Жаңалықтар

Сенатор Сергей Ершов құтқарушылардың жалақысын көтеруді және зейнетке шығу жасын қысқартуды ұсынды.

Сенатор премьер-министрге депутаттық сауал жолдап, Төтенше жағдайлар министрлігінің жедел-құтқару жасақтарының қызметіне байланысты бірқатар маңызды мәселеге тоқталды.

«Құтқарушының лауазымдық жалақысы 1 қаңтарынан бастап 23%-ға өскенін есепке алғанда, 105 208 теңгені құрайды. Біздің ойымызша, мұндай қауіпті кәсіп қызметкері үшін бұл жеткіліксіз. Өйткені бұл мамандар күн сайын құтқару жұмыстарын атқарады және өз өмірі мен денсаулығына қауіп төндіреді», деп атап өтті Сергей Ершов.

Сенатор құтқарушылардың зейнетке 63 жасында шығуын да дұрыс емес деп санайды. Себебі олар төтенше жағдайда жұмыс істейді.

Құтқарушыларға жасына қарай ауыр жүктемемен күресу қиындай...

Бұрынғы Қорғаныс министріне қатысты сот үкіміт шықты. Бұл туралы Қылмыстық істер жөніндегі мамандандырылған ауданаралық әскери сотқа сілтеме жасап, inbusiness.kz порталы жазды.

“М.Бектанов Қазақстан Республикасы Қылмыстық кодексінің 451-бабының 3-бөлігі бойынша 2023 жылғы 24 ақпандағы қылмыстық істер жөніндегі мамандандырылған ауданаралық әскери сотының үкімімен сотталды. Оған 12 жыл мерзімге бас бостандығынан айыру түріндегі жаза тағайындалды», – делінген хабарламада. 

Мұрат Бектанов 2021 жылдың 31 тамызында Қорғаныс министрі болып тағайындалған болатын. 2022 жылдың басында болған Қаңтар оқиғасынан кейін, қызметінен шеттетілген еді. Ал, өткен жылы 19 ақпанда Бас прокуратура бұрынғы Қорғаныс министрі Мұрат Бектановқа қатысты, Қазақстан Республикасы Қылмысты...

Bereke Bank ресми түрде санкциялардан шығарылғанын хабарлайды. 2023 жылдың 8 наурызында АҚШ Қаржы министрлігінің Шетел активтерін бақылау жөніндегі басқармасы (OFAC) қаржы институтын Specially Designated Nationals (SDN) санкциялық тізімінен және секторлық санкциялар тізімінен (SSI) шығарды.

Санкцияларды алып тастауға акционердің және банктің атауының өзгеруі ықпал еткен. Естеріңізге салсақ, 2022 жылдың қыркүйек айынан бастап «Бәйтерек» Ұлттық басқарушы холдингі ЕДБ-ның негізгі акционері. Қыркүйекте банк ребрендинг жүргізіп, Bereke Bank атауын иеленді.

«Банк санкциялар кезінде өз қызметін тоқтатқан жоқ және халық пен бизнеске үзбей қызмет көрсетті. Шектеулер көбінесе валюталық операциялар, атап айтқанда, АҚШ долларында, еурода жасалатын операциялар, сондай-ақ  корреспонденттік банктік...

Сәрсенбі күнгі биржадағы сауда-саттық қорытындысы бойынша, Еуропадағы газ бағасы шамамен 4%-ды жоғалтып, мың текше метріне $450 шегіне жақындаған. Лондон ICE биржасының хабарлауынша, бұл көрсеткіштер 2021 жылдың шілдесінен бері төмендемеген.
Нидерландыда орналасқан Еуропадағы ең ірі хаб – TTF индексі бойынша, сәуір фьючерстері газдың мың текше метріне $479,3 (+0,8%) деңгейінде сауда ашқан. Көп ұзамай баға – 493 долларға (+3,7%) көтерілген. Ал ең төменгі баға – сауда сессиясының жабылуына аз уақыт қалғанда – мың текше метр үшін 454 долларды (-4,5%) құрады. Нәтижесінде соңғы фьючерстер $457 (-3,9%) деңгейінде саудаланған.
Газдың биржалық бағасы өткен жылдың соңынан бері тұрақты түрде төмендеп отырған. Қазіргі көрсеткіштер желтоқсан айыны...

