Жаңалықтар

Қазақстан Республикасы Су ресурстары және ирригация министрлігі «Қазагромелиосушар» республикалық әдістемелік орталығы» республикалық мемлекеттік мекемесін қайта құрылымдайды. Нәтижесінде жарғылық капиталына мемлекет жүз пайыз қатысатын «Су ресурстарының ақпараттық-талдау орталығы» коммерциялық емес акционерлік қоғамы пайда болады. Бұл жайлы министрліктің «Ашық НҚА» порталына орналастырылған құжатында жазылған.

Жаңа мекеме немен айналысады?

Құжатта мекеменің су қорын пайдалану және қорғау, сумен жабдықтау, су бұру саласындағы уәкілетті мемлекеттік органның қызметін ақпараттық, талдамалық және әдістемелік қамтамасыз ету бойынша жұмыстарды орындаумен айналысатыны жазылған.

«Су ресурстарын пайдалануды оңтайландыру, ел экономикасының барлық салаларында су тапшылығы тәуекелдерін барынша азайту, экологиялық тұрақтылықты қолдау және барлық мүдделі тарапты...

Қазақстан Ұлттық құрамасының Париж Олимпиадасына арналған киім үлгілеріне конкурс қайтадан жарияланды. Ұлттық құраманың киім формасы мен оған қосымша керек-жарақ жабдықтардың дизайн тұжырымдамасын әзірлеу конкурсында ешбір қатысушының эскизі комиссия мүшелерінің көңілінен шықпаған. Бұл туралы Туризм және Cпорт министрлігінің Спорт және дене шынықтыру істері комитеті хабарлады.

«Осыған дейінгі ақпан айында басталған Қазақстан Ұлттық құрамасының киім формасы мен оған қосымша керек-жарақ жабдықтардың дизайн тұжырымдамасын әзірлеуге арналған конкурста қатысушылардың ешбір эскизі комиссия мүшелерінің көңілінен шықпауына байланысты Комиссия 1-ші конкурсты өтпеді деп шешім шығарды», – делінген  хабарламада.

Ұсынылған жұмыс материалдарын арнайы комиссия қарайды. Жұмыс тобының қатарына Туризм және...

Халықаралық валюта қорының резервтеріндегі қытай валютасының үлесі соңғы үш жылдағы ең төменгі деңгейге дейін түскен.

Reuters агенттігінің ақпаратына сүйенсек, 2023 жылдың аяғында қытай валютасы 11,45 трлн доллары көлемінде болып, әлемдік валюта резервтерінің тек 2,29%-ын құраған. 2022 жылдың бірінші тоқсанындағы ең жоғарғы 2,83% деңгейінен кейін күрт құлдырауды көрсетеді.

Әлемдегі ұлттық банктер соңғы жеті тоқсанда өздерінің валюталық резервтеріндегі юань үлесін қысқартты. Екі жылға жуық уақыт ішінде бестен бір деңгейге төмендеген. Goldman Sachs мәліметтері бойынша резервтердегі юань үлесі валюта бағамы бойынша да төмендейді.

«Әлемдік резервтегі қытай валютасының үлесі пандемияға қарамастан, 2020 жылы өскен еді. Алайда 2022 жылы болған...

Премьер-министрдің орынбасары Қанат Бозымбаев желіде су тасқынына қарсы штабтардың жалған аккаунттарын ашып, ақпарат тартушыларға ескерту жасады.

Үкімет баспасөз қызметінің ақпаратына сүйенсек, Бозымбаев су тасқыны кезінде дүрбелең тудыратын жалған ақпарат таратқандар қылмыстық жауапкершілікке тартылатынын еске салды. Ақпаратқа сүйенсек, әлеуметтік желіде жалған ақпараттың тарауы табиғи апатпен күресіп жатқан адамдардың жұмысын қиындатып жатыр. Вице-премьер атап өткендей, мұндай жалған ақпараттар қоғамда, әсіресе, зардап шеккен өңірлерде жиі дүрбелең тудырады.

«Осындай жалған хабарламалардың немесе Төтенше жағдаймен күрес жөніндегі штабтардың жалған аккаунттарының барлық авторына бұл ақпаратты жариялаудағы жауапкершілік туралы ескерткім келеді. «Онлайн платформалар және онлайн жарнама туралы» заң бар, оған сәйкес пайдаланушылар орналастырылған және таратылатын мазмұнның дұрыстығын тексеруге, жалған ақпаратты...

