Жаңалықтар

Алматы облысында Lay’s чипсін шығаратын Орталық Азиядағы ең үлкен зауыт салынады. Инвестициялық жоба құны – 71 млрд теңге. Кәсіпорын жергілікті шикізатты пайдаланады. Бұл туралы Kursiv.Media өңір әкімдігінің мәліметіне сүйене отырып хабарлады.

Ірі өндірісті PepsiCo компаниясы жүзеге асырады. Өңір басшылығы инвестициялық жобаның жергілікті ауыл шаруашылығын дамытуға ықпалы зор деп есептейді. Әсіресе Нарынқолда картоп өсіретін шаруаларға үлкен демеу болғалы тұр.

Әкімдік мәліметінше, өнеркәсіптің ішкі аймақ өніміндегі үлесі 25%-дан асады. Өндірісте 56 мыңнан астам адам еңбек етеді. Өнім көлемі 2 трлн 110,7 млрд теңге болды.

Алматы облысы көкөніс шырындары, алкогольсіз сусындар, балмұздақ, шарап, коньяк өнімдері және ірімшік өндіруде...

Жетісу облысының Полиция департаменті әлеуметтік желіде ерекше креативті жазба жариялады. Бұл жолы ведомство жасанды интеллекттің көмегімен «Аңдар шаһары» (Zootopia) мультфильмінің кейіпкерлерін полиция қызметінің күнделікті жұмысына «қатыстырды».

Жарияланған контентте мульткейіпкерлер полиция формасын киіп, қызметтік құрал-жабдықтармен танысып, жедел басқару орталығы мен арнайы бөлімшенің жұмысына куә болғандай көрінеді. Бұл ролик пен суреттер полиция қызметінің қалай ұйымдастырылатынын жеңіл әрі қызықты форматта көрсетуді мақсат еткен.

Айта кетейік, бұл материал толығымен ЖИ технологиясы арқылы...

Танымал блогер Мерей Әбілова өзінің авторлық өнімін жарыққа шығарды. Шашқа арналған сусабын мен кондиционерін жұртшылыққа ұсынғаны сол-ақ еді сынның астында қалды. Оқырман екіге бөлініп, бірі «отандық өнімге қолдау керек» десе, екінші тарап «өзінің шашына қарамай ма, қалай ұялмай шампунь сатып жатыр» десті. Сондай-ақ, жарнамасында блогер премиум сегментке жатады деген еді. Threads желісінде мұнымен келіспей, «құрамы нашар» деп сөгіп жатқандар да бар. 

Қазақ еліне +1 бренд

Естеріңізде болса, біз бұған дейін де блогерлердің косметика шығаруға белсенді кіріскені туралы жазған едік. Әсіресе, инфлюенсерлер бірінен соң бірі ерінге арналған далап, блаш шығарып кеткен. Енді күтімге арналған косметикасын ұсынғандар саны бірге артты. Instagram желісінде...

Мәжіліс тұтынушылардың құқығын қорғауды күшейтіп, айыппұлдарды көтермекші. Бұл жайлы инстаграмдағы тікелей эфирде депутат Мұрат Әбенов түсіндірді.

«Тұтынушылардың құқығын бұзғаны үшін айыппұлды көбейтеміз. Яғни сатушы тауар үшін ақшаны қайтарып және оның үстінен тағы айыппұл төлеуі керек. Бизнес сіздің мәселені шешуге мүдделі болатындай етіп жаздық. Мәселен, 1 млн теңгенің тауары үшін ақшаны қайтарады және үстінен 100 мың теңге айыппұл береді. Кәсіпкерге тұтынушының құқығын бұзу тиімсіз болуы керек», – деді ол.

Жобадағы тағы бір өзгеріс – whatsapp хабарламаларды құжат деп танитын болды.

«Қазір көпшілігінде онлайн келісім, бірақ адамдардың қолында ештеңе жо...

