Жаңалықтар

Былтыр азаматтарға тұтынушылық кредит беру көрсеткіші 2024 жылмен салыстырғанда екі есе төмендеді. Президент Қасым-Жомарт Тоқаевтың қабылдауында болған ҚНДРА басшысы Мәдина Әбілқасымова осындай мәліметті жеткізді. Бұл туралы Ақорда хабарлады.

Қаржы нарығын реттеу және дамыту агенттігінің (ҚНДРА) басшысы мемлекет басшысына 2025 жылдың нәтижелері мен алдағы кезеңге арналған міндеттер туралы есеп берді.

Әбілқасымованың айтуынша, халықтың шамадан тыс кредит алуын азайту мақсатында банктер мен микроқаржы ұйымдары 703 мың азаматтың қарызын реттеп, ішінара кешірді.

Жеке тұлғалардың банкроттығы туралы заң қолданысқа енгелі бері банктер 56 мың адамның 209,7 млрд теңге берешегіне кешірім жасады.

Былтыр тұтынушылық кредиттер беру 2024 жылмен салыстырғанда екі есе төмендеген. Ал...

Қаңтар айының ортасынан бастап Алматы хайуанаттар бағына кіру билеттері қымбаттады. Kursiv LifeStyle баға қаншалықты өзгергенін анықтады.

Жаңа бағалар 15 қаңтардан бастап күшіне енді. Енді билет құны:

Зообақ өкілдерінің түсіндіруінше, бағаның көтерілуі мекемені дамыту жоспарларымен байланысты. Жақын арада ескі вольерлерді қайта жаңартып, жаңа әрі кең вольерлер салу және жануарларды ұстау жағдайын оңалту жоспарланған. Сондай-ақ, келушілер үшін жаңа білім беру және интерактивті бағдарламалар іске қосылмақ.

Осы жылдың басында Алматыдағы хайуанаттар бағын көшіреді деген жаңалық шыққан еді. Бірақ әкімдік оны жоққа шығарды. Басшылықтың түсіндіруінше, зообақ ешқайда көшпейді, керісінше халықаралық стандарттарға сәйкес жаңғыртылады.

Шымкент қалалық тергеу соты 21 жастағы Нұрай Серікбайды өлтірді деген күдікпен 28 жастағы жігітті 2 айға қамауға алу туралы санкция берді. Іс «Адам өлтіру» бабымен тергелетін болды. Бұл туралы қалалық полиция департаменті хабарлады.

«21 жастағы қыздың өліміне қатысты қылмыстық іс бойынша барлық мән-жайды анықтауға бағытталған кешенді тергеу-жедел іс-шаралары жүргізілуде. Күдіктіге қатысты соттың санкциясымен қамауға алу түріндегі бұлтартпау шарасы қолданылды» делінген полиция хабарламасында.

Бұдан бұрын марқұмның туыстары күдікті былтыр қазан айында Нұрайды еркінен тыс алып қашқанын, оған қыз да, отбасы да көнбегенін айтқан. Аталған жайт бойынша полицияға арызданған, бірақ күдікті енді маңына жолмайтынына уәде берген со...

Шешенстан басшысы Рамзан Қадыровтың денсаулығына байланысты тараған қауесеттерден кейін оның қатысуымен түсірілген алғашқы видео әлеуметтік желілерде жарияланды.

Бейнежазбаны Шешенстан президенті әкімшілігінің бұрынғы басшысы Ибрагим Закриев өз парақшасында бөліскен. Видеода Рамзан Қадыровтың Грозный қаласының орталығында автокөлікпен жүріп өткенін көруге болады.

Қадыров өз сөзінде денсаулығына қатысты тараған мәліметтерді жоққа шығарды.

«Менде бүйрек те, асқазан ауруы да жоқ. Тек ащы бұрышты көтере алмаймын. Ал жалпы жағдайым жақсы, өзімді толықтай сау сезінемін. Күш-қуатым да бар», – деді Шешенстан басшысы.

Айта кетейік, бұған дейін әлеуметтік желілер мен бірқатар ақпарат көздерінде Рамзан Қадыровтың денсаулығы нашарлағаны және ауруханаға жатқызылғаны туралы...

