Жаңалықтар

Экология министрлігі утиль алымы бойынша жаңа бағдарлама әзірледі. Бұл туралы ҚР Экология және табиғи ресурстар министрлігі хабарлады.

«Экология және табиғи ресурстар министрлігі «Жасыл даму» АҚ-мен бірлесіп, көлік құралдарын, сондай-ақ өздігінен жүретін ауыл шаруашылығы техникасын кәдеге жаратудың жаңа бағдарламасын әзірледі», – деп хабарлады министрлік.

Бағдарламаға қара металды қайта өңдеу жөніндегі қызметті жүзеге асыратын барлық кәсіпкерлік субъектілері қатыса алады. Министрлік бір кәсіпорынның монополиясы болмайды деп сендіріп отыр.

«Ескі автокөлікті қайта өңдеу үшін төлем алынатын шикізатқа меншік құқығы болып табылады. Ескі көліктердің иелеріне жеңілдік сертификаты ұсынылады. Оның номиналы белгіленген тәртіппен анықталады», – деп хабарлады ведомствоның баспасөз қызметі.

Қазіргі уақытта ережелер жобасы әзірленіп...

Ресей 3 жылу электр орталығын салып бергені үшін Қазақстаннан қанша ақша алады? Бұл сұраққа Энергетика министрі Алмасадам Сәтқалиев нақты жауап бере алмады.  

Министр жылу электр орталықтары Ресейдің қаржысына салынатынын, Қазақстан Ресейге қанша төлейтіні әзірше белгісіз екенін мәлімдеді.

Алмасадам Сәтқалиев Қазақстан тарапынан жобаға «Самұрық-Энерго» АҚ қатысатынын атап өтті. Алайда ол «Самұрық-Энерго» АҚ жылу электр станцияларының жарғылық капиталына салатын қаражатты қайдан алатынын айта алмады.

Журналистердің: «қаражат бірыңғай жинақтаушы зейнетақы қорынан алынуы мүмкін бе?» – деген сұрағы жауапсыз қалды.

«Қазақстанның энергетика саласындағы өзекті мәселелерді ескерсек, біз шынымен электр энергиясының жаңа көзіне мұқтажбыз. Инвестиция Ресейден болады. Несиенің өзі Ресей бюджетінен субсидияланады. Олар ЖЭО...

Ұлттық банктің ресми интернет-ресурсында ҚР Ұлттық қорының статистикасы жариялатын жаңа бөлім ашылды. Соған сәйкес, 2023 жылы Ұлттық қордың кірістілігі 11.38% құраған. Ал 2022 жылы ҰҚ валюталық активтерін басқару нәтижесі теріс қалыптасқан: -10.35%. Ал қор құрылған 2001 жылдан бері жылдық мәндегі кірістілігі 3.38% болған.

Жаңа бөлімде «Ұлттық қор – балаларға» бағдарламасы туралы ақпарат, қорды инвестициялық басқару нәтижесі туралы мәліметтер, қаржылық құралдар мен портфельдердің үлесі бар.

Бұл беттегі ақпарат қордың әр жылдағы пайыздық кірісін дәйектейтін мәліметтер негізінде жыл сайын жаңартылып отырады.

«Қазақстан Республикасының Ұлттық Банкі ашықтық пен айқындылық қағидатын басшылыққа ала отырып, сондай-ақ «Ұлттық қор...

Nvidia алғаш рет ресми түрде Huawei-ді машиналық оқыту чиптері нарығында басты бәсекелес деп атады.

Huawei ЖИ чиптері NVIDIA флагмандық өнімдеріне қарағанда нашар болғанымен, олар жоғары сұраныс пен АҚШ-тағы сауда соғысына байланысты қытай нарығында айтарлықтай үлеске ие.

Nvidia қытайлық Huawei-ді нарықтың бірнеше сегменттерінде, соның ішінде жасанды интеллект чиптері бойынша басты бәсекелес деп санайды. Бұл туралы Nvidia АҚШ-тың бағалы қағаздар және биржалар жөніндегі комиссиясына жіберілген материалдарда хабарлады, деп жазады Reuters.

Америкалық компания графикалық және серверлік процессорлардың, сондай-ақ желілік платформалардың жасанды интеллектінің физикалық негізін құрайтын чиптерді жеткізуде Huawei-мен бәсекелесуге тура келетінін айтты.