Желіде «Құпия Аяз ата» тақырыбында ашылған түрлі жазбаларда қолданушылар мереке қарсаңында символикалық сыйлық ретінде ақша аударады деген үмітпен карта нөмірлерін жариялап жатыр. Алайда банк қызметкері бұл әрекеттің қауіпті жағы көп екенін айтып, ескерту жасады.

Өзін банк қызметкерімін деп таныстырған қазақстандық әйел адамдардың ашық түрде карта нөмірін жариялауына алаңдаушылық білдіріп отыр.

«Банкте жұмыс істеймін, үндемей қала алмаймын. Адамдар карталарының нөмірін ашық салып жатыр. Біреулер үшін бұл жай ғана аударым болуы мүмкін, ал алаяқтар үшін – бұл дайын тізім», – деп жазды ол.

Алайда кейбір қолданушылар карта нөмірі қауіп төндірмейтініне сенімді.

Apple және Google бүкіл әлемдегі пайдаланушыларға киберқауіп туралы ескерту жіберді. Оның ішінде Қазақстан да бар.

Осы арқылы қос компания клиенттерін аңду қаупінен қорғау жөніндегі соңғы әрекеттерін де жария еткен.

Reuters ақпаратына қарағанда, Apple мен Alphabet құрамына кіретін Google – пайдаланушыларына тұрақты түрде ескерту жасайтын ірі технологиялық компаниялардың бірі. Әсіресе, оларды мемлекеттік деңгейде қолдау көрсетілетін хакерлердің нысанасына айналуы мүмкін екенін құлақдар етіп отырады.  

Apple 2 желтоқсанда ескерту жіберілгенін хабарлады. Алайда болжамды хакерлік шабуыл туралы қосымша ақпарат ұсынған жоқ. Сондай-ақ компания шабуылға ұшыраған нақты пайдаланушылар саны мен кімге бақылау жасалғанын ашық айтпады. Apple мәліметінше, бүгінгі күнге дейін 150-ден астам елдег...

Музыкант, Dj Иманбек Зейкенов Қазақстан Республикасының «Құрмет» орденімен марапатталды. Мемлекеттік награданы Мәдениет және ақпарат министрі Аида Балаева табыстады.

Мемлекет басшысының Жарлығымен елдің экономикалық және қоғамдық өмірінің түрлі салаларын дамытуға елеулі үлес қосқан азаматтарға мемлекеттік наградалар берілді. Кейбір азаматтар марапаттау кезінде елден тыс жерде болғандықтан, наградаларын уақытында ала алмаған.

Аида Балаева әлеуметтік желідегі парақшасында бұл туралы жазба жариялап, марапат тапсырудың өзі үшін ерекше мәртебе болғанын атап өтті.

Бүгін осы құрметті наградаларды өз отандастарымызға табыстау мен үшін айрықша мәртебе болды. «Құрмет» орденімен Конфессияаралық және дінаралық диалогтың халықаралық орталығы жанындағы Съездің бастамаларын іске асыру департаментінің бұрынғы басшысы...

Алматы облысы Қарасай ауданындағы Burunday Container Terminal-дың уақытша сақтау қоймасы енді Алматы қаласының кіріс басқармасына қарайды. Осындай өзгерісті көздейтін құжат жобасын Қаржы министрлігі жариялады.

Не өзгереді

Министрлік мәліметінше, басты мақсат – кедендік рәсімдерді, логистиканы жеңілдету, сонымен бірге көлік шығынын азайту, тауар импортымен, экспортымен айналысатын компаниялар үшін уақыт пен қаржыны үнемдеу.

Жалпы аумағы 16,5 гектар жерді алып жатқан үлкен контейнер терминалы Burunday Container Terminal (BCT) Боралдай темір жол станциясына жақын маңда орналасқан. Ал терминалдың өзі 50 мың шаршы метрді алып жатыр.

Қойма Алматы қаласының салық жүйесіне бағынған уақытта, кәсіпкерлер облысқа барып әуре болмайды – кеден рәсімдеулерін қаладан шықпай-а...