Ақтөбе облысының Ырғыз ауданы Мамыр ауылының тұрғындарын төтеншеліктер көшірді. Оған Торғай өзенінде су деңгейінің көтерілуі себеп болған. ҚР Қорғаныс министрлігінің тікұшағымен ауыл адамдары Ырғыз  ауданына эвакуацияланды. Қауіпсіздік үшін Нұра ауылының тұрғындары да көшірілді. Ақтөбе өңіріндегі су апаты салдарынан жарықсыз қалған 41 ауылда электр желісі іске қосылды. 14 елдімекенге дизельдік отын арқылы тоқ берілуде.

«Ақтөбе өңірінде су тасқынына қатысты ахуал тұрақталды. Қауіп сейілді. Қазіргі уақытта рекордтық көрсеткішпен су  қабылдаған қоймаларда ағыс бәсеңдеді. Тек Торғай өзеніндегі судың көтерілуіне байланысты Ырғыз ауданының Мамыр мен Нұра ауылдарындағы бөгеттерді нығайтуға қосымша техника жұмылдырылды. Бұл жұмыс аталған елдімекендерді су тасқынынан қорғау мақсатында...

Көктемгі су тасқыны кезінде өңірлердің су шаруашылығы, гидроқұрылысы, дайындық жұмысы жиі ақсап жататыны мәлім. Биылғы қарғын су ауылдарды ғана басып қалған жоқ, қалаларға да қауіп төндірді. Қазақстанның Батыс, Шығыс және Солтүстік өңірлері қиын жағдайда қалды. Тоғандар бұзылып, елдімекендердегі инфрақұрылымдар істен шықты. Құтқарушы қызметі мыңдаған адамды қауіпсіз қосындарға көшіріп жатыр.

Жыл сайын қайталанатын су тасқыны елімізде су ресурстарын тиімді қолданылмайтынын көрсетеді. Тасқын суды ел игілігіне қалай пайдалануға болады? Бұл сұраққа Экономикалық зерттеулер институты жауап іздеп көрді.

Қарғын су есебінен қосымша су қорын түзуге болар еді. Қазақстан бұл бағытта басқа мемлекеттердің тәжірибесіне жүгінсе болады.

Шетелдерде гидрожүйе жақсы дамыған

Жапонияда...

Астана сотында бұрынғы ұлттық экономика министр Қуандық Бишімбаев пен оның туысы Бақытжан Байжановқа қатысты қылмыстық іс сотта қаралып жатыр. 11 сәуірде мемлекеттік айыптаушы Айжан Аймағанова қылмыстық іс материалын зерттеу бөлігін тәмамдады. Түстен кейін жалғасқан сот отырысында Бақытжан Байжанов сотта куәлік беріп, тараптардың сұрағына жауап берді.

Алайда түске дейін Бишімбаевтың адвокаты Ерлан Ғазымжанов судья Айжан Құлжанованы ауыстыруды сұрады. Қорғау тарапының талабына жауапты мына жерден оқуға болады.

Айыпталушы Бақытжан Байжанов – Бишімбаевтың алыс туысы. Ол соттағы сөзін марқұм Салтанат Нүкенованың туыстары мен өз отбасынан кешірім сұраудан бастады. Сондай-ақ қайғылы оқиға болған күн туралы өз нұсқасын айтты.

«Сол...

Еңбек және халықты әлеуметтік қорғау министрлігі «2024 жылы демалыс күнін ауыстыру туралы» бұйрық дайындады. Тиісті бұйрық «Ашық НҚА» порталында жарияланды.

«2015 жылғы 23 қарашадағы Қазақстан Республикасы Еңбек кодексінің 85-бабының 3-тармағына сәйкес жұмыс уақытын ұтымды пайдалану мақсатында демалыс күні 2024 жылғы 4 мамыр сенбіден 2024 жылғы 8 мамыр сәрсенбіге ауыстырылсын», – деп жазылған құжатта.

Құжат 25 сәуірге дейін «Ашық НҚА» сайтында орналастырылған.