Huawei өзінің Аcsend процессорлары негізінде Atlas 900 AI...

Еуропалық Одақ «Ресей әскери-өнеркәсіп кешенін қолдағаны үшін» бірқатар компанияларға, соның ішінде қазақстандық компанияларға қарсы санкция салды. Бұл туралы Еуропалық кеңес жариялаған құжатта жазылған.

Еуропалық Одақ Ресейге қарсы 13-ші санкциялар пакетін жариялады. Ресейдің әскери-өнеркәсіптік кешенін тікелей қолдайтындардың тізіміне 27 ұйым енгізілді.

«Бұл ұйымдардың кейбірі үшінші елдерде орналасқан. Оның ішінде, Қазақстан, Үндістан, Шри-Ланка, Қытай, Сербия, Таиланд және Түркия бар. Екіұшты мақсаттағы тауарлар мен технологияларға, сондай-ақ ресейлік қорғаныс және қауіпсіздік секторы технологияларын жетілдіруге ықпал ететін тауарлар мен технологияларға қатаң экспорттық шектеулер қойылады», – деп жазылған құжатта.

Компанияларға «сауда шектеулерін айналып өтуге қатысы бар» деген айып тағылып отыр. Сонымен қатар, Еуропалы...

АҚШ ресейлік ВТБ банкінің басшысы Андрей Костиннің санкцияларды бұзғаны және ақшаны жылыстатумен айналысқаны үшін үстінен іс қозғады. Тергеу барысында тегін Вольфсон деп өзгерткен «Откритие банкінің» бұрынғы тең иесі Вадим Беляев пен оның серіктесі Гэннон Бондті қамауға алды.

АҚШ Әділет министрлігінің мәліметінше, бұл екі азамат Костинге құны 135 миллион доллардан асатын екі яхтаны жасыруға және Колорадодағы Аспен тау шаңғысы курортындағы үйге иелік ету фактісін құпия сақтап қалуға тырысқан. ВТБ басшысы бұл зәулім үйді 12 миллион долларға сатуды жоспарлаған. Ал Вольфсон мен Бонд делдалдық етіп, келіссөздер жүргізген. Сондай-ақ оның иесінің аты-жөні ашылып қалмас үшін, үйдің қажетті шығындарын төлеп, күтіп ұстаған...

Қазақстанда еуропалық тәжірибеге ұқсас көміртегі салығын енгізу қажет. ECOJER аймақтық экологиялық бастамалардың қазақстандық қауымдастығының бас директоры Рүстем Қабжанов осылай деп мәлімдеді.

«Жасыл жобаның орташа ұзақтығы 5-7 жылды құрайтынын ескере отырып, 2030 жылға қарай белгіленген климаттық мақсаттарға қол жеткізу үшін жақын арада бірқатар шаралар қабылдау қажет… Қазақстан Республикасында Еуропадағы көміртегі салығына ұқсас салық енгізу арқылы экономиканың қосымша секторларында реттеуге болады. Осы арқылы парниктік газдар шығарындыларын саудалау жүйесін жетілдіру үшін заңнамаға өзгерістерді әзірлеуге болады», – деді спикер тұрақты даму саласындағы ұлттық мақсаттар мен міндеттердің орындалуын бақылау жөніндегі депутаттық комиссияның отырысы барысында.

Ұлттық көміртегі қорын құру ұсынылды

Сонымен қатар, Рүстем Қабжанов...

 Еуропалық қайта құру және даму банкі 2023 жылы Қазақстанға 330 млн еуро инвестиция салған. Осы қаражатқа 21 жоба қаржыландырылған. ЕҚДБ директорының Қазақстан бойынша орынбасары Асқар Намазбаевтың айтуынша, бұл соманың 90%-дан астамы жеке сектор клиенттеріне тиесілі.

2013 жылы ЕҚДБ-дан 2000 кәсіпорын консультациялық жобалар түрінде жеке қолдау алған. Жобалардың 70%-ы өңірлерде орналасса, соның ішінде 15%-ы – ауылдық кәсіпорындар. Консалтинг нәтижесінде шағын және орта компаниялар 10 мың жаңа жұмыс орнын ашқан.

ЕҚДБ-ның Орталық Азия мен Моңғолиядағы консультациялық қызметтер бағдарламасының басшысы Симоне Зе Атанасовски Қазақстанда Банк алғаш рет әйел кәсіпкерлерге арналған менторлыұ бағдарланы іске қосқанын айтты. Сондай-ақ иннвациялық стартаптарды қолдайтын Star Venture бағдарламасы...

