Жаңалықтар

Kaspi.kz-тің бірінші тоқсандағы кірісі 40%, таза пайдасы 28% өсті. Бұл туралы компанияның бірінші тоқсан қорытындысы туралы есебінде жарияланды.

Компанияның барлық қызметі өсім көрсеткен. Тоқсан қорытындысы негізіндегі болжамға сәйкес, 2024 жылы шоғырландырылған таза пайда 2023 жылмен салыстырғанда шамамен 25%-ға өседі.

Компанияның нарықтық айналымы бір жылмен салыстырғанда 62%, түсімі 108% өсім көрсеткен. Интернет дүкенінің таза кірісі бір жылмен салыстырғанда 76% өсті.

Өткен жылдың шілде айында Kaspi.kz Baring Vostok Private Equity Fund V-тің жанама еншілес ұйымынан Kolesa Group-тың 39,76 пайызын сатып алу туралы келісім жасағаны белгілі болды. Сатып алу құны 88,5 миллион долларды (шамамен 39 миллиард теңге) құрады.

«Kolesa.kz-т...

Мәдениет және ақпарат министрі Аида Балаева бұрынғы ұлттық экономика министрі Қуандық Бишімбаевтың сотына ресейлік журналист Ксения Собчактың келуіне қатысты пікір білдірді.

Мәжіліс кулуарында БАҚ өкілі министрге: «Бүгін экс-министр Қуандық Бишімбаевтың сотына ресейлік тележүргізуші Ксения Собчак келді. Бұл Мәдениет жән ақпарат министрлігімен келісілді ме? Шетелдік журналист ретінде оған басымдық берілді ме?»,  – деген сауал жолданды.

Ведомство басшысы Аида Балаева мұны БАҚ-та ақпарат тарағаннан кейін білгенін айтты.

«Мұны қараймыз. Өзім де журналистің келгені туралы ақпаратты БАҚ-тан көрдім. Оқиғаның мән-жайын анықтаймын. Айтпақшы, мен сот процесін бақылап жүрген жоқпын және оны сіздердің материалдарыңыздан білемін», – деді Балаева.

Айта кетейік, ресейлік журналист...

Freedom Broker сарапшылары «Қазатомөнеркәсіп» акцияларының одан әрі құлдырауы қисынсыз деп тұжырымдайды. Мамандар KASE мен LSE биржасындағы сауда-саттық сессиясы нәтижесіне қатысты пікірін білдірді.

Қазақстан қор биржасында банктердің акциялары жақсы өсім көрсеткен. Лондон қор биржасында да Халық банкінің акциялары 0,9%-ға өсіп, 50 күндік орташа көрсеткіштен жоғары болған.

Kaspi акциялары 3,11%-ға өскен. Сарапшылар финтех компанияның акциялары енді алыпсатарлардың қызығушылығын тудыруы мүмкін дейді. Алайда мамандар 50 күндік жылжымалы орташа мәнге мұқият назар аударуды ұсынады.

Ал «Қазатомөнеркәсіп» компаниясының акциялары 37,8 долларға дейін арзандап барып, өз орнын сақтап қалған. Сарапшылар ұлттық атом компаниясы акцияларының одан әрі құлдырауына себеп жоқ деген пікірде,

Мәжілісте депутат Бақытжан Базарбек лудоманияға қатысты заң жобасының артында біреулердің мүддесі тұрғанын мәлімдеді. Заңды пайдаланып бәзбіреулердің жемқорлық тәуекелдері жоғары, дәл «Оператор» ӨКМ (РОП) секілді мекеме құруды көздеп отыру мүмкін екені айтылды.

«Ставкаларды есепке алу орталығы» жайлы сөз еткен депутат жаңа заңда осы орталықтың құзыреттілігін кеңейтуді көздеп отырған лоббистердің бар екенін ескертті. Базарбек депутаттардың осыдан 1,5 жыл бұрын «Ставкаларды есепке алу орталықтары» туралы норманы қазіргі қолданыстағы заңнан алып тастау туралы ұсыныс жасағанын, бірақ үкімет бұл ұсынысты қолдамағанын жеткізді. Үкімет «зерделенуі керек» деген уәж айтып, аталмыш нормаға тиіспеген.

«Осы орайда мұнда жеке адамдардың мүддесі бар ма...

