Жаңалықтар

Қазақстан қор биржасының (KASE) сайтында 24 ақпан күні Kcell компаниясының мүлікті сатып алу немесе иеліктен шығарумен байланысты ірі мәмілесі туралы хабарлама жарияланды.

Түсініктемеде мәміле нәтижесінде компания активтерінің 10%-нан жоғары, бірақ 25%-дан аз мүлік сатып алынғаны болмаса иеліктен шығарылғаны көрсетілген. Бұл ретте сатып алынған (немесе иеліктен шығарылған) актив – ақша, ал мәміле нысанасының құны – 40 млрд.

«Біз «Қазақтелеком» АҚ-мен несие алу туралы келісімге қол қойдық. Жиналған қаражат Қазақстан Республикасының аумағында 5G жобасын дамытуға жұмсалады» деп түсіндірді компания kursiv.media тілшісіне.

Желтоқсан айының соңында Kcell «Қазақтелекомға» тиесілі басқа үш оператормен (active, Tele2 және...

Қазіргі таңда көп қызмет пен тауарды бөліп төлеуге алуға болады. Оның кредиттен айырмашылығы сол — пайыз қосылмайды. Әрине, келісімшартта көрсетілген төлем мерзімін кешіктірген жағдайда өсімпұл төлейсіз. Дегенмен қаржылық жағдайы тұрақты, айлығын дұрыс есептей алатын адамға несиеден гөрі оңтайлы тәсіл десек болады. Бүгінгі материалымызда бөліп төлеуге зат алғанда көпшілік жиі жіберетін 5 қатені айтамыз.

Қандай жағдайларда бөліп төлеуге алады?

Расында, бөліп төлеу — қазір алып, бірнеше айға тең бөліп төлеуге мүмкіндік беретін қолайлы тәсіл. Осы ретте көпшілік қай кезде бөліп төлеп алатынын тізіп көрелік. Мысалы, кір жуатын машина аяқ-асты бұзылып қалды. Тұрмыстық техника сататын дүкенге барып қарасаңыз, бағасы «ұшып» тұр...

Қазақ мұнайының 80 пайызы тасымалданатын Каспий Құбыр Концорцумында туындаған проблемалар еліміздің ЖІӨ өсіміне кері әсер етуі мүмкін. Өйткені ел экномикасы үшін өндірілген мұнайдың дер кезінде тасымалданып, уақтылы сатылып отырғаны маңызды.

Jusan Analytics мамандары КҚК-да туындайтын кедергілер ЖІӨ өсімін 2,4 пайызға дейін баяулатуы мүмкін деген болжам жасап отыр. Бұл – ең нашар сценарий. Бұған дейін сарапшылар 2023 жылы ЖІӨ өсімі 3,8-4,3% аралығында болады деп болжаған.

Қазақстан мұнайының басым бөлігін тасымалдайтын КҚК бірнеше рет қызметін тоқтатқан болатын. Нәтижесінде ол 2022 жылы 1%-ға төмендеген тау-кен өнеркәсібінің қызметіне өте қатты әсер етті.

Сарапшылар «КҚК факторы» қазір мұнай-газ секторына өте тәуелді Қазақстан экономикасыны...

Darkhan Juzz сахналық атымен белгілі отандық әнші Дархан Жүнісбеков өмірден өтті, деп хабарлайды ҚазАқпарат.

Өнерпаздың өмірден озғанын Қазақстанның Сыртқы істер министрлігі растады.

«Таиланд полициясының мәліметіне сәйкес, 24 ақпанда Пхукет аралында Қазақстан азаматы Дархан Джунусбеков қайтыс болды. Жерлесіміздің өліміне мопедпен болған жол көлік апаты себеп болды. Қазір мәйітті Қазақстанға жеткізу үшін қажетті құжаттарды ресімдеу бойынша жұмыс жүргізіліп жатыр», – деді Сыртқы істер министрлігінің ресми өкілі Айбек Смадияров.

Отандасымыз 31 жаста болатын.

РЭП орындаушы, өлеңдер авторы әрі саунд-продюсер Дархан Жүнісбеков (Darkhan Juzz) 1991 жылы 9 тамызда Алматы қаласында дүниеге келген.

