Жаңалықтар

Президент Қасым-Жомарт Тоқаев Батыс Қазақстан облысының су басқан аумақтарын тікұшақпен аралап, жағдаймен танысты, деп хабарлайды Ақорда.

Мемлекет басшысының Батыс Қазақстан облысына жұмыс сапары қарғын су басқан аумақтарды тікұшақпен аралаудан басталған. Ол Теректі, Сырым және Қаратөбе аудандарындағы жағдаймен танысқан.

Облыс әкімі Нариман Төреғалиев Президентке өңірде қалыптасқан жағдайға баланысты есеп берген. Әкімнің айтуынша, бүгінде облыстың 6 ауданы мен Орал қаласын су басып, 552 тұрғын үй мен 427 саяжай теліміне зиян келген.

Су тасқынына қарсы шараларға 1911 адам, 332 техника, 101 мотопомпа, 1 тікұшақ жұмылдырылған. Сонымен қатар өңірге көмекке Алматы және Маңғыстау облыстарының құтқарушылары келген. Олар бүгінде су айдау, нысандардың жан-жағын топырақпен қоршау және су жүретін...

1 сәуірде СҚО-ға халықты су тасқынынан құтқаруға келген азаматтық қорғау прапорщигі Бекжан Қуанышұлы Балданов 2 сәуірге қараған түні ауруханада қайтыс болды.

Солтүстік Қазақстан облыстық төтенше жағдайлар департаментінің ақпаратына сүйенсек, 1978 жылы дүниеге келген құтқарушы Бекжан Балданов ауруханада жүрек талмасынан қайтыс болған. 

«2024 жылы 2 сәуірге қараған түні Солтүстік Қазақстан облысы Тайынша ауданының Тайынша қаласындағы аудандық аурухананың реанимация бөлімінде Түркістан облысы ТЖД Өрт сөндіру және авариялық-құтқару жұмыстары қызметі Сайран ауданының нөмірі 6-өрт сөндіру бөлімшесінің командирі, азаматтық қорғау прапорщигі Бекжан Қуанышұлы Балданов қайтыс болды», – делінген хабарламада.

Бекжан Балданов Тайынша ауданына 1 сәуірде Түркістан облысының құтқару күштер...

Ұлттық банк жеке тұлғаларға қызмет көрсетпейді және азаматтардың қаржы құралдарын сақтандырумен айналыспайды. Бас банк жаңа алаяқтық схемаларының пайда болуына қатысты осындай мәлімдеме жасады.

«Қазақстан Ұлттық Банкі сот ісі мен шешімдері аясында жасалған «жеке сот орындаушыларының» жалған құжатын ұсыну арқылы алдайтын алаяқтардың жиілеп кеткенін ескертеді», – деп хабарлады реттеуші.

Қаражат жымқыруды көздейтін қаскөйлер өздерін жеке сот орындаушысы ретінде таныстырып, азаматтарға жалған құжаттар жібереді. Онда азаматтарға тиесілі Ұлттық Банкте «жеке тұлғалардың ашық және сақтандырылған шоты» бар деп алдайды.  Сол үшін жәбірленуші тарап ретінде азаматтарға ақшалай төлемдер мен өтемақылар төленеді деген сылтаумен кейін «Ұлттық Банктің қаражатынан» өтелед...

Мәдениет және ақпарат министрлігі ұлттық фильмдер деп танылуға үмітті фильмдерді қаржыландыру мақсатында іріктеу ережелеріне өзгеріс енгізді. Жаңа өзгерістер қамтылған бұйрық 12 сәуірден бастап күшіне енеді.

Министрліктің хабарлауынша, киножобаларды іріктеу екі кезең бойынша жүзеге асады. Бірінші кезеңде – фильмдердің сценарийін (ойын және анимациялық фильмдер үшін), сценарий жоспарлары  (деректі және хроникалы фильмдер үшін) қаралады.

Екінші кезеңде тақырыптық жоспарға сай келетін, сараптама кеңесі іріктеген жобалардың құжаттарын жинақтау жүзеге асырылады. Құжаттарды тапсырғаннан кейін, үміткерлерге анықталған қателерді түзетуге 3 күн уақыт беріледі.

«Орталық құжат қабылдау аяқталғаннан кейін, талаптарға сай келетін өтініш берушілердің құжаты сараптама кеңесінің қарауына жіберіледі. Содан кейін...