2023 жылдың соңына қарай Қазақстанның бастапқы автокөлік нарығы 60%-ға өсіп, 199 мың көлік сатылды. Бұл автонарықтың бүкіл тарихындағы ең жоғары нәтиже болды. Әйтсе де автонарық әлі де өзінің шарықтау шегіне жеткен жоқ. 2024 жылдың бірінші тоқсанында автокөлік сатылымы 6%-ға өсті. Бұл динамика биылғы жылы сақтала ма, әлде өзгерістер бола ма?

«Қазақстандықтарға жақсы таныс Кореядан әкелінетін автомобиль брендтері көшбасшы болып қала бергенімен, қытайлық брендтер қарқынды дамиды. Қазақстан автомобиль одағы 2023 жылды 100 және одан да көп пайыздық өсу қарқынымен алғашқы ондыққа кірген бес қытайлық брендті атап өтті», – дейді Kursiv Research басшысы Сергей Домнин.

Соңғы жылдардағы...

Қазақстанда Тик-Ток әлеуметтік желісіне шектеу қойылуы мүмкін. Мәдениет және ақпарат министрі Аида Балаева елімізде Тик-Ток платформасын бұғаттау мәселесі қаралатынын мәлімдеді.

«(Tik-tok) бұғаттау мәселесінде көрші елдердің тәжірибесін қарап отырмыз. Шынымен де, қазіргі таңда әлеуметтік желідегі материалдарда құқық бұзушылық фактілер өте көбейіп кетті. Оның барлығы біздің ұлттық қауіпсіздігімізге ықпал етеді. Әлбетте, осындай шараларды қабылдауға болады», – деді Аида Балаева.   

Министр БАҚ өкілінің Tik-tok желісі елдімізде мүлдем жабыла ма деген сауалына жауап берді.  

«Бұл әлі шешілген дүние емес. Әлі қарастырылады және жалпы талқылауда қарастырылатын сұрақ», –деп жауап берді министр Мәжіліс кулуарында.  

Мәжілісте лудоманияға қатысты заң жобасы талқыланып жатыр. Заңға сәйкес 25 жасқа дейінгі азаматтарға құмар ойын ойнауға рұқсат берілмейді. Сондай-ақ казинолар мен букмекерлік кеңселердің жарнамасына тыйым салынады.

Мәжіліс депутат Елнұр Бейсенбаевтың айтуынша, бұл заң жобасының қарастырылып келе жатқанына 2 жыл болған. Кейбір нормаларға реттеушілік талаптар бойынша талдау жүргізу мақсатында Үкіметтің қорытындысын алуға 1,5 жыл кеткен. Депутат көптен бері Мәжілістің талқылауына жете алмай келген бұл заңды қабылдауға құмар ойынына шырмалғандар санының артуы себеп болғанын айтты.

«Деректерге жүгінсек, соңғы екі жарым жылда еліміздің шамамен әрбір бесінші адамы құмар ойын ойнайды немесе құмар ойындарына қандай да бір қатысы...

QazaqGaz Ұлттық компаниясының 1 млрд доллар қарызы бар. Бұл туралы «QazaqGaz» АҚ төрағасы  Санжар Жаркешов «Jibek Joly» телеарнасына берген сұхбатында айтты.

Бұл қарыз Қытай банкінен Бейнеу-Бозой-Шымкент магистралды газ құбыры бірінші тармағының құрылысына алынған. Одан бөлек, компания отандық банктерге де берешек.

«Қазіргі уақытта шамамен 1 млрд доллар көлемінде қарызымыз бар. Бейнеу-Бозой-Шымкент магистралды газ құбырының бірінші тармағы жобасы бойынша Bank of China-ға қарызбыз. Ол негізі экономикалық өте тиімді жоба. Бұның табысы да жақсы. Соны біз қайтарып, кредиттерді жауып жатырмыз. Сондай-ақ басқа да өзіміздің жергілікті банктерге берешекпіз», – деді ол.

«QazaqGaz Ұлттық компаниясы...

Алматы полициясы Әлия Назарбаеваның үстінен қылмыстық іс қозғай алмаған еді. Прокуратура бұл шешімнің күшін жойып, істі қалалық Экономикалық тергеу департаментіне берді. Бұл туралы Қазақстан баспасөз клубында өткен брифинг барысында «ТПК Азия» ЖШС иесі Нұрлан Бимурзин айтты.