Тиісті бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Осылайша, қазақстандықтар үш күн қатарынан, яғни 2024 жылдың 7, 8 және 9 мамыр күндері демалады. 7 мамырда Отан қорғаушылар...

АҚШ Энергетика министрлігінің Энергетикалық ақпарат басқармасы (EIA) Қазақстандағы 2024-2025 жылдарға арналған мұнай және конденсат өндіру бойынша болжамын жақсартты.

Нақты сандарға тоқталсақ

Департаменттің сәуір айындағы болжамы бойынша, 2024 жылы Қазақстан тәулігіне 1,97 млн ​​баррель мұнай мен конденсат өндіреді. Наурызда болжам бойынша тәулігіне 1,95 млн баррель. Ел екінші тоқсанда тәулігіне 1,95 миллион баррель. Үшінші тоқсанда – 1,94 миллион баррель. Ал төртінші тоқсанда – 2 миллион баррель өндіре алады.

Бұл болжам негізінен нақты көрсеткіштерге сәйкес келеді. Осылайша, қаңтарда Қазақстанда сұйық көмірсутектерді өндіру орта есеппен тәулігіне 1,97 млн ​​баррельді құрады.

«2025 жылы болжам бойынша Қазақстан тәулігіне 2,08 млн баррельден...

Каспий құбыр консорциумы (КҚК) теңіз терминалындағы 72 сағаттық жоспарлы жөндеу жұмыстары аяқталған соң, Новороссийскіге қайтадан мұнай жөнелте бастады. Бұл туралы баспасөз қызметі хабарлады.

«КҚК мұнай құбырын жоспарлы тоқтату кезеңінде теңіз терминалы нысандарындағы негізгі жұмыс аяқталған соң, 2024 жылдың 11 сәуірінде мұнай тиеу қайта жанданды», – делінген компания хабарламасында.

Каспий Құбыр Концорциумы мұнай тиеуді 9 сәуірде уақытша тоқтатқан болатын. Осы уақытта Теңіз-Новороссийск магистральдық мұнай құбырының жабдықтарын жаңалау жоспарланған.

Корцорциум мұнай жөнелту жылына екі рет 72 сағатқа тоқтайтынын атап өтті. Оның кестесі бүкіл жүк жөнелтушілер, сондай-ақ ҚР Энергетика министрлігімен алдын ала келісілген...

Технологиялық алпауыттар үшін 2022 жылғы сәтсіздіктен кейін «керемет жетілік» акциялары өткен жылы жалпы нарықтан айтарлықтай асып түсті.

Бірақ көптеген танымал инвестор өткен жылдың соңында пайда тауып, Amazon-нан басқа барлық «керемет жетілік» компанияларының акцияларынан құтыла бастады. Бұл туралы Тhe Motley Fool хабарлады.

Миллиардерлер қандай акцияларды сатты

NVIDIA жасанды зерде чипін жасаушының капиталдандыруы өткен жылы 239%-ға өсті. Дегенмен өткен жылдың төртінші тоқсанында сегіз табысты миллиардер қаржы менеджері Nvidia-дағы үлестерін бірден төмендетті. Тізімді 1,7 миллион акция сатқан Millennium Management-тен Израиль Ингландер бастап отыр. Оның артынан Susquehanna International компаниясынан Джефф Ясс (1,2 млн акция) және Point72 Asset Management (1,1 миллион) компаниясынан...

Елімізде ұн экспорты төмендеп кетті, ал шетелге астық сату – өсіп барады. Ұнның орнына астық сатып алу және өз диірменін жұмысқа пайдалану шетелдік әріптестерге тиімді екені даусыз. Ал бұдан қазақстандық ұн тарту кәсіпорындары зардап шегуде. Осылай деп мәлімдеген сенат депутаты Сұлтан Дүйсембинов отандық ұн тартушылардың мәселесін көтерді.

Қазақстан Орталық Азия елдері мен Ауғанстанның сыртқы нарықтарына бидай мен ұнды тең қолжетімділік жағдайында жеткізеді. Біздің бидайды импорттаушы елдер тарифтік емес сауда шектеулерін жасап, біздің ұнның импортын тежеп, өз өңдеулерін дамытуда. Сенатордың айтуынша, 2023 жылы бидай ұнының экспорты 23%-ға төмендеген. Мұның бір себебі – Қазақстан Орталық Азия елдері мен Ауғанстанға бидай мен...

