Жаңалықтар

Қазақстанның электр желілері операторы «KEGOC» шілде айының басында Маңғыстау атом электр станциясының апатты тоқтау себебін атады. Компанияның «Курсивке» берген жауабында жабдықтың тозуы төтенше жағдайға әкелгені туралы айтылады.

Дегенмен «KEGOC» АҚ-ның релейлік қорғанысы мен авариялық автоматикасының қалыпты жұмыс істегенінің арқасында Маңғыстау және Атырау энергетикалық орталықтары толық тоқтап қалмаған.

«KEGOC қызметкерлерінің келісілген іс-әрекеті қысқа мерзімде қалыпты жұмыс схемасын қалпына келтіруге мүмкіндік берді. Бір сағаттан аз уақыт ішінде Атырау энергетикалық орталығы Қазақстанның БЭЖ Батыс аймағымен, сәл кейінірек Маңғыстаумен синхрондалды», делінген хабарламада.

Бұл апат жұмыс істеп тұрған электр станцияларын жаңғырту және реконструкциялау қажеттігін көрсетті. Сондай-ақ апат...

Қаржы нарығын реттеу және дамыту агенттігі электронды тәсірмен микрокредит беру талаптарына өзгеріс енгізеді. «Электрондық тәсілмен микрокредиттер беру қағидаларын бекіту туралы» Қазақстан Республикасы Ұлттық Банкі Басқармасының 2019 жылғы 28 қарашадағы № 217 қаулысына өзгерістер енгізу туралы Қаулысы жария талқылауға шықты.

Құжатқа сәйкес, микроқаржы ұйымдары микрокредиттер беруді автоматтандыратын ақпараттық жүйені қолдануы тиіс. Сонымен қатар, осы ақпараттық жүйе арқылы клиенттер биометрикалық идентификаттаудан өтуі тиіс

«Клиентті жеке кабинетте тіркеу Қағидалардың 35-тармағында көрсетілген бірдейлендірудің кемінде екі әдісін қолдана отырып жүзеге асырылады, олардың бірі биометриялық идентификаттау болып табылады», делінген құжатта.

Ондағы мақсат микрокредитті алаяқтық жолмен ресімдеу мүмкіндігін төмендету.

«Қарыз алушыға...

ҚМА Алматы қаласы бойынша департаменті «Sincere System Group» (S-Group) компаниясының өкілдеріне қатысты қаржы пирамидаcын құрып, оны басқарды деген күдікпен сотқа дейінгі тергеуді бастады, деп хабарлайды агенттіктің баспасөз қызметі.

Агенттік қызметкерлері белсенді азаматтардың қатысуымен компанияның қызметін ерте кезеңде анықтап, жұмысын тоқтатқан. Нәтижесінде алданған инвесторлардың санын азайтуға мүмкіндік туған.

Қаржы пирамидасының схемасы мынадай: S-Group компаниясының өкілдері салымшыларға айына 6%-дан 8%-ға дейін немесе жылына 70%-дан астам жоғары кірістілікке уәде берген. Ол үшін салымшылар депозиттің ең төменгі сомасын енгізуі тиіс болған. Ол 100 долларды құрайды.

Сондай-ақ, басқа салымшыларды тартқан жағдайда соманың 5 пайызы көлемінде кепілдендірілген кіріс қарастырылған. Бұл ретте клиенттерге ақшаны қабылдау фактісін растайтын...

Елімізде қатты пайдалы қазбаларды игеруге арналған алғашқы электронды аукцион тамызда өткізіледі. Бұл жайлы ҚР ИИДМ баспасөз қызметі хабарлады.

1-ші тамызда E-Qazyna.kz платформасында қатты пайдалы қазбаларды (ҚПҚ) барлауға құқық беретін еліміздегі алғашқы электронды аукцион ұйымдастырылады. Осыған дейін пайдалы қазбалар бойынша мұндай форматта аукцион өткізілмеген. Сондай-ақ бұл аукцион осы салаға жауапты орган ҚР Индустрия және инфрақұрылымдық даму министрлігінің алғашқы тәжірибесі болмақ.