Moderna фармацевтикалық компаниясының акциялары төртінші тоқсанда және былтырғы жылдың қорытындысын жарияланғаннан кейін, күрт өсті.

Бейсенбіде Нью-Йорктегі сауда-саттықтың жабылуы кезінде ол 13,53% көрсетті. Жылдың соңғы үш айындағы құнды қағаздардың кірісі сарапшылардың күткенінен жоғары болып шықты. Тіпті Мoderna-ның жалғыз нарықтағы өнімі-Covid-19 вакцинасының сату қарқыны төмендесе де ақция құнын түсірмеді.

Reuters ақпаратына сүйенсек, сарапшылардың айтуынша, компания биылғы жылы АҚШ билігінен респираторлық синцитиальды вирусқа (РСВ) қарсы жаңа вакцинаның мақұлдауын күтіп отыр. Олардың пайымдауынша бұл қуантарлық жаңалық болары сөзсіз.

Агенттіктің хабарлауынша, CIG сарапшылары төртінші тоқсанның қорытындысы бойынша бір акцияға 97 цент болатын шығынды болжаған. Ал компания бір құнды қағазға $ 0,55 пайда туралы...

Ақтөбе қаласының №55 мектеп гимназиясының бас бухгалтері 7 жылға сотталды. Бұл жайлы Сыбайлас жемқорлыққа қарсы күрес агнеттігінің баспасөз қызметі хабарлады.

«Ақтөбе қаласының № 2 соты Ақтөбе қаласының №55 мектеп-гимназиясының бас бухгалтеріне қатысты үкім шығарды»,- делінген хабарламада.

Баспасөз қызметінің хабарлауынша, сот процесі ашық режимде жүргізілген.

Ақтөбе қалалық мектебінің бас бухгалтері аса ірі мөлшерде бюджет қаражатын жымқырғаны үшін айыпты деп танылған. Тергеу мәліметтеріне сенсек, ол 8 жыл бойы өзінің банктік шотына жалақы ретінде заңсыз аударымдар жасап келген. Нәтижесінде мемлекетке 413,8 млн теңге сомасында залал келтірілген.

«Тек бір жылдың ішінде...

Ұлттық банк екінші деңгейлі банктерді бірыңғай QR-код бойынша төлемге қосылуға міндеттей алады. Бұл туралы базалық мөлшерлемені өзгерту туралы баспасөз мәслихатында Ұлттық банк төрағасы Тимур Сүлейменов айтты.

«Банктер Ұлттық қаржы инфрақұрылымының артықшылықтарын көруі керек, оның негізінде олар бір-бірімен өзара әрекеттесу мүмкіндіктері бар. Ол ерікті түрде жасалады. Барлық банктер бірыңғай QR-код бойынша төлемге қосылады деп үміттенемін. Егер ерікті түрде қосылмаса, біз міндеттеу шарасын іске асыра алатынымызды жоққа шығармаймын», – деді Ұлттық банк төрағасы.

Сүлейменовтің сөзінше, 2022 жылы Ұлттық Банк жедел төлем жүйесін (ЖМК) енгізген. Оған банктер еріктітүрде қосылуы қажет болған. Алайда Kaspi мен Halyk-тың өзіндік QR-төлем...

Антикор ұстаған Экология вице-министрі қызметін жалғастырып жатыр/ФОТО:gov.kz

Экология және табиғи ресурстар вице-министрі Мансұр Ошурбаевтың үстінен қылмыстық іс қозғалмаған. Ол жұмысында, қызметін жалғастырып жатыр. Бұл туралы Экология министрі Ерлан Нысанбаев айтты.

«Тергеу аясында Мансұр Ошурбаевтың жұмыс кеңсесінен құжаттар алынды. Ол қазір іс бойынша куәгерлердің қатарында, тергеуге көмектесіп жатыр. Жұмыста, қызметте жүр», – деп жауап берді журналистерге Ерлан Нысанбаев сенат кулуарында.

2023 жылғы 1 маусымда Мансұр Ошурбаев Экология және табиғи ресурстар вице-министрі болып тағайындалды. 2024 жылғы 5 ақпанда БАҚ Сыбайлас жемқорлыққа қарсы қызмет агенттігі Экология министрлігінің қызметкерлерін ұстап, сотқа дейінгі тергеу жұмысын бастағанын жазды. Ұсталғандардың арасында Экология вице-министрі бар екені мәлімделд...