Биыл Еуропа мен Орталық Азия аймағындағы экономикалық белсенділік баяулауы мүмкін. Бұған себеп – қатаң ақша-несие саясаты, Қытай экономикасының баяулауы және шикізат бағасының төмендеуі. Бұл туралы Дүниежүзілік банктің аймақ экономикасы туралы жарияланған баяндамасында жазылған.

2024 жылы аймақтың экономикалық өсу қарқыны 2,8% -ға дейін баяулауы мүмкін. Осыған дейін көрсеткіш 3,3%-ға дейін айтарлықтай өскен.

2023 жылы Орталық Азия экономикасына Ресей мен Украина арасындағы қақтығыс ықпал етті. 2025 жылы өңірде өндіріс қарқыны артуы мүмкін. Жалпы болжамның орындалуына көптеген фактор әсер етеді. Егер аймақтағы экономикалық даму баяуласа, экономика одан әрі әлсірейді.

«Еуропа мен Орталық Азия елдері көптеген жаһандық дағдарыстарға...

Сенат депутаты Серік Шайдаров Су ресурстары министрлігінің жұмысын сынға алды. Ол премьер-министрге жолдаған сауалында гидротехникалық құрылыстардың 60 пайызы ескіргенін айтты.

«Жыл сайын елде су тасқыны болады. Билік су тасқынының алдын-ала алмай, бүгінде салдарымен күресіп жатыр. Бұл су тасқынына қарсы шаралар лайықты деңгейде жүргізілмейтінін көрсетеді. Қазақстанда 1500-ге жуық гидротехникалық нысан бар. Олардың 1000-ға жуығы коммуналдық меншікте. Көбісі жөндеу көрместен, 50 жыл қатарынан пайдаланылып келеді. Бұл құрылыстар өте қауіпті нысан саналады. Олардың тозуы 60 пайызды құрайды. Су кодексіне сәйкес оларға көп кезеңді тексеру жүргізілуі керек», – деді депутат.

Депутаттың айтуынша, мұндай тексеруден небары...

Freedom Holding Corp. компаниясы Арал теңізінің экологиялық жүйесін қалпына келтіру жөніндегі USAID жобасы шеңберінде Қызылорда облысындағы Аралдың құрғаған түбінде орналасқан «Достық» аллеясында сексеуіл отырғызды.

Қара сексеуіл тәлімбағының ашылуын атап өткен іс-шара Қызылорда облысы әкімінің орынбасары Бақыт Жахановтың, Freedom Holding Corp. компаниясының бас атқарушы директоры Тимур Турловтың және Қазақстан Республикасындағы Халықаралық Аралды құтқару қоры (ХАҚҚ) директорының орынбасары Зәуреш Әлімбетованың қатысуымен өтті.

USAID өңірлік жобасы – Арал теңізінің құрғаған түбінде жасыл жамылғы жасаудың оазистік әдісінің бірегей мысалы. Оазистік өсу нүктелері тұщы немесе аздап тұздалған су көздерінің міндетті түрде болуын көздейді, бұл осы аумақта сексеуілді ғана емес, сондай-ақ өсімдіктердің басқа түрлерін отырғызуға...

Halyk Finance сарапшылары ел үкіметінің мемлекеттік жоспарлау тәсілдерін сынға алды. Үкімет мемжоспар жүйесін бір емес, үшінші рет өзгертуге тырысып жатыр. Halyk Finance Басқарма төрағасының кеңесшісі Мұрат Темірханов үкімет шығынды қазынадағы қаржы таусылмайтындай жоспарлайтынын айтады. Министрліктер ірі жобаларға мембюджет көтере алмайтын қаржыны сұрайды.

29 наурызда «Ашық НҚА» порталында мемлекеттік жоспарлау жүйесіне өзгерістер енгізетін Үкімет қаулысының жобасы үшінші рет жарияланды. Алғашқы жоба бір жыл бұрын жарияланғанымен, мақұлданбады. Екінші жоба 2023 жылдың қазан айының соңында жарияланған, бірақ ол да қолдау таппаған. Қазіргі үшінші нұсқа – жаңа Ұлттық экономика министрі Нұрлан Байбазаровтың тапсырмасы бойынша дайындалған.

