн теңге бөлу туралы шешім қабылданған деп жазады Қазақпарат.

«Қаржыландыру өткен жылдан игерілмей қалған қаражат, сондай-ақ соңғы уақытта облыс қазынасына түскен қосымша салықтар мен айыппұлдар есебінен қалыптастырылды», – деп атап өтті депутаттар.

Айта кету керек, бұл жерде нақты стационарлық техника сатып алмайды. Өндірістік аймақтардан бастап күрделі жер бедеріне дейінгі қолжетімі қиын аумақтарда жарылғыш заттарды залалсыздандыруға арналған мобильді жүйе сатып алмақшы. Мұндай робот қызметкерлердің өміріне тікелей қауіп төндірмей, күмәнді нысандарды қашықтан тексеруге, тасымалдауға...

Украина президенті Владимир Зеленскийдің айтуынша, төрт жыл соғыста 55 мың украин жауынгері қаза тапты. France 2 телеарнасы сәрсенбі күні украин президентінің сұхбатын көрсетті. Бұл туралы Kursiv.Media Reuters мәліметіне сүйене отырып хабарлайды.

Украина мен Ресей арасындағы соғыста 55 мың жауынгер қаза тапты, деп мәлімдеді Зеленский француз телеарнасына берген сұхбатында.

«Украинада майданда қаза тапқан сарбаздардың ресми саны – 55 мың. Соның ішіне әскерилер мен әскерге шақырылған жауынгерлер кіреді», – деді Зеленский.

Украин президенті соғыс құрбандарымен қоса «көп адам» іс-түссіз жоғалғандар санатына жататынын атап өтті.

Бір жыл бұрын, 2025 жылғы ақпанда Зеленский америкалық NBC...

Ақпан айының басы Суқұйғыш белгісінің ықпалында өтеді. Бұл кезеңде ғаламшарлардың белсенді байланысы жаңа идеяларға, технологияларға және тосын шешімдерге қызығушылықты арттырады. Бүгінгі күн жұмыс, келіссөздер жүргізу және болашақ жоспарларды қайта қарау үшін қолайлы.

Тоқты

Нептун ескі істерді аяқтауға итермелейді. Кейінге қалдырған жобаларды жабуға жақсы мүмкіндік. Қаржыда аяқ асты шығындардан сақ болыңыз. Қарым-қатынаста сабыр сақтап, жанжалдан аулақ болған жөн.

Торпақ

Уран өзгеріс жасауға ынталандырады, бірақ маңызды шешімдерде тексерілген жолды ұстанған дұрыс. Технология және экологиялық жобаларға инвестиция салуға қолайлы күн. Кешті жақындарыңызбен өткізген пайдалы.

Егіздер

Суқұйғыштағы Меркурий ойлау мен қарым-қатынас қабілетін күшейтеді. Келіссөздер жүргізу және жаңа серіктестер табуға жақсы уақыт...

Павлодарда салынып жатқан көпірдегі өрттен келген зардапты мердігер компания өз қаражатына қалпына келтіреді. Бұл ақпарат ұлттық автожол операторының мәлімдемесінен туындайды.

«Өрттің салдарын мердігер өз қаражаты үшін жоятын болады. Қосымша қаржыландыру және жобаның құнын қайта қарау талап етілмейді. Оқиға объектінің аяқталу мерзіміне әсер етпейді, көпірде қозғалыстың ашылуы 2026 жылдың соңына жоспарланған», – деді «ҚазАвтоЖол» ҰК » АҚ директоры Ермұрат Нұрханов.

Ол, сондай-ақ, бірінші өрт 31 қаңтарда дәнекерлеу жұмыстарын орындау кезінде өрт қауіпсіздігі ережелерін бұзғандықтан №4 аралық тіректе болғанын айтты. Атап айтқанда, жалынның таралуын болдырмау үшін қорғаныс құралдары қолданылмаған.

Келесі күні өрт көршілес №5 тірекке көшкен. Мұны...

Қазақстан президенті Қасым-Жомарт Тоқаев Пәкістан Ислам Республикасының Жоғары мемлекеттік наградасы – Nishan-e-Pakistan орденімен марапатталды. Бұл туралы Ақорданың баспасөз қызметі хабарлады.

Салтанатты марапаттау рәсімі Исламабадта өтті. Орденді мемлекет басшысына Пәкістан президенті Асиф Әли Зардари мен ел премьер-министрі Шахбаз Шариф табыс етті.

Nishan-e-Pakistan ордені Пәкістанның ең жоғары мемлекеттік наградасы және ел азаматтарына да, шетелдік мемлекеттік, саяси және қоғам қайраткерлеріне де ерекше еңбегі үшін беріледі.

Рәсімге Пәкістан үкіметінің мүшелері, парламент депутаттары, Қарулы күштердің жоғары қолбасшылығының өкілдері, сондай-ақ дипломатиялық корпус қатысты.

Айта кетейік, осыған дейін президент Тоқаевтың сапары барысында жалпы саны 30-дан астам құжатқа қол қойылғанын, оның ішіндегі ең маңызды 19 келісім ресми...

Исламабадта мемлекет басшыларының қатысуымен Қазақстан-Пәкістан бизнес-форумы өтті. Жиын барысында екі ел арасындағы экономикалық байланыстарды жаңа деңгейге шығаратын маңызды құжаттар қабылданды.

Ақорданың баспасөз қызметі хабарлағандай, форум жұмысына Қазақстан президенті Қасым-Жомарт Тоқаев пен Пәкістан премьер-министрі Шахбаз Шариф қатысты. Мемлекет басшысы өз сөзінде бұл сапардың екіжақты қарым-қатынас үшін маңызы зор екенін атап өтті.

Стратегиялық серіктестік және сауда

Қасым-Жомарт Тоқаев Пәкістанға жасаған алғашқы мемлекеттік сапарын тарихи белес деп атады:

«Пәкістанға жасаған алғашқы мемлекеттік сапарымды екіжақты ынтымақтастығымыздағы тарихи белес деп санаймын. Біз серіктестігімізді стратегиялық деңгейге шығаратын Бірлескен декларацияға қол қойдық. Бүгінгі бизнес-форум барысында жалпы сомасы шамамен 200 миллион доллар...