Жаңалықтар

Букмекерлік кеңселердің сыртқы жарнамасына тыйым салынуы мүмкін. Бұл жайлы премьер-министрдің орынбасары Тамара Дүйсенова айтты.

Мұндай жарнамаларға тыйым салу мәселесін депутаттар көтерген. Дүйсенова бұл мәселеге қатысты шешім шығаруда үкіметтің бірінше кезекте халықаралық тәжірибеге сүйенетінін жеткізді.

«Сыртқы жарнамаларды өздеріңіз де көріп жүрсіздер. Ондай жарнамалар көп. Біз халықаралық тәжірибелерді зерттедік. Шетелде мұндай бүкмекерлердің жарнамасы спорттық шаралар өтіп жатқан спорттық кешендерде, спорттық экипировкада, спорттық арнадарда және өзінің кеңсесінде ғана жарнамаланады. Біз де сол тәжірибеге сүйеніп, осы сыртқы жарнамаға тыйым салу туралы ұсыныстарды қарастырып жатырмыз. Мұндай ұсыныс депутаттар тарапынан да түскен», деді Дүйсенова.

Ол мұндай жарнамалардың тым көп болып...

Коллаж: kursiv.media

Қазақстан қор биржасының басқарма төрағасы Алина Алдамберген KASE-нің Астана халықаралық қаржы орталығы – AIX биржасымен бірігуіне қатысты пікір білдірді. Қыркүйек айының басында Қазақстан президенті Қасым-Жомарт Тоқаев осындай тапсырма берген еді.

«Мемлекет басшысының тапсырмасы бар, біз оны пысықтап жатырмыз. Осы мақсатта жұмыс тобы құрылды, бұл тапсырма 2024 жылдың наурызына қарай орындалмақ. Қазіргі уақытта биржалар қалай бірігетінін нақты айта алмаймын. Бұл жерде көптеген факторлар ескеріледі», – деді Алина Алдамберген брифингте.

Осы орайда KASE 2024 жылдың наурыз айында биржалар бірден бірікпейтінін, тек қосылу схемасы жайлы шешім қабылданатынын түсіндірді. Алина Алдамберген KASE мен AIX екі түрл...

Алматы облысы Есік қаласының әкімі Асхат Аңсатбаев пара алды деп күдіктелуде. Бұл жайлы Сыбайлас жемқорлыққа қарсы күрес агенттігінің баспасөз қызметі хабарлады.

«Жергілікті атқарушы органдардың заңсыз әрекеттері бойынша азаматтардың шағымдарына жедел ден қою нәтижелерімен жемқорлық қылмыстық құқық бұзушылық жасауда Алматы облысы Есік қаласының әкімі әшкереленді», делінген хабарламада.

Әкім Есік қаласының балаларға арналған ойын алаңын абаттандыру кезінде мемлекеттік сатып алу шарты бойынша бюджет қаражатын кедергісіз жұмсаған. Сонымен бірге жеке компания өкілінен ірі мөлшерде пара алды деп күдіктелуде.

«Күдікті кінәні толығымен мойындады. Сотқа дейінгі тергеу жалғасуда», деп хабарлайды агенттік.

Асхат...

«Қазақстан» көмір кенішінде температура көтеріліп, шахтадағы барлық қызметкерлер жер бетіне эвакуацияланды. Бұл жайлы 17 тамыздан бері өртке оранып жатқан кеніштің иегері «АрселорМиталл Теміртау» мәлімдеді.

«АрселорМиталл Теміртау» баспасөз қызметі бұған қатысты сәрсенбі күні:

«Қазақстан» шахтасында 17 тамызда шыққан өрт әлі ауыздықталмаған. Өртті оқшаулау жұмыстары барысында температура жоғарлады. Шахтадағы жұмысшылар бірден жер бетіне көтерілді, – деп хабарлады.

2023 жылдың 11 қазанында «Қазақстан» шахтасында 17 тамызда басталған өртті өшіру бойынша көпір салу жұмыстары жүргізілген. Температураның жоғарылауына байланысты жоспар өзгеріп, барлық қызметкерлері жер бетіне шыққан. Компания зардап шеккендердің жоқ екенін дәйектеді.

Еске сала кетейік, «АрселорМиттал Теміртау...