2023 жылы Энергетика министрлігі мұнай барлау мен өндіруге қатысты 5 жетілдірілген келісімшарт жасаған. Осы келісімшарттар негізінде тартылған инвестиция көлемі 9 млрд долларды құрайды. Бұл туралы министрліктің баспасөз қызметі хабарлады.

Бес келісімшарттың екеуі мұнай өндіруге қатысты болса, үшеуі барлауға бағытталған. Олардың қатарында Қаламқас-Теңіз, Хазар және «Әуезов» мұнай кен орындарын, сондай-ақ Атырау және Маңғыстау облыстарындағы Қаратон-Подсолевой кен орындарын барлау және игеру жобасы бар. Бүкіл жобаларға «ҚазМұнайГаз» ұлттық компаниясы мен шетелдік инвесторлар қатысады.

Жер қойнауын пайдалануға жаңадан жасалған екі келісімшарт бойынша қол қою бонусында Қаламқас-теңіз, Хазар және Әуезов теңіз аймақтары үшін сома 32 миллион долларды құраған. Ал Атырау мен Маңғыстау облыстарындағы...

Ақтөбе облысы прокуратурасымен Әйтеке би ауданындағы бөгеттің бұзылу дерегіне қатысты қылмыстық істі тіркеді. 

Облыстың Әйтеке би ауданында 2024 жылдың 30 наурызында су тасқыны салдарынан «Щербаковское» бөгеті жарылған. Ал 2023 жылы аталмыш бөгет жергілікті қаражат есебінен 216 млн теңгеге жөнделген.

Прокуратура ақпаратына сәйкес, «Щербаковское» бөгеті Ақтөбе облысының табиғи ресурстар және табиғи ресурстарды реттеу басқармасының балансына тиесілі. Басқарма 2023 жылы мемлекеттік сатып алу шарты негізінде мердігер «СК Гранд каналы» компаниясымен 216 113 450 теңгеге келісім жасасып, жөндеу жұмыстарынан кейін оны пайдалануға берген.

Алайда су тасқыны кезінде басқарма қабылдап алған бөгет жарылып, оның жанында орналасқан Жүргенов атындағы ауылдан 927 адам, оның ішінде 215 бала эвакуацияланып, 78 үйді су басып, 10 үй қираған. Электр және газбен жабдықтау желілері зақымданып, Жүргенов...

Halyk Bank өз дивиденд саясатына өзгерістер енгізді. Енді банк қарапайыс акциялары бойынша жылына екі рет дивиденд төлемек. Өзгеріс Директорлар кеңесінің 2024 жылдың 20 наурыздағы отырысында қабылданған. Құжат Қазақстан қор биржасына 3 сәуір күні орналастырылған.

Енді банктің қарапайым акциялары бойынша дивиденд жылына екі рет төленетін болады. Қазақстан заңнамасы талаптарын сақтай отырып, одан артық төленбейді. Ал 2015 жылы бекітілген дивиденд саясатында бір жылда бір-ақ рет төленетіні жазылған.

Бұған дейін банк акионерлері жылдық жиналыста дивиденд төлеу туралы шешімді банк акционерлерінің жалпы жиналысы қорытындысын ескере отырып шығаратын. Жаңа саясатта бұл тармақ алынып тасталған.

Одан бөлек, банктің дивиденд саясаты қаншалықты тиімд...

Жекешелендіру құқығымен жалға берілетін тұрғын үйлерді сатып алу үшін «Самұрық–Қазына» әл-ауқат қоры «Қазақстан тұрғын үй компаниясы» акционерлік қоғамына 272 млрд теңге бөлуді көздеп отыр. Бұл жайлы «Ашық» НҚА порталына орналастырылған Өнеркәсіп және құрылыс министрлігінің құжатында жазылған.

«Компания ЖАО үшін жалпы сомасы 272 000 000 000 теңгеден аспайтын облигациялық қарыздар берсін», – делінген құжатта.

Яғни «Самұрық–Қазына» ұлттық әл-ауқат қоры» акционерлік қоғамы «Қазақстан тұрғын үй компаниясы» акционерлік қоғамына 272 млрд теңгеден аспайтын сомаға облигациялық қарыз береді. Құжатқа сәйкес бұл қаражатқа кемінде 17 300 отбасы  тұрғын үймен қамтамасыз етілмек.

Тұрғын үй кімдерге беріледі?

Тұрғын...

