Жаңалықтар

ERG-дің үлесін сатып алуға ниетті Шахмұрат Мүтәліптің компаниясы бюджет ақшасына Ыстықкөлде шипажай салмақ. Бұл туралы Мәжіліс отырысында айтылды. Инвестиция құны – 9,1 млрд теңге.

Депутат Серік Ерубаев Қаржы министрі Мәди Такиевтен Ыстықкөл жағалауында салынатын 4 нысанның біреуіне ҚР Президенті іс басқамасы медициналық орталығының филиалы бөлген қомақты қаржы қалай игеріліп жатқанын сұрады. Сонымен қатар құрылыс жұмысы қашан бітеді, оны қандай компания салып жатыр және қазақстандықтар бұл шипажайда қашан емделе алады деп сауал қойды.

Қаржы министрі Мәди Такиев жобаға республикалық бюджеттен 9,1 млрд теңге бөлінгенін растағанымен, құрылысы қалай жүріп жатқанын нақты айта алмады. Оның орнына ҚР Президенті іс...

Қырғызстанның бұрынғы президенті Алмазбек Атамбаев барлық мемлекеттік марапатынан айырылды. Садыр Жапаров тиісті жарлыққа қол қойды.

Құжатта 2025 жылғы 3 маусымда Бішкектің Бірінші Май аудандық соты шығарған үкімді орындау мақсатында, Қырғыз Республикасының «Мемлекеттік наградалар, құрметті атақтар және мемлекеттік сыйлықтар туралы» заңының 27-бабының 1, 2 және 4-бөліктеріне, сондай-ақ Қырғыз Республикасының Конституциясының 71-бабына сәйкес шешім қабылданғаны көрсетілген.

«Алмазбек Шаршенович Атамбаев Қырғыз Республикасының келесі мемлекеттік марапаттарынан айырылсын:

Сонымен қатар оған медаль және орден беру туралы президент жарлықтары...

24 жылға сотталған Қуандық Бишімбаевтың бұрынғы әйелі видео жариялап, алиментке қатысты сот қалай өрбігенін баяндады.

Назым Қаһарманның сөзінше, Жоғарғы сот Бишімбаевты ата-ана құқығынан айырмаған. Содан кейін Қуандық Бишімбаев бірден сотқа алимент мөлшерін азайту туралы талап арыз берген. Қуандық Бишімбаев ажырасқан кездегі келісімде көрсетілген соманы төлеуге мүмкіндігі жоқ екенін айтқан.

Айта кетейік, Қуандық Бишімбаев пен Назым Қаһарманның ортақ үш баласы бар.

«Адвокаттарым құжат жүзінде Қуандық алиментті тағы 15 жыл төлеуге шамасы жететінін дәлелдеді. Активтерін жасыру үшін өзін қамауға алған кезден бастап мүлкін 26 жасқа таяп қалған ересек үлкен ұлының атына аударған», – деді Назым Қаһарман.

Арменияның премьер-министрі Никол Пашинян тағы да көпшілік назарын аударды. Бұл жолы биліктегі «Азаматтық келісім» партиясының іс-шарасында ерекше қылығымен көзге түсті. Бастапқыда саяси жиын ретінде жоспарланған басқосу біртіндеп жаңа жылдық кешке ұласты.

Пашинян әлеуметтік желіде барабанда ойнап отырған видеосын жариялады. Кейінірек экономика министрі Геворг Папоян журналистерге берген сұхбатында соқпалы аспап Пашинянға сыйлыққа берілгенін және премьер-министр бірнеше ай бойы ойнауды үйренгенін айтты.

Армения басшысы тағы бір видео жариялап, бұл жолы би билеп, ән айтып тұрған сәттерін бөлісті. Кадрларда партияластарымен бірге музыка ырғағымен секіріп, «Қайда барсаң да, мен сенімен бірге барамын. Шақырсаң болды, соңынан еріп кетемін» деген қайырмасын хормен орындап тұр.

Сингапурда қоғамдық дәретхана кезегіндегі жанжал қайғылы оқиғамен аяқталды. Қарсыласымен төбелескен қарт адам оқиға орнында қаза тапты.

Бұл туралы Mothership басылымы хабарлады.

21 желтоқсанға қараған түні 73 жастағы Фу Суан Чу Fork & Spoon дәмханасының верандасында жалғыз өзі ішімдік ішіп отырған. Көрші үстелде 57 жастағы Тео Энг Чай да қызып алған. Дәретхана бос болмай, Чу кезек күтіп тұрған. Алайда дәретхана босаған кезде Чай кезексіз кіріп кетпек болыпты.

Екеуі кезекке таласып, сөзге келіп қалған. Мұның арты төбелеске ұласқан. Чай Чуды бас тұсынан ұрған. Қатты соққы салдарынан оның көмейіндегі қалқанша шеміршегі сынып кеткен. Оқиға бейнебақылау камерасына түскен.

Ауыр жарақат алған қарт ауруханаға...

Криштиану Роналду Дубайда өткен Globe Soccer Awards марапаттау рәсімінде: «егер жарақат алмай, ойнауды жалғастырсам, ИншаАллаҺ 1000 гол соғамын» деді.

Осы бір ауыз сөзден кейін жанкүйерлер арасында «Роналду ислам дінін қабылдады ма» деген сұрақ көбейді. Алайда футболшының немесе оның өкілдерінің тарапынан мұндай ресми мәлімдеме жасалған жоқ.

Айта кетейік, «Әл-Наср» клубының шабуылшысы Globe Soccer Awards марапаттау рәсімінде Таяу Шығыстың үздік футболшысы атанды. Марапатты алған сәтте Роналду кәсіби мансабын жалғастыруға ниетті екенін жеткізді.

Футболшының «ИншаАллаһ» деуі оның Сауд Арабиясында ойнап жүргенімен байланысты болып, жергілікті мәдениет пен дәстүрге құрмет көрсетуінің белгісі болуы мүмкін. Дегенмен Роналду дінін өзгерткені жөнінде ешқандай ресми ақпарат жоқ.

29 желтоқсан тәртіпке келу мен мерекелер алдындағы соңғы шешуші қадамдарға итермелейді. Kursiv LifeStyle Geocult.ru деректеріне сүйене отырып, барлық жұлдыз белгілеріне арналған болжамды ұсынады.

Тоқты

Ай сіздің белгіңізде Хиронмен тоғысып, жұмыстағы ескі келіспеушіліктерді шешуге мүмкіндік береді. Бүгін харизмаңыз ерекше күшейеді, маңызды келіссөздер мен кездесулерге батыл кірісіңіз. Жеке қарым-қатынаста асығыстық пен өткір сөзден сақ болған жөн. Қаржылық тәуекелдер тек нақты жоспар болған жағдайда ғана ақталады.

Торпақ

Бүгінгі күн ұзақ мерзімді инвестициялар мен жинақтарды қайта қарауға шақырады. Қаржылық есептерді жабу және келесі жылға бюджет жоспарлау үшін қолайлы күн. Іскерлік ортада сабыр сақтап, әріптестердің арандатуына ермеңіз. Кешті тыныш демалысқа арнаған дұрыс.

29 желтоқсанда таңертең Атырау қаласы Сұлтан Бейбарыс даңғылы бойында орналасқан базарлардың бірі өртенді. Бұл туралы Төтенше жағдайлар министрлігі хабарлады.

Министрліктің мәліметінше, құтқарушыларға базар аумағында киім бутиктерінің жанып жатқаны туралы хабарлама түскен.

«Алғашқы бөлімшекелген кезде контейнер түріндегі бутиктердің ашық жалынмен жанып жатқаны, сонымен бірге өрттің көршілес бутиктерге таралу қаупі бар екені анықталды», – деп таратты 112 kz.

Өрт сөндірушілер оттың көршілес сауда нүктелеріне таралуына жол берілмей, оны тез сөндірді. Соған қарамастан тілсіз жау 500 шаршы метрге тарап үлгергені мәлім болды.

Оқиға орнында жедел штаб құрылды. Осында төрт жауынгерлік учаске ұйымдастырылды.

Базардағы өрттен ешкім зардап...

АҚШ президенті Дональд Трамп соғысты тоқтату үшін Украинаға барып, жергілікті парламент алдында сөйлеуге дайын. Ақ үй басшысы жексенбі, 28 желтоқсан күні украин президенті Владимир Зеленскиймен кездесті.

Үш сағатқа созылған келіссөз

Маңызды саяси жүздесу Трамптың Флорида штатындағы Mar-a-Lago клубында өтті. Зеленскиймен кездесуден бұрын америкалық президент Ресей басшысы Владимир Путинмен телефон арқылы сөйлескен.

Трамп пен Зеленский арасындағы келіссөз шамамен үш сағатқа созылды. Оған Еуропа одағының жетекшілері де қашықтан қосылды. Талқылауға Ұлыбритания, Франция, Германия, Италия, Польша, Норвегия басшылары, сонымен бірге НАТО бас хатшысы және Еуропа комиссиясының төрағасы да араласты. Фин президенті Александр Стубб осылай деп жазды.

Содан кейін АҚШ пен...

Қазақстандық шахматшы Бибісара Асаубаева жылдам шахматтан (рапид) әлем біріншілігінде сәтсіз ойнап, 55-орынды місе тұтты. Қатардағы жарыста Магнус Карлсен мен Александра Горячкина чемпион атанды.

Доха қаласында рапидтен әлем біріншілігі (26-28 желтоқсан) аяқталды. Ірі жарысқа Қазақстан атынан барлығы 24 шахматшы: 15 ұл, 9 қыз қатысты.

Бибісара бабында емес

Көпшілік Асаубаевадан жоғары нәтиже күткен, алайда кезінде рапидтен вице-чемпион (2021 жыл) атанған Бибісара бұл жолы аса сәтсіз ойнады. 21 жастағы шахматшы 11 турда төрт мәрте жеңіске жетіп, төрт рет тең түсіп, үш мәрте жеңіліп қалды.

Ресейлік Александр Горячкина (8,5 ұпай) рапидтен әлем чемпионы атанса, қытайлық Чжу Цзинер (8,5) мен үндістандық Хампи...

Қазақстандық файтер, актер Еркебұлан Тоқтардың OCTAGON лигасындағы қаржылық шарттары шамамен белгілі болды. Бұл туралы «Спорт Шредингера» басылымы хабарлады.

Еркебұлан Тоқтардың гонорары қанша?

Vesti.kz порталы Еркебұлан Тоқтардың табысы жайлы спорт менеджері Ерасыл Қайыргелдинмен пікір алмасты. Оның айтуынша, спортшының нақты гонорары жария етілмейді, алайда статусы мен танымалдығына қарай Тоқтар Қазақстандағы ең жоғары жалақы алатын файтерлердің қатарына кіреді.

Нарықтағы орташа көрсеткіштерге тоқталсақ:

Теміртау қаласында қоғамдық көлікте болған жанжал соңы пышақ салумен аяқталды. Әлеуметтік желіде автобустың ішінде қан іздері қалғанын көрсететін шулы видео тарады. Видео авторының айтуынша, маршруттық автобуста белгісіз ер адам жас жігітті аяғына пышақ сұққан.

Қарағанды облыстық полиция департаментінің баспасөз қызметі бұл ақпаратты растады. Оқиға 26 желтоқсан күні болған. Күдікті жедел ұсталып, уақытша ұстау изоляторына қамалды. Оның 30 жастағы ер адам екені анықталды.

Полицияның мәліметінше, факті бойынша пышақ жарақатын салу дерегімен қылмыстық іс қозғалды. Алдын ала тергеу барысында жанжалдың тұрмыстық сипатта болғаны белгілі болды.

«Алдын ала анықталғандай, жәбірленуші мен күдіктінің арасында автобуста терезені ашу әрекетіне...

Бұл мақалада біз метаболикалық денсаулықтың не екенін, оның қартаю үдерісіне және белсенді өмір жылдарының ұзақтығына қалай әсер ететінін, сондай-ақ оны қалай бағалап, қалай жақсартуға болатынын қарастырамыз.

Көпшілігіміз артық салмақ пен семіздіктің зат алмасуға кері әсер ететінін білеміз. Қант диабеті, қан қысымының жоғарылауы, жүрек-қан тамырлары аурулары және өзге де ауыр дерттермен тығыз байланысты. Артық салмақты анықтау оңай – таразыға тұрып, салмақты көреміз. Тіпті онлайн-калькуляторға бойымыз бен салмағымызды енгізіп, дене салмағы индексін (ДСИ) есептей аламыз. Бұл – әлемде ең көп қолданылатын өзін-өзі бағалау құралдарының бірі.

Алайда бұл әдіс тым қарапайым әрі әрдайым дәл бола бермейді.

Адам ағзасы әлдеқайда күрделі. Бірдей салмақ пен...

Фэшн-блогер Жансая Әміршәріпқызы кәсіпкер, Баян Мақсатқызының жұбайы Тұрсын Алагөзовтің киім үлгісіне шолу жасап, оның бір ғана образының құнын жариялады. Блогердің айтуынша, Тұрсын Алагөзовтің бір образының жалпы бағасы 131 млн теңгеге жетеді.

Жансая Әміршәріпқызы әлеуметтік желідегі видеосында кәсіпкердің күнделікті стиліне кіретін брендтік заттарды жеке-жеке атап өтті. Оның есебінше, образ келесі люкс бұйымдардан құралған:

28 желтоқсан Қазақстан Жазушылар одағында көрнекті кино актері, сценарист, кинодраматург, философ, Қазақстанның еңбек сіңірген қайраткері Нұрлан Санжарұлы Сегізбаевты соңғы сапарға шығарып салу рәсімі өтті.

Қаралы жиынға марқұмның туыстары, жақындары, әріптестері, қаламгерлер, сондай-ақ Нұрлан Сегізбаевтың шығармашылығын қадірлеген қалың жұрт жиналып, «Менің атым Қожа» атты аңызға айналған фильмнің кейіпкерімен қоштасты.

Қоштасу рәсіміне Қазақстан Жазушылар одағының төрағасы Мереке Кұлкенов, әл-Фараби атындағы ҚазҰУ журналистика факультетінің деканы Қуат Әуесбай, Алматы қаласы әкімдігі өкілдері және мәдениет саласының бірқатар қайраткерлері қатысты.

Жиын барысында Мереке Кұлкенов Премьер-министрдің орынбасары – Мәдениет және ақпарат министрі Аида Балаеваның көңіл айту хатын оқып берді. Сондай-ақ әріптестер атынан Шәкен Айманов атындағы «Қазақфильм» ұлтты...

Жуырда 28 жастағы америкалық актриса Сидни Суини өзінің жаңа «Горничная» фильмінің тұсаукесеріне қатысты. Алайда іс-шарадан кейін актрисаның образынан гөрі, оның төсі, ашық көйлегі интернетте қызу талқылауға түсті.

Көзге түскен пікір білдірушілердің бірі – кәсіпкер Илон Маск болды. X (бұрынғы Twitter) әлеуметтік желісінде:

«Мұндай «сұлулықты» алып жүру оңай емес шығар», – деп жазды Маск.

Маск жазбасына терең ойықты көйлек киген басқа бір қыздың суретін омыртқасы зақымданған адамның рентгендік бейнесімен біріктіріп,

«Сырттай қалай көрінеді. Ал шын мәнінде қандай сезімде болады», – деп әжуалады.

Алайда миллиардердің бұл қалжыңы көпшілікке ұнамай, желі қолданушылары оны...

Осы апта жылдың соңғы аптасы десек те болады. Рождестволық раллиде АҚШ нарығы жанданды. Бұл өз кезегінде әлем нарығына септігін тигізді

Бір аптада S&P 500 индексінің фьючерсі 2,02%-ға өсіп, 6929 ұпайға жетті. Керемет нәтиже. Сәрсенбі, 24 желтоқсанда бенчмарк жаңа тарихи максимум орнатты. Жұма, 26 желтоқсан күні таңертең бұл деңгейді жаңартты. Енді шың 6939 ұпайда. Сонымен қатар бенчмарк төмендеген баға моделін жоғары көтерілген модельге ауыстырды. Оның негізгі мақсатты диапазоны 6940-7040 ұпай арасында орналасқан. Бұл, бәлкім, оның жоғарғы шегі Санта Клаус раллиінің (SCR) шегі болады. SCR 2025 жылдың соңғы 5 сауда күнін және 2026 жылдың алғашқы 2 күнін қамтиды.

Басты оқиғалар

Аптаны...

Астанада Сарыарқа ауданында, Ықылас Дүкенұлы көшесінде орналасқан үш қабатты ғимаратта өрт шықты. Өртті сөндіру жұмыстары күшейтілген ранг бойынша жүргізіліп жатыр.

Төтенше жағдайлар қызметінің мәліметінше, қазіргі уақытта зардап шеккендер туралы ақпарат түскен жоқ. Оқиға орнында жедел түрде өрт сөндіру штабы құрылды.

Өртті сөндіруге:

«Өрт сөндіру оқпандары енгізілді, су үздіксіз берілуі қамтамасыз етілді», – деп хабарлады ведомство.

Қазіргі уақытта өрттің шығу себептері анықталып жатыр, жағдай толық бақылауға алынған. Қосымша ақпарат алдағы уақытта жарияланатын болады.

Қазақстандағы ең танымал музыкалық жобалардың бірі – The Voice Қазақстан өз мәресіне жетіп, елдің жаңа дауысын анықтады. Тәлімгерлер мен көрермендердің таңдауы бойынша финалға шыққан төрт қатысушының арасынан қарағандылық Нұрай Мықты топ жарып, жобаның жеңімпазы атанды.

Байқау барысында Нұрай Мықты көрерменнің ыстық ықыласына бөленіп, жоғары дауыс жинап, әр кезеңде сенімді өнер көрсетті.

Талантты әншіге байқау бойы қолдау білдіріп, тәлімгерлік еткен қазақстандық эстраданың аңызы, Байғали Серкебаев. Тәжірибелі музыканттың жетекшілігі Нұрайдың шығармашылық әлеуетін ашып, финалға дейін сүрінбей жетуіне ықпал етті.

Геннадий Головкин Сауд Арабиясында футбол аңызы Криштиану Роналдумен кездесті. Бұл туралы Головкин өзінің Instagram парақшасында жариялады.

Кездесу «Әл-Наср» командасының матчы аяқталғаннан кейін болған. Жарияланған кадрларда спортшылар бір-бірімен жылы амандасып, әңгімелесіп тұрғаны байқалады.

Еске сала кетейік, бұған дейін Геннадий Головкин есімі халықаралық даңқты боксшылар тізіміне енген еді.

Ресей Федерациясының президенті Владимир Путин бұрынғы президент Нұрсұлтан Назарбаевпен кездесу өткізді. Бұл туралы РФ президентінің баспасөз қызметі хабарлады.

Жарияланған кадрларда Владимир Путин мен Нұрсұлтан Назарбаев ақ дастарқан үстінде, бейресми кездесуде отыр.

Айта кетейік, Ресей президенті Владимир Путин Нұрсұлтан Назарбаевты соңғы рет биылғы мамыр айында қабылдаған еді. Бұл жолғы жүздесудің мазмұны мен талқыланған тақырыптары туралы ақпарат жариялаған жоқ.

Ақалтеке жылқысы – әлемдегі ең көне жылқы тұқымдарының бірі, шамамен 3000 мың жыл бұрын шыққан. Тұқым атауы Көпетдақ тауының (Көпеттау) етегіндегі Ахал алқабы мен түрікменнің теке тайпасының атынан құралған. Асыл тұқымды жылқының бұл түрі о баста Түрікменстан аумағында пайда болып, сонда көбейгенімен, ХХ ғасырдың орта шенінде әлемнің басқа да елдеріне тарала бастаған.

Көздің жауын алатын осы бір ерекше сымбатты жылқы тұқымының төмендегі таңдаулы суреттерін оқырман назарына ұсынамыз.

Шабандоздар мініс жылқылары арасынан жүрісі әсем, жүйрік келетін ақалтекені айрықша бағалайды.

Ақалтеке ыстық аудандарда мініске төзімді жылқы. Тұрқы биік (шоқтығына дейінгі биіктігі 160 см-ге жетеді). Аяғы ұзын әрі жіңішке, сіңірл...

Әлемдік үрдіс

Соңғы онжылдықтарда әлем түбегейлі өзгерді. 1990-жылдардың басында ересектер арасында дене салмағының жетіспеушілігі семіздікке қарағанда жиірек кездесетін. Қазір жағдай керісінше: 145 елде ересек ер адамдар арасында семіздік салмақ жетіспеушілігіне қарағанда жиі байқалады.

Қазақстандағы жағдай да алаңдатарлық. Ерлердің жартысынан көбінде артық салмақ бар, ал әрбір бесінші ер адам семіздікке шалдыққан. Ірі қалаларда әрбір төртінші ер адам семіз болса, ауылдық жерлерде бұл шамамен әрбір бесінші немесе алтыншы адамға келеді.

«Бәрі дұрыс» деген алдамшы сенім

Көз үйренген көрініс

Ерлер мен әйелдердің бірқатарында қарынның шығуы...

Павлодар облысында «Павлодар – Омбы» тасжолында болған жол-көлік апатына қатысты қылмыстық іс қозғалды. Қайғылы оқиға салдарынан екі жүргізуші қаза тауып, бір жолаушы ауруханаға жеткізілді.

Полицияның мәліметінше, апат 27 желтоқсан күні «Бобровка» ауылының маңында болған. Алдын ала дерек бойынша, көктайғақ кезінде Toyota Vitz көлігін басқарған жүргізуші көлікті игере алмай, қарсы бағытқа шығып кеткен. Соның салдарынан Hyundai Accent автокөлігімен бетпе-бет соқтығысқан.

Оқиға орнында Toyota Vitz көлігінің жүргізушісі – әйел адам көз жұмған. Ал екінші көліктің жүргізушісі Тереңкөл аудандық ауруханасында алған жарақатынан қайтыс болды. Жол апаты кезінде тағы бір әйел жолаушы жедел жәрдеммен Павлодар облыстық ауруханасына жеткізілді. Дәрігерлер оның жағдайын...