Жаңалықтар

Алматыда Бибігүл Төлегенова атындағы XIII Халықаралық вокалистер  конкурсының жеңімпаздары анықталып, Жамбыл атындағы Қазақ мемлекеттік филармониясында марапатталды.

Марапатқа ие болу үшін Қазақстан, Армения, Ресей, Өзбекстан, Қырғызстан, Моңғолия, сондай-ақ Италияда жұмыс істейтін Украина мен Қазақстанның жас таланттары бақ сынады. 52 орындаушының ішінен ақтық кезеңге 17 қатысушы өтті. Бибігүл Төлегеновның өзі бастаған қазылар алқасы үздіктерді таңдады.

Биылғы жылдың бас жүлдесі (Гран-при) мен 5 400 000 теңге сыйақыны Мәскеуден келген Софья Сакания иеленді. Ол Бақытжан Байқадамұлының «Сүйген сәулем» әнін әсерлі орындаған.

«Мұндай ауқымды байқауда жеңіске жеткеніме қуаныштымын. Шыны керек, жеңімпаз атанамын деп ойлаған жоқпын. Өйткені, бәсеке өте жоғары болды. Бұл конкрусқа...

Белгісіз адам Англияның Манчестер қаласындағы синагогаға келушілерді көлікпен қағып, пышақпен шабуыл жасады. Шабуыл Йом-Киппур мерекесі кезінде болған. Екі адам қаза тапты.

Манчестердегі Хитон Парк синагогасының жанында 2 қазан күні таңертең белгісіз ер адам көлікпен адамдарды қағып, кейіннен оларға пышақ ала жүгірген. Бұл туралы қалалық полиция куәгерлерге сілтеме жасап хабарлады.

Оқиға еврейлердің басты мерекелерінің бірі – Йом-Киппур кезінде болған. Шабуыл нәтижесінде екі адам қаза тапты. Тағы үшеуі ауыр жағдайда. Полиция шабуыл кезінде синагогада «көптеген адамдар» болғанын атап өтті.

Шабуыл жасаған адамда полиция оқ жаудырғаннан кейін қайтыс болған. Полиция оқиға орнын жарылғыш құрылғыларды залалсыздандыру бөлімі жұмыс істегенін хабарлады.

Ұлыбритания Премьер-министр...

«Самұрық-Энерго» өз портфелінен «Бұқтырма гидроэлектростанциясы» компаниясының 96,32% акциясын шығарып тастады. Бұл туралы энергетикалық холдинг Қазақстан қор биржасында (KASE) хабарлады.

Оқиға 2025 жылдың 26 қыркүйегінде орын алған. Бұған дейін «Самұрық-Қазына» қорының еншілес компаниясы «Бұқтырма гидроэлектростанциясының» 15 млн жай акциясына (96,32%) және 3,7% ерекше акцияларына иелік еткен.

«Самұрық-Энерго» компаниясы Kursiv.Media-ға берген ақпаратқа сүйенсек, Бұқтырма станциясы іс жүзінде компанияның меншігінде қалған. Алайда холдингтің еншілес құрылымы — Qazaq Green Power PLC-ге берілгені туралы хабарлады.

Ақпан айында «Самұрық-Энерго» компаниясы «АЭС Шүлбі ГЭС» компаниясының 100% үлесіне иелік етуін тоқтатып, оны да Qazaq Green Power-ге берген.

Айта кетейік, «Бұқтырма ГЭС»-нің белгіленген қуаты 675 МВт, орташа жылды...

Қазақстанға ресми сапармен келген Мажарстан президент Тамаш Шуйок мажарлықтардың Қазақстанмен байланысы ертеден келе жатқанын және олардың шығыстағы түп тарихына қызығушылығы жоғары екенін атап өтті.

«Халықтарымыздың сан ғасырдан бері жалғасқан байланысының тіні берік екенін ұдайы байқап жүрміз. Мажарлықтар өздерінің шығыстағы түп тарихына әрдайым қызығушылықпен қарайды. Сондықтан еліміз Шығыс пен Батыс, Орталық Азия мен Орталық Еуропа арасындағы алтын көпір ретінде миссиясын үнемі атқарып келеді. Президент мырза атап өткендей, 2014 жылы Стратегиялық серіктестік туралы келісімге қол қойылып, бұл қарым-қатынасымыздың негізін қалады», – деді Мажарстан президенті.