«Еліміздің минералды-шикізат базасын толықтыруға арналған сауданы ұйымдастыру үшін ауқымды жұмыс жүргізіліп, оны өткізудің ережелері жан-жақты қаралып, тетігі әзірленді. Барлық учаске туралы ақпарат Қазақстан картасында көрнекіленіп, сондай-ақ статистикалық мәлімет пен басқа да деректер блогы қарастырылған. Электронды аукцион...

«Ата жолы» картасын «Құтты мекен» қосымшасынан алуға болады. Бұл туралы Еңбек және халықты әлеуметтік қорғау министрлігінен хабарлады.

«Ата жолы» картасы – этникалық қазақтарға елімізде бизнес-кейстерін іске асыруға және елде тапшы мамандардың қызмет етуіне берілетін құжат. Карта иелеріне өзге елдегі азаматтықтарын сақтай отырып, республика аумағында 10 жылғы дейін тұрақты тұруға рұқсат беріледі. Бұл құжатты «Құтты мекен» мобильді қосымшасында өтініш беру немесе Қазақстан елшілігіне жүгіну арқылы алуға болады.

«Құтты мекен» мобильді қосымшасы қалай жұмыс істейді?

Құжатты алу үшін «Құтты мекен» мобильді қосымшасына тіркелгеннен кейін өтінім бес жұмыс күні ішінде қаралады, содан кейін әлеуметтік қорғау және халықты жұмыспен қамту саласындағы жергілікті атқарушы...

Алматының Алатау ауданы, «14-ші аумақ» шағын ауданында инженерлік инфрақұрылымды жетілдіру үшін қала бюджетінен 2,7 млрд теңге бөлінген. Бұл жайлы Алатау ауданының тұрғындарымен кездесуінде қала әкімі Ерболат Досаев айтты.

«Соңғы 7 жылдың ішінде «14-ші аумақ» шағын ауданындағы аяқталмаған инженерлік желілердің құрылысы өзекті мәселелердің бірі болды. Алматы қаласы прокуратурасының ұсынуы негізінде мен төтенше жағдайлар желісі бойынша құрылыс жұмыстарын аяқтау туралы шешім қабылдадым. Ол үшін бюджеттен 2,7 млрд теңге бөлінді. Маусым айынан бастап 14 көше бойынша инженерлік желілерді төсеу жұмыстары жүргізілуде, оның ішінде желілердің құрылысы аяқталып қойған 3 көшеде жаңа жолдар салынып жатыр», деді қала басшысы.

Фото: kursiv.media

Қазақстан Үкіметі Көлеңкелі экономикаға қарсы іс-қимыл жөніндегі іс-шаралардың 2023-2025 жылдарға арналған кешенді жоспарын бекітті. Жоспар бойынша Үкімет көтерме және бөлшек саудадағы көлеңкелі айналымды 5%-ға дейін төмендетуді көздеп отыр.

Көлеңкелі экономикаға қарсы іс-қимыл жөніндегі іс-шаралардың 2023-2025 жылдарға арналған кешенді жоспары ҚР Қаржылық мониторинг агенттігі мүдделі мемлекеттік органдармен бірлесіп әзірленген. Құжатқа Премьер-Министр Әлихан Смайылов қол қойды.

«2025 жылға қарай көтерме және бөлшек саудадағы көлеңкелі айналымды 5%-ға дейін төмендету жоспарланып отыр. 2022 жылы бұл көрсеткіш 6,7%-ды құрады. Көлік және қоймалау саласында 2,4% көрсеткішке қол жеткізу жоспарланған. 2022 жылы бұл көрсеткіш 3,2% құрады. Жоспарды іске асыру бейресми жұмыспен...

Өзбекстан халқының саны 36 млн 372,3 мың адамды құрады, бұл 2022 жылдың сәйкес кезеңімен салыстырғанда 2,2 пайызға өсті, деп хабарлайды Өзбекстанның статистика агенттігі.

Халықтың жалпы санынан қалаларда 18 млн 557,5 мың адам, ал ауылдық жерлерде-17 млн 815,8 мың адам тұрады.

Әйелдер саны 18 066,0 мың, ал ерлер саны — 18 306,3 мың.

