Жаңалықтар

Halyk Bank басқарма төрайымы Үміт Шаяхметова азаматтардың картасында жатқан ақшаға пайыз есептеу мәселесін қайта көтеру – «популистік ұсыныс» деп тұжырымдайды. Оның сөзінше, мұндай тәжірибе бұған дейін банктер мен мемлекеттік компаниялар үшін үлкен тәуекел туғызып, қаржы шығынына әкеп соққан. Бұл туралы ол Kursiv.Media тілшісіне Қазақстан қаржыгерлерінің XIII Конгресі кулуарында айтты.

Шаяхметованың айтуынша, ағымдағы шоттар мен депозиттік шоттар арасында нақты реттеу бар. Заңнамаға сәйкес, 2018 жылдан ағымдағы шоттарға пайыз есептелмейді. Бұл шешім арнайы қабылданған, себебі банктер ағымдағы шоттағы ақшаға пайыз төлеген кезде, көптеген коммерциялық және квазимемлекеттік компаниялар депозит ашпай, қаражатты ағымдағы шотта қалдырып, сол үшін пайыз алып...

Полицияның мәліметінше, Қазақстанда жыл сайын шамамен 300 жасөспірім бала жоғалады, олардың 200-ге жуығы сол бойы табылмай кетеді. Бұл – қоғамды алаңдататын, назардан тыс қалдыруға болмайтын өте өзекті мәселе. Дәл осы ауыр тақырыптың айналасында Freedom Media жаңа қазақ тіліндегі әлеуметтік-драмалық сериал – «Адасқан» жобасын таныстырды.

Сериалдың идеясы мен оқиға желісі

«Адасқан» сериалының сюжеті шынайы оқиғаларға сүйенеді. Туындының негізгі өзегі – іссапар кезінде ойдан шығарылған Қаралы қаласында бес жасар ұлын жоғалтып алған отбасының трагедиясы.

Режиссер Абылай Әшімовтың айтуынша, сериал шынайы өмірдегі ауыр жағдайларды, ата-аналардың, еріктілердің және іздестіру ұйымдарының күресін көрсетуге бағытталған үлкен әлеуметтік жоба.

Жобаның әлеуметтік серіктестері арасында «Лидер КЗ» іздестіру...

Елде қант, тұз және майды шамадан тыс тұтынудың зияны туралы ескерту жасайтын арнайы түсті таңбалау жүйесін енгізу мәселесі қайта қаралып жатыр.

Бұл туралы Үкімет басшысының орынбасары – Ұлттық экономика министрі Серік Жұманғариннің депутаттарға берген жауабында жазылған. Оны іске асыру үшін Еуразиялық экономикалық одақтың (ЕАЭО) техникалық регламенттеріне өзгерістер енгізілуі қажет.

«Пандемияға дейін ЕАЭО деңгейінде азық-түлік өнімдерін таңбалау нормаларын жаңарту ұсынылған еді, алайда ол кезде мүше елдер өзгерістерді қолдамаған. Дүниежүзілік денсаулық сақтау ұйымының ұсынымдарына сәйкес, Қазақстанның Денсаулық сақтау министрлігі 2023 жылы «Азық-түлік өнімдерін таңбалаудағы түсті индикация» атты әдістемелік нұсқаулық әзірледі. Құжаттың мақсаты – тұтынушыларды өнім құрамындағы...

Геннадий Головкин World Boxing ұйымының президенті қызметіне кандидат болуға ниетті екенін жария етті.

Francsjeux.com сайтына ақпаратынша, Геннадий Головкин рингке қайта оралады.

«Бұл жолы оның мақсаты – медаль емес, World Boxing президенті лауазымы», – деп жазады басылым.

«Бокс Олимпиада бағдарламасынан шығып қалу қаупінде болды. Ал мен бұған қарап үнсіз тұра алмадым», – дейді қазақстандық аңыз боксшы.

Айтуынша, ол әлемдік боксқа үлес қосқысы келеді. Президент болуға үміті бар екенін айтты.

«Біріншіден, спортшыларды тыңдай білуіміз және қорғауымыз керек. Екіншіден – федерация жұмысының ашықтығы. Біздің мақсат – боксты келесі Олимпиада ойындарына дейін күшейту. Инновациялар...