Ал Қазақстан президент Қасым-Жомарт Тоқаев екі ел арасында экономикалық байланысқа баса назар...

SCAT Airlines 2026 жылы көктемде Латвияға ұша бастайды. Бұл туралы көлік министрлігі хабарлады.

Бұл туралы Қазақстан – Латвия бизнес-форумында айтылды.

«Қазақстаннан жүктерді Латвияның Рига, Вентспилс және Лиепа порттары арқылы транзитпен экспорттау Орталық Азия мен Еуропа арасындағы логистикалық желіде шешуші рөл атқарады. Әуе қатынасын кеңейту мәселелеріне ерекше назар аударылды», – делінген ақпаратта.

Бұл жолаушылар тасымалын жеңілдетіп, іскерлік және мәдени байланыстарды нығайтады деп жоспарланып отыр.

Айта кетейік, SCAT әуекомпаниясы Астанадан Сербия астанасы Белградқа тікелей рейстерін ашады. Ресми ақпаратқа сәйкес, рейс 2025 жылдың 3 қарашасынан бастап ашылады.

Астана-Белград-Астана рейстері дүйсенбі және бейсенбі күндері орындалады.

Шымкент қаласы әкімінің бұрынғы орынбасары Руслан Берденовке 5 рет оқ атып, жаралаған Ернар Жиембайға қатысты үкімге келіспей, екі тарап та апелляциялық шағым түсірді. Бұл туралы қалалық соттың баспасөз қызметі хабарлады. Баспасөз қызметі Kursiv.Media-ға іс 8 қазан күні сағат 12:00-де қаралатынын мәлім етті.

Сот кабинеті жүйесіндегі мәліметке қарағанда, аталған қылмыстық іс бойынша 2-қыркүйектен 11-қыркүйек аралығында 5 апелляциялық шағым тіркелген. Бірақ оны кімдер неге түсіргені туралы ақпарат жарияланбаған. Қалалық соттың баспасөз қызметі қаралмаған іс бойынша мәлімет берілмейтінін жеткізді.

Айта кетейік, 21 сәуір күні қала әкімдігі ғимаратының маңында қалалық тұрғын үй басқармасына қарасты «Тұрғын үй құрылыс» ЖШС-ның бұрынғы басшысы 31 жастағы Ернар Жиембай...

«Қайрат» клубының бұрынғы шабуылшысы Андрей Аршавин Көк базарда, көпшілікке таңсық сән салонында шашын қысқартты. Ол Алматыға жергілікті команданың «Реал Мадридке» қарсы ойынын көруге келген.

Әлеуметтік желілерде Аршавиннің көпшілік біле бермейтін салонға кіріп, шаш үлгісін жергілікті шеберге сеніп тапсырғаны туралы видео тарады. Желі қолданушылар футболшының қарапайым таңдауына таңдай қағысты.

Көпшілік енді бұл салонға келушілер көбейеді десті. «Қарапайым жігіт. Мақтанқұмар емес», «Шебердің жолы болды. Енді жұрттың бәрі осында ағылады», – деп жазып жатыр жұрт.

Қазақстан жасанды интеллектіге маманданған университет ашу кезінде БАӘ-ге сүйенеді. Олардың әлемдегі алғашқы IT университет құрудағы тәжірибесі өзекті. Бұл туралы Ақордада Тоқаев пен БАӘ-нің жасанды интеллект, цифрлық экономика және қашықтан жұмыс істеу мәселелері жөніндегі мемлекеттік министрі Омар Әл-Оламамен кездесуінде айтылды.

Президент БАӘ жасанды интеллект технологияларын қолдану және дамыту ісінде әлемдік көшбасшы саналатынын айтты. Сонымен қатар бірлескен күш-жігердің арқасында ІТ секторында бірқатар маңызды жобалар іске асырылғанына тоқталып, әріптестікті одан әрі нығайтуға ниет танытты.

Кездесуде Smart City бірлескен жобасына ерекше мән берілді. Бүгінде бұл жұмыс бекітілген жоспарға сәйкес жүргізіліп жатыр.