Google нейрондық желілерді пайдаланып, іздеу ақысын енгізуді қарастырып жатыр. Бұл компанияның бизнес-моделіндегі түбегейлі өзгеріс болады. Іздеу жүйесі және басқа Google негізгі өнімдері ешқашан ақылы болған емес. Google-ді қаржыландыруға іздеу жарнамасынан түсетін кірістер мүмкіндік беріп отыр. Ал жақында пайда болған чат-боттар дәстүрлі онлайн іздеуді қажет етпеу қаупі де бар.

Толығырақ

Google жасанды интеллектке негізделген жаңа «премиум» іздеу мүмкіндіктерін ақылы ете алады, деп жазды Financial Times . Олардың айтуынша, Google-дің  қарастырып жатқан нұсқаларының қатарына олардың тіркелу  қызметтеріне жасанды зерде іздеу мүмкіндіктерін қосу да кіреді. Google инженерлері қазірдің өзінде жұмыс істей бастағанымен, соңғы шешім әлі қабылданған жоқ, деп жазды басылым.

Googleд...

Энергетика министрлігі алдағы уақытта Оңтүстік пен Батыс өңірлерде шағын реакторлы АЭС салу жоспарын жоққа шығармайды.

Орталық коммуникалық қызметі алаңында Энергетика министрінің орынбасары Сұңғат Есімханов алдағы уақытта елдегі атом энергетикасын дамыту жоспары туралы айта отырып, алдағы уақытта Оңтүстік пен Батыс өңірде АЭС салуға болатынын айтты.

«Жұмыс тобы 10-15 жыл көлемінде жұмыс жасап, тиісті орындарды қарастырды. Ақтау, Курчатов қалаларымен Алматы облысындағы Үлкен ауылы қолайлы орын ретінде таңдалды. Оңтүстік өңірлердегі энергияның тапшылығына байланысты Үлкен ауылы таңдалды. Ақырындап сала бастасақ, шағын 300, 500, 600 МВт реакторлар шыға бастағанда, Оңтүстік өңірде де, Батыс өңірде де (АЭС салуды – ред) қарастыруға міндетт...

Бұдан былай елімізде мемлекетке қайтарылған жерлерді бөлу мақсатында өтетін конкурстардың шарттары қайта қаралатын болады. Пайдаланылмай жатқан және заңнаманы бұза отырып берілген жерлерді алып қою мәселелері жөніндегі комиссия отырысында премьер-министрдің орынбасары Серік Жұманғарин осындай тапсырма берді. Жалпы жыл басынан бері ауыл шаруашылығы мақсатындағы 391,2 мың гектар жер мемлекет меншігіне қайтарылды.

Пилоттық режимде мемлекеттік жер кадастрының және техникалық зерттеудің автоматтандырылған ақпараттық жүйесі 2.0 жер пайдаланушының есептік жазбасы құрылды. Онда топырақтың (қарашірік, жылжымалы минералдар) және өсімдік жамылғысының жай-күйінің жоғары сапалы агрохимиялық сипаттамасы бар жер учаскесі туралы ақпарат болады. Оны ұтымды пайдалану критерийлеріне сәйкестігін қамтамасыз ету үшін бес жыл сайын учаскені зерттеу жұмыстары...

Bloomberg-тің ақпаратына сүйенсек, Apple-де жеке робототехника мүмкіндіктерін зерттеуге арналған командалар бар. Бұл робот құрылғылары 1984 жылы Mac компьютерлері және 2000 жылдары iPhone мен iPad сияқты компанияның «келесі үлкен оқиғаларының» бірі бола алады. Инвесторлар Apple компаниясының роботтар  туралы жаңалығына күмәнмен қарады. Компанияның акциялары аздап төмендеді, бірақ сауда-саттық жабылғанға дейін қалпына келді.

Толығырақ

Агенттік сұхбаттасушыларының айтуынша, Apple инженерлері мобильді робот жасау мүмкіндігін зерттеп жатыр. Компания сонымен қатар үйге арналған жұмыс үстел құрылғысын — роботты дисплейді әзірлеуде. Дегенмен, жұмыс әлі бастапқы сатыда. Өнімдер сатылымға шығарыла ма, әлде бұл жобаның да электромобильдің тағдыры күтіп тұр ма, белгісіз.

Робототехниканың көмегімен Apple...