Ол ән шығарумен 14 жасынан бастап айналысқан.

Жерлесіміздің шығармашылығы классикалық трэп...

Мемлекет басшысы Қасым-Жомарт Тоқаев қызметтік борышын атқарудағы жанқиярлығы, сондай-ақ Түркия мен Сириядағы төтенше жағдайда көрсеткен ерлігі үшін бірқатар ТЖМ қызметкерлерін марапаттады.

Мемлекет басшының жарлығымен ІI дәрежелі «Айбын» орденімен Жоламанов Айдын Қарақоржынұлы және Топанов Құрманғали Сатыбайұлы марапатталды.

Айдын Жоламанов – Ақмола облысы Төтенше жағдайлар департаменті өрт сөндіру және авариялық-құтқару жұмыстары қызметі №1 мамандандырылған өрт сөндіру бөлімінің бастығы. Ал Құрманғали Сатыбайұлы ҚР Ұлттық Ұланы 3656 әскери бөлімінің авиациялық жасағының кеме командирі болып қызмет атқарады.

«Құрмет» орденімен құтқарушылар Айтпаев Ардақ Мақсұтұлы, Сойко Руслан Анатольевич, Цой Владимир Константинович марапатталды.

«Ерлігі үшін» медалін Алдабекова Алмагүл, Арифджанов Султан, Берлыбеков Ерік...

27 ақпанда елордалық «Тұрғын үй орталығы» «Қазақстан тұрғын үй компаниясы» АҚ арқылы Астана қаласында сатып алу құқығымен жалға берілетін тұрғын үйге құжат қабылдауды бастайды, деп хабарлайды ҚазАқпарат қала әкімдігінің ресми сайтына сілтеме жасап.

Атаулы бағдарламаға бұрын жарияланған бағдарлама бойынша пәтер көлеміне қосымша болып саналады.

Бұл бағдарламаға кез кезген санаттағы тұрғын үй кезегінде тұрған азамат қатыса алады. Тек мына еңбек салаларында қызмет етуі керек:
1) Білім беру;

2) Денсаулық сақтау;

3) Мәдениет;

4) Спорт;

5) Әлеуметтік қорғау;

Астана қаласы әкімдігіне бағынысты мекемелер;

6) Астана қаласының полиция департаменті және оған бағынысты мекемелер;

7) Астана қаласының төтенше жағдайлар департаменті және оған бағынысты.

Пәтер...

ҚР Премьер-Министрі Әлихан Смайылов Жетісу облысына жұмыс сапары аясында өңірдің көлік-логистикалық және агроөнеркәсіптік әлеуетін дамыту барысымен танысты. Бұл туралы Үкімет телеграм арнасы хабарлады.

Талдықорған әуежайында Үкімет басшысына Талдықорған – Қалбатау – Өскемен, Үшарал – Достық, Сарыөзек – Көктал, Лепсі – Балқаш автожолдарын және Үшарал қаласындағы әуежайдың ұшу-қону жолағын қайта жаңарту, сондай-ақ облыстың Алакөл ауданында транзиттік инфрақұрылымды дамыту туралы баяндама ұсынылды.

«Облыста транзиттік әлеуетті дамыту үшін барлық ресурстар бар. Оның аумағында «Достық» және «Нұр жолы» екі халықаралық өткізу пункті, «Достық» және «Алтынкөл» шекаралық теміржол стансалары орналасқан, халықаралық транзиттік маршруттар өтеді. Өңірдің барлық мүмкіндіктерін көлік-логистикалық салаға...

Әдетте біз этикет, яғни көпшілік арасында, елдің көзінше өзіңізді ұстау мәдениеті жайлы жиі айтамыз. Дәл соның онлайндағы қарым-қатынас түрі, яки нетикет ережелері де бар екенін білуші ме едіңіз? Заман ағымына қарай актуал болып отырған осы тақырыпты бүгінгі материалымызда тереңірек қозғаймыз. Әлеуметтік желіде парақшасы бар, интернет қолданатын әр адам ұстануға тиіс 15 ереже жайлы айтамыз.  

Нетикетке көшпес бұрын, Герберт Под Грайстың мынадай төрт максимасын ұстану шарт. Өйткені осы төрт ережені ұстанған адам қарым-қатынас жасағанда әдептен аспайды.

Ұлттық банк төрағасы Ғалымжан Пірматов былтыр Ұлттық қордың табысы неге түсіп кеткенін түсіндірді, деп хабарлайды ҚазАқпарат.

«Ұлттық банктің табыстылығына келсек, оны да ашық айтып келеміз. Былтырғы қорытындыны айту үшін жылдық сандарды нақтылауға уақыт керек. Ұлттық қордың 2022 жылғы табыстылығы -10,35 пайыз немесе 5,8 млрд доллар болды. Бұл Ұлттық қор ақшасын құнды қағаздарға салуға байланысты. Естеріңізде болса, былтыр акциялар нарығы мен борыштық құнды қағаздардың, облигациялардың нарығы өте құбылмалы болды. Негізгі ірі қорлардың бәрі шығын шекті. Мысалы, Швейцарияның Ұлттық банкі өзінің бүкіл 115 жылдық тарихында ең үлкен шығынға ұшырады – 132 млрд Швейцария франкін жоғалтты немесе -16,3 пайыз табыстылық көрсетті. Норвегияны...

Еліміздегі шаруа қожалықтары биылғы егіс жұмыстарына дайындалып үлгермей қалуы мүмкін. Өйткені, 1 ақпаннан бастап іске қосылған «Агрөнеркәсіп кешенін субсидиялаудың бірыңғай мемлекеттік ақпараттық жүйесінің» (СБМАЖ) жұмысында қате көп.   

Негізінде билік бұл жүйені фермерлерді қағазбастылық пен шашыраңқылықтан құтқару үшін қолданысқа енгізген болатын.  Автоматтандырылған жүйемен кәсіпкерлер gosagro.kz  веб-порталында субсидияға өтінім рәсімдеуі тиіс еді. Алайда, керісінше СБМАЖ шаруалардың көктемгі науқанға дайындығын кешіктіріп, қиындықтар туғызған.  

Мәселен, тыңайтқыштар, пестицидтер мен тұқымдарға субсидия алуға өтініш беру үшін шаруалар егістік жерлерінің картасын ұсынуы керек.  Бірақ AgroOpen сервисі шаруаларға тиесілі жер телімдері туралы деректерді қате шығарып жатыр. Нәтижесінде, шаруалар дәнді-дақылдар себілетін егістік алқаптары...

Хэйлунцзян провинциясының Халықаралық сауданы қолдау комитеті (ХСҚК) делегациясының сапары аясында Қытай (Хэйлунцзян)-Қазақстан сауда – экономикалық ынтымақтастық форумы өтті. Сонымен қатар, бірқатар екіжақты кездесулер өткізіліп, 8 құжатқа қол қойылды. Бұл туралы «KAZAKH INVEST» ҰК» баспасөз қызметі хабарлады.

Форумға қазақстандық және қытайлық бизнес-қоғамдастықтың 100-ден астам өкілі қатысты, инвестициялық жобаларды іске асыру және сауда-экономикалық ынтымақтастықты кеңейту мәселелері талқыланды.

Құттықтау сөзінде Қытайдың Қазақстандағы Елшілігінің экономикалық және коммерциялық мәселелер жөніндегі кеңесші-елшісі Су Ю «Бір белдеу, бір жол» бағдарламасы аясында екіжақты қарым-қатынастардың маңыздылығы туралы айтып берді. Ол Қытай Коммунистік партиясы Орталық Комитетінің Бас хатшысы Си Цзиньпиннің пандемиядан кейінгі алғашқы сапары Қазақстанда өткенін еске салып, бұл елдер арасындағы стратегиялық әріптестік...

2025 жылдың соңына дейін Алматыда дизельмен жүретін бірде-бір автобус болмайды. Ең бастысы, егер тиімді экологиялық көлік болса әрі жылыту маусымында көмірден және қатты отынның басқа түрінен арылса, қаланың экологиялық жағдайды алдағы 3 жылда жақсармақ.

Тұрғындармен кездесуде Мегаполистің экологиялық тұжырымдамасын дамыту туралы айтқан қала әкімі Ерболат Досаев осылай деп мәлімдеді. Әкімнің дерегінше, Алматыда «жасыл дәліздер» тұжырымдамасы жүзеге асады.

«Кеше Президент бізді жасыл дәліздер – қаланы өзендер мен көшелер бойымен көгалдандыру, экологиялық көлік түрлеріне көшуді қолдап, тапсырма берді. Сонымен қатар, жел екпіні мәселесін шешеміз. Қазір институттар мен ғалымдар оңтайлы шешім табумен айналысып жатыр», – деді қала әкімі.

Қашаған газын өңдеу 2025 жылы басталады. Бұл туралы «Самұрық-Қазына» Қоғамдық кеңесінің отырысында QazaqGaz Басқарма төрағасының орынбасары Арман Қасенов хабарлады.

Компания басшыларының айтуынша, былтыр Қашағанда газ өңдеу зауытын салу жобасы бір жылдан кейін қайта қолға алынып, қазір онда құрылыс-монтаж жұмыстары жүргізіліп жатыр.

«Зауыт қуаты жылына 1 миллиард текше метр шикі күкірт газын құрамақ. Қазір ол шырақ секілді жағылып немесе жерге қайта айдалады. Оны ГӨЗ-де өндеп, одан тазартылған сатуға дайын газ, сұйытылған газ, күкірт және газ конденсатын алады. Бұл елді газдандыруға, газ химиясын дамытуға септігін тигізеді», дейді Арман Қасенов.

Оның айтуынша, Жоба QazaqGaz басшылығына берілгеннен...

Мемлекет басшысы баршаға үлгі еткен «Родина» ауылы несімен ерекше? Ауылды несиелендіру. Мемлекет меншігіне қайтарылып жатқан жайылымдық жерлер. Алматы облысына америкалық алпауыт компанияның келетіні рас па? Елімізде сүт фермалары көптеп ашылып жатқанымен, неге дүкен сөрелерінен таза сүтті көрмейміз? Еттің бағасы, дизельдің жайы. Осы аталған мәселелер ауылшаруашылығы ғылымдарының докторы, профессор, Қазақ мал шаруашылығы және мал азығы өндірісі ғылыми-зерттеу институты басқармасының төрағасы Айбын Төрехановпен болған сұқбатта талқыланды.  

– Таяуда Мемлекет басшысы «Родина» агрофирмасының басшысы Иван Сауэрді қабылдады. Президент өз сөзінде «Родина» ауылын (Ақмола облысында) мақтап, көпке үлгі етіп көрсетті.  Сіздіңше, басқа ауылдарға осылай етуге не жетіспейді?

– Шындығында, «Родина» шаруашылығы – үлгіл...

Ұлттық Банктің Ақша-кредит саясаты комитеті базалық мөлшерлемені 16,75% деңгейінде сақтау туралы шешім қабылдады. Бұл Ақша-кредит саясатының жай-күйі туралы Ұлттық Банктің базалық мөлшерлемесі туралы ҚРҰБ Төрағасы Ғалымжан Пірматовтың
мәлімдемесін жариялады.

Базалық мөлшерлеме бойынша шешім кезекті болжамдық раундты өткізумен бірге қабылданды. Макроэкономикалық көрсеткіштер болжамын жаңартумен қатар инфляция тәуекелдерінің балансын да бағаладық. 

Қабылданған шешім елдегі инфляциялық процестерді баяулатуға, орта мерзімді перспективада инфляцияны тұрақтандыруға және нысаналы мәндерге дейін төмендетуге ықпал ететін болады.  

Сондай-ақ, оның айтуынша БІРІНШІ. АҒЫМДАҒЫ ЖӘНЕ КҮТІЛЕТІН ИНФЛЯЦИЯ ДИНАМИКАСЫ.

2023 жылғы қаңтарда жылдық инфляция, біз күткендей, өсуін жалғастырып, 20,7%-ды құрады. 25,7%-ға дейін жеделдеген азық-түлік өнімдері бағасының өсуі инфляцияға ең көп үлес қосты...

Келер жылы қыста еліміз газ тапшылығын сезінбейтін болады. Оған қоса елімізде 100 жылға жететін газ қоры бар. Бұл мәлімдемені QazaqGaz Басқарма төрағасының орынбасары Арман Қасенов «Самұрық-Қазына» Қоғамдық кеңесінің отырысында айтты.

«Келесі күзгі-қысқы кезеңде газ тапшылығы болмайды, біз мұны жіті бақылайтын боламыз. Қазақстанда газ тұтынудың өсімін ескере отырып, QazaqGaz келесі ОЗП экспортына сенім білдіре алмайды», – деді ол.

Компания өкілдерінің мәліметінше, 2022 жылдың қорытындысы бойынша Қазақстанда 21 миллиард текше метр газ пайдаланылған,  5 миллиард текше метр газ экспортталған.

Қазір елімізде өндірілетін газ қоры 3,8 триллион текше метрге тең. Сұраныс өсіп жатса да, газ қоры...

Ерболат Досаев Жетісу ауданының тұрғындарымен кездесуі кезінде Алматыда құрылыстың сейсмикалық тұрақтылығына қойылатын талаптар күшейтілетінің айтты. Бұл туралы ҚазАқпарат хабарлады.

Алматы әкімімен кездесуге келген Жетісу ауданы тұрғындарының бірі барлық көпқабатты ғимараттарды Алматыдан Gate City-ге көшіруді ұсынды. Бұл сейсмикалық қауіптілікке және инфрақұрылымға түсетін жүктемеге қатысты.

Әкім Ерболат Досаев қалада ғимараттарың биіктігіне шектеу қойылғанын айтты.

«Өздеріңіз білесіздер, Алматыда жоғары сейсмикалықты ескере отырып, бүкіл посткеңестік кеңістікте арнайы стандарттар шығаратын және бізде құрылыс үшін арнайы техникалық шарттар беретін бірегей, жалғыз институт – ҚазҚСҒЗИ бар. Біз қазірдің өзінде ең сейсмикалық белсенді аймақтағы қаланың жоғарғы бөлігінде ғимараттың қабаттылығын шектедік, олар 9 қабаттан аспайтын болады. Бұл...

Бұл туралы Қазақстан қор биржасы АҚ басқарма төрағасы Алина Алдамберген мәлім етті, деп хабарлады ҚазАқпарат.

«Қазір орталық депозиттерде немесе банк қосымшалар арқылы ашылған шоттардың жалпы саны шамамен 1 млн. KASE негізінен ірі компания және банктермен жұмыс істейді. Ал банктер жеке тұлғаларды тартады», – дейді KASE басшысы.

Оның айтуынша, Қазақстан қор биржасы – жүйені белгілейтін институт, сондықтан сектордағы барлық процесі биржа арқылы өтеді.
«Біз клиенттеріміздің сеніміне кіреміз. Олар біздің институционалдық инвесторларымыз. Оның қатарында банктер, брокерлер де бар», – деді Алина Алдамберген елордада өткен KASE DAY шара барысында.

ҚР Ұлттық Банкінің Ақша-кредит саясаты комитеті базалық мөлшерлемені +/– 1п.т. дәлізімен жылдық 16,75% деңгейінде сақтау туралы шешім қабылдады. Бұл туралы ҰБ баспасөз қызметі хабарлады.

«Бұл шешімге Ұлттық Банктің жаңартылған болжамдары, деректерді талдау, сондай-ақ инфляция тәуекелдерінің балансын бағалау негіз болды. Геосаяси жағдай мен оның салдарының белгісіздігіне, сондай-ақ азық-түліктің әлемдік бағасының жоғары болуына байланысты сыртқы проинфляциялық факторлар сақталып отыр», делінген хабарламада.

Ұлттық банктің мәліметінше, инфляцияның ішкі тәуекелдері ішкі сұраныстың орнықты болуына, логистикалық және өндірістік тізбектердің қайта құрылуына, ынталандырушы фискалдық саясатқа және әлі де жоғары қалыптасып отырған инфляциялық күтулерге байланысты.

Осыған байланысты, факторлардың жиынтық балансы орта...

Қазақстан қор биржасы (KASE) санкциялық тәуекелдерге байланысты Яндекстің бағалы қағаздарын биржаның ресми тізімінен алып тастады. Бұл туралы брифингте ұйымның басқарма төрағасы Алина Алдамберген мәлімдеді.

«Нақты санкциялық режим бар, кейінгі жылы KASE соның талаптарын қатаң сақтап отыр. Аталмыш компанияға қатысты белгілі бір санкциялық нюанстар бар, сондықтан біз тізімнен шығару туралы шешім қабылдауға мәжбүр болдық», деді ол.

Алина Алдамбергеннің айтуынша, санкция Голландияда орналасқан компанияға ғана емес, оның бас бенефициарларына да қатысты.

Биржаның басқарма төрағасы KASE-де кейбір ресейлік акциялардың листингі тоқтатылғанын айтты. Бұл санкциялық режимге, Қазақстан мен Ресей арасындағы есеп айырысу мен бағалы қағаздармен сауда жасаудың қиындығына...

АҚШ-тың солтүстік-батысында боран мен жаңбыр әлі басылмай тұр. Бұл туралы 24.kz хабарлады.

Соның салдарынан 900 мыңға жуық үй мен жеке нысан жарықсыз қалды. Қаһарлы қыс Уисконсин, Мичиган, Иллинойс, Индиана мен Нью-Йорк штаттарының тұрғындарын әбігерге салды. Соңғы ақпарат бойынша, 1300-ден астам әуе рейсі тоқтатылған немесе кейінге шегерілген. Билік жүргізушілерге жолға шықпауды ескертіп жатыр.  Желдің екпіні сағатына 80 шақырымға, ал қардың қалыңдығы 46 сантиметрден асқан. Кей жерде температура минус 40 градусқа жетті. Сарапшылар боранның жиілеп кетуін климаттық өзгерістермен байланыстырады.

2022 жылдың қаңтар-желтоқсан аралығында ақша аударымдары жүйесі арқылы Қазақстаннан шетелге жіберілген қаржы 1 трлн теңгеден асты, деп хабарлайды finprom.kz. 2021 жылмен салыстырғанда, 2,7 пайыз артық. Аударылған ақшаның басым бөлігі Өзбекстан мен Түркияға жіберілген.

Қазақстаннан шетелге аударылған қаржы көлемі екінші жыл қатарынан 1 трлн теңгеден асып отыр дейді мамандар.

Аударылған қаржы көбейгенімен, жасалған транзакция саны азайған. Яғни шетелге бір рет жіберілген қаржының орташа чегі өсіпті. 2021 жылы бір транзакцияда орта есеппен 391,5 мың теңге аударылса, 2022 жылы 415,3 мың теңгеге дейін артқан.

Қазақстаннан аударылған қаржының басым бөлігі Өзбекстан мен Түркияға жіберіледі. Былтыр Өзбекстанға Қазақстанна 289,8 млрд...

Бұл туралы елдің Мемлекеттік телеарнасы хабарлап, суретін жариялаған-деп, хабарлайды 24.kz

Тележүргізуші бұл жаттығу ядролық шабуылға қарсы бағытталғанын айтады. Зымырандар 3 минутта Корея түбегінің шығыс бөлігіне жетіп, 2 мың шақырымдағы нысанаға дәл тиген.

Түркияда кем дегенде 500 мың жаңа үй салу керек. Бұл туралы БҰҰ баспасөз қызметі хабарлады.

БҰҰ сарапшыларының айтуынша, Түркияның оңтүстігінде 1,5 миллионға жуық адам баспанасыз қалды, 41 мыңнан астам адам қаза тапты.

«Бұл Түркия тарихындағы ең үлкен жер сілкінісі және бұрын-соңды болмаған ең үлкен табиғи апат», — деді Түркиядағы БҰҰ Даму Бағдарламасының Тұрақты Өкілі Луиза Винтон.

Оның айтуынша, ең алдымен 210 миллион тоннаға дейін қоқысты тазарту қажет.