Сарапшылардың пікірінше, Өзбекстан халқы 2035 жылға қарай 45 миллионға дейін өседі.

Алматыда негізгі магистральдардағы жол жөндеу жұмыстары кестеге сәйкес жүргізіледі және оқу жылы басталғанға дейін аяқталады. Бұл туралы Алматы қаласының баспасөз қызметі хабарлады.

Қазіргі таңда әл-Фараби даңғылының оңтүстік жағындағы Торайғыров көшесінен Достық даңғылына дейінгі, Достықтан Есентай өзеніндегі көпірге дейінгі аумақта полимерлі асфальтбетон төсеу жұмыстары аяқталды. Сейфуллин даңғылына бұрылыстарды жөндеуге дайындық жұмыстары қолға алынды. Даңғылдың оңтүстік жағында алдын ала бақылау жұмыстары аяқталды, шілде айының соңына дейін тұрақты жол таңбалары сызыла бастайды.

Абай даңғылында екі мердігер ұйым жұмыс істейді. Оңтүстік жағында жөндеу жұмысы аяқталып, Тілендиев көшесінен Есентай өзеніндегі көпірге дейінгі қозғалыс ашылды. Солтүстік жағында Достық даңғылынан Есентай өзеніндегі көпірге дейін полимерлі асфальтбетон жабыны...

Оқиға 21 шілде күні сағат 20:00 шамасында Деркөл ауылында болды. Абылайхан көшесінде орналасқан үйлердің бірінің ауласындағы көше дәретханасынан Ә. есімді кәмелетке толмаған 2021 жылғы қыздың мәйіті табылды. Бұл туралы polisia.kz телеграм каналына хабарлады.

Ол үйінің ауласында ойнап жүргенде ауладағы дәретхананың шұңқырына құлаған.

Қыздың дәретханаға құлап кеткенін көрген ойнап жүрген балалар дереу ата-анасына хабарлаған. Оқиға орнына жедел- жәрдем келгенімен, қыз бала жан тәсілім еткен. Оқиға орын алардан бұрын қыз бала қараусыз қалған.

Аталған факт СДБТ-ға жазатайым оқиға ретінде тіркелді.

Игорь Кимге тиесілі  «Сейф-Ломбард» ЖШС «Торғай Орталық Азия» серіктестігін сатып алды. Бұл туралы «Сейф Ломбард» ЖШС Қазақстан қор биржасына хабарлады.

«Облигациялары Қазақстан қор биржасының (KASE) ресми тізімінде тұрған «Сейф-Ломбард» ЖШС (Алматы) KASE-ге 2023 жылдың 24 шілдесінен бастап «Торғай Орталық Азия» ЖШС-нің 100% қатысу үлесіне ие болғандығы туралы хабарлады», делінген хабарламада.

Осылайша, ендігі жерде Игорь Ким иелік ететін «Сейф-Ломбард» ЖШС құрамында жеті компания бар. Олар: «Торғай Орталық Азия» ЖШС; «Сейф-Финанс» ЖШС (Ресей); «Seif Lombard» ЖШС (Өзбекстан); Cashdrive ltd (Қазақстан); «Seif car» ЖШС (Қазақстан); «Береке» микроқаржы ұйымы (Қазақстан); «Cashdrive kz» ЖШС (Қазақстан).

EGov мәліметтеріне сәйкес...

«Azzira’at Nurbak» ЖШС АЭА қатысушысы мәртебесін алды және құны 414 миллион теңге болатын жобаны жүзеге асыруды жоспарлап отыр. Жоба өкілдері құрылыс жұмыстарын 8 ай ішінде жүзеге асыруды жоспарлап отыр.

Кәсіпорын кептірілген жоңышқаны түйіршікте және бумада өндіретін болады. Бұршақ тұқымдас шөптерден алынған түйіршіктер (жоңышқа) – ұсақталған шөптен дайындалады. Бұл өсімдік жамылғысының ерте кезеңдерінде жиналған, кептірілген және кейіннен түйіршіктелген мал азығына арналған табиғи ақуызды-витаминді қоспа.

Шөпті түйіршіктер – жануарлар мен құстардың барлық түрлеріне арналған витамин және минералды заттардың қайнар көзі. Құрамында дәрумендер, аминқышқылдары, макро және микроэлементтер барлық түрлері кездеседі.

Бұл жобаны іске асыру Панфилов ауданындағы жақын елді мекендердің тұрғындарын жұмыспен қамтуға о...

Әлемдік нарықта асыл тастардың құны 2022 жылдың көктемінен бастап құлдырай бастады.

1 караттық гауһар тастардың әлемдік бағасы 2020 жылдың қарашасынан бері ең төменгі деңгейге жетті, деп хабарлайды «Ведомости» газеті.

«Салмағы 1 караттық асыл тастар жарты жылда 8,4%-ға және 2022 жылдың шілдесімен салыстырғанда 23,9%-ға арзандады. 3 караттық гауһар тастардың бағасы 2023 жылдың басынан бері 4,9%-ға, ал өткен жаздан бері 15,8%-ға арзандады. 0,5 караттық ең кішкентай тастар 2023 жылдың қаңтарынан бастап 10,2%-ға, 2022 жылдың шілдесінен бастап 23%-ға арзандады», – деп жазады басылым.

Әлемдік нарықтағы зергерлік бұйымдарға сұраныстың төмен болуына байланысты 2022 жылдың көктемінен бастап әлемдік нарықтағы асыл...

Судандағы қақтығыста кем дегенде 435 бала қаза тапты, 2 мыңнан астамы судан армиясы мен жедел әрекет ету күштері (арнайы күштер) арасындағы соғыс қимылдарынан зардап шекті. Бұл туралы Анадолу сайты хабарлады.

Мұндай деректерді БҰҰ Балалар қоры мәлімдеді.

«Қақтығыс кезінде кем дегенде 435 бала қаза тауып, 2 мыңнан астамы жарақат алды», – делінген хабарламада.

ЮНИСЕФ нақты көрсеткіш әлдеқайда жоғары болуы мүмкін екенін атап көрсетеді. Қордың мәліметінше, 14 миллионға жуық кәмелетке толмағандар шұғыл гуманитарлық көмекке мұқтаж.

Мұхтар Әблязовтың сыбайласы әрі ағасы Қуаныш Нұрғазин Қазақстанға оралды және Алматы әуежайында ұсталды. Бұл туралы Бас прокуратура хабарлады.

Ақпаратқа сәйкес, Қуаныш Нұрғазин Әблязов басқаратын «BSC» ЖШС-ның номиналды директоры.

«Әблязов және оның сыбайластары осы компанияны заңсыз несиелендіру арқылы БТА Банктен аса ірі көлемде қаражат жымқырған. Нұрғазин сотталушы бола тұра, ешқайда кетпеу туралы міндеттемесін бұза отырып, қылмыстық жауапкершіліктен жалтару мақсатында соттан жасырынған. 12 жыл бойы Литва аумағында жасырынып, сол жерде босқын мәртебесін алған» делінген хабарламада.

Ол өз еркімен Қазақстанға оралуға ниет білдіріпті. Ал, 24 шілдеде паспорттық бақылаудан өткеннен кейін ұсталып, уақытша ұстау изоляторына қамалды...

Goldman Sachs сарапшылары 2023 жылдың екінші жартысында мұнай нарығында сұраныс рекордтық деңгейге жетеді деп есептейді. Бұл Brent маркалы мұнай бағасының барреліне 86 долларға дейін өсуіне әкеледі, деп хабарлайды CNBC агенттігі.

«Біз жылдың екінші жартысында аталған нарықта айтарлықтай тапшылық болады деп болжаймыз, бұл үшінші тоқсанда күніне шамамен 2 миллион баррельге жетеді, өйткені сұраныс әдеттен тыс жоғары болады», – деді Goldman Sachs зерттеу бөлімінің басшысы Даан Стрювен.

Банктің болжамы бойынша, Brent маркалы мұнай барреліне 80 доллардан сәл асатын болса, жыл соңына дейін баға барреліне 86 долларға дейін қымбаттайды.

Әзірге эталондық марканың бағасы барреліне 81,6 доллар шамасында...

Халыққа жедел көмек көрсету мақсатында Telegram қосымшасында @Salyqbot сілтемесі арқылы жалпыға бірдей декларациялау мәселелері бойынша түсініктемелер алу үшін жаңа сервис әзірленді, деп хабарлайды Мемлекеттік кірістер комитетінің баспасөз қызметі.

«SalyqBot көмегімен азаматтер салық берешегінің бар немесе жоқ екендігі туралы мәліметтерді лезде біле алады. Көлік құралдарына салынатын салықты дербес есептеп, салықтарды уақтылы төлемегені үшін өсімпұл сомасын анықтай алады. Сонымен бірге өзекті анықтамалық ақпаратты білу, салық күнтізбесін пайдалану, түйінді сөздер бойынша салық және кеден заңнамалары бойынша пайдалы ақпарат алуға да болады, делінген хабарламада.

Ботқа тіркелу арқылы есептілікті берудің, салық төлеудің алдағы мерзімдері туралы еске салатын push-хабарламалар...

Әлемдегі екінші ірі спорт тауарларын өндіруші неміс adidas AG екінші тоқсанда кірісті жылдық 5% – ға қысқартты. Яғни 5,34 миллиард еуроға дейін. Бұл туралы компанияның баспасөз қызметі хабарлады.

Операциялық пайда сәуір-маусым айларында бір жыл бұрынғы 392 миллион еуродан 176 миллионға дейін төмендеді.

Аdidas AG басшылығы Yeezy брендінің қалған кроссовкаларының бұрын жарияланған сатылымының оң әсерін атап өтті. Компания өткен жылдың қазан айында музыкант Канье Уэстпен бірлесіп құрылған брендтің өнімдерін сатуды тоқтатты және антисемиттік мәлімдемелеріне байланысты Уэстпен серіктестік келісімін бұзды.

Adidas акциялары сейсенбіде Франкфурттағы сауда-саттықта 4% – ға қымбаттады. Компанияның нарықтық құны жыл басынан бері 42,6% – ға өсіп, 29,4 миллиард еуроға...

Фото: Ақорда

Бүгінде 2,5 мың сарбаздың несиесі кейінге шегерілді және әскери қызметін өтеген 1,5 мың жауынгерге жоғары оқу орындарында оқуға орын бөлінді. Бұл жайлы президенттің қабылдауында болған Қорғаныс министрі Руслан Жақсылықов айтты.

Министр мемлекет басшысына қорғаныс ведомствосының биылғы бірінші жартыжылдықта атқарған жұмыстарының қорытындысы жөнінде баяндама жасады.

«Бүгінде 2,5 мың сарбаздың несиесі кейінге шегерілді және әскери қызметін өтеген 1,5 мың жауынгерге жоғары оқу орындарында оқуға орын бөлінді. Жыл басынан бері мерзімді әскери қызметін өтеп, запасқа шығарылған 700-ге жуық сарбаз жүргізуші, механик, машинист, слесарь, аспаз және басқа да еңбек нарығында сұранысқа ие мамандықтар бойынша білім алды...

Фото: kursiv.media

Елімізде сақтандыру жағдайын реттеудің оңайлатылған тәртібі енгізіледі. ҚНРДА бектікен құжат «Ашық НҚА» порталында талқыланып жатыр.

Қаулы жобасына сәйкес сақтандыру жағдайларын реттеудің оңайлатылған тәртібі мен шарттары енгізіледі. Сонымен бірге мерзімдері де өзгеріп, әрбір жеке сақтандыру жағдайы бойынша сақтандыру сомасының шекті мөлшері бекітіледі.

«Сондай-ақ сақтандыру жағдайын реттеудің оңайлатылған тәртібімен «Сақтандыру жағдайын реттеудің оңайлатылған тәртібі» туралы декларацияның нысандары және оған қоса берілетін құжаттар мен мәліметтерді ресімдеуге қойылатын талаптар, сақтандырушының Көлік құралдарын қарап шығу және сақтандырушының сақтандыру төлемін жүзеге асыру тәртібі мен мерзімдері айқындалады», делінген құжатта.

Құжат 7 тамызға дейін талықлауда болады. Қаулы...

Ұлттық банк өткен жарты жылдықтағы қолма-қол шетел валютасын сату мен сатып алудың статистикасын жариялады.

Бірінші кредиттік бюро сарапшыларының дерегінше, бұл статистикаға сәйкес, осы мерзім арылығында қазақстандықтар тарапынан долларға деген сұраныс 1/4 азайған.

Ұлттық банктің дерегінше, 2023 жылдың алғашқы жартыжылдығында айырбастау пункттерінде АҚШ валютасын нетто сатып алу 656,9 млрд теңгені құрады. Бір жыл бұрын көрсеткіш 882,5 млрд теңгені құраған. Көрсеткіш жыл ішінде 25.6%-ды құрады.

Өңірлер бөлінісінде Алматы қаласында сұраныс өткен жылмен салыстырғанда екі есеге жуық төмендеген. 2022 жылы 327 млрд теңге болса, биыл 171,7 млрд теңгені құрады. Батыс Қазақстанда да екі еседен аса қысқарған, 2022 жылы...

Қазақстанның ауыл шаруашылығы тауарын өндірушілер дизель отынын ағымдағы бөлшек сауда бағасынан 14,8%-ға арзан сатып алатын болады, деп хабарлайды Энергетика министрлігің баспасөз қызметі.

«ҚР Энергетика министрлігі ҚР Ауыл шаруашылығы министрлігінің және жергілікті атқарушы органдардың өтінімдері негізінде 2023 жылғы күзгі жиын-терін жұмыстарын (КЖТЖ) жүргізу үшін ауыл шаруашылығы тауарын өндірушілерге (АШТӨ) 426 мың тонна дизель отынын бөлді», делінген баспасөз хабарламасында.

ҚР Энергетика министрлігі ұсынған баға тоннасына 284 мың теңгені құрайды. Мұнай өңдеу зауытының қақпасындағы баға 1 литр үшін 239 теңге болады. АШТӨ-ге дизель отынын жеткізетін өңірлік операторлардың жеткізу шығыстарына байланысты фермер үшін орташа баға 1 литрге...

2023 жылдың күзінен бастап Caspian Integrated Maritime Solutions (CIMS, ҚазМұнайГаз және Абу-Даби Порттарының (БАӘ) бірлескен кәсіпорны) сатып алған екі танкер Каспий теңізі арқылы жылына 800 мың тонна мұнай тасымалдайтын болады, деп хабарлайды «ҚазМұнайГаз» компаниясы.

«Ынтымақтастық аясында Caspian Integrated Maritime Solutions әрқайсысының дедвейті 8 мың тонна болатын екі танкер сатып алды, бір танкердің құны шамамен 15 миллион АҚШ долларын құрады. Биылғы күзде бұл танкерлер Каспий теңізіндегі Ақтау портына келіп, жұмыс істей бастайды. Ақтау-Баку бағыты бойынша сатып алынған екі танкердің тасымалдау мүмкіндігі жылына шамамен 800 мың тоннаны құрайды», деп хабарлады Курсивке ҚМГ баспасөз қызметі.

Бұл...

Мемлекеттік күзет қызметі тамыз айының басынан бастап тұңғыш Президент Нұрсұлтан Назарбаевтың қауіпсіздігіне жауапты болмайды. Тиісті Жарлыққа Қасым-Жомарт Тоқаев қол қойды.

«Қазақстан Республикасы Мемлекеттік күзет қызметі туралы ережені бекіту туралы» Қазақстан Республикасы Президентінің 2014 жылғы 4 мамырдағы № 814 Жарлығына өзгеріс енгізу туралы Жарлыққа Президент тарапынан 17 шілде күні қол қойылған.

Жарлық ресми жарияланғаннан кейін, 10 күн өткен соң күшіне енеді. Құжат номативті-құқықтық актілер банкінде 24-шілде күні жарияланған.

Бұған дейін жазғанымыздай, Мемлекеттік күзет қызметі туралы ереженің жаңа редакциясына берілген түсіндірме жазбада, мұндай өзгеріске – «Қазақстан Республикасы Тұңғыш Президенті – Елбасы туралы» Қазақстан Республикасы Конституциялық заңының күші жойылуы себеп...