Қазақстанның қара мұнай өнімдері Батуми терминалы арқылы қайтадан Еуропаға жөнелтіле бастады. Терминал мұнай өнімдерін айлақсыз тиеп жатыр. Бұл туралы «ҚазТрансОйл» компаниясы хабарлады.

«2024 жылдың наурыз айында «Батуми мұнай терминалы» ЖШҚ Қазақстанның мұнай өңдеу зауыттарында өндірілген қара түсті мұнай өнімдерін 60- 80 мың тонналық партиялармен Aframax танкерлеріне айлақсыз тиеу әдісімен жөнелтуді қайта бастады», – делінген компания хабарламасында.

Содан кейін жүк Еуропа елдеріне жіберіледі. Қазақстаннан шыққан қара түсті мұнай өнімдерін тиеу жұмыстары ай сайын жүргізілмек. Бұл жұмыстың қайта жандануы жүк тасымалдаудың транзиттік және көліктік бағыттарын әртараптандырумен байланысты.

2018 жылдың қазан айынан бері терминалда үлкен...

Қаржы нарығын реттеу және дамыту агенттігі қаржы нарықтарында бірыңғай қағидалар белгілейтін шетелдік кәсіптік ұйымдар тізбесін жариялады.

Ашық НҚА жүйесінде «Қаржы нарықтарында бірыңғай қағидаларды және (немесе) стандарттарды белгілейтін шетелдік кәсіптік ұйымдардың тізбесін бекіту туралы» қаулы жобасы пайда болды. Жобаға сәйкес, қаржы нарықтарында бірыңғай қағидаларды және (немесе) стандарттарды белгілейтін шетелдік 3 кәсіптік ұйым тізбесі жарияланды.

Қоғамдық талқылау мерзімі 18 сәуірге дейін созылу мүмкіндігі болғанымен, қаулы жария болған күннен 10 күн өткеннен кейін, яғни...

Қырғызстан Қазақстанға гуманитарлық көмек жіберуге дайындалып жатыр. Бұл жайлы Жогорку Кенеш отырысында министрлер кабинетінің төрағасы Ақылбек Жапаров мәлімдеді.

Жапаров Бішкек жылу электр орталығында болған апаттан кейін Қазақстан Республикасы Қырғыз Республикасына көмек қолын созғанын айтқан.

«Олар бізден көмек сұрамаса да, бұл жағдайда біз оларға гуманитарлық көмек жібереміз деп шештік. Мен осы сәтті пайдаланып Өзбекстанға, Түркіменстанға және Қазақстанға алғысымды білдіргім келеді. Президенттің көрші елдермен жүргізіп отырған достастық саясатының нәтижесінде олар біз сұрамай тұрып-ақ көмек қолын созды», – деді Ақылбек Жапаров.

Ол Президент тапсырмасымен гуманитарлық көмекті Төтенше жағдайлар министрлігі дайындап жатқанын, Қазақстанға негізінен отандық өнімдер жіберілетінін айтқан.

Жапаров сонымен қатар...

20 жыл бойы талқылауда болған Қытай-Қырғызстан-Өзбекстан темір жолының құрылысы 8 млрд долларға бағаланды. Бұл туралы агроөнеркәсіптік форумда үкімет басшысы Ақылбек Жапаров айтты.

24kg басылымының ақпаратына сүйенсек, бұл алдын-ала бекітілген сома. Қырғызстан, Қытай және Өзбекстан теміржол құрылысын бастауға дайындық жұмыстарын аяқтаған. Барлық процедуралар аяқталып, құрылыс жұмыстары биыл басталады деп күтілуде. Қазір жобаның техникалық-экономикалық негіздемесі дайындалып жатыр.

Қытай-Қырғызстан-Өзбекстан темір жолын салу жобасы бойынша үш ел арасындағы ынтымақтастық туралы келісімге 2022 жылдың қыркүйегінде Самарқандта қол қойылған. 2023 жылдың желтоқсанында ҚХР мамандары жаңа теміржол бағытында жерді тегістеу жұмыстарын аяқтаған.

Қытай-Қырғызстан-Өзбекстан темір жолы

20 жылдан астам талқыланған жоба Қытай мен Өзбекстанның теміржол желілерін...

Қазақстанның 6 өңірінде жағдай әлі де күрделі. Онда 1 364 жекеменшік тұрғын үйді су басқан. Бұл жайлы су тасқынына байланысты құрылған республикалық жедел штаб отырысында айтылды.