Блогер, ережесіз жекпе-жек шебері Еркебұлан Тоқтар «Қазақстанның еңбек сіңірген қайраткері» атағын алды. Бұл туралы ол өзінің Instagram парақшасында бөлісіп, марапаттың ресми куәлігі мен төсбелгісінің суретін жариялады.

Мемлекеттік награда Қазақстан Республикасы Президентінің 2025 жылғы 21 қазандағы Жарлығы негізінде табысталған. Куәлікте Еркебұлан Тоқтардың ел мәдениетінің дамуына сіңірген еңбегі ерекше атап өтілген.

Еске сала кетейік, Еркебұлан Тоқтар бұған дейін алты айға ММА-дан шеттетілген еді.

Астанада үш жастағы Зере Есентай Dental Park Ortho стоматологиясында қайтыс болды. Балаға «Севоран» препаратын салған анестезиолог Аида Жұмағалиеваға кәсіби міндетін дұрыс орындамады деген айып тағылды.

2025 жылдың 8 желтоқсанында қылмыстық істегі сотталушы Жұмағалиевадан жауап алынды.

Анестезиолог туралы не белгілі?

Аида Жұмағалиева – Ресей азаматы, 16 және 17 жастағы екі баласы бар. Қазақстанға 2019 жылы келген. Бастапқыда Батыс Қазақстан облысы Орал қаласындағы облыстық балалар ауруханасында жұмыс істеген. Оралда екі жыл жұмыс істеп, Астанадағы Ұлттық ғылыми медициналық орталығына ауысқан. Ол жерде де екі жыл жұмыс істеп, 2023 жылдан бері Астана қалалық балалар ауруханасында жұмыс істейді.

Дәрігер ретінде 14 жылдық, анестезиолог...

Қазақстанның «қауіпсіздік жастығы» – Ұлттық қорға 11 айда 10 трлн теңге түскен. Соның 6,4 трлн теңгесі – қорды 9 ай басқарудан түскен алынған инвестициялық табыс. Бұл туралы Қаржы министрлігінің есебінде жазылған.

10 трлн теңгенің 3,6 трлн теңгесі мұнай секторы ұйымдарынан алынған салықтардан түскен. Мұнай секторынан түскен қаражат көлемі 3,6 трлн теңгені құрайды.

Оған корпоративтік табыс салығы (1,21 трлн теңге), үстеме пайда салығы (34,5 млрд теңге), бонустар (1,23 млрд теңге), пайдалы қазбаларды өндіру салығы (876,6 млрд теңге), экспортқа рента салығы (338,3 млрд теңге) және өнімді бөлу келісімшарттары бойынша Қазақстан Республикасының үлесі (1,03 трлн...

Елімізде ауа арқылы таралатын вирустар өршитін кезең басталды. Әсіресе А типті  (H3N2) һәм «Гонконг тұмауы» жылдам тарап жатыр.  Кейінгі екі айда Қазақстанда 2 миллионға жуық адам вирус жұқтырған. Науқастардың 60 пайызы – балалар. Соның салдарынан кей сыныптарда сабақ онлайнға ауыстырылды. Тұмаудың нақты осы түрімен қалай күресуге болады, емдеу жолы қандай – нұсқаулықта толығырақ айтып береміз. 

Неге тұмау өршіп кетті

Жергілікті санэпидбақылау департаменттерінің деректеріне сүйенсек, Қазақстанда ЖРВИ, оның ішінде H3N2 штамын жұқтырғандар саны жылдам көбейген. Тұмаудың бұл түрінің ерекшелігі сол – тез тарайды әрі интоксикациясы айқынырақ байқалады. Елде күз-қыс айларында ауа-райы тез құбылатыны белгілі. Оған қоса көп өңірде ауа құрғақ болды, содан вирус...

Астанада стоматолог кабинетінде қайтыс болған үш жастағы Зере Есентайға толық медициналық көмек көрсетілмеген. Бұл туралы іске маман ретінде тартылған балалар кардиологы Рахима Мекенбаева жасаған қорытындыда айтылған.