Ұлттық банк төрағасы Тимур Сүлейменов Қазақстандағы зейнетақы жүйесіне реформа қажет екенін айтты. Бұл туралы ол базалық мөлшерлемені өзгерту туралы баспасөз мәслихатында мәлімдеді.

«Біздің зейнетақы жүйесіне реформа керек деп ойлаймын. Қазіргі жүйе бүгінгі уақыт талабына сай болғанымен, Ұлттық банк пен Еңбек министрлігінің зерттеулеріне сай, жүйеге реформа жасау керек. Себебі қазіргі жүйе болашақ зейнеткерлерге төлемдерін алдын ала алуға мүмкіндік бермейді. Жедел реформа емес, біртіндеп өзгерткен жөн», – деді Ұлттық банк төрағасы.

Сүлейменов, сондай-ақ, болашақта «Ұлттық қордан – балаларға» жобасына ұқсас зейнетақы төлеу үшін Ұлттық қор қаражатын пайдалану туралы ұсынысқа жауап берді.

«Бұл жерде абай болу керек. Ұлттық қор – әл-ауқат қоры, ол ең алдымен экономиканы сақтандыру үшін құрылған. Қазір экономикаға соққылар артып келеді. Біз Ұлтты...

Үкімет, министрліктер мен мемлекеттік холдингтер Ұлттық қордан ақша алуға сұранысты көбейтпесе, балаларға төленетін қаржы өсетін болады. Бұл туралы базалық мөлшерлемені өзгерту туралы баспасөз мәслихатында Ұлттық банк төрағасы Тимур Сүлейменов айтты.

Сүлейменов өзінің есебінде Brent маркалы мұнайдың бағасы алдағы екі жылда 80 доллар деп бағаланып, 2026 жылы 77 долларға төмендеуі мүмкін екенін айтты. Алайда ол мұнай бағасының төмендеуі Ұлттық қордан балаларға төленетін қаржыға әсер етпейтінін атап өтті.

«Ұлттық қор балаларға жобасын Үкіметпен бірге талқылап, іске қосқан кезде мұнай бағасына қатысты болжам жасап, осы сомманы (әр балаға 100 доллар) бекіткен болатынбыз. Сондықтан Ұлттық қорға қатысты және Ұлтты...

Ұлттық банк төрағасы Тимур Сүлейменов инфляцияны 5%-ға дейін төмендету үшін ұстамды қатаң ақша-кредит шартын сақтау қажет деп тұжырымдайды. Оның айтуынша, ақша-несие саясатын одан әрі жеңілдетуге мүмкіндік аз.

Ішкі сұраныс көрсеткіштерінде, инфляциялық күтулерде байқалатын үрдістер, сондай-ақ бюджет саясаты және сыртқы нарықтағы белгісіздік соны талап етіп отыр.

«Ұлттық Банктің болжамы мен қазіргі жағдайға сүйенсек, орта мерзімде инфляция бойынша мақсатқа қол жеткізе алатынымызға сенімдіміз. Бұған дейін айтқанымыздай, ол үшін ұстамды қатаң ақша-кредит шарттарын сақтау қажет. Осыған орай саясатты одан әрі жеңілдету мүмкіндігі шектеулі», – деді бас банкир.

Сүлейменовтың айтуынша, инфляция мен бағаға қатысты қалыптасқан...

АҚШ Әділет министрлігі Ресейдің 700 миллион долларға жуық активтерін тәркілеуді ұсынды. Бұл жайлы «Ведомости» басылымы жазды.

Украинадағы соғыс қимылдары басталғаннан бері АҚШ Ресейдің 700 миллион долларға жуық активтерін бұғаттаған. Американың Әділет министрлігі сол қаражатты тәркілеуді ұсынып отырғанын АҚШ бас прокуроры Меррик Гарланд мәлімдеді.

«Біз санкцияға ұшыраған олигархтар мен ресейлік режимнің басқа жақтастарынан 700 миллион долларға жуық активтерін бұғаттадық, енді оларды тәркілеуді талап етіп отырмыз», – деді Гарланд.