Еске салайық, 1 қазанда Тоқаев жасанды интеллект (ЖИ) саласында мамандар даярлайтын мамандандырылған зерттеу...

Бүгін, 2-қазанда Астанада Digital Bridge 2025 халықаралық технологиялық форумы басталды. Ауқымды форумның алғашқы пленарлық отырысына Мемлекет басшысы Қасым-Жомарт Тоқаевтың өзі қатысып, маңызды мәлімдемелер жасады.

Президент сөз басында «Digital Bridge» өте маңызды пікір алмасу алаңына айналғанын, әрі мұнда жаһандық өзгерістер мен цифрлық экономиканың болашағы туралы өзекті ойлар айтылатынын атап өтті. Жалпы форум жұмысына 67 мыңнан астам адам, 500-ден аса ІТ-компания және 100 елдің өкілі қатысқан.

Жасанды интеллект бейбіт мақсатта ғана қолданылуға тиіс

Сондай-ақ Тоқаев жасанды интеллектіні бейбіт мақсатта ғана қолданылу керектігіне айрықша тоқталды. Өйткені отыз жылдан астам уақыт бұрын Қазақстан бейбітшілік пен қауіпсіздік жолын таңдап, ядролы...

Мажарстан Президенті Тамаш Шуйок Қазақстан Президенті Қасым-Жомарт Тоқаевтың шақыруымен ресми сапармен Астанаға келді. Бұл туралы Ақорда хабарлады.

Дәстүр бойынша Ақорданың салтанатты залында құрмет қарауылы сап түзеп, мәртебелі мейманды қарсы алды. Екі елдің көшбасшылары бір-біріне ресми делегация мүшелерін таныстырды. Одан кейін құрмет қарауылы ротасының бастығы рапорт беріп, Президенттік оркестр Қазақстан мен Венгрияның мемлекеттік гимндерін орындады.

Салтанатты рәсімнен соң Қасым-Жомарт Тоқаев пен Тамаш Шуйок кілем жолымен Қазақстан Республикасының Мемлекеттік туына қарай жүріп өтті.

Бұған дейін хабарланғандай, Венгрия Президентінің Қазақстанға ресми сапары аясында екі мемлекет басшылары келіссөздер өткізеді.

Қаржы мониторингі агенттігі жалған стоматологиялық клиникалардың иелерін іздестіріп жатыр. Іздеуде жүргендер:

Дуйсенов Аслан Қамбарұлы, 01.04.1992 ж.т.

Иманбаев Габбас, 18.05.1998 ж.т.

Елешев Есимхан Баяндиевич, 11.09.1987 ж.т.

«Олар БЖЗҚ-дан 46 млрд теңгеден астам қаражатты заңсыз шығару мақсатында қылмыстық схемаларды ұйымдастырды деген күдікке ілінген. Бұл мақсатта олар тіс емдеу қызметі көрсетілгендей жалған медициналық құжаттарды рәсімдеген», – делінген ақпаратта.

Үшеуі Маңғыстау және Атырау облыстарындағы 7 стоматологиялық клиниканы пайдаланған. Алайда мекемелер ешқандай медициналық қызмет көрсетпеген.

Үш азаматқа да бұлтартпау шарасы ретінде қамауға алу қолданылды. Ішінде Дүйсенов бұрын полиция қызметкері болған, алайда жұмыстан шығарылған. 2016 жылы ол Қылмыстық кодекстің 105-бабы...

Бүгін Тоқаев Астанада Alem.AI жұмысын бастайтынын жариялады. Ол – Қазақстандағы тұңғыш жасанды орталық. Жаңа орын үшін осы жылы жазда ЭКСПО-ның «Нұр Әлем» атты ғимаратын жауып тастап, жөндеу жұмысын жүргізді. Енді 2 қазанда Alem.AI ретінде есігін қайта ашты. Kursiv.Media ел тарихындағы алғашқы жасанды интеллект орталығынан фоторепораж ұсынады.

«Нұр Әлем» павильоны – Орталық Азиядағы шар іспетті, ең күрделі құрылымдағы ғимарат деп саналады. Оның жобасымен айналысқан америкалық мамандар бұған дейін Дубайдағы ең биік Бурдж-Халифа мұнарасын жасаған.