Биыл қаңтар айында бөлшек сауда көлемі 1,1 трлн теңгеге жетіп, бір жыл бұрынғыдан ақшалай түрде 45,6% көбейді. Бөлшек сауданың физикалық көлемінің нақты өсімі 20,8%-ды құрады, деп жазады, Finprom.kz

Құндық мәнде азық-түлік тауарларының бөлшек саудасы бір жылда 21,8% 292,3 млрд теңгеге, азық-түлік емес тауарлар — 57,4%, 766,8 млрд теңгеге өсті.

Салыстырар болсақ, 2022 жылдың сәйкес кезеңінде бөлшек сауда көлемі 727,3 млрд теңгені құрады, бұл бір жыл бұрынғыдан ақшалай түрде 7,9% аз.

Өңірлер бойынша ең жоғары бөлшек сауда Алматыға тиесілі: ҚР-ның 31,7%-ы немесе 335,8 млрд теңге, бұл бір жыл бұрынғыдан бірден 2,1 есе көп. Көрсеткіштің осыншалықты күрт өсуіне басқа себептермен қатар...

Сенатта саяси қызметшіні сенімді жоғалтуына байланысты қызметінен босатуға мүмкіндік беретін заң талқыланды. Атап айтқанда «Қазақстан Республикасының кейбір заңнамалық актілеріне мемлекеттік қызмет мәселелері бойынша өзгерістер мен толықтырулар енгізу туралы» заң жобасын қабылдады.
Бұл заңда мемлекеттік қызметкерлердің артық жұмыс уақыты үшін, мемлекеттік органдардың айыппүл төлеу, ротациялық төлем және тағы басқа нормалар қарастырылған.

«Мемлекет «келісімшартты қызметшілер» ұғымын заңнамаға енгізуді ұсынып отыр. Алайда олар мемлекеттік қызметші санатына жатпайды. Бұл салалық жобаларды іске асыру кезінде арнаулы білім бар кәсіби мамандарды тартуға мүмкіндік береді. Келісімшарт мерзімі бір жылдан аспайды», – деді Мемлекеттік қызмет істері агенттігі төрағасы Дархан Жазықбаев.

Сондай-ақ ротациялық төлемд...

Қазқстан Республикасының 3 азаматы «ABS Change» крипто айырбастау пункті арқылы цифрлық активтерді заңсыз айырбастаумен айналысқан. Оларды Қаржы мониторингі агенттігінің елордалық департаменті әшкереледі.

Алдын ала есеп бойынша, «Binance» платформасындағы крипто айырбастау пунктінің крипто әмияндарының жалпы айналымы шамамен 34 млн (33 737 980) АҚШ долларын құрады.

Аталған азаматтар АХҚО алаңынан тыс жерде заңсыз жұмыс істеген. Олар 2021-2023 жылдар аралығында Астана қаласының аумағында криптовалютаны айырбастаған.

«Өткізілген іс-шаралар нәтижесінде айырбастау пунктін ұйымдастырушыладың заттары, 342 000 АҚШ доллары және 7 млн теңгесі тәркіленді.»Binance» платформасында 2 крипто әмияннан 23 мыңға жуық АҚШ доллары сомасына криптоактивтер анықталып, оларға уақытша шектеу қойылды...

«Халық қатысатын бюджет» бағдарламасы Алматы қаласында қолға алынғаны көптеген жобалар жүзеге асты. 2022 жылы бойынша Алмалы ауданында 800 млн. теңгеге 39 жоба іске асырылды.

Бұл туралы Алмалы ауданы тұрғындарымен кездесуі барысында Алматы қаласының әкімі Ерболат Досаев мәлімдеді. Оның айтуынша, биыл тұрғындардың өтініштері бойынша ауданда ең көп дауыс жинаған 17 жоба қолға алынады.