Бұл қаражат тәркіленсе, нақты қандай мақсаттарға жұмсалатыны айтылмайды. Десе де, бұл қаражат Украинаға көмек ретінде берілуі мүмкін. Өйткен 2022 жылдың желтоқсанында АҚШ Сенаты ресейлік бизнесмендерд...

Таиланд Қазақстан азаматтары үшін 30 күндік визасыз режимді тағы 6 айға ұзартты. Бұл туралы аталған ел Сыртқы істер министрінің орынбасары Джаккапонг Сангмани Алматыда өткен қабылдауында мәлімдеді.

«Екі ел визасыз режим орнату бағытында екіжақты белсенді жұмыс істеп жатқанын қуана хабарлаймын. Жақында бұл келісімдер аяқталады. Ол ұзақ мерзімді әрі пайдалы шешім болады деп есептеймін. Бұл процесс жалғасып жатыр. Біз арнайы визалық режимнің мерзімін қазірден бастап тамыз айының соңына дейін ұзартатынымызды келіп отыр. Қазақстан халқы бұл келісімді барынша тиімді пайдаланады деп сенемін», – деді Таиланд Сыртқы істер министрінің орынбасары.

Әуе рейстерінің саны артады

Визасыз режим күшіне енгеннен кейін бірнеше жағымды...

Қаржы нарығын реттеу және дамыту агенттігі Қазақстанда шетел еншілес банктердің филиалдарын ашуға қойылатын талаптарды жеңілдету жөніндегі заң жобасын дайындады. Жақын арада бұл түзетулер Парламентке жіберілетін болады. Бұл туралы Kapital басылымына ҚНРДА төрағасының орынбасары Олжас Қизатов айтып берген.

Агенттік Қазақстанда еншілес ұйымдар мен филиалдарды ашу кезінде банктер өткізуі тиіс құжаттар тізімін қысқартқан.

«Тікелей болмаса да, бір-бірін қайталайтын құжаттар болды. Яғни ревизия жүргізгеннен кейін елуге жуық құжат барын түсініп, осы тізімнің едәуір бөлігін қысқарттық», – деді Қизатов.

Ол негізгі шарттар – қаржылық тұрақтылық пен іскерлік беделге қойылатын талаптарды төмендетуге ниет жоқ екенін атап өтті. Агенттік төрағасының орынбасары кейбір шетелдік банктер Қазақстанда филиалдар ашуға мүдделі екенін айтты. Оңтүстік Кореядан, Таяу Шығыстан...

«ҚазМұнайГаз» Ұлттық компаниясы 2023 жылы 23,5 мл тонна мұнай мен газ конденсатын өндірген. Бұл 2022 жылғы көрсеткішпен салыстырғанда 6,9 пайызға артық. Жалпы ҚМГ былтыр көмірсутек өндіру, тасымалдау және сату көрсеткішін арттырған. Бұл жайында компанияның өндірістік нәтижесінда жазылған.

Ал ілеспе және табиғи газ өндіру көлемі (кері айдау көлеміне дейін) 14,8%-ға артып, 9,46 млрд текше метрді құраған.

Тәуелсіз аудиторлардың бағалауынша, қазіргі кезде ҚМГ көмірсутектерінің дәлелденген және ықтимал қоры 733 млн тоннаға тең, 2022 жылмен салыстырғанда барланған өор деңгейі 3,7%-ға өсті.

Былтыр ҚМГ магистральды құбырлар мен теңіз арқылы 80,3 млн тонна мұнай тасымалдаған. Алдыңғы жылмен салыстырғанда, мұнай тасымалы 7,6%-ға...

Шри-Ланка билігі 251 миллион доллар мұнай қарызының бір бөлігін өтеу үшін Иранға 20 миллион долларға шай экспорттағанын хабарлады. Бұл туралы South China Morning Post басылымы мәлімдеді.

Бұл келісім батыстық санкция қысымына ұшыраған Иранға шай импортына ақы төлеу үшін шетел валютасын пайдаланбауға мүмкіндік береді.

Шри-Ланка Премьер-Министрі Динеш Гунаварденаның баспасөз қызметі Иранның Сыртқы істер министрі Хосейн Амир-Абдоллахианмен келіссөздерден кейін, Иранға 20 миллион долларға шай экспортталды деп хабарлады.

«Мұнайдың орнына шай» мәмілесі 2021 жылдың желтоқсан айында келісілді. Бірақ мемлекеттегі экономикалық дағдарысқа байланысты экспорт кешіктірілді.