Фото: Ақорда

Қасым-Жомарт Тоқаев Қазақстанның Азия ойындарындағы көрсеткіші «өте жақсы болуы мүмкін еді» деп мәлімдеді. Мемлекет басшысы барлық спорт түрі бойынша кеткен қателіктерді түзету үшін ауқымды жұмыс атқару қажет екеніне назар аударды. Бұл туралы Ақорда хабарлайды.

Бүгін Тоқаев Азия ойындарының жүлдегерлерін қабылдады. Президент спортшыларды Азиада ойындарында алған 10 алтын, 22 күміс, 48 қола медалімен құттықтаған. Дегенмен көрсеткіш одан да жоғары болуы мүмкін еді деп атап өтті.

«Алайда еліміздің жалпы көрсеткіші өткен Олимпиада мен Азиада ойындарынан да өте жақсы болуы мүмкін еді. Мұны ашық айтуымыз керек. Бокс, ауыр атлетика, еркін және грек-рим күрес...

Қазақстан нарығында жалпы саны 5 әуе компаниясы жұмыс істейтін болады. 4-і отандық авиакомпания болса, 5-шісі бұл нарыққа шетелден кіреді. Бұл жайлы Көлік министрі Марат Қарабаев айтты.

Атап айтқанда, Қазақстан тарапы қазіргі таңда Вьетнамдық Sovico Holdings әуе компаниясымен келіссөздер жүргізіп жатыр. Жалпы, еліміз бұл бағытта бірнеше шетел компанияларын қарастырып жатқанын айтқан министр Sovico Holdings-тің еншілес компаниясы Vietjet air-мен көбірек жұмыс істеп жатқанын атап өтті.

«Әлі толық шешім шығарылған жоқ. Қазіргі таңда бірнеше елдердің компанияларымен жұмыс жүргізіп жатырмыз. Sovico Holdings компаниясымен терең жұмыстар жүргізілді. Sovico Holdings-тің еншілес компаниясы Vietjet air бар. Олар көбінде лоукостер ретінде көпке...

фото: ria.ru

Қазақстан ел ішіндегі газ тапшылығын өтеу үшін Ресейден көгілдір отын жеткізуді жоспарлап отыр. Ресей газының ішкі тапшылықты толық қамтамасыз етеріне Қазақстанның энергетика министрі Алмасадам Сәтқалиев сенімді. Бұл жайлы министрдің өзі журналистерге хабарлады.

Сәрсенбі күні БАҚ өкілдерімен өткен жиында энергетика министрі Алмасадам Сәтқалиев Ресей газының ел мұқтаждығын өтей алатынын жеткізді:

«Қазіргі уақытта біз индустриялық жобаларды, энергетика объектілерін салуды дамытуға байланысты ел ішінде газ тұтынудың тұрақты өсуін байқап отырмыз. ( … ) Жалпы алғанда, бұл іс-шаралар кешені белгілі бір уақытта Қытайға газ экспортын қысқартуға және қайта өңдеу қуаттары іске қосылғанға дейін Ресейден газ алуға...

Фото: shutterstock.com

3 мыңнан аса жалған техбайқау картасының күші жойылды. Оларда көлік құралын техникалық байқаудан өткізу ережесі өрескел бұзылған. Тексеріс барысында фотоөңдеуден өткені анықталған. Бұл туралы «Ұлттық ақпараттық технологиялар» АҚ баспасөз қызметі хабарлады.

Тәртіп бұзушыларға 1414 нөмірінен қайтадан техникалық байқаудан қайта өту қажеті туралы SMS хабарламалар жіберіледі.

Күші жойылған цифрлық құжат eGov mobile мобильді қосымшасында да көрсетілмейді.

«4 шілдеде заң жүзінде жалған техникалық байқаудың күшін жою туралы өзгерістер енгізілген Ережелер күшіне енді. Жақын арада Көлік комитетімен сол техникалық байқау ережелерін бұзғандардың құжаттарын жою шараларын қабылдаймыз. Осындай шаралардан кейін азаматтар техникалық байқауды «сатып...

Бәйтерек» холдингі «ТайыншаЖер Плюс» ЖШС 49%-ын сатып алды / коллаж kursiv.media

«Бәйтерек» Ұлттық басқарушы холдингі «ТайыншаЖер Плюс» ЖШС 49%-ына иелік ететін болды. Бұл туралы холдинг Қазақстан қор биржасына хабарлады.

