Жаңалықтар

Қараша айында Қазақстанның өңдеу өнеркәсібіндегі іскери белсенділік әлсірегенімен, құлдыраудың баяулағаны байқалды. Freedom Holding Corp. ұсынған PMI индексі 49,0 пункті құрап, алты ай қатарынан 50 межесінен төмен қалды. Бұл саладағы жағдайдың нашарлығын көрсеткенімен, қазан айындағы 48,3 пунктпен салыстырғанда біршама жақсарған.

«Қазақстанның өңдеу салалары қараша айында қазанмен салыстырғанда төмендеу қарқынының біршама баяулағанын көрсетті, бірақ іскерлік белсенділік индексі әлі де 50 пунктен төмен қалып отыр. Бір жағынан, валюталық және инфляциялық факторлардың жалғасқан қысымына қарамастан, олардың бизнеске әсері ай бойы біршама жұмсарды. Екінші жағынан, кәсіпорындар кадрлық дисбаланстың күшеюін және алдағы ҚҚС өсіміне байланысты шиеленістің артуын атап өтуде, бұл өндірістік және...

Бұл қаражат жасөспірімдердің психикалық денсаулығын қолдау мен нығайтудың ұлттық жүйесін дамытуға бағытталады.

28 қарашада Алматыда «Dreams Without Borders» атты ЮНИСЕФ-тің Гала-кеші өтті. Шара барысында Қазақстан үшін өзектілігі өте жоғары бағыт — жасөспірімдердің менталды (психикалық) денсаулығын қолдау мен нығайтудың ұлттық жүйесін дамыту үшін 283 миллион теңге жиналды.

The Ritz-Carlton, Almaty қонақүйімен бірлесіп ұйымдастырылған бұл шара бір жыл бұрын Астанада бастау алған игі дәстүрдің жалғасы болды. Естеріңізге сала кетейік, ЮНИСЕФ-тің алғашқы Гала-кешінде ерекше білім беру қажеттіліктері бар балаларды цифрлық инклюзиямен қамту бағдарламасы үшін 92 миллион теңге жиналған болатын. 2024 жылы бұл қолдау нақты нәтижеге айналып, арнайы жабдықтар мен бейімдеу құрылғылары жеткізілді, мыңнан...

Сауда және интеграция министрлігі Алматыда бағаны негізсіз өсірген сауда желілеріне айыппұл салынғанын хабарлады.

Министрліктің мәліметінше, Алматы қаласы бойынша сауда және тұтушылардың құқығын қорғау департаменті жыл басынан бері әкімшілік кодекстің 204-4-бабына сәйкес, Small, JLC, Galmart, Toimart, My Mart сауда желісі, А-стор, Беккер, супермаркет Carefood, «Food Beverage Trading» ЖШС, «Airba Fresh» ЖШС, «Good Luck Trade» ЖШС, «Mix Market Trade» ЖШС және басқа да кәсіпкерлік субъектілеріне қатысты жоспардан тыс тексерулер жүргізген. Нәтижесінде 420-дан астам кәсіпкерлік субъектісіні әкімшілік жауапкершілікке тартылған.

«Мәселен ҚР ӘҚБтК 204-4-бабының 2-бөлігіне сәйкес «Метро» ірі сауда желісі әлеуметтік маңызы бар азық-түлік тауарларына 15% сауда үстемесін асырғаны үшін...

Шымкентте автобус жүргізушісін соққыға жығып, абайсызда денсаулығына ауыр зиян келтірген 17 жастағы айыпталушының ісі тоқтады. Сот мұны екі тараптың татуласуымен байланыстырды. Істі қалалық кәмелетке толмағандардың істері жөніндегі мамандандырылған ауданаралық соты қараған.

«Жәбірленушінің татуласуы, келтірген зиянды қалпына келтіруіне байланысты Қылмыстық кодекстің 114-бабы 3-бөлігімен айыпталған сотталушы қылмыстық жауапкершіліктен босатылып, оған қатысты қылмыстық іс тоқтатылсын. Оған қолданылған бұлтартпау шарасы өзгертіліп, күзетпен ұстаудан сот залынан дереу босатылсын»,– деді судья Болат Қарабаев.

Іс ашық қаралды. Айыпталушы тарап іске журналистердің қатысуына қарсы болды. Олар өздерін фото-видеоға түсіруге рұқсат бермеді.

Сот тергеуінде прокурор Қуаныш Үмбет айыпталушыға тағылған айыпты өзгертті. Нақтырақ айтқанда...

Kia компаниясы Seltos кроссовері екінші буынының алғашқы суреттерін жариялады. Жаһандық нарыққа арналған модель үлкен Telluride стилінде мүлде жаңа сыртқы келбетке ие болады. Сонымен қатар, X-Line және GT-Line нұсқалары ұсынылады деп күтілуде. Жаңа модельдің тұсаукесері бір апта ішінде өтеді.

Ресми мәліметке сәйкес, жаңа Seltos моделі енді жол талғамайтын көліктердің элементтері мен заманауи электромобильдердің аэродинамикасын ұштастырады. Бұл бағытта, мысалы, сыртына шығатын есік тұтқалары жұмыс істемек. Суреттерге қарап бағамдасақ, Seltos-тың жаңа буыны тік әрі айқын пішінді болады. Радиатор торы үлкейіп, тік жарықдиодты күндізгі шамдар мен артқы шамдар секілді жарық элементтері брендтің қазіргі стилінде орындалады. Жалпы силуэті бойынша Seltos электромобиль EV5 моделіне ұқсас.

Бішкектің Ленин ауданында 20 жастағы әйел құқық қорғау органына жүгініп, өзін милиция қызметкері зорлағанын хабарлаған.

24.kg ақпаратына қарағанда,  жас қыз 28 қарашада өзін милиционер деп таныстырған ер адам зорлық жасағанын айтып, шара қолдануды сұраған.

Жәбірленушінің айтуынша, шамамен 23:30-де ол Орок ауылы маңында таныс жігітімен бірге көлікте отырған. Сол кезде олар тұрған жерге бір ер адам келіп, өзін милиционер ретінде таныстырады. Ол қыздың жанындағы жігітті дүкенге жұмсап жібереді. Содан кейін қызды қорқытып, күш қолдану арқылы жыныстық сипаттағы әрекет жасаған.

ІІМ-нің мәліметінше, ішкі тергеу барысында оқиғаға милиция қызметкері, 1988 жылғы азаматтың қатысы бар екені анықталған. Ол ұсталып, тергеу қызметіне жеткізілді.

Алматы облысында дропперлік жасады деп 232-1-бап бойынша алғаш рет сотқа дейінгі тергеп-тексеру басталды. Бұл жайлы облыстық прокуратурадан хабарлады.

Еңбекшіқазақ ауданы тұрғыны алаяқтар ұрлаған қаражатты аударуға делдал болған. Әйел OLX сайтындағы «онлайн-төлемдер операторы» туралы жалған хабарландыруға алданып, өз банк картасын қылмыскерлерге пайдалануға берген.

Қыркүйектен бастап оның шотына 2 мон теңгеден астам қаражат түскен. Оның 5%-ын әйел «комиссия» ретінде өзіне қалдырып, қалған қаражатты алаяқтардың есепшоттарына аударған.

Қазір Еңбекшіқазақ ауданының полиция басқармасы осы іске қатысты тергеу жүргізіп жатыр.

Еске салайық, 2025 жылғы қыркүйектен бастап дропперлік қылмыс саналады. Өзінің есепшоты мен банк картасын бөтен адамға берген адамдар қылмыстық жауапкершілікке тартылатын...

Кеңес Рақышевтың Fincraft Group компаниясы 2025 жылдың 9 айы үшін дивиденд төлемейді. Жалғыз акционердің шешімі жайлы қаржы есептілігі депозитарийіндегі хабарламада жазылған.

«2025 жылдың алғашқы тоғыз айындағы қызмет нәтижелері бойынша таза кіріс бөлмеу немесе дивиденд төленбесін деген», – деген хабарламада.

Кеңес Рақышев Fincraft Group арқылы «БТА» мен «Fincraft Resources» компанияларын да басқарып отыр. 2024 жылы Рақышев Fincraft Group арқылы Beineu Petroleum Limited-тің 40% үлесін иеленді.

Кәсіпкер Forbes.kz нұсқасы бойынша Қазақстандағы ең бай бизнесмендер тізімінде 23-орында. Оның байлығы 435 миллион долларға бағаланады.

Қазақстан президенті «Қос халық үшін екі мемлекет» формуласы негізінде Палестина мемлекетін құру ұстанымын жақтайды. Қасым-Жомарт Тоқаев Астанада Палестина Жоғары судьясы Махмұд әл-Хаббашты қабылдаған уақытта осылай деп мәлімдеді. Бұл туралы Ақорда хабарлады.

Мемлекет басшысы дипломатиялық қатынас орнаған сәттен бері Қазақстан мен Палестина арасындағы ынтымақтастық достық, өзара қолдау және құрмет сипатында дамып келе жатқанына назар аударды.

Президенттің айтуынша, Қазақстан Палестинаны халықаралық қауымдастықтың толық мүшесі ретінде тануға бағытталған бастамаларды дәйекті түрде қолдап келеді.

Бұл ретте Тоқаев Астананың Таяу Шығыстағы ахуалды дипломатиялық жолмен реттеу, БҰҰ Жарғысы мен халықаралық құқық нормаларына сәйкес «Қос халық үшін екі мемлекет» формуласы негізінде Палестина мемлекетін құру ұстанымын...

Vlast сайтына бірнеше күн қатарынан кибершабуыл жасалып жатыр. Бұл жайлы редакция телеграм арнасында жазды.

«Vlast сайты жаппай DDoS-шабуыл салдарынан тұрақсыз жұмыс істеп тұр. Шабуыл бірнеше күн қатарынан жасалып жатыр, бүгін ең ірісі болды. Техникалық мамандар DDoS-шабуылды қайтару үшін жұмыс істеп жатыр», – деп ескертеді сайт редакциясы.

Қазір ресурс істеп тұр. Жаңалықтар лентасында соңғы ақпарат бір сағат бұрын шыққан.

Бұған дейін құзырлы органдар Orda.kz редакциясында тінту жасап, журналистерінен жауап алғанын жазғанбыз. Сайт құрылтайшысының бірі Гүлнар Бажкеноваға қылмыстық іс қозғап, екі айға үй қамаққа алуға санкция берілген.

Бұл жағдайға отандық БАҚ өкілдерін...

Іздеудегі Қайрат Қожамжаров Ресей Федерациясының аумағында жүргені туралы ақпарат тарай бастады.

Ол Қаржы полицияның бұрынғы басшысы, бас прокурор, сондай-ақ Ақмола облысының әкімі, сенатор, Қауіпсіздік кеңесінің хатшысы және тағы да басқа жоғары лауазымдарды атқарған.

Elmedia дерегіне қарағанда, Мәскеуге жыл басында барып тұрақтаған. Ол Ресей астанасына «сүйікті әйелі» қостанайлық Маргарита Александровамен бірге келген. Қайрат Пернешұлы одан екі бала сүйген көрінеді. Қазір олар мәскеулік гимназияда оқиды. Ол әкелік міндетін адал атқарып, балаларын мектептен өзі алып, VIP-фастфудтан тамақ әперіп, үйге метро арқылы жеткізіп тұрады.

Бақылаушылардың айтуынша, Қайрат Пернешұлы өте сақ жүріп, үнемі жан-жағына қарап, белгісіз себеппен телефонында SIM-карталарын жиі ауыстырып отырады.

Энергетика министрлігі есептегіш құралдар деректерін eGov мобильді қосымшасы арқылы жасанды интеллект көмегімен беру мүмкіндігін көздейтін бұйрық жобасын қоғамдық талқылауға шығарды.

Бұйрық жобасы «Ашық НҚА» порталында жарияланып, ашық талқылауға ұсынылған.

Бұл бастама электрондық үкіметтің мобильді қосымшасы арқылы есептегіштердің деректерін беруде жасанды интеллект (ЖИ) технологияларын енгізуді көздейді. Жоба авторларының айтуынша, жаңа жүйе көрсеткіштерді өңдеу процесін жеделдетіп, тұтынушылар мен газ таратушы ұйымдар арасындағы есеп айырысуды жеңілдетуге тиіс.

Энергетика министрлігінің мәліметінше, жасанды интеллектті қолдану арқылы:

Құжатты «Ашық НҚА» порталында талқылау...

Алматыдағы Sham Studios 5–6 желтоқсан күндері есігін айқара ашып, шығармашылық әлемімен таныстыратын SHAM OPEN HOUSE атты екі күндік мәдени шара өткізеді.

Ұйымдастырушылардың айтуынша, бұл – сахнадан үлкен экранға дейінгі шығармашылық процесті бірлесе талқылайтын, өнер мен кино өндірісінің ішкі қыр-сырымен жақын танысатын ерекше мүмкіндік. Кеш бағдарламасында режиссерлермен, продюсерлермен және актерлермен ашық кездесу, терең сұхбаттар мен авторлық таныстырылымдар жоспарланған.

5 желтоқсан – «№37» фильміне арналған кездесу күні

Бұл күні көрермендер фильмнің режиссерімен тікелей жүздесіп, сағат 18:00-де өтетін арнайы кездесуге қатыса алады.

Сағат 20:00-де актерлер мен фильм авторларымен сұрақ-жауап форматындағы ашық кездесу ұйымдастырылады.

Ал 6 желтоқсанда сағат 18:00-де көптен...

2 желтоқсан, сейсенбі күні, ұлттық валюта тағы шамамен 5 теңгеге нығайды. Қазақстан қор биржасындағы (KASE) күндізгі сауда нәтижесінде 1 доллар 508,20 теңге болды.

Бір күн бұрын KASE-дегі валюта саудасы 511,29 теңгемен жабылған. Ұлттық валюта бүгін де нығаюын тоқтатпай, бір тәуліктің ішінде 4,8 теңгеге күшейді.

Айта кетейік, 2025 жылғы қыркүйектің аяғында доллардың ресми бағамы 550 теңгеге дейін жеткен. Содан кейінгі екі айда төл валюта бірден 50 теңгеге нығайғанының куәсі болып отырмыз. Қазақстан үшін жаңа рекорд.

Осы тұста ескерте кететін маңызды бір жайт – жақында ғана Ұлттық банк төрағасы Тимур Сүлейменов теңгені нығайтуға қараша-желтоқсан айларында тағы 1 трлн теңге жұмсайтынын...

«КТЖ – Жүк Тасымалы» компаниясы 1,42 млрд теңге айыппұл төледі. Ол өзінің нарықтағы басым жағдайын пайдаланған.

Астана қаласы бойынша Бәсекелестікті қорғау және дамыту агенттігі ұлттық тасымалдаушының еншілес компаниясына қатысты жүргізілген тексеруді аяқтады. Тергеу жеке экспедиторлар, сондай-ақ Қазақстан мен Қырғызстанның экспедиторлар қауымдастығынан түскен шағымдардан кейін басталған еді.

Зерттеу нәтижесі компания жоспар құру кезінде өзіне қарасты «KTZ Express» пен «КедентрансСервис» компанияларына басымдық бергенін көрсетті. Мұндай тәсіл жеке нарық қатысушыларының жұмысын қиындатып, жоспарларды келісу барысында түрлі тосқауылдардың пайда болуына әкелген.

Сот мұны басым жағдайды теріс пайдалану деп танып, ұйымға 1,42 млрд теңге көлемінде айыппұл салды. Компания шешімге шағым...

Қазақстанда бес ай ішінде 196 мың бас киіктің ұшасы тәркіленіп, олардың еті отандық ет өңдеу кәсіпорындарына тапсырылды. Бұл туралы Премьер-Министрдің баспасөз қызметі хабарлады.

Экология министрлігінің мәліметінше, қазіргі таңда ақбөкендердің саны 4 миллионға жеткен. Көктемгі төлдеу кезеңінен кейін бұл көрсеткіш 5 миллионға дейін артады деп күтілуде.

«Осы жылы 1 шілдеден 30 қарашаға дейін 196 мыңға жуық дарақ тәркіленді, ұшалары отандық ет өңдеу кәсіпорындарына берілді. Жұмыстар ғылыми ұсынымдарға сәйкес қатаң түрде жүргізілді», – делінген хабарламада.

Барлық ауланған киіктің мүйізі арнайы таңбаланып, «Охотзоопром» кәсіпорнына тапсырылды. 1 желтоқсаннан бастап олардың мүйіздерін міндетті таңбалау жобасы іске асырылады. Ұсынылған...

«Жер телімдерін таңдаудан бастап рұқсат құжаттарын алуға дейін барлық кезеңде сіздердің бастамаларыңызды қолдауға әзірміз». Алматы облысының әкімі Марат Сұлтанғазиев түрік инвесторлары алдында осылай деп құрақ ұшты. Түріктермен кездесуде «ондаған миллиард теңгенің» жобалары сөз болды.

Қонаевтағы кездесу

2 желтоқсанда өңір орталығы Қонаев қаласына Түркиядан делегация келді. Арасында NATA Holding түрік компаниясының бас директоры және қаржылық, техникалық, келісімшарт бағыттарының үйлестірушілері бар. Олар Алматы облысымен ынтымақтастық туралы меморандумға қол қойды.

Өңір әкімдігі таратқан мәліметке қарағанда, түріктермен кездесуге облыс басшысы ғана емес, Қонаев пен Алатау қалаларының әкімдері де қатысты.

«NATA Holding өзінің кең портфолиосымен, инженерлік тәжірибесімен және...

Оңтүстік Кореяда заңсыз жүрген қазақстандықтар айыппұлсыз және қайта кіруге тыйым салынбастан елден ерікті түрде шығып кете алады. Еңбек және халықты әлеуметтік қорғау министрлігі Корея Республикасының Әділет министрлігімен арнайы келіссөз жүргізді.

Бұл мүмкіндік 2025 жылдың желтоқсанынан 2026 жылғы ақпан айын қоса алғанға дейін жарамды.

Бағдарламаға қатысу үшін төлқұжат, ерікті қоныс аудару туралы өтініш және әуе билеті қажет. Заңсыз жүрген қазақстандықтар Корея Республикасының иммиграция кеңселері арқылы ұшу күніне дейін 15-тен 3 күнге дейінгі аралықта хабарлама жібереді.

«Бұл шаралар құқықтық салдарларды жеңілдетуге және өз мәртебесін реттеуге дайын адамдарды қолдауға бағытталған. Бағдарлама қылмыстық құқықбұзушылық жасаған, мәжбүрлеп шығару шарасына...

Қытай халық санын көбейту үшін 30 жылда алғаш рет мүшеқапқа салық салды. Демек, бұл – тауардың бағасы қымбаттайды деген сөз.

Bloomberg мәліметінше, Қытай контрацептивтерге, соның ішінде мүшеқаптар мен жүктіліктің алдын алатын дәрі-дәрмектерге 13 пайыз қосылған құн салығын енгізеді.

Бұл тауарларға 1993 жылдан бері, «бір отбасы – бір бала» саясаты кезеңінен бастап салық салынбайтын еді.

Бұл – Қытай билігінің туу санының күрт төмендеуін тоқтатуға арналған жаңа талпынысы. Өйткені, ел халқы үшінші жыл қатарынан азайып келеді. Мысалы, 2024 жылы 9,54 миллион адам ғана дүниеге келген. Бұл он жыл бұрынғы көрсеткіштен екі есе аз.

Жаңа салық қаңтар айынан бастап күшіне енеді.

...

Алматыда ішкі істер министрлігі академиясының курсанты бұрынғы сүйіктісін ұрды деп айыпталды. Алматы полициясы оқиғаның мән-жайын баяндады.

Әлеуметтік желіде өзін қыздың туысы деп таныстырған қолданушы жазба жариялады.

«Кәмелетке толмаған сіңілімді бұрынғы жігіті ұрған. Кешке екеуі кездесіп, сіңілім жігіттің көлігіне отырған. Телефонын сұраған, бірақ сіңілім бермеген. Содан кейін агрессия көрсете бастаған. Белдеумен тұншықтырып, шашынан жұлып, көліктің ішінде басын соққан. Қабырғасынан теуіп, басынан ұрған. Көлікке отырғызып, шығармай қойған», – деп жазды қолданушысы.

Алматы полициясы қылмыстық іс қозғап, жан-жақты тергеу жүргізген.

«Тергеу барысында оқиғаға қатысы бар қыз және өзге де тұлғалардан жауап алынды...

Қаржы нарығын реттеу және дамыту агенттігі банк секторына арналған маңызды өзгерістер пакетін ұсынды. Негізгі мақсат – тұтынушылық тәуекелді бақылау және нақты секторды, әсіресе, шағын және орта бизнесті несиелеуді ынталандыру.

Ең басты жаңалық – табысы ресми расталмаған ірі көлемдегі кепілсіз тұтынушылық кредиттерге 350% мөлшерінде жоғары тәуекел коэффициентінің енгізілуі. Бұл шара банктерді тәуекелі жоғары сегментте абай болуға міндеттейді.

Сонымен қатар несие беру кезінде банктер енді клиенттің кірісі, қарыз жүктемесі, активтері мен салықтық деректерін тереңірек тексереді.

Экономиканы қолдау мақсатында өтімділік нормативі – LCR 2027 жылдың соңына дейін 0,9 деңгейінде сақталады. Бұл банктерге несие беруді кеңейтуге мүмкіндік береді.

Шағын...

Астаналық базар ұжымы әріптестері Бекжан Әбілқасымды MMA-дегі жарқын жеңісімен және чемпиондық белбеуге қол жеткізуімен шын жүректен құттықтады. Базарда телефон мен аксессуар сататын спортшының табандылығы мен еңбегі көпшілікті тәнті етті.

«Еңбегің еленді, жаңа белестерді бағындыра бер!» – деп жылы лебіздерін білдірді әріптестері.

Қазақстандық аралас жекпе-жек шебері Бекжан Әбілқасым (6-0) Алматыда өткен Naiza 78 турнирінде кезекті әсерлі жеңісіне қол жеткізді. Жеңіл салмақтағы уақытша чемпиондық белбеу үшін тәжікстандық Бежан Ходжалиевпен (3-0) кездесті. Бес раундқа жоспарланған жекпе-жек небәрі алғашқы раундтың үшінші минутында аяқталды – Әбілқасым қарсыласын техникалық нокаутпен тоқтатты.

Осылайша Бекжан кәсіби мансабындағы алтыншы жеңісіне жетіп, Naiza...

Kursiv.Media тілшісі Өнеркәсіп және құрылыс министрі Ерсайын Нағаспаевтан кейінгі кезде жиілеген үлескерлер дауы мен сенімсіз құрылыс компанияларын бақылауға қатысты сұрақ қойды. Министр сенімсіз мердігерлер тізімі жарияланатынын мәлімдеді.

«Жақында Астанадағы «Qyran» тұрғын үй кешенінің ісі бойынша 7,9 млрдқа жуық қаржы ұрланғаны мәлім болды. Бұл жалғыз Астанаға тән емес. Өңірлерде де алданған салымшылар мыңдап саналады. Құрылыс компанияларының сату кеңсесіне бақылауды күшейту жоспарланып отыр ма? Сенімсіз құрылыс компанияларының тізімі неге жарияланбайды?» деген сауал қойылды.

Сұраққа Құрылыс комитетінің төраға орынбасары жауап берді. Оның айтуынша, қазір ел бойынша 44 проблемалық нысан бар. Биыл олардың үшеуі аяқталуға жақын. 2026 жылдың соңына...

Бас прокуратураның Құқықтық статистика және арнайы есепке алу жөніндегі комитеті Әкімшілік құқық бұзушылықтар бірыңғай тізілімі арқылы азаматтарды тексеру мүмкіндігін бұғаттады. Бұл туралы Kursiv.Media Kolesa.kz-ке сілтеме жасап хабарлайды.

Енді полиция планшеті арқылы ЖСН енгізілген кезде, мәліметтер автоматты түрде базаға сақталады және кейін оны өшіру немесе қайтадан жою мүмкін болмайды.

Сәйкесінше, патрульдік полиция қызметкері азаматқа қатысты әкімшілік хаттама ғана толтыра алады.

Бұл өзгерістер жүргізушілер тарапынан шағым көбейгеннен кейін енгізілді. Олар полицейлердің ӘҚБТ арқылы жұмыс орны, үй мекенжайы мен телефон нөміріне дейінгі жеке деректерін біліп отырғанына наразы болған. 1 желтоқсаннан бастап патрульдік полиция қызметкерлері Әкімшілік құқық бұзушылықтар тізіліміне тек...