Істің мән-жайы

2024 жылдың 30 қазанында үш жастағы қызға Астанадағы Dental Park Ortho стоматология клиникасында «Севоран» препараты салынып, наркоз жасалған. Бірнеше сағаттан кейін қыз оянбай қалған.

Артынша қылмыстық іс қозғалып, анестезиолог Аида Жұмағалиеваға кәсіби міндетін дұрыс орындамады деген айып тағылды.

Медициналық көмек толық көрсетілмеген

Сотта балалар кардиологы Рахима Мекенбаева жасаған қорытынды оқылды.

«Пациент Зере Есентайға медициналық көмек толық көлемде көрсетілмеген. Стоматологияда тісін емдеместен бұрын пациентке толық тексеру жүргізілмеген...

Абай облысының әкімі Берік Уәли тұрғындармен өткен кездесуде Қытайдан келген азаматтар мен инвесторлар мәселесіне қатысты пікір білдірді.

Кездесу барысында Аягөз қаласының тұрғындары қонақүйлерде «қытайлар көбейіп кетті», «қайда барсақ та қытай азаматтары жүр» деп шағымданған. Әкімнен шетелдіктердің аймақта не себепті көбейіп жатқанын сұрап, алаңдаушылық білдірді.

Өз кезегінде Берік Уәли бұл мәселені эмоциямен емес, экономикалық тұрғыдан қарау керектігін айтты. Оның сөзінше, шетелдік, соның ішінде қытайлық инвесторларға үрке қараудың қажеті жоқ.

Бүгінде әлемнің көп бөлігі Қытайдың инвестициясына мұқтаж. Біз мұндай мүмкіндіктерден өз еркімізбен бас тартпауымыз керек, — деді облыс әкімі.

Әкімнің «егер Қытайдан қорықсақ, айға немесе...

Жұлдыз Әбдікәрімова қайынәпке болдым деп сүйінші сұрады. Оның інісінің тойына Қайрат Нұртас пен әкесі Нұртас Айдарбеков келіп, ән шырқады.

Айсұлтан мен Аружанның тойына қазақстандық жұлдыздардың дені төбе көрсетті. Оның ішінде «Музарт» әншісі Кенжебек Жанәбіл, Тұрар Ыдырыс және басқа әншілер де бар.

«Қайын әпке болдым. Келінімді артық мазаламауға, шексіз жақсы көруге және шектен шықтауға уәде бердім», – деп жазды актриса.  

Тойда Жұлдыз Әбдікәрімова жастарға бақыт тілеп, әке-шешесін көптен күткен тойларымен құттықтады.

«Екі жасқа тілерім, махаббаттарың баянды болсын! Көтерген шаңырақтарың берік болсын!», – деп тілек айтты.

Қайрат Нұртас та...

Грекиялық «Олимпиакос» футбол клубы Чемпиондар лигасы аясында алматылық «Қайратпен» ойнау үшін Астанаға ұшып келді.

Ойын ертең, «Астана Арена» стадионында сағат 20:30-да басталады. Қонақтар құрамында танымал футболшылар – Мехди Тареми, Айюб Эль Каби, Ортега және Мартинш бар.

Матч бастапқыда «Қайраттың» өз алаңында өтуі тиіс болған. Алайда ауа райының қолайсыздығына байланысты клуб ойындарды уақытша Астанаға ауыстыру туралы шешім қабылдаған.

Ойын билеттері Freedom Ticketon сайтында сатылымда. «Қайрат» футбол клубы Алматыдағы бағалармен салыстырғанла бағаны айтарлықтай төмендеткен еді.

Қазақстанда кәсіп жүргізуге берілетін несие құны Еуразиялық экономикалық одақ елдерінің ішінде ең қымбаты болып тұр. Еуразиялық кеңес мәліметіне сәйкес, Қазақстан кәсіпкерлері үшін ұсынылатын пайыздық мөлшерлеме ЕАЭО мемлекеттерімен салыстырғанда айтарлықтай жоғары.