«Халық қатысатын бюджет» бағдарламасының тиімділігін ескере отырып, мен осы жобаларды іске асыруға биыл қаланың барлық сегіз ауданына қосымша 7 млрд теңге бөлу туралы шешім қабылдадым», – деді Ерболат Досаев.

Сонымен қатар, 2024 жылы бұрынғы теміржол ауруханасы ғимаратында «Қалалық балаларды оңалту орталығы» ашылады. Сонымен қатар, Әйтеке...

2023 жылғы 3 наурыздан жеке тұлғалардың банкроттығына өтінімдер қабылдана бастады. Өтінішті жеке тұлға өзі береді. Осы ретте Қаржы нарығын реттеу және дамыту агенттігі банкроттықты рәсімдейтін оператор емес екенін мәлімдейді.

«ҚР Қаржы нарығын реттеу және дамыту агенттігі оператор емес және бұл мәселе бойынша өтінімдер мен азаматтарды жеке қабылдамайды», делінген агенттік таратқан ақпаратта.

2022 жылы 30 желтоқсанда «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заңға қол қойылды. Заңда 3 түрлі рәсім көзделген.

Бірінші рәсім – соттан тыс банкроттық.

Оны тек банктер, микроқаржы ұйымдары және коллекторлық агенттіктер алдындағы қарыздар бойынша қолдануға болады.

АҚШ Президенті Джо Байден 9 наурыз күні Конгресс алдында ұсынатын бюджет жобасында бірнеше батыл ұсыныс жасамақ. Бұл туралы бірнеше басылым жазды.
Байден мемлекеттік қызметкерлердің жалақысын 5,2% ке көтеруді ұсынатын болады, деп жазады Washington Post. 

Бұл елдегі 2,1 млн мемлекеттік қызметкердің жалақысы 1980 жылдан бері тұңғыш рет бірден күрт көтеріледі деген сөз. 43 жыл бұрын 9,1%-ға көтерілген екен.
сонымен қатар, Байдан бұл жолы бірнеше салық көлемін ұлғайтуды және Medicare сақтандыру бағдарламасын нығайту бойынша шаралар ұсынады деп жоспарланып отыр.

Ал, Bloomberg агенттігі Ақ үйдегі ақпарат көздеріне сілтеме жасап, байларға салық салуды жоспарлап отырғанын жазыпты.

Атап айтқанда, миллиардарлерге 25%-дық салық салып, дәулетт...

Экспортқа шығарылатын қазақ мұнайын Каспий теңізіне жеткізетін мұнай құбыры құрылысына бес жыл кетуі мүмкін. Хьюстонда өткен CERAWeek энергетика конференциясында Қазастанның энергетика министрі Болат Ақшолақов осылай деген. Бұл туралы министрдің сөзіне сәлтеме жасай отырып Bloomberg хабарлайды.

«Ақшолақов Қазақстан экспортқа кететін мұнайды Каспий теңізіне жеткізетін жаңа құбыр салуды жоспарлап отырғанын айтты. Бірақ мұндай жобаны әзірлеу бес жылға созылуы мүмкін, сонымен қатар жаңа мұнай танкерлері қажет», деп жазады басылым.

Мақалада министр Қазақстан мұнайы экспортында Ресейге тәуелділікті азайту үшін тасымалды әртараптандыру басты мәселе деп атап өткені жазылады.

КҚК – Қазақстан мұнайының негізгі экспорттық бағыты. Бұл...