«Өкінішке қарай, жаңа...

Қызылорда облысындағы ирригациялық жүйелер әр түрлі органдарға бекітілгендіктен басқару жүйесі бұзылған. Осының салдарынан суару жүйелері нашарлап, өңірде жыл сайын шамамен 2 млрд текше метр су жоғалады. Бұл елдегі жыл сайынғы су шығынының тең жартысы. Осындай дерек келтірген сенатор Руслан Рүстемов Сырдария су объектілерін республикалық меншікке беруді талап етті.

Премьер-министрге депутаттық сауал жолдаған Руслан Рүстемов елдегі су ресурстарының мүмкіндігін сынады. Ол біздегі жағдай көрші мемлекеттермен салыстырғанда өте шектеулі екенін атап өтті.   

«Соның ішінде  шеткі аймақтардан келетін су ағынына неғұрлым тәуелді саналатын өңірлердің қатарында Арал-Сырдария су шаруашылығы бассейні де бар. Жылдар бойғы табиғи тепе-теңдіңктің бұзылу салдарынан пайда болған Арал теңізін...

Forbes тізіміндегі кәсіпкер Орифджан Шадиев Ұлттық банк алдындағы 15,7 млрд теңге қарызын толығымен өтеді. Бұл туралы «Курсив» сауалына берілген Ұлттық банктің жауабында айтылған.  

«Орифджан Шадиев Ұлттық банк алдындағы 15,7 млрд теңге қарызды толығымен өтеді, соңғы төлем 2024 жылдың 20 ақпанында жүзеге асырылды», – деп хабарлады бас банк. 

Енді Шадиевтің Ұлттық банк алдында қарызы жоқ. Бұл ретте реттеуші тәркіленген жерлерді қалай басқаруды жоспарлап отыр?

«Бұған дейін Ұлттық банк атқарушылық және азаматтық іс жүргізу шеңберінде Орифджан Шадиевтің мүлкін өндіріп алу, оның ішінде некеде тұрған кезде бірлесіп сатып алған мүлікті иеліктен шығару бойынша жұмыс...

Су тасқынынан зардап шеккен Ақтөбе өңірін қалпына келтіруге жергілікті бюджеттен 10 млрд теңге қаражат бөлінеді. Бұл жайлы Ақтөбе облыстық мәслихатының кезектен тыс он екінші сессиясында  айтылған.  

Мәслихатта облыстың Әйтеке би, Қобда және Ойыл ауданындағы төтенше жағдай салдарынан зардап шеккен 877 отбасыға 100 айлық есептік көрсеткіш көлемінде әлеуметтік көмек көрсетілетіні айтылған. Сондай-ақ облыстық жұмыспен қамтуды үйлестіру басқармасына 316 млн теңге қаржы бөлінбек.

Қалған аудандар бойынша мұқтаж отбасыларға әлеуметтік көмек аудандардың ішкі резервтері есебінен көрсетіледі. Жалпы облыс бойынша 2 800 отбасыға 1 млрд теңге көлемінде қаражат бағытталған.

«Мемлекет басшысының тапсырмасы бойынша су тасқынынан зардап шеккендердің барлығына қаржылай өтемақы...

Компанияның бас директорын ауыстыру туралы жаңалықтардан кейін, аэроғарыш саласы үшін құрылымдық және композиттік материалдар шығаратын Нexcel-дің акциялары сауда-саттықта арзандады. Инвесторларға жаңа тағайындалған Том Джентайлдың бұрын бәсекелес Spirit компаниясын басқарғаны ұнамады, деп жазды Bloomberg.

Толығырақ

Сәрсенбі күнгі сауда-саттықта Hexcel акциялары 14%-ға, яғни 61,47 долларға дейін арзандады. Ал негізгі сессияны 62,34 доллар (күніне -12,3%) деңгейінде аяқтады. Компанияның баға белгілеулерінің 4 жылдағы ең үлкен құлдырауы директордың ауысуы туралы жаңалықтан кейін болды.

Компанияның қазіргі бас директоры Ник Стэнэйдж Hexcel компаниясының атқарушы төрағасы болады. Жыл соңында зейнетке шығуды жоспарлап отыр. 1 мамырдан бастап компанияны Том Джентайл басқарады. Оның кандидатурасы инвесторлардың сенімсіздігін тудырды. Өйткені ол бұрын...