Алайда, бұл мәміленің бұдан өзге ақпараттары ашық хабарланбаған, яғни «Бәйтерек» бұл компаниядағы үлесті кімнен қанша қаржыға сатып алғаны туралы ақпарат жоқ.

Солтүстік Қазақстан облысы, Тайынша ауданы, Чермошнян ауылдық округіне тіркелген «ТайыншаЖер Плюс» ЖШС негізгі қызметі туралы ашық деректерде: «тұқым өсіруді қосқанда, дәнді және бұршақ дақылдарды өсіру» деп көрсетілген.

«Азаматтарға арналған үкімет» мемлекеттік корпорациясынан алынған дерекке сәйкес, «ТайыншаЖер Плюс» ЖШС құрылтайшысы «Тамыз-Инвест» ЖШС. Ал, «Тамыз – Инвест» ЖШС...

Мәжілісте депутаттар еліміздегі авиакомпаниялардың билет құнына қатысты мәселені көтерді. Депутат Айдос Сарым халыққа қолжетімді болу үшін құрылған FlyArystan әуе компаниясының бағалары аспандап кеткенін айтты.

«Қоғамдық палата тұтынушылар мен сарапшылар қауымдастығы жолаушыларды авиатасымалдау қызметтерінің жоғары бағаларына қатысты мәселені үнемі көтеріп отырады. Бұл туралы талай депутаттық сауалдар да жолданды. Атап айтқанда, адамадар төмен бағалы бюджеттік авиакомпаниялардың билеттерінің бағасы күн сайын қымбаттап бара жатқанын айтады. Бұған Air Astana ұлттық тасымалдаушысының еншілес компаниясы FlyArystan айқын мысал бола алады», деді депутат.

Ол бұл авиакомпанияның бастапқыда адамдарға әлеуметтік қолжетімді бағамен билеттерді алу үшін құрылғанын, сондай-ақ жастарымыздың қатынап тұруына...

Фото: shutterstock.com

Еңбекминнің хабарлауынша, Қазақстанда Кәсіптік біліктілік жөніндегі ұлттық орган құрылды. Бұл мекеме адами капитал сапасы, халықты жұмыспен қамту деңгейі, Қазақстан азаматтарының табысы мен кәсіби ұтқырлығын арттыруға септігін тигізбек.

«Ұлттық органды құрудың мақсаты – экономика салаларының еңбек ресурстарына дайындығы мен қажеттіліктерін ескере отырып, білім беру жүйесі мен еңбек нарығы арасындағы тұрақты байланысты қамтамасыз ету, тұтастай алғанда Ұлттық біліктілік жүйесін тиімді дамыту», – деді КБҰО басшысы Ерасыл Жұманбаев.

Ол сондай-ақ, ол КБҰО құру Ұлттық біліктілік жүйесінің институттары мен бірыңғай білім базасын қалыптастыруды, кәсіптік біліктілікті тану саласында табысты халықаралық тәжірибені енгізуді көздейтінін атап өтті.

Бүгінгі таңда...

фото: kursiv.media

Ұлттық банктің таза сыртқы активтері шілде айынан бастап 570,1 млрд теңгеге ұлғайып, 2023 жылдың қыркүйегінде 43,0 трлн теңге болған. Қазақстан Ұлттық банкі 2023 жылдың қыркүйек айының соңындағы өз активтерінің жай-күйіне қатысты алдын ала монетарлық шолу жариялады.

Ұлттық банктің деректеріне сәйкес, 2023 жылғы қыркүйекте таза активтер 43,0 трлн теңге болды. Айта кету керек, таза сыртқы резервтердің басым бөлігін таза халықаралық резервтер (14,2 трлн теңге), жалпы халықаралық активтер, ЕАВ (15,2 трлн теңге) және Ұлттық қордың активтері (27,4 трлн теңге) құрайды.

Сонымен, 2023 жылдың қыркүйек айының соңындағы активтерді төмендегідей жіктеуге болады:

Таза сыртқы активтер...

Ресей мұнайы Өзбекстан нарығынан қазақ мұнайын ығыстырып жатқан жоқ. Энергетика вице-министрі Ерлан Аққенженовтың айтуынша, өзбек жеріне жеткізілетін қазақ мұнайының көлемі Ресей мұнайымен салыстырғанда, әлдақайда жоғары. Егер жеткізу шарттарын жақсартуға келіссек, экспортталатын мұнай көлемін көбейтуге болады.