«Шеврон» компаниясының өкілі «Теңізде» алты өндірістік желінің бірі уақытша тоқтағанын растады, деп жазады Интерфакс-Қазақстан агенттігі.
«Бұл қондырғыдағы өндірістік қызмет жөндеу жұмыстары аяқталғаннан кейін қайта жанданады», делінген ақпаратта.
Мұндай жағдай ақпан айында да қайталанған. Ол кезде де кен орнында алты өндірістік желінің біріндегі қондырғыны жоспардан тыс жөндеу нәтижесінде «Теңіз» кенішіндегі өндіріс көлемі төмендеген.
«Теңіз мұнай-газ» кен орны Қазақстандағы ең ірі кен орындарының бірі болып саналады. Мұнай қоры 3,2 млрд тонна, Атырау облысында (елдің батыс бөлігі) орналасқан. ТШО Қазақстанның Атырау облысындағы «Теңіз» және «Королевское» мұнай-газ кен орындарын игеруде. «Теңізшевройл» ЖШС қатысушылары: «Шеврон» (50% үлес), ExxonMobil (SPB: XOM) Kazakhstan Ventures Inc (25%), «ҚазМұнайГаз» ұлттық компаниясы.
«Теңізшевройл...

АҚШ Қаржы министрлігінің сайтында санкциялардан шығарылған тұлғалар мен ұйымдардың жаңартылған тізімін жарияланды. Олардың арасында «Ресей Сбербанкі» АҚ Еншілес компаниясы, яғни қазіргі Bereke Bank бар.

«Сбербанк» АҚ ЕБ Ресейдің Украинаға басып кіргеннен кейін былтыр ақпан айында «Сбербанктің» шетелдік еншілес кәсіпорны ретінде санкцияға іліккен. Былтыр елдегі қаржы жүйесіндегі ірі банк – «Қазақстан Халық Банкі» оның несие портфелін сатып алған болатын.

Санкцияларды алып тастау себебі, қазір банк толықтай қазақстандық компанияға тиесілі.

Былтыр жазда «Бәйтерек» ұлттық холдингі қазақстандық Сбербанкті сатып алды. Қыркүйекте банк ребрендинг жүргізіп, Bereke Bank атауын иеленді.

Ұлттық банк мәліметі бойынша, бұл банк 1,5 триллион теңге активімен ЕДБ арасында тоғызыншы орында...

Бұл жайлы QazaqGaz басшысы Санжар Жаркешов Хьюстонда өтіп жатқан CERAWeek халықаралық энергетикалық конференциясында мәлімдеді.
Атап айтқанда, Жаркешов компанияның 2025 жылға қарай акцияларын жария сатылымға шығаруды бастамақ.

«Жаңа ұлттық компания ретінде біз 2025 жылға дейін IPO-ға дайындалып, ESG-ге көп көңіл бөлеміз», деді ол.

ESG (environment, social, governance) «экология, әлеуметтік саясат және корпоративтік басқару» дегенді білдіреді. Кең мағынада бұл қоршаған ортаға жауапкершілікпен қарау, жоғары әлеуметтік жауапкершілік және жоғары сапалы корпоративтік басқару принциптеріне негізделген коммерциялық қызметтің тұрақты дамуы.

Бұған дейін аталған форумда «ҚМГ» басшысы Мағзұм Мырзағалиев те сөз сөйлеп, қазақстандық мұнай сортының санкциялық тәуекелді қалай еңсергенін...

Жекелеген салық түрлері мен бюджетке төленетін міндетті төлемдердің кейбірі басқаша есептелетін арнаулы салық режимі болады. Есеп тапсырғанда кезде салық төлеушілер осы режим бойынша бөлек категория бойынша өткізеді. Бүгінгі материалымызда 2023 жылы шағын бизнес иелері білуге тиіс өзгерістер туралы айтамыз.   

Жеке кәсіпкерлер енді салықты қалай төлейді?

2023 жылы жеке кәсіпкерлер үшін үш жылға созылған салық жеңілдігі тәмамдалды. Соның ішінде бұл арнаулы салық режиміндегі патент, жеңілдетілген декларация және ауылшаруашылық өндірушілеріне арналған бекітілген есепке қатысты. Есіңізде болса, 2020 жыл мен 2023 жыл аралығында арнаулы салық режимін пайдаланған кәсіпкерлер кәсіпкерлік қызметке қатысты табыс салығын төлеуден босатылған еді. Яғни жеке табыс салығы, әлеуметтік салы...