Әлия Назарбаеваның үстінен рейдерлікке қатысты іс қозғалуы мүмкін

«Бұған дейін Алматы полициясы Әлия Назарбаеваның үстінен қылмыстық іс қозғай алмаған еді. Прокуратура бұл шешімнің күшін жойып, істі қалалық Экономикалық тергеу департаментіне берді. Сең қозғалды деп айтуға болады», – деді Нұрлан Бимурзин.

Сонымен қатар кәсіпкер 2003 жылы «Ескі Қазақстан» өкілі әкесінің кәсібін қалай тартып алғанын айтып берді. Оның сөзінше, Конституциялы...

Түркістан облысында «Бәйдібек ата» су қоймасының құрылысына республикалық бюджеттен 5 млрд теңге бөлу көзделген. Бұл туралы «Курсивтің» ресми сауалына жауап берген Су ресурстары және ирригация министрлігі мәлімдеді.

«Түркістан облысының Бәйдібек ауданында «Бәйдібек ата» су қоймасының құрылысы» жобасын іске асыруға 2024-2026 жылдарға арналған республикалық бюджеттен 5 млрд теңге көзделген», – делінген министрлік жауабында.

Құрылыс-монтаж жұмыстарын жүргізуге Түркістан облысының әкімдігі мен «МК Технострой сервис» ЖШС арасында келісімшарт жасалған. 

2024-2030 жылдарға арналған «Су ресурстарын басқару» тұжырымдамасына сәйкес, 2,4 км3 су көлемін қамтамасыз ету үшін Ақмола, Ақтөбе, Шығыс Қазақстан, Қарағанды, Жетісу, Батыс Қазақстан, Жамбыл, Қызылорда, Түркістан облыстарында 20 су қоймасын салу көзделген.

Оны...

Астана сотында бұрынғы ұлттық экономика министрі Қуандық Бишімбаев пен оның туысы Бақытжан Байжановқа қатысты қылмыстық іс қаралып жатыр. 22 сәуірдегі сот отырысында Бишімбаев судьяға ұялы телефонының құпиясөзін берді.

Судья Айжан Құлбаева сотталушы Қуандық Бишімбаевтың телефонына қайғылы оқиға болған күні түсірілген видеоларды көріп шықты. Ол жерде Қуандық Бишімбаевтың марқұм Нүкеноваға жеке сипаттағы сұрақтар қойғаны түсірілген. Оның ішінде басқа ер адамдармен жақын қарым-қатынасы туралы сұраған сәті бар.

Алайда Қуандық Бишімбаев бұл видеоларды түсіргені есінде жоқ екенін айтып отыр. Тіпті монтаж болуы мүмкін екенін жеткізді.

«Видеоның барлығында жәбірленуші Нүкенова қара күртеше киіп алған. Оның ішінде басқа киім жоқ. (…) Көлікте түсірілген видео бар...

«Қазақтелеком» АҚ компаниялар тобына кіретін «Мобайл Телеком-Сервис» ЖШС-нің басқарма төрағасы ауысты. Сергей Конковтың орнына жаңа басшы болып Сергей Назаренко тағайындалған. Бұл туралы компания хабарламасында жазылған.

«Мобайл Телеком-Сервис» ЖШС жеке оператор ретінде жұмыс істейтін Tele2 мен Altel брендіне иелік етеді. Қазіргі уақытта «Қазақтелеком» – «Мобайл Телеком Сервистің» жалғыз акционері. Былтыр «Қазақтелеком» оған голландиялық компания делдалдығынсыз тікелей иелік ете бастаған.

Сергей Назаренко бұған дейін AzerTelecom (Әзербайжан), Caspinet BV (Нидерланды), KazTransCom, Kcell, Қазақтелеком компанияларында басшылық қызмет атқарған.

«Қазақтелеком» құрылымындағы операторлардың бірін жеке инвесторға сату жайлы әңгіме былтыр жазда айтыла бастаған. Өйткені компания нарықта монополистке айналып, абоненттер саны бойынша компанияның үлесі 70%-ға жетсе, ұялы...

Ресейлік журналист Ксения Собчак азаматтық некедегі әйелі Салтана Нүкенованы ұрып өлтірді деп айыпталған Қуандық Бишімбаевқа қатысты сот отырысына келген.