«Кейбір БАҚ-та қазақ мұнайын Өзбекстан нарығынан ресейлік мұнай ығыстырып жатқаны туралы ақпарат тарады. Ол шындыққа жанаспайды. Жыл басынан Өзбекстанға 87 мың тонна көлеміндегі қазақ мұнайы жөнелтілген. Шыны керек, Ресей мұнайы Қазақстан арқылы транзитпен жеткізіледі. Ал көлемін салыстырсақ, қазақ мұнайының көлемі өте жоғары», – вице министр.

Дегенмен, Энергетика министрлігі таратқан анықтамада жыл басынан бері Қазақстан арқылы Өзбекстанға 79 мы...

Мәжіліс отырысында депутат Бақытжан Базарбек Ауыл шаруашылығы министрлігі жұмысын жасай алмаса, «министрімен қосып, министрліктен қуып шығатынын» айтты.

Депутат өз баянадамасында, жайылымдық жерлердің қайтарылу мәселесін көтерген премьер-министрдің орынбасары Тамара Дүйсеноваға сауал жолдап, екі жыл бұрынғы уәдесін орындамай кеткенін еске салды.

«Тамара Қасымқызы, бір-екі жыл бұрын сіз президенттің кеңесшісі болып тұрған кезде сізбен видеоконференцияға шығып, онда Солтүстік Қазақстан облысында Бостандық деген ауылда жайылымдық жерлердің тапшылығы туралы айтқан болатынбыз. Ауыл тұрғындары жайылымдық жерлерден айырылып қалған. Содан сіз маған және ауыл тұрғындарына уәдеңізді төгіп-төгіп бергенсіз. Міне енді, әп-әдемі, түк білмегендей министрліктің қызметіне отырдыңыз. Сондықтан осы мүмкіндікті пайдаланып...

KASE Индексінің мәні 26,2%-ға өсіп, 4 103,83 пунктке жетті. Ал акциялар нарығын капиталдандыру 27,4%-ға немесе 5,8 трлн теңгеден 27,0 трлн теңгеге дейін өсті. «Қазақстан қор биржасы» АҚ (KASE) 2023 жылдың тоғыз айындағы қызметтің негізгі қорытындылары туралы хабарлады.

Қазақстан қор биржасы 2023 жылдың үшінші тоқсаны мен тоғыз айындағы биржалық нарық жұмысының нәтижелері жайлы мәлімдеді. Ақпаратқа сәйкес, KASE-дегі сауда-саттықтың жиынтық көлемі 283,4 трлн теңгені құраған. 2022 жылдың осы кезімен салыстырғанда 46,4%-ға немесе 89,8 трлн теңгеге өскен.

Айта кетерлігі, 2023 жы, 1 қазандағы жағдай бойынша KASE сауда тізімінде орныққан 225 эмитенттің 621 атауы мемлекеттік емес бағалы қағаздар болды.

Сонымен қатар, Қазақстан...

Фото: shutterstock.com

АҚШ қор нарықтары сейсенбіде қазынашылық облигациялардың арзандауы және ФРЖ шенеуніктерінің қарыз алу шығындарын одан әрі арттырудың қажеті жоқ деген мәлімдемесі аясында өсуін жалғастырды. Бұл турал KASE-нің қор нарығына шолуында жазылған.

Dow Jones Industrial Average 0,4%-ға, S&P 500 0,52%-ға, Nasdaq Composite 0,58%-ға көтерілді. Мұнай мен газды қоспағанда, S&P индексіндегі 11 сектордың 10-ы жасыл түсте жабылды. Табыс маусымы PepsiCo акцияларының 1,9%-ға өсуімен басталды. Bank of America акциялары жыл сайынғы Prime Days шарасының алғашқы күнінде 2,7%-ға, ал Amazon 1%-ға қымбаттады. Rivian акциялары UBS рейтингтерін жаңартқаннан кейін 4,6% қосты.

Еуропа қор нарықтары да көтерілген: DAX пен Stoxx 600 индекстер...

фото: kursiv.media

ҚР Премьер-Министрінің орынбасары Тамара Дүйсенованың хабарлауынша, сауда-саттық саласындағы делдалдық схемаларды тексеретін өңірлік комиссиялар жыл басынан бері сауда мөлшерлемесінің жоғарғы шегі бұзылған 696 фактіні анықтаған. Екі ортадан пайда табатын 814 делдалдар тізбегі талданып, 146 заң бұзушылық анықталып отыр.