Еліміздегі нәзік жандылар Отбасы банкінде 1 трлн теңгеден астам ақша жинаған. Бұл банктегі барлық жинақтардың тең жартысы. Бұл туралы Хабар 24 сайты хабарлады.

Тағы 1,5 млн депозит немесе барлық жинақтаушы шоттардың 68 пайызын да әйелдер ашқан екен. Ал депозиттегі максималды сома 50 млн теңгеден асады. Статистикаға сай, баспана алу үшін нәзік жандыларға 6-10 жыл көлемінде ақша жинау жеткілікті екен. Ең көп қаражат жинайтындар Алматы, Астана және Шымкент шаһарларында тұрады.

Еуропалық Одақ шеру өткізу, қамау және түрмелерде әйелдерге зорлық-зомбылық көрсетіп, олардың құқықтарын бұзған елдерге алғаш рет санкция салды. Бұл туралы Хабар 24 хабарлады.

Қара тізімге Ауғанстан үкіметі, Мьянма Ішкі істер министрі және Оңтүстік Суданның 2 полицейі енгізілді. Шектеулер Сирияның республикалық гвардиясы, Мьянманың әскери және қауіпсіздік мәселелері жөніндегі штабы мен Иран түрмесіне де салынды. Осымен қатар қара тізімге Ресейдің бірнеше әскериі мен полицейі енгізілді.

 Грузия Ішкі істер министрлігінің қызметкерлері Тбилисидегі парламент ғимараты маңында «шетелдік агенттер» туралы заң жобасына наразылық акциясын таратып, оларға қатысқандарды ұстауға кірісті. Бұл туралы ҚазАқпарат хабарлайды.

Ереуілге қатысқандарды ұстау кадрларын сәрсенбі күні грузиндік Mtavari Arxi телеарнасы https://mtavari.tv/live тікелей эфирде көрсетті.

Ереуілшілерді ұстау негізінен республика парламентінің ғимараты орналасқан Руставели даңғылында өтеді. Кейбір наразылық білдірушілер полицейлерден ұсталған адамдарды арашалап алмақ. Алайда олардың бұл әрекеті сәтсіз болды. Бұған дейін «Гирчи» оппозициялық партиясының көшбасшысы Зураб Джапаридзені ұстау кадрлары таралған.

Мемлекет басшысы Қасым-Жомарт Тоқаев 8 наурыз – Халықаралық әйелдер күнімен құттықтады. Бұл туралы akorda.kz мәлімдеді.

«Баршаңызды Халықаралық әйелдер күнімен шын жүректен құттықтаймын! Сіздер әлемге жылулық пен жарасым сыйлап, жақын жандарыңызды махаббатқа  бөлейсіздер. Аяулы аналарымыз өскелең ұрпақтың бойына адамгершілік құндылықтарды сіңіріп, оларды еңбекқор, білімпаз болуға тәрбиелейді. Бүгінде әйелдер қауымының отбасындағы, қоғам өміріндегі және мемлекетті жан-жақты дамыту ісіндегі рөлі орасан зор.Қыз-келіншектер өндірісте, шығармашылық жолында, саясат, бизнес және басқа да көптеген салада биік белестерді бағындырып келеді.Мемлекет гендерлік теңдікті сақтауға, әйелдер құқығын қорғауға және отбасы құндылықтарын нығайтуға әрдайым баса мән береді.Аналарымыз бен аруларымыздың алаңсыз өмірі – ұлтымыздың жарқын болашағының кепілі.Сіздерге зор денсаулық, бақ-береке тілеймін!»-дед...

 Өзбекстан астанасы Ташкентте Yandex Eats брендімен «Яндекс Еда» тамақ жеткізу қызметі іске қосылды. Бұл туралы ҚазАқпарат хабарлады.

«Өзбекстан Ресей, Қазақстан, Беларусь және Армениядан кейін аталған сервисті іске қосқан ТМД елдері арасындағы бесінші мемлекет болды. Yandex Еats қосымшасы мен сайты өзбек, ағылшын және орыс тілдерінде қолжетімді», – деп мәлім етті компаниядан.