Ксения Собчак қайтыс болған Салтанат Нүкенова туыстарының қорғаушылары маңына отырған. Бұрын ол жерде Нүкенованың ата-анасы отыратын. 22 сәуір күнгі отырысқа олар келмеген.

Айта кетейік, 10 сәуір күні судья Айжан Құлбаева «алқабилердің жүзін көрсетті» деген себеппен сот залынан журналистерді шығарып жіберген. 22 сәуір таңертең сот отырысы басталғанда Құлбаева алқа билер бейнесін КТК арнасы таратқанын, оларға ескерту жарияланғанын айтып, сот залына журналистерді кіргізуге қайта рұқсат берген. 22 сәуір түсте сот отырысының екінші кезеңі басталғанда, отырысқа ресейлік журналист Ксения Собчак келді.

18 сәуірдегі сот...

Кеңес Рақышев пен Әсел Тасмағамбетова су тасқынынан зардап шеккендерге көмек ретінде 1,2 млрд теңге жіберді. Бұл жайлы «Сәби» қайырымдылық қорының баспасөз қызметі хабарлады.

«Табиғи апатқа тап болған барша қазақстандыққа өз қолдауымызды білдіреміз. Бір елде тұрып жатқан соң қайғымыз да ортақ. Менің туған жерім Атырау облысының аудандары да су басу аймағында болды. Жағдайды ұдайы бақылап, апаттың ауқымын түсіне отырып, су тасқынынан зардап шеккен өңірлердің әлеуметтік инфрақұрылымын қалпына келтіруге 1,2 миллиард теңге бөлу туралы шешім қабылдадық», – деп мәлімдеген Әсел Тасмағамбетова.

Қор хабарламасында еліміздің көптеген өңірі су тасқынынан зардап шеккені себепті ел меценаттары әлеуметтік инфрақұрылымды...

KEGOC 2023 жылдың екінші жартыжылдығына акционерлерге 21,6 млрд теңге дивиденд төлеуді көздеп отыр. Бұл 2022 жылғы көрспеткіштен 12 млрд теңге артық.

Ұлттық оператор 2023 жылдың І жартыжылдығы үшін 20,2 млрд теңге дивиденд төлеген болатын. Сонда 2023 жыл үшін төленетін жалпы дивиденд көлемі 41,8 млрд теңгені, таза табыстың 97 пайызын құрайды.

Бұған дейін бірінші жартыжылдық қорытындысы бойынша KEGOC өз акционерлеріне 20,2 млрд теңге немесе бір акцияға 77,74 теңге төлеген. Бұл жолы 1 акцияға төленетін дивиденд көлемі 79,50 теңге болып бекітілмек.

Компания 2023 жылы тапқан таза табыстың 3 пайызын немесе 1,2 млрд теңгені KEGOC АҚ-ны дамытуға жұмсайды.

...

Қазақстанға бір реттік пластиктерді кіргізуге тыйым салынуы мүмкін. Бұл жайлы Премьер-министр Олжас Бектеновтің депутаттар сауалына берген жауабында айтылған.

Бектенов өз жауабында қалдықтарды пайдалануды барынша азайту мақсатында Еуразиялық экономикалық комиссия шеңберінде бір реттік пластиктерді елге әкелуге тыйым салу мәселесі зерттеліп жатқанын айтқан.

«Бір рет қолданылатын полимерлі өнімдердің жекелеген түрлерін әкелуге және өндіруге кезең-кезеңімен тыйым салуды енгізудің орындылығы бойынша ғылыми-зерттеу жұмыстары жүргізілуде», – делінген жауапта.

Сонымен қатар Үкімет басшысы БҰҰ-мен пластикалық ластанумен, оның ішінде теңіз ортасындағы ластанумен күресу бойынша құқықтық міндетті халықаралық шартты әзірлеу бойынша келіссөздер жүргізіліп жатқанын жеткізді.

Айтуынша, келіссөздердің келес...

Астанада LRT құрылысына байланысты Сығанақ көшесінің бір бөлігі жеті айға дейін жабылып, көлік қозғалысы толығымен шектеледі. Елорда әкімдігінің мәліметінше, онда 112-ші LRT станциясының құрылысы басталады. Бұл туралы елорда әкімдігі хабарлады.