ҚР Премьер-Министрінің орынбасары әлеуметтік маңызы бар азық-түлік тауарлары бағасының индексіне тоқталды.

Үкімет басшысы орынбасарының хабарлауынша, 4 айдан астам уақыттан бері әлеуметтік маңызы бар азық-түлік тауарлары бағасының индексі біртіндеп төмендеген:

Әлеуметтік маңызы бар азық-түлік тауарларына үстемақы 15 пайыздан аспауы үшін сауда нысандарымен және өнім өндірушілермен 11,5 мыңға жуық келісім-шарт жасалды, – деді Дүйсенова.

Еске сала кетейік, бүгін Мәжіліс отырысы өтіп жатыр. Премьер-Министрінің орынбасары Т. Дүйсенова...

Коммуналдық төлем көлемі әкімдік белгілеген мөлшерден асып кетсе, бюджеттен тұрғын үй көмегі қарастырылған. Бұл Міжілістің жалпы отырысында жайлы мәжілісте Премьер-министрдің орынбасары Тамара Дүйсенова айтты.

Дүйсенова депутаттардың өңірлерге шығу барысында азаматтардан түскен өтініштердің мемлекеттік органдардың қарау нәтижесіне тоқталды. Ол азаматтардан депутаттардың атына 2,5 мыңнан астам өтініш кеп түскенін, барлық өтінішке жауап берілгенін айтты. Сонымен бірге олардың орындалу барысын Үкімет өз бақылауына алатынын жеткізді. Солардың ішінде халықты қатты алаңдатқан мәселе – техногендік апат салдары.

«Біріншіден, өтініштердегі көп көтерілген мәселенің бірі өткен жылғы жылу желілеріндегі ірі техногендік апаттардың салдарын жою және осы саладағы инфраструктураның потенциалын көтеруге...

фото: kursiv.media

ҚР Парламенті Мәжілісінің жалпы отырысына ҚР Премьер-Министрінің орынбасары Тамара Дүйсенова азық-түлік қауіпсіздігі, экологиялық проблемалар жайлы айтты.

Астықты өңірлердегі ауа райының қолайсыздығы себебінен қазір бұл мәселе өзекті болып тұр. Т. Дүйсенова бұған қатысты астықты кептіру үшін 62,5 мың тонна арзандатылған дизель отыны бөлінгенін мәлімдеді.

Ендігі кезекте қаржы институттары айыппұл санкцияларын қолданбай несиелер мен қарыздарды ұзартуды жүзеге асырады. Сондай-ақ, «Азық-түлік келісімшарт корпорациясының» қорлары негізінде тұқым қоры қалыптасады.

Министрдің айтуынша, агроөндіріс кешенін субсидиялауға қосымша қаржы бөлу мәселесі қарастырылып жатыр. Бұл шара ауылшаруашылық өндірушілерін қолдау мақсатында астықты тікелей сатып алуды да көздейді.

Премьер-Министрінің орынбасары еліміздегі астықтың жиын-терін көлемі елімізді нанмен және ұнмен толық қамтамасыз ету үшін жеткілікті болатынына сендірді.

Мұнымен қоса, өз баяндамасында...

фото: baq.kz

Ауғанстандағы жойқын жер сілкінісіне байланысты Қазақстан гуманитарлық көмек көрсетті. Жөнелтілетін гуманитарлық жүктің тізбесінде барлығы 1659 тонна көлемінде 13 түрлі тауар бар. Бұл жайлы Төтенше жағдайлар министрлігі хабарлады.

Жер сілкінісінен зардап шеккендерге көмек көрсету мақсатында мемлекеттік материалдық резервтен азық-түлік, шатырлар, киім-кешек және төсек-орын жабдықтары бөлінді.

Бұдан бөлек «СК Фармация» ЖШС Ауғанстанға жөнелту үшін дәрі-дәрмектер бөлді. ТЖМ-ның хабарламасында:

Дәрі-дәрмектер мен шатырлар Ұлттық ұланның ұшағымен жіберілді, оларды адресаттар бүгін алады.Қалған гуманитарлық көмекті жеткізу теміржол көлігімен жүзеге асырылады, – делінген.

