Жаңалықтар

Жексенбіде түнде және таңертең өңірлердің басым бөлігінде тұман түседі. Орталық және солтүстік өңірлерде көктайғақ болады. «Қазгидромет» 30 қарашаға ауа райы болжамын ұсынды.

Астана: Көшпелі бұлт, жауын-шашынсыз. Жел оңтүстік-батыстан, 5-9 м/с (күші 18 м/с-қа жетуі мүмкін). Түнде -3…-2°C, күндіз -1…0°C. Түнде және таңертең көктайғақ.

Алматы: Күн ашық, кейде көшпелі бұлт. Жел солтүстік-шығыстан, 3-5 м/с. Түнде -2…-1°C, күндіз +4…+5°C.

Шымкент: Ашық ауа райы, жауын-шашынсыз. Жел солтүстік-шығыстан, 4-6 м/с. Түнде -1…0°C, күндіз +11…+12°C.

Ақтөбе облысы (Ақтөбе): Көшпелі бұлт, жауын-шашынсыз. Жел оңтүстіктен, 3-6 м/с. Түнде -6…-5°C, күндіз +2…+3°C.

Ақмола облысы (Көкшетау): Бұлтты ауа райы, жауын-шашынсыз. Жел батыстан, 10-13 м/с (күші 20 м/с-қа...

Қазақстан энергетика министрлігі Каспий құбыр консорциумының (КҚК) теңіздегі терминалына жасалған шабуылды сынады. Кешен істен шығып қалғаннан соң, үкімет шұғыл түрде мұнай экспорттайтын балама бағыт іздеуге көшті.

Қазақстан мүддесіне зиян келтіреді

29 қарашада Энергетика министрлігі Новороссийск портындағы төтенше жағдайға байланысты мәлімдеме таратты.

«Азаматтық маңызы бар инфрақұрылым нысандарына бағытталған мұндай әрекеттерге жол берілмеуі тиіс», – делінген мәлімдемеде.

Министрлік халықаралық энергетикалық жоба нысандарына күш қолдану жаһандық энергетикалық қауіпсіздікке тікелей қауіп төндіреді деп есептейді. Мұндай әрекет консорциумға қатысушыларға, соның ішінде «Қазақстанның экономикалық мүдделеріне елеулі зиян келтіреді«.

Мұнай айдайтын балама бағыттар

Қазақстанда өндірілетін мұнайдың шамамен 80%-ы...

Абай облысында кемеңгер ақынның туған жері – Жидебай қорығында республикалық құсбегілер турнирі өтті. «Абай салбурыны – 2025» жарысына жүз шақты жыртқыш құс қатысты. Ұлттық құндылықтарды ұлықтап, салт-дәстүрді дәріптеуге арналған шара туралы мәлімет пен суреттерді облыс әкімдігінің баспасөз қызметі таратты.

Бүркітшілер бәсекесіне биыл елдің тоғыз облысы мен үш қаласынан 70-ке жуық бүркіт, 14 ителгі мен 15 қаршыға өнер көрсетті. Жарыс «TauKum» этно ауыл кешенінде ұйымдастырылды.

Бүркітшілер сайысында астаналық Ерасыл Серікбек «Қарашолақ» атты құсымен бірінші орынды иеленді. Жеңімпаз жүлдесі – 600 мың теңге .

Ителгі жарысында Бабажан Бақдаулет «Қаракөз» атты құсымен жеңіске жетті. Оған 500 мың теңге жүлде тапсырылды.

Қаршыға...

Сіздің көлігіңізге қандай қозғалтқыш майын құю керек? Синтетикалық, жартылай синтетикалық және минералды майлардың айырмашылығы, ең жақсы брендтер туралы рейтинг және таңдау бойынша пайдалы кеңестер. Аталған ақпараттар қазақстандықтар үшін өте өзекті.

Бұл мақалада Kursiv.Media тілшісі мотор майының түрлері, арнайы көрсеткіштері, API/ACEA/ILSAC стандарттарының мәні, Қазақстан климатына сай таңдау жасау, үздік брендтер және сапасыз майдан сақтану жолдарын толық түсіндірді.

Сапасыз май құю қымбатқа түсетін қателік. Себебі оның салдары автоның бұзылып, жөндеуге апаруға себеп болуы мүмкін. Қазақстан нарығында мотор майларының түрі көп, сондықтан нақты көлігіңізге лайықты майды таңдаудың өзі білім мен тәжірибені қажет етеді.

Мотор майының түрлері: синтетикалық, жартылай синтетикалық және минералды

Мотор...

Әлеуметтік желілерде Алматы облысы әкімінің бірінші орынбасары Қанат Есболатовтың министр қатысқан жиында сөйлеген видеосы тарап жатыр. Жаңа қызметке жақында ғана кіріскен шенеунік мүмкіндігі шектеулі жандарды Құдай «жазалады» деп сынның астында қалды.

Шенеунік жаңсақ сөйледі

28 қарашада Денсаулық сақтау министрі Ақмарал Әлназарованың Алматы облысы тұрғындарымен ресми кездесуінде Қанат Есболатов қатты жаңылысып, көпшілік көңіліне тиетін сөздер айтты.

«Мүгедектердің еңсесін түсірмейік. Алла тағала бұл кісілерді, орысша айтқанда, «наказали» ғой. Сыйлайық», – деді өңір әкімінің орынбасары.

Саясаткер сөзін Талғардағы үлкен залға жиналған жүз шақты адам естіді. Арасында мүмкіндігі шектеулі азаматтар мен олардың туыстары да бар.

Кейінгі екі жылда бірде-бір қылмыс тіркелмеген Еңбек ауылы Түркістан облысы Түлкібас ауданында орналасқан. Мәліметті polisia.kz жариялады.

Мыңнан аса тұрғыны бар елдімекенде үш жылдан бері ішімдік мүлдем сатылмайды. 131 үй орналасқан шағын ауылда кейінгі екі жылда бірде-бір қылмыс тіркелмеген.

Еңбектегі учаскелік полиция инспекторы Ерсейт Молдақұловтың айтуынша, ішімдік — қылмыс пен тұрмыстағы жанжалдың негізгі себебі. Игі бастама құқық бұзушылықтың алдын алуға бағытталған.

Мектептерде, мешіттер мен мәдениет үйлерінде салауатты өмір салты насихатталып, жастарға ішімдік зияны жан-жақты түсіндіріледі.

«Ауылдың тыныс-тіршілігі өзгеріп, балалардың шат күлкісі, ақсақалдардың мазмұнды әңгімелері, әжелердің салт-дәстүрді дәріптеуі ауылдың рухани келбетін айшықтап келеді», – деп таратты...

2025 жылғы желтоқсанның алғашқы күндері Қарулы күштердің барлық бөлімі жоғары деңгейдегі жауынгерлік дайындыққа көшеді. Қорғаныс министрлігі жаңа оқу жылы басталғанын ресми түрде ескертті.

Дабыл қағылғаннан кейін, әскери бөлімдер полигондар мен оқу орталықтарына қарай беттейді. Министрлік тұрғындарға жоспарлы марштар туралы алдын ала хабарлап отыр.

«Жекелеген бөлімшелер кешенді жауынгерлік дайындық сабақтары өтетін орындарға әуе, теміржол және автокөлікпен жеткізіледі», – делінген ресми мәліметте.

Әскери оқуға байланысты өңірлердегі жолдардың кейбір учаскелерінде көлік қозғалысы уақытша шектелуі мүмкін.

Министрлік азаматтар мен БАҚ өкілдеріне ресми ақпарат көздеріне сүйеніп, тексерілмеген мәлімет таратпауға кеңес берді.

Қазақстан Қарулы күштері жыл сайын мыңнан астам...

27 қарашада Байқоңыр айлағынан «Союза МС-28» кемесі ғарышқа көтерілген уақытта техникалық конструкция сынған. «Коммерсантъ» басылымы оны жөндеуге алты айдан екі жылға дейін уақыт кетуі мүмкін деп жазды. Ресей осы уақытта Байқоңырдан кеме ұшыра алмайды.

«Роскосмос» ұшыру алаңқайында зымыран тепе-теңдігін сақтайтын тұғыр зақымданғанын растаған. «Ъ» мәліметінше, 27қараша күні түсте зымыран тасығыш ғарыш кемесін алып ұшқанда, жылжымалы кабинаны жұлып әкеткен. Шамамен 20 метрге ұшып түскен құрылғы сынып қалған.

Ресей ғарышкерлік федерациясының мүшесі Александр Хохлов ресейлік басылымға айлақты қалпына келтіру үшін алты айдан екі жылға дейін уақыт қажет екенін айтты.

«Жаңасын жасайтын болсақ, оған өте...

28 қарашада Украина президенті кеңсесінің басшысы қызметінен алынған Андрей Ермак майданға аттанады. Саясаткер New York Post басылымына осылай деп мәлімдеді.

«Мен майданға барғалы жатырмын. Кез келген қудалауға дайынмын. Өзімді адал, әдепті адам деп есептеймін», – деді Ермак.

Бұрынғы шенеунік Ресейге қарсы соғысқа нақты қашан аттанатыны туралы ештеңе айтпады.

«Менің атыма кір келтірді. 2022 жылғы 24 ақпаннан бері Киевте жұмыс істегеніме қарамастан, ар-ұжданым қорғалмады. Зеленскийге (украин президенті Владимир Зеленский – ред.) кесірім тимегенін қалаймын – майданға барам», – деп мәлімдеді ол

Ермак жұма, 28 қараша күні энергетика саласындағы жемқорлыққа...

2025 жылы Түркістан облысында бағаны негізсіз көтеріп жіберген 62 дүкенге айыппұл салынды. Бұл туралы Kursiv.Media өңір әкімдігінің мәліметіне сүйене отырып хабарлады.

Жыл басынан бері Түркістанда өңірлік комиссияның 44 отырысы өтті. Соның нәтижесінде 62 дүкенге әкімшілік шара қабылданып, айыппұл салынды.

28 қарашада әкім орынбасары Нұрбол Тұрашбеков өткізген жиналыста сауда басқармасының басшысы Нұржігіт Мырзахметов әлеуметтік маңызы бар азық-түлік тауарларының бағасын тұрақтандыру бағытында атқарылған жұмыстар туралы баяндады.

Жиналыста Түркістан-Шымкент-Сарыағаш бағытындағы күре жол бойында орналасқан кәсіпкерлік нысандардың қасбетін реттеу мәселесі де қаралды. Басқарма басшысының мәліметіне сәйкес, жол бойында 149 кәсіпкерлік нысан бар. Оның 85-і жөндеуді қажет етеді.

Әкімдік бағаны тұрақты...

Air Astana әуе компаниясы рейстер кестесі өзгеруі және кідіруі мүмкін екенін ескертті. Себебі Airbus ұшақтарына орнатылған бағдарламасын шұғыл түрде жаңартып жатыр.

Отандық әуе компаниясының мәліметінше, 28 қарашада Airbus ұшуға жарамдылық директивасын жариялады. Сол себепті оның ұшақтарын қолданатын компаниялардың бәрі биіктікті басқаратын компьютерді, операция бағдарламасын шұғыл түрде жаңартуға міндетті.

«Осыған байланысты Air Astana компаниялар тобы пайдаланатын Airbus ұшақтарының ұшу қауіпсіздігін қамтамасыз ету мақсатында міндетті жаңартуды жүргізу үшін базалардан ұшуы кідіртіледі», – деп хабарлады әуе компаниясы.

Air Astana кестеге әсерін мейлінше азайту үшін бар күш-жігерін жұмсайды, соған қарамастан рейстер өзгеруі және кідіруі мүмкін.

Әуе компаниясы...

Қазақстанның бірқатар аймақтарында қолайсыз ауа райына байланысты 29 қараша күні 13 өңірде дауылды ескерту жарияланды. «Қазгидрометтің» мәліметінше, елдің солтүстігі, батысы, шығысы және оңтүстігінде тұман, жауын-шашын, көктайғақ және бұрқасын байқалады.

Атырау облысында түнде және таңертең солтүстік, батыс және оңтүстік аумақтарда тұман түседі.

Батыс Қазақстан облысында түнде және таңертең тұман, күндіз көктайғақ күтіледі. Орал қаласында да дәл осындай жағдай болжанып отыр.

Абай облысында түнде және таңертең батыс, солтүстік және орталық аумақтарда қар, төмен бұрқасын және көктайғақ болады. Оңтүстігі мен орталығында тұман күтіледі. Жел 15–20 м/с-қа дейін күшеюі мүмкін. Семейде түнде көктайғақ күтіледі.

Шығыс Қазақстан облысында түнде және таңертең қар, бұрқасын...

Қазақстан құрамасының дзюдошысы Әбиба Әбужақынова Абу-Дабиде (БАӘ) өтіп жатқан дзюдодан Grand Slam турнирінде қола медаль иегері атанды. Бұл туралы Olympic.kz хабарлады.

48 келіге дейінгі салмақ дәрежесінде өткен қола үшін белдесуде Әбиба испаниялық спортшы Ева Перес Солермен татамиге шықты. Тартысты өткен жекпе-жекте қазақстандық дзюдошы қарсыласынан басым түсіп, жүлделі үшінші орынға ие болды.

Осы нәтижесі арқылы Әбужақынова жарыстың жеңіс тұғырына көтерілген жалғыз қазақстандық спортшы атанды. Айта кетейік, турнирдің алғашқы жарыс күнінде финалдық кезеңге жолдама алған тек Әбиба болды.

Еске сала кетейік, бұған дейін Grand Slam турнирі Астанада өтіп, қазақстандық дзюдошылар алтынсыз қалған еді.

Президент Қасым-Жомарт Тоқаев әлемдік шахмат аренасында топ жарған жас спортшыларды қабылдады. Кездесуге әлем біріншіліктерінде жүлде иеленген бірнеше жас қазақстандық дарындар қатысты.

Қабылдауда 8 жасқа дейінгі санатта әлем чемпионы атанған Әдинұр Әділбек пен Алиша Бисалиева, 12 жасқа дейінгі санатта топ жарған Данис Қуандықұлы, 14 жасқа дейінгі құрамда жеңіске жеткен Марк Смирнов, сондай-ақ 16 жасқа дейінгі әлем чемпионатында алтын медаль иеленген Эдгар Мамедов және осы санатта күміс жүлдегер атанған Сауат Нұрғалиев болды.

Кездесу барысында Президент жас шахматшылардың жетістіктерін жоғары бағалап, олардың халықаралық деңгейдегі жеңістері Қазақстанның беделін арттыратынын атап өтті. Елдегі шахматтың дамуына зор мүмкіндік бар екенін айтып, чемпиондарға...

Шымкент тұрғыны Ролан Анатолы велосипедпен шамамен 8 мың шақырым жол жүріп, қасиетті Мәдина қаласына табан тіреді. Сапарға 46 күн кеткен. Дәл осы уақыт ішінде ол Қазақстаннан Ислам әлеміндегі маңызды қалаға дейін жетті.

Роланның бағыты бірнеше ел арқылы өтті:

Қазақстан – Ресей – Грузия – Армения – Иран – ОАЭ – Қатар – Сауд Арабиясы.
Иран мен Біріккен Араб Әмірліктері арасындағы бағытты ол пароммен кесіп өткен.

Жас қазақстандықтың әлеуметтік желідегі жазбаларына қарағанда, оның сапары жалғасып жатыр. Мақсаты Меккедегі Қағбаға жету. Алайда жолаушы қасиетті мекенге велосипедпен кіре алмады – соңғы әрі ең шешуші нүктеде оны полиция тоқтатқан. Бұл сәт оның айтуынша, 45 күнг...

Президент Қасым-Жомарт Тоқаев Астанаға ресми сапармен келген Швейцария вице-президенті Ги Пармеланмен келіссөздер жүргізді. Президент бұл сапар екі ел арасындағы ынтымақтастыққа жаңа серпін беретін маңызды мүмкіндік екенін атап өтті.

Қасым-Жомарт Тоқаевтың айтуынша, Қазақстан Швейцарияны Еуропадағы маңызды саяси және экономикалық серіктес ретінде қарастырады. Сондай-ақ, бұл мемлекет Қазақстан экономикасына ең ірі инвесторлардың бірі саналады: 2005 жылдан бері Швейцариядан 35,8 млрд доллар инвестиция тартылған. Бүгінде Қазақстанда 400-ге жуық швейцариялық компания мен бірлескен кәсіпорын жұмыс істейді.

Президент екі ел арасындағы экономикалық байланыстардың қарқынды дамып келе жатқанын ерекше атап өтті. Қазақстан мен Швейцария энергетика, тау-кен өндірісі, өңдеу өнеркәсібі, құрылыс, ауыл шаруашылығы, фармацевтика, қаржы және...

Белгілі продюсер Алуа Қонарова Zamandas подкастында 1986 жылғы Желтоқсан оқиғасы мен сол уақыттағы қазақ тілінің жағдайы туралы естелігін бөлісті. Оның айтуынша, кеңестік кезеңнің соңғы жылдарында қазақ тілінің қоғамдық орындарда қолданылуы шектеліп, тіпті жас ұрпақ ана тілінде сөйлеуден қорыққан.

Алуа Қонарованың айтуынша, 1979 жылы мектеп табалдырығын аттағанын айта келе, 1986 жылға дейінгі кезеңді ауыр естелікпен сипаттайды. Мектеп бағдарламасында қазақ тілі тек факультатив ретінде ғана оқытылған, ал негізгі білім орыс тілінде жүргізілген. Қазақша сөйлеу ұяңдық пен артта қалушылықтың белгісі ретінде қабылданғандай сезіліп, балалардың өз тіліне деген сенімін әлсіреткен.

«86 жылы бізге ешнәрсе рұқсат етпейтін. Қазақша сөйлеуге...

Петропавлда тауар бағасын Ресей рублімен көрсеткен супермаркет әкімшілігі әкімшілік жауапкершілікке тартылды. Бұл туралы Солтүстік Қазақстан облысының Сауда және тұтынушылардың құқықтарын қорғау департаменті хабарлады.

Солтүстік Қазақстан облысында Петропавл қаласының тұрғыны баға белгілеу заңнамасы бұзылғанын анықтап, сауда және тұтынушылардың құқықтарын қорғау департаментіне шағымданған. Оның айтуынша, қаладағы супермаркеттердің бірінде тауардың бағасы ұлттық валюта – теңгемен емес, Ресей рублімен көрсетілген.

Сауда және интеграция министрлігінің мәліметінше, түскен өтініш негізінде департамент мамандары сауда нысанына жоспардан тыс тексеріс жүргізген. Тексеру барысында заң бұзушылық фактісі расталып, баға белгілерінде шетел валютасы көрсетілгені анықталды. Бұл Қазақстан заңнамасына қайшы, себебі тауарлар мен қызметтердің бағасы тек теңгемен көрсетілуі тиіс.

Freedom Ticketon UEFA Чемпиондар Лигасы аясында өтетін «Қайрат» – «Олимпиакос» матчына билеттер сатылымға шыққанын хабарлады. Ойын 2025 жылдың 9 желтоқсанында «Астана Арена» стадионында өтеді.

Билетті сатып алу үшін пайдаланушы ЖСН, мобильді телефон нөмірі және электрондық пошта мекенжайын көрсетуі қажет. Бір пайдаланушы екі билеттен артық сатып ала алмайды, ал төлем тек бір банк картасы арқылы қабылданады.

Билеттерді рәсімдеу тәртібі бойынша матч күні SMS-хабарлама келеді және көрсетілген e-mail мекенжайына QR-билет сілтемесі жолданады.

Сатылым тек ресми мобильді қосымшалар арқылы жүзеге асады: Freedom SuperApp және Qairat SuperApp.

Ұйымдастырушылар жанкүйерлерге ресми емес көздерден билет сатып алмауға кеңес береді.

Еске сала кетейік, «Қайрат» Чемпиондар...

Түркістан облысы Қазығұрт ауданы Ақбастау ауылының тұрғындары балалары оқитын жаңа мектеп салып беруді талап етіп отыр. Айтуларынша, қазіргі мектептің сиқы сын көтермейді. Тозығы жеткен, іргетасы шөккен, қабырғалары жарылған. Жауын жауса, шатырынан су өтеді. Едені шіріп жатыр. Мектепті жылыту үшін пешке от жағады. Ауыл тұрғындары балаларының қауіпсіздігіне алаңдап отыр.

«Төбесі түсіп кете ме деп уайымдаймыз»

Ауыл мектебінің 3 ғимараты бар, онда 167 бала білім алады. Мектеп ғимараттары жолдың екі жағында орналасқан. Үш ғимараттың бірі – ескі, 1960 жылы салынған, ресми түрде апатты деп танылған. Қалған екеуі – тар, оқушылар сыймайды.

Ауыл тұрғыны Жұмабек Төребековтің сөзінше, балалар дене шынықтыру сабағын суы...

Өзбекстанда электронды темекінің айналымына толықтай тыйым салды. Енді электронды темекіні өндіру, сақтау немесе тасымалдау үшін қылмыстық жауапкершілік қарастырылған. Тіпті бес жылға дейін бас бостандығынан айыру жазасы белгіленеді.

Ел үкіметінің хабарлауынша, Өзбекстан президенті Шавкат Мирзиёев электронды темекі мен оларға арналған сұйықтықтардың айналымына тыйым салатын заңға қол қойды. Құжат жарияланғаннан кейін, үш ай өткен соң күшіне енеді.

Электронды сигареттер, темекі өнімдерін және кез келген никотин құрылғыларын өндіру, сақтау, тасымалдау, сондай-ақ елге әкелу және елден шығару қылмыс деп танылады. Ал заң бұзғандар үш жылдан бес жылға дейін бас бостандығынан айырылады.

«Егер адам өз кінәсін мойындап, билік органдарына...

29 қарашадан бастап Астанада үш автобус бағыты іске қосылады. Олар:

№ 65 автобус – Болашақ көшесі – «Отау» шағын ауданы;

№ 68 автобус – «Газмашаппарат» АҚ – «Бағыстан» тұрғын үй кешені;

№ 78 автобус – Ұлттық шұғыл медициналық үйлестіру орталығы – № 64 мектеп-лицейіне дейін.

Жаңа автобустар елорданың бірқатар маңызды нысаны арқылы жүреді. Мысалы, № 65 бағдар жаңадан ашылған Шаймерденов көшесімен қатынайды, № 68 бағыты «Бағыстан» тұрғын үй кешені қаланың оң жағалауымен байланыстырып, Әзербаев және Жұмабаев көшелерін қоғамдық көлікпен қамтамасыз етеді.  

Айта кетейік, Астанада енді жекеменшік мектепте оқитын балалар да қоғамдық көлікте тегін жүре алады. 

Қаржы мониторингі агенттігінің Павлодар облысы бойынша департаменті жүкті әйелдерді жалған жұмысқа орналастыру схемасын ұйымдастырған адамдарды тергеп жатыр.

ҚМА мәліметінше, зейнетақы төлеу жөніндегі мемлекеттік орталықтың бөлім басшысы кәсіби білімін пайдалана отырып, схеманы іске асырған. Ол үшін электронды цифрлық қолтаңбаларына қолжетімділігі бар кәсіпкерлердің бірқатарына қызмет көрсететін бухгалтер туысын тартқан.

«Бухгалтер аталған ЭЦҚ-ларды иелерінің рұқсатынсыз пайдаланып, жалған жұмысқа қабылдау туралы бұйрықтарды, еңбек қатынастары заңды түрде рәсімделгендей көрінетін өзге де құжаттарды дайындаған. Сонымен қатар бірнеше таныс адам тартылып, олардың міндетіне жүкті әйелдерді табу және ұсынылып отырған рәсімдеудің заңды екеніне сендіру кірген», – делінген хабарламада.

Ұсынылған жалған деректер...

2025 жылғы «Қазақ аруы» атағын жеңіп алған Дәрия Қуатжан жеке өмірі туралы сұраққа жауап берді. Ару блогер Лаура Лесбекке берген сұхбатында жүрегі бос еместігін жасырмай, сүйіктісі кім екенін ашып айтпайтынын мәлімдеді.

Сонымен қатар Дәрия мансап пен жеке өмірді үйлестіру мүмкін екенін айтты. Өзінің таңдаған ер-азаматынан ешқандай қысым көргісі келмейтінін жеткізді:

«Менің таңдаған ер-азаматым ондай таңдауды маған қоймауы керек», – деді ару.

Еске сала кетейік, 13 қараша күні Талдықорған қаласының тумасы Дәрия Қуатжан көрермендердің дауысымен «Қазақ аруы 2025» байқауында жеңімпаз атанды. Жеңімпазға BM Production компаниясы Парижге екі адамға жолдама берген еді.