«24 сәуірден 30 қарашаға дейін Сығанақ көшесінің Ақмешіт көшесінен Түркістан көшесіне дейінгі аралығындағы қозғалыс толық жабылады. Ол жерде «Абу-Даби Плаза» бизнес орталығының ғимаратымен интеграцияланған 112-LRT станциясының құрылысына қатысты жұмыстар жүргізіледі», – делінген хабарламада.

Өз кезегінде Ақмешіт көшесі мен Түркістан көшесі бойындағы қозғалыс ашық болады. Елорда қонақтары мен тұрғындары қозғалыс бағытын алдын ала жоспарлауы қажет.

Елордалық жеңіл рельсті трамвайдың (LRT) бірінші кезеңін 2024 жылдың соңында...

Қазақстан үкіметі үй салуға үлескерлердің қаражатын тартатын құрылыс компанияларын қатаң бақылауға алуға ниетті.

«Ашық НҚА» порталында мемлекеттік деректер базасын біріктіру бойынша пилоттық жобаны іске қосу туралы Индустрия және коммуникациялар министрлігінің бірлескен бұйрығы жарияланды. Онда Үкімет әрбір үлестік қатысу шартын мемлекеттік органдардың тексеруі үшін арнайы жүйеде тіркеуді ұсынады. Жобаны талқылау 6 мамырға дейін жалғасады. 

Құжатқа сәйкес, құрылыс компаниясы алдымен үлескерлердің ақшасын тартуға рұқсат немесе Қазақстандық тұрғын үй компаниясының кепілдігін алады. Алты күн ішінде ЭЦҚ пайдалана отырып, тұрғын үй кешенін тіркеуге арналған өтінішін үлестік қатысудың бірыңғай ақпараттық жүйесіне жібереді(www.qazreestr.kz). Егер құрылыс компаниясы ұсынған құжаттар дұрыс болмаса, жергілікті атқарушы орган өтінімд...

Жұма күні сауда-саттықта теңге сәл нығайды. Теңге бағамына сауда балансының жақсаруы мен бейрезиденттердің Қазақстанның мемлекеттік бағалы қағаздарына деген сұранысы жағымды әсер еткен. Бұл туралы Қазақстан қаржыгерлер қауымдастығының шолуында жазылған.

Валюта сауда-саттығында USD/KZT жұбы 245,3 млн доллар сауда көлемімен 446,44 теңгеге (-T0,91) түскен. Ұлттық валютаның нығаюына сыртқы нарықтағы қолайлы жағдай, соның ішінде мұнай бағасының біршама қалпына келуі мен АҚШ доллары индексінің төмендеуі ықпал етті.

Сонымен қатар сарапшылар жергілікті валюта нарығында теңге сауда балансының жақсаруы, бейрезиденттердің Қазақстанның мемлекеттік бағалы қағаздарына сұранысы теңге бағамына қолдау көрсеткен. Әлемдік нарықта Brent маркалы мұнай барреліне 87,3 доллардан саудаланған. Таяу Шығыстағы қақтығыстың шиеленісуі мұнай...

Тэйлор Суифттің жақында шыққан «Мезі болған ақындар факультеті» альбомы бір күнде рекорд жаңартып, Spotify платформасындағы бір күн ішінде ең жиі тыңдалған альбомға айналды. 

Көптен күткен альбом өткен жұма, 19 сәуірде, жарияланып, әлемнің түкпір-түкпіріндегі әншінің жанкүйерлерін қуанышқа бөлеген.  

31 әннен тұратын альбомның көбі лирикалық әндер. Тыңдармандар әннің бірқатары әншінің бұрынғы сүйіктілеріне арналған деседі. 

Алғашқы 16 трек жоспарланғандай Британия уақыты бойынша таңғы 5-те, ал қалған 15 ән бірнеше сағаттан кейін жарияланды. Бұл әншінің жанкүйерлері мен журналистерге музыкалық шок болды. 

Суифт жаңа альбомды «оқиғалар, ойлар, сенсация мен мұңға толы өмірдегі бір сәттік және маңызды сезімдер көрініс тапқан жұмыстар антологиясы...