Баспасөз қызметінің хабарлауынша, штаб отырысы премьер-министрдің орынбасары Қанат Бозымбаев пен төтенше жағдайлар министрі Шыңғыс Әріновтің қатысуымен өткен.

«3 сәуірдегі жағдай бойынша елдегі су тасқынына қатысты ахуал әлі де күрделі. 6 өңірде 1 364 жекеменшік тұрғын үйді су басқан. Автожолдардың 105 учаскесінде су жайылған. 78 жол учаскесінде бүлінген жерлерді және 4 көпірді қалпына келтіру жұмыстары жүргізіліп жатыр. 64 елдімекенге көлік қатынасы жоқ, оларға азық-түлік пен дәрі-дәрмек жеткізілуде», – делінген...

Қарағанды облысының прокуратурасы жалпы сомасы 27,3 млрд теңгені құрайтын 54 мемлекеттік сатып алудың күшін жойған.

Прокуратура ақпаратына сүйенсек, Балқаш қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімінің жауапты қызметкерлері заң талаптарына қайшы су құбырын күрделі жөндеу бойынша 625 млн теңгеге мемлекеттік сатып алуды жобалық-сметалық құжаттамасыз және сараптамалық қорытындысыз өткізген.

Ал Қарағанды облысының Табиғи ресурстар және табиғат пайдалануды реттеу басқармасы 75,2 млн теңге сомасына ластаушы заттарды шығарудың мөлшерін өлшеуге арналған жабдықтар мен аспаптарды сатып алуды негізсіз жоспарлаған. Алайда бұл жұмыс аталған мемлекеттік мекеменің құзыретіне жатпайды.

Прокуратура, бұдан бөлек, тағы 52 тапсырыстың күші жойылғанын айттады. Кері қайтарылған бюджет қаражаты облыстық бюджетке келіп, қайта бөлуге жіберілген.

29 қаңтарда Қарағанды облысының Ақтоғай ауданында іс жүзінде жоқ жолды жөндеуге...

«ҚазАвтоЖол» ҰҚ» АҚ-ның экс-басқарма төрағасы Асқар Муратұлы ақша жымқыру фактісі бойынша ұсталды. Бұл жайлы Қаржы мониторингі агенттігінің баспасөз қызметі хабарлады.

«Астана қаласы бойынша Экономикалық тергеп-тексеру департаментімен Бас көлік прокуратурасының жұмыс үйлестіруімен бір көзден алу жолымен бюджеттік қаражатты аса ірі мөлшерде жымқыру күдігімен «ҚазАвтоЖол» ҰҚ» АҚ-ның экс-басқарма төрағасы А.Муратұлы ұсталды»,- делінген хабарламада.

Агенттіктің хабарлауынша сотпен күдіктіге қатысты 2 ай мерзімге «күзетпен ұстау» түріндегі бұлтартпау шарасы санкцияланған.

Асқар Мұратұлы 2021 жылдың сәуірінде Қазақстан Республикасы индустрия және инфрақұрылымдық даму министрінің бұйрығымен «ҚазАвтоЖол» ҰК» АҚ Басқарма Төрағасы болып тағайындалған.

Ол 1976 жылы бұрынғы Семей облысында...

Еуро одақ импортындағы ресейлік газдың үлесі шамамен 15% дейін өскен. Бұл одақ елдері арасындағы өзара тауар тасымалдау жеңілдіктеріне байланысты.

Reuters ақпаратына сүйенсек, қайта экспорттау кезінде газ ресейлік таңбасын жоғалтып, сатып алушылар шектеуден арылады. Еуро одақ ресейлік құбыр газын тоқтатқанымен, оны сұйытылған табиғи газға ауыстырады.

Ресейлік сұйытылған сұйытылған табиғи газ (СТГ) импортының өсуіне ішінара жеңілдіктер мүмкіндік берген. 2023 жылы ЕО порттарына 15,6 миллион тоннадан астам ресейлік СТГ келген. Бұл 2022 жылмен салыстырғанда көп, алайда 2021 жылмен салыстырғанда 37,7% артық. Яғни соғыс басталғалы бері ресейлік СТГ Еуропаға көп мөлшерде келе бастаған.

Reuters бұл өсім ЕО заңнамасын бұзбайтынын атап көрсетеді. Себебі ода...

