Жаңалықтар

Павлодар облысының тұрғыны Виктория Черкашина 10 жылдан кейін өз автокөлігін заңдастырды, – деп хабарлайды Polisia.kz.

37 жастағы әйел MINI Cooper көлігін АҚШ-та сатып алған.

«Мен автокөлікті заңдастыру қызметін алғашқылардың бірі болып пайдаландым. Менің көлігім АҚШ-тан, Қазақстанға сонау 2012 жылы әкелінген. Сол кезде қолданыста болған 30% кедендік баж салығы толығымен төленді. Мен көлікті бірден тіркемедім, өйткені шетелге шығуды жоспарладым. Бірнеше жыл бойы елде болмадым. Сол аралықта қайта өңдеу ақысы мен бастапқы тіркеу үшін жаңа төлемдер енгізілген. Көлік қайта өңдеу төлемі енгізілгенге дейін әкелінгендіктен оны төлеудің қажеті болмады, бірақ бастапқы тіркеу үшін 500 АЕК көлемінде алым төлеу қажет болды...

Атырауда сұранысқа ие мамандықтар бойынша тегін курстар ашылды, деп хабарлайды «Хабар 24» тілшісі.

Оқыту мұнай-газ саласындағы жобалардың аяқталуына байланысты жұмыстан босатылғандарға арналған.

Ауыл жастары да жаңа мамандыққа ие болады. Оқу кезеңінде ауыл, аудан тұрғындары жатақханамен және тегін тамақпен қамтамасыз етіледі. Соңғы үш жылда жергілікті билік пен мұнай компанияларының қолдауымен 2000-нан астам адам оқытылып, оның 1200-і жұмысқа орналастырылды.

«Биылдың өзінде 1000 адамды оқытуды жоспарлап отырмыз. 16-21 қаңтар аралығында біздің мамандар оқуға іріктеу жүргізеді. Курстар сантехник, электрик, дәнекерлеуші ​​сынды бес мамандық бойынша жүргізіледі», деді Жұмыспен қамтуды үйлестіру және әлеуметтік бағдарламалар басқармасының басшысы Азамат Мәмбетов.

Оңтүстік Кореяның Чеджу аралының жағалауында 22 экипаж мүшесі бар жүк кемесі суға батып кетті, деп хабарлайды Yonhap агенттігі.

Сәрсенбіге қараған түні Гонконгта тіркелген Джин Тиан кемесі Чеджу аралындағы Сеогвипхо қаласынан оңтүстік-шығысқа қарай 148,2 шақырым жерде суға батып кеткен.

Бортта 22 экипаж мүшесі болған: 14 Қытай азаматы және сегіз Мьянма азаматы.

Жағалау күзетінің мәліметінше, екі экипаж мүшесі құтқарылды, қалғандарын іздеу жалғасуда

QR-кодтардың 25 жылдан астам уақыт бойы жұмыс істеп келе жатқандығына қарамастан, оларды күнделікті өмірде пайдалану соңғы бірнеше жылда күрт өсті. Біздің сеніміміз және QR-кодтарды жиі пайдалануымызды алаяқтарға да ой салды. QR-код арқылы сіздің деректеріңізге қол жеткізу үшін қаскүнемдер қандай амалдар жасайды. Бұл туралы fingramota.kz хабарлады.

QR-алаяқтық қалай жұмыс істейді?
Техникалық тұрғыдан алғанда « жалған» QR-код деген ұғым жоқ. Кодтардың өзі қауіпті емес — мәселе оларды кімнің және қалай қолдануында. Сканерлеу кезінде автоматты түрде орнатылған URL-мекенжайға қайта бағыттайтын бірқатар тегін онлайн-генераторларды қолдана отырып QR-код құру өте оңай. Алаяқтар адам көзінің QR-кодты «оқи» алмау фактісін қолдана отырып, дұрыс QR-кодты өзінің QR-кодына оңай...

Біріккен Ұлттар Ұйымының Таяу Шығыстағы Палестиналық босқындарға көмек көрсету және жұмыс жөніндегі агенттігі 2023 жылғы операциялары үшін 1,6 миллиард доллар сұрады.

Көмек денсаулық сақтау және білім беру салаларындағы бағдарламаларды жүзеге асыруға, сондай-ақ басқа да негізгі қызметтерді көрсетуге арналған.

Денсаулық сақтау мен білім беру, әлеуметтік қызметтер мен гуманитарлық көмекке 848 миллион доллар жұмсалады деп жоспарлануда. Қалған 781 миллион доллар Палестина аумақтары, Иордания, Сирия және Ливанға көмекке қажет.

2022 жылғы желтоқсанда Степногорск қаласында орналасқан банктердің бірінің филиалдарын жоспарлы тексеру барысында банктің аса ірі мөлшердегі ақшалай қаражатының жетіспеушілігі анықталды. Осы фактіге сәйкес ҚР ҚК 189-бабы 4-бөлігі 2-тармағы бойынша сотқа дейінгі тергеу басталды «Сеніп тапсырылған бөтен мүлікті иемденіп алу немесе талан-таражға салу».

Алдын ала ақпарат бойынша, бір-бірімен сөз байласқан айыпталушылар ешбір қылмыстық схемасыз және шоттарды бұрмалаусыз жоғарыда аталған соманы бір ай ішінде кассадан алып шыққан.

Қылмыстық істі тергеу жалғасуда.

2022 жылдың желтоқсан айының қорытындысы бойынша жаңа жиналған көкөніс бағасы бір жыл бұрынғымен салыстырғанда 19,2% өсті.

Баға ең көп өскен өңір Алматы облысы: бір жылда 32,2% қымбаттаған. Одан кейін Түркістан (30,3% қымбаттаған) және Ұлытау (27,1%) облыстары. Бір жылда ең аз қымбаттаған өңір Батыс Қазақстан облысы: 4,6%. Еліміздің 20 өңірінің ішінде жаңа піскен көкөніс бағасы тек Павлодар облысында ғана төмендеді: 2,7%.

Қияр (47,9% қымбаттап, килосы 931 теңге), пияз (40,6% қымбаттап, 124 теңге), қызанақ (22,2% қымбаттап, 764 теңге), картоп (11,9% қымбаттап, 155 теңге) қымбаттады, қызылша құны да аздап өсті (1,5% қымбаттап, 235 теңге). Сәбіз 0,8% арзандап, килосы 145 теңге, ақ қауанды қырыққабат...

2022 жылы көпбалалы отбасыларға берілетін мемлекеттік жәрдемақы төлемдерін жалпы сомасы 346,8 млрд теңгеге орта есеппен 501,2 мың отбасы алды, оның ішінде желтоқсан айында 530,8 мың отбасына 31,2 млрд теңге жәрдемақы төленді.

Бұл мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.

Төлем мөлшері бала санына қарай есептеліп төленеді. Көпбалалы отбасылардағы:

– 4 баласы бар отбасыларға – 16,03 АЕК (2022 жылы – 50 976 теңге, 2023 жылы – 55 304 теңге);

– 5 балаға – 20,04 АЕК (2022 жылы – 63 728 теңге, 2023 жылы – 69 138 теңге);

ҚР ИИДМ Азаматтық авиация комитеті Әзірбайжан Республикасының авиациялық билік орындарымен бірлесіп, халықаралық қатынасты қайта бастау және ашу жөніндегі жұмыс шеңберінде «Әзірбайжан Хава Йоллары» әуе компаниясының Баку – Астана және Баку – Алматы бағыттары бойынша тұрақты жолаушылар рейстерін қайта жаңғырту мәселесін пысықтады.

Осылайша, Әзірбайжан әуекомпаниясы ағымдағы жылдың 10 наурызынан бастап Баку – Астана бағыты бойынша аптасына 2 рейс жиілігімен (бейсенбі, сенбі күндері), сондай – ақ ағымдағы жылдың 11 наурызынан бастап Баку-Алматы бағыты бойынша аптасына 2 рейс жиілігімен (сәрсенбі, жексенбі күндері) тұрақты жолаушылар рейстерін қайта бастауды жоспарлап отыр. Рейстер А-319/Е-190/Б-757 типті әуе кемелерінде орындалатын болады.

Айта кету керек, Қазақстан мен Әзірбайжан астаналары...

Ақмола облысында немересі әжесінің атына заңсыз төрт несие рәсімдеген, – деп хабарлайды Polisia.kz.

Степногорск қаласының полиция басқармасына алаяқтық туралы өтінішпен жергілікті тұрғын жүгінді. Әйел 28 тамыз бен 23 қыркүйек аралығында 1996 жылы туған немересі оның атына алаяқтық жолмен банктен несие рәсімдегенін хабарлады.

Алдын ала тергеу барысында 500 мың теңгеге банктік несиені бірінші рет қаскөй жәбірленушінің қатысуымен және келісімімен рәсімдегені анықталды. Ал одан кейін әжесінің жеке деректері мен фотосуреттерін пайдаланған немересі жалпы сомасы 1,1 млн теңгеге жуық теңге 4 онлайн несиені рәсімдеген.

Полиция басқармасы осы фактіге сәйкес ҚР ҚК-нің 190-бабының 2-бөлігі (Алаяқтық) бойынша сотқа дейінгі тергеп-тексеруді бастады.

2022 жылғы қаңтар–желтоқсанда күнбағыс майы өндірісі 537,1 мың тоннаны құрады, бұл 2021 жылдың сәйкес кезеңімен салыстырғанда бірден 62,2% артық.

Мұндай айтарлықтай өсім тазартылмаған күнбағыс майы өндірісінің бір жылда 2,1 есе, 376,7 мың тоннаға дейін көбеюі есебінен болып отыр. Тазартылған күнбағыс майының өндірісі бір жылда 8,7% ғана өсіп, 160,4 мың тоннаны құрады.

2022 жылдың қаңтар–қазан айларының қорытындысы бойынша жергілікті компаниялар күнбағыс майына сұранысты (ішкі нарықтағы сату және экспорт) 81,5% қамтамасыз етті. Осы кезеңде өнім көлемі 389,9 мың тоннаға жетіп, 2021 жылғы қаңтар–қазанмен салыстырғанда 47,1% көбейді, импорт та бір жылда 28% өсіп 88,6 мың тоннаны құрады.

Ескерту: күнбағыс майының экспорты бірден...

ҚР ИИДМ Көмір өнеркәсібі басқармасының басшысы Жанат Игісіновтің айтуынша, 2022 жылы көмір өндіруші компаниялар 113,9 млн тонна қатты отын өндіріп, бұл 2021 жылмен салыстырғанда 1,9-ға көп. Бұл туралы ҚР ИИДМ баспасөз қызметі хабарлады.

«2022 жылдың қорытындысы бойынша көмір экспорты 32,5 млн тоннаға жетті. Коммуналдық-тұрмыстық қажеттіліктер мен халыққа 11,03 млн тонна, энергетикалық кешендерге 64,4 млн тонна, сондай-ақ өнеркәсіптік кәсіпорындарға 5,97 млн тонна көмір жөнелтілді», деді Ж.Игісінов.

Министрлік жергілікті атқарушы органдардың деректері негізінде 2022-2023 жылдарға арналған коммуналдық-тұрмыстық сектор мен халықтың қажеттілігіне байланысты көмір өнімдері көлемінің жоспарын дайындады. Соған сәйкес тұтыну көлемі – 9 млн тоннаға жетпек. Оның ішінде коммуналдық тұрмыстық сектор...

Жапондық Uniqlo компания елдегі дүкендердің санын оңтайландырып жатқанымен, нарықтан толықтай шықпайтыны белгілі болды.

2022 жылдың 10 наурызында Uniqlo Украинадағы жағдайға байланысты Ресейдегі жұмысын белгісіз мерзімге тоқтатты. Сонымен бірге, 21 наурызда интернет-сатулар мен интернет-дүкеннің жұмысы тоқтатылды. Ресми түсініктемеде бұл шешім бизнесті жүргізудегі қиындықтармен негізделді.

Ал 2022 жылдың 10 қазанында Uniqlo киімдері Lamoda-да сатылымға шықты.

2022 жылдың қаңтар–желтоқсан айларында 43 жатақхана пайдалануға берілді. Өткен жылдың сәйкес кезеңінде 82 жатақхана пайдалануға берілген еді.

Пайдалануға берілген жатақханалардың жалпы ауданы бірден 65% қысқарып, 72,9 мың шаршы метрді құрады. Жатақханалардың пайдалы ауданы 148,9 мыңнан 58,9 мың шаршы метрге дейін қысқарды. (60,4% азайған). Жаңа ғимараттардың кубатурасы (құрылыс көлемі) де төмендеді — 763,4 мың куб метрден 234,7 мың куб метрге дейін қысқарды.

Құрылыстың нақты құны бір жыл бұрынғы 53,5 млрд теңгенің орнына 11 млрд теңгені құрады. Құндық көрсеткіші бір жылда бірден 79,5% азайды.

Республика бойынша пайдалануға берілген 43 жатақхананың 25-і ауылдық жерде және олардың жалпы ауданы 19,5 мың шаршы метрді құрады.

Елімізде биылғы тұрғын үй құрылысы былтырғыдай болмайды. Логистикалық тізбектің бұзылуы, құрылыс материалдарының қымбаттауы елдегі баспана нарығын да біраз тұралатып кетті. Мемлекеттің жоспары бойынша 2023 жылы 15 млн шаршы метр тұрғын үй салынуы тиіс. Бұл былтырғы және 2020, 2021 жылғы көрсеткіштерден әжептәуір төмен. Баға өсті, азаматтардың табысы аса көп арта қойған жоқ. Сондықтан пәтерге қол жеткізу де оңайға түспесі белгілі. Дегенмен халық бір бөлмелі шаңырақ болса да рәсімдеп қалуға тырысады. Әрине, көбінің ипотеканы таңдайтыны анық.

Елімізде баспананы несиеге сатып алудың бірнеше жолы бар. Атап айтқанда,

Елімізде көп пәтерлі тұрғын үй қорын басқарудың жаңа тәсіліне көшіруге байланысты жұмыс жоспарлы түрде жалғасып келеді. Осы жылы (20-шы қаңтардағы жағдайға сәйкес) басқарудың тың тетігіне 45 148 көп пәтерлі тұрғын үй (97,1%) көшірілді. Демек қазір республиканың 3 өңірінде 1 366 (2,9%)  көп пәтерлі тұрғын үйді жоғарыда аталған басқарудың формасына көшіру ғана қалды.

Осы басқарудың жаңа түрлерін енгізуге арналған реформаны жетілдіру мақсатында таяуда түзетулер пакеті әзірленіп, соған сәйкес жиналысты өткізудің кейбір функцияларын беру арқылы Тұрғын үй кеңесінің өкілеттіктерін күшейту, қаржылық мәселелер бойынша шешімдер қабылдау кезінде жиналыс кворумын азайту (жалпы жиналыстың 2/3-тен 51%-ға дейін) және жазбаша сауалнама мерзімін екі айға дейін ұзарту қарастырылады.

2023 жылдың 1 қаңтарынан бастап Әлеуметтік медициналық сақтандыру қоры стоматологиялық қызмет көрсету үшін стоматологиялық клиникалармен тікелей келісімшарттар жасай бастады. Бұрын шарт  емханалар арқылы жасалып келді. Бұл пациенттерге әсер ете ме, Қормен жұмыс жасайтын клиникаларды қалай табуға болады, тісті емдеуге жолдама керек пе – осы және өзге де өзекті сұрақтарға Қор өкілі Ирина Подскочая жауап берді.    

Стоматологиялық көмек көрсету процесінде еш өзгеріс жоқ, пациенттер   бұрынғыдай медициналық көмек алады. Тек келісімшартқа отыру әдісі яғни шарт жасасу жағы өзгерді. Бұған дейін стоматологиялық клиникалар өзара шартқа отыру арқылы қосалқы мердігер ретінде медициналық қызмет көрсетсе...

Электрондық үкімет порталында және eGov Mobile мобильді қосымшасында аталмыш сервис жеке тұлғалар үшін 2023 жылдың 23 қаңтарынан бастап 1 шілдеге дейін қолжетімді болады. Бұл туралы «ҰАТ» АҚ Қоғаммен байланыс басқармасы хабарлады.

ҚР Үкіметінің 2023 жылғы 11 қаңтардағы №13 қаулысына сәйкес, қазақстандықтар Қазақстан Республикасына 2022 жылдың 1 қыркүйегіне дейін әкелінген автокөліктерді eGov.kz порталының  «Автокөлікті заңдастыру үшін тексеру» атты жаңа сервисі арқылы заңдастыра алады. Жаңа сервис тек электрондық өтініш беруге арналған. Өтініш бойынша B (жеңіл автомобильдер) және D1 (микроавтобустар) санатындағы көлік құралдарының мынадай талаптарға сәйкестігін тексеру жүзеге асырылады:

Сыбайлас жемқорлыққа қарсы қызмет Қазақстан Республикасы Қорғаныс министрлігінің құрылымдық бөлімшесінің басшысына қатысты сотқа дейінгі тергеп-тексеруді бастады. Бұл туралы Антикор хабарлады.

Қорғаныс ведомствосының ақпараттандыру департаменті бастығының м.у.а. бейнеконференцбайланыс жабдығын жеткізу мерзімдерін бұза отырып, қабылдау-тапсыру актісіне кедергісіз қол қойғаны үшін жеткізушіден 20 000 АҚШ доллары сомасында пара алды деп күдіктелуде.

Күдікті ұсталып, Астана қаласының тергеу сотының санкциясымен қамауға алынды.

Тергеу жалғасуда.

23 қаңтардан бастап Қазақстан азаматтары сырттан әкелген шетелдік тіркеудегі жеңіл автокөліктер, шағын, орта сыйымдылықтағы автобустар, шағын жүк көліктері мен рөлі оң жақтағы автокөліктер заңдастырылмақ.Бұл туралы аtamekenbusiness хабарлады.

Ол үшін автокөлік елге былтырғы жылдың 1 қыркүйегіне дейін әкелінген, және криминалдық есепте болмауы тиіс. Басқа мемлекетте бұрынғы тіркелген жері бойынша есептен шығарылуы тиіс. Ал Еуразиялық экономикалық одаққа кірмейтін елдерден әкелінген автокөлік, кедендік тазартудан өтуі қажет.

Алғашқы тіркеу үшін 200 мың теңге, тех.паспортқа мемлекеттік БАЖ 4 мың 313, ал мемлекеттік нөмір үшін 9 мың  660 теңге талап етіледі.  

2022 жылы қазақстандықтарға республикалық бюджеттен 2,9 трлн теңгеден астам сомаға зейнетақы төленді, оның ішінде базалық зейнетақыға 883,7 млрд теңге, ынтымақты зейнетақыға – 2 022,6 млрд теңге жұмсалды. Бұл туралы ҚР Еңбекмин хабарлады.

2022 жылғы желтоқсанда республикалық бюджеттен зейнетақы төлемдеріне 247,4 млрд теңге, оның ішінде базалық зейнетақыны төлеуге – 75,4 млрд теңге, ынтымақты зейнетақыны төлеуге – 172 млрд теңге бөлінді.

2023 жылғы 1 қаңтардағы жағдай бойынша зейнеткерлер саны – 2 млн 295 мың адам.

2023 жылдың 1 қаңтарында жиынтық зейнетақының орташа мөлшері 108 761 теңгені құрады, оның ішінде ынтымақты зейнетақы мөлшері – 74 950 теңге, базалық зейнетақы – 33 811 теңге.

fingramota.kz қарыз алушыларға кредит бойынша мерзімі өткен берешек пайда болған жағдайда не істеу және қайда жүгіну керектігі жөнінде толығырақ айтып береді.

Агенттік азаматтардың мерзімі өткен берешегін реттеу тетігі енгізілген сәттен бастап бір жыл бойы тұрақты негізде банктердің және МҚҰ-ның осы тәртіпті қолдануының мониторингі мен талдауын жүргізуде. Кредиттік ұйымдар қарыз алушының өтінішін кезең-кезеңмен қарау процесін қоса алғанда, қарыздар бойынша мерзімі өткен берешекті реттеудің бірыңғай тәртібін қолдануды регламенттейтін ішкі нормативтік құжаттарға өзгерістер енгізді. Банктер мен МҚҰ өз клиенттері үшін ресми интернет-ресурстарда, әлеуметтік желілерде және бар болса мобильді қосымшаларда ақпарат орналастырады, сондай-ақ call-орталықтар арқылы азаматтарға кеңес береді.

Агенттіктің мәліметінше жасалған кредиттік шарттардың талаптарын өзгерту үшін банктер мен МҚҰ-ға...

Жапония премьер-министрі Фумио Кисида ақпанның ортасында Киевке барып, Украина президенті Владимир Зеленскиймен келіссөздер өткізуі мүмкін, деп жазады Yomiuri Shimbun.

Газеттің хабарлауынша, жапондық саясаткер Украинаның бұрын ұрыс болған аудандарын да көргісі келеді. Егер сапар орын алса, сапардан кейін Кисида мен Зеленский Ресейге қарсы бірлескен мәлімдеме жасайды.

Бұған дейін Кисида Жапонияның Ресейге қарсы санкцияларын жалғастырып, Украинаға қолдау көрсететініне уәде берген еді.

Ауғанстанның бақылауындағы Талибан қозғалысының Сыртқы істер министрі Амир Хан Муттаки Қытай Сыртқы істер министрі Цин Ганмен телефон арқылы сөйлескен кезде Қытайды Ауғанстанның ауыл шаруашылығына инвестиция салуға шақырды.

«Амир Хан Муттаки Қытай тарапын Ауғанстанның ауыл шаруашылығы мен мал шаруашылығын дамытуға, инвестиция салуға және ауған фермерлеріне көмектесуге шақырды», – деді Талибан Сыртқы істер министрлігі баспасөз хатшысының орынбасары және қоғаммен байланыс жөніндегі директорының көмекшісі Хафиз Зия Ахмад.

Хабарда айтылғандай, Муттаки ҚХР Ауғанстан үкіметінің сыртқы саясатында маңызды рөл атқаратынын және Талибан үкіметінің бір Қытай тұжырымдамасын ұстанатынын айтты. Оның айтуынша, екі ел арасында Ауғанстанның солтүстігіндегі мұнай кен орындарын игеруге қатысты жақында жасалған келісім-шарт маңызды оқиға...