Жаңалықтар

Фото: dw.com

Халықаралық валюта қоры «2023 жыл жаһандық экономика үшін қиын жыл болады» деп болжайды. Бұл жайлы Қытайдың Хайнань аралындағы Боао қаласында өтіп жатқан Азия экономикалық форумда Халықаралық валюта қорының басқарушы директоры Кристалина Георгиева мәлімдеді.

«Жаһандық экономика біраз уақыттан бері турбулентті аймақта. Бір күйзелістен, екіншісіне тап болып жатыр. Біз 2023 жылды тағы бір қиын жыл болады деп күтеміз», – деді ХВҚ басшысы.

Георгиева Украинадағы қақтығыстың салдары мен әлемдегі ақша-несие саясатының қатаңдауы салдарынан 2023 жылы жаһандық ЖІӨ 3%-дан аз болатынын айтты.

Сейсенбіден бері Қытайдың Боао қаласында Азия экономикалық форумы жүріп жатыр. Форум 2001 жылы құрылған...

Фото: Shutterstock 

Әлемдік нарықтағы қымбат әрі жоғары сұранысқа ие металдардың көш басында қазір литий шикізаты тұр.  Дүниежүзілік банктің есебінше алдағы 2050 жылға қарай мұндай таза энергия көздеріне сұраныс артқан үстіне арта түспек.

                             Электроника дәуірінің мұнайы

Мәселен, мыс, графит, литий және кобальт сынды минералдардың өндірісі 500%-ға ұлғаюы мүмкін деп болжанып отыр. Оның ішінде литийге деген сұраныс алдыңғы қатарға шығады. Сарапшылардың айтуынша жалпы литиге әлемнің көзі өткен ғасырдың соңғы он жылдығында ғана шындап түсе бастады. Сол себепті де әлемдік сарапшылар бұл шикізат түрін электроника дәуірінің мұнайы деп атауда.

«Алғаш 1991 жылы  Sony компаниясы алғашқы литий-иондық батарея шығарғаннан...

 Фото: Асқар Ахметуллин

Астана әкімі Жеңіс Қасымбек кәсіпкерлермен кездесуден кейін БАҚ өкілдеріне берген сұхбатында LRT құрылысын Қытай компаниясы аяқтайтынын мәлім етті, деп хабарлайды ҚазАқпарат.

БАҚ өкілдері әкімнен LRT құрылысын қандай мердігер жалғастыратынын сұрады.

«Бас мердігер – Қытай компаниясы. Сол компания аталған нысанды құрылысын әрі қарай сала береді», – деді әкім.

Сондай-ақ, ол вагондарға да бас мердігер тапсырыс беретінін атап өтті.

«Нысанның жылжымалы құрамына (вагондарды – ред.) да солар тапсырыс береді. Бас мердігер белгілі болғандықтан, нысанды өзі аяғына дейін жеткізеді», – деді Жеңіс Қасымбек.

2023 жылдың қаңтар айыны...

Фото: Үкіметтің баспасөз қызметі

Бүгін қайта тағайындалған Үкімет басшысы Әлихан Смайылов орта мерзімді кезеңде экономика өсімін 5%-ға дейін жеткізіп, осы жылдың аяғына дейін инфляцияны 2 есе төмендету – басты міндетіміз деді.

Әлихан Смайылов ҚР Парламенті Мәжілісінің пленарлық отырысында Президент пен депутаттарға оған артқан сенімі үшін ризашылығын білдіріп, ол үшін үлкен жауапкершілік екенін атап өтті.

«Ең алдымен, біз Мемлекет басшысының Сайлауалды бағдарламасын және «Amanat» партиясының бағдарламасын іске асырамыз.Сонымен бірге басқа да партиялар мен депутаттардың, бизнес-қауымдастықтар мен азаматтардың сындарлы ұсыныстарын ескеретін боламыз», деді ескі де жаңа Премьер-министр.

Сонымен қатар, кәсіпкерлікті қолдау...

Былтыр 2021 жылмен салыстырғанда, қаржы пирамидалары туралы қылмыстық істер 3 есеге өсіп, 32-ден 72-ге дейін жеткен. Бұл жайлы ҚР қаржылық монторинг агенттігінің басқарма басшысы Өмірсерік Тажмағанбетов мәлімдеді.

Өткен жылдың басынан бастап, алаяқтықпен айналысқан азамттарға қатысты 17 үкім шығарылып, 27 адам сотталған. Қылмыстық іске қатысы бар әрбір азаматтың мүлкі тәркіленіп, орта есеппен 5-6 жыл бас бостандығынан айырылған екен. Биыл да алаяқтар айылын тыймаған.

«Жыл басынан бері 12 қаржы пирамидасына қатысты 15 қылмыстық іс қозғалды. Олар бойынша салымшылардың жалпы саны 7300 адамды құрады, келтірілген залал мөлшері 600 млн теңгеге жетті», дейді Өмірсерік Тажмағанбетов. Сонымен қатар қаржы пирамидалары...

Қаржылық мониторинг агенттігі интернет-ресурстарды тексеруге арналған Telegram-ботты іске қосты. Қаржы пирамидалары мен олардың салымшыларын барынша азайту мақсатында ҚР Қаржылық мониторинг агенттігі IT-құралдарды пайдалана отырып, интернет-кеңістіктегі жаңалық порталдарын, блогтарды, сайттар және әлеуметтік желілердің аккаунттарын заңға қайшы тұстарын анықтау үшін тексеріп отырады.
Осылайша құзыретті органдар жәбірленушілерден мәлімдеме күтпей, «жалған қаржылық» компанияларды ертерек анықтауды қолға алған. Сол себепті жыл басынан бері интернет-ресурстарды тексеруге арналған Telegram-ботты іске қосқан. Енді азаматтар сайттар мен әлеуметтік желілерді қаржылық пирамида белгілерінің бар-жоғын өз бетінше тексере алады. Бұл олардың «алаяқтық» схемаларға араласуына жол бермейді.

«2022 жылы қаржы пирамида белгілері бар 6,5 мың сайт пен аккаунт бұғатталды...

Сарапшылар 2023-2025 жылдары инфляция деңгейі бұған дейін жасалған болжамдардан жоғары болады деп күтеді. 2023 жылы респонденттер инфляцияны 12,2% (ақпанда – 11,8%), 2024 жылы – 8,8% (8,0%) және 2025 жылы – 7,2% (7,0%) деңгейінде болжайды. Бұл туралы Қазақстан Ұлттық Банкі жүргізген кезекті макроэкономикалық сауалнама нәтижесінде жазылған.

Сауалнамаға Қазақстанда макроэкономикалық көрсеткіштерді талдаумен және болжаумен айналысатын 12 ұйым қатысқан. Респонденттердің қатарына нарықтың кәсіби қатысушылары, зерттеу институттары, халықаралық ұйымдар мен рейтинг агенттіктері бар.

Респонденттердің болжамы 2023 жылдың ақпан айында жүргізілген соңғы сауалнамадан кейін біршама өзгерген.

Тауарлар мен қызмет экспорты және импорты бойынша болжамдар төмендеді. Қазақстан экономикасының өсуі мен мұнай бағасына қатысты болжамдар өзгеріссіз қалды.

Сөйтіп...

АШМ тұқымдық бидайдан басқа бидайды 6 ай мерзімге автомобиль көлігімен Қазақстанға әкелуге тыйым салуды енгізуге бастамашылық жасады. Бұл бастама соңғы бірнеше жылда бидайдың заңсыз әкелінуінен зардап шеккен қазақстандық астық пен ұн нарығындағы ағымдағы жағдайға байланысты туындады.

Тиісті нормативтік-құқықтық актінің жобасы жария талқыланып жатыр. Бұл туралы ведомстваның баспасөз қызметінен хабарлады.

«Салалық қауымдастықтардың деректері бойынша  «сұр» импорттың көлемі жылына 1,5-2 млн тоннаға жетеді, ал мемлекетке келтірілген жалпы шығын жыл сайын 500 млн доллар мөлшерінде бағаланады» делінген хабарламада. 

Министрлік дерегінше, контрабандалық астықтың қомақты үлесі автокөлікпен импортталады.

«Әкелінген бидай ҚҚС төлемей шаруа қожалықтарына және жасырын кері экспорт түрінде рәсімделеді, транзиттік тариф...

Қасым-Жомарт Тоқаев Парламент Мәжілісінің пленарлық отырысында Үкіметтің атқарған жұмысына баға берді.

«Біз соңғы жылдары жаһандық және жалпыұлттық ауқымдағы көптеген қиындықты бастан өткердік. Үкімет күрделі кезеңдегі жаңа талапқа тез бейімделді. Сол арқылы экономиканың тоқырауына жол берген жоқ. Жұмыс орындарын қысқартпай, сақтап қалды. Шұғыл шаралардың нәтижесінде ел экономикасы 3,2 пайызға өсті», – деді Тоқаев.

Айтуынша, халықтың алдындағы әлеуметтік міндеттемелер уақтылы және толығымен орындалды.

Сондай-ақ Үкімет пен Парламент экономиканы дамытып, халықтың әл-ауқатын арттыру үшін барлық күш-жігерін жұмылдыруға тиіс екенін айтты.

«Тұрақты экономикалық өсімнің жылына кем дегенде 4 пайыз болуын қамтамасыз ету керек. Сондықтан экономиканы...

Мәжілістің кеңейтілген отырысында Президент премьер-министр лауазымына Әлихан Смайыловты ұсынды деп хабарлады Ақорда.

«Мен сайлауда жеңіске жеткен партия мемлекет басшысына премьер-министрдің кандидатурасын ұсына алатынын атап өттім. Бүгін мәжіліс төрағасы Ерлан Қошановты қабылдадым. Жаңа ғана фракция жетекшілерімен арнайы кездестім. Үкімет басшысы лауазымына Amanat партиясы ұсынған кандидатты талқыладық. Ортақ мәмілеге келдік», – деді Тоқаев.

Бұған дейін Президенттің қабылдауында болған Мәжіліс спикері және Amanat партиясының төрағасы Ердан Қошанов Әлихан Смайловтың кандидатурасын ұсынған болатын.

Президент Мәжіліс отырысында Әлихан Смайылов үкіметтің алдында тұрғаны міндеттерді білетінін айтты.

«Баршаңыз бұл азаматты жақсы танисыздар. Білікті әрі тәжірибелі маман...

Алматы тұрғындары TikTok әлеуметтік желісінде заңсыз ойын бизнесін ұйымдастырғаны үшін 1,5 жылға бас бостандығынан айырылды. Қаржы мониторингі агенттігінің қалалық департаменті әлеуметтік желіде заңсыз ойын бизнесін ұйымдастырушылардың әрекетін тоқтатты.

Алматы тұрғындары «TikTok» әлеуметтік желісінде ақша алып, ұтыстарды банк аударымы арқылы беріп, онлайн құмар ойын ұйымдастырған.

«Тергеу барысында азаматтардың әлеуметтік желілерде 4 ай ішінде заңсыз ойын бизнесін ұйымдастырып, 13 миллион теңгеге жуық сомаға аса ірі көлемде кіріс алғаны дәлелденген», делінген хабарламада.

Алматы қаласының екі тұрғыны кінәлі деп танылып, 1,5 жылға бас бостандығынан айырылды. Сонымен қатар, сот заңсыз ойын бизнесі саласында аса ірі көлемде...

Алматы әкімі Ерболат Досаев Түрксіб ауданы тұрғындарымен кездесу барысында қаладағы екі темір жол вокзалы да «Қазақстан темір жолы» АҚ балансына қайтарылатынын мәлім етті.

«Екі вокзалды да ҚТЖ-ға қайтарамыз деген шешімге келдім. Бұл дұрыс шешім деп ойлаймын. Өйткені бір кездері оны неге екенін қала балансына алған. Вокзал ол темір жол инфрақұрылымының бір бөлігі», — деді Досаев.

Әкімнің сөзінше «Алматы-1» вокзалында жүргізіліп жатқан жөндеу жұмыстары қазір аяқталуға таяу, Сондай-ақ, ол инфрақұрылымды дамытуға тағы да қаражат қажет екенін атап өтті,.

Досаев сондай-ақ, «Алматы-1» вокзалы аумағында бірнеше деңгейлі паркинг пайда болуы мүмкін екенін мәлім етті.

Twitter, SpaceX және Tesla компанияларының иесі Илон Маск, Apple негізін қалаушы Стив Возняк пен технология саласындағы басқа да танымал тұлғалар GPT-4 де күшті жасанды интеллект (AI) жүйесін дамытуды кемі 6 айға тоқтата тұруды сұрап, ашық хат жолдады. Бұл туралы Интерфакс-Қазақстан агенттігі жазады.

«Біз бүкіл AI зертханаларын GPT-4-тен асып түсетін AI жүйелерін оқытуды кемінде алты айға тоқтата тұруға шақырамыз», делінген «Өмір болашағы» коммерциялық емес институт веб-сайтында жарияланған хатта.

Хат авторларының пікірінше, бұл уақытты озық жүйелерге қажет қауіпсіздік хаттамаларын бірлесіп әзірлеу мен енгізу үшін пайдалануы керек. Әзірлеушілер заманауи AI-ды қауіпсіз, түсінікті және таза етуге...

Президент Қасым-Жомарт Тоқаев Парламент Мәжілісінің және «AMANAT» партиясының төрағасы Ерлан Қошановты қабылдады. Бұл туралы Ақорданың баспасөз қызметі хабарлады.

Мемлекет басшысына «AMANAT» партиясының атынан Премьер-Министр лауазымына Әлихан Асханұлы Смайыловтың кандидатурасы ұсынылды.

Қолданыстағы заңнамаға сәйкес, Мемлекет басшысы ұсынылған кандидатураны Мәжілістегі партиялардың фракцияларымен жуық арада талқылайды.

Айта кетейік, Парламенттің бірлескен отырысында Қасым-Жомарт Тоқаев премьер-министрдің кандидатурасын сайлауда жеңіске жеткен партия ұсынуға құқылы екенін айтты.
«Премьер-министрдің кандидатурасын сайлауда жеңіске жеткен партия мемлекет басшысына ұсынуға құқылы деп айттым. Осы ретте саяси жауапкершілік те сол партияға жүктеледі. Бұл тәсіл күшті Президент – ықпалды Парламент – есеп беретін Үкімет» тұжырымдамасына сай келеді. Үкімет әлеуметтік-экономикалық реформаларды іске...

127 млн теңгеден астам сомаға бағаланған 800 тоннаға жуық материалдар ұрлаумен айналысып келген қылмыстық топ әшкере болды. Бас көлік прокуратурасы таратқан ақпаратқа сәйкес, топ құрамына «Қазақстан темір жолы «ҰК» АҚ-ы Қарағанды бөлімшесінің 17 қазіргі және бұрынғы жұмысшылары тартылған. Оларға полиция қызметкері қамқорлық жасаған.

«Бас көлік прокуратурасының үйлестіруімен Көліктегі департаменттің Ұйымдасқан қылмысқа қарсы күрес басқармасы 2 жыл бойы темір жолдардың жағдайын жақсартуға арналған материалдарды ұрлаумен айналысқан қылмыстық топты әшкереледі. Тергеу пікірінше, ұрланған төсемдер, шпалдар, рельстер және басқа да тауарлар жарамсыз немесе белгілі бір ақаулары бар жол төсемінің жоғарғы құрылымының бөліктерімен ауыстырылды деп жалған мәліметпен есептен шығарылған» делінген хабарламада.

Ұрланған тауарларды...

Фото: shutterstock.com

Silicon Valley Bank банкрот болған соң, америкалықтар банктерден 100 миллиард долларын шығарып алған, деп жазады Экономикалық зерттеулер институтының телеграм арнасы.

Silicon Valley Bank (SVB) банкротқа ұшыраған соң, американдықтар бірнеше күн ішінде банктерден шамамен 98,4 миллиард доллар шығарып алған. Алайда, АҚШ билігі елдегі қаржы жүйесінің тұрақты жұмысын жариялау арқылы жұртшылықты тыныштандыруға тырысп жатыр.

Банктерден қомақты қаражат алынғанына қарамастан, банк шоттарында әлі де 17,5 трлн доллардан астам қаржы бар, яғни алынған ақша бүкіл соманың 0,6% құрады.

Айта кетейік, 10 наурызда Калифорния штатының қаржы реттеушілері соңғы 15 жылда ең ірі банкке айналған SVB-ді жауып тастады. Wall...

Қазақстан Қашағанда кен өндіретін оператор NCOC консорциумына қоршаған ортаға тигізген залалы үшін 2,3 трлн теңге (5,1 млрд доллар) көлемінде айыппұл салу туралы шағым түсірді. Бұл туралы еліміздің Экология және табиғи ресурстар министрлігіне сілтеме жасап, Bloomberg  жазады.

«ҚР Экология министрлігі North Caspian Operating Company (NCOC) компаниясын өндірістік нысанда рұқсат етілген шамадан екі еседен көп күкірт сақтағаны үшін айыптап отыр», — деп жазады басылым.

Бұдан бұрын NCOC компаниясы талаптарға сай жұмыс істейтінін мәлімдеген болатын.

Қашаған кен орны соңғы он жылдықта ашылған ең ірі мұнай кені саналады. Ондағы кен қоры...

«Қазгидромет» РМК ұсынысы негізінде Шымбұлақ тау-шаңғы курорты аумағында демалушылардың қауіпсіздігін қамтамасыз ету, сондай-ақ биіктікте және қар жамылғысының тұрақсыз жағдайына байланысты (қардың биіктігі 90-140 см) қолдан қар көшкіні жүргізілді. Бұл туралы ҚазАқпарат хабарлады.

29 наурызда Кіші Алматы өзенінің алабындағы №26Б қар көшкіндерін жинау орнында (Талғар асуы) қар түсіру жұмыстары жүргізілді. Түсірілген қар көлемі 900 текше метрді құрады, қар көшкіні тау шаңғы трассасына жетпей еңіске тоқтады.

Сол сияқты, №56 қар көшкінін жинау орнынан да түсірілген қар көлемі 5000 текше метрді қамтыды, қар көшкіні тау баурайының етегінде тоқтады.

Профилактикалық жұмыс барысында зардап шеккендер мен шығындар болған жоқ.

Ұлыбританияның жаңа королі баратын бірінші ел Франция болады деп жоспарланған болатын, бірақ Парижде қазір зейнетақы реформасына қарсы жаппай наразылық жүріп жатқандықтан сапарды кейінге қалдыруға тура келді. Сондықтан ІІІ Чарльз Ұлыбритания монархы ретінде Германияға алғашқы шетелдік сапарын жасайды. Бұл туралы ҚазАқпарат хабарлады.

 ІII Чарльз король мен патшайым Камилла Берлинге үш күндік сапармен келеді.

Бұл – британдық монархтың сегіз жылдағы алғашқы мемлекеттік сапары.

Ұлыбритания монархының Германиядағы алғашқы кездесуі өтетін Бранденбург қақпасында оған әскери құрмет көрсетіліп, салтанатты жиын өтеді.

Гамбургте король соғыс кезінде одақтастардың қаланы бомбалауын еске түсіретін қираған шіркеу – Әулие Николай мемориалына барады.

Дарем университетіндегі халықаралық ғалымдар тобы ғарыштан алып қара ойықты тапты. Бұл туралы зерттеу Monthly Notices of the Royal Astronomical Society басылымында жарияланды.

Ғалымдардың зерттеуінше, табылған нысан күн массасынан 30 миллиард есе үлкен екен.

Monthly Notices of the Royal Astronomical Society басылымының мәліметінше, жаңа нысанды ашу үшін мамандар алыстағы денеден түсетін жарықты және галактиканы үлкейтіп көруге мүмкіндік беретін гравитациялық линза әдісін қолданған.

Ақтау тұрғынына еліміздегі соттан тыс банкроттық рәсімін қолдану туралы алғашқы өтініш мақұлданды, деп хабарлайды Маңғыстау облысы бойынша Мемлекеттік кірістер департаментінің баспасөз қызметі.

Департаменттің хабарлауынша, Маңғыстау облысында 1,5 мың тұрғын соттан тыс банкроттық рәсіміне өтініш берген. Ақтауда- 430 адам; Мұнайлы ауданында – 428 адам; Жаңаөзенде – 408 адам.

 Соттан тыс банкроттық рәсімі аясында 1600 АЕК-ке дейін қарызы бар адамдар қамтылады. Ол үшін бірнеше шарт ескерілуі керек. Осы орайда банктер, микроқаржы ұйымдары, коллекторлық агенттіктер алдындағы берешек 1600 АЕК сомасынан аспауы тиіс.

Егер азамат банкрот деп танылса, құжатта 5 жылға несие алуды шектеу ескерілген. Екіншіден, азаматтар 7 жылдан кейін ғана банкроттыққа қайта...

  Биыл Орталық Азия елдерінің жалпы ішкі өнімінің (ЖІӨ) өсу қарқыны 4,1 пайызды құрайды. Бұл туралы ҚазАқпарат Боао Азия форумының (БАФ) жарияланған жылдық есебінде сілтеме жасап хабарлады.

Өңірдегі даму келешегі мен интеграциялық үдерістерге арналған талдамалық құжатта атап көрсетілгендей, жалпы алғанда, Азия елдерінің экономикалық өсу қарқыны 2023 жылы 4,5 пайызды құрады.

Субөңір бойынша Шығыс Азиядағы ЖІӨ өсімі биыл 4,5%-ға дейін өседі деп күтіліп отыр. Бұл үрдіс Қытай экономикасының қалпына келуіне байланысты.

Дүниежүзілік банктің (ДБ) бағалауынша, Вьетнам, Филиппин, Моңғолия және Камбоджаның экономикалық өсу қарқыны сәйкесінше 6,3%, 5,4%, 5,3% және 5,2% болады.

Оңтүстік Азия 2023 жылы ең жоғары жалпы өсу қарқыны...

Қазақстан Ұлттық Банкі шағын бизнес үшін банктік шоттардан қолма-қол ақша алу лимитін төмендетпеді. Бұл туралы «Атамекен»Ұлттық Кәсіпкерлер Палатасы хабарлады.

«2023 жылдың басында билік органдары Ұлттық банкке қолма-қол ақшаны алу лимитін екі есеге, яғни 10 млн теңгеге дейін төмендетуді ұсынды»- делінген Ұлттық палата хабарламасында.

Өз тарапынан» Атамекен » қолма-қол ақша лимитін сақтауды немесе ұлғайтуды сұрады.

2020 жылдың 1 маусымынан бастап Қазақстанда шағын бизнес үшін банктік шоттардан қолма – қол ақша алуға – 20 млн теңге, орта кәсіпорындар үшін – 120 млн теңге, ірі кәсіпорындар үшін-150 млн теңге айлық лимиттер қолданылады.

Су тасқыны жағдайына байланысты 2023 жылғы 29 наурыздан бастап Қостанай облысы Жітіқара ауданы аумағындағы Ресей Федерациясы Челябинск облысының ресейлік «Мариинский» өткізу пунктіне қарама-қарсы орналасқан «Желқуар» автомобильдік өткізу пунктінде Қазақстан Республикасының Мемлекеттік шекарасы арқылы адамдарды, көлік құралдарын, жүктер мен тауарларды өткізу уақытша тоқтатылды. Бұл туралы ҚР ҰҚК баспасөз қызметі хабарлады.

«Желқуар» автомобиль өткізу пунктінде Қазақстан Республикисының Мемлекеттік шекарасы арқылы адамдарды, көлік құралдарын, жүктер мен тауарларды өткізуді қайта бастау туралы ақпарат қосымша жарияланатын болады.

Көлік құралдарының жүргізушілеріне қалыптасқан жағдайды ескере отырып, қозғалыс бағыттарын түзету ұсынылады.