2025 жылдың үшінші тоқсанында Қазақстанда қысқа мерзімді несие бойынша орташа мөлшерлеме 19,2% болды. Бұл – Ресеймен салыстырғанда сәл төмен болғанымен, басқа ЕАЭО елдеріндегі көрсеткіштен жоғары. Мысалы, Қырғызстанда 18,2%, Арменияда 13,2%, Беларусьде 11,3%. Яғни, кәсіпкер үшін Қазақстандағы несиенің құны өзге елдермен салыстырғанда айтарлықтай қымбат.

Ал ұзақ мерзімді қарыз бойынша Қазақстан ЕАЭО елдері арасында бірінші орында: кредит 25,1%-бен беріледі. Бұл цифр кәсіпкерге жаңа жобаларды қаржыландырудың қаншалықты...

Ұзақ уақыт бойы көпшілік назарынан тыс қалған әнші Сырым Исабаев тыңдармандарын жаңа әнімен қуантты. «Сол бір сезім» атты туындысы жарыққа шыққаннан кейін қысқа уақыт ішінде халық арасында танымалдыққа ие болды.

Ән небәрі 4 апта ішінде YouTube платформасында 1,8 млн астам қаралым жинап, хитке айналып үлгерді. Желі қолданушылары орындаушының сахнаға қайта оралуын жылы қабылдап, мыңдаған пікір жазып жатыр.

Пікірлердің ішінде:

«Барлығы Қайратқа ғашық болғанда мен үнсіз ғана Сырымға ғашық едім!», «Сандықтан бірге хитпен шыға келгені қалай кетті», «Сырым Исабаевтың қоңыр даусы керемет, қайта оралғанына өте қуаныштымын» деген жазбалар жиі кездеседі.

Оқырмандарға еске сала кетсек...

Енді кәсіпкерлер контрагенттерін онлайн тексере алады. Мемлекеттік кірістер комитеті бизнес үшін «Контрагенттер туралы мәліметтер» сервис әзірледі.

«Бұл сервис ашық өзекті деректерді алуға және өз контрагентін: салықтық режимі, ҚҚС бойынша тіркеу есебі, төленген салықтар көлемі, қызметкерлер саны, салықтық жүктеме коэффициенті, компанияның басшысы мен құрылтайшылары туралы мәліметтер, сондай-ақ ЭШФ бойынша шектеулердің немесе сенімсіз ұйымдар тізіміне енгізудің болуы және т.б. мәліметтер негізінде бағалауға мүмкіндік береді», – деп жазылған комитет сайтында.

Яғни кәсіпкер өз серіктесінің қаншалықты салық төлейтінін, ҚҚС-ны қалай төлейтінін, бизнесіндегі қызметкерлері мен құрылтайшылары туралы барлық ақпаратты онлайн сервистен тексере алады. Ол үшін мемлекеттік кірістер комитетін...

Forbes Kazakhstan Қазақстанның ең ірі 75 жеке компаниясының жаңартылған рейтингін жариялады. Биыл тізім кеңейіп, бұрынғы топ-50 орнына топ-75 форматына өткен. Қазақстандағы ең бай үш адамның бірі – Владимир Кимнің қос компаниясы аталмыш тізім басында тұр.

Тізімге жаңа 9 компания енді

Компаниялар тізімінде айтарлықтай қозғалыс байқалды: 34 компания өткен жылмен салыстырғанда төмендесе, 21-і өз позициясын жақсартты. Сегіз компания өз орнында қалса, үш компания үзілістен кейін рейтингке қайта енген. Сондай-ақ, биыл тізімге тоғыз жаңа қатысушы қосылған.

Жаңа қатысушылар қатарында теміржол машина жасау өнімдерін шығаратын Railways Systems KZ, автобус және коммерциялық техника...

2025 жылғы қаңтар-қыркүйек айларында Алматы қаласына 1,8 миллионнан астам адам келді. Шетел туристері ішінде Ресей, Қытай және Үндістан елдерінің үлесі басым. Бұл туралы Kursiv.Media қала әкімдігінің мәліметіне сүйене отырып хабарлады.