Алдағы үш күнде Жамбыл облысында жауын-шашын көп болады. Салдарынан өңірдегі өзендерде су деңгейі көтерілуі мүмкін. Бұл жайлы «Қазгидромет» РМК баспасөз хатшысы Алина Исмагулова айтты.

«Қазақстан аумағының басым бөлігіне атмосфералық фронталды бөліктер әсер ететін болады – найзағаймен жаңбыр жауады. Жел күшейіп, оңтүстікте дауыл, шаңды дауыл күтіледі. Тек еліміздің солтүстік-батысында, киыр солтүстігінде және орталығында жауын-шашынсыз ауа райы күтіледі», – дейді Исмагулова.

Ол онымен бірге 23-26 сәуір аралығында қатты жаңбырға байланысты Жамбыл облысының таулы және тау етегіндегі аймақтарында өзендерде су деңгейінің көтерілуі күтілетінін айтты.

Жайықтың жағдайы

Айта кетейік, БҚО-да жағдай қиын. «Қазгидромет» хабарлауынша...

Әскери шиеленістер мен соғыстардың артуына және қауіпсіздік деңгейінің күн санап төмендеуіне байланысты әлемде әскери шығындар артуда. Алайда Орталық Азия елдерінің шығынында айтарлықтай өзгеріс жоқ.

Стокгольм халықаралық бейбітшілік мәселелерін зерттеу институтының (SIPRI) мәліметіне сүйенсек, 2023 жылы әлемдегі жалпы әскери шығындар 2,443 трлн долларға жетті, бұл 2022 жылмен салыстырғанда нақты мәнде 6,8% көп. 

Әскери шығындардың көп бөлігі әдеттегідей АҚШ, Қытай және Ресей үлесіне тиген. Бұдан бөлек, Еуропада, Шығыс Азия және Океанияда, сондай-ақ Таяу Шығыста айтарлықтай өсім байқалған.

Ал Орталық Азия елдерінің әскери шығындары керісінше азайып кеткен(Зерттеуге Өзбекстан мен Түркіменстан шығындары қосылмаған. Бұл елдер әскери шығындары туралы ақпаратты жабық ұстайды – ред...

Freedom Finance Global компаниясының сарапшылары қазақстандық компаниялардың жете бағаланбай отырған, десе де инвестиция салуға тұрарлық акцияларын талдады.

2024 жылғы бірінші тоқсанда KASE-нің индексі 21,3%-ға өсті. Бұл көрсеткішке қарап, нәтиже ойдағыдай деуге болады. Мысалы, сол кезеңде S&P 500 индексі 10%-ға, Еуропалық Stoxx 600 7%-ға, жапондық Nikkei 225-20%-ға өсті, MSCI-дегі дамушы нарықтар индексі небәрі 1%-ға өсті. Сарапшылар соңғы индексті KASE-мен салыстырған қисынды екенін айтады.

Сарапшылар І тоқсанда екі таңбалы өсу қарқынын көрсетпеген қағаздарға назар аударған жөн дейді.  Бір қарағанда, өкілдік тізімінде тек 10 қағазы бар KASE индексі 21%-ға өскен кезде акциялардың барлығы 10%-дан артық беруі тиіс. Алайда, іс жүзінде, банктерд...

Жасанды интеллект биыл да нарықтағы басты трендтердің бірі болып қала береді. Жергілікті деңгейде қолданыс ауқымы кеңеймесе, азая қоймас. Осы ретте бизнес саласында жасанды интеллектінің қалай қолданылып жүргенін IT-сарапшы, MSSP.GLOBAL бас директоры Дәурен Салиповпен талдап сұхбаттастық. AI-ға қазақша үйрету мәселесіне қатысты да маман пікірін білдік.  

 –  Жасанды интеллект Қазақстанда қай салаларда кең қолданыста? Қаржы, ретейл және өндіріс сынды ауқымды салаларда қаншалықты кірістірілген?

 –  Қазақстанда бизнес жасанды интеллектіні өздігімен қолданбайды. Көбіне дайын софттарды пайдаланады. Сөйтіп бағдарлама өндірушісі сол бағдарламаларына жасанды интеллект қосып, клиентке жақсырақ шешім ұсынады. Мәселен, бұрын софт өндіруші алгоритмі әлсіздеу чат-бот қолданып келген болса, оның жаңартылған нұсқасында жасанды интеллект кірістіріліп, сапасы...