Жаңалықтар

18 сәуір кешке Израиль өз зымырандарымен Ирандағы Исфахан қаласының әуежайы маңын нысанаға алып соққы жасады. 

ABC News ақпаратына сүйенсек, АҚШ-тың ресми өкілі Иран Сириядағы Иран елшілігіне жасалған шабуылға жауап ретінде Израильге ұшқышсыз зымырандар атқаннан кейін Израиль жауап қайтарған.

Иранның Fars ақпарат агенттігі Исафахан қаласының әуежайында жарылыс естілгенін, бірақ жарылыстың себебі бірден белгілі болмағанын хабарлады. Исфахан провинциясында бірнеше ирандық ядролық қондырғылар, соның ішінде ирандық уранды байыту бағдарламасының Орталық нысаны орналасқан.

Bloomberg өзінің дереккөздеріне сілтеме жасай отырып, бейсенбіде Израиль шенеуніктері АҚШ алдағы 24-48 сағатта Иранға қарсы соққы беруді жоспарлап отырғанын хабарлағанын жазады.

Өткен демалыс күндері Иран Сириядағы елшілігінің аумағына Израильдің соққысына жауап ретінде жүздеген дрондар мен зымырандарды атқан. Дрондар мен зымырандарды...

Бүгінде Ақтөбе, Қостанай, Ақмола, Атырау, Солтүстік Қазақстан облыстарында 5 718 жеке тұрғын үй, 1 130 аула аумағы су астында қалған. Бұл ретте түрлі компаниялар мен қайырымдылық қорлары су тасқыны салдарын жоюға қаржы бөлуде. «Курсив» 2024 жылғы 18 сәуірдегі деректер негізінде арнайы инфографика жасады.

Қазақстанда наурызда басталған су тасқыны салдарын жою, құтқару жұмыстары жалғасып жатыр. Жедел іс-шаралардың нәтижесінде 18 651 адам өз үйлеріне оралған.

Еске сала кетсек, наурызда еліміздің бірнеше аймағын су басты. Тұрғындар эвокуацияланып, қауіпсіз жерге көшірілді. Мәжіліс депутаттары зардап шеккен шаруалардың ауыл шаруашылығы мақсатында алған несиелерін төлеуді 3 жылға дейін шегеруді ұсынды. 

Қазіргі уақытта су тасқынынан зардап шеккендерге әлеуметтік көмек көрсетілуде. Бүгінге дейін елдегі 5 803 отбасына 100 АЕК немесе 369 200 теңге көлемінде жалпы сомасы 2 млрд теңгеден астам біржолғы төлем берілді. 877 отбасына материалдық шығын үшін жалпы 380 млн теңге өтемақы төленді. Суға кеткен мал ақысын сұрағандарға 38,9 млн теңге бөлінді.

Өңірлік комиссияларға Ақмола, Ақтөбе, Атырау, Батыс Қазақстан, Қарағанды, Қостанай, Павлодар, Солтүстік Қазақстан, Абай және Ұлытау облыстарының тұрғындарынан 13 577 өтініш келіп түскен. 

18 сәуірдегі жағдай бойынша су тасқынынан жарамсыз болып қалған 2602 тұрғын үй тексерілді. 1499 үйге бағалау жүргізілді. Соның нәтижесінде 794 үйдің жөндеуге келетіні, 701 баспананың мүлдем...

Дубай әуежайы бірнеше күннен бері алапат нөсер салдарынан жұмысын тоқтатқан еді. Халықаралық әуежай 24 сағаттан кейін өз жұмысын қайтадан жандандырмақ.

Al Arabiya телеарнасына берген сұхбатта әуежайдың бас операциялық директоры Маджед әл-Джокер тәулік ішінде нысан терминалдары іске қосылатынын хабарлады.

«Біз әуежайдың жұмыс қуаты бүгінгі күннің соңына дейін 60-70 пайызға, ал алдағы 24 сағат ішінде 100 пайызға дейін қалпына келеді деп күтеміз», – деді Маджед әл-Джокер.

Аптаның сейсенбісінен бастап екпінді жел мен толассыз жауған жаңбырдан Дубай қаласында инфрақұрылымдар зардап шекті. Тосын табиғат құбылысы салдарынан қала метросын, сауда орталықтарын су басты.

Кеше Астана халықаралық әуежайы Fly Dubai және Air Astana авиакомпанияларыны...

Қазгидромет мамыр айында ауа райы тұрақсыз болады деп болжайды. Солтүстік өңірлерде ауа температурасы жоғарылайды. Батыс, оңтүстік, орталық өңірлерде жауын-шашын жиілейді.

«Бір ай бойы ауа райы тұрақсыз болады, жаңбыр жауып, найзағай болады, екпінді жел соғады, кей жерлерде бұршақ түседі. Көп күн бойы жоғары температуралық фон сақталады деп күтілуде: республиканың солтүстік бөлігінде күндіз ауа температурасы +35°C дейін, оңтүстік бөлігінде +40°C дейін ыстық болады», – деді «Қазгидромет» РМК баспасөз хатшысы Алина Исмагулова ОКҚ алаңында өткен брифингте.

Суық толқындардан ауа температурасының төмендеуі күтіледі: солтүстік, шығыс және орталық аймақтарда, сондай-ақ елдің оңтүстік-шығысындағы таулы аудандарда түнде -5 градусқа дейін, күндіз +15°C дейін; батыста және ҚР...

Астана сотында экс-министр Қуандық Бишімбев пен оның туысы Бақытжан Байжановқа қатысты қылмыстық іс жалғасып жатыр. 18 сәуірдегі сот отырысында сотталушы Бақытжан Байжановтың ұялы телефонындағы деректер тексерілді. Содан кейін Бишімбаевтың телефонын зерттеу жоспарланған. Алайда Бишімбаев телефонының құпиясөзін тек өз қорғаушысына айтатынын жеткізді.

«Телефоныңыздың құпиясөзін қандай мақсатта бергіңіз келмейді?», – деп сұрады судья Айжан Құлбаева.

Қуандық Бишімбаев құпиясөзді тек өз қорғаушысына беруге дайын екенін айтып, мұны телефонында іске қатысы жоқ деректердің бар екенімен түсіндірді.

«Ақтөбе-Темір-ВС» еншілес кәсіпорны» АҚ KASE-ге жалпы активінің жартысына тең көлемде қаржылай көмек алғанын хабарлады.

17 сәуірде алынған қарыз көлемі – 7 966 749,33 теңге. Компания оны биыл 31 желтоқсанға дейін қайтаруға міндеттеме алған.

Компания Ақмола облысындағы «Велиховское Южное» және «Велиховское Северное» кен орындарында темір өндіреді.

Ақпан айында компания қажетті инвестицияның жоқтығынан темір кен орынындағы өндірісті тағы да уақытша тоқтататынын хабарлаған. Кейін 2,6 млн теңге қарыз алу туралы келісімге қол қойған. 

Ал қазір KASE мәліметінше, «Ақтөбе Темір-BC» акцияларының 50%-ы Qazaq Iron-ға, 30%-ы – EVO ST Group-қа тиесілі. Ал 10 пайыз акциясына «Капиталинвест» компаниясы иелік етсе, 10%-ы Gemini Mining B.V. ұйымына тиесілі.

2023 жылды...

Қазақстан мұсылмандары діни басқармасы бұрынғы ұлттық экономика министрі Қуандық Бишімбаевтың Салтанат Нүкеновамен некесін қиған Бас мешіт имамына тәртіп шара қолданған. Республикалық Бас мешіт имамы ҚМДБ-ның ішкі тәртібін бұзып, АХАТ бөліміне тіркелгенін растайтын куәлікті табанды түрде талап етпеген.

«АХАТ бөліміне тіркелгенін растайтын куәлікті табанды түрде талап етпеген, яғни ҚМДБ-ның ішкі жұмыс тәртібін бұзған Республикалық бас мешіт имамы Қ.Қыдырминге тәртіптік шара қолданылып, ескерту жасалды», – деп жазылған діни басқарма хабарламасында.

Осы орайда мүфтият баспасөз қызметі Қуандық Бишімбаев пен Салтанат Нүкенованың некесі 2022 жылдың 17 қазанында Астана қаласындағы Республикалық бас мешітте қиылғанын айтады. Алайда олардан АХАТ бөліміне...

Париж Олимпиадасына баратын Ұлттық құрама спортшыларының формасын испан компаниясы тігетін болды. Бұл туралы туризм және спорт министрі Ермек Маржықпаев айтты.

«Форма сапалы болады деп сенеміз. Себебі қаңтарда үлкен комиссия құрылды. Оның ішінде 25 адам болды. Комиссия құрамына әлем және Олимпиада чемпиондары, қоғам белсенділері енді. Бірінші кезеңде 8 дизайнер қатысты. Нәтижесінде 6 форманың эскизін таңдап алдық. Алайда оның арасында дұрыс форма болмады. Сондықтан екінші кезеңін ұйымдастырдық. Нәтижесінде сіздерге көрсеткен форманы таңдап алдық», – деді Ермек Маржықпаев.

Министр Қазақстан құрамасының Олимпиадаға арналған киімдерін тігуге мемлекеттен қаржы бөлінбейтінін мәлімдеді. Спортшыларға арналған киім толықтай демеушілердің есебінен тігіледі.

Қазақстан, Ресей, Қытай бірлесіп Атырау облысында полиэтилен өндіретін зауыт салады. Бұл туралы «ҚазМұнайГаз» ұлттық компаниясының Басқарма төрағасы Мағзұм Мырзағалиев, «СИБУР» ЖШҚ Басқарма төрағасы және бас директоры Михаил Карисалов, China Petrochemical Corporation Президенті Чжао Донгтің Астанадағы кездесуінде белгілі болды.

Үш компания талқылаған жоба бойынша Атырау облысында жылына 1,25 млн тонна полиэтилен өндіруге қауқарлы зауыт салынады. Кәсіпорын Қарабатандағы арнайы экономикалық аймақтың аумағында Теңіз кен орнына жақын орналасады.

«Ортақ күш-жігеріміздің арқасында Қазақстанда ең ауқымды газ-химия жобасын табысты іске асыратынымызға сенімдімін. Бұл жоба ел экономикасы үшін стратегиялық маңызға ие, сондай-ақ «ҚазМұнайГаздың» ұзақ мерзімді стратегиялық мақсаттарына жауап береді», — деп атап өтті Мағзұм Мырзағалиев.

Қазақстандағы тұтынушылардың сенімділік индексі (CCI) наурыз айында төртінші рет қатарынан төмендеді. Бұл жолғы төмендеу едәуір болды. Бір айдың ішінде инфляциялық күтулер де төмендеді. Теңгенің долларға қатысты бағамы нығайғаны қарамастан, қазақстандықтардың девальвациялық болжамы да біршама өсті. Сондай-ақ күнделікті қолданылатын азық-түлік бағасы мен жұмыссыздық мәселесі де қазақстандықтарды көп толғантады. Бұл туралы Freedom Finance Global компаниясының зерттеуінде айтылған.

Тұтынушылық сенімділігі күрт түсті

Қазақстандағы тұтынушылық сенімділігі наурыз айында 5,6 тармаққа төмендеп, 95,1 тармаққа жетті. Сауалнамаға қатысқан қазақстандықтардың экономикалық ахуал бойынша бағалары мен күтулері барынша нашарлады. Өткен 12 айдың ішінде елде орын алған экономикалық жағдайдағы өзгерістердің қосалқы индексі күрт төмендеді. Зерттеу жүргізіліп келе жатқан...

Су тасқыны салдарынан елдімекендерде ұялы байланыс қызметі нашарлады. Электр қуатының өшуіне байланысты кейбір базалық станциялар жұмыс істемей тұр. Мәселен, Ақтөбе, Қостанай, Атырау, Ақмола облыстарында ұялы байланыс инфрақұрылымдары су астында қалған.  Қай өңірде байланыс қалпына келді? Операторлар халыққа қандай көмек көрсетті?

Цифрлық даму, инновациялар және аэроғарыш өнеркәсібі министрлігінің деректеріне сүйенсек, ұялы байланыс операторлары су тасқыны аймағында орналасқан абоненттердің тарифтік жоспарларына қосымша ресурстар қосты.

Су басқан аймақтарда қандай жұмыстар атқарылуда?

Beeline жұмыс істемейтін жабдықты ауыстыру, базалық станциялардың жұмысын реттеу үшін шалғай ауылдарға су арқылы жету, электр энергиясы жоқ аумақтарда дизельдік генераторлардың жұмысын ұйымдастыру, жабдықтарды судан қорғау үшін бөгеттер салу сынды жұмыстарды...

Энергетика министрлігі Атыраудан Құрыққа дейін мұнай құбырын салуды жоспарлап отыр. Сонымен бірге министрлік Каспий түбінде мұнай құбырын салу мүмкіндігін зерттемек. Бұл жайлы министрліктің баспасөз қызметі хабарлады.

«Орта мерзімді перспективада Атыраудан Құрыққа дейін мұнай құбырын салу мүмкіндігі қарастырылуда. Сондай-ақ Каспий түбінде мұнай құбырын салу мүмкіндігі зерттелетін болады», – делінген министрлік хабарламасында.

Министрлік Транскаспий теңіз мұнайын тасымалдауды жылына 7 млн тоннаға дейін ұлғайту мүмкіндіктері бар екенін хабарлайды. Бұл көлем Ақтау портының қолданыстағы қуаттылығына сәйкес келеді. Мұндай көрсеткіштерге жету үшін мұнай тасымалдайтын 2 мың тонналық 10-ға жуық жаңа дедвейт танкері қажет болады.

Сондай-ақ министрлік қысқа мерзімд...

Қазақстан университеттеріне жыл сайын 100-ден астам шетелдік ғалымдар келіп, жұмыс жасайды. Оларға оқу орындары 1 миллионға жуық жалақы төлейді.  Бұл туралы ҚР ғылым және жоғары білім вице-министрі Дархан Ахмед-Заки айтты.

Вице-министр Қазақстандағы ғылыми зертханалардың материалдық техникалық әлеуетін нығайту мақсатында қаржыландыру жылда бөлініп отыратынын мәлімдеді.

«Екі бағытта жұмыс жасалуда.  Алғашқысында материалды-техникалық  жабдықтау. Соңғы жылдары біздегі ғылыми мекемелерге 1 миллиардтан астам қаржы бөлінді.  Жалпы үшжылдықтың ішінде 600 миллиардтан астам қаржы көзделген. Соның ішінде 20-30 пайызы керекті материалдық-техникалық базаны қамтамасыз етуге көзделген«,-деді вице-министр Сенат кулуарында.

Сондай-ақ вице-министр отандық ғалымдардың шетелдік әріптестерімен бірлесе жұмыс жасауына қолайлы жағдай жасаймыз деп түсіндірді.

Қазақстанда жанар-жағармай бағасы қымбаттауы мүмкін. Энергетика министрлігінің хабарлауынша, баға кезең-кезеңмен көтеріліп, ЕАЭО елдерімен теңестіріледі.

Министрлік хабарлауынша, су тасқыны кезеңінде бағалар көтерілмейді.

«Су тасқынына қарамастан, Қазақстан Республикасында жүргізуші куәлігі мен көлік құралын тіркеу туралы куәлігі бар азаматтар үшін баға өзгеріссіз қалады. Оның ішінде АИ-92 және Аи 93 бензині литріне – 205 теңге, дизель отыны литріне – 295 теңге болып қалады»,- деленген министрлік хабарламасында.

Министрлік келтірген мәліметтерге сенсек, АИ-92 бензинінің бағасы Арменияда – 555 теңге, Өзбекстанда – 405 теңге, Қырғызстанда – 318 теңге, Ресейде – 244 теңгені құрайды. Ал дизель отыны Арменияда...

Freedom Finance Global Орталық Азияның төрт елі: Қазақстан, Өзбекстан, Қырғызстан және Тәжікстан тұрғындарының тұтынушылық сенімділігін, инфляциялық және девальвациялық күтулерін тоғызыншы ай зерттеп келеді. 2024 жылғы наурыз әр түрлі қорытындылар көрсетті. Ал кейбір аспектілерде ақпан айындағы нашарлаудан кейін қалпына келді.

Айта кетейік, наурызда Қазақстанда тұтынушылық сенімділіктің күрт нашарлағаны байқалады. Онда индекс 100 тармақтан төмен түсті. Бұл жағымсыз жауаптардың оң жауаптардан басым екенін көрсетеді. Сондай-ақ Тәжікстанда айтарлықтай төмендеу болды. Алайда онда индекс өте жоғары болды. Сонымен қатар Қырғызстанда бұрынғы көрсеткіштердің сақталуы, ал Өзбекстанда ақпан айындағы құлдыраудан кейін тұтынушылық сенімділіктің күрт қалпына келуі байқалады. Жалпы Қырғызстаннан басқа, жоғарыда аталған барлық елде...

Өңірлердегі су тасқынына байланысты елдегі мұнай компанияларының 634 ұңғымасы жұмысын тоқтатқан. Бұл жайлы Энергетика министрлігі хабарлады.

Министрліктің хабарлауынша, Ақтөбе және Атырау облыстарының бірқатар мұнай өндіруші кәсіпорындарында 634 ұңғыманың жұмысы тоқтатылған. Ал мұнай өндірудің жалпы шығыны 16 мың тоннаны құраған.

«Бүгінгі таңда 141 ұңғыманың жұмысы қалпына келтірілді, әлі де 493 ұңғымада өндіру тоқтап тұр. Ақтөбе облысында 489 ұңғыма тоқтатылды. Оның ішінде – «СНПС – Ақтөбемұнайгаз» АҚ-ның 440 ұңғымасы, «ҚМК Мұнай» АҚ-ның – 25 ұңғымасы, «Фирма Ада Ойл» ЖШС-нің 24 ұңғымасы уақытша жұмыс істеп тұрған жоқ. Ал Атырау облысында 4 ұңғыма тоқтатылды. Олар – «Ембімұнайгаз» АҚ-ны...

Еуразиялық экономикалық комиссияның статистикасына сәйкес, 2024 жылдың қаңтар-ақпан айларында Қазақстан ЕАЭО елдері арасында өнеркәсіп өндірісі бойынша ең төменгі өсім көрсеткен. Өнеркәсіп саласы екі айда 4,6% өскен.

Ең жоғары көрсеткіш Армения (28,9%), Қырғызстан (7,8%), Беларусь (7,1%), Ресей (6,6%) мемлекетінде тіркелген.

2024 жылдың қаңтар-ақпан айларында ЕАЭО жалпы өнеркәсіптік өндірісінің 87,5%-ы – Ресейге, 7,3%-ы – Қазақстанға, 4,3%-ы – Беларуське, 0,5%-ы – Армения мен 0,4%-ы Қырғызстанға тиесілі.

Ауыл шаруашылығы өнімін өндіруден Беларусь көш бастап тұр. Беларусьтан( 6,9%) кейін
( 6,9%), Қырғызстан (1,4%), Қазақстан ( 1,3%) мен Ресей (на 0,2%) келеді. Құрылыс жұмысы көлемі Қырғызстанда 47,3 пайыз өскен. Қазақстанда бұл көрсеткіш...

Қазақстандықтар су тасқыны жағдайын онлайн бақылай алады. Бұл жайлы Цифрлық даму, инновациялар және аэроғарыш өнеркәсібі министрлігінің баспасөз қызметі хабарлады.

Министрліктің хабарлауынша, кез-келген адам су тасқыны қаупі жоғары елдімекендердің жағдайын онлайн режимде көре алады. Өңірлерде су тасқыны қаупі жоғары нүктелерге Sergek VMS кешенді бейнебақылау жүйесі орнатылған. Оның көмегімен қазақстандықтар нақты уақыт режимінде Атырау облысы мен Атырау, Орал, Қостанай қалаларындағы жағдайды бақылуға болады.

Бұл камералар арқылы расымен де бөгеттер, бекіністер салу бойынша нақты уақыттағы жұмыс барысын көруге болады. Министрлік мұндай шаралар өңірге мониторинг жүргізуге, солайша жедел әрекет етіп, маңызды шешімдер қабылдауға мүмкіндік беретінін жеткізді.

Сенаторлар педофилдер мен террористерге Қазақстанға кіруге тыйым салуды көздейтін заң жобасын Мәжіліске кері қайтарды. Негізгі түзетулер қылмыстық-атқару жүйесі саласындағы өзгерістерге байланысты болмақ.

Сенаттың жалпы отырысында депутаттар «Халықтың көші-қоны және қылмыстық-атқару жүйесі саласындағы заңнаманы жетілдіру туралы» заңын екінші оқылымда қарады. Парламент депутаттарының бастамасымен әзірленген заң халықтың көші-қоны және қылмыстық-атқару жүйесі саласындағы заңнаманы жетілдіруге бағытталған.

Сенатор Советбек Медебаев заңды жетілдіруді көздейтін маңызды өзгерістер мен толықтыруларға тоқталды.

Заң аясында қандай мәселелер қаралды? 

Сенатор Советбек Медебаев заңды талқылау және оны екінші оқылымға дайындау барысында заңды жетілдіруді көздейтін маңызды өзгерістер мен толықтырулар енгізілгенін айтты. Барлық ұсыныс пен ескерту 11 түзетуден тұрады. Олар мынадай:

«Қазақстан Халық Банкі» АҚ Қырғызстандағы еншілес ұйымның 100 % акциясын сатты. Сатып алушы – Visor International DMCC инвестициялық тобының құрамына кіретін консорциум. Бұл туралы қаржы ұйымының Қазақстан қор биржасына жолданған хабарламасында жазылған.

«Қазақстан Халық Банкі» акционерлік қоғамы (LSE: HSBK; KASE: HSBK, HSBKd; AIX: HSBK, HSBK.Y) Visor International DMCC инвестициялық тобының («Visor») құрамына кіретін сатып алушылар консорциумының пайдасына «Халық Банк Қырғызстан» ААҚ-тың 100% акциясын сату бойынша мәміленің аяқталғанын хабарлайды», – делінген ақпаратта

Хабарламада мәміле құны нақтыланбаған. Қырғызстан Халық банкін активтер мен кірісі бойынша орташа қатарға жатқызуға болады. Halyk Bank-тың көрші елдегі «еншілес...

2024 жылдың маусым айында QazaqGaz ұлттық компаниясы «Газпроммен» екі ұзақ мерзімді келісімшарт жасасады. Біріншісі, Ресей газын Қазақстан арқылы Өзбекстан бағытында тасымалдауға байланысты. Екіншісі, Қазақстан Республикасына ресейлік газ жеткізуге бағытталған. Бұл туралы «Самұрық-Қазына» қоры «Курсивтің» сауалына берген жауабында хабарлады.

Ресей газы Өзбекстанға «Газпром» мен QazaqGaz арасында 2023 жылдың жазында жасалған екі жылдық келісімге сәйкес жеткізіледі. «Орталық Азия – Орталық газ» құбыры арқылы тасымал 2023 жылдың қазан айында басталды. Транзит жылына 3,3 млрд текше метрді құрайды.

Енді компаниялар транзит көлемін біртіндеп жылына 11 миллиард текше метрге дейін жеткізу үшін ұзақ мерзімді келісімшарт жасасуды көздеп отыр. Бұл қазіргі деңгейден үш есе көп. «Самұрық-Қазына...

Сенат отырысында депутат Әсем Рахметова премьер-министр Олжас Бектеновке сауал жолдап, тасқын судан зардап шеккендерге келген залалды өтеу қағидаларына өзгеріс енгізуді сұрады. Айтуынша, өңірлерде үйінің құжатын рәсімдеп үлгермеген және шығынын құжат жүзінде дәлелдей алмайтын тұрғындар бар.

Естеріңізде болса, президент тасқын судан зардап шеккен адамдардың бірде-біреуі ескерусіз қалмайтынын айтты. Сондай-ақ қаржылық және басқа да көмек берілетінін, материалдық шығындар толық өтелетінін мәлімдеді. Алайда осы көмек кейбір зардап шеккен адамдарға бұйырмай қалуы мүмкін. Депутат оның себептерін атады.

«Қазір облыстарда біржолғы өтемақы мен келтірілген шығын бойынша төлемдер жасауға құжаттар қабылдануда. Зардап шеккендермен кездесу барысында жергілікіті тұрғындар депутаттарға өтемақы...

«Самұрық-Қазына» қорының еншілес ұйымы – «Самұрық-Қазына Өңдеу» полипропилен зауытындағы үлесін ресейлік компанияға 83,6 млрд теңгеге сатқан.

Kazakhstan Petrochemical Industries Inc (KPI) ЖШС – Атырау облысындағы полипропилен өндіретін зауыт. Зауыт 2022 жылдың қараша айының басында іске қосылды. Кәсіпорынның қуаттылығы жылына 500 мың тонна полипропилен өндіруге жетеді. Шикізат ретінде Теңіз кенішінен өндірілетін пропан пайдаланылады. Зауыт құрылысы қатысушыларға 2,63 миллиард долларға түскен.

2024 жылғы 9 ақпанда KPI акционерлерінің кезектен тыс жалпы жиналысында «СИБУР Холдингі» АҚ пайдасына KPI-ның 40% үлесін мемлекеттік қайта тіркеу туралы шешім шығарған.

KPI-дағы 40% үлесті ресейлік холдингке сату туралы келісімге 2022 жылдың қарашасында қол қойылған. Бұл ретте...