«Alem-AI үшін бұл ғимаратты таңдап алу бекер емес. Ол өзі де күрделі, гибридті, бірнеше қызметті қатар атқаратын орталық. Бұл жерде қоғамдық жиындар...

Тұтыну бағасының индексі бір айда 1,1%-ға, ал жылдық көрсеткіші 12,9%-ға дейін өсті. Қазақстан қаржыгерлер қауымдастығы инфляция артқан сайын Ұлттық банк (ҰБ) ақша-несие саясатын қатайта беретінін ескертті.

1 қазанда өткен айдың тауар мен қызмет бағасына қатысты мәлімет жарияланды. Тұтыну бағасының индексі қыркүйекте 1,1%-ға, ал бір жылдағы бағасы көрсеткіші 12,9%-ға дейін өскен. Тамыз айында мұндай жылдық көрсеткіш 12,2% еді. Осылайша, теңге активтерінің тартымдылығы төмендеді.

Қауымдастық Қазақстанда инфляция артқан сайын қаржы нарығын қадағалаушы басты мекеме – Ұлттық банк ақша-несие саясатын қатайта беретінін ескертіп өтті.

Қаржы нарығында сауда 396,5 млрд теңге (-191 млрд) болды. Бұл уақытта Ұлттық банктің депозитті аукционында сұраныс 1,3 трлн...

Энергетика министрі Ерлан Ақкенженов 2026 жылы Қазақстан 90 млн тонна мұнай өндіреді десе, «ҚазМұнайГаз» төрағасы Асхат Хасенов ұзақ мерзімде ел қара алтын өндірісін жылына 100 млн тоннаға жеткізетініне сенімді.

Хасенов: Қазақстан 100 млн тоннадан жоғары мұнай өндіреді

«ҚазМұнайГаз» ұлттық компаниясының («Самұрық-Қазына» қорының еншілесі) басқарма төрағасы Асхат Хасенов мұнай өндірісі ұзақ мерзімді перспективада жылына 100 млн тоннадан жоғары деңгейде тұрақтайтынын мәлімдеді.

«Қазастан үкіметінің қолдауымен мұнай өндіру көлемі 100 млн тоннадан асатын деңгейде сақталады. Сонымен қатар жаңа геологиялық мүмкіндіктерді игеру бағытында жұмыстар жалғасады», – деді Хасенов Kazakhstan Energy Week-2025 форумында.

Оны...

Ұлттық экономика министрлігі табиғи сипаттағы төтенше жағдайлардан зардап шеккен шағын және орта бизнес субъектілерінің мүліктік шығынын өтеу қағидасын бекітті. Құжат 11 қазаннан бастап күшіне енеді.

Ережеге сәйкес зардап шеккен кәсіпкерлерді есепке алуды әкімдіктер жанындағы өңірлік комиссия жүзеге асырады. Оларға төмендегідей функциялар жүктелген:

Бекітілген қағидаға сәйкес, жоғалған мүліктің, оның ішінде ғимараттың, автокөліктің, жабдықтың, тауарлық-материалдық құны, сондай-ақ қалпына келтіру жұмыстарына арналған шығын өтелуге тиіс. Егер мүлік заңнамаға сәйкес сақтандырылған жағдайда, бұл ереже жүрмейді.

10 млн теңгеге дейін залал үшін өтемақы мемлекеттік...

Қазақстанда GetContact қосымшасы қайтадан жұмыс істей бастады. Қосымшаны AppStore мен PlayMarket-тен жүктеп алуға болады.

Бұл қосымша елімізде алғаш рет 2017 жылы кеңінен танымал болды. Сол кезде қазақстандықтар оны жаппай орнатып, тіпті премиум-жазылым сатып ала бастады. GetContact-тың басты ерекшелігі: қажетсіз қоңырауларды бұғаттай алады әрі қолданушыға басқа адамдардың телефон кітапшасында қалай сақталғанын көрсету мүмкіндігі бар. Осы функциясы үшін қосымша ерекше танымалдыққа ие болған еді.

Алайда 2018 жылы Ақпарат министрлігі GetContact қосымшасын бұғаттау туралы шешім қабылдады. Ведомствоның ресми мәлімдемесінде қосымша «Жеке деректер және оларды қорғау туралы» заңды бұзғаны айтылған болатын.