Сыбайлас жемқорлыққа қарсы қызмет агенттігі Туризм және спорт министрлігіне сыбайлас жемқорлық қатерін жоюды ұсынды. Агенттік төрағасы А. Жұмағали спорт министрлігінің өз міндеттемесін жеткілікті дәрежеде орындамайтынын айтып сынады. Осының салдарынан әлемдік спорт аренасында Қазақстанның рейтингі төмендеуде.

Жүзеге аспаған жоба

Антикор бұл бағытта кейбір проблемаларды атады. Мәселен, екі жыл бұрын жоспарланған Е-sport ақпараттық  жүйесі әлі күнге іске қосылмаған. Бұл жоба несімен ерекшеленеді? Е-sport цифрлық тұғырманасының кейбір артықшылықтары көрсетілген. Яки спорт саласын цифрландыру көптеген сыбайлас жемқорлық көріністерін болдырмауға септеседі. Агенттік кейінгі жылдары «Спорт шебері» атағын талапқа сай бермеу деректерін анықтаған. Е-sport – бірыңғай спорттық жіктелім, командалар құрамы, бапкерлер мен төрешілердің тұтас электронды...

Сауалнамаға қатысқан қазақстандықтардың 50%-дан астамы Қазақстанда атом электр станциясын салуды қолдайды. Бұл туралы Орталық коммуникациялар қызметінде өткен брифингте ҚР Энергетика вице-министрі Сұңғат Есімханов айтты.

«Бізде бұған тиісті компаниялар тартылды және «Самұрық-Қазына» белгілі бір сауалнама жүргізеді. Алдын ала мәлімет бойынша, жалпы респонденттердің 50%-дан астамы оң пікірде, бірақ, әрине, бұл референдумда шешілетін мәселе», — деді Сұңғат Есімханов.

Спикер Энергетика министрлігі «Самұрық-Қазына» қорымен бірлесіп, оның ішінде өңірлерде де дайындық және түсіндіру жұмыстарын жүргізіп жатқанын айтты.

«Бұл түсіндірме жұмыстары. Өңірлерде тиісті кесте бар. Алдағы айларда біз бұл жұмысты жергілікті өңірлерге бару арқылы жүргіземіз. Нақтырақ айтқанда...

Бүгін ОПЕК+ Бірлескен министрлік мониторинг комитетінің (JMMC) 53-отырысы өтті. Бұл жөнінде Энергетика министрлігі хабарлады.

Бұл отырыста биылғы қаңтар және ақпан айларында ұйым құрамындағы елдердің өз міндеттемелерін орындау жайы пысықталды. Комитет Ирак Республикасы мен Қазақстан Республикасының міндеттемелерді толығымен сақтау және артық өндірісті өтеу ниетін қолдау білдірді. Сонымен қатар Ресей Федерациясының 2024 жылдың екінші тоқсанында экспорт емес, өндіріс есебінен ерікті түрде қысқарту туралы өтінішін мақұлдады. ОПЕК+ бұрын қабылданған шешімдердің орындалуына мониторинг жүргізбек және негізгі бағытты айқындау үшін  нарықтық жағдайды барлап отырмақ. Келесі JMMC отырысын өткізу (54-ші) 2024 жылдың 1 маусымына жоспарланған.

Айта кетейік, 2023 жылдың қараша айында ОПЕК+ Бірлескен министрлік мониторинг...

«ҚазМұнайГаз» компаниясы («Самұрық-Қазынаның» еншілес кәсіпорны) құны 7,7 миллиард доллар болатын полиэтилен өндіру жобасын әзірлеп жатқан «Силлено» компаниясынан шықты.

ҚМГ жариялаған хабарламада «ҚазМұнайГаз» Silleno қатысушыларынан 29 наурызда шыққаны жазылған. ҚМГ компанияның 20% үлесіне ие болды. Мәміленің құны мен басқа шарттары жарияланбады.

Сонымен бірге EGOV сайтындағы ақпаратқа сүйенсек, қазіргі уақытта «Силлено» қатысушылары «ҚазМұнайГаз», «ПетроХим», ресейлік Sibur Holding және қытайлық Sinopec Overseas Investment Holding (Сингапур) PTE LTD компаниялары болып табылады.

Ақорданың хабарлауынша, «ҚазМұнайГаз» ҰК» АҚ мен SINOPEC арасында «Қазпошта» АҚ мен YTO Express Group арасындағы ынтымақтастық туралы келісім сынды бірқатар құжаттарға қол қойылған. Атап айтқанда:

Президенттің қатысуымен мынадай құжаттарға қол қойылды: