Жаңалықтар

Қазақстанда атом электр станциясын салу мәселесі референдумға шығарылмайды. Бұл туралы Энергетика вице-министрі Жандос Нұрмағамбетов айтты.

«Референдум болмайды. Бұл мәселе референдумға шығарылмайды. Біріншіден, алаңның орналасқан жеріне қатысты сұрақ бар. Екіншіден, ең бастысы – технология және қаржылық-экономикалық модель. Ол қалай әсер етеді, біз мұны қалай жүзеге асырамыз деген мәселе бар», – деді министрдің орынбасары, Сенаттың жалпы отырысынан соң.

Оның айтуынша, бүгінде осы салада жұмыс істейтін барлық компания Қазақстанмен ынтымақтастық орнатуға ниетті. Жақында Корея тарапымен келіссөз жүргізілген. Енді Энергетика министрлігі Қытай тарапынан шақыруды күтіп отыр.

Сондай-ақ Жандос Нұрмағамбетов АЭС-тің орналасқан жері мен оның құрылысын бастау мәселесі әлі шешілмегенін...

Еңбек нарығында кадр жетпейді! Еңбек және халықты әлеуметтік қорғау министрлігі мен HeadHunter жұмыс іздеу және жалдау бойынша онлайн платформалардың еңбек нарығына жүргізген тадауын жариялады.

2023 жылғы мамырда Электрондық еңбек биржасында (ЭЕБ) 94,9 мың бос жұмыс орны болса, оған 74,5 мың түйіндеме орналастырылған. Сәуірмен салыстырғанда бос орындар саны 10,5% – ға, ал түйіндеме 0,9%-ға өскен.

Ал hh.kz сайтында 2023 жылдың мамыр айында жұмыс берушілер әртүрлі салалар бойынша 50 000-ға жуық бос жұмыс орнын жариялаған. Бұл өткен аймен салыстырғанда 18%-ға, бір жыл бұрынғы жағдайдан 39%-ға артық екен.

ЭЕБ-ның мәліметі бойынша еңбек ресурстарының жетіспеушілігі 20,4 мың бірлікті немесе орналастырылған...

Қазақстанның Құнды қағаздар орталық депозитарийіне өткен жылы Ресейден 11,1 трлн теңгенің немесе 1,7 трлн рублдің қаржылай активтері аударылған. Бұл туралы Орталық депозитарийдің 2022 жылғы есебінде жазылған. 2021 жылы мұндай аударымның көлемі бар болғаны 0,8 трлн теңгені ғана құраған. Нарық қатысушыларының пайымдауынша 2022 жылғы аударымдардың басым көпшілігі ресейлік немесе Ресеймен байланысты активтер.

2022 жылы орталық депозитариийге 8.9 трлн теңгеге облигациялар, 0,05 трлн теңгеге акциялар және тағы 2 трлн теңгеге жуық сомаға өзге құралдар аударылған. Нәтижесінде депозитарийде сақталып тұрған, айналымға Қазақстанда шығарылмаған облигациялардың көлемі 2022 жылы 4 есе өсіп, құндық мәнде 4,7 трлн теңгеге жеткен. Салыстырмалы түрде өткен жылды...

Фото: kursiv.media

Қазақстанда ұлттық жобалар мен бағдарламалар бойынша нәтижеге қол жеткізбегені үшін шенеуніктерге жауапкершілік енгізу ұсынылды. Бұл мәселені Жоғарғы аудиторлық палатасының төрайымы Наталья Годунова көтерді.

Палата басшысы заңнамалық негізде бюджеттік инвестициялық жобаларды іске асыру үшін ортақ жауапкершілік енгізу қажет деп санайды. Мұндай жауапкершілікке орталық мемлекеттік органдардың басшылары мен бюджет қаражатын жұмсайтын жергілікті атқарушы органдар да тартылуы керек.

«Осыған байланысты Әкімшілік құқық бұзушылық туралы кодекске және әзірленіп жатқан жаңа Бюджет кодексіне тиімділік көрсеткіштеріне қол жеткізбегені үшін жауапкершілікке тарту туралы толықтырулар енгізу ұсынылып отыр. Өңірлерге аударылатын жалпы трансферттер көлемінің қаншалықты өскені туралы біз бұған дейін айтқан...

Бұған дейін болжанғандай-ақ, АҚШ Федералды резерв жүйесі 14 маусым күнгі отырысында федералды қор мөлшерлемесін 5,25% деңгейінде қалдырды. Осы күні АҚШ қор нарығы сауда-саттықты әртүрлі бағытта аяқтады. Инвесторлар Федералды резерв жүйесінің ақша-несие саясаты туралы шешімін таразыға салды.

Dow Jones индустриялық индексі 0,7%-ға төмендеді. Индексте спорттық киім өндіруші Nike, чип өндіруші Intel және бөлшек сауда алыбы Walmart акциялары көш бастады. UnitedHealth Group медициналық сақтандыру компаниясы, Boeing аэроғарыш корпорациясы және Уолт Дисней медиа конгломератының бағалы қағаздары арзандады.

Ал S&P 500 кең нарық индексі 0,1%-ға көтерілді. Жеті сектор сауданы қызыл түсте аяқтады.

Nasdaq Composite Technology Index 0,4%-ға көтерілді. Intel, NVIDIA және Broadcom е...

Биыл қазақстандық электр желілері операторы «KEGOC» акциялары SPO-ға (акцияларды қайталама орналастыру) шығарылады. Компания инвесторларға құнды қағаздарының 5 пайыздық үлесін ұсынуы мүмкін. Бұл туралы елордада өткен Astana finance day форумы кулуарында «Самұрық-Қазына» АҚ Даму және жекешелендіру жөніндегі басқарушы директоры Ернар Жанәділ хабарлаған еді.

«Жуырда Президент электр энергетикасы туралы заңға қол қойды, онда біз «Самұрық-Қазына» қорына тиесілі үлес – 85% болады деген кепіл бердік, бұрын ол 90% және +1 акция болатын. Сондықтан қазір біз 5% туралы айтып отырмыз. Осы үлес SPO-ға ұсынылады. Инвестициялық банкирлерді жалдадық және бұл жұмыстар жалғасуда», – деді Ернар Жанәділ.

Бұл ретте ол SPO...

Фото: kursiv.media

Ұлттық Банктің екінші жартыжылдықта базалық мөлшерлемені бірқалыпты және байыппен төмендету мүмкіндігін қарастырады. Бұл жайлы ҚР Парламенті Сенатының пленарлық отырысында Ұлттық Банктің Төрағасы Ғалымжан Пірматов айтты.

«Ұлттық Банк екінші жартыжылдықта базалық мөлшерлемені бірқалыпты және байыппен төмендету мүмкіндігін қарастырады. Біздің шешіміміз бағалардың нақты өсуінің болжамды бағалауға сәйкес келуіне, жанар-жағармай және тұрғын-үй коммуналдық қызметтері бағасының өсуінен болатын жанама әсерін ескере отырып базалық инфляцияның тұрақты баяулауына, инфляциялық күтулер динамикасына, сондай-ақ 2024-2025 жылдарға арналған бюджетті қалыптастыру кезінде бюджеттік қағиданы сақтауға байланысты қабылданады», деді ол.

Банк басшысы 2022 жылы базалық мөлшерлемені 16,75%-ға дейін көтеру нәтижесінде теңгедегі активтерд...

Фото: kursiv.media

Қаржы мониторингі агенттігінің Шымкент қаласы бойынша департаменті «Chia Tai Tianging Group» қаржы инвестициялық пирамидасын құру және басқару күдігі бойынша сотқа дейінгі тергеу жүргізіп жатыр. Бұл жайлы агенттіктің баспасөз орталығы хабарлады.

«Бұл ұйымға 2022 жылдың қыркүйегінен 2023 жылдың сәуіріне дейін Шымкенттің 40-тан астам тұрғыны 83 млн теңге салған. Қазіргі уақытта күдікті сот қаулысымен үйқамаққа алынды», – делінген агенттік хабарламасында.

ҚР ҚПК 201-бабына сәйкес, өзге мәліметтер тергеу мүддесі аясында жария етілмейді.

Агенттік қаржы пирамидасын құру қылмыстық жауапкершілікке әкеп соғатынын және мүлікті тәркілеумен 10 жылға дейін бас бостандығынан айыру жазасы қарастырылатынын ескертеді.

Қазақстанда қаржы...

ҚР Денсаулық сақтау министрі Ажар Ғиният министрлік Алматыдағы қалалық ауруханада үш адамның АИТВ жұқтыруына кінәлілерді іздеп жатқанын мәлімдеді.

Сенат отырысы кулуарында журналистер министрден пациенттердің АИТВ жұқтыруына қатысты түсінік беруді сұрады.

Министр қазір комиссия жұмыс істеп жатқанын, оның құрамына ведомствоның үздік қызметкерлері енгенін айтты.

«Алдымен инфекцияның аурухана ішінде таралуының алдын алуымыз керек. Тексеру аяқталғаннан кейін толық ақпарат береміз. Енді біз толық эпидемиологиялық тексеру жүргізіп, инфекцияның қайдан шыққанын, таралу жолын, ауруханаішілік инфекция болған-болмағанын анықтауымыз қажет», – деді министр.

Сонымен қатар журналистер министрден бұл оқиғаға қатысты өзін жауапты сезіне ме және отставкаға кету туралы өтініш жаза ма...

Фото: kursiv.media

50 млн теңге бюджет қаржысын ысырап қылды деген күдікке ілінген Тараз қаласы әкімінің бұрынғы орынбасары Қайсар Сарытай Грузиядан Қазақстанға экстрадицияланды. Лауазымды құзыретін асыра пайдаланған экс-шенеунікке халықаралық іздеу жарияланған болатын. Бас прокуратура күдіктіні ұстауға Грузияның Әділет Министрлігіне сұрау салып, ол Қазақстанға жеткізілді.

«Күдікті қылмыс жасағаннан кейін қылмыстық қудалау органынан бой тасалаған, сондықтан оған қатысты халықаралық іздеу жарияланған. Қабылданған шаралардың нәтижесінде іздеуде жүрген тұлға Грузияда анықталып, ұсталды. Грузиялық әріпестермен арадағы тығыз қарым-қатынастың нәтижесінде бүгін Бас прокуратура, Сыбайлас жемқорлыққа қарсы іс-қимыл агенттігінің қызметкерлері Қазақстан Республикасы Сыртқы істер министрлігінің көмегімен күдіктіні қылмыстық жауапқа тарту үшін Қазақстанған әкелд...

Ұлттық қауіпсіздік комитеті халықаралық терроризм мен діни экстремизмге қарсы күрес барысында терроризмге насихаттаған бірнеше азаматты анықтаған. Олар сот шешімімен бас бостандығынан айырылды. Бұл жайлы комитеттің баспасөз орталығы хабарлады.

«Атырау облысының тұрғыны «Т»-ға қатысты терроризмді насихаттау фактісі бойынша 5 жылға бас бостандығынан айыру туралы Атырау қаласының №2 сотының үкімі заңды күшіне енді. Тергеу барысында оның белсенді түрде дін ұстанушылар арасында радикалды идеологияны таратқаны және еліміздің азаматтарына қатысты зорлық іс-әрекеттер жасауға үгіттегені дәлелденді», делінген хабарламада.

Сонымен қатар, Шымкент қаласының әл-Фараби аудандық соты осыған ұқсас фактілер бойынша халықаралық террористік ұйымдары уағызшыларының ықпалына түскен Шымкент қаласыны...

60 мың гектар алқапты жайпаған алапат өрт сәрсенбі кешке оқшауланды. Қазіргі кезде оқшауланған өрт ошақтарына әуеден су төгіліп, шет-шетіне топырақ себіліп жатыр. Бұл туралы ТЖМ баспасөз қызметі хабалады.

«2023 жылғы 14 маусымда сағат 21:00-де әуеден барлау және жедел жағдайды бағалау қорытындысы бойынша Абай облысындағы Семей орманы табиғи резерватының аумағындағы табиғи өрттің оқшауланғаны жарияланды. Өрт толық жойылғанға дейін оқшауланған ошақтардың орындарына үнемі су төгу, сондай-ақ өрттің шетіне топырақ себу жүзеге асырылады», – делінген ресми хабарламада.

Сонымен қатар Бұлақ ауылының 117 тұрғыны үйлеріне қайтарылды. Бұған дейін өрттің таралу қаупіне байланысты ауыл тұрғындары қауіпсіз жерге...

Президентке «Астана» халықаралық қаржы орталығының былтыр және биыл 5 айда атқарған қызметінің нәтижесі жөнінде баяндалды. Бұл туралы Ақорда баспасөз қызметі хабарлады.

Мемлекет басшысына Орталықтың 2025 жылға дейінгі даму стратегиясын іске асыру аясында шетелден инвестиция тартуға жәрдемдесу, қарқынды капитал нарығын дамыту және қаржы индустриясындағы инновацияларды ілгерілету секілді негізгі үш бағыт бойынша атқарылып жатқан жұмыстар туралы мәлімет берілді.

Ренат Бектұровтың айтуынша, Қаржы орталығы құрылғалы бері Қазақстанға 8,3 миллиард доллардан астам инвестиция тартқан. Соңғы жылдары АХҚО қатысушыларының саны қарқынды өсіп келеді. Әлемнің 75 елінен 2 мыңға жуық компания бизнес жүргізу үшін АХҚО-ның юрисдикциясын таңдады. Әлемдік ірі қаржы институттары, атап айтқанда қытай банктер...

Бүгін Ақпарат және қоғамдық даму министрі Дархан Қыдырәлі TikTok компаниясының вице-президенті Такуя Ямагучимен кездесті. Бұл туралы ҚР АҚДМ баспасөз қызметі хабарлады.

Кездесуде Дархан Қыдырәлі министрлік компаниямен тұрақты түрде қарым-қатынас орнап отырғанын айтты.  

«Біздің Тео Бертран мырзамен 2022 жылғы қазан айындағы кездесуімізден кейін TikTok-тың интерфейсі қазақ тіліне аударылғаны үшін компанияға алғысымды білдіргім келеді. Осы жетістікке тоқтап қалмай, интерфейстің қазақ тіліндегі функцияларын одан әрі кеңейту бойынша жұмыстарды жалғастыруға ниеттіміз», – деді министр.

Сондай-ақ министр TikTok-тағы видеоконтентті автоматты түрде қазақшаға аудару, жалпы желідегі мәзірі түгелімен мемлекеттік тілге тәржімалау мәселесін көтерді.

Қазір Парламентте талқыланып жатқан «Онлайн-платформалар және...

Президентке еліміздегі заңдылықтың сақталу жағдайы мен өткен кезеңдегі басым бағыттар бойынша жүргізілген қадағалау жұмыстарының нәтижесі туралы есеп берілді. Бұл туралы Ақорда баспасөз қызметі хабарлады.

Берік Асылов Абай облысындағы өрт дерегі бойынша қозғалған қылмыстық іске қатысты тергеу амалдары жөнінде баяндады. Бас прокурордың орынбасарының басшылығымен құқық қорғау және арнаулы органдардың тәжірибелі қызметкерлерінен ведомствоаралық жедел-тергеу тобы құрылды. Тергеу қорытындысы бойынша лауазымды тұлғалардың әрекеттері мен әрекетсіздігіне құқықтық баға беріледі.

Мемлекет басшысына резонанс тудырған қылмыстық істерді тергеу және қоғам мүддесін қорғау жөніндегі жұмыстардың қорытындысы туралы да мәлімет берілді. Әлеуметтік-экономикалық салаларды тексеру нәтижесінде 11 мың адам түрлі деңгейде жауапқа тартылды. Тергеу амалдары жүргізілгеннен кейін бюджетке...

Фото: Орталық коммуникациялар қызметі

Алматы облысында жеке меншікке өтіп кеткен мектеп, мемлекет меншігіне қайтарылды. Бұл жайлы өңір әкімі Марат Сұлтанғазиев айтты.

«Облыста мектеп тапшылығы бар. Бізде 51 үш ауысымдық мектеп қолданыста. Сатылып кеткен мектепке келер болсақ, біз соттастық. Нәтижесінде сатып алған адам ол мектепті осы айдың 8 күні өз еркімен қайтарып берді»,- деді әкім.

Әкім сонымен бірге «Жайлы мектеп» ұлттық жобасы бойынша 2025 жылға дейін 68 мың орындық 63 мектеп салынатынын, 50 мектептің материалдық-техникалық базасы нығайтылатынын айтты.

Жалпы осы жылы Алматы облысында 62 жоба жүзеге асырылып, оған 27,8 млрд теңге қаражат бөлінсе, жол жөндеуге...

Ташкент маңындағы өндіріс цехында жарылыс болды. Жарылыс салдарынан бір адам көз жұмып, 14 адам жарақат алды. Бұл туралы ҚазАқпарат хабарлады.

Өзбекстан ТЖМ мәліметі бойынша, астанадағы Чиланзар ауданында орналасқан мыс құбыр өндіру цехында 14 маусым күні 09:50-де газ-ауа қоспасы жарылды. ТЖ технология процесінің бұзылуы салдарынан болып, артынан өрт тұтанған. Оқиға салдарынан цехтың шатыры құлады.

Апат орнына өрт сөндіру, құтқару экипажы, ІІМ, прокуратура қызметкерлері келді. Қазіргі уақытта жарылыс салдарын жою жұмыстары жүріп жатыр.

Шри-Ланка билігі туристер үшін тегін визаларды енгізу мәселесін талқылап жатыр. Аралдың туризм министрлігі бұл мәселе бойынша жұмыс істеуде. Бұл туралы РИА Новости хабарлады.

«Иә, туристерге арналған тегін визалар бойынша мәселе әлі де талқылануда. Биылғы жылы Шри-Ланкада туристер көп болады деп күтілуде», – деді Шри-Ланканың Ресей Федерациясындағы елшісі Джанита Лиянага РИА Новостиге берген сұхбатында.

Қыс кезінде жылу беру тоқтатылып, тұрғындардың жылусыз қалуына байланысты Екібастұз қаласының әкімдігі тарапынан жұмсаалған шығынды өндіріп алу мақсатында әкімдік «Екібастұзжылуэнерго» ЖШС үстінен сотқа шағымданған болатын.

Екібастұз қаласын жылумен қамтитын «Екібастұзжылуэнерго» ЖШС-да болған апат салдарынан қала 2022 жылдың 27 қарашасынан бастап, бірнеше күн бойы жылусыз қалған болатын. Апат салдарын жою және жылумен жабдықтауды қалпына келтіру үшін қалаға коммуналдық кәсіпорындар мен ұйымдардың жұмыскерлері, оның ішінде еліміздің басқа өңірлерінен де мамандар жіберілді. Апатты жоюға қатысқан жұмысшылардың тамақтануына, тұруына және жанар-жағармай үшін Екібастұз қаласы бюджетінен 22 171 000 теңге бөлінді.

13 маусым күні Павлодар облысы бойынша мамандандырылған ауданаралық экономикалық соты Екібастұз...

Жапония еркін Үнді-Тынық мұхиты принципін жүзеге асыру үшін НАТО-мен ынтымақтастықты нығайтуға ниетті. Бұл туралы Токиода өткен баспасөз мәслихатында Жапония үкіметінің бас хатшысы Хирокадзу Мацуно мәлімдеді, деп хабарлады РИА Новости.

Оның айтуынша, аймақтағы қауіпсіздік мәселелері Еуропадан бөлінбейді. Ал Солтүстік Атлантикалық альянс Жапония тарапының сенімді серіктесі болып табылады. Хирокадзу Мацуно Токио мен НАТО арасында елге бейімделген серіктестік жоспары жасалып жатқанын айтты.

Алайда оны жүзеге асыру мерзімі әлі нақтыланған жоқ.

Фото: Орталық коммуникациялар қызметі

Қонаев қаласының жетімдері Рим-католик шіркеуінде тәрбиеленеді. Бұл мәселе Алматы облысының әлеуметтік-экономикалық дамуы туралы Орталық коммуникациялар қызметінің брифингте талқыланды.

Алматы облысының әкімі Марат Сұлтанғазиевтің қатысуымен өткен жиында өңір журналистері облыстың әр аумағындағы мәселелерді көтерді. Журналистер Қонаев қаласында мемлекет иелігіне қарайтын жетімдер үйінің жоқтығын айтты. Ал қаладағы жетімдерге арналған мекеменің Рим-католик шіркеуі маңынан ашылған. Яғни барлық бала миссионерлердің тәрбиесінде. Онда ұлттық , мемлекеттік мерекелер тойланбайтыны бұл шаралар демеуші табылған жағдайда ғана аталып өтетіні айтылды.

«Жетімдер мәселесі расымен күрделі. Алматы қаласында Білім басқармасына қарасты жетімдер үйі бар. Шіркеу маңындағы балалар үйінің ашылуына өз басым...

Бәсекелестікті қорғау және дамыту агенттігі «Азық – түлік корпорациясы» ҰК» АҚ қатысты тергеу қорытындылары бойынша монополияға қарсы заңнаманы бұзушылықтарды жою туралы ұйғарым шығарды.

Акционерлік қоғамның ауыл шаруашылығы өнімін форвардтық сатып алуы Ережелерінің негізгі шарттары мен тетіктерін айқындайтын жыл сайын бекітілетін қағидалар негізінде жүзеге асырылады.

Мәселен, 2022 жылға арналған Ережеде алдын ала төлемді қаржыландыру (есептеу) жеткізушілер санатына байланысты, мысалы, жаңа қатысушылар үшін қаржылық қолдау көлемі қолданыстағы қатысушыларға қарағанда төмен болған.

Демек, жекелеген ауыл шаруашылығы өндірушілері үшін артықшылықтар жасалған, осылайша бастапқы кезеңде-ақ нарық субъектілері тең мүмкіндіктерге қол жеткізу құқығынан айырылған.
Мұндай актілерді қабылдауға Кәсіпкерлік кодекстің 194-бабына сәйкес тыйым салынған және ол...

Фото: kursiv.media

Шығыс Қазақстан облысының әкімі Даниал Ахметов қызметінен босатылуы мүмкін. Шығыс Қазақстан облыстық мәслихаты осыған байланысты жиналыс өткізеді.

«Облыс аумағында орналасқан мәслихаттар немесе республикалық маңызы бар қалалар және астана мәслихаттары депутаттарының облыс, республикалық маңызы бар қала және астана әкімін лауазымға тағайындауға келісім беруі қағидаларын бекіту туралы» Қазақстан Республикасы Президентінің 2022 жылғы 8 маусымдағы № 912 Жарлығына сәйкес, Шығыс Қазақстан облысының әкімі лауазымына тағайындауға келісім беру үшін Шығыс Қазақстан облысының аумағында орналасқан мәслихаттар депутаттарының жиналысы 2023 жылғы 16 маусымда сағат 10.30-да Өскемен қаласында өтеді», делінген Шығыс Қазақстан облыстық мәслихатының төрағасы Д.Рыпаков таратқан хабарламада.

Қазақстан ұялы байланыс операторларының бірін «Қазақтелеком» үлесінен шығару мәселесі талқыланып жатыр. Бұл жайлы LS басылымы жазды.

Бүгінде құрамына Tele2 және Kcell кіретін «Қазақтелеком» тобы отандық телекоммуникация нарығында басымдыққа ие. Тұрақты сегментте қосылған абоненттер саны бойынша ұлттық компанияның үлесі 70%-ға жетсе, ұялы байланыс сегментінде 60%-дан асқан.

«Осыған байланысты нарықты демонополизациялау мақсатында «Қазақтелеком» компаниялар тобындағы ұялы байланыс операторларының бірін шығару шаралары жүргізілуде», делінген министрліктің басылымға берген жауабында.

Ведомство ұялы байланыс операторын бөліп шығаруды жүзеге асыру толығымен «Самұрық-Қазына» мемлекеттік қорында бекітіліп тұрғанын мәлімдеген. Министрлік өз кезегінде өз құзыреті шегінде ғана көмек көрсетеді.