15 қараша күні Астана уақытымен 19:00-де елордада футбол жанкүйерлері көптен күткен ойын өтеді. 2026 жылғы әлем біріншілігі іріктеу кезеңінің 9-турында Қазақстан құрамасы өз алаңында Бельгияны қабылдайды.

Қыркүйек айында өткен бірінші ойында бельгиялықтар Талғат Байсуфинов шәкірттерінен 6:0 есебімен басым түскен еді. Қазіргі кезде бельгиялықтар J тобында көш бастап тұр. Бірде-бір матчта жеңілмеген жалғыз команда.

Ал Қазақстан құрамасы Лихтенштейнді жеңіп, Солтүстік Македониямен тең ойнағанымен, әзірге тек 4-орында. Теориялық тұрғыда «жұлдызды» қарсыластарын қуып жетіп, топтың алғашқы екі орнына таласу мүмкіндігі бар. Дегенмен іс жүзінде бұл мүмкіндіктің жүзеге асуы өте қиын.

Матчты қайдан көруге болады

Астана аренада өтетін ойынға барлық билеттер сатылып кеткен...

Қазақстанның еңбек сіңірген қайраткері, композитор Арман Дүйсеновтің әйелі Айсұлу Айданқызы сұхбат беріп, ұлы Абылай қандай жағдайда қайтыс болғанын айтты.

Сұхбат журналист Аман Тасығанның YouTube каналына жарияланған.

«2024 жылы 7 қазанда сағат алты шамасында ұлым Абылайдың досынан қоңырау келді. «Абылай қайда?» деп сұрады. Ол жігіт бұрын маған хабарласқан емес. «Бір жігіттер Абылайды іздеп жатыр еді» деді. Ойымда ештеңе болмады.

(…) Кіші ұлым сабақтан шықты да, «Абылай қайда?» деп сұрады. «Жұмыстарымен жүрген шығар» дедім. Сабақ кезінде Абылайдың таныстары кіші ұлыма да хабарласқан екен. Мән бермедім. Үйге келдік. 83 жастағы әкем жанымда. Кешкі асын бердім.

Біз бір...

Алматы облысында 42 шақырымдық «Ұзынағаш – Отар» жолының ашылуы өтті.

Көлік министрлігінің хабарлауынша, аталған жолдың іске қосылуымен магистральды жаңарту толығымен аяқталды. Енді Алматыдан Шымкентке дейінгі жол толық төрт жолақты болып, жүріп-тұру әлдеқайда ыңғайлы болмақ.

Ашылу салтанатына ҚР Көлік вице-министрі Мақсат Қалиақпаров, Алматы облысы әкімінің орынбасары Рустам Исатаев және өңір ақсақалдары қатысты. Рәсімде қозғалысты бастау батырмасы басылып, жаңа жол арқылы алғашқы болып 15 көліктен тұратын автоколонна жүріп өтті.

«Биыл біз ел бойынша 13 мың шақырым жолда жөндеу және қайта жаңарту жұмыстарын жүргізу арқылы рекордтық нәтижеге қол жеткіздік. Бұл – Мемлекет басшысының қолдауы мен жол саласының қызметкерлерін...

Ұлттық банк төрағасы Тимур Сүлейменов теңге мен доллар жұбындағы бағам нарықтағы сұранысқа байланысты қалыптасатынын айтты. Теңге еркін айналымдағы валюта болғандықтан, бас банк айырбас бағамын ретттемейді. Бұл туралы ол Қаржыгерлер конгресінің кулуарында айтты.

«Негізгі және валюта курсына қатысты факторларға қарасақ, біз айырбас бағамын тікелей реттемейміз. Бағам сұраныс пен ұсыныс әсерінен қалыптасады: қанша доллар ұсынылса, оған сонша сұраныс бар деген сөз. Қазіргі кезде факторлар теңгенің нығаюына әсер етіп отыр. Олардың қатарында квазимемлекеттік сектордың валюта түсімдерін сатуы, мұнай бағасы, резевтегі алтынды сату мен Ұлттық қордан бөлінетін трансфеттер бар», – деді Сүлейменов.

1993 жылы жаңа ұлттық валюта айналымға...

Жайылымдық жерлер ауыл тұрғындары және нақты жоспары бар инвесторларға берілу керек. Ауыл шаруашылығы еңбеккерлерінің форумында Тоқаев осылай деп мәлімдеді.

«Жерді қолынан іс келетін, жұмыс істеуге ниетті азаматтарға беру керек деген тапсырма бірнеше рет айтылды. Алайда, бұл маңызды жұмыс баяу жүргізіліп жатыр. Сондықтан Жолдауда мемлекетке қайтарылған жерді келесі жылдың ортасына дейін түгелдей тұрақты айналымға енгізу туралы тапсырма берілді. Әкімдіктердің осы мәселеге қатысты жоспарлары қағаз жүзінде қалып қоймауы керек. Ең бастысы, жер тағы да игерілмей, бос қалмауы қажет. Жайылымдық жерлер ауыл тұрғындарына және нақты жоспары бар инвесторларға берілуге тиіс», – деді ол.

Президент жер телімдерінің кепілдік құныны...

Қазақстанның Энергетика министрлігі Новороссийскідегі «Шесхарис» ауыстырып тиеу кешеніндегі мұнай базаларының біріне дрон шабуылы жасалғаннан кейін мәлімдеме жасады.

Ресейдің телеграм-арналары мен БАҚ-тары Новороссийскіде орналасқан және оның ішінде қазақстандық мұнай да ауыстырып тиелетін ірі «Шесхарис» мұнай ауыстырып тиеу кешеніне дрондар шабуылы жасалғанын хабарлаған еді. Атап айтқанда, мұнай базасының және кешеннің жағалау инфрақұрылымының зақымданғаны туралы мәлімет тараған.

Осыдан кейін Қазақстанның Энергетика министрлігі аталған оқиғаға байланысты мәлімдеме жасады. Мәлімдемеде қазір Атырау – Самара және Ақтау – Махачкала жүйелері арқылы қазақстандық мұнайды қабылдау және тасымалдау қалыпты режимде, ешқандай шектеусіз жүзеге асырылып жатқаны айтылған.

«Ведомство жедел ақпарат алу...

Алматы 2026 жылы тағы да Орталық Азияның музыкалық орталығына айналмақ. 21–23 тамыз күндері өтетін Park Live Almaty 2026 фестивалі өзінің алғашқы хедлайнерін ресми түрде таныстырды аты аңызға айналған Gorillaz тобы 22 тамыз күні сахнаға шығады!

Gorillaz Қазақстанда алғаш рет өнер көрсетеді

Park Live Almaty фестивалі үшін бұл ерекше қонақ. Ұйымдастырушылар биылғы лайнапты да әр өнерпаздың бірегейлігі мен мәдени ықпалына қарай құруды жоспарлап отыр. Фестиваль үш күн бойы әлемдік музыка әуесқойларын Алматыға жинап, халықаралық жұлдыздар мен қазақстандық таланттардың өнерін тоғыстырмақ.

Өткен жылы бұл шараға 40 мыңнан астам көрермен келген еді. Биыл одан да ауқымды болады деп жоспарланып отыр.

Егін шаруашылығын дамытуда біраз жұмыс жүргіздік. Алдағы уақытта мал шаруашылығына басымдық беруі керек. Ауыл шаруашылығы еңбеккерлерінің форумында сөз сөйлеген Тоқаев осындай тапсырма қойды.

«Байтақ даламыздың барлық аймағында жыл он екі ай бойы мал бағуға болады. Осы мүмкіндікті дұрыс пайдалану қажет. Әрине, малды бағып, өсіру, оның санын көбейту – оңай шаруа емес, өте күрделі жұмыс. Мемлекет тиісті қолдау көрсетеді. Қазір нақты қаржыландыру тетіктері бар: жайылымдарды сумен қамтамасыз етуге, мал бордақылайтын орын салуға және асыл тұқымды мал алуға мемлекеттен субсидия беріліп жатыр. Былтырдың өзінде осы мақсатқа 60 миллиард теңгеден астам қаржы бөлінді», – деді ол сөзінде.

Президент табысқа жеткен әрбір кәсіпкерді өз ауыл-аймағының өркендеуіне үлес қосуға шақырды. Бұл туралы Ақорда хабарлады.

«Тағы да қайталап айтқым келеді: ауыл шаруашылығы дамыса, ең алдымен, ауылдың жағдайы жақсарады. Мемлекет ауыл-аймақтарды көркейту үшін көптеген жобаларды қолға алды. Инфрақұрылым салудан бастап, ауылға білікті маман тарту мәселесіне дейін ауқымды жұмыс жүргізілуде», – деді Қасым-Жомарт Тоқаев.   

Оның айтуынша, 2019 жылдан бері «Ауыл – ел бесігі» жобасы жүзеге асырылып жатыр. Осы жоба аясында ауыл инфрақұрылымын дамытуға 700 миллиард теңгеден астам қаржы бөлінді. Бүкіл ел бойынша 2,5 мыңнан аса елдімекенде нақты жұмыс атқарылды.

«Ауыл аманаты» бағдарламасы аясында 600-ден...

2025 жылы Қырғызстан экономикасының өсу қарқыны 10%-ды құрады. Кейінгі үш жылда бұл көрсеткіш 9%-дан түспеген. Қырғызстан Ұлттық банкінің төрағасы Мелис Тұрғынбаев бұл деректі Қаржыгерлер конгресінің пленарлық отырысында айтты.

«Сыртқы экономикалық қиындықтар біздің экономиканы дамытуға серпін берді. Біз жағдайға бейімделдік, сондықтан кейінгі үш жылда экономикалық өсім 9%-дан төмен болмады. Биылға дейін өсім 10%-ды құрап отыр, әрі одан да жоғары көрсеткішке үміттіміз», – деді Тұрғынбаев.

Сонымен қатар, қырғыз орталық банкінің төрағасы инфляция деңгейіне де тоқталды. Оның айтуынша биыл қырғыз Ұлттық банкі базалық мөлшерлемені екі рет көтерген. Ол қазір 10%-ды құрайды. Ал жылдық инфляция 8,9%.

Қырғызстан экономикасының құрылымы...

14 қараша күні Қазақстан Республикасының Президенті Қасым-Жомарт Тоқаев ауыл шаруашылығы саласының үздік қызметкерлерін мемлекеттік наградалармен марапаттау туралы жарлыққа қол қойды. Президент саланың дамуына елеулі үлес қосқан 30 еңбеккерді түрлі дәрежедегі ордендер мен медальдармен марапаттады.

«Парасат» ордені

Ең жоғары марапат «Парасат» ордені: Серік Әбішұлы Дүйсенбаев, еңбек ардагері (Қызылорда қаласы) Александр Фёдорович Чемоданов, «Құмқұдық» ЖШС директоры (Ақтөбе облысы, Әйтеке би ауданы) берілді.

«Құрмет» ордені

Бұл орден 6 еңбеккерге табысталды:

Нұрмахан Әбдібаев (Түркістан облысы), Валентина Городова (Ақмола облысы), Бекзат Мамырханов (Алматы облысы), Қайыржан Наурызғалиев (Орал қаласы), Мұратбек Нысанов (Жамбыл облысы), Бахтияр Оспанов (Астана қаласы)

«Еңбек Даңқы» ордені

Қазақстан ауыл шаруашылығы өнімдерінің экспортын 14,5 млн тоннаға дейін ұлғайтып, Өзбекстанмен агроөнеркәсіп саласындағы ынтымақтастықты күшейтпек. Бұл туралы Сауда және интеграция министрі Арман Шаққалиев Ташкентте өткен Орталық Азия және Әзербайжанның Сауда және инвестициялар министрлері кеңесінің алғашқы отырысында мәлімдеді.

Министрдің айтуынша, Қазақстан мен Өзбекстан Орталық Азиядағы экономикалық өсімнің негізгі драйвері саналады. Бүгінде екі ел өңірішілік сауданың 80%-ын қамтамасыз етіп отыр. Биылғы тоғыз айда өзара тауар айналымы 3,4 млрд долларды құрап, 18%-ға артқан.

Министр тараптар алдына қойылған стратегиялық міндет – өзара сауданы 10 млрд АҚШ долларына дейін ұлғайту екенін жеткізді. Бұл мақсатқа жету үшін дәстүрлі шикізат саудасынан бірлескен өндірістерді дамытуға, өнеркәсіптік кооперацияны күшейтуге...

XIII Қаржыгерлер конгресінде Freedom Holding корпорациясының бас атқарушы директоры Тимур Турлов цифрлы қаржы құралдарының болашағы туралы ойын ортаға салды. Кәсіпкер банк саласындағы инновацияларды «қаржы қатынастарының мәнін өзгертпейтін, бірақ тиімділігін арттыратын құрал» деп бағалады.

Активтердің түрі емес, мәні маңызды

Турловтың пікірінше, цифрлы активтер – дәстүрлі қаржы құралдарының жаңа түрі ғана.

«Қағазда жазсаңыз да, орталық реестрде сақтасаңыз да, блокчейнде тіркесеңіз де – мәні өзгермейді», – деді ол.

Турлов ең үлкен қауіп ретінде қадағалаушы арбитражды атады. Кәсіпкер түпті мәні бір активті қадағалау деңгейі де әртүрлі болмауы тиіс деп отыр.

«Олардың бірі күрдел...

Қазақстанда 16-24 жастағы жастардың орташа жалақысы 279,9 мың теңге. Ал басқа топтағы азаматтардың жалақысы 400 мың теңгеден асады. Мұндай талдауды Energyprom.kz жариялады.

Ұлттық статистика бюросы дерегіне сәйкес, 2025 жылы Z буыны өкілдері орташа есеппен 279,9 мың теңге табыс табады. Бұл – ең төмен көрсеткіш. Ал ең жоғары жалақыны миллениалдар алады. Бұл топқа 25-34 және 34-44 аралығындағы азаматтар кіреді. 35-44 жас аралығындағы қызметкерлердің номиналды жалақысы 455,1 мың теңгеге тең.

Ал 45-54 жас аралығындағы Х буын өкілдері жалақысы 430 мың теңге. Ал 54 жастан асқан азаматтар мен жұмыс істейтін зейнеткерлердің табысы 377,4 және 337,3 мың теңге.

Жалақының жылдық өсім...

Белгілі әнші Медеу Арынбаев Қайрат Нұртас туралы пікір білдіріп, оған міндетті түрде демалып, дауысын қалпына келтіру керектігін айтты. Бұл туралы әнші Qazaq Airan-ға берген сұхбатында бөлісті.

Медеу Арынбаевтың айтуынша, Қайрат Нұртас жылдар бойы үздіксіз жұмыс істеп, күнара ән айтып жүргендіктен, дауысқа түсетін салмақ өте ауыр.

«Мен Қайраттың өзіне де айтқам: демалу керек, фониаторға бару керек, даусын емдету керек. Өйткені олардың еңбегі біздікінен қарағанда көп. Біз айына бір рет шақырса барып ән айтамыз, ал олар күн сайын концерт, дайындық, той-томалақ. Ол оңай дүние емес, дауыс күтімді, дұрыс ұйқыны, тыныштықты қажет етеді», – деді Арынбаев.

2025 жылдың қазан айында Қазақстанда 20 205 жаңа автокөлік сатылды. Бұл туралы Қазақстанның Автокөлік одағы хабарлады.

Биылғы он айда елде 181 789 көлік сатылған. Бұл өткен жылмен салыстырғанда 14,6 пайыз өсім көрсетіп отыр. Сарапшылар мұны нарықтағы жаңа қаржылық өнімдер мен маусымдық жеңілдіктердің әсерімен байланыстырады.

«Қазан айы ең тиімді ұсыныстар мен жеңілдіктер кезеңі екенін тағы бір дәлелдеді. 20 мыңнан астам жаңа көлік өз иесін тапты. Ең бастысы –Қазақстанда енді ғана шығарыла бастаған брендтердің үлесі айтарлықтай артты. 2025 жыл отандық авторетейл үшін рекорд жылы болмақ», – дейді ҚАО президенті Анар Мақашева.

Қандай көліктер көш...

Қоғам белсендісі Санжар Боқанв Алматыдағы жөндеу жұмыстарының жартысы негізсіз деп есептейді. Оның сөзінше, бюджеттен бөлінген миллиардтарды Вi Group компаниясы алады.Ал олар құрылыс пен жөндеу жұмысының бағасын тым аспандатып жібереді деп айыптады белсенді. Жауап ретінде елдегі ең ірі құрылыс холдингі ресми жауап берді.

М. Әуезов атындағы драма театры

Санжар Боқаев қаладағы ең басты мәдени нысан, Әуезов театрынан, бастады. Оның айтуынша, 2024 жылы-ақ ғимараттың жағдайы жақсы еді, күрделі жөндеу жұмысын жүргізудің қажеті жоқ еді. Қасбетін жаңартып, бүлінген тақташаларын бекітсе жеткілікті болған. Боқаевтың дерегінше, қазіргі жөндеу жұмысының құны 80 млрд теңгеге дейін жетуі мүмкін, бірақ ресми сандар әлі жарияланған жоқ.

Ал...

XIII Қаржыгерлер конгресінде модератор Ораз Жандосов Ұлттық банк басшысы Тимур Сүлейменовтен ел экономикасы өсіп жатыр дегенімізбен, неге халықтың нақты табысы азайып, инфляция қарқыны басылмай тұр деп сұрады.

Жандосовтың сұрағына жауап берген Сүлейменов елдегі инфляция үкімет мен бас банктің жоспарлы көрсеткішінен асып кетуіне бірнеше себеп бар екенін атап өтті.

«Нақты және номиналды көрсеткіштер туралы айтқанда, ең маңыздысы – инфляция. Ол өте жоғары деңгейде. Бұл шынымен де ең басты мәселе. Бір жағынан, инфляцияны тудыратын көптеген сыртық факторлар біздің бақылауымыздан тыс. Екінші жағынан, кейбір факторлар өзіміздің қабылдаған шешімдерімізге байланысты. Бұл шешімдерді дәл қазір қабылдау қажет болды», – деп...

Нұрсұлтан Назарбаевтың інісі Болат Назарбаевтың туыстарына тиесілі үйдің маңайында полиция қызметкерлері қаптап кетті.

Egov.press ақпаратына қарағанда, бұл туралы Алматы облысы Жамбыл ауданы Қарғалы ауылының тұрғандары хабарлаған.

Ақпарат көзінің хабарлауынша, бұл үйде қылмыс жасалуы ықтимал.

Бұл жөнінде KursivMedia Алматы облысы Полиция департаментінің баспасөз қызметіне сауал жіберді.

«14 қарашаға қараған түні Қарғалы ауылының тұрғындары полицияға бейтаныс адамдардың бағалы заттарды ұрлап кеткені туралы хабарлаған. Оқиға орнына жедел-тергеу тобы мен учаскелік инспекторлар барған», – деп жауап берді Алматы облысы Полиция департаментінің баспасөз қызметі.

Органның ақпаратына қарағанда, аталған факті бойынша қылмыстық іс қозғалды.

Қазіргі уақытта күдіктілерді анықтап, ұстауға бағытталған...

Шымкентте аялдамаларды бүлдіру дерегі тоқтамай тұр. Әкімдік полицияға бұл туралы ақпарат берген. Әзірге тәртіп бұзушылар анықталмаған.

Шымкентте соңғы екі аптада тағы 75 аялдама бүлінді. Бірінің жарықшам желісін үзіп тастаса, бірінің әйнегін сындырып кеткен. Сондай-ақ бір аялдаманың атауы жыртылса, бірінің қоғамдық көліктердің жүру бағыты жазылған бағыттауышы жұлып алынған.
Бірақ оны кім, неге, қандай мақсатта жасағаны белгісіз.

«Жаңа аялдамаларға қоғамдық көліктердің бағыттаушын орнатқан едік. Осының өзін жұлып, жыртып тастап жатыр. Ең көбі жарықшамдар желісін үзіп кету дерегі. Ертеңгі күні мұғың арты қайғылы оқиғаларға алып келуі мүмкін. Мысалы, электр желісін үзеді. Онысы темірге тиеді. Қалада кешқұрым жарықшамдар қосылады. Темір электр...