Қазіргі таңда Ташкентте орналасқан 200-ден астам мейрамхана мен кафе «Яндекс Еда» тамақ жеткізу қызметімен жұмыс істейді. Оның ішінде FeedUp, Bon!, Oqtepa Lavash, Yaponamama сияқты танымал тамақтану орындары бар.

БҰҰ өкілдері келесі аптада Женевадағы Ресей делегациясымен келіссөздер жүргізеді. Бұл туралы РИА Новости хабарлады.

Кездесу ресейлік астық пен тыңайтқыштарды экспорттау мәселелеріне қатысты болуы мүмкін.

Сонымен қатар, 8 наурызда БҰҰ Бас хатшысы Антониу Гутерриш Владимир Зеленскиймен Қара теңіз астық бастамасын ұзарту мәселесін талқылау үшін Киевке барады.

Ресей, Украина, Түркия және БҰҰ арасында 2022 жылдың шілдесінде жасалған астық мәмілесінің мерзімі 18 наурызда аяқталады.

Кіші Алматы өзен алабында №11 қар көшкінін жинағышында өздігінен қар көшкіні түсуі тіркелді. Зерттеу барысында Кіші Алматы өндірістік бөлім басшысы ауданы шамамен 300 м3 болатын қар көшкіні өздігінен түскенін анықтады. Бұл туралы ҚР ТЖМ баспасөз қызметі хабарлады.

Қардың түскен массасы «Медеу-Шымбұлақ» автожолын жауып қалды. Зардап шеккендер мен қиратулар жоқ. Жолды тазалауды «Қазселденқорғау» ММ Алматы қалалық филиалы жүргізді.

Зерттеу барысында Кіші Алматы өндірістік бөлімінің басшысы Кіші  Алматы өзені алабында көлемі шамамен 250м3 болатын №7 «Қарақаптал» көшкін жинағышында өздігінен қар көшкіні түскенін анықтады. Түскен қар массалары тау беткейінде тоқтады. Зардап шеккендер мен қиратулар жоқ. Ақпарат ескерту және өзара әрекеттесу сұлбасына сәйкес жіберілді.

Жетісу облысында есірткі сатумен айналысқан ерлі-зайыпты ұсталды, – деп хабарлайды Polisia.kz сайты.

Талдықорғанда облыстық Есірткі қылмысына қарсы іс-қимыл басқармасының жедел қызметкерлері арнайы операция жүргізіп, кезекті есірткі сататын нүктені жойды. Полицейлер есірткі саудасына күдікті ерлі-зайыптыны ұстады. 

«Ерлі-зайыптылар өсімдік тектес есірткі заттарын тарату және сату фактісіне қатысы бар деп күдікке ілінді. Ерлі-зайыптылардың екеуі де жалпы салмағы шамамен 10 грамм болатын гашиштің екі дозасын сату кезінде ұсталды. Фактілер бойынша тергеу амалдары жүргізіліп жатыр. Күдіктілер қамауда отыр», – деді Жетісу облысы ПД ЕҚҚІБ бастығы Мұрат Жұмабаев. 

Жыл басынан бері өңірде заңсыз айналымнан 23 келі түрлі есірткі тәркіленді. Есірткі саудасына  қатысы бар 8 күдікті ұсталды.

Түркиядағы жер сілкінісі салдарынан болған экономикалық шығын 100 миллиард доллардан асады деп болжануда. Бұл туралы Түркиядағы БҰҰ Даму Бағдарламасының Тұрақты Өкілі Луиза Винтон хабарлады.

Винтон Түркиядағы апат аймағының 2,7 миллион тұрғыны көшірілгенін, сондай-ақ, 600 мыңға жуық ғимарат қирағанын атап өтті.

«Бүгінгі күнде табиғи апаттан болған шығын мөлшері 100 миллиард доллардан асады деп болжануда», – деді Винтон.