Алматыны көруді асыққан туристер легі жылдан жылға артып келеді. Биыл үш тоқсандағы көрсеткіш 2024 жылғы нәтижемен (1,7 млн) салыстырғанда 8,1%-ға артық.

Ішкі туристер

Қалаға қыдырып келушілердің дені – ел азаматтары. Тоғыз айдан мегаполиске 1,3 млн адам қонақтап келді. Олардың саны биыл 2024 жылға қарағанда 6,9%-ға артқан.

Қытай туристері көбейді

2025 жылғы қаңтар-қыркүйекте шетелден Алматыға келушілер 11%-ға көбейді – 563 мың адам. Олардың дені Ресей...

Қазақстанда онлайн-казино арқылы 600 млрд теңгеден астам қаражат шекара сыртына аударылған. Онлайн-казино немесе басқа қызметтер арқылы ақша аударымдарын заңсыз жолмен жүргізуге банк пен финтех компаниялар да көмектескен. Жалпы саны 20-дан асады. Тіпті банктердегі лауазымды тұлғалар да бар деп хабарлайды Қаржы мониторинг агенттігінен.

Құзырлы органдар мәліметінше, елдегі заңсыз ойын бизнесі нарығынан трансшекаралық аударымдардың ауқымды схемасы әшкерленді. Олар заңсыз жолмен алған ақшаны банк немесе басқа да ұйымдар арқылы шығарып алып отырған.

Схеманы жүзеге асыру үшін финтех-сервистердің иелері «сұр» POS-терминалдар мен Terminal ID қолданған.

Сондай-ақ құзырлы органдар төрт онлайн-казиноға техникалық қолдау көрсеткен Call-орталықтың қызметін тоқтатты. Оның заңсыз жұмысына Қазақстан, Ресей...

Түркістан облыстық мемлекеттік сәулет-құрылыс бақылау басқармасының басшысы Сұлтанғали Жалықұл қызметінен босатылды. Мұндай шешімге әдеп жөніндегі кеңес келген.

Бұған дейін әлеуметтік желіде басқарма басшысы көшеде әлдебіреумен ерегісіп, төбелескен видео тарап, қызу талқыға түскен еді.

«Көпшіліктің назарына ілінген оқиғаның қатысушысы Түркістан облысының мемлекеттік сәулет-құрылыс бақылау басқармасының басшысы Сұлтанғали Жалықұлға Қазақстан Республикасы мемлекеттік қызметшілерінің әдеп кодексінің 6-тармағының 4), 5) тармақшаларының және 10-тармағының талаптарын сақтамағаны үшін «атқаратын мемлекеттік лауазымынан босату» түріндегі тәртіптік жаза қолдану ұсынылды» делінген облыстық мемлекеттік қызмет істері департаментінің хабарламасында.

Шешім 5 желтоқсан күні шыққан. Оқиғаға қатысты қызметтік тексеру жүргізілген.

Бұған дейін, Дәулет Тұрлыханов Қазақстан күрес федерациясы...

Соңғы уақытта қоғамда Қазақстандағы тұрғын үй бағасы шектен тыс қымбаттап кеткені жайлы әңгіме жиі айтылып жүр. Алайда әлемдік тұрғын үй бағасы рейтингтері мұндай пікірлер шындыққа жанаспайтынын нақты көрсетіп отыр. Numbeo сарапшылары қала орталығындағы және шет аймақтағы тұрғын үй бағасына қатысты екі түрлі көрсеткішті ұсынды.

Қала орталығында үйлердің бағасы

Статистикаға сенсек, Қазақстан тұрғын үй құны бойынша әлемдегі ең төмен баға ұсынатын елдердің қатарында тұр. Қала орталығындағы пәтер бағасы бойынша Қазақстан 97 елдің ішінде 13-орында тұр. Республикадағы қала орталығындағы тұрғын үйдің бір шаршы метрінің орташа бағасы – 1235,4 долларды құрайды. Салыстырмалы түрде айтқанда, бұл баға Иран мен Палестина сияқты әлеуметтік-экономикалы...