Жаңалықтар

2023 жылдан бастап шетелде өндірістік тағылымдамадан өту үшін «Болашақ» президенттік стипендиясының иегерлеріне еңбекпен өтеу мерзімін 1 жылға шегеру мүмкіндігі беріледі. Стипендиаттар «Fortune Global 500», «Forbes Global 2000», «Forbes Top 100 Digital Companies», әлемдік рейтингтеріне кіретін ұйымдарда, БҰҰ-ның халықаралық ұйымдарында тағылымдамадан өте алады. Сондай-ақ докторанттарға алған мамандығы бойынша постдокторантурадан өту үшін еңбекпен өтеу мерзімі шегеріледі. Бұл туралы ҚР Білім және жоғары білім министрлігінің телеграм арнасы хабарлады.

«Өзгертулердің арқасында «Болашақ» стипендиаттары шетелдік жоғары оқу орындарында академиялық оқуын аяқтағаннан кейін әлемдегі үздік халықаралық компанияларда жұмыс істей алады. Бұл оларға жетекші ұйымдарда тәжірибе жинақтап, халықаралық деңгейдегі кәсіби байланыстар орнатуға мүмкіндік беред...

ІІМ және ҰҚК ведомствоаралық жедел-тергеу тобы БАҚ өкілдеріне шабуыл ұйымдастырды деп күдік келтірілген топтың іс-әрекетін әшкерелеп, жолын кесті. Бұл туралы Ақпарат және қоғамдық даму министрлігінің баспасөз қызметінен хабарлады.

«Алматыда арандатушылық шабуылдардың тікелей үйлестірушісі – шетелдік азамат, білікті хакер О.Токарев ұсталды. Оның уақытша тұрып жатқан жерінен шабуылдарды басқару, анонимді телеграмм-аккаунттарда «тапсырыстар» беру, орындаушыларды табу және олардың акцияларына ақы төлеу жүргізілген техника табылып, тәркіленді», – делінген ІІМ ақпаратында. 

Ақпаратқа сәйкес, аталған топ В.Борейкоға, Г.Бажкеноваға, Г.Ерғалиеваға, С.Ибраеваға және басқа да БАҚ өкілдеріне қарсы 30-дан астам арандатушылық жасаған.

«Бұл – автокөлікті өртеу, журналистерге, олардың туыстары мен редакцияларға қоқан-лоққы көрсету мен шабуылдар жасау...

Exeed дистрибьюциясының Қазақстандағы директоры Борис Сасин 2023 жылы Қазақстан автонарығында қытайлық көліктердің сатылым қарқыны артады деп тұжырымдайды.

ҚХР-дан келген автобрендтер ел тұрғындары арасында танымал. Қазақстандық автобизнес қауымдастығының статистикасына сәйкес, былтыр қытайлық өндірушілер ҚР автонарығындағы үлесін үш есе арттырды: 2021 жылғы 4%-дан 2022 жылы 11%-ға дейін жеткен.

«Қытайдың автомобиль өнеркәсібі қарқынды дамып келеді. Бұл дамудың әсері сол, олар жаңа нарықтарға шығып, оларды жаулап алып жатыр. Бұл процесс үдей түспесе, кемімейді. Біз нарықта Қытайдан келген жаңа брендтерді көреміз. Өте үлкен бәсеке орнап, олар [қытайлық автобрендтер] Қазақстанда да, басқа елдерде де өз үлесін арттыратын болады», деді Сасин.

«Орталық Азия электр энергетикалық корпорациясының» облигациялары KASE-тің тізімінде тұрғаны белгілі.
Құнды қағаздары Қазақстан қор биржасының (KASE) ресми тізімінде тұрған «Орталық Азия электр энергетикалық корпорациясы» АҚ (Астана) 2023 жылдың 22 ақпанынан бастап «Астана-ЕРЦ» ЖШС жарғылық капиталына қатысудың 42,25 % үлесін иеленуді тоқтатқаны туралы KASE-ге хабарлады. Бұл туралы kase.kz сайтында жарияланды.
Аталмыш компанияның ішкі ресми құжаттары сайттың арнайы бетінде сілтеме арқылы жарияланған.

3-наурыздан бастап елімізде  «Қазақстан Республикасы азаматтарының төлем қабілетін қалпына келтіру және банкроттығы туралы» заң күшіне енеді. Осы күннен бастап өз қарызын өтей алмай жүрген отандастарымыз өздерін банкрот деп жариялауға өтінім бере бастайды.
Аталған  заң қарызға батқан қазақстандықтардың  қаржылық тығырықтан шығуына қаншалықты әсере ете алады? 

Жыл басында өткен үкімет отырысында ҚР Қаржы нарығын реттеу және дамыту агенттігінің басшысы Мәдина Әбілқасымова: «2022 жылдың 11 айында банктердің жеке тұлғаларға берген кредиттері 13,9 трлн теңгеге жетіп, қарыз алушылардың жалпы саны 6 млн 868 мың адамды құрады. Оның ішінде 90 күннен астам мерзімі өткен кредиттердің үлесі 5,6% немесе 461 млрд теңге. Елімізде 90 күннен астам кешіктірілген...

Қарағандыдағы оқ-дәрі зауыты – «Steel manufacturing» ЖШС – «Қазақстан инжиниринг» акцияларын төлеуге тапсырды. Бұл туралы Үкіметтің қаулысы жарияланды.

«Қазтехнология» АҚ сыйға тарту шарты бойынша «Steel manufacturing» ЖШС жарғылық капиталындағы қатысу үлесінің 100% республикалық меншікке беру туралы ұсынысын қабылдасын. «Қазақстан инжиниринг «Ұлттық компаниясы» АҚ (Kazakhstan Engineering) акцияларын төлеуге серіктестіктің жарғылық капиталындағы мемлекеттік қатысу үлесінің 100% берілсін», делінген Үкімет қаулысында.

Қазақстанның бірқатар өңірлерінде қордан шығарылған әлеуметтік маңызы бар көкөністер үкімет белгілеген бағадан қымбатқа сатылып келген. Бұл жайлы Премьер-Министрдің орынбасары – Сауда және интеграция министрі Серік Жұманғарин мәлімдеді.

Естеріңізде болса, Әлихан Смайылов азық-түлік бағасын реттеу үшін тұрақтандыру қорларындағы азық-түлікті шығаруды тапсырған еді. Өткен жылдың күзінде форвардтық сатып алу ақылы қорларда сақталған бұл өнімдер халыққа қонымды бағамен сатылуы тиіс еді. Алайда, билік нұсқаулығы орындалмай, азық-түлік сол күйі қымбат бағада сатылып келген. Бұл мәселені шешу үшін Серік Жұманғарин Ауыл шаруашылығы министрлігіне қордағы көкөністердің қандай мөлшерде қалғанын және қалай сатылып жатқанын тексеруді тапсырды.

«Азық-түлік бағасы – бүгінгі күн тәртібіндег...

Су тасқыны кезеңінде әкімдіктердің елдімекендердегі қарды уақытында шығаруы маңызды. Бұл туралы Төтенше жағдайлар министрі Юрий Ильин айтты.

«Өткен жылдардағы тәжірибе көрсеткендей елдімекендерді су басу қаупінің алдын алуда қардың уақтылы шығарылуы маңызды. Жергілікті бюджеттерден қар шығаруға бөлінген қаражатты талдау олардың негізінен ірі қалалар мен облыс орталықтарына бөлінетінін белгілі болды, ал көптеген ауылдық елдімекен тиісті назардан тыс қалатынын көрсетеді», – деді министр Үкімет отырысында. 

Министрліктің мәліметінше, биыл әкімдіктер қар шығаруға 14,6 млрд теңге бөлген. Оның ішінде 5,9 млрд теңгесі игерілген.

Қазір елдімекендерден 11 миллионнан аса текше метр қар шығарылды. Бұл өткен жылмен салыстырғанда 2 миллионға артық — 2022 жылы 9,634 миллион текше...

Зейнетақы активтерінің инвестициялық кірісі өткен жылғы көрсеткіштен асып түсті. Бұл туралы БЖЗҚ баспасөз қызметі хабарлады.

2023 жылғы қаңтарда есептелген зейнетақы активтерінің инвестициялық кірісі сәйкес кезеңнің көрсеткішінен 5,4 есеге артып, 66,4 млрд теңгеге жетті.

2023 жылғы 1 ақпандағы жағдай бойынша ҚРҰБ және инвестициялық портфельді басқарушылардың (ИПБ) құзыретіндегі портфельдің 12 айдағы инвестициялық кірістілігі төмендегідей болды: ҚРҰБ (6,93%), «Halyk Global Markets» АҚ (6,89%), «Jusan Invest» АҚ (6,44%), «BCC Invest» АҚ (4,93%), «Сентрас Секьюритиз» АҚ (4,67%).

Естеріңізге сала кетейік, зейнетақы активтерінің қысқа уақыт аралығындағы кірістілігі оларды басқару тиімділігінің көрсеткіші бола алмайды. БЖЗҚ-ның зейнетақы активтері ұзақ инвестициялық көкжиекпен сипатталады. Оларды инвестициялаудың негізгі мақсаты – ұза...

Төтенше жағдайлар министрі Юрий Ильин су тасқыны кезеңінде Шардара мен Көксарай су қоймайларында жағдай әлі күрделі екенін айтты.

«Жыл басынан бері Шардара су қоймасында және Көксарай су реттегішінде жағдай күрделі. Қазір Шардара су қоймасының суға толуы – 5,1 млрд м3 немесе 98%. Көксарай су реттегішінде – 1,8 млрд м3 немессе 98%. Осыған байланысты Су ресурстары комитетінің тапсырысы бойынша «Қазгипроводхоз» институты тексеру жүргізіп, оның техникалық жай-күйі туралы қорытынды берді. Оған сәйкес жинақтау 1,8 млрд м3 судан аспауға тиіс», – деді министр Үкімет отырысында.

Министр бұл туралы Экология және табиғи ресурстар министрлігіне бірнеше рет хабарланғанын атап өтті.

Атом қуаты халықаралық агенттігінің мамандары Қазақстанға келіп, еліміздің атом-энергетикалық инфрақұрылымына инспекция бастап кетті, деп хабарлайды Энергетика министрлігінің баспасөз қызметі.

«2023 жылғы 27 ақпанда АЭХА өкілдері мен сыртқы халықаралық сарапшылардың қатысуымен Қазақстанның ядролық-энергетикалық инфрақұрылымын дамытудың кешенді есебін жетілдіруге жәрдемдесу үшін сарапшылар миссиясы басталды.Миссия шеңберінде Қазақстанның ядролық-энергетикалық инфрақұрылымын дамыту, оның ішінде бірінші АЭС салу жөніндегі мәселелердің кең спектрін қамту жоспарлануда. АЭХА миссиясы 2023 жылдың 3 наурызына дейін жалғасады», делінген хабарламада.

Бұл миссияның мақсаты – халықаралық сарапшылармен тәжірибе алмасу арқылы Қазақстанға кешенді есепті әзірлеуге қолдау көрсету. Миссияға ҚР Еңбек және халықты әлеуметтік қорғау министрліг...

Дижитал амнезия немесе «Google эффектісі» дегенді бұрын-соңды естігенсіз бе? Бұл адамдардың уақыт өте келе жадының нашарлауынан пайда болады. Иә, оның әдеттегі жас ұлғайған кездегі жадтың азаюынан айтарлықтай айырмашылығы бар. Бүгінгі материалымызда осы туралы айтамыз.

Байқасаңыз, кейінгі кездері телефон нөмірлерін, жақыныңыздың пәтерінің нөмірін, осыдан бес минут бұрын сағат қарағанда неше болғанын есте сақтау қиындап барады. Мұндай басыңыздан өтіп жүр ме? Мұның себебі мынада: бір қарағанда маңызды фактілер болғанымен, оны есте сақтау маңызды емес деп ойлаймыз. Өйткені оны гаджет, компьютерден қарап алуға олатынын білеміз, сондықтан оны жаттауға миымыз күш салғысы келмейді. Дижитал амнезияның қандай кемшіліктері бар? Артықшылықтары бар ма? Талдап көрелік.

Мұны...

Оманның «Salam Air» әуе компаниясы 2023 жылғы 1 шілдеден бастап аптасына екі рет Маскат-Алматы бағыты бойынша тікелей рейс ашпақ. А–320neo және А-321neo типті әуе кемелері бейсенбі мен жексенбі күндері екі қала арасында тұрақты қатынайтын болды.

ҚР ИИДМ Азаматтық авиация комитеті және Оман авиациялық билігі бірлесіп халықаралық рейстердің санын ұлғайту, сондай-ақ «ашық аспан» режимін іске асыру мақсатында осы бағытты ашуға келіскен.

Қазақстан мен Оман арасында әуе қатынасының ашылуы елдер арасындағы сауда-экономикалық, туристік және мәдени ынтымақтастықты дамытуға ықпал ететін болады.

«Salam Air» – Оманның Маскат қаласында орналасқан омандық төмен бюджеттік авиатасымалдаушы. Ұшуды 2016 жылы бастады. Әуе компаниясы  әлемнің 20-ға жуы...

АҚШ Мемхатшысының Орталық Азияға сапары басталды. Бүгін АҚШ Мемлекеттік хатшысы Энтони Блинкен Қазақстанға ресми сапармен келеді. Мемхатшы Қазақстан Президенті Қасым-Жомарт Тоқаевпен және Сыртқы істер министрі Мұхтар Тілеубердімен кездесу өткізбек. Сарапшылар Блинкен сапарының маңызы зор деп санайды. Жоғарыда айтылған кездесулермен қатар Астанада Орталық Азия елдерінің сыртқы істер ведомстволарының басшыларымен С5+1 форматында жиын болады. Бұл да әрине, тектен текке ұйымдастырылмаса керек. Кездесуде өңірлік ынтымақтастықты дамыту мәселелері және АҚШ серіктестігі сөз болмақ.

Қазіргідей геосаяси жағдайда Орталық Азияға, соның ішінде Қазақстанға АҚШ Мемхатшысының келуін – аса тосын демесек те, құпияға толы сапар деп сипаттасақ болғандай. Bloomberg басылымы Блинкен Орталық Азия...

2023 жылдың қаңтар айында екінші деңгейлі банктер мен банктік емес жекелеген айырбастау пунктерінде жалпы салмағы 79,5 келі 2 364 алтын құйма сатылды. Бұл туралы Ұлттық банктің баспасөз қызметі хабарлады.

Халыққа тазартылған алтын құймаларды сату және сатып алу бағдарламасын (бұдан әрі – Бағдарлама) Ұлттық Банк 2017 жылы іске қосқан болатын. Бағдарлама қолға алынғалы жалпы салмағы 3,9 тонна 115 209 алтын құйма сатылды.

Алтын құймалар бес түрлі салмақта ұсынылады: 5, 10, 20, 50 және 100 г. Сатып алушылар арасында сұранысқа ие түрі – 10 грамдық алтын құйма. Жалпы сатылған құймалар арасында оның үлесі 26% – 29 723 дана. Одан кейін 5 грамдық алтын...

Сыртқы істер министрлігінің ресми өкілі Айбек Смадияров Қазақстан Шенген визасын алудың «қара тізіміне» енді деген ақпаратқа қатысты пікір білдірді.

«1 наурыздан бастап шенген визасын беру кезінде қазақстандықтардан қосымша консультация талап етіледі. Шенген келісімінде «қара» немесе «қызыл» тізім деген ұғым жоқ. Бұл жерде әдеттегі жұмыс процесі туралы айтылған. Мұндай талапты Шенген келісіміне кіретін бір ел сұратқан», – деді Айбек Смадияров.

Министрліктің ресми өкілі мәселенің себебіне де тоқталды. Оның сөзінше, Еуроодақ пен Шенген келісіміне енетін елдер виза алуға өтініш берген үшінші елдің азаматтарына қосымша консультация өткізуге құқығы бар.

«Консультация 7 күнге созылады. Жалпы алғанда Қазақстан азаматтары үшін визаны қарау рәсімінде қандай да...

Мәжіліс сайлауы кезінде 62 мемлекетте 77 сайлау учаскесі құрылды. Бұл туралы сыртқы істер министрлігінің ресми өкілі Айбек Смадияров мәлімдеді.

«Қазақстанның шетелдегі мекемелері жанынан 62 мемлекетте 77 сайлау учаскесі құрылды. Дауыс беруге қатысу үшін шет мемлекетте тұратын немесе жеке жұмысы, оқу бойынша, турист ретінде жүрген Қазақстан азаматтары сайлау учаскесі бар консулдық өкілдігіне жүгіне алады»,- деді Айбек Смадияров.

Смадияровтың айтуынша, шетелдегі сайлау учаскесінде дауыс беру үшін Қазақстан азаматтары елшіліктерге хабарласып, алдын ала мәлімет беруі керек.

«Учаскелердің байланыс деректері министрліктің ресми сайтында жарияланады»,- деді министрліктің ресми өкілі.

Айта кетейік, мәжіліс пен мәслихат депутаттарының кезектен тыс сайлауы 19 наурызда өтеді.

АҚШ мемлекеттік хатшысы Энтони Блинкен Қазақстанға сапары барысында ел президенті Қасым-Жомарт Тоқаев және премьер-министрдің орынбасары – сыртқы істер министрі Мұхтар Тілеубердімен кездеседі. Бұл туралы сыртқы істер министрінің ресми өкілі Айбек Смадияров айтты.

«2023 жылдың 28 ақпанында АҚШ-тың мемлекеттік хатшысы Энтони Блинкеннің Қазақстанға алғашқы ресми сапары өтеді. Астанада АҚШ-тың мемлекеттік хатшысын президент Қасым-Жомарт Тоқаев қабылдайды әрі премьер-министрдің орынбасары – сыртқы істер министрі Мұхтар Тілеуберді қабылдайды», – деді Смадияров.

Сол күні Энтони Блинкеннің қатысуымен Орталық Азия елдері мен АҚШ сыртқы саяси ведомстволары басшыларының С5+1 форматындағы кездесуі өтеді.

Айта кетейік, бұған дейін жиында өңірлік ынтымақтастық және АҚШ-пен серіктестік мәселелері талқыланатыны айтылды.

25 ақпанда «ҚазТрансОйл» АҚ Германияға мұнай жеткізу үшін «Адамова застава» мұнай тапсыру пунктінің бағыты бойынша «Транснефть» ЖАҚ магистральдық құбырлар жүйесіне 20 мың тонна қазақстандық мұнайды тапсырды. Бұл туралы «ҚазТрансОйл» АҚ жұртшылықпен байланыс және ішкі коммуникациялар департаменті хабарлады.

«Былтырғы жылдың желтоқсан айында «ҚазТрансОйл» АҚ 2023 жылы 1,2 млн тонна қазақстандық мұнайды «Транснефть» ЖАҚ магистралды мұнай құбырымен «Адамова застава» мұнай бекеті арқылы Германияға жеткізуге өтінім берген болатын. Мұнайдың бұл транзиті Қазақстан Республикасы мен Ресей Федерациясы үкіметі арасындағы 2002 жылғы 7 маусымдағы келісім шеңберінде жүзеге асады», делінген хабарламада.

Биыл ерекше тәртіп бойынша тексерістер заң жүзінде алынып тасталды. Бұл туралы Орталық коммуникациялар қызметі алаңында өткен брифингте ҚР ТЖМ Өнеркәсіптік қауіпсіздік комитетінің төрағасы Нығмеджан Мақажанов мәлім етті.

«Өнеркәсіптік қауіпсіздік саласындағы уәкілетті органға жарты жылдық тізімдерге сәйкес мемлекеттік бақылау және қадағалау субъектілеріне (объектілеріне) бару арқылы профилактикалық іс-шараларды жүзеге асыруға және рұқсат беру талаптарына сәйкестігіне жүргізілетін тексерістерді жүзеге асыруға мүмкіндік беретін бақылау функциясы берілген. Қауіпті өндірістік объектілерді қауіпсіз пайдалану пайдаланылатын жабдыққа уақытылы қызмет көрсетуге және ауыстыруға байланысты екенін атап өткен жөн. Бүгінгі таңда қолданылатын технологиялық жабдықтың негізгі үлесі өткен ғасырдың 70-80 жылдарынан бастап пайдаланылып келеді», – деді Н. Мақажанов.

Абайлаңыздар, кредиттік алаяқтар Telegram -да кеңінен таралып кетті! Олар өз арналарын белсенді түрде жүргізіп, «Біздің компания бүгінде ақшаға мұқтаж адамдардың бәріне көмек көрсетуге дайын», «Сіз ресми түрде жұмыс істемейтін болсаңыз да, сізге кредиттің берілетіне кепілдік береміз», «Кредит ресімдеген адамдардың барлығына ай сайынғы 1 төлемін жауып береміз» тәрізді жарнамалық жазбаларды күн сайын жариялайды.

Fingramota.kz Қазақстанда кредиттерді ҚР Қаржы нарығын реттеу және дамыту агенттігінің лицензиясы бар кредиттік ұйымдардың ғана бере алатыны туралы еске салады!

Телеграм арнасындағы жалған компаниялардың бірі қолданатын алдау схемасына мысал келтірейік. Ол жеке инвесторлар беретін «пайызсыз» кредиттер туралы жарнаманы орналастырады, сондай-ақ 10 млн теңгеге дейінгі қарыздың 10 жыл...

Президентке еліміздің әлеуметтік-экономикалық дамуы және 2023 жылға арналған республикалық бюджеттің параметрлерін нақтылау мәселелері баяндалды. Бұл туралы Ақорданың баспасөз қызметі хабарлады.

Ақпаратқа сәйкес, Қасым-Жомарт Тоқаевқа әлемдік экономиканың өсіміне қатысты болжамдардың, сондай-ақ осы жылға арналған макроэкономикалық көрсеткіштердің бұған дейін мақұлданған деңгейде сақталып отырғаны жөнінде мәлімет берілді.

Үкімет Қазақстанның ЖІӨ-нің нақты өсімі 4 пайыз, ал мұнай бағасы барреліне 85 доллар болады деп жоспарлап отыр.
Премьер-Министрдің айтуынша, бюджет шығыстарын ішкі қайта бөлу және бюджет түсімдерін арттыру есебінен 2,2 триллион теңгені нақтылау жоспарлануда.
«Осы ретте шағын және моноқалаларды дамытуға, «Ауыл – ел бесігі» жобасын іске асыруға, елді мекендерді газбен қамтамасыз етуге, жылумен қамту...

ҚР Индустрия және инфрақұрылымдық даму министрлігінің баспасөз қызметі Польша Республикасының аумағында тұрақтап қалған отандық жүк көліктерінің кедергісіз жүруін қамтамасыз ету үшін ведомство арнайы шараларды қолға алғанын хабарлайды.

Бұл ретте осы жылдың 21-ші ақпанынан бастап Польшаның аумағына Еуропалық одақтан басқа барлық елдің жүк көліктеріне кіруге тыйым салынғанын айта кетейік. Осы шектеудің салдарынан аталған мемлекетте 400-ге жуық қазақстандық жүк көлігі тұрақтап қалған.

«ҚР Индустрия және инфрақұрылымдық даму министрлігі қазақстандық тасымалдаушылар қауымдастығымен бірлесіп, жүк көліктерінің тізімін жасады. Бұл отандық жүк тасымалдаушылардың жол жүрісін қамтамасыз ету үшін қолға алынған шара. Сондай-ақ Варшава мен Вильнюстегі еліміздің елшіліктерімен жұмылып, аталған көліктердің шығып кетуіне рұқсат алу...

Қазақстанның Ресейдегі сауда өкілдігін тарату туралы Үкімет қаулысы шықты.

«Қазақстан Республикасының Сауда және интеграция министрлігінің «Қазақстан Республикасының Ресей Федерациясындағы Сауда өкілдігі» мемлекеттік мекемесі таратылсын», – деп жазылған қаулыда.

Құжат  қол қойылған күнінен бастап қолданысқа енгізіледі. Үкімет басшысы құжатқа 22 ақпан күні қол қойған.

Еске салсақ, айдың басында Қазақстан Ресейдегі сауда өкілдігі мекемесін тарататыны хабарлаған еді.

Қаржы министрі бұл шешімнің себебін түсіндірген еді.

«Бұл тұрғыда қажет емес құрылымдарды оңтайландыру жүріп жатыр. Ресеймен тығыз қарым-қатынас Еуразиялық экономикалық комиссия аясында да бар екенін ескеру керек. Ол жақта Қазақстанның өкілдігі жеткілікті, яғни барлық саладағы мәселені реттей алатын, соның ішінде кәсіпкерлік қызметте өте сауатты...