Жалғыз акционердің шешімімен Рустам Қарағойшин «Бәйтерек» ұлттық басқарушы холдингінің басқарма төрағасы болып тағайындалды. Бұл туралы Қазақстан қор биржасына жіберілген хабарламада жазылған.

2024 жылдың ақпанында Ұлттық экономика министрі Нұрлан Байбазаров холдинг ұжымына Рустам Қарағойшинді жаңа басшы ретінде таныстырған болатын. Содан бері арнайы тексеруден өтіп, акционердің шешімімен Басқарма төрағасы болды.

Бұған дейін ұлттық холдингті Нұрлан Байбазаров басқарған еді. Ол 6 ақпанда Мемлекет басшысының Жарлығымен Қазақстан Республикасы премьер-министрінің орынбасары – Ұлттық экономика министрі лауазымына тағайындалды.

Қазіргі кезде «Бәйтеректің» Басқама құрамы 5 адамнан тұрады: Рустам Қарағойшин, Нұрболат Айдапкелов, Ерсайын Хамитов, Ғалым Үсен және Вячеслав Сон.

Рустам Қарағойшин 2004 жылы Қазақстан менеджмент, экономика...

Сенат көптен бері талқыланып келе жатқан әйелдер мен балалардың құқығын қорғауды көздейтін заң жобаларын мақұлдады. Заң жобалары қол қою үшін президентке жолданды.

Сенат «Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» және «Қазақстан Республикасының Әкімшілік құқық бұзушылық туралы кодексіне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» екі заңды мақұлдады.

Депутат Жанна Асанованың айтуынша, заңдар мемлекеттік отбасы саясатының құқықтық, әлеуметтік, институционалдық және өзге де негіздерін жетілдіруге, әйелдердің құқықтары мен балалардың қауіпсіздігін қорғауды күшейтуге бағытталған. Сонымен бірге заң әйелдер мен балаларды...

Азия даму банкінің жаңа есебіне сәйкес, Қазақстан экономикасының өсу қарқыны 2024 жылы мұнай өндірісінің тұралауына байланысты төмендейді. Ал 2025 жылы өндіріс пен инвестициялардың өсуі есебінен қалпына келеді.

Банк кезекті шолуын жариялады

Оған сәйкес, Қазақстанның жалпы ішкі өнімінің өсімі 2024 жылы 3,8% деңгейінде болмақ.
«Келесі жылы Теңіз кен орнында мұнай өндірісінің артуына қарай өсім 5,3%-ға дейін өседі деп болжанып отыр», – деп жазылған есепте.

Болжамды нашарлатуға себептердің қатарына Ресейдің Украинаға басып кіруінің теріс салдары, сауда серіктестерінің экономикаларының баяу өсуі және мұнай экспорттау бағытында болуы мүмкін іркілістер кіреді.

«Орта мерзімді болашақта Қазақстанны...

Азаматтық некедегі жұбайын өлтірді деген күдікті, бұрынғы экономика министрі Қуандық Бишімбаевтың адвокатының сот ісін қарап жатқан судьяны өзгерту туралы өтініші қанағаттандырылмады.

«Қ.Бишімбаевқа қатысты бүгінгі сот отырысында қорғаушы тарап төрағалық етуші судья Айжан Құлбаеваға қарсылық білдіретіндерін мәлімдеді. Қылмыстық іс жүргізу кодексінің нормаларына сәйкес, қарсылық білдіруді сол соттың судьясы С.Тасымбетов алқабилер мен судья Құлбаеваның қатысуынсыз қарады»,– делінген Жоғарғы сот баспасөз хабарламасында.

Ақпаратқа сүйенсек, судья Сейфулла Тасымбетов қорғаушы тараптың судьяға қарсылық білдіру өтінішін қанағаттандырусыз қалдырған.

Тасымбетов бекіткен қарсылық білдіруді қарау нәтижелері бойынша соттың қаулыға шағымдану және наразылық білдіру мүмкіндігі жоқ. Істі қарау әрі қарай жалғасып жатыр.

Бишімбаевтың адвокаты Ерлан...