Енді міне, бірнеше жыл өткен соң қосымша қайтадан қолжетімді болып отыр. Қолданушылар оны...

Қарағандыда полицейге қатысы бар оқиғаға байланысты жаңа дерек шықты. Бұған дейін полиция пунктінен жалаңаш әйелдің мәйіті табылған. Оқиға орнында ес-түссіз жатқан полиция қызметкері медициналық мекемеге жеткізілген.

Полицияның хабарлауынша, әйелдің денесінде зорлық-зомбылық ізі жоқ. Сондай-ақ оқиға орнында қан ізі болмаған.

Ал химия-токсикологиялық сараптама нәтижесі тергеу мүддесіне байланысты жарияланбайды.

Ал ес-түссіз күйде табылған полиция майоры әлі жансақтау бөлімінде жатыр.

«Өте ауыр жағдайда жатыр. Ол жансақтау бөлімінде жасанды тыныс алу аппаратына қосылған», – деп хабарлады облыстың денсаулық сақтау басқармасы.

Сенатор Геннадий Шиповских премьер-министрге депутаттық сауал жолдап, Республикалық психиатриялық аурухананың сын көтермейтін жағдайына назар аударды.

Бұл диспансер – аса ауыр қылмыс жасаған психикалық ауытқуы бар адамдарды мәжбүрлеп емдейтін жалғыз орталық. Ол Алматы облысы Талғар ауданына қарасты Ақтас ауылында орналасқан.

Сенатор сауалды үкімет басшысы Олжас Бектеновке жолдады. Депутаттың айтуынша, аурухананың қазіргі жағдайы науқастарға ғана емес, тұтас қоғамға да қауіп төндіреді.

«Мұнда террористік және экстремистік ұйымдардың қатысушылары, шетелдегі соғысқа қатысқандар, кісі өлтірушілер, каннибалдар, педофилдер және өзге де аса ауыр қылмыс жасағандар мәжбүрлі түрде емделіп жатыр», – дейді Шиповских.

inDrive негізін қалаушы Арсен Томский Қазақстанда цифрлық жобаларға инвестиция салуға дайын. Бұл туралы ол Еңбек және халықты әлеуметтік қорғау министрі Светлана Жақыповамен кездесуінде айтқан.

Арсен Томскийдың айтуынша, компания әсіресе жасанды интеллектке негізделген шешімдерге қызығушылық танытып отыр. Сондай-ақ тараптар платформалық жұмыспен қамтуды дамыту және цифрлық құралдарды енгізу мәселелерін талқылады.

Светлана Жақыпова такси жүргізушілері мен курьерлердің мәртебесіне қатысты Салық кодексіндегі өзгерістер олардың әлеуметтік қорғалуын күшейтуге бағытталғанын атап өтті.

Министр ведомствоның бастамаларына да тоқталды. Олардың қатарында «Цифрлық отбасы картасы», «Цифрлық кәсіпорындар картасы» және отбасылардың әл-ауқат деңгейін бағалауға арналған скорингтік жүйе бар.

Кездесу соңында тараптар мемлекет пен бизнестің әріптестігін нығайту мәселесін...

Шымкентте пара алған тергеушіге сот үкімі шықты. Ол қылмыстық іс бойынша қорғалуға құқығы бар адамнан 600 мың теңге алып жатқан жерінен ұсталған. Сотталушы кінәсін мойындаған.

Шымкент қаласының қылмыстық істер жөніндегі ауданаралық соты 25 жастағы полиция қызметкеріне үкім шығарды. Айыпталушы Қылмыстық кодекстің «Алаяқтық» бабымен кінәлі деп танылды.

«Тойлыбай Айзат Бауыржанұлы Қылмыстық кодекстің 24-бабы 3-бөлігі, 190-бабы 3- бөлігі 2-тармағымен қылмыстық құқық бұзушылықты жасағаны бойынша кінәлі деп танылсын. Оған мемлекеттік қызметте лауазымдарды атқару құқығынан өмір бойына айыра отырып, 2 жыл 7 ай 15 күнге бас бостандығынан айыру, жазасын қылмыстық атқару жүйесінің орташа қауіпсіз мекемелерінде өтеу тағайындалсын»,– делінген сот...

Сенат депутаты Дархан Қыдырәлі музыкалық аспап жасайтын шеберлерді қолдау қажеттігін көтеріп, премьер-министр Олжас Бектеновтің атына сауал жолдады.

Депутат домбыра күні енгізіліп, мектепте домбыра пәні оқытыла бастағанымен, сол домбыраны жасаушылар мемлекет назарынан тыс қалып қойғанын атап өтті.

«Филармониялар, этно-ансамбльдер мен оркестрлері – бәрі шебердің еңбегіне сүйенеді. Алайда олар «жай қолөнерші» деген кең категорияның көлеңкесінде марапат пен қолдаудан қалып келді. Бұл тұрғыда олар – ұлттық дыбыстың сақшылары, мәдени қауіпсіздіктің кепілі», – деді Дархан Қыдырәлі. 

Сенатор шеберлік – тек ағаш өңдеу емес, ғылыми-эксперименттік процесс екенін айтады.

«Аспаптың мензурасы, қуысы, қалыңдығы, ішек материалы, лак пен желімн...

Алматыда Bek Air Fokker-100 ұшағы апатына байланысты сот өтіп жатыр. Апат 2019 жылдың 27 желтоқсанында болған. Салдарынан 12 адам қаза тапты.

Тергеу бес жылдан аса уақытқа созылды. 2025 жылдың 2 қазанындағы сот отырысына куә ретінде апат болған уақытта Qazaq Air әуекомпаниясында екінші ұшқыш болып жұмыс істеген Михаил Шумаков қатысты.

Шумаков 2019 жылдың 27 желтоқсанында таңғы рейсті орындау үшін Алматы әуежайында болған. Ұшақ Qazaq Air тұрағында тұрған. Қарама-қарсы жерде Bek Air ұшақтары болған.

«Әуежайға таңғы алты шамасында келдім. Сағат жетіде ұшуымыз керек еді. Қарама-қарсы тұрған ұшақтың ұшуға дайындалып жатқанын көрдік. Өзіміз де кәсіби міндетімізді атқарып, ұшуға дайындалып жатты...

UFC-дің бұрынғы чемпионы Конор Макгрегор ұйым басшылығымен Ақ үй аумағында өтетін турнирге қатысуға келіскенін жариялады.

«Келісім жасалды, қол қойылды. Макгрегор Америка тәуелсіздігінің 250 жылдығында Ақ үйде жекпе-жекке шығады», – деді ирландиялық спортшы Fox News телеарнасына берген сұхбатында.

АҚШ президенті Дональд Трамп шілде айында UFC турнирін Ақ үйде өткізу жоспарын жариялаған еді. Оның айтуынша, ивент 2026 жылдың 4 шілдесінде АҚШ Тәуелсіздік декларациясының 250 жылдығына арналады.

Бұл хабардан кейін Макгрегор мансабын қайта жалғастыруға шешім қабылдағанын мәлімдеді. Дегенмен UFC президенті Дана Уайт нақты қатысушылардың есімі тек келесі жылы талқыланатынын атап өтті.

Әзірге UFC ресми түрде...

Депутат орынтағы қанша тұрғанын Қырғызстан президенті Садыр Жапаров ашық мәлімдеді. Ол бұдан кейін бұл саудаға жол бермейтінін жеткізді.

Қырғызстандағы жаңа сайлау туралы заңның таза әрі ашық сайлау өткізуге мүмкіндік жасайтынын айтты.

24 kg ақпаратына қарағанда, бұл туралы ол «Кабар» агенттігіне берген сұхбатында мәлімдеді.

Оның сөзінше, бұрын Жогорку Кенештегі депутат орынтағы 100 мыңнан бастап 1 миллион АҚШ долларына дейін сатылып келген. Президент енді орындардың сатылмайтынын жеткізді.

«Бұдан былай әрбір кандидат тек өзінің абырой-беделі мен халық сенімінің арқасында күреседі», – деп атап өтті Садыр Жапаров.

Президенттің айтуынша, республика 30 округке бөлінген. Әрқайсынан үш депутат сайланады. Сонымен...