Жаңалықтар

Ақтау маңындағы әзербайжандық AZAL ұшағының апатқа ұшырағанына жыл толуына орай Қазақстанның Көлік министрлігі осы уақытқа дейін белгілі болған тергеу қорытындысын жария етті.

«Анықталған бөгде металл заттарға (сыртқы объектілер) кешенді (трасологиялық, баллистикалық, жарылыс-техникалық және өрт) сараптама жүргізілді. Сараптама нәтижелері бойынша жарылғыш заттардың іздері табылған жоқ. Зерттеуге ұсынылған үш оттегі баллонында жарылыс іздері жоқ. Әуе кемесінің зақымдануы болжам бойынша оқ-дәрі бөлігінің зақымдаушы элементтерінен әсерінен болуы мүмкін, алайда олардың нақты тиесілігін анықтау мүмкін болмады», – делінген хабарламада.

Яғни қазір жария болған тергеу мәліметтеріне сәйкес, ұшақтан жарылыс баллонының іздері табылмаған. Зерттеу нәтижелері бойынша №2 гидравликалық жүйенің түтігінде зақым...

Ұлттық Банк Төрағасы Тимур Сүлейменовтің басшылығымен қаржылық тұрақтылық жөніндегі кеңесінің кезекті отырысы өтті. Кеңес БЖЗҚ зейнетақы активтері бойынша жылдық кірістілікті инфляциядан 150-200 базистік пунктке асатын деңгейде қамтамасыз етуді қарастырды, деп хабарлайды Ұлттық банктің баспасөз қызметі.

«Кеңес ұзақ мерзімді перспективада Бірыңғай жинақтаушы зейнетақы қорының зейнетақы активтері бойынша жылдық кірістілікті инфляциядан 150-200 базистік пунктке асатын деңгейде қамтамасыз етуге бағытталған шараларды, сондай-ақ несиені өтеу тетіктерінің тиімділігін арттыру және кепілді экономикалық айналымға тарту мәселелерін қарастырды», – делінген хабарламада.

Айта кетейік, қараша айының қорытындысы бойынша басқарушылар арасында тек «Сентрас Секьюритиз» зейнетақы активтерінің жылдық табыстылығын инфляция деңгейінен жоғары...

2025 жылы педагогикалық мамандықтар инженерлік бағыттарды басып озып, Қазақстандағы талапкерлердің басты таңдауына айналды.

2025-2026 оқу жылында педагогика ғылымдары саласындағы бағдарламаларға әрбір төртінші талапкер немесе барлық оқуға тапсырғандардың 25,4% түсті. Ал инженерлік, өңдеу және құрылыс бағыттарын бірінші курс студенттерінің 16,3% таңдады.

Танымалдығы бойынша үшінші орынды бизнес, басқару және құқықпен байланысты мамандықтар иеленді – 14,1%. Сондай-ақ, талапкерлердің 11,3%-ы ақпараттық-коммуникациялық технологиялар саласына тапсырып, салаға тұрақты қызығушылық сақталды.

2025 жылы қанша ЖОО мен студенттер бар

Оқу жылының басында Қазақстанда барлығы 116 жоғары оқу орны жұмыс істейді, онда 678,1 мың студент оқиды. Олардың жартысынан көбі қыз балалар (52,5%).

Биылғы оқу жылында ЖОО-ға...

Ұлттық банк төрағасының орынбасары Берік Шолпанқұлов Сенатта ерлі-зайыптылар бір-бірінің шоттарындағы қаржыны анықтай алатынын айтты.

Журналист Шолпанқұловтан ажырасу кезінде не істеу керектігін сұрады. Мысалы, ерлі-зайыптылар мүлікті бөлгісі келсе, алайда олардың бірінде банкте шот бары анықталса, «банктік құпия мәселесі» пайда болады. Егер Конституциялық сот банкке құпияны ашу туралы шешім шығаратын болса, Ұлттық банк мұны қолдай ма деген сұрақ туындады.

«Біріншіден, әрбір азаматтың өз шотына ие болуы – конституциялық құқығы және салымдарды сақтау құпиясы екенін атап өткім келеді. Тиісінше, неке жағдайында немесе неке шарттары бар, бір-біріне ашық жария ететін келісім бар болуы мүмкін. Ал сіз айтқан жағдайда, әрине, бұл...

Германияда қайтыс болған қазақстандық экс-судья Айгүл Сайлыбаеваның күйеуі мен енесінің Мәскеуде ұсталғаны туралы ақпарат тарады. Бұл туралы адвокат Мұрат Адам мен марқұмның бауыры Қанат Сайлыбаев жазды.

«Донцов Александр Александрович, Донцова Наталья Николаевна 2025 жылдың 23 желтоқсанында ұсталды», – деп жазды адвокат.

Айта кетейік, Айгүл Сайлыбаева 2024 жылы 3-4 маусымда хабарсыз кеткен. 16 маусымда пышақталған денесі қала шетінен пластикалық қапшыққа салынған күйі табылды.

Қазақстандық адвокат Жанна Мұхамадидің айтуынша, Айгүл Сайлыбаеваның аяғы ауыр болған. Алайда оны аса қатыгездікпен өлтірген.

«Мәйітін қылмыс болған жерден көлге апарып тастаған. Айгүлдің жатырында шамамен жеті айлық бала...

Дәстүрлі «Қала мен әлемге» жолдауы барысында Рим Папасы Лев XIV Ресей мен Украинаны «шынайы, ашық және өзара құрметке негізделген диалог» жүргізу үшін «батылдық табуға» шақырды.

BBC ақпаратына қарағанда, Әулие Петр соборының орталық балконынан алаңға жиналған мыңдаған адам алдында сөйлеген ол Украина, Судан, Мали, Мьянма, Таиланд, Камбоджа және өзге де елдердегі саяси, әлеуметтік және әскери қақтығыстарға алаңдаушылық білдірді.

Понтифик Украинада, Ресей әскерлері елдің шығыс бөлігін қорғауда стратегиялық маңызы бар қалаларға қауіп төндіріп отырған жағдайда, халықтың зорлық-зомбылықтан «азап шегіп жатқанын» айтты.

«Қару-жарақтың үні өшсін. Ал қақтығысқа тартылған тараптар халықаралық қауымдастықтың қолдауы мен қатысуы арқылы шынайы, тікелей...

Қазақстанның 40 мыңға жуық мемлекеттік қызметшісі қызметтік хат алмасу үшін отандық Aitu мессенджерін пайдаланады. Бұл туралы Жасанды интеллект және цифрлық даму вице-министрі Дмитрий Мун мәлімдеді.

Оның айтуынша, отандық қосымшаға көшу қызметтік ақпаратты тасымалдау үшін шетелдік мессенджерлерді пайдалануға тыйым салатын қолданыстағы заңнамаға сәйкес жүзеге асырылып жатыр.

«Aitu-дың, меніңше, бір миллионнан астам қолданушысы бар. Біздің алдын ала бағалауымыз бойынша, мемлекеттік қызметшілердің жартысынан астамы, яғни 40 мыңға жуығы қазірдің өзінде осы қосымшаны пайдаланады. Мессенджер арқылы берілетін барлық деректер Қазақстан аумағында қалады және елімізде орналасқан орталықтарда өңделеді», – деді Мун Сенат кулуарында.

Вице-министр барлық мемлекеттік қызметшілердің Aitu-ға толық көшуінің нақты мерзімі әл...

Алматы экологиясын жақсарып, кептелісті азайтқың келсе, қоғамдық көлікке отыр. «Алматыбасжоспар» ғылыми-зерттеу институтының директоры Асхат Сәдуов осылай деп есептейді.

Оның пікірінше, қоғамдық көлікке басымдық бермей қаладағы кептеліс мәселесін шешу мүмкін емес.

«Егер біз қаланы дамыту мен экологиялық жағдайды жақсартқымыз келсе, қоғамдық көлікке отыруымыз керек. Қазір көпшілік жүргізуші көзқарасымен қарайды, бірақ қалаға қоғамдық көлікке басымдық беретін түбегейлі қадам қажет. Сонда ғана кептеліс мәселесін азайта аламыз», – деді ол.

Оның айтуынша, қазір мегаполсите BTR желісін дамытуға көп көңіл бөлініп жатыр. Сәдуов әл-Фараби көшесіндегі кептеліс себебін түсіндірді.

«Көпшілік әл-Фарабиде жылдамдық 80 км/сағ, бағдаршам жоқ деп...

2026 жылдан бастап фейерверкті балконнан, терезеден, не тұрғын үйлерге, ағаштар мен сымдарға жақын жерден атуға тыйым салынады. Тәртіп бұзғандар 86 500 теңгеге дейін айыппұл төлейді. Тыныштықты бұзғандар да жазасыз қалмайды.

Тұрғындар үшін тыныштық сағаттары:

Кафе, бар және өзге де көңіл көтеру орындары үшін:

Қатты музыка немесе теледидар, айғай-шуға ұласқан жанжал, отшашулар ату –  мұның бәрі әкімшілік құқықбұзушылық ретінде тіркелуі мүмкін.

2026 жылдан бастап тыныштықты бұзғандар...

Кеше Бауыржан Момышұлының туғанына 115 жыл толған еді. Бүгін Мемлекет басшысы Қасым-Жомарт Тоқаев қаһарман әрі аңызға айналған алып тұлға Бауыржан Момышұлына «Халық қаһарманы» атағын беру туралы шешім қабылдағанын мәлімдеді.

«Даңқты қолбасшының нағыз ерлік жолы елімізбен қатар, шетелдерде өте танымал. Халқымыз оны қаһарман тұлға ретінде құрмет тұтады. Бірақ әйгілі батырға ресми түрде «Халық қаһарманы» атағы берілмеген. Облыс жұртшылығы, зиялы қауым өкілдері, тіпті, жастарымыз да осы мәселені көтеріп жүргенін білеміз. Тарихи әділдікті қалпына келтіруіміз керек. Сондықтан мен Мемлекет басшысы ретінде Бауыржан Момышұлына «Халық қаһарманы» атағын беру туралы шешім қабылдадым. Тиісті Жарлыққа бүгін қол қойдым, бұл құжат...

Қазақстанда алғаш рет криптовалюта айырбастау пункттерін ашуға рұқсат берілмек. Олардың қызметін Ұлттық банк реттейді. Криптовалютаны төлем жасау үшін қолдануға болмайды, оны тек инвестициялау мақсатында сатып алуға рұқсат етіледі.

Бұл туралы Қаржы нарығын реттеу және дамыту агенттігінің төрайымы Мәдина Әбілқасымова Сенатта «Банктер туралы» заң жобасын талқылау кезінде мәлімдеді.

Агенттік басшысының айтуынша, мемлекет сатып алуға болатын криптовалюталардың тізімін, оларды сатып алуға рұқсат етілген платформалар және қызмет көрсететін ұйымдар тізімін нақты белгілейді. Бұл ұйымдардың қызметі қатаң талаптармен шектеліп, Ұлттық банк тарапынан бақыланады.

Заң жобасындағы негізгі жаңалықтардың бірі – финтех-секторды дамыту және Қазақстан аумағында цифрлық қаржылық активтердің айналымына рұқсат беру.

Президент Қасым-Жомарт Тоқаев әкімдердің жұмысындағы олқылықты атады. Бұл туралы Ақорда хабарлады.

«Мемлекет ерекше күтімді қажет ететін балалар мәселесіне айрықша мән береді. Кеше мен Астанадағы инклюзивті спорт орталығында болдым. Сондай орталықтарды еліміз бойынша басқа аймақтарда салу қажет деп санаймын. Үкіметке әкімдермен бірлесіп, бұл мәселені жан-жақты пысықтап, шұғыл шаралар қабылдауды тапсырамын», – деді Тоқаев.

Президент мұндай нысандардың тек елордада ғана емес, әрбір облыста ашылғаны дұрыс екенін айтты.

«Мұны әкімдердің жұмысындағы олқылық деп айтуға болады. Біз әлеуметтік мемлекетпіз. Сондықтан әлеуметтік міндеттемелерді орындау әрдайым еліміздің айрықша назарында тұратын мәселе. Биыл зейнетақы және жәрдемақы...

Президент Қасым-Жомарт Тоқаев биыл халықаралық кездесулердің нәтижесінде жалпы құны 70 миллиард доллардан асатын коммерциялық келісімдерге қол қойылғанын мәлімдеді.

«Қазақстан көршілермен және барлық мүдделес мемлекеттермен дәйекті түрде достық қарым-қатынас пен жан-жақты ынтымақтастық орнатып келеді. Біздің мақсатымыз – айқын. Ол – елдің егемендігін нығайту, Қазақстанның қауіпсіздігі мен әлеуметтік-экономикалық дамуын қамтамасыз ететін міндеттерді шешу», – деді президент.  

Оның пікірінше, әрбір саммит, жоғары деңгейдегі әр кездесу, бизнес-форум еліміздің халықаралық беделін арттырып, экономикалық әлеуетін күшейтеді. Қазір бүкіл әлемде инвестиция үшін қызу бәсеке жүріп жатыр.

«Бізге бұдан қалыс қалуға болуға болмайды. Орталық Азиядағы және Кавказ аймағындағы...

UFC ұйымы қазақстандық файтерлер Шавкат Рахмонов пен Асу Алмабаевты кезекті допинг-бақылаудан өткізді. Бұл туралы спортшылардың допинг сынамаларын тұрақты түрде қадағалап отыратын UFC Drug Testing Watch аккаунты Х әлеуметтік желісінде хабарлады.

Мәліметке сәйкес, жартылай орта салмақта өнер көрсететін Шавкат Рахмонов үшін бұл 2025 жылдағы төртінші тексеріс болып отыр. Ал аса жеңіл салмақта (flyweight) бақ сынайтын Асу Алмабаев жыл басынан бері алтыншы рет допинг тест тапсырған.

Шавкат Рахмонов соңғы жекпе-жегін өткен жылдың желтоқсан айында өткізіп, ирландиялық Иэн Гэрриді төрешілердің бірауыздан шығарған шешімімен жеңген еді.

Ал Асу Алмабаев жуырда ғана, 22 қарашада, октагонға шығып, АҚШ өкілі Алекс Пересті қылқындыру...

25 желтоқсанда AZAL әуе компаниясына тиесілі жолаушы ұшағының Ақтау қаласына жақын маңға құлағанына бір жыл толды. Әзербайжан ұшақ апатынан қаза тапқан 38 адамды еске алды.

Президент Ильхам Әлиев X әлеуметтік желісіндегі парағына үнсіз жазба жариялады. Ұшақ пен қара лента бейнеленген сурет оның бір жыл бұрынғы оқиғаны елеусіз қалдырмағанын білдереді. Елдің вице-президенті әрі бірінші ханымы Мехрибан Әлиева да осыған ұқсас суретті Instagram-дағы парағына жүктеді.

Бұл уақытта премьер-министр Әли Асадов

Цифрлық даму вице-министрі Дмитрий Мун Қазақстанда PlayStation Network (PSN) толыққанды аймағы мен Sony ресми сервистерінің әлі күнге дейін неге жоқ екенін түсіндірді. Айтуынша, бұған басты себеп – елдегі халық санының аздығы.

Вице-министрдің сөзінше, Sony компаниясы Қазақстанды жеке аймақ ретінде бөліп, өз сервистерін ресми түрде қосуы үшін елдегі қолданушылар саны жеткіліксіз. Ал нақты қанша қолданушы қажет екені білу үшін компанияның өзіне тікелей сұрау салуды ұсынды.

Осы жылы қарашада PlayStation-да қазақстандық карталармен төлем жасау мүмкіндігі пайда болды, бірақ толыққанды аймақ әлі де ашылған жоқ.

«Қазірдің өзінде қазақстандық банктік карталарды қолдануға болады ғой? Бұл мәселе 7 жылдан астам уақыт бойы шешілмей келгенін білетін...

25 желтоқсанда Сенат «Банктер және банк қызметі туралы» заң жобасын қарап, оның бірқатар баптарымен келіспеді. Соның нәтижесінде заң жобасы түзетулер енгізу үшін Мәжіліске қайта жіберілді.

Сенаторлардың айтуынша, заңдағы кейбір нормалар банктерге қойылатын талаптарды шамадан тыс күшейтеді. Бұл кредиттің қымбаттауына әкелуі мүмкін. Ал кредит азайса, бизнеске де, экономикаға да оңай тимейді.

Сенаторлар неге алаңдайды?

Талқылау кезінде сенаторлар банкирлерді және қаржы саласының сарапшыларын тыңдаған. Олар қатаң реттеу:

Сенаттың қаржы және бюджет комитетінің төрағасы Сұлтанбек...

Жаңа жылдық гирляндалардың денсаулыққа қауіпті болып шықты. Олар бас ауруынан бастап ұстамаға дейін қоздыруғы мүмкін.  

VM ақпаратынша, гирляндалардың жиі жыпылықтауы көзге және жүйке жүйесіне кері әсер етіп, эпилепсия ұстамасын қоздыруы мүмкін. Әсіресе секундына үш реттен жиі жыпылықтайтын гирляндалар аса қауіпті.

Дәрігер-офтальмолог Дмитрий Сагоненко фотосезімтал эпилепсиясы бар адамдар үшін жыпылықтаған жарық негізгі қоздырғыш болатынын айтады. Сондай-ақ мұндай жарық бас ауруын, ашушаңдықты және ұйқының бұзылуын тудыруы мүмкін.

Алайда сапалы әрі сертификатталған гирляндалар көзге тікелей зиян келтірмейді. Ал тексерілмеген өнімдер инфрақызыл немесе ультракүлгін сәуле шығарып, көз торына зиян тигізуі ықтимал.

Былтыр Алматы қаласы безендіру шараларына 800 млн теңге жұмсаған

Қазақстанның халық әртісі, актер Асанәлі Әшімовтің қызы Сағина Әшімова әлеуметтік желіде жүрек тебірентерлік жазба жариялады. Марқұм әкесіне деген сағынышын, перзенттік махаббатын әсерлі сөздермен жеткізген.

«Әкем… Жүрегімнің ішінде жүрегі. Сізді сөзбен жеткізу қиын. Сағыныш үнсіз, бірақ жүректе ауыр. Амал дәптері әрдайым ашық болсын. Алла жаныңызды жәннатқа кіргізсін, иманыңыз саламат болсын. Жатқан жеріңіз жарық, топырағыңыз торқа болсын. Біз сізді әрдайым сағынып, сүйіспеншілікпен еске аламыз…» – деп жазды ол.

Қаржы министрлігі салық тесерісі жүргізілетін компаниялар тізімін бекітті. Министр Мәди Такиев қол қойған бұйрыққа сәйкес, 2026–2027 жылдарға арналған бұл тізімге барлығы 524 заңды тұлға енгізілген.

Аталған компаниялар – Қазақстан аумағында жұмыс істейтін, ең жоғары жиынтық табыс көрсететін және бюджетке қомақты салық түсімін қамтамасыз ететін ірі бизнес өкілдері. Тізімде негізінен мұнай-газ, тау-кен, энергетика және көлік салаларында қызмет ететін кәсіпорындар басым.

Тізімнің алғашқы қатарында Қарашығанақ кен орнын игеріп отырған консорциум тұр. Оған Karachaganak Petroleum Operating B.V., BG Karachaganak Limited, Agip Karachaganak B.V., Chevron, ExxonMobil, Lukoil және Oman Oil Company компанияларының филиалдары мен өкілдіктері кірген. Сонымен қатар Қашаған жобасын жүзеге...

Қазақстанда ипотека алу тек қаржыны ғана емес, сонымен қатар мұқият дайындықты талап етеді. Көптеген қателіктер ақпараттың жетіспеушілігі мен асығыс әрекеттен туындайды. Бюджетті дұрыс есептеу, ипотеканы алдын ала мақұлдату және нысанды мұқият тексеру сатып алуды қауіпсіз етіп, артық шығындардан сақтайды. Алайда үй таңдау барысында көптеген қазақстандықтар осы қағидаларды ескермей жатады. Мамандар сатып алушылар жиі жіберетін, бірақ оңай алдын алуға болатын ең кең тараған қателіктерді атап берді.

1-қателік: Ипотекалық алдын ала мақұлдаудың болмауы

Сатып алушылар жиі жіберетін басты қателіктердің бірі – өздерінің ипотекалық мүмкіндіктерін білмей тұрып пәтер іздей бастайды. Қазақстандағы банктер тек табыс пен еңбек өтілін ғана емес...

Қазан айында Өзбекстанда түрмеден қашып, 9 жастағы баланы зорлаған сотталушы тағы да 18 жылға бас бостандығынан айырылды.

Gazeta ақпаратына қарағанда, Ахангаран соты оны аса қауіпті рецидивист деп таныды. Ер адам 2018 жылдан бері де балаға қатысты зорлау қылмысы үшін жазасын өтеп келген.

Жазаның алғашқы екі жылын түрмеде өткізеді. Қалған мерзімін ерекше режимдегі колонияда өтейді.

Турсынов 2018 жылы кәмелетке толмағанды зорлағаны үшін 16 жылға сотталған. Ол 2017 жылдың қарашасында ұсталған.

2024 жылдың тамызында Нишан аудандық қылмыстық істер жөніндегі сот жазаны жеңілдетіп, сотталғанды колония-қонысқа ауыстыру туралы шешім шығарған. Бұл ретте Қылмыстық-атқару кодексінің 113-бабы қолданылған. Аталған бап түзелу жолына түскен және...

Жыл соңы таяғанда ел ішінде экономиканың жай-күйі, әлеуметтік саясаттың бағыты, инвестициялық ахуал мен мемлекеттік реформалардың нәтижесі кеңінен талданып, БАҚ өкілдерінің қорытынды мақалаларына арқау болып жатыр. Мұндайда назардан тыс қалмауы тиіс бағыттың бірі – білім саласы. Биыл бұл салада тек реформалар мен бастамалар ғана емес, қоғамда қызу пікірталас тудырған даулар мен өткір мәселелер де аз болған жоқ. Kursiv.Media бұл мақалада 2025 жылы білім беру жүйесінде болған басты жаңалықтарды, резонанс тудырған шешімдер мен қоғам назарындағы талқыларды жүйелеп, оқырман назарына ұсынады.

Министр ауысқан жыл

Сөзсіз, білім саласы үшін 2025 жылдың басты жаңалықтарының бірі – Оқу-ағарту министрінің ауысуы болды. 2023 жылдың қаңтарында қазірг...

Еңбек және халықты әлеуметтік қорғау министрлігі 2026 жылдың қаңтары үшін берілетін зейнетақы бір ай ерте түсетіні туралы ақпаратты жоққа шығарды. 

«Мессенджерлер мен әлеуметтік желілерде 2026 жылдың қаңтарының зейнетақы төлемдері 2025 жылдың 30 желтоқсанына дейін мерзімінен бұрын аударылатыны туралы ақпарат тарады. Бұл шындыққа жанаспайды», – делінген еңбек министрлігі таратқан ақпаратта.

Зейнетақы мен жәрдемақы төлеу бекітілген кестеге сәйкес жүргізіледі.

«Индексацияны ескеріп, қаңтардағы зейнетақы төлемдері азаматтарға 2026 жылдың қаңтарында аударылады. Желтоқсанның зейнетақы төлемдері толық көлемде жүргізілді», – деп хабарлады министрлік.

Сондай-ақ министрлік жеке деректерді қорғау үшін хабарлама түрінде жіберілген сілтеме арқылы...