Шри-Ланка шенеуніктері бұған дейін, шайды мұнайға айырбастау АҚШ-тың Иранға қатысты санкцияларын бұзбайды деп мәлімдеген. Өйткені шай азық-түлік...

Қазақстанның халықаралық резервінің жеткіліктілік деңгейі 2020 жылдан бері тұрақты түрде төмендеп келеді. 2023 жылдың соңында халықаралық резерв көлемі 36 млрд долларды құрады. Бұл Қазақстанның 6 айлық импортын жабуға жеткілікті. Halyk Finance сарапшылары еліміздің қоры көрші елдермен салыстырғанда біршама аз деп тұжырымдайды.

Резерв жеткіліктілігін бағалаудағы кең тараған көрсеткіштің бірі – олардың импорт айларына қатынасы. Бұл көрсеткіш сыртқы ағын (мысалы, экспорт кірісі және сыртқы қаржыландыру) тоқтаған жағдайда, импорттық төлем қызметі тұрақты болып қала беретін ай санын анықтайды. Бұл ретте тауарлар мен қызмет импортын кемінде үш ай жабуы жеткілікті саналады.

«2023 жылдың қорытындысында Қазақстан резервінің импортқа...

Қазақстанды газдандыруға осы жылы 90,4 млрд теңге бөлінген. Бұл жайлы Сенатта өткен жиында ҚР Энергетика министрі Алмасадам Сәтқалиев мәлімдеді.

Министр 2030 жылға қарай халықты газдандыру деңгейін 65%-ға дейін жеткізу жоспарланып отырғанын айтты. 2023 жылдың қорытындысы бойынша халықты газдандыру деңгейі 60%-ды құрап, 12 млн адам газға қол жеткізген.

«Ал осы жылы газдандыруды жалғастыруға 90,4 млрд теңге бөлінді, бұл 244 мың адамды газбен қамтамасыз етуге немесе газдандыру деңгейін 61,1%-ға дейін жеткізуге мүмкіндік береді»,– деді министр.

Сонымен біге министр іске асырылып ірі инфрақұрылымдық жобаларды іске асырылу барысына тоқталып өтті. Бұл жобалар:

АҚШ-тың қор нарығының индекстері күрт өсті. Бұл NVIDIA-ның тоқсандық оптимистік нәтижелерін жариялағаннан кейін оң өзгеріске ықпал етті. Бұл туралы KASE-нің қор нарығына шолу материалында жазылған.

S&P 500 индексі 2,1%-ға өсіп, жаңа рекордтық деңгейге жетті. Ал Nasdaq 3%-ға көтерілді. Dow Jones индексі 1,18%-ға өсті.

Хаттамаға сәйкес, S&P-дің 11 секторының 10-ы коммуналдық қызметтерді қоспағанда, оң нәтижемен жабылды. Nvidia акциялары 16,4%-ға көтеріліп, 785,38 долларға жетті. Бұл оның нарықтық капитализациясының 1,9 трлн доллардан асып түскенін көрсетті. Super Micro Computer (+32,9%), Advanced Micro Devices (+10,7%) және Broadcom (+6,3%) сияқты аналогтық компаниялардың акциялары да күрт өсті. Salesforce құнды қағаздары Dow Jones индексінде 3,5% өсіммен көшбасшы болды.

Ұлттық банк базалық мөлшерлемеге қатысты кезекті шешімін шығарды. ҰБ Ақша-кредит саясаты комитеті базалық мөлшерлемені +/– 1 п.т. дәлізімен жылдық 14,75%-ға дейін 50 базистік тармаққа төмендету туралы шешім қабылдады. 

2024 жылдың 19 қатарында шығарылған шешім бойынша ол 15,25 пайызды құраған.

Реттеуші бұл шешімін Қазақстандағы инфляциялық үрдістердің баяулауымен байланыстырады.

«Инфляциялық күтулер үш ай қатарынан баяулап келеді. Ал айлық инфляция орташа жылдық мәндерден жоғары қалыптасуда. Сыртқы инфляциялық жағдай бейтарап күйде қалыптасып отыр. Бірқатар сауда-серіктес елдерде инфляция біршама қарқын алып, сыртқы инфляциялық қысым сәл күшейді. Әлемдік азық-түлік бағасында төмендеу үрдісі жалғасып, сыртқы инфляциялық жағдайға оң әсерін тигізіп отыр...