Еске сала кетейік, бір күн бұрын Герат провинциясына іздеу-құтқару жұмыстарын жүргізу үшін ТЖМ-нің 45 қызметкер...

2024 жылдың 1 қаңтарынан бастап Қазақстан Республикасында экспорттық-импорттық валюталық бақылаудың ережелері өзгереді. Ұлттық банк пен Қаржы министрлігі бірлескен қаулы шығарды.

Ережелерге сәйкес, экспорт немесе импорт жөніндегі валюталық шарт бойынша экспортер немесе импортер шот нөмірін алу тәртібі, шарттары мен өлшемдері, оның ішінде экспортқа немесе импортқа валюталық шарт сомасының шекті мәні бар экспорт немесе импорт бойынша валюталық шарт репатриация талабының сақталуы бақыланады.

Сонымен бірге ережеде экспортерді немесе импортерді бір уәкілетті банктен басқа уәкілетті банкке экспорт немесе импорт бойынша валюталық шарт бойынша қызмет көрсетуге беру тәртібі реттелген.

Экспорт немесе импорт бойынша валюталық келісімді бухгалтерлік тіркеуден алып тастау тәртібі, уәкілетті банк...

Экономиканы демонополизациялау жөніндегі комиссия шешімімен Риддер ЖЭО-сы коммуналдық меншікке беріледі. Бұл жайлы Үкімет үйінің баспасөз қызметі хабарлады.

ҚР Премьер-Министрі Әлихан Смайылов орталық мемлекеттік органдар, Бас прокуратура, ҚМА, БҚДА және басқа да ведомстволар басшыларының қатысуымен Экономиканы демонополизациялау жөніндегі комиссияның кезекті отырысын өткізіп, онда Риддер қаласындағы ЖЭО-ның айналасында қалыптасқан жағдай қарастырылды.

Өткен жылдың қазан айынан бастап станцияда бірқатар апаттар болды, соның кесірінен қала тұрғындарын жылумен және электрмен қамтамасыз ету дұрыс жүргізілмеді. Оған себеп, ЖЭО-ның бұрынғы иелері оны жаңғырту және күрделі жөндеу жұмыстарына инвестиция салмаған, станцияның техникалық жай-күйі әбден тозған.

Оны жөндеуге биыл Үкімет резервінен және облыс әкімдігінен қаражат бөлініп, станцияның барлы...

Италиялық Eni компаниясының басшысы Клаудио Дескальци газ нарығындағы бағалар Ресейден жеткізілетін газдан толыққанды бас тартқан кезде тұрақталатынын айтты. Ол сонымен бірге Италияның Ресей газына тәуелділігі 80%-ға азайғанын мәлімдеді.

Яғни бұл мемлекет елге кіретін газ көлемінің 80%-ын басқа елдерден жеткізе бастады.

«Өткен жылы біз Ресейден келетін газ көлемінің 50%-ын ауыстырған болатынбыз. Осы күні біз бұл көлемді 80%-ға жеткіздік. Ал 2024-2025 жылдарға қарай газ көлемін 100%-ға жеткіземіз», – деді Клаудио Дескальци Corriere della Sera газетінің қатысуымен ұйымдастырылған энергетикалық форумда.

Ол 100 пайыздық көрсеткішке Италияның барлық жоспарланған қайта газдандыру терминалдарын іске қосу арқылы жетуге болатынын атап...

ҚР ішкі нарығына сұйытылған мұнай газын жеткізу жоспарына сәйкес, 2023 жылдың қазан айында Атырау облысы үшін 5 263 тонна мөлшерінде сұйытылған газ көлемі бекітілді, өңірдің негізгі ай сайынғы қажеттілігі 6 200 тоннаны құрайды. Бұл туралы ҚР Энергетика министрлігі хабарлады.

Жеткізу көлемінің төмендеуі АМӨЗ-дегі жоспарлы-алдын алу жұмыстарымен байланысты.

Тұтынушылар арасындағы қазіргі сұранысты ескере отырып, Энергетика министрлігі Атырау облысы үшін 750 тонна көлемінде қосымша СМГ көлемін бөлді.

Көлемді жеткізу 11 қазанда басталады.

Естеріңізде болса Сұйытылған мұнай газын автокөлікпен экспорттауға 3 жылға, ал теміржол көлігімен әкетуге 6 айға тыйым салынды.