Астана қаласында бос жұмыс орындарына арналған жәрмеңке ұйымдастырылады. Бұл туралы Kursiv.Media шаһар әкімдігінің мәліметіне сүйене отырып хабарлайды.

Жұмыссыз жүрген астаналықтарға арналған жәрмеңке 4 ақпанда «Астана-Тұран» университетінің ғимаратында өтеді.

«Жәрмеңке жұмыс іздеушілер мен жұмыс берушілерді бір алаңда тоғыстырып, өзекті бос орындар туралы ақпарат алмасуға мүмкіндік береді», – деп таратты елорда әкімдігінің баспасөз қызметі.

Қатысушылар түрлі салалар бойынша тікелей жұмыс берушілермен сұхбаттасып, еңбек нарығындағы соңғы үрдістермен таныса алады.

Ұлттық статистика бюросының ресми мәліметінше, Қазақстанда жұмыссыздық деңгейі 4,6%. Астана қаласындағы көрсеткіш одан сәл төмен – 4,3%.

Осы жылдың 15 сәуірінен бастап екінші деңгейлі банктер мобильді аударымдар бойынша ақпаратты салық органдарына жібере бастайды. Бұл туралы ҚР ҚМ Мемлекеттік кірістер комитетінің басқарма басшысы Ерқанат Шынберген түсіндіріп берді.

«Жеке есепшотқа түскен қаржының барлығына банк мониторинг жасайды. Үш ай ішінде 100-ден аса түрлі тұлғалардан аударымдар түсуі керек. Одан бөлек сол үш айдағы барлық аударымдар сомасы бір млн теңгеден асуы тиіс. Осы жағдайда ғана банктер салық органдарына ескертеді», – деді Ерқанат Шынберген.

Оның сөзінше, егер есепшотты тек жеке мақсатта ғана пайдаланылса, азамат оны растауы тиіс.

«Біз бірден шара қабылдамаймыз. Сараптаймыз, ЖК...

Алматыдағы стоматологияда «Севоран» наркозын салғаннан кейін, үш жастағы бала қайтыс болды. Жеке тіс емханасында мамандар бүлдіршіннің 20 тісін емдеген. Бес жарым сағатқа созылған операциядан кейін бала оянған, алайда жүріп-тұра алмаған.

Бастапқыда қылмыстық іс қозғалған, алайда «қылмыс құрамы жоқ» деген желеумен бірнеше айдан кейін істі жауып тастаған. Араға тоғыз ай салып, тергеу жүргізілетін болды. Бұл туралы баласынан айырылған отбасының адвокаты Инга Иманбай айтты, деп хабарлайды Kursiv.Media тілшісі.

Үш жастағы баланың қазасы

Адвокаттың сөзінше, қайғылы жағдай 2025 жылдың сәуірінде болған.

Ерлі-зайыпты Алматыдағы тіс емханаларының біріне үш жастағы ұлын алып барған. Сол жерде 20 тісін емдеу қажет екені айтылған...

Қазақстанда биік көпқабатты тұрғын үйлерді пайдалануға беру тәртібі күшейтіледі. 2026 жылдың 1 ақпанынан бастап биіктігі 28 метрден асатын үйлер іске қосылар алдында міндетті түрде өрт қауіпсіздігі талаптарына сәйкестігі туралы арнайы қорытынды алуы керек. Бұл туралы премьер-министрдің орынбасары Роман Скляр депутаттарға берген жауабында мәлім етті.

Енді көпқабатты тұрғын үйлердің өрт қауіпсіздігін күшейту мақсатында жаңа талап енгізіледі. Аталған норма «Азаматтық қорғау туралы» заңға енгізілген түзетулерге сәйкес жүзеге асады.

Роман Склярдың мәліметінше, өрт қауіпсіздігі бойынша қорытындыны азаматтық қорғау саласындағы уәкілетті органның аумақтық бөлімшелері береді. Яғни, тұрғын үй толық салынып біткеннен кейін, құзырлы мамандар объектіге барып, өрт қауіпсіздігі талаптарының орындалуын...

Қырғызстанда өтетін VI Дүниежүзілік көшпенділер ойынының ресми бағдарламасына қазақтың көкпары енді. Бұл туралы «Қазақстан Көкпар Федерациясының» Президенті Айдарбек Қожаназаров хабарлады. Бұған дейін ойындар тізімінде көкпардың болмауы қоғамда кең талқылау тудырған еді.

«Туризм және спорт министрлігімен бірлесіп, Қырғызстандық әріптестермен талқылай келе осындай шешімге қол жеткіздік. Көкпар да, көк бөрі де қазақ пен қырғыздың ұлттық болмысын айқындайтын негізгі спорт түрлері. Бұл – тек ойын емес, ұрпақтар сабақтастығы, ортақ мәдени код. Сондықтан мұндай халықаралық жарыстарда спорт достық пен бірліктің нышаны болуы керек», – деді Қожаназаров.

Өткен жылы ойындар тізімі шыққанда көкпар Көшпенділер ойындары бағдарламасына енбеген еді, тек көкбөр...

2025 жылы өңірлердегі жергілікті бюджеттер артығымен (1,8%) орындалды. Әсіресе, салық түсімі жақсы (3,9%). Kursiv.Media салықтан тыс түсімдерге, соның ішінде жер учаскелері мен тұрғын үй саудасынан түскен пайдаға назар аударды. Өйткені ресми деректер тұрғын үй мәселесінің шиеленіскенін аңғартты.

Жалпы табыс

Былтыр жергілікті бюджеттер 15,3 трлн теңге кіріс табады деп болжанған, бірақ жоспар артығымен орындалды – 17 трлн теңге.

Салық түсімдері 7,3 трлн теңге болады деп болжанса, жыл аяғындағы түсім 8,7 трлн теңгеден асты. Салық жоспары 3,9%-ға артық орындалды.

Жер мен тұрғын үй сату

Дегенмен салықтан бөлек түсімдер аз екенін көріп отырмыз. Жыл басында 256,8 млрд теңге табу...

Мемлекет жергілікті бюджеттер есебінен шаңғы курорттарының қымбат жабдықтарына кеткен шығынының бір бөлігін өтейді. Өтемақы аспалы жолдар мен трассаларды дайындау жүйелері құнының 25%-ына дейін беріледі, ал бұл жабдықтар ондаған миллиард теңгеге бағалануы мүмкін.

Туризм және спорт министрлігі жаңа ережелерді бекітіп, курорт бизнесіне жабдық пен техника сатып алуға кеткен шығындардың бір бөлігін өтеу тәртібін нақтылады. Ережеге сәйкес, әкімдіктер сатып алынатын жабдыққа жұмсалатын шығындардың 25%-на дейін өтейтін болады. Бұған түрлі аспалы жолдар, жолдарды жасанды қардан тазарту жүйелері, ратрак техникасы кіреді.

Өтемақы алу үшін бизнес өкілдері әкiмдікке өтініш жіберуге тиіс. Шығындар сатып алу құжаттарымен, шот-фактуралар немесе жабдық сатып алу шарттары арқылы расталуы...

16 қаңтардан бастап Алматыда қоғамдық транспорттың жаңа маршруты іске қосылады. Бұл жайлы Қалалық транспорт холдингінен хабарлаған.

«№96 жаңа бағыт жаңа схема бойынша қатынайды: Әуежай – Майлин көш. – Бекмаханов көш. – Шолохов көш. – Жұмабаев көш. – Үлкен Алматы каналының (ҮАК) бойымен – Мөңке би көш. – «Нұркент» мөлтек ауданы», – деп хабарлады холдингтен.

Жұмыс күндері желіге 15 автобус, ал демалыс күндері 13 автобус шығады. Қозғалыс интервалы 12 минутты құрайды.

Еске сала кетейік, Алматыда қоғамдық көлік жолақысын енді банктің мобильді қосымшасы арқылы да төлеуге болады. Жаңа қызмет 2025 жылдың 29 желтоқсанынан бастап...

Tik-tok желісінде ұсталған тауарларды ерекше сөйлеу мәнерімен сату арқылы танылған«комиссионка» дүкенінің иесі Маржан Фазилова кәсібін сатқалы жатыр. Мұндай қадамға денсаулық жағдайы мәжбүрлеген. Бұл туралы Abylaikhan Omirbay YouTube арнасына берген сұхбат барысында айтты.

Маржан Фазилова дүкенді о баста шағын орыннан бастаған.

«Комиссионный дүкенін 2023 жылы 25 мамырда құрдық. Жаймен-жаймен тиындап-тиындап кішкене ғана 24 квадраттан бастадым. 2022 жылы қызды ұзатқанмын ғой. Оның киімдері қалды, өзімдікі бар, баланікі бар. Үшеуміздікі қарап тұрсаң, әлемге сыймайтын киім екен бар ғой. Құр көтеріп жүре бересің ғой. Құрсын деп екеу-екеу алып қалып, қалғанын бәрін ұрғансың ғой комиссионкаға. Кейін реализацияға алып жүретін болдым. Реализацияда...

2050 жылға дейін Алатау қаласының инфрақұрылымына 10,4 трлн теңге инвестиция салынбақ. Оның ішінде 2030 жылға дейін 3,1 трлн теңгені игеру жоспарланып отыр. Бұл туралы үкіметтің баспасөз қызметі хабарлады.

Ұлттық экономика министрлігінің дерегіне сәйкес, Алатау қаласының Бас жоспарына түзетулер енгізіліп, инженерлік желілердің салалық схемалары, егжей-тегжейлі жоспарлау жобалары және инфрақұрылымдық дамудың жол картасы бекітілген.

Жол картасының бірінші кезеңінде 2026–2027 жылдары жалпы құны 365,1 млрд теңгені құрайтын 21 жоба жүзеге асырылады. Бұл кезеңде қосалқы стансалар, су жинау торабы, газ құбырлары, сондай-ақ қолданыстағы инженерлік инфрақұрылым нысандарын жаңғырту және жаңа объектілер салу жоспарланған.

Екінші кезең 2028–2030 жылдарды қамтиды. Бұл уақытта...

«Челсидің» жаңа бас бапкері Лиам Розениордың келер маусымға арналған жоспарлары белгілі болды. Бұл туралы BBC хабарлайды.

Дереккөз мәліметінше, маманның алдағы уақыттағы басты міндеттерінің бірі, бірінші құрамнан шеттетілген Рахим Стерлинг пен Аксель Дисасидің клубтағы болашағына қатысты келіссөздер жүргізу. Аталған екі футболшы да трансферлік тізімде тұр және жазда мүмкін болған жалға беру нұсқаларынан бас тартқан.

Жазда ірі трансферлер күтіледі

Жазғы трансфер кезеңінде «Челси» тағы бірнеше маңызды ойыншыны қатарға қосуды жоспарлап отыр. Клуб үшін негізгі басымдық жоғары деңгейлі шабуылшы сатып алу. Лондондықтардың қызығушылық танытып отырған футболшыларының қатарында «Ювентустың» ойыншысы Кенан Йылдыз бен «Манчестер Юнайтедтің» жартылай қорғаушысы Кобби Майну бар.

Осы...

Сенатор Геннадий Шиповских әлеуметтік желілердегі агрессивті жарнаманың күшейіп бара жатқаны туралы мәселе көтеріп, Үкіметке сауал жолдады.

Сенатордың сөзінше, соңғы жылдары әлеуметтік желідегі жарнаманың көлемі ғана емес, шабуылдық сипаты да күрт өскен. Әсіресе, блогерлер мен инфлюенсерлер, танымал мәдениет және спорт қайраткерлері арқылы тауарлар мен қызметтер және «инвестициялық жобалар» алға басып барады. Өйткені олардың пікіріне көптеген пайдаланушылар сенім артады. Мұндай жарнама азаматтардың ақша жөнінде шешім қабылдауына, олардың тұтыну барысындағы таңдауына және тіпті денсаулық жағдайына тікелей әсер етеді.

Сенатордың айтуынша, әлеуметтік желілер арқылы жарнамалар мен қаржылық жобаларға қатысуға шақырулар жиі таратылуда. Олар тексере келгенде, қаржы пирамидасы болып шығады. Күмәнді инвестициялық және құрылыс жобалары...

Әлеуметтік маңызы бар азық түрлерінің тізімін арттырса, үй жанындағы ұсақ дүкендер «банкрот боламыз» деп қорқып отыр. Соған қарамастан Сауда және интеграция министрлігі өз ұстанымында қалғысы келеді.

Ұсақ дүкендердің шағымын жақында «Ақ жол» партиясы депутаттары көтеріп, Сауда және интеграция министрлігіне сауал жолдаған еді. Министрлік ұсақ дүкендерге мемлекеттік қолдау шаралары барын айтады.

Ведомство дүкен иелері алатын кредит бойынша сыйақы мөлшерлемесінің бір бөлігі субсидияланатынын, банктер берген кредиттер бойынша сыйақы мөлшерлемесінің бір бөлігін кепілдендіруге болатынын хабарлады. Сондай-ақ инвестициялық салымдар кезінде, сауда нарықтарын жаңғыртуға, айналым қаражатын толықтыруға, кооперативтік дүкендерді дамытуға да сұраса қаражат берілетінін атап өтеді.

«Әлеуметтік маңызы бар азық-түлік...

Алматыда жаңа метро желісінің құрылысы басталады. Осыған байланысты жаңа станциялар үшін жер телімдері сатып алынып, бірқатар үйлер сүрілетін болады. Сүрілетін ғимараттар Алмалы, Медеу және Түрксіб аудандарында орналасқан. Бұл туралы Kursiv.Media krisha.kz-ке сілтеме жасап хабарлайды.

Жаңа метро желісінің бағыты

Жаңа желі «Жібек Жолы» станциясынан басталып (Панфилов көшесі, Жібек Жолы мен Гоголь көшелерінің арасында), соңғы станция Алматы әуежайының жанында орналасады.

Метро желісі Гоголь көшесі бойымен Орталық парк, содан кейін Шығыс айналма автокөлік жолы және Құлжа трактісі арқылы әуежайға дейін өтеді.

Алматыдағы жаңа метро желісінде сегіз станцияның құрылысы жоспарланып отыр.

Олар:

PepsiCo компаниясың Алматы облысында салып жатқан ірі зауыты 2026 жылдың жазында ашылады. Жоба аясындағы инвестиция көлемі 360 млн долларға жетіп, 900 жаңа жұмыс орны құрылады. Бұл туралы үкіметтің баспасөз қызметі хабарлады.

Жобаның негізгі нысаны – тұзды тіскебасар тағамдар шығаратын зауыт. Шикізатпен қамтамасыз ету үшін жергілікті фермерлермен 15 келісім жасалған. Бұл шара аграрлық секторға да мультипликативті әсер тигізеді, өйткені өндіріс жергілікті өнімдерге сұранысты арттырады.

PepsiCo компаниясының мемлекеттік органдармен өзара іс-қимыл жөніндегі директоры Марғұлан Оспановтың айтуынша:

«2025 жылы инвестиция көлемін $360 млн-ға дейін екі есеге арттыру туралы шешім қабылданды. Құрылыстың барлық кезеңдер...

Атырау облысындағы Қарабалиндер әулетіне қатысты кей сұраққа әлі жауап табылмады. Мәселен, жұмбақ жағдайда жоғалып кеткен отбасының қорадағы малын кім сатты? Хабар-ошарсыз кеткен Наурыз Мұқанғалиевтің телефонын бәзбіреулер қолданған ба? Әлде малды сатқан Наурыздың өзі ме? Тергеу аяқталмай, бұл сұраққа нақты жауап алу мүмкін емес. Алайда оқиға болған ауыл тұрғындары көріп-білгенін айтып жатыр.

Қызылқоға ауданы Жангелдин ауылының әкімі Ғайса Қанат отбасының 30-дан аса уақ малы, он шақты ірі қарасы болғанын айтты. Мал қыркүйек-қарашада сатыла бастаған. Марқұм ерлі-зайыптының ұлы Наурыз «анамның еміне ақша қажет» деп, ауылдастарымен мессенджер арқылы саудаласқан.

Сол уақытта отбасының үйіне келген-кеткен адамдар да бар. Олар – отбасының кенже...

FlyArystan әуе компаниясының аса ірі көлемде ақша жымқырды деп айыпталған үш қызметкеріне үкім шықты. Дәуір Еркенұлы 9 жылға , Еркін Исанов пен Ренат Абулханов 8 жыл 6 айға сотталды. Бұл туралы Kursiv.Media журналист Михаил Козачковтың телеграм-арнасында жарияланған мәліметке сүйене отырып хабарлады.

Air Astana әуе компаниясының баспасөз қызметі үш топ-менеджерге шығарылған сот үкімі туралы мәліметті кейінірек тарататынын Kursiv.Media-ға мәлімдеді.

Қымбат автокөліктері де тәркіленеді

Іс Алматы қаласы Алмалы ауданды сотында қаралды. Сот үшеуін де «Аса ірі көлемде ақша жымқыру», «Лас жолмен түскен ақшаны заңдастыру» айыптары бойынша кінәлі деп тапты.

Еркенұлы, Исанов және Абулхановтың дүние-мүлкі тәркіленеді. Бұған қоса...

Жақында Пентагондағы «пицца индексі» деп аталып кеткен көрсеткіш 1000%-ға өскені туралы хабар тарап, жұрт АҚШ Иранға қарсы соққы жоспарлап отырған жоқ па деген болжам жасады. Желіде тараған мәліметке сенсек, АҚШ Қорғаныс министрлігі маңайындағы пиццерияларға осы күндері әскерилерден тамаққа тапсырыс күрт артып, дәмханалар күні-түні тынбай жұмыс істеумен болыпты-мыс.

Пицца индексі деген не

Пицца индексі – журналистер мен сарапшылар біраз жылдан бері қолданып жүрген бейресми, кекесін сипатындағы көрсеткіш. Айтуларға қарағанда, Пентагонға таяу жерде орналасқан пиццаханаларға сыртқа тамақ жеткізуге тапсырыстардың әдеттегіден көп түсуі әскери ведомстводағы жоғары шенділердің оңаша қалып, төтенше мәжілістер өткізуімен, арнаулы операцияларды пысықтауымен тұспа-тұс келеді. Отырыстар ұзаққа созылып, үзіліс жасап, жүрек...

Астанадағы екі жеке клиниканың басшысы Әлеуметтік медициналық сақтандыру қорынан 682 млн теңге ұрлады деп күдікке ілінді. Ол осы ақшаға Испаниядан вилла сатып алған.

Қаржы мониторингі агенттігінің дерегінше, 2022 жылы клиникалар мен қор арасында жалпы сомасы 2,4 млрд теңге болатын медициналық қызмет көрсету келісімі жасалған, оның ішінде мобильді медициналық пойыз қызметтері де бар.

Клиникалардың басшысы алаяқтық схемасын ұйымдастырған. Пациенттердің, шын мәнінде, медициналық көмек алмағанына қарамастан, ақпараттық жүйеге жалған деректер енгізілген, оларға жалған диагноз бен көрсетілген қызметтер тіркелген.

Осылайша медициналық мекеме басшылары қордан заңсыз жолмен 682 млн теңге түсірген. Соның 364 млн теңгесі басшы мен жұбайының шотына аударылған.

Қазіргі уақытта клиника басшысы...

Атырау облысындағы Жангелдин ауылындағы жантүршігер қылмыстың мән-жайы әлі талқыланып жатыр. Kursiv.Media тілшісі Жангелдин ауылына барғанда отбасының көршісі Гүлшырын атты әйелмен тілдесті.

Гүлшырын отбасын танитынын, бәрі қарапайым адамдар екенін айтады.

«Бәрінің үйі шарбақпен қоршалған соң кімнің үйінде не болып жатқанын білмейміз ғой. Кім келіп, кім кетіп жатқанын да. 4-5 қараша күні ауылда болған жоқпыз. Атырауға кетіп қалған едік. Анда-санда Мақсотты көретінбіз. Мал қарайтын. Малын қарап жүргенде сыртқа шыққанда көріп қалатынбыз. Көреміз, араласамыз. Ал әйелі Нәсіпхан үйінен шықпайтын. Анда-санда дүкеннен көреміз», – дейді ол.

Гүлшырын жолдасымен Атырауға тойға барғанда, таныстарынан «көршілеріңіз